ឈុំ សេរីសុខុម

ឯកសារអានបន្ថែមរួមមាន៖

1. រដ្ឋាភិបាលស្រម៉ោលនៅកម្ពុជា
2. វត្តភ្នំសេរី សហរដ្ឋអាមេរិក
3. ប្រធានចលនា យុវជនប្រចាំ ជប៉ុន ហៃ វណ្ណា
4. ចក្រភពចម្ប៉ា (ចាម)
5. ឈុំ សេរីសុខុម 

ឈុំ សេរីសុខុម ត្រូវបានគេដឹងថា ជាមនុស្ស បើកគណបក្ស ដោយថវិកាខ្លួនឯងចំនួន ០៤ លានដុល្លា បានពីការ លក់ផ្ទះ ដើម្បីដំណើរការបក្សប្រឆាំង ប្រចាំរដ្ឋកាលីហ្វូញ៉ា។ គោលបំណងនៃការ បើកបក្ស គឺគៀងគរសមាជិកជាជនជាតិខ្មែរ ដើម្បី ស៊ីឈ្នួលធ្វើបាតុកម្ម ឲ្យ ជនជាតិ ម៉ុងតាញ៉ា ឬ ជនជាតិ ចម្ប៉ា ។ ដោយសារ ផែនការកាត់ទឹកដីកម្ពុជា ០៤ ខេត្តឲ្យទៅម៉ុងតាញ៉ា បរាជ័យនោះ គណបក្សសង្រ្គោះជាតិ ក៍ត្រូវបានរំលាយ ហើយឈុំ សេរីសុខុម ក៍ខាតបង់ អស់ទ្រព្យសម្បត្តិជាង ០៤ លានដុល្លា និងត្រូវបានគេបង្ខំអោយ លាលែងពីដំណែងជា មេបក្ស។

០៧ កក្កដា ២០១៦ - ឧបត្ថម្ភ ពីម្សិលមិញ និងថ្ងៃនេះ ទី០៦ ខែកក្កដា ឆ្នាំ២០១៦  ឯកឧត្តម សាង សាន្ត បានប្រគល់បាយចំនួន ៤០០ ប្រអប់ ដល់គណៈកម្មការ ផ្គត់ផ្គង់អាហារសម្រាប់ចែកជូនដល់សកម្មជនមូលដ្ឋានដែលបានមកតាមដានស្ថានភាពនយោបាយបច្ចុប្បន្ននៅទី ស្នាក់ការកណ្ដាលនៃគណបក្ស សង្គ្រោះជាតិ ដែលឧបត្ថម្ភដោយ លោកឪពុក កុក សរ តាមរយៈសាខា គណបក្សសង្គ្រោះជាតិ ប្រចាំរដ្ឋ ណតខាឡាយណា សហរដ្ឋអាមេរិក ដែលដឹកនាំដោយ លោក ជុំ សេរីសុខុម CNRP North Carolina ដែលកាឧបត្ថម្ភនេះមានចំនួនបាយសរុប ១០០០ ប្រអប់ សំរាប់ ៥ ថ្ងៃ ។

ថ្ងៃទី១៩ ខែតុលា ឆ្នាំ ២០១៨

(ភ្នំពេញ)៖ ខណៈរាជរដ្ឋាភិបាលកម្ពុជាដឹកនាំ ដោយគណបក្សប្រជាជនកម្ពុជាដែលមានសម្តេចតេជោ ហ៊ុន សែន ជាប្រមុខដឹកនាំ បាននិងកំពុងកសាងកិត្តិយស និងកេរ្តិ៍ឈ្មោះ កិត្យានុភាពសម្រាប់ជាតិ និងប្រជាជនកម្ពុជាឱ្យកាន់តែរឹងមាំថែមនៅលើឆាកអន្តរជាតិ ព្រមទាំងទទួលបានជ័យជម្នះ មានប្រៀបលើគ្រប់សមរភូមិទាំងក្នុង និងក្រៅប្រទេស ក្រុមអ្នកនយោបាយប្រឆាំងរត់ចោលស្រុកកំពុងតែបែកបាក់ និងចែកផ្លូវគ្នាដើរ។ កម្លាំងនយោបាយទាំងពីរដឹកនាំដោយ សម រង្ស៊ី និង កឹម សុខា ដែលមានកឹម មនោវិទ្យា ជាកូនស្រីចេញមុខដឹកនាំកំពុងប្រកួតប្រជែងគ្នា ដើម្បីដណ្តើមឥទ្ធិពល និងអាចគ្រប់គ្រងឥទ្ធិពលដាច់តែឯងលើខ្មោចគណបក្សសង្គ្រោះជាតិ។

ក្រុម សម រង្ស៊ី និយមបានព្យាយាមគ្រប់គ្រងលើសមរភូមិការទូត និងនាំមុខក្រុម កឹម មនោវិទ្យា ហើយប៉ុនប៉ងឡើងគ្រប់គ្រងបក្សសង្គ្រោះជាតិបានស្លាប់ជាខ្មោចទៅហើយ ដែលខ្លួនធ្លាប់គ្រប់គ្រងធ្វើប្រធានឡើងវិញតាមរយៈការធ្វើសន្និសីទពិភពលោកសាខាគណបក្សសង្គ្រោះជាតិនៅខែធ្នូខាងមុខ។ ប៉ុន្តែត្រូវបានក្រុម កឹម សុខា និយមវាយបកយ៉ាងចាស់ដៃ ដោយចោទក្រុមសម រង្ស៊ីថា ជាក្រុមដង្កូវក្នុងសាច់ និងជាអ្នកដែលធ្វើឱ្យគណបក្សសង្គ្រោះជាតិរលាយ ហើយចលនាសង្គ្រោះជាតិដឹកនាំដោយ សម រង្ស៊ី គឺជាចលនានយោបាយ គ្មានគោលការណ៍ច្បាស់លាស់ ហើយបាននិងកំពុងអនុវត្តផែនការធ្វើបក្សប្រហារ។

ការបែកបាក់ដ៏ធ្ងន់ធ្ងរ និងការចែកផ្លូវគ្នារបស់កម្លាំងនយោបាយ សម រង្ស៊ីនិយម និងកឹម សុខានិយម នេះត្រូវបានលេចឡើងកាន់តែច្បាស់នៅក្នុងប៉ុន្មានថ្ងៃចុងក្រោយនេះ ជាមួយនឹងព្រឹត្តិការណ៍ ២ សំខាន់គឺ ទី១)នៅឯកិច្ចប្រជុំសហភាពអន្តរសភានៅប្រទេសស្វីស សម រង្ស៊ី ប្រធានចលនាឧទ្ទាមខុសច្បាប់សង្គ្រោះជាតិ ដែលលែងមានតួនាទីអ្វីទាក់ទងនឹងគណបក្សសង្គ្រោះជាតិ បានយកឈ្មោះគណបក្សសង្គ្រោះជាតិ ទៅប្រើប្រាស់ និងព្យាយាមទាញផលប្រយោជន៍នយោបាយសម្រាប់ស្វែងរក ដំណោះស្រាយ លើសំណុំរឿងរបស់ខ្លួនដែលជាប់ជំពាក់ជាមួយច្បាប់ នៅប្រទេសកម្ពុជា។

សម រង្ស៊ី គ្មានឈ្មោះក្នុងកិច្ចប្រជុំបានត្រឹមតែទៅឈរ អើតមើលកិច្ចប្រជុំក្រៅផ្លូវតែប៉ុណ្ណោះ ដើម្បីបង្អួតសកម្មជនអ្នកគាំទ្ររបស់ខ្លួនក្នុងបំណងបង្ហាញថា ខ្លួនបានដើរតួនាទីសំខាន់ក្នុងការ ស្រោចស្រង់ និងប្រស់ខ្មោចបក្សសង្គ្រោះជាតិឱ្យរស់ឡើងវិញ ទី២) ក្រុមសម រង្ស៊ី និយមដែលកំពុងដឹកនាំចលនាសង្គ្រោះជាតិខុសច្បាប់ បានបន្លំប្រើប្រាស់ឈ្មោះថា ជាប្រធានសាខាគណបក្សនៅតាមប្រទេសនានា បានគ្រោងរៀបចំសន្និសីទពិភពលោកសាខាគណបក្សសង្គ្រោះជាតិ នៅក្រៅប្រទេសដែលគ្រោងនឹងធ្វើឡើងនៅថ្ងៃទី១ និងទី២ ខែធ្នូ ឆ្នាំ ២០១៨ នៅរដ្ឋចរជៀ សហរដ្ឋអាមេរិក ដោយមានតំណាងពីប្រទេសនានាក្នុងពិភពលោក។ ការរៀបចំសន្និសីទនេះឡើងនេះ ទោះប្រើក្នុងលេសដើម្បីកំណត់យុទ្ធសាស្ត្រនយោបាយ ក្នុងការស្តារលទ្ធិប្រជាធិបតេយ្យនៅកម្ពុជា ប៉ុន្តែត្រូវបានប្រភពនានាបង្ហើបឱ្យដឹងថាគឺជាការ ធ្វើបក្សប្រហារពីសំណាក់ក្រុម សម រង្ស៊ី និយមយ៉ាងច្បាស់ដែលចេញមុខដោយឈ្មោះ អ៊ុង រិទ្ធី និងលី សុខា យឹម ស៊ីណន ហៃ វណ្ណា ជុំ សេរីសុខុម ជាដើមដោយមាន សម រង្ស៊ី អេង នៅពីក្រោយខ្នង ដើម្បីលើកបន្តុបទណ្ឌិត សម រង្ស៊ី ធ្វើជាប្រធានស្របច្បាប់ឡើងវិញដឹកនាំខ្មោចបក្សសង្គ្រោះជាតិ។

ទំនងដោយសារតែមើលឃើញពីសកម្មភាពក្បត់ដៃគូរបស់ខ្លួន ដូច្នេះហើយបានជាក្រុមកឹម សុខា និយមបាននាំគ្នាប្រតិកម្មតបតាមរយៈសំឡេង របស់ ហ៊ីង សុខសាន្ត ប្រធានចលនាយុវជនខ្មោចបក្សសង្គ្រោះជាតិ និងជាមនុស្សជំនិតរបស់ កឹម សុខា និងកឹម មនោវិទ្យា បានបង្ហាញពីការមិនគាំទ្រលើយុទ្ធសាស្ត្រនយោបាយបែបអង្ករកំប៉ុង ឬនយោបាយកំប៉ុងជើងធូបរបស់ សម រង្ស៊ី។ លើហ្វេសប៊ុករបស់ ហ៊ីង សុខសាន្ត នៅថ្ងៃទី១៨ ខែតុលា នេះ បានសរសេរថា៖ «គណបក្សសង្គ្រោះជាតិមិនមែនជាចលនានយោបាយបែបអាណាធិបតេយ្យ ធ្វើសកម្មភាពតាមអារម្មណ៍ និងនយោបាយច្រាសជើងឡើយ។ យើងមានផែនការសកម្មភាព ផែនការយុទ្ធសាស្ត្រច្បាស់លាស់់។ ន័យនេះចង់បង្ហាញភាពខ្លាំងរបស់សង្គ្រោះជាតិ ហើយដើម្បីប្រាប់ទៅបុគ្គលក្នុងសង្គ្រោះជាតិខ្លះ កុំឱ្យធ្វើអ្វីគ្មានវិន័យ តាមអារម្មណ៍ និងអាណាធិបតេយ្យដែលនាំឱ្យប៉ះពាល់កិត្តិយសរបស់គណបក្សសង្គ្រោះជាតិ»។

ការលើកឡើងនេះប្រៀបបាននឹងការទះកំផ្លៀង សម រង្ស៊ី និងតំណាងចលនាសង្គ្រោះជាតិ តាមបណ្តាប្រទេសនានាដែលធ្វើសកម្មភាពតាមការនឹកឃើញ និងមានបំណងយកខ្មោច បក្សសង្គ្រោះជាតិទៅគ្រប់គ្រងតែឯង ខណៈ កឹម សុខា កំពុងស្ថិតស្ថានភាពដោះលែងក្រោមការត្រួតពិនិត្យតាមផ្លូវតុលាការ។ ការបែកបាក់គ្នារបស់ក្រុមប្រឆាំងនេះ មិនមែនត្រឹមតែ ពាក្យសម្តីទេ គឺរួមទាំងសកម្មភាពថែមទៀតផង។ ភស្តុតាងបង្ហាញយ៉ាងច្បាស់គឺ សម រង្ស៊ី និងកឹម មនោវិទ្យា ឈ្លោះគ្នាដណ្តើមឥទ្ធិពលគ្នាហើយជម្លោះនេះមានតាំង ពីដើម រៀងមក។ គេនៅចាំបានថា កឹម មនោវិទ្យា បានចោទធ្ងន់ៗលើសម រង្ស៊ី ថាមិនមែនជាមនុស្សទទួលខុសត្រូវ និងអាងអីអាងតែរត់គេចខ្លួន ព្រមទាំងចោទ សម រង្ស៊ី ថា ដឹកនាំបក្ស ដោយប្រើប្រាស់ឥទ្ធិពលបុគ្គលនិយម។ កឹម មនោវិទ្យា លើកឡើងថាពេលដែល សម រង្ស៊ី លាលែងពីតំណែងជាប្រធានបក្សសង្គ្រោះជាតិ នោះបក្សនេះនឹងមានឱកាសរៀបចំ យន្តការដឹកនាំច្បាស់លាស់ មិនស្ថិតនៅលើឥទ្ធិពលរបស់បុគ្គលដូចពីមុនឡើយ។

តាមពិតទៅ ក្រុម សម រង្ស៊ី និយម និងកឹម សុខា និយមនេះបានបែកបាក់គ្នាចាប់តាំងពីការរួបរួមគ្នា បង្កើតជាបក្សតែមួយ នៅខែកក្កដា ឆ្នាំ២០១២ មកម៉្លេះ ព្រោះពួកគេតែងតែដណ្តើម ឥទ្ធិពលគ្នាទៅវិញទៅមកនៅក្នុងបក្ស។ បច្ចុប្បន្ននេះពួកគេបែកបាក់ ចែកចានចែកឆ្នាំងគ្នាក្នុងផ្ទៃក្នុង ប៉ុន្តែជារូបភាពធ្វើជាថារួបរួមគ្នាព្រោះពួកគេមិនអាចបែកចេញពីគ្នាដាច់ ដូចពីមុនឡើយព្រោះចៅហ្វាយនាយបរទេសរបស់ពួកគេមិនអនុ ញ្ញាតឱ្យចែកក្រុមបក្សពួកទៀតឡើយ។ ការបង្ហាញពីការបែកគ្នាជាពីរកាន់តែខ្លាំងគឺនៅដើមឆ្នាំ ២០១៨ នេះ ពេលដែល សម រង្ស៊ី ប្រកាសបង្កើតចលនាសង្គ្រោះជាតិ ក្រោយពីទទួលស្គាល់ថា គណបក្សសង្គ្រោះជាតិស្លាប់ ហើយមិនអាចជួយសង្គ្រោះបានទៀតឡើយ គឺត្រូវបង្កើតចលនាមួយ ដើម្បីសង្គ្រោះបក្ស និងជួយសង្គ្រោះ កឹម សុខា ពីគុក។ ឥឡូវនេះ សម រង្ស៊ី ហាក់ដូចជាបានឡើងគ្របដណ្តប់ឥទ្ធិពលកម្លាំងនយោបាយនៃ ខ្មោចបក្សសង្គ្រោះជាតិហើយពេលដែលកឹម សុខា នៅក្នុងឃុំហើយ កឹម មនោវិទ្យា មិនមានសកម្មភាពខ្លាំង។ ក្រុមទាំងពីរនេះមិនត្រឹមតែដណ្តើមអំណាច និងឥទ្ធិពលបក្សនៅក្នុងប្រទេសទេ សូម្បីនៅក្រៅប្រទេសក៏បានប្រយុទ្ធគ្នា ដើម្បីក្តោបក្តាប់ឥទ្ធិពលនយោបាយលើគ្នាទៅវិញទៅមកដែរ។

កម្ពុជាពិតជាសំណាងណាស់ ដែលក្រុមអ្នកនយោបាយប្រឆាំងល្មោភអំណាចទាំងអស់នេះ ត្រូវបានខ្ចាត់ព្រាត់ និងបន្តការហែកហួរក្រុមគ្នាឯងនៅក្រៅប្រទេស។ កម្ពុជាពិតជាមិនត្រូវការក្រុម ជនក្បត់ជាតិទាំងនេះឡើយ។ ផែនការបំផ្លាញជាតិរបស់ពួកគេមិនទទួលបានជោគជ័យឡើយ ហើយការបំបែកបំបាក់ជាតិខ្មែរ ក៏មិនទទួលបានជ័យជម្នះទេ គឺពួកគេបានទទួលបរាជ័យនៅគ្រប់សមរភូមិទាំងនយោបាយ ការទូត និងកម្លាំងគាំទ្រពីប្រជាពលរដ្ឋ និងមានការបែកបាក់គ្នា វៃប្រហារគ្នាដណ្តើមឥទ្ធិពលគ្នាទៅវិញទៅមកទៀត។ ចំណែករាជរដ្ឋាភិបាលកម្ពុជាដឹកនាំដោយសម្តេចតេជោ ហ៊ុន សែន ក្រោមការគាំទ្រដ៏ ច្រើនលើសលុបពីពលរដ្ឋម្ចាស់ឆ្នោតទាំងក្នុងនិងក្រៅប្រទេស បានទទួលជោគជ័យសមិទ្ធិផលជាតិ ជាច្រើន និងបានលើកតម្កើងមុខមាត់ជាតិ ព្រមទាំងពង្រឹងតួនាទីរបស់កម្ពុជាក្នុងតំបន់ និងក្នុងពិភពលោកក្នុងនាមជាដៃគូស្មើសិទ្ធិ និងស្មើភាពជាមួយប្រទេសទាំងអស់នៅលើពិភពលោក៕

ដោយ៖ ចៅចាក់ស្មុក

ថ្ងៃទី១៩ ខែតុលា ឆ្នាំ ២០១៨

ស្រុកកំចាយមារ ខេត្តព្រៃវែង

2016-10-29 05:51pm

សកម្មជន CNRP ចេញមុខប្រឆាំងនឹង ប្រធានមូលនិធិសង្គ្រោះជាតិ ប្រចាំសហរដ្ឋអាមេរិក ដែលគាំទ្រកូនស្រីលោក កឹម សុខា រិះគន់លោក សម រង្ស៉ី  

(ភ្នំពេញ)៖ លោក ឈុំ សេរីសុខុម ជាសកម្មជនគណបក្សសង្រ្គោះជាតិ នៅសហរដ្ឋអាមេរិក បានចេញមុខប្រឆាំងនឹងលោក ទូច វិបុល ប្រធានមូលនិធិសង្គ្រោះជាតិ ប្រចាំសហរដ្ឋអាមេរិក ដែលបានចេញមុខគាំទ្រ កូនស្រីរបស់លោក កឹម សុខា ហើយរិះគន់លោក សម រង្ស៉ី នាពេលថ្មីៗនេះ។

សកម្មជនគណបក្សសង្រ្គោះជាតិ ដែលមានជំហរគាំទ្រលើលោក សម រង្ស៊ី រូបនោះ បានចោទប្រកាន់ថា លោក ទូច វិបុល ដែលគ្រប់គ្រង់មូលនិធិ គណបក្ស សង្រ្គោះជាតិ នៅសហរដ្ឋអាមេរិកថា គាំទ្រដល់ការរិះគន់របស់កញ្ញា កឹម មនោវិទ្យា ទៅលើប្រធានគណបក្សខ្លួនឯង។

ថ្លែងតាមរយៈវីដែអូឃ្លីប ដែលបង្ហោះនៅលើបណ្តាញសង្គម Facebook នាថ្មីៗនេះលោក ឈុំ សេរីសុខុម បានសរសេរថា «សព្វថ្ងៃដែលអស់លោកធ្វើការដើម្បី សមាគម ឬក៏មូលនិធិ យើងខ្ញុំទាំងអស់គ្នា តែងតែប្រមូលមនុស្សឱ្យទៅជួយគាំទ្រអ្វីដែលលោកធ្វើដើម្បីជាតិ ធ្វើការបង្រួបបង្រួម ប៉ុន្តែចុងបញ្ចប់ លោកបានចេញ Article វាយប្រហារលោក សម រង្ស៊ី ថែមទៀត កំសាក គ្មានក្លាហាន និងទទួលខុសត្រូវ»។

ជាមួយការចែកចាយនូវព័ត៌មាន ស្តីពីការរិះគន់របស់កញ្ញា កឹម មនោវិទ្យា ទៅលើ លោក សម រង្ស៊ី នៅលើបណ្តាញសង្គម Facebook កាលពីថ្ងៃទី២៧ ខែតុលា ឆ្នាំ២០១៦នោះ លោក ទូច វិបុល បានសរសេរសារនយោបាយមួយ ដោយគាំទ្រ និងកោតសរសើរនូវការរិះគន់នេះ។ លោកថាយុវជនត្រូវហ៊ានរិះគន់អ្នកនយោបាយ ហើយថា ការរិះគន់នេះ មិនគួរត្រូវបានចោទប្រកាន់ថាក្បត់នោះទេ។

លោក ទូច វិបុល ដែលជាប្រធានអង្គការសម្ព័ន្ធមិត្តខ្មែរ-អាមេរិកាំងដែរនោះ បានសរសេរថា «ការបញ្ចេញយោបល់នេះ គឺជាការលើកកម្ពស់គុណភាព អ្នកនយោបាយនានា ឲ្យហ៊ានទទួលខុសត្រូវចំពោះការសម្រេចចិត្តរបស់ខ្លួន។ ម្យ៉ាងវិញទៀត ការរិះគន់ទៅលើអ្នកនយោបាយណាម្នាក់ មិនមែនមានន័យថា ជាការក្បត់ជាតិ ឬក្បត់បក្ស ឬធ្វើឲ្យបែកបាក់សាមគ្គីផ្ទៃក្នុងបក្ស ឬសាមគ្គីជាតិនោះទេ»។

51,270 views  Jun 27, 2015

អាមេរិកាំង​សហគមន៍​ខ្មែរ​អាមេរិកាំង​ម៉ុងតាញ៉ានិង​ឡាវ​បាន​មកធ្វើ​បាតុកម្ម​កាលពី​ថ្ងៃសុក្រ​នៅពី​មុខវិមាន​រដ្ឋ​សភា​សហ​រដ្ឋ​អាមេរិក​ដើម្បី​ស្នើ​សុំកុំ​ឱ្យសហ​រដ្ឋ​អាមេរិក​លក់​អាវុធ​ទៅឱ្យ​រដ្ឋាភិបាល​វៀតណាម​និង​រារាំង​ប្រទេស​កុម្មុយនិស្ត​នេះ​មិនឱ្យ​ចូលរួម​ក្នុង​កិច្ច​ព្រមព្រៀង​ពាណិជ្ជ​កម្មដៃ​គូឆ្លង​មហា​សមុទ្រ​ប៉ាស៊ីហ្វិក​ដោយ​សារតែ​ប្រទេស​នេះ​នៅ​តែ​រំលោភ​សិទ្ធិ​មនុស្ស​ក្នុងប្រទេស​និង​ពង្រីក​ឥទ្ធិពល​របស់ខ្លួន​មក​លើ​ប្រទេស​ជិតខាង។​

រូបថតទាកទងជាមួយ ឈុំ សេរីសុខុម