គណបក្សពន្លឺថ្មី ជាគណបក្សថ្មីមួយបង្កើតឡើងកាលពីឆ្នាំ២០១៧ ដើម្បីចូលរួមការបោះឆ្នោតអាណត្តិទី៦ នៅថ្ងៃទី២៩ ខែកក្កដា ខាងមុខ ដោយស្ថិតនៅលេខលំដាប់រៀងទី៣ លើសន្លឹកឆ្នោត។ ប្រធានគណបក្សនេះគឺ លោក នួន សុខាវី មានជំនឿថា គណបក្សរបស់លោកនឹងអាចកែប្រែកម្ពុជាអោយឲ្យចំរើនប្រសើរឡើងវិញបាន។ សូមស្ដាប់បទសម្ភាសន៍របស់លោក តាំង សារ៉ាដា ជាមួយប្រធានគណបក្សពន្លឺថ្មី ជុំវិញការលើកឡើងអំពីយុទ្ធសាស្ត្រ និងគោលនយោបាយមួយចំនួនរបស់បក្សមួយនេះ ដែលកំពុងត្រៀមប្រកួតប្រជែងក្នុងការបោះឆ្នោតខាងមុខ។
គណបក្សពន្លឺថ្មី ផ្ញើសារអបអរសាទរជូនសម្តេចតេជោ ហ៊ុន សែន ដែលរដ្ឋសភាបោះឆ្នោតផ្តល់សេចក្តីទុកចិត្ត ឱ្យធ្វើជានាយករដ្ឋមន្រ្តីបន្តក្នុងអាណត្តិថ្មី
(ភ្នំពេញ)៖ ក្រៅពីសហគមន៍អន្តរជាតិ និងបណ្តាមន្រ្តីគណបក្សប្រជាជនកម្ពុជា, បណ្តាគណបក្សនយោបាយឯនោះវិញ ក៏បានផ្ញើសារលិខិតអបអរសាទរជូនសម្តេចតេជោ ហ៊ុន សែន ដែលត្រូវបានរដ្ឋសភា បោះឆ្នោតផ្តល់សេចក្តីទុកចិត្ត ឱ្យធ្វើជានាយករដ្ឋមន្រ្តីបន្ត ក្នុងអាណត្តិថ្មីផងដែរ។ គណបក្សពន្លឺថ្មីរបស់ នួន សុខាវី ដែលទើបត្រូវបានព្រះមហាក្សត្រ ត្រាស់បង្គាប់តែងតាំងជាសមាជិក ឧត្តមក្រុមប្រឹក្សាពិគ្រោះ និងផ្តល់យោបល់ ដែលមានឋានៈស្មើទេសរដ្ឋមន្រ្តី នៅក្នុងអាណត្តិថ្មីនេះ បានអបអរសាទរជូនសម្តេចតេជោ ហ៊ុន សែន។
គណបក្សពន្លឺថ្មី បានបញ្ជាក់យ៉ាងដូច្នេះថា៖ «នេះជាមោទនភាពដ៏ឧត្តុងឧត្តមក្រៃលែងបំផុត សម្រាប់ព្រះរាជាណាចក្រកម្ពុជាយើងទាំងមូល ហើយសម្តេច គឺជាវីរៈបុរសរដ្ឋដ៏ឆ្នើមមួយរូប នៅក្នុងប្រវត្តិសាស្រ្ត ដែលតាំងតែរួមសុខរួមទុក្ខជាមួយប្រជាពលរដ្ឋ គ្រប់កាលៈទេសៈ»។
គណបក្សនយោបាយមួយនេះ បានបន្ថែមទៀតថា «ជាពិសេស សម្តេចបានបង្រួបបង្រួមជាតិបង្កើតឱ្យមានសន្តិភាព រកសេចក្តីសុខជូនប្រជាពលរដ្ឋឱ្យមានសុខដុមរមនា និងការអភិវឌ្ឍសេដ្ឋកិច្ចប្រទេសនេះ ឱ្យមានការរីកចម្រើនជាទីមោទនៈ»៕
លោកនួន សុខាវី ប្រធានគណបក្សពន្លឺថ្មី បានប្រាប់រស្មីកម្ពុជា កាលពីព្រឹកថ្ងៃទី២១ ខែមេសាថា លោកសូមអំពាវនាវដល់ប្រជាពលរដ្ឋទូទាំងប្រទេសទៅអញ្ជើញចូលរួមបោះឆ្នោតជ្រើសតាំងតំណាងរាស្ត្រទាំងអស់គ្នា ពីព្រោះជោគវាសនារបស់ប្រទេសជាតិគឺនៅលើប្រជាពលរដ្ឋយើងហើយ។ ប្រជាពលរដ្ឋត្រូវតែឲ្យតម្លៃទៅលើជាតិខ្លួនឯង។ ដោយលោកបានបញ្ជាក់ថា “គណបក្សពន្លឺថ្មី ក៏អាចចូលរួមកែប្រែប្រទេសនិងជាតិនេះបានដែរមិនថាតែបក្សធំបក្សតូចទេគឺជាកូនខ្មែរដែលមានឧត្តមគតិជាតិពិតប្រាកដដូចគ្នាមិនមានតែបក្សមួយអាចកែប្រែប្រទេសជាតិបានទេសូមឲ្យប្រជាពលរដ្ឋពិចារណាឡើងវិញ នៅចំណុចនេះ។
លោកបានបញ្ជាក់ថាគណបក្សពន្លឺថ្មីនឹងចូលរួមក្នុងការបោះឆ្នោតជ្រើសតាំងតំណាងរាស្ត្រដែលនឹងប្រព្រឹត្តទៅនៅថ្ងៃទី២៩ខែកក្កដាឆ្នាំ២០១៨ខាងមុខ។គណបក្សនេះកំពុងរៀបចំរចនាសម្ព័ន្ធនៅតាមបណ្តារាជធានីខេត្តបានមួយចំនួនហើយនិងបានលើកស្លាកជាបណ្តើរដើម្បីឲ្យប្រជាពលរដ្ឋបានស្គាល់។
លោកនួនសុខាវីបានពន្យល់ថាគណបក្សពន្លឺថ្មីមានទិសដៅនឹងដឹកនាំនាវាកម្ពុជាឲ្យដល់ត្រើយសុភមង្គលពិតប្រាកដនិងកែប្រែកម្ពុជាឲ្យក្លាយទៅជារដ្ឋសច្ចៈគឺជាអរិយប្រទេសជាឋានសួគ៌លោកីយនៅក្នុងលោកឲ្យបានសុខទាំងមនុស្ស សុខទាំងសត្វ សុខទាំងធម្មជាតិ នៅពេលអនាគតដ៏ខ្លីខាងមុខនេះ។ ព្រោះគណបក្សពន្លឺថ្មីមានរូបមន្តក្បួនខ្នាតរបស់ជាតិពិតដែលបានបាត់បង់ជាយូរលង់ណាស់មកហើយ ដើម្បីអប់រំចិត្តគំនិតរបស់ប្រជាពលរដ្ឋទូទាំងនគរ ដើម្បីជុំជាតិ និងមានឯកភាពជាតិគ្នាពិតប្រាកដ ដើម្បីរួមគ្នាអភិវឌ្ឍន៍ប្រទេសនិងជាតិ។
សូមជម្រាបថាលោកនួនសុខាវីគឺជាប្រជាពលរដ្ឋខ្មែរនៅសហរដ្ឋអាមេរិកលោកបានវិលត្រគប់មកកម្ពុជាវិញដើម្បីបង្កើតគណបក្សនយោបាយឯករាជ្យមួយដែលមានឈ្មោះថាគណបក្សពន្លឺថ្មី។លោកបានធ្វើសកម្មភាពមនុស្សធម៌ជួយដល់កុមារកំព្រានៅតាមអង្គការមួយចំនួននិងចូលរួមសកម្មភាពមនុស្សធម៌ជាច្រើននៅក្នុងប្រទេសកម្ពុជា៕មន
No comments:
Post a Comment