Chham Chhany ចំនួនអ្នកជាវប័ណ្ណនាឡិកាលោក សម រង្ស៊ី បានកើនដល់ជាង ៤ ម៉ឺនសន្លឹក (៤១.៣១៣) ហើយ ក្នុងរយៈពេលជិត ២ សប្ដាហ៍មកនេះ។
លោក សម រង្ស៊ី បានធ្វើយុទ្ធនាការលក់នាឡិកាដែលមានតម្លៃប្រមាណជាង ១០ ដុល្លារនេះ ក្រោយពេលលោកជំរុញឲ្យលោកនាយករដ្ឋមន្ត្រី ហ៊ុន សែន លក់នាឡិកាដៃទំនើបៗ របស់លោករាប់សិបគ្រឿងដែលមានតម្លៃរហូតដល់រាប់លានដុល្លារ ដើម្បីយកលុយទាំងនោះមកជួយពលរដ្ឋក្រីក្រនៅតំបន់បិទខ្ទប់៕
២០១៨ ភ្នំពេញៈ លោក ជាម ចន្នី អតីតតំណាងរាស្រ្ត អតីតគណបក្សសង្គ្រោះជាតិ មណ្ឌលខេត្តកំពង់ចាម បានទទួលមរណភាព ហើយ នៅរសៀល ថ្ងៃទី ២៥ ខែតុលា ឆ្នាំ ២០១៨ នៅគេហដ្ឋានរបស់លោក ក្នុងសង្កាត់ ភ្នំពេញថ្មី ខណ្ឌសែនសុខ ដោយជំងឺ ដុំសាច់ក្នុងខួរក្បាល។ នេះបើតាម លោក មុត ចន្ថា នាយកខុទ្ទកាល័យអតីតប្រធានគណបក្សសង្គ្រោះជាតិ លោក កឹម សុខា បានផ្សព្វផ្សាយតាមរយៈទំព័រហ្វេសប៊ុករបស់លោកនៅថ្ងៃទី២៥ ខែតុលា។
លោក អ៊ូ ច័ន្ទរ័ត្ន អតីតតំណាងរាស្ត្រ អតីតគណបក្សសង្គ្រោះជាតិ បានថ្លែងប្រាប់ភ្នំពេញបុស្ដិ៍ម្សិលមិញថា តាមការផ្សព្វផ្សាយសាររំលែកទុក្ខរបស់លោក មុត ចន្ថា មរណភាព របស់លោក ជាម ចន្នី គឺជាព័ត៌មានពិតហើយ។
លោកបញ្ជាក់ថា៖«ឯកឧត្ដម ជាម ចន្នី មានជន្នាយុ ៥៨ ចូល ៥៩ ឆ្នាំហើយ នេះបើតាមខ្ញុំចាំ។ គាត់មានជំងឺដុំសាច់ ក្នុងខួរក្បាល ហើយគាត់ធ្លាប់ទៅវះកាត់នៅប្រទេសថៃ ពីរដងរួចមកហើយ»។
លោក ច័ន្ទរ័ត្ន បានឲ្យដឹងថា ជំងឺដុំសាច់ក្នុងខួរក្បាលរបស់លោក ចន្នី រហូតឈានទៅវះកាត់ដល់ប្រទេសថៃនេះ គឺជាជំងឺដូចជាជំងឺមហារីកដែរ។
លោកបានបញ្ជាក់ថា៖«មួយរយៈក្រោយនេះ គាត់ត្អូញថា ឈឺក្នុងពោះ ពេលទៅពិនិត្យមើល ដុំសាច់នេះ បានរាលដាលទៅដុះដល់ក្នុងពោះវៀនថែមទៀត ហើយថា នឹងទៅវះកាត់ពោះវៀនថែមទៀត តែឥឡូវមិនទាន់បានទៅវះផង»។
បើតាមលោក ច័ន្ទរ័ត្ន លោក ជាម ចន្នី ជាតំណាងរាស្ត្រ អតីតគណបក្សសង្គ្រោះជាតិម្នាក់ ដែលបានលះបង់កម្លាំងកាយចិត្ដ យ៉ាងសកម្មនៅក្នុងមូលដ្ឋាន និងជាតំណាងរាស្រ្ដម្នាក់ ហ៊ានថា ហ៊ាននិយាយ ហ៊ានធ្វើកិច្ចការងារជាច្រើនក្នុងតួនាទីជាតំណាងរាស្រ្ដនេះ។
លោកឲ្យដឹងថា៖«លោក(ចន្នី)មានប្រជាប្រិយភាពជាមួយប្រជាពលរដ្ឋនៅមូលដ្ឋាន និងសកម្មជនគាំទ្រ បានចូលចិត្ដ និងគាំទ្រគាត់ច្រើន។ លោកក៏ធ្លាប់ជាប់ពន្ធនាគារម្ដងផងដែរ កាលពីអាណត្ដិទី ២ ដែលលោកចូលរួមក្នុងគណបក្សជាតិខ្មែរ»។
លោក មុត ចន្ថា បានសរសេរសាររំលែកទុក្ខនៅលើហ្វេសប៊ុករបស់លោកដោយអមជាមួយរូបថតរបស់លោកជាម ចន្នីជាច្រើនសន្លឹកថា លោកពិតជាមានសេចក្ដីក្ដុកក្ដួល និងរន្ធត់ណាស់ ដោយទទួលដំណឹងថា លោក ជាម ចន្នី តំណាងរាស្រ្ដ នៃអតីតគណបក្សសង្គ្រោះជាតិ មណ្ឌលកំពង់ចាម បានទទួលមរណភាពនៅថ្ងៃ ព្រហស្បតិ៍ ទី២៥ ខែតុលា ឆ្នាំ ២០១៨ នេះ។
បើតាមការបញ្ជាក់ របស់លោក មុត ចន្ថា ក្នុងបុព្វហេតុលទ្ធិប្រជាធិបតេយ្យ លោកចន្នី បានប្រឈមនឹងការគំរាមកំហែង គ្រប់បែបយ៉ាង និងត្រូវបានចាប់ឃុំខ្លួនក្នុងពន្ធនាគារអស់រយៈពេលជាច្រើនឆ្នាំ ពាក់ព័ន្ធនឹងបទចោទប្រកាន់ដ៏ចម្រូងចម្រាសរបស់រដ្ឋាភិបាលរឿងរៀបចំកងទ័ពនៅក្នុងរដ្ឋាភិបាលស្រមោល។
លោក ចន្នា បន្ដថា៖«ទោះជាយ៉ាងនេះក្ដី លោកពុំបានរាថយឡើយ ព្រោះលោកមានបំណងប្រាថ្នា ឱ្យប្រជាពលរដ្ឋខ្មែរមានសិទ្ធិ សេរីភាពពេញបរិបូរណ៍ យុត្ដិធម៌ និងលទ្ធិប្រជាធិបតេយ្យពិតប្រាកដ។ ការបាត់បង់ ឯកឧត្ដម ជាម ចន្នី គឺជាការបាត់បង់ធនធានមនុស្ស និងជាអ្នកស្នេហាជាតិប្រកបដោយឧត្ដមគតិម្នាក់»។
លោក ឡេង ប៉េងឡុង អ្នកនាំពាក្យរដ្ឋសភាកម្ពុជា បានថ្លែងថា ចំពោះតំណាងរាស្រ្ដដែលចេញពីតំណែងហើយបែបនេះ តាមច្បាប់ ស្ថាប័នរដ្ឋសភា មិនមានកាតព្វកិច្ច ដើម្បីរៀបចំពិធីបុណ្យអ្វីសម្រាប់គាត់ទៀតនោះទេ។
លោកបន្ដថា៖«ប៉ុន្ដែបើមានតំណាងរាស្រ្ដ ឬក៏មានបងប្អូនណា គាត់ចង់អញ្ជើញទៅចូលរួមបុណ្យសព ក៏យើងមិនថា អ្វីដែរ។ ប៉ុន្ដែតាមច្បាប់ យើងអត់មានត្រូវទៅពាក់ព័ន្ធជាមួយតំណាងរាស្រ្ដ ដែលចេញពីតំណែងហើយទេ»។
លោកបញ្ជាក់ថា៖«តាមដែលធ្លាប់រាប់អានគ្នា ធ្លាប់ស្គាល់ រាក់ទាក់ ជាមួយនឹងគ្នាចឹង យើងអាចនឹងទៅគោរពវិញ្ញាណក្ខន្ធ តាមមនោសញ្ចេតនាដែរ។ តែបើតាមច្បាប់ យើង (រដ្ឋសភា) មិនមានកំណត់ឲ្យធ្វើបុណ្យធ្វើទានអ្វីទេ ចំពោះអ្នកតំណាងរាស្រ្ដដែលចេញពីតំណែងហើយ»៕
លោកនាយករដ្ឋមន្ត្រីហ៊ុន សែន នៅក្នុងពិធីមួយ កាលពីសប្តាហ៍មុន។ រូបថត អ៊ុយ នូសិរីមុនី
លោកនាយករដ្ឋមន្រ្តី ហ៊ុន សែន បានរិះគន់សមាជិកសភាចំនួន ៤ រូប មកពីគណបក្ស សម រង្ស៊ី កាលពីសប្តាហ៍មុន ដោយចោទប្រកាន់ពួកគេថា បានបម្រើផលប្រយោជន៍របស់ជនជ្រុលនិយមថៃ និងរំលោភបំពានលើសម្បថរបស់ខ្លួន ដែលបានស្បថ នៅរដ្ឋសភា។
លោក ហ៊ុន សែន បានសរសេរលិខិតមួយ ផ្ញើជូនលោក ហេង សំរិន ប្រធានរដ្ឋសភា កាលពីថ្ងៃទី ២៣ ខែតុលា គឺមិនមែនជាលិខិតឆ្លើយឆ្លងសំណួរ ដែលបានចោទឡើង កាលពីថ្ងៃទី ១៣ ខែតុលា ដោយលោក សម រង្ស៊ី មេដឹកនាំគណបក្សប្រឆាំង ដែលកំពុងនិរទេសខ្លួនឯង និងលោក ឃីម ឡាក់គី លោក ម៉ៅ មុនីវណ្ណ និងលោក ជៀម ចន្នី ដែលជាការចោទប្រកាន់រដ្ឋាភិបាលថា បានរំលោភលើកិច្ចព្រមព្រៀងទីក្រុងប៉ារីស នោះទេ។ លោក ហ៊ុន សែន បានសរសេរថា៖ «ខ្ញុំមានការសោកស្តាយយ៉ាងខ្លាំង ចំពោះការចោទប្រកាន់របស់អ្នកតំណាងរាស្រ្តទាំង ០៤ រូប ដែលជាជនជាតិកម្ពុជា គឺដូចគ្នាទាំងស្រុង ទៅនឹងការចោទប្រកាន់ជារឿយៗ របស់ក្រុមនិយមជ្រុលថៃមកលើកម្ពុជា ហើយដែលរាជរដ្ឋាភិបាល ធ្លាប់បានឆ្លើយបំភ្លឺរួចមកហើយ។ ការចោទប្រកាន់នេះ បង្ហាញយ៉ាងច្បាស់ថា តំណាងរាស្រ្តគណបក្ស សម រង្ស៊ី បាននឹងកំពុងការពារ បម្រើដល់់ផលប្រយោជន៍ប្រទេសដទៃ ប្រឆាំងនឹងជាតិខ្លួនឯង ក្នុងខណៈពេលប្រទេសជិតខាង កំពុងតែឈ្លានពានទឹកដីកម្ពុជា ដែលផ្ទុយទៅនឹងការសច្ចាប្រណិធានរបស់អ្នកតំណាងរាស្រ្តខ្មែរ»។
លោកបានបន្តថា តំណាងរាស្រ្តគណបក្សប្រឆាំង គួរប្រើសិទិ្ធផ្លូវច្បាប់របស់ខ្លួន ប្តឹងទៅអំណាចតុលាការ ឲ្យធ្វើការវិនិច្ឆ័យលើការចោទប្រកាន់របស់ខ្លួន។ លោកបានសរសេរដូច្នេះថា៖ «វេទិការដ្ឋសភា មិនមែនជាសវនាការវិនិច្ឆ័យ លើការចោទប្រកាន់របស់អ្នកតំណាងរាស្រ្ត មកលើរាជរដ្ឋាភិបាលទេ»។
លោក យឹម សុវណ្ណ អ្នកនាំពាក្យរបស់គណបក្ស សម រង្ស៊ី បានឲ្យដឹង កាលពីថ្ងៃអាទិត្យ ថា ប្រទេសវៀតណាម និងថៃ ស្ថិតក្នុងចំណោមប្រទេសហត្ថលេខី ដែលមិនគោរពសន្ធិសញ្ញាទីក្រុងប៉ារីស ហើយពួកគេ បានទន្ទ្រានឈ្លានពានចូល ក្នុងអធិបតេយ្យភាពដែនដីកម្ពុជា។ លោក បានបញ្ជាក់ថា ៖ «ប្រទេសជិតខាងទាំងពីរ នៅខាងលិច និងខាងកើត មិនគោរពសន្ធិសញ្ញាទីក្រុងបារីសទេ ដែលពួកគេ បានទន្រ្ទានឈ្លានពានលើអធិបតេយ្យភាព បូរណភាពទឹកដីកម្ពុជា»។ លោកបន្តថា៖ «យើងមិនកាន់ជើងប្រទេសជិតខាងណាមួយ ដូចការចោទប្រកាន់របស់លោកនាយករដ្ឋមន្រ្តី ហ៊ុន សែន មេដឹកនាំគណបក្សប្រជាជនកម្ពុជា ដែលកាន់អំណាចទេ ប៉ុន្តែរដ្ឋាភិបាល បានបន្ទន់ខ្លួន ចំពោះប្រទេសវៀតណាម និងថៃ លើការកំណត់បង្គោលព្រំដែន ដោយសារអាជីវកម្មផ្ទាល់ខ្លួន»។
កាលពីខែ មករា លោក សម រង្ស៊ី ត្រូវបានតុលាការខេត្តស្វាយរៀង ផ្តន្ទាទោស ឲ្យជាប់ពន្ធនាគារ ២ ឆ្នាំ ទាក់ទិននឹងការដកតម្រុយបង្គោលព្រំដែនកម្ពុជា វៀតណាម កាលពីឆ្នាំមុន ហើយទោសនេះ ត្រូវបានតម្កល់ទុក ដោយតុលាការឧទ្ធរណ៍។ កាលពីខែមុន លោកត្រូវបានតុលាការរាជធានី ផ្តន្ទាទោសឲ្យជាប់ពន្ធនាគាររយៈពេល ១០ ឆ្នាំ ទៀត ពីបទផ្សព្វផ្សាយព័ត៌មានមិនពិត និងក្លែងបន្លំឯកសារសាធារណៈ បន្ទាប់ពីលោក បានខិតខំប្រឹងប្រែងបញ្ជាក់ពីការអះអាងរបស់ខ្លួន ទាក់ទិននឹងការទន្ទ្រានឈ្លានពានរបស់វៀតណាមមកលើបូរណភាពទឹកដី កម្ពុជា៕ ប្រែសម្រួលៈ លីម គួង
គណបក្សប្រឆាំងវាយប្រហារ ការបោះបង្គោលព្រំដែនកម្ពុជាវៀតណាម អ្នកតំណាងរាស្រ្តគណបក្សសម រង្ស៊ី និងប្រជាពលរដ្ឋមួយចំនួន បានអះអាងថា ការបោះបង្គោលព្រំដែនលេខ ១២៥ និង ១២៨ រវាងកម្ពុជា និងវៀតណាម នៅស្រុកពញាក្រែក ខេត្តកំពង់ចាម បានរំលោភចូលបូរណភាពទឹកដីកម្ពុជា។ ក៏ប៉ុន្តែមន្រ្តីជំនាញរបស់រដ្ឋាភិបាលខាងកិច្ចការព្រំដែនបានបដិសេធ។
ថ្លែងប្រាប់ក្រុមអ្នកកាសែតនៅក្បែរបង្គោលឡាក់លេខ ១២៥ និង ១២៨ ដែលមានទីតាំងនៅក្នុងស្រុកពញាក្រែក ខេត្តកំពង់ចាម អ្នកតំណាងរាស្រ្តគណបក្សសម រង្ស៊ី ចំនួន៣រូប ព្រមទាំងប្រជាពលរដ្ឋមួយចំនួនបានអះអាងថា ការបោះបង្គោលព្រំដែនរវាងប្រទេសកម្ពុជា និងប្រទេសវៀតណាម បានរំកិលចូលបូរណភាពទឹកដីប្រទេសកម្ពុជា។
លោកស្រីថាក់ ឡាក់នី តំណាងរាស្រ្តមណ្ឌលកំពង់ចាម ព្រមទាំងអ្នកតំណាងរាស្រ្តចំនួនពីររូបផ្សេងទៀត ដែលរួមមាន លោកម៉ៅ មុនីវណ្ណ និងលោកជៀម ចន្នី បានចុះទៅពិនិត្យមើលបង្គោលព្រំដែនលេខ ១២៥ ១២៦ ១២៧ និង ១២៨ ដែលប្រទេសកម្ពុជា និងប្រទេសវៀតណាមបានបោះក្នុងរយៈពេលកន្លងទៅនេះ។
លោកស្រីថាក់ ឡាក់នី បានថ្លែងថា បើតាមការរាយការណ៍របស់ប្រជាពលរដ្ឋ ដីស្រែ និងចំការរបស់ពួកគេចំនួន៣ភូមិ គឺភូមិអន្លង់ជ្រៃ ភូមិតាអាំ និងភូមិព្រះស្រែ ដែលមានទីតាំង នៅក្នុងឃុំកក់ ស្រុកពញាក្រែក ខេត្តកំពង់ចាម បានបាត់បង់។ លោកស្រីបានបន្តទៀតថា៖
«បើតាមខ្ញុំពិនិត្យពិតប្រាកដទៅ ខ្ញុំមិនមែនជាអ្នកបច្ចេកទេសទេ។ ក៏ប៉ុន្តែខ្ញុំយល់ថា ដីហ្នឹង ប្រហែលជាចូលដីខ្មែរ ដោយសារអី ដោយសារផ្លូវដែលខ្ញុំចូលធ្វើការតាំងពីឆ្នាំ២០០១ ខ្ញុំដើរធ្វើការព្រោះខ្ញុំទ្រទ្រង់នៅស្រុកពញាក្រែកនេះ ខ្ញុំដើរធ្វើការរហូតទៅដល់ផ្ទះសម្តេចហេង សំរិន។ ថ្លុកត្រាច អន្លង់ក្រេះ ហើយ តាអាំ ពេញហ្នឹងទាំងអស់ គឺក្នុងឃុំកក់ទាំងមូល ខ្ញុំលុកលុយពេញហ្នឹងទាំងអស់ ខ្ញុំដឹងថា ទឹកដីរបស់កម្ពុជា»។
បើតាមការអះអាងរបស់អ្នកស្រុកខ្លះបាននិយាយថា បង្គោលព្រំដែនលេខ១២៥ ១២៦ ១២៧ និង១២៨ ដែលប្រទេសកម្ពុជា និងប្រទេសវៀតណាមបានបោះនៅក្នុងរយៈពេលកន្លងទៅនេះ គឺស្ថិតនៅក្នុងតំបន់ ដែលជាស្រុកកំណើតរបស់លោកហេង សំរិន ប្រធានរដ្ឋសភារបស់ប្រទេសកម្ពុជា។
អ៊ំប្រុសមួយរូបមានសក់ព៌ណស អាយុប្រមាណ៦៧ឆ្នាំ កំពុងអង្គុយនៅលើអង្រឹងខាងក្នុងផ្ទះបាយមួយ បានថ្លែងប្រាប់វីអូអេសំឡេងសហរដ្ឋអាមេរិក ដោយស្នើសុំមិនបញ្ចេញឈ្មោះថា កាលពីពេលមិនទាន់បោះបង្គោលព្រំដែនលេខ ១២៥ ព្រំដែនរវាងប្រទេសកម្ពុជា និងប្រទេសវៀតណាម នៅចម្ងាយប្រមាណ២គីឡូម៉ែត្រពីបង្គោលព្រំដែន។ អ៊ំប្រុសរូបនោះ បានគិតបន្តិចរួចយកដីច្រត់ចង្កា ដែលមានផ្ទៃមុខជ្រៀវជ្រួញដោយសារភាពចាស់ជរានោះ បានអះអាងយ៉ាងដូច្នេះថា៖
«ពីដើមព្រំដែននៅប៉ុស្តិ៍ត្នោត នៅកន្លែងខាងកើតថ្នល់ វាបាត់ៗហើយ បាត់ច្រើនណាស់»។
ចំណែកអ៊ំស្រីមួយរូបទៀតអាយុ៦៦ឆ្នាំ រស់នៅភូមិថ្លុកត្រាច តាំងពីអាយុ១១ឆ្នាំមកម្លេះមានប្រសាសន៍ថា អ៊ំស្រីបានបាត់បង់ដីស្រែមួយចំនួន តាំងពីឆ្នាំ១៩៩៥ ដោយសារតែភាគីវៀតណាមរំលោភយក ។ អ៊ំស្រីបានថ្លែងដូច្នេះថា៖
«ទាំងអស់ ម៉ាភូមិហ្នឹងណា៎ ១៥ ហិកតា។ កាលពីខ្ញុំស្ទូងពីឆ្នាំ១៩៨៥ វារាំងឆ្នាំហ្នុង រាំងអត់បានទៅស្ទូង ដល់ទៅស្ទូងដកវាអត់ឲ្យយើងស្ទូងទេ។ ប៉ូលីសទៅក៏មិនដឹងធ្វើម៉េចទេ។ បានទៅគេហើយ។ និយាយមិនសោកស្តាយម៉េច។ មានដីឯណា ខ្ញុំនៅតាំងពីអាយុ១១ឆ្នាំ។ ឥឡូវខ្ញុំ៦៦ឆ្នាំហើយ»។
បើទោះបីជាមានការអះអាងពីក្រុមអ្នកតំណាងរាស្រ្តគណបក្សប្រឆាំង និងប្រជាពលរដ្ឋមួយចំនួនក៏ដោយ ក៏លោកវ៉ា គីមហុង ប្រធានគណៈកម្មាធិការព្រំដែនរបស់រដ្ឋាភិបាល បានច្រានចោលការលើកឡើងទាំងនេះ។ លោកវ៉ា គីមហុង បានមានប្រសាសន៍ថា ការបោះបង្គោលព្រំដែនលេខ ១២៥ មិនបានរំលោភចូលមកបូរណភាពទឹកដីរបស់ប្រទេសកម្ពុជាទេ។
«ខ្ញុំគិតថា បើវាប៉ះពាល់ មិនមែនគណបក្សប្រឆាំងទៅព្រួយចិត្តជំនួសសម្តេចប្រធានរដ្ឋសភាទេ ព្រោះភូមិគាត់ ភូមិកំណើតគាត់តាំងពីជំនាន់សង្គម ជំនាន់បារាំងមក នៅតាំងពីណាពីណីមក។ អ្នកដែលព្រួយចិត្តជាងគេ គឺសម្តេចប្រធាន។ ប្រសិនបើលោកមិនព្រួយទេ សូមអ្នកនៅគណបក្សប្រឆាំងមិនបាច់ទៅព្រួយជំនួសសម្តេចទេ»។
ប្រទេសកម្ពុជា និងប្រទេសវៀតណាម ទើបបានបោះបង្គោលព្រំដែនចំនួន ១៩១ បង្គោលតែប៉ុណ្ណោះ នៅក្នុងចំណោមបង្គោលសរុបចំនួន ៣៧៥ បង្គោល។
បើតាមការបញ្ជាក់របស់លោកវ៉ា គីមហុង បានឲ្យដឹងថា ប្រទេសទាំងពីរនឹងបោះបង្គោលព្រំដែនឲ្យបានចប់សព្វគ្រប់នៅក្នុងឆ្នាំ២០១២ ខាងមុខនេះ៕
No comments:
Post a Comment