ប្រវត្តិសាស្រ្ត ខ្មែរ: វត្ត ភ្នំសេរី -- ប៊ុត ប៊ុនតិញ

ឯកសារអានបន្ថែមរួមមាន៖

បញ្ហាវត្ត ភ្នំសេរី ឬ ទីតាំងបេះបោរ របស់ខ្មែរ សេរី នៅ សហរដ្ឋអាមេរិក Youtube

វត្តខ្មែរ ១៣០ វត្តនៅ អាមេរិក បដិសេធ មិនទទួលយក ប៊ុត ប៊ុនតិញ និង មូលហេតុបង្កើតវត្តថ្មី សុទ្ធសាធ នៅ ភ្នំសេរី

ស្រុកខ្មែរ៖ថ្ងៃនេះមានប្រតិកម្មតាម ហ្វេសប៊ុកប្រព័ន្ធពត៍មាន រាយប្រហាររាជរដ្ឋាភិបាល បន្ទាប់ពី មានការបញេញពត័មានរិះគន់ ប្រធានបក្ស សៅលិញ ថា មានស្រី លួចផឹកស្រា និង រៃលុយធ្វើចលនាប្រឆាំងរដ្ឋាភិបាល។ សង្ឃ ប៊ុត ប៊ុនតិញ ជា ស្ថាបនិក បក្ស កែប ឡី។ ដោយសារជំលោះក្តៅគគុក រវាង បក្ស រាំង សី និង បក្ស សុខា ធ្វើឲ្យបក្ស កែមឡឺ វិនាសរត់ចោលស្រុក..ហើយបច្ចុប្បន្ននេះ សង្ឃ ប៊ុត ប៊ុនតិញ ចុះចូលជាមួយ បក្ស រាំង សី ដល់ចឹងទៅ វាយធ្លាយចេញ ពត៍មាន ថា លោកសង្ឃ វៃស៊ច ផឹកស្រាក្នុងវត្ត...។ ជំលោះនេះ ដូចរឿង អ៊ុយក្រែន ដែល រុស្សី និង អឺរ៉ុប នាំគ្នា ញ៉ែទាក់ទងចុះឡើងៗ ចុងក្រោយបាន ទៅ អាមេរិក...តែសាម៉ីខ្លួនខូចខ្លួនអស់ លែង ក្រមុំ..៕

កំពុងមានការឈ្លោះគ្នាជាខ្កាំង រវាងខ្មែរនិង ខ្មែរ រឿង ព្រះតេជគុណ ប៊ុត ប៊ុនតិញប៊ុត កសាងវត្តសេរី ដើម្បី រៃថវិការ ធ្វើបាតុកម្ម ប្រឆាំងរដ្ឋាភិបាល។ ប៊ុនតិញ បំរើកងទ័ពហ្វុន ស៊ិនប៉ិច FUNCINPEC ប្រឆាំងគណបក្ស CPP. បន្ទាប់ បួសជា សង្ឈ ប្រឆាំង រដ្ឋាភិបាល FUNCINPEC and CPP រួចចូលបំរើ គណបក្សសង្រ្គោះជាតិ CNRP. ដោយសារបក្ស CNRP ត្រូវរំលាយពីបទក្បត់ជាតិ គេបំបែកបក្សជា ២ ឡើងវិញគឺ SRP and Human Rights Party ចំនួន ខ្មែរ១ក្រុមផ្សេងទៀត នៅរក្សាបក្ស CNRP ដដែល តែ មិនយក សម រង្សី ក៍មិនយក កឹម សុខា ដែរ គឺយកតែ សមាជិកបក្ស ដូច្នេះ គេរើសមេដឹកនាំបក្សថ្មី ដែល យក រ៉ុង ឈុន ធ្វើជាមេបក្ស ចំណុចនេះ គឺ ព្រះតេជគុណ ប៊ុត ប៊ុនតិញ ជាបក្សសង្រ្គោះជាតិថ្មី !។ ការបែកបក្សជាង ៣០ ទៅ ៤០ បក្ស ផង ការបែក សាសនាផង នាំចេញជា ការជេរគ្នា រឿងការបង្កើតវត្តសេរី គឺវត្តចលនាខ្មែរសេរី

ខ្មែរកណ្តាល កាន់សាសនាព្រះពុទ្ធនិកាយ ហិនយាន្ត ខ្មែរកម្ពុជាក្រោម កាន់ពុទ្ធសាសនានិកាយ មហាយាន្ត។ តើ ព្រះតេជគុណ ប៊ុត ប៊ុនតិញបង្កើតវត្តសេរីនេះ ជាសាសនាបែបណា? នេះហៅថា ការបែកបាក់សាសនា។ វត្តពុទ្ធសាសនា ឬ វត្តបក្ស? នេះជាការបែកបាក់សាសនា!

30 មករា 2018 ព្រះតេជគុណ ប៊ុត ប៊ុនតិញ ជាព្រះសង្ឃដែលហ៊ានប្រឆាំងនឹងរបបរបស់លោក ហ៊ុន សែនព្រះអង្គ ប៊ុត ប៊ុនតិញ បានបួសជាព្រះសង្ឃជិត១៨ឆ្នាំមកហើយ រហូតមកដល់ពេលនេះ។ ព្រះអង្គជាព្រះសង្ឃមួយអង្គដែលបានចេញមុខទាមទារសេរីភាព និងយុត្តិធម៌សង្គម។ ព្រះអង្គក៏ធ្លាប់បានធ្វើជាទាហានជិតមួយឆ្នាំ កាលពីឆ្នាំ១៩៩៨ ដែលពេលនោះព្រះអង្គជាទាហានរបស់គណបក្សហ៊្វុនស៊ិនប៉ិច ប្រឆាំងនឹងកម្លាំងរបស់លោកនាយករដ្ឋមន្រ្តី ហ៊ុន សែន។ ហើយជីវិតព្រះអង្គពេលបច្ចុប្បន្ននិងទៅអនាគតហាក់មិនឃ្លាតឆ្ងាយពីជីវិតនយោបាយនិងសង្គមកម្ពុជាឡើយ។‍

ភ្នំពេញ — ព្រះអង្គ ប៊ុត ប៊ុនតិញ ជាព្រះសង្ឃមួយអង្គ ដែលមានឈ្មោះល្បីតាមបណ្តាញសង្គមហ្វេសប៊ុក និងជាព្រះសង្ឃដែលហ៊ានចេញមុខរិះគន់រដ្ឋាភិបាល ដោយមិនសំចៃមាត់។ ព្រះអង្គបានព្យាយាមបីដងមកហើយ ដើម្បីលាចាកសិក្ខាបទ តែរាល់ការព្យាយាមនោះ មិនទទួលបានជោគជ័យឡើយ។កាលពីឆ្នាំ២០១៣ ព្រះអង្គបានទិញសម្លៀកបំពាក់ជាប្រជាពលរដ្ឋធម្មតា និងជិះរថយន្តទៅស្រុកកំណើតរបស់ព្រះអង្គ ក្នុងស្រុកវ៉ារិន ខេត្តសៀមរាប ដែលមានចម្ងាយប្រមាណ៣២០គីឡូម៉ែត្រពីរាជធានីភ្នំពេញ ក្នុងគោលបំណងសឹក ប៉ុន្តែបំណងរបស់ព្រះអង្គមិនបានជោគជ័យនោះទេ។

ព្រះអង្គ ប៊ុត ប៊ុនតិញ ព្រះជន្ម៣៨វស្សា និងបានបួសជិត១៨ព្រះវស្សាមកហើយ មានសង្ឃដីកាប្រាប់ VOA ថា៖ «បើសឹកទៅត្រូវបំពេញសេដ្ឋកិច្ចផ្ទាល់ខ្លួន រកសេដ្ឋកិច្ច ដើម្បីគ្រួសារនិងខ្លួនឯង។ វាអត់មានពេលវេលាជួយជាតិ និងសាសនាអាត្មាទេ។ បើអាត្មានៅជាលោកសង្ឃ អត់ចាំបាច់ទុកលុយ ទុកកាក់ដើម្បីជីវិតខ្លួនឯងទេ។ កាលណាអាត្មាមាន អាត្មាជួយអ្នកដទៃបាន»។បច្ចុប្បន្ននេះ ព្រះអង្គ ប៊ុត ប៊ុនតិញ កំពុងស្នាក់នៅសហរដ្ឋអាមេរិក ដើម្បីបន្តការសិក្សារបស់ព្រះអង្គ ដោយមានបំណងសិក្សាផ្នែកកិច្ចការសាធារណៈ ឬសេដ្ឋកិច្ចនយោបាយ និងច្បាប់ បន្ថែមទៅលើបរិញ្ញាបត្រ និងអនុបណ្ឌិតផ្នែកសង្គមវិទ្យា ដែលព្រះអង្គបានបញ្ចប់ការសិក្សាពីប្រទេសឥណ្ឌា កាលពីឆ្នាំ២០១១។

ព្រះអង្គ ប៊ុនតិញ បានចាកចេញពីប្រទេសកម្ពុជា កាលពីខែសីហា ឆ្នាំមុន នៅពេលស្ថានភាពនយោបាយនៅកម្ពុជា កាន់តែអាក្រក់ទៅៗ។ កាលពីខែវិច្ឆិកា ឆ្នាំ២០១៧ គណបក្សប្រឆាំងដ៏ធំ គឺគណបក្សសង្រ្គោះជាតិ ត្រូវបានរំលាយដោយតុលាការកំពូល តាមបណ្តឹងរបស់រដ្ឋាភិបាល ដោយមានការចោទប្រកាន់ថា មានគោលបំណងផ្តួលរំលំរដ្ឋាភិបាល ដោយមានសហរដ្ឋអាមេរិកនៅពីក្រោយ។

ព្រះអង្គមានសង្ឃដីកាថា គម្រោងរបស់ព្រះអង្គទៅសិក្សានៅក្រៅប្រទេស គឺត្រៀមតាំងពីឆ្នាំ២០១៦ ដោយព្រះអង្គមានបំណងទៅសិក្សានៅប្រទេសមួយ ក្នុងចំណោមប្រទេសបី គឺប្រទេសអូស្រ្តាលី អាល្លឺម៉ង់ ឬសហរដ្ឋអាមេរិក។ ប៉ុន្តែព្រះអង្គមិនមានសមត្ថភាព ក្នុងការទទួលបានអាហារូបករណ៍នោះទេ ដូច្នេះហើយទើបព្រះអង្គរកវិធីផ្សេងទៅសិក្សានៅសហរដ្ឋអាមេរិក។

ព្រះអង្គត្រូវបានប្រជាពលរដ្ឋខ្មែរនៅអាមេរិកគាំទ្រជាថវិកាសម្រាប់ការរស់នៅ និងការសិក្សារបស់ព្រះអង្គ ដូច្នេះព្រះអង្គអាចមានឱកាសស្នាក់នៅទីនោះបានយូរ។

ព្រះអង្គមានសង្ឃដីកាថា៖ «អាត្មាមកតាមគម្រោងគ្រោងទុកតាំងពីឆ្នាំ២០១៦ ហើយម្យ៉ាងស្រុកអាមេរិកនិងអាត្មានេះ ហាក់ដូចជាភូមិកំណើតទីពីរទៅហើយ ដែលអាត្មាចេញចូលបានដោយស្រួល ព្រោះអាត្មាមាន credit (មានឈ្មោះ) ល្អនៅក្នុងស្រុកអាមេរិកនេះ»។

សព្វថ្ងៃនេះ ព្រះអង្គកំពុងរៀបចំឯកសារ ដើម្បីបង្ហាញទៅសាកលវិទ្យាល័យមួយឈ្មោះ Virginia ជាការវាយតម្លៃថា តើសញ្ញាប័ត្ររបស់ព្រះអង្គ មានតម្លៃស្មើ ឬ ព្រះអង្គត្រូវការសិក្សាបន្ថែមទៀត។

ព្រះអង្គមានសង្ឃដីកាថា៖ «បំណងធំ គឺទទួលបានសញ្ញាប័ត្របណ្ឌិតនៅស្រុកនេះ»។

ធ្លាប់ជាទាហាន ប្រឆាំងនឹងលោក ហ៊ុន សែន

ជា «ក្មេងក្បាលរឹង» ម្នាក់ ដែលចាប់កំណើតនៅក្នុងខេត្តសៀមរាប ក្នុងគ្រួសារក្រីក្រ ដែលមានឪពុកម្តាយជាអ្នកស្រែចម្ការ និងមានបងប្អូន១១នាក់ ព្រះអង្គ ប៊ុត ប៊ុនតិញ ជាកូនទីពីរក្នុងគ្រួសារ ដែលបានសិក្សាខ្ពស់ជាងគេ។ ព្រះអង្គក៏ធ្លាប់មានបទពិសោធន៍ការងារច្រើនផ្នែកផងដែរ មុននឹងបួសជាព្រះសង្ឃកាលពីឆ្នាំ២០០០។

ព្រះអង្គបានធ្វើជាគ្រូបង្រៀន ជាបុគ្គលិកជំរឿន និងបុគ្គលិកបោះឆ្នោត។ អំឡុងពេលរដ្ឋប្រហារក្នុងខែកក្កដា ឆ្នាំ១៩៩៧ ដែលបណ្តាលឲ្យមានមនុស្សស្លាប់ ព្រះអង្គបានចាកចេញពីស្រុកកំណើតឆ្ពោះទៅកាន់ភាគខាងលិចនៃប្រទេសជាប់ព្រំដែនថៃ ដែលជាតំបន់ខ្មែរក្រហម។ បន្ទាប់មក ក្នុងឆ្នាំ១៩៩៨ ព្រះអង្គបានសម្រេចចិត្តធ្វើជាទាហាន ដែលពេលនោះជាទាហានរបស់ ប៉ុល ពត ដែលមានទំនាក់ទំនងជាមួយគណបក្សហ៊្វុនស៊ិនប៉ិច ដឹកនាំដោយសម្តេចក្រុមព្រះ នរោត្តម រណឫទ្ធិ ប្រឆាំងនឹងកម្លាំងរបស់លោក ហ៊ុន សែន។

ព្រះអង្គមានសង្ឃដីកាថា៖ «ក្រោយការបញ្ចប់សង្រ្គាមនៅទីនោះរួច រដ្ឋាភិបាលខ្មែរបញ្ជូនអ្នកដែលធ្វើមាតុភូមិនិវត្តន៍ពី ប៉ុល ពត ហ្នឹង ឲ្យទៅកន្លែងកំណើតវិញក្នុងស្រុកអន្លង់វែង គឺអាត្មាទៅនៅពេលហ្នឹង។ ហើយទៅនៅពេលហ្នឹង ក៏គេរៀបចំទាហាន រៀបចំអីធម្មតា ឲ្យចូលជាមួយរដ្ឋាភិបាល ក៏អាត្មាចូលនៅពេលនោះឯង»។

ព្រះអង្គបានបំពេញការងារជាទាហាននេះ បានជាង១០ខែ បន្ទាប់មក ក៏បានលាឈប់ ដោយសារអំពើពុករលួយនៅទីនោះ ក្នុងនោះមានការកិបកេងប្រាក់ តាមរយៈទាហានមិនមានឈ្មោះជាដើម។

ព្រះសង្ឃដែលប្រឆាំងនឹងអំពើពុករលួយ

អំពើពុករលួយជាអ្វីដែលព្រះសង្ឃ ប៊ុត ប៊ុនទិញ ស្អប់ជាទីបំផុត។ ព្រះអង្គបានរំឭកថា ក្រោយពេលបួសជាព្រះសង្ឃ ព្រះអង្គបានធ្វើការនៅមន្ទីរធម្មការនិងសាសនា ក្នុងខេត្តសៀមរាប។ ព្រះអង្គបានបំពេញការងារជាគ្រូបង្គោលនៃការផ្សព្វផ្សាយអំពីការកាត់បន្ថយការចម្លងមេរោគអេដស៍។ ប៉ុន្តែព្រះអង្គបានលាឈប់ពីការងារ ក្រោយមើលឃើញអំពើពុករលួយនៅទីនោះ តាមរយៈការកិបកេងប្រាក់។ព្រះអង្គមានសង្ឃដីកាថា៖ «ដោយសារមានអំពើពុករលួយធំនៅទីហ្នឹង អាត្មាក៏ជម្នះប្រឆាំងនឹងមន្រ្តីធម្មការនៅទីនោះ។ ប្រឆាំងមិនឈ្នះនឹងក្រុមដែលធ្វើអំពើពុករលួយដ៏ច្រើនលើសលប់ ហើយអ្នកប្រឆាំងមានតែអាត្មាមួយអង្គឯង ក៏ទទួលសម្ពាធ អាត្មាក៏លាលែងជាមន្រ្តីសង្ឃនៅទីនោះ»។

ព្រះអង្គបានបញ្ជាក់បន្ថែមថា៖ «ហើយការចូលធ្វើការរបស់អាត្មាហ្នឹង គឺហាក់ដូចជាអំពិលអំពែក អាត្មាបានចូលតាំងពីស្ថាប័នអប់រំ ស្ថាប័នសាសនា ស្ថាប័នយោធា បើគេមកឈ្មោះ [ឈ្លោះ?] អាត្មា ព្រោះការងារដែលអាត្មាបានជួយធ្វើ គឺធ្វើដូចអំពិលអំពែក មិនដែលបានធ្វើបានយូរទេ។ កាលណាមានរឿងពុករលួយភ្លាម អាត្មាឈប់ភ្លាម»។ព្រះអង្គ ប៊ុនតិញ ដែលតែងតែរិះគន់រដ្ឋាភិបាល មានសង្ឃដីកាថា ព្រះអង្គមានភាពខុសគ្នានឹងលោកនាយករដ្ឋមន្រ្តី ហ៊ុន សែន ដែលបានកាន់អំណាច៣៣ឆ្នាំមកហើយ។

ព្រះអង្គមានសង្ឃដីកាថា៖ «តែចិត្តនយោបាយ និងបេះដូងជាតិ នាយករដ្ឋមន្រ្តី ហ៊ុន សែន និងអាត្មាខុសគ្នាដូចមេឃ និងដី។ ញោម ហ៊ុន សែន គាត់ចូលចិត្តរឿងផ្តាច់ការ អាត្មាចូលចិត្តរឿងសេរី។ ញោម ហ៊ុន សែន ធ្វើអំពើពុករលួយ អាត្មាប្រឆាំងអំពើពុករលួយ»។បាត់បង់ការងារ

បន្ទាប់ពីបញ្ចប់ថ្នាក់អនុបណ្ឌិតនៅក្នុងប្រទេសឥណ្ឌាក្នុងឆ្នាំ២០១១ ព្រះអង្គបានវិលត្រឡប់មកកម្ពុជាវិញនៅក្នុងឆ្នាំដដែល ហើយព្រះអង្គបានធ្វើជាគ្រូបង្រៀន និងជាព្រឹទ្ធបុរសរងនៅសាកលវិទ្យាល័យល្បីឈ្មោះមួយនៅរាជធានីភ្នំពេញ ដែលព្រះអង្គមិនចង់បញ្ចេញឈ្មោះ។

ក្នុងឆ្នាំ២០១៣ ព្រះអង្គត្រូវបានបញ្ឈប់ពីការងារ ដោយសារព្រះអង្គរិះគន់តុលាការ និងរដ្ឋាភិបាល ក្នុងពេលតុលាការកាត់ទោសសកម្មជនដីធ្លីតំបន់បឹងកក់ អ្នកស្រី យ៉ោម បុប្ផា ពីបទផ្តើមគំនិតឲ្យមានអំពើហិង្សា។ ព្រះអង្គបានផលិតវីដេអូមួយអំពីការតវ៉ានេះ ហើយបានបង្ហោះលើបណ្តាញសង្គមហ្វេសប៊ុក រហូតដល់មានការបណ្តេញចេញព្រះអង្គ។

ព្រះអង្គមានសង្ឃដីកាថា៖ «ពេលដែលគេបណ្តេញអាត្មាចេញ អាត្មាធ្វើវីដេអូឃ្លីបប្រឆាំងនឹងតុលាការ កាត់ទោស យ៉ោម បុប្ផា ម៉ោង៨ល្ងាច ឲ្យជាប់គុក ក្នុងពេលដែល ក្នុងពេលអ្នកតវ៉ាកំពុងចាំ បណ្តើរកូន។ ក្នុងពេលហ្នឹង អាត្មាមានការខឹងសម្បារខ្លាំង ហើយលោកស្រី យ៉ោម បុប្ផា មិនបានធ្វើអីខុស ហើយតុលាការកាត់ក្តី»។

ប្រឈមនឹងការចាប់ខ្លួន

ព្រះអង្គ ប៊ុត ប៊ុនតិញ កំពុងប្រឈមនឹងការចាប់ខ្លួន ក្នុងសំណុំរឿងពីបទរំលោភលើទំនុកចិត្តពាក់ព័ន្ធនឹងបច្ច័យបុណ្យ តាមរយៈពាក្យបណ្តឹងរបស់ប្រធានគណបក្សយុវជនកម្ពុជា លោក ពេជ្រ ស្រស់។ លោក ប៉ា ងួនទៀង នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ (CCIM) និងលោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារនិងសិទ្ធិមនុស្ស ក៏ប្រឈមនឹងការចាប់ខ្លួន ក្នុងករណីនេះផងដែរ។ ព្រះអង្គ ប៊ុនតិញ បានច្រានចោលការចោទប្រកាន់នេះ និងចាត់ទុកថា ជាការបំបិទសំឡេង និងគំរាមអ្នករិះគន់រដ្ឋាភិបាល។លោក កែម ឡី អ្នកវិភាគសង្គមដ៏ល្បីល្បាញត្រូវបានខ្មាន់កាំភ្លើងបាញ់សម្លាប់កាលពីខែកក្កដា ឆ្នាំ២០១៦។ ព្រះអង្គ ប៊ុនតិញ បានចាត់ទុកលោក កែម ឡី «ជាដៃគូដ៏ល្អមួយ» សម្រាប់ព្រះអង្គ។ ព្រះអង្គមានសង្ឃដីកាថា មុនពេលលោក កែម ឡី ត្រូវបានបាញ់សម្លាប់ ព្រះអង្គត្រូវបានលោក កែម ឡី ប្រាប់ថា កុំឲ្យដើរជាមួយលោក។

ព្រះអង្គមានសង្ឃីកាថា៖ «មុនគេសម្លាប់ កែម ឡី ថ្ងៃទី៧ ម៉ោង៤កន្លះល្ងាច គឺ កែម ឡី ប្រាប់ចុងក្រោយបង្អស់ ថាគេនឹងសម្លាប់ក្នុងអាទិត្យនេះឯង។ អញ្ចឹងព្រះតេជគុណ និងខ្ញុំករុណា មិនអាចអង្គុយជាមួយគ្នាបានទេ។ អាចទៅទាំងពីរ»។

ការផ្តល់យោបល់ដល់អ្នកនយោបាយ

បើទោះបីព្រះអង្គមិនស្ថិតនៅក្នុងប្រទេសក្តី ព្រះអង្គនៅតែបញ្ចេញយោបល់របស់ព្រះអង្គទៅលើស្ថានភាពនយោបាយនៅកម្ពុជា។ ពីសហរដ្ឋអាមេរិក ព្រះអង្គ ប៊ុត ប៊ុនតិញ តែងតែប្រើប្រាស់បណ្តាញហ្វេសប៊ុករបស់ព្រះអង្គ ដើម្បីផ្សព្វផ្សាយនូវគំនិតរបស់ព្រះអង្គ និងការវិវត្តស្ថានភាពនយោបាយនៅកម្ពុជា។

កាលពីសប្តាហ៍មុន ព្រះអង្គបានបញ្ចេញយោបល់អំពីអនាគតនៃចលនាសង្រ្គោះជាតិ ដែលត្រូវបានបង្កើតថ្មី ដោយអតីតមេដឹកនាំគណបក្សសង្រ្គោះជាតិ លោក សម រង្ស៊ី និងសហការីមួយចំនួនរបស់លោក។

ព្រះអង្គបានសរសេរនៅលើហ្វេសប៊ុករបស់ព្រះអង្គថា៖ «អ្នកប្រជាធិបតេយ្យគួររិះរកមធ្យោបាយមួយដែលអាចរក្សាទឹកចិត្តអ្នកគាំទ្រខ្លួន និងពង្រឹងការសាមគ្គីផ្ទៃក្នុង»។

ដោយសារការរិះគន់រដ្ឋាភិបាលរបស់លោក ហ៊ុន សែន ព្រះអង្គ ប៊ុត ប៊ុនតិញ ត្រូវបានចោទប្រកាន់ថា គាំទ្រគណបក្សប្រឆាំង គឺគណបក្សសង្រ្គោះជាតិ។ ប៉ុន្តែព្រះអង្គមានសង្ឃដីកាថា ព្រះអង្គជួយគណបក្សណាដែលមានគោលការណ៍លទ្ធិប្រជាធិបតេយ្យ ដែលនេះមិនផ្ទុយនឹងច្បាប់សាសនា និងច្បាប់ប្រទេសនោះទេ។

ព្រះអង្គមានសង្ឃដីកាថា៖ «អាហ្នឹងអាត្មាធ្វើដោយចំហ។ គណបក្សសង្រ្គោះជាតិ ខំប្រឹងបង្កើតគោលការណ៍លទ្ធិប្រជាធិបតេយ្យ ជំរុញឲ្យប្រជាពលរដ្ឋខ្មែរប្រើប្រាស់សិទ្ធិបោះឆ្នោតសម្រេចជោគវាសនារបស់ខ្លួន។ បំណងហ្នឹង កិច្ចការហ្នឹង អាត្មាជួយ អត់មានអាថ៌កំបាំងទេ»។

ព្រះអង្គបានបន្ថែមថា៖ «គណបក្សសង្រ្គោះជាតិជាតួអង្គមួយ ប៉ុន្តែបើថ្ងៃក្រោយមានគណបក្សណា ដែលទទួលបានការគាំទ្រពីពលរដ្ឋច្រើន ហើយមានគោលការណ៍លទ្ធិប្រជាធិបតេយ្យ អាត្មាធ្វើជាមួយ»។

ព្រះអង្គ ប៊ុនតិញ បានលើកឡើងថា ព្រះអង្គក៏បានគិតអំពីការសឹកពីភាពជាព្រះសង្ឃនៅថ្ងៃណាមួយផងដែរ។ ព្រះអង្គក៏ចង់ក្លាយជាអ្នកច្បាប់មួយរូបនៅក្នុងរដ្ឋសភា ដើម្បីធ្វើច្បាប់បម្រើប្រយោជន៍ដល់ប្រជាពលរដ្ឋ។

ព្រះអង្គមានសង្ឃដីកាថា៖ «ប៉ុន្តែអាត្មាឧទ្ទិសដ្ឋានថា អាត្មានឹងសឹក មិនមែនអាត្មាឧទ្ទិសដ្ឋានថា អាត្មាអត់សឹកទេ។ អាត្មាថា អាត្មានឹងសឹក ហើយអាត្មានឹងសឹកក្នុងពេលណាមួយ»។

ព្រះអង្គបានបញ្ជាក់បន្ថែមថា៖ «អាត្មាមិនមែនជាអ្នកនយោបាយទេ អាត្មាជាអ្នកជួយអ្នកនយោបាយ ជាអ្នកស្ថាបនានយោបាយ។ ដល់ពេលណាមួយ វាសមរម្យ អាត្មាធ្វើនយោបាយខ្លួនឯង អាត្មាធ្វើ។ អាហ្នឹងជាបំណងប្រាកដមិនអាចលាក់លៀមពីបេះដូងរបស់យើងបានទេ ប៉ុន្តែពេលនេះ អាត្មាចង់ដើរតួនាទីត្រឹមជាទីប្រឹក្សានយោបាយឲ្យអ្នកនយោបាយ»៕

ថ្ងៃអង្គារ ទី11 ខែកុម្ភៈ ឆ្នាំ2014 បណ្តាញព្រះសង្ឃឯករាជ្យព្រមានបូជាព្រះកាយនៅផ្ទះលោកនាយករដ្ឋមន្ត្រី ហ៊ុន សែន ព្រះតេជគុណ ប៊ុត ប៊ុនតេង មានសង្ឃដីកាទៅកាន់អ្នកសារព័ត៌មាននៅមុខសាលាឧទ្ធរណ៍ នាព្រឹកនេះ (រូបថត៖ សាមាន) ប្រធានបណ្តាញព្រះសង្ឃឯករាជ្យ ដើម្បីយុត្តិធម៌សង្គម ព្រមានថា នឹងដឹកនាំស្ម័គ្រចិត្ត បូជាព្រះកាយ នៅមុខផ្ទះលោកនាយករដ្ឋមន្ត្រីហ៊ុន សែន ប្រសិនតុលាការមិនដោះលែងកម្មករ សកម្មជនដីធ្លី និងមន្ត្រីសហជីព២១នាក់នោះ។

ប្រធានបណ្តាញព្រះសង្ឃឯករាជ្យ ដើម្បីយុត្តិធម៌សង្គមព្រះតេជគុណ ប៊ុត ប៊ុនតេង ប្រកាសបែបនេះ នៅចំពោះមុខប្រជាពលរដ្ឋ និងព្រះសង្ឃប្រមាណ២០០អង្គនាក់ នៅមុខសាលាឧទ្ធរណ៍នៅព្រឹកថ្ងៃអង្គារនេះ ខណៈចៅក្រមកំពុងបើកសវនាការ លើបណ្តឹងសុំនៅក្រៅឃុំរបស់អ្នកទាំង២១នោះ។

ក្រៅពីទាមទារឲ្យដោះលែង សកម្មជនសិទ្ធិមនុស្ស និងកម្មករ ព្រះតេជគុណ ប៊ុត ប៊ុនតេង ក៏ទាមទារឲ្យរដ្ឋាភិបាលរបស់លោក នាយករដ្ឋមន្ត្រីហ៊ុន សែន បញ្ឈប់ការប្រើឥទ្ធិពលនយោបាយទៅលើតុលាការ ដើម្បីឲ្យប្រជាជន ជាជនរងគ្រោះទូទាំងប្រទេស អាចស្វែងរកយុត្តិធម៌តាមរយៈប្រព័ន្ធតុលាការបាន។

ទោះយ៉ាងណា ព្រះអង្គមិនទាន់កំណត់ថ្ងៃជាក់លាក់នៅ ការបូជាព្រះកាយនេះទេ ដោយបញ្ជាក់ថា រង់ចាំមើល ការសម្រេចមន្ត្រីចិត្តរបស់តុលាការ និងរដ្ឋាភិបាលមួយរយៈសិន៕

September 16, 2016 ព្រះតេជគុណ ប៊ុត ប៊ុនតិញ មកឡូវែល ដោយ ពិន សំខុនតាមការនិមន្តរបស់សមាជិករបស់‹សាខាយុវជនគណបក្សសង្គ្រោះជាតិនៅឡូវែល› ព្រះតេជគុណ ប៊ុត ប៊ុនតិញ ជានាយកប្រតិបត្តរបស់‹‹អង្គការព្រះពុទ្ធសាសនាដើម្បីសន្តិភាព›› បាននិមន្តមកទទួលការប្រគេនចង្ហាន់ នឹងទេសនាជូនប្រជាពលរដ្ឋប្រមាណ៤០០រយនាក់ នៅសាល‹សានីដា›ឡូវែល នាព្រឹកថ្ងៃអទិត្យទី១១កញ្ញា។ តាមទំហ៊ំនៃការការចូលរួម គឺជាការទទួលបដិសណ្ឋារកិច្ចដ៏សំខាន់មួយ ពីប្រជាពលរដ្ឋ ដែលចង់ដឹងសុខទុក្ខពីព្រះសង្ឃដែលកំពុងល្បីថា‹យកចិត្តទុកដាក់ពីស្ថានភាពទ្រុឌទ្រោមនៃកម្ពុជា› ហើយប្រឈមមុខនឹងឧប្បស័ក្គប្រកបដោយគ្រោះថ្នាក់ជារៀងរាល់ថ្ងៃ ដើម្បីកាពារប្រទេសនឹងសេចក្តីសុខរបស់ប្រជាពលរដ្ឋខ្មែរ។ដើម្បីណែនាំឱ្យបានស្គាល់ព្រះអង្គ ប៊ុត ប៊ុនតិញ ឱ្យកាន់តែច្បាស់ជូនលោកអ្នកអាន យើងបានធ្វើបទសម្ភាសន៍មួយនៅឡូវែល ដែលមានសេចក្តីដូចតទៅ៖

ខ្មែរផុសសរអាៈ ខ្ញុំព្រះករុណាសូមថ្វាយបង្គំ, ខ្ញុំព្រះករុណាសូមព្រះអង្គរៀបរាប់អំពីប្រវត្តិរបស់អង្គការព្រះសង្ឃរបស់ព្រះអង្គបានទេ? ព្រះអង្គប៊ុនតេងៈអាត្មាភាពដើមឡើយនៅក្នុងបណ្តាញព្រះសង្ឃឯករាជ្យ ហើយ៣ឆ្នាំចុងក្រោយនេះបានបង្កើត‹‹អង្គការព្រះពុទ្ធសាសនាដើម្បីសន្តិភាព››ដែលនៅស្រុកខ្មែរ ពេលដំបូង នៅថ្ងៃទី៨ខែ៨ឆ្នាំ២០១៣ មានសមាជិក៥អង្គ បន្តិចក្រោយមកក៏កើនចំនួនយ៉ាងលឿន ឥឡូវនេះមានសមាជិក៧,០០០អង្គហើយ

ខ្មែរផុសសរអាៈ ព្រះអង្គបានបង្ហាញសកម្មភាពកាពារជាតិជាច្រើន ដែលច្រើនតែប្រកបដោយគ្រោះថ្នាក់ តើមានព្រះសង្ឃប៉ុន្មានអង្គហើយដែលទទួលរងរបួស ហើយមានប៉ុន្មានអង្គទៀតរងគ្រោះដល់សុគត?

ព្រះអង្គប៊ុនតេងៈ យើងបានផ្ជាប់សកម្មភាពជាមួយចលនាប្រជាធិបតេយ្យ នៅទីលានប្រជាធិបតេយ្យ ជាមួយអង្គការសិទ្ធមនុស្ស ដឹកនាំមុខដោយគណបក្សសង្គ្រោះជាតិ… ចាប់ពិឆ្នាំ២០១៣មក មិនមានព្រះសង្ឃក្នុងចលនាយើងសុគតទេ តែមានរបូសស្រាលនឹងធ្ងន់ជាច្រើន ដូចជាព្រះសង្ឃ យិម ចំរើន នៅវត្តសន្សំកុសល បានវាយសាមណេរ៣អង្គ កាលពីឆ្នាំ២០១៣ បណ្តាលឱ្យរងគ្រោះបែកមុខបែកមាត់, បណ្តាញព្រះសង្ឃឯករាជ្យបានធ្វើការតវ៉ារកយុត្តិធម៌ រហូតដល់ព្រះអង្គ យិម ចំរើន ទទួលសុំទោសស្គាល់កំហុសជាសាធារណ, ឆ្នាំ២០១៤ ព្រះសង្ឃព្រះនាម ឃឹម សំអឿន បានសម្តែងធម៌ទេសនានៅទីលានប្រជាធិបតេយ្យ ពីសម្តេច ហ៊ុន សែន ដែលបាននិយាយថា‹តើខ្ញុំខុសអ្វី?› ព្រះអង្គបានទទួលការដកដំណែងពីចៅអធិការនៅបាត្តំបង ចាប់ដាក់គុក គម្រាមកំហែងបំបាក់ស្មារតីលែងឱ្យព្រះអង្គរស់នៅស្រួលរហូតដល់សព្វថ្ងៃ, រឿងមួយទៀតព្រះសង្ឃព្រះនាម កែវ សុមាលី គង់នៅវត្តនាគវ័ន្ត ធ្លាប់ជាអ្នកគ្រប់គ្រងបណ្តាញព្រះសង្ឃឯករាជ្យ ត្រូវគេហ៊ុំព័ទ្ធមិនឱ្យធ្វើការកើតចំនួន៦ថ្ងៃ ហើយចោទប្រកាន់ថាជាសង្ឃក្លែងក្លាយ ញុះញុងប្រជាពលរដ្ឋឱ្យបះបោរ… អាត្មាផ្ទាល់ត្រូវគេគេឃុំខ្លួន២ដងម្តងឃុំខ្លួនអស់១៩ម៉ោងនៅព្រះវិហ៊ារ ហើយម្តងទៀតអស់៣ម៉ោងនៅ ព្រះវិហ៊ារទៀតនៅផ្ទះសំណាក់‹ម្លប់ត្រសេក› ថា‹អាត្មាធ្វើចលនាកាពារព្រៃឈើដោយគ្មានច្បាប់អនុញ្ញាត្តិ›…ជារួមអាជ្ញាធរមិនដែលមានសហការណ៍ល្អជាមួយអ្នកដែលកាពារព្រៃឈើ កាពារសិទ្ធិមនុស្ស កាពារលទ្ធិប្រជាធិបតេយ្យទេ…ខ្មែរផុសស.រ.អាៈ ព្រះអង្គនិមន្តទៅគ្រប់កន្លែងអីចឹង តើវត្តព្រះអង្គគង់នៅវត្តណា?

ព្រះអង្គប៊ុនតិញ៖ តាមពិតទៅអាត្មាបានបាត់បង់សមាជិកភាពពីវត្តអារាម តាំងពីឆ្នាំ២០១៣មក អាត្មាគ្មានវត្តអ្វីទៀតទេ វត្តអាត្មាគឺមានតែព្រៃទេ ព្រៃឡង់ ព្រៃអារ៉ែង ព្រៃព្រះរការ បើនៅភ្នំពេញ នៅការិយាល័យធ្វើការបាន នៅផ្ទះញាតិញោមដែលគាត់និមន្តបាន នៅវត្តវិញ ទៅសឹងនៅវត្តណាក៏បានដែរ តែគេមិនឱ្យមានឈ្មោះជាប្រចាំនៅវត្តណាមួយបានទេ…

ខ្មែរផុសស.រ.អាៈ ចុះព្រះអង្គចូលវស្សាយ៉ាងដូម្តេចទៅ?

ព្រះអង្គប៊ុនតិញ៖ អាត្មាអត់ដែលចូលវស្សាទេ ចាប់តាំងពិឆ្នាំ២០១៣មក អាត្មាតែងយល់ថាបើធ្វើបុណ្យសម្រាប់តែបានផលបុណ្យ មិនមែនជាបំណងរបស់អាត្មាទេ ផ្ទុយទៅវិញ ក្នុងពេលនេះពលរដ្ឋខ្មែរមានទុក្ខ អាត្មាមិនអាចសំងំយកសុខតែម្នាក់ឯងបានទេ… ខ្លះថាលោកសង្ឃអីមិនចូលវស្សា បើមិនចូលវស្សាគឺត្រូវអាប័ទហើយ… អាត្មាមានពុទ្ធឱវាទ៥យ៉ាង ដែលមិនឱ្យអាត្មាដាច់អាប័ទបាន គឹ១ រស់នៅក្នុងតំបន់មានសត្វសាហាវ ២ទឹកជំនន់ ភ្លើងឆេះ ៣-ទូភឹក្ស … អាត្មាកំពុងរស់នៅក្នុងបរិយាកាសគម្រាមកំហែង ដូចលោកឧត្តមបណ្ឌិត កែម ឡី មានប្រសាសន៌ថា ‹យើងកំពុងរស់នៅ ពោរពេញដោយសត្វសាហាវ..›យោងតាងពុទ្ធោវាទនោះ នឹងស្ថានភាបរងគ្រោះរបស់ប្រទេសយើង អាត្មាឥតត្រូវអាប័ទទេ…

ខ្មែរផុសស.រ.អាៈ នៅប្រវត្តិនៃប្រទេសកម្ពុជា មានព្រះសង្ឃជាច្រើនជំនាន់ បានធ្វើសកម្មភាពដ៏ល្បីល្បាញដើម្បីប្រទេសជាតិ មានព្រះសង្ឃខ្លះធ្វើរហូតដល់ទទួលទោសនៅកោះត្រឡាចជាដើម តើព្រះអង្គជាអ្នកល្បីល្បាញបន្ទាប់មក ឬក៏នៅមានអ្នកណាផ្សេងទៀត ដែលយើងគួរតែចងចាំ?

ព្រះអង្គប៊ុនតិញ៖ មែនទែនគឺមានលំអានពីព្រះពុទ្ធអង្គឯង ជាអ្នកនិមន្តគ្រប់ទីកន្លែង ដើម្បីសង្គ្រោះមនុស្សសត្វលោក ក្នុងនាមជាបុគ្គលដែលបានត្រាស់ដឹង បន្ទាប់មកមានអ្នកតស៊ូ ដូចជា អាចារ្យស្វា ពោកំបោរ ហែមជាវ ជាដើម នេះជាជំនាន់អាណានិគម, ‹ជំនាន់សង្គ្រាមត្រជាក់›គេឃើញមាន អាចារ្យ ខៀវ ជុំ ព្រះអង្គ ប៉ាង ខាត់ សេកនាង ដល់ទស្សវត្ត៩០ មានព្រះអង្គមហាឃោសនន្តដា ជួយសង្គ្រោះប្រជាជនតំបន់់ជនភៀសខ្លួន … មកដល់ឆ្នាំ១៩៩៣ មានការបោះឆ្នោត ហើយទាំងអស់គ្នានិយាយថាធ្វើឱ្យមានសេរីភាព លទ្ធីប្រជាធិបតេយ្យ តែបែរជាមិនគោរពការសន្យារបស់ខ្លួន ជាពិសេសនៅឆ្នាំ ២០១៣ គឺដំណាក់កាលទី៣ ជំនាន់ការដុះដាលលទ្ធីប្រជាធិបតេយ្យមានការមិនគោរពលទ្ធិប្រជាធិបតេយ្យជាក់ស្តែង បណ្តាញព្រះសង្ឃឯករាជ្យបានបង្កើតឡើង ដែលមានអាត្មាដឹកនាំ ក្នុងបំណងសង្គ្រោះលទ្ធីនេះឡើងវិញ, សម្រាប់អាត្មាគឺមិនមានល្បីល្បាញអីទេ គឺគ្រាន់តែធ្វើអ្វីដែលអាត្មាពេញចិត្តនឹងធ្វើតែប៉ុណ្ណោះ…

ខ្មែរផុសស.រ.អាៈ តើព្រះអង្គបួសបានប៉ុន្មានឆ្នាំហើយ ហេតុអ្វីក៏ព្រះអង្គប្រើពេលសម្រាប់ការតស៊ូទៅវិញ ?

ព្រះអង្គ ប៊ុនតិញៈ បួស១៧ឆ្នាំហើយ,គោលបំណងអាត្មា គឺគ្មានអ្វីក្រៅពីការចូលចិត្តរបស់អាត្មាទេ, ដោយបានបួសយូរឆ្នាំដោយសារការរៀនសូត្រយល់ដឹងមើលធ្លុះពិបញ្ហារបស់សង្គម ហើយជាពិសេសដោយសារអាត្មាឃើញមានការរំលោភលើសិទ្ធិមនុស្ស ធ្វើឱ្យមនុស្សមានសិទ្ធមិនស្មើគ្នានៅចំពោះមុខច្បាប់ – អាត្មាក៏សម្រេចចិត្តធ្វើសកម្មភាពជួយសង្គ្រោះប្រទេសជាតិនេះឡើង ដូច្នេះគ្មានអ្វីក្រៅពីចំណង់ចូលចិត្តរបស់អាត្មានោះទេ…

ខ្មែរផុសស.រ.អាៈ ព្រះពុទ្ធព្រះអង្គផ្សព្វផ្សាយព្រះធម៌ តើព្រះអង្គផ្ទាល់ ចង់ផ្សព្វផ្សាយអ្វីដល់ប្រជាជន?

ព្រះអង្គ ប៊ុនតិញៈ ព្រះពុទ្ធមិនមែនផ្សព្វផ្សាយព្រះធម៌ទេ ព្រះពុទ្ធសង្គ្រោះមនុស្ស ដោយយកព្រះធម៌ជាមាគ៌ា រីឯអាត្មាចេញមកធ្វើសកម្មភាពសង្គ្រោះប្រទេសជាតិដែលកំពុងរងទុក្ខវេទនា ដោយការបំផ្លិចបំផ្លាញជាតិ ដោយការធ្វើបាបដល់ប្រជាពលរដ្ឋ តែវាខុសគ្នាត្រង់ព្រះពុទ្ធលោកជា‹បុគ្គលបានត្រាស់ដឹង›រីឯអាត្មាជា‹បថុជ្ជន›មិនអាចប្រៀបប្រដូចគ្នាបានទេ, អាត្មាគ្រាន់តែយកព្រះធម៌របស់ព្រះពុទ្ធ មកណែនាំឱ្យមនុស្សធ្វើតែប៉ុណ្ណោះ មិនអាចយកស្អីមកដោះស្រាយបានទេបើមិនយកធម៌ បើយើងចេះដឹងជ្រៅជ្រះពីព្រះធម៌ ក៏គេអាចយកព្រះធម៌ទៅធ្វើនយោបាយ គឺជាមាគ៌ាដ៏ប្រសើរបំផុត សព្វថ្ងៃភាពអន្តរាយដោយសារអ្នកនយោបាយខ្វះសីល៥នៃព្រះធម្ម

ខ្មែរផុសស.រ.អាៈតើព្រះអង្គប្រៀបធៀបកាងារឱវាតរបស់ព្រះអង្គ ទៅនឹងឱវាតរបស់លោក កឹម ឡី ដូចគ្នាឬខុសគ្នារបៀបណា?

ព្រះអង្គ ប៊ុនតិញៈ អាត្មាមិនអាចយកទៅប្រៀបធៀបឧត្តមបណ្ឌិត កឹម ឡី បានទេ ពីព្រោះលោកជាគ្រូធំ ដែលបង្ហាត់បង្ហាញគិតគូរពីកិច្ចការធំៗ រីឯអាត្មាជាគ្រូតូចណែនាំឱ្យធ្វើតែកាងារតូចៗដែលអាចធ្វើទៅបាន… អាត្មាចេះតែនាំគេឱ្យធ្វើទេ មួយអ្នកបង្រៀនឱ្យមនុស្សមានចំណេះដឹង មួយអ្នកនាំឱ្យគេធ្វើ ដូចជាចូលនាំគ្នាឱ្យទៅការពារព្រៃឈើជាដើម…

ខ្មែរផុសស.រ.អាៈក្នុងបរិបទស្រុកខ្មែរ ថ្នាក់ដឹកនាំធ្វើដំណើរខុសសីលធម៌យូរណាស់ហើយ(ប្រមាណ៣០-៤០ឆ្នាំមកហើយ) តើព្រះអង្គយល់ថា‹កម្ពុជាត្រូវការពេលយូរប៉ុណ្ណា›សម្រាប់កែរលំអ នាំការនយោបាយខ្មែរត្រឡប់មករកសីលធម៌មកវិញបាន?

ព្រះអង្គ ប៊ុនតិញៈ តាមមែនទែនទៅ មិនមានត្រូវការពេលយូទេ! ពីព្រោះអាអ្នកខិលខូច នៅក្នុងរដ្ឋាភិបាលទាំងអស់, ប្រជាពលរដ្ឋដឹងអស់ហើយ គេដឹងថារដ្ឋាភិបាលជាជនពុករលួយ រដ្ឋាភិបាលរឹបអូសយកសម្បត្តិ ដីធ្លី អ្នកដ៏ទៃ ក្រីក្រ ទន់ខ្សោយ រដ្ឋាភិបាលជាអ្នកវាយធ្វើបាប-បាញ់សម្លាប់ប្រជាពលរដ្ឋខ្លួនឯង… ហេតុនេះហើយបានជាគេចង់ឱ្យមានការផ្លាស់ប្តូរ, ឥឡូវនេះដល់ពេលហើយ!តែដូរចេញទៅ ប្រជាពលរដ្ឋគេចេះជាងអ្នកដឹកនាំទៅទៀត កូនខ្មែរជាពូជអ្នករៀនសូត្រ ត្រូវការលទ្ធិប្រជាធិបតេយ្យ ត្រូវការអភិបាលកិច្ចល្អ ត្រូវការតម្លាភាពក្នុងសង្គម, ហើយសព្វថ្ងៃដែលលំបាកហ្នឹងគឹរដ្ឋាភិបាលកំសាកហ្នឹងជាអ្នកធ្វើ ដែលបំរើអនានិគមបរទេ លក់អាភៀន កញ្ជា ពង្វក់យុវជនដែលល្អហើយ ឱ្យខូចអនាគតគ្នា ដូច្នេះដល់ពេលត្រូវប្តូរចេញហើយ ចំរើនពរ!

ខ្មែរផុសស.រ.អាៈ តើការផ្លាស់ប្តូរនឹងមានទៅកើតដែរឬទេ បើការគម្រាមកំហែងកំពុងតែកើនយ៉ាងខ្លាំងក្លាយ៉ាងនេះនោះ?

ព្រះអង្គ ប៊ុនតិញៈ ការផ្លាស់ប្តូរកំពុងតែមានមកហើយ! ឥតមានគម្រាមគេកើតទៀតទេ ដូចជាអម្បាញមិញនេះ នៅម៉ោង១រំលងអាធ្រាត មានការចល័តទ័ពអ្វីជាដើម មានប្រជាពលរដ្ឋគេក្រោកពីយប់ ទៅថតរូបបង្ហោះ ទៅឈរស្តីឱ្យរដ្ឋាភិបាល, អីចឹងដែលយើងមើលច្បាស់នោះ គឺរដ្ឋភិបាលទេដែលកំពុងតែភ័យ ខា្លចបាត់អំណាច ខ្លាចគេដឹងអំពើអាក្រក់ដែលខ្លួនកំពុងធ្វើតាំងពី៣០ឆ្នាំមកហើយនោះ ប៉ុន្តែប្រជាពលរដ្ឋគេឆ្អែតឆ្អន់ គេលែងចង់ហូបសម្លផ្អូននោះទៀតហើយ!

ខ្មែរផុសស.រ.អាៈ អ្នកដែលកំពុងប្រព្រឹត្តអំពើអាក្រក់ចំពោះជាតិ អាចនឹងរលំបន្តិចម្តង ឬ របេះទាំងដុំតែម្តង?

ព្រះអង្គ ប៊ុនតិញៈ យើងឃើញរបេះម្តងម្តុំៗទៅហើយ ទី១-គឺងាប់! ងាប់ដោយជរាពាធ ដូចជាងាប់ សាយ ភូថង, ងាប់ ជា ស៊ីម, ងាប់ ជា សុទ្ធ, ថ្មីៗនេះងាប់ មិន ឃិន, នៅមានឧបនាយករដ្ឋមន្ត្រីធំមួយទៀត ឈឺខ្លាំងងើបធ្វើការលែងកើតហើយ នេះគឺការស្លាប់ដោយមច្ចុរាជបេះម្តងមួយៗ, បើរដ្ឋាភិបាលនៅតែធ្វើមិនដឹង មិនឈប់ទេនោះ គឺប្រជាពលរដ្ឋតែម្តងជាអ្នកបេះចេញ ឱ្យទៅទាំងមូល, ហើយពួកក្រោយៗមកទៀតនេះ បើមិនប្រញាប់គេចចេញទេនោះ ប្រជាពលរដ្ឋគេនឹងបំបេះអ្នកឯងយកអំណាចចេញពីដៃទៅតែម្តង…

ខ្មែរផុសស.រ.អា៖ តើព្រះអង្គមើលឃើញលទ្ធផលនៃការបោះឆ្នោតឆ្នាំ២០១៧ នឹង ២០១៨ នឹងទៅជាយ៉ាងណា?

ព្រះអង្គ ប៊ុនតិញៈ ឈ្នះ! ឈ្នះតាំងពីចុះឈ្មោះបោះឆ្នោតពីឥឡូវនេះទៅហើយ អ្នកកាន់អំណាចដឹងថាមានប្រជាពលរដ្ឋនាំគ្នាក្រោកឈរ ដើម្បីមកទទួលជ័យជំនះ ពួកគាត់ភ័យណាស់ បានជាមានការចល័តទ័ព ចល័តកម្លាំងអីនោះ អានេះជាការត្រឹមត្រូវហើយ!

ខ្មែរផុសសរអាៈ ព្រះអង្គជាសមាជិកគណបក្សសង្គ្រោះជាតិឬក៏គ្រាន់តែជាអ្នកគាំទ្រតែប៉ុណ្ណោះទេ?

ព្រះអង្គ ប៊ុនតិញៈ អាត្មាមិនដែលធ្វើការដើម្បិគណបក្សសង្គ្រោះជាតិទេ អាត្មាធ្វើការដើម្បីសង្គ្រោះប្រទេសជាតិ, បើគណបក្សសង្គ្រោះជាតិធ្វើការបំរើជាតិបានល្អ យើងធ្វើទៅដូចគ្នាហើយស្របគ្នាតែម្តង ដូចជាអាត្មាពាក់ផ្លាកសង្គ្រោះជាតិលើថ្ងាសតែម្តង តាមពិតមិនមែនទេ, អាត្មាជាអ្នកទិទានគណបក្សសង្គ្រោះជាតិទៅវិញទេ, បើគណបក្សសង្គ្រោះជាតិគេធ្វើការបានល្អមួយហើយ បើអាត្មាធ្វើបានល្អដែរ អាហ្នឹងគេហៅថា‹តម្លៃបន្ថែម›មួយទៀត…

ខ្មែរផុសស.រ.អាៈ ខ្ញុំព្រះករុណាសូមអរព្រះគុណ នឹងថ្វាយបង្គំលា៕

ដោយ វីអូឌី ២៤ កញ្ញា ២០១៧ ម៉ោង ១១:៤៨ សង្ឃ ប៊ុត ប៊ុនតិញ ថា ពេជ្រ ស្រស់ សម្លាប់កិត្យានុភាព កែម ឡី ខណៈប្រឈមនឹងបណ្ដឹងស្ថាបនិកបណ្ដាញព្រះសង្ឃឯករាជ្យដើម្បីយុត្តិធម៌សង្គម ព្រះតេជគុណ ប៊ុត ប៊ុនតិញ បានរិះគន់ប្រធានគណបក្សថ្មីមួយថា បានចូលរួមសម្លាប់កិត្យានុភាពលោកបណ្ឌិត កែម ឡី បន្ទាប់ពីព្រះអង្គត្រូវបានតុលាការកោះហៅឲ្យចូលបំភ្លឺជុំវិញថវិកាបុណ្យសពអ្នកវិភាគដ៏ល្បីល្បាញរូបនេះ។

ព្រះសង្ឃ ប៊ុត ប៊ុនតិញ ត្រូវបានប្រធានគណបក្សយុវជនកម្ពុជា លោក ពេជ្រ ស្រស់ ប្ដឹងទៅតុលាការរាជធានីភ្នំពេញកាលពីថ្ងៃទី០៨ ខែកញ្ញា ជុំវិញថវិកាបុណ្យសពលោកបណ្ឌិត កែម ឡី ដោយថា ដើម្បីតម្លាភាពសង្គម កុំឲ្យមានការបន្លំលុយបុណ្យសព រកយុត្តិធម៌ជូនអ្នកចូលបច្ច័យបុណ្យសព និងរកយុត្តិធម៌ជូនក្រុមគ្រួសារលោក កែម ឡី។

ព្រះអង្គនេះ និងបុគ្គល ២រូបទៀត មានលោក ប៉ា ងួនទៀង ប្រធានមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ និងលោក មឿន តុលា ប្រធានមជ្ឈមណ្ឌលសង់ត្រាល់ ត្រូវបានតុលាការរាជធានីភ្នំពេញ កោះហៅឲ្យចូលបំភ្លឺនៅព្រឹកថ្ងៃទី០៩ ខែតុលាខាងមុខ ទៅតាមបណ្ដឹងរបស់មេបក្សយុវជនកម្ពុជា។

ដោយភ្ជាប់នូវរូបលោក ពេជ្រ ស្រស់ និងដីកា ៣ សន្លឹករបស់សាលាដំបូងរាជធានីភ្នំពេញ ព្រះតេជគុណ ប៊ុត ប៊ុនតិញ បានលើកឡើងក្នុងទំព័រហ្វេសប៊ុកកាលពីថ្ងៃម្សិលមិញថា តុលាការចេញដីកាកោះបីសន្លឹកចាត់ការមនុស្សបីនាក់ទៀត ហើយបុគ្គលដើមបណ្ដឹង លោក ពេជ្រ ស្រស់ ចង់បានរបស់ដែលគេឱ្យ ដូចជា ឱ្យឈ្នៈ ឱ្យលាភ ជាដើម។

ព្រះតេជគុណ ប៊ុត ប៊ុនតិញ មានសង្ឍដីកាថា៖ «គាត់បានចូលរួមសកម្មក្នុងការសម្លាប់កិត្យានុភាពលោកបណ្ឌិត កែម ឡី។ ក្មេងម្នាក់នេះអុជធូបប្រាថ្នាចង់ធ្វើរឿងមិនត្រូវ រឿងគ្មានប្រយោជន៍ដល់ជាតិខ្មែរយើង»។

លោក ពេជ្រ ស្រស់ បានដាក់ពាក្យបណ្តឹងទៅសាលាដំបូងរាជធានីភ្នំពេញកាលពីថ្ងៃទី ០៨ ខែ កញ្ញា ស្នើឲ្យមានការស៊ើបអង្កេតលើគណៈកម្មការបុណ្យសពលោក កែម ឡី ដោយលោកថា ដើម្បីតម្លាភាពសង្គម កុំឲ្យមានការលួចបន្លំលុយបុណ្យសព ការស្វែងរកយុត្តិធម៌ឲ្យអ្នកចូលបច្ច័យបុណ្យសព និងរកយុត្តិធម៌ជូនក្រុមគ្រួសារសពលោក កែម ឡី។

គណៈកម្មការបុណ្យ បានរិះគន់ចំណាត់ការរបស់តុលាការលើករណីនេះ ដោយសារដើមបណ្ដឹងមិនមែនជាសាច់ញាតិនៃសពលោក បណ្ឌិត កែម ឡី នោះទេ ហើយគណៈកម្មការបុណ្យបានត្រឹមតែជួយផ្នែកបច្ចេកទេស និងសកម្មភាព ទូរទៅ មិនមានតួនាទីកាន់លុយបុណ្យនោះទេ៕