សម្តេច ស ខេង បានបញ្ជាក់ថា គណបក្សបំណងពលរដ្ឋ ត្រូវធ្វើសកម្មភាពស្របតាមច្បាប់ស្តីពីគណបក្សនយោបាយ លិខិតបទដ្ឋានគតិយុត្តនានាជាធរមាន និងលក្ខន្តិកៈរបស់គណបក្សដែលតម្កល់ទុកនៅក្រសួងមហាផ្ទៃ។
គួររំលឹកថា លោក អ៊ិត សារម្យ បានដាក់ពាក្យស្នើសុំបង្កើតគណបក្សបំណងពលរដ្ឋ នៅក្រសួងមហាផ្ទៃ កាលពីថ្ងៃទី៦ ខែកក្កដា ឆ្នាំ២០១៨។លោក អ៊ិត សារម្យ បានប្រឡូកនយោបាយ តាំងពីកម្ពុជារៀបចំការបោះឆ្នោតអាណត្តិទីមួយមកម្ល៉េះ។ ដំបូងលោកបានចូលរួម ក្នុងចលនាយុវជន របស់គណបក្សហ៊្វុនស៊ីនប៉ិក និងក្រោយមកបានចូលរួមជីវភាពនយោបាយ ជាមួយគណបក្សជាតិខ្មែរ ដែលបានប្តូរឈ្មោះជា គណបក្សសម រង្ស៊ី។ លោក អ៊ិត សារម្យ បានបន្តប្តូរទ្រនំទៀត ដោយមកចូលរួមបង្កើតគណបក្សសម្ព័ន្ធដើម្បីប្រជាធិបតេយ្យ នៅឆ្នាំ២០០៦។ ប៉ុន្តែ ក្រោយរួមរស់នៅជាមួយគ្នាបាន៦ឆ្នាំ លោកត្រូវបានបណ្តេញចេញពីគណបក្សនេះ នៅឆ្នាំ២០១២ ដោយសារទំនាស់ផ្ទាល់ខ្លួន។
គិតមកដល់ពេលនេះ គណបក្សនយោបាយដែលបានចុះបញ្ជីឈ្មោះនៅក្រសួងមហាផ្ទៃ មានចំនួន ៤២គណបក្ស៕
តាមលិខិតចុះថ្ងៃទី ៧ ខែកុម្ភៈ ចុះហត្ថលេខាដោយលោក ស ខេង រដ្ឋមន្ត្រីក្រសួងមហាផ្ទៃបានឲ្យដឹងថា «គណបក្សបំណងពលរដ្ឋ» មានទីស្នាក់ការកណ្តាលនៅផ្ទះលេខ ៣៤ ផ្លូវលេខ ២០ បុរីពិភពថ្មី ភូមិត្រពាំងថ្លឹង សង្កាត់ចោមចៅទី ១ ខណ្ឌពោធិ៍សែនជ័យ រាជធានីភ្នំពេញ។
លោក អ៊ិត សារម្យ ស្ថាបនិក និងជាប្រធានគណបក្សនេះថ្លែងថា ការបង្កើតគណបក្សថ្មីនេះដើម្បីចូលរួមដោះស្រាយបញ្ហាប្រទេសជាតិ ហើយក្រុមការងារគណបក្សនឹងចុះធ្វើសកម្មភាព ដោយរៀបចំរចនាសម្ព័ន្ធនៅតាមមូលដ្ឋានដើម្បីផ្សព្វផ្សាយពីគោលនយោបាយថ្មីៗជូនពលរដ្ឋតាមមូលដ្ឋាន ដើម្បីចូលរួមប្រកួតគ្រប់ពេលបោះឆ្នោតជាតិ និងក្រោមជាតិ។
លោក សារម្យ ថ្លែងថា៖ «យើងដឹងច្បាស់ថា ការបង្កើតគណបក្សនយោបាយ នឹងទទួលបាននូវពាក្យអវិជ្ជមានផ្សេងៗដូចជា ការបំបែកសំឡេង បក្សអាយ៉ង ប្រយោជន៍ផ្ទាល់ខ្លួន ឬចង់ធ្វើធំជាដើម។ ពាក្យដែលជនរួមជាតិលើកឡើងនេះមិនមានអ្វីចម្លែកទេ ព្រោះវាជាការពិតមួយផ្នែកធំនៃបរិបទនយោបាយក្នុងសង្គមខ្មែរ»។
លោក ខៀវ សុភ័គ អ្នកនាំពាក្យក្រសួងមហាផ្ទៃបានថ្លែងថា កាលពីសប្ដាហ៍មុនមន្ត្រីជំនាញបានពិនិត្យលក្ខន្តិកៈ និងបែបបទបង្កើតគណបក្សហើយមិនមានកំហុសឆ្គងអ្វីទេ។
លោកបញ្ជាក់ថា៖ «យើងបានទទួលស្គាល់គាត់ហើយ ប្រហែលកាលពីអាទិត្យមុននេះទេ»។
លោក សំ គន្ធាមី នាយកប្រតិបត្តិគណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ហៅកាត់ថា និកហ្វិក បានថ្លែងថា ការបង្កើតគណបក្សឡើងជាបន្តបន្ទាប់នេះ វាមិនមានអ្វីចម្លែកទេ សម្រាប់នយោបាយកម្ពុជា ព្រោះគេបានសង្កេតមើលជាច្រើនអាណត្តិរួមមកហើយ ដោយគណបក្សតូចៗ គ្រាន់តែអ្នកកំដរគណបក្សធំៗប៉ុណ្ណោះ។
លោកបានបញ្ជាក់ថា៖ «យើងគិតមើល កាលពីបោះឆ្នោតអាណត្តិមុនហ្នឹងមាន ២០ គណបក្ស គ្មានគណបក្សណាបានមួយអាសនៈក្រៅពីគណបក្សប្រជាជនកម្ពុជាផង»។ គណបក្សនយោបាយចំនួន ៤១ បានចុះបញ្ជីនៅក្រសួងមហាផ្ទៃ៕
ក្រសួងមហាផ្ទៃ ប្រកាសទទួលស្គាល់ «គណបក្សបំណងពលរដ្ឋ» ដែលមានលោក អ៊ិត សារម្យ ជាប្រធានគណបក្សចាប់ពីថ្ងៃទី៧ ខែកុម្ភៈនេះតទៅ ។
បើតាមលិខិតចុះថ្ងៃទី០៧ ខែកុម្ភៈនេះ រដ្ឋមន្ត្រីក្រសួងមហាផ្ទៃ លោក ស ខេង បានឲ្យដឹងថា ក្រសួងយល់ព្រមទទួលស្គាល់ «គណបក្សបំណងពលរដ្ឋ» របស់លោក អ៊ិត សារម្យ ដែលមានទីស្នាក់ការកណ្តាលនៅផ្ទះលេខ៣៤ ផ្លូវលេខ២០ បុរីពិភពថ្មី ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
លិខិតដដែលថា គណបក្សរបស់លោក អ៊ិត សារម្យ ត្រូវធ្វើសកម្មភាពឲ្យស្របទៅតាមច្បាប់ស្ដីពីគណបក្សនយោបាយ លិខិតបទដ្ឋានគតិយុត្តិនានាជាធរមាន និងលក្ខនិ្តកៈរបស់គណបក្សដែលបានតម្កល់នៅក្រសួងមហាផ្ទៃ។
ប្រធានគណបក្សបំណងពលរដ្ឋ លោក អ៊ិត សារម្យ មានប្រសាសន៍ថា ការបង្កើតគណបក្សថ្មីនេះ ដើម្បីចូលរួមដោះស្រាយបញ្ហាប្រទេសជាតិ។ លោកបន្តថា ក្រោយពីក្រសួងបានទទួលស្គាល់រួចហើយ នឹងចុះធ្វើសកម្មភាព ដោយរៀបចំរចនាសម្ព័ន្ធនៅតាមដ្ឋាន។
លោកថា៖ «គ្រាន់តែកិច្ចការងាររបស់យើង ក្រោយពីការចុះបញ្ជី យើងបំពេញបេសកម្មស្របទៅតាមច្បាប់ ស្ដីពីគណបក្សនយោបាយ ឬក៏រដ្ឋធម្មនុញ្ញខ្មែរ។ ចុះរៀបចំហេដ្ឋារចនាសម្ព័ន្ធរបស់យើងទៅតាមក្រុមប្រឹក្សាខេត្តក្រុង អញ្ចឹងទៅការងាររបស់យើង»។
យោងតាមសេចក្ដីប្រកាសព័ត៌មានរបស់ក្រសួងមហាផ្ទៃកាលពីឆ្នាំ២០១៨ ឲ្យដឹងថា គណបក្សនយោបាយដែលបានចុះបញ្ជីនៅក្នុងក្រសួងមហាផ្ទៃចំនួន ៤១ គណបក្ស៕
ក្រសួងមហាផ្ទៃ កាលពីម្សិលមិញ បានសម្រេចចុះឈ្មោះគណបក្សថ្មីមួយ ដែលបង្កើតឡើងដោយអតីតសហការីរបស់ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យហៅកាត់ថា(LDP)។ គណបក្សថ្មីនេះ មានឈ្មោះថា «គណបក្សបំណងពលរដ្ឋ» ដែលមានសមាជិកស្ថាបនិក គឺជាអតីតអនុប្រធាន និងជាអតីតអគ្គលេខាធិការរបស់គណបក្សLDP។
លោក អោក វ៉េត អតីតអគ្គលេខាធិការគណបក្សសម្ព័ន្ធដើម្បីប្រជាធិបតេយ្យបានប្រាប់វិទ្យុបារាំងអន្តរជាតិRFIថា មូលហេតុដែលលោកនិងមនុស្សសំខាន់ៗមួយចំនួនទៀតចាកចេញពីគណបក្សLDP ដោយសារតែពួកគេមិនអាចទទួលយកបាននូវអ្វីដែលប្រមុខបក្ស លោក ខឹម វាសនា តែងតែធ្វើការ«ជេរប្រមាថ»។ ការជេរប្រមាថយូរៗទៅ ដែលធ្វើឲ្យសមាជិកបក្សកាន់តែច្រើន នឹងដើរចេញពីគណបក្សនេះបន្តទៀត។ នេះជាការអះអាងរបស់ លោក អោក វ៉េត ដែលបច្ចប្បន្នជាសមាជិកស្ថាបនិកគណបក្សបំណងពលរដ្ឋ។
គណបក្សបំណងពលរដ្ឋ ដែលមាន លោក អ៊ិត សារម្យ នឹងត្រូវបានសមាជិកជ្រើសតាំងឲ្យធ្វើជាប្រធានគណបក្សនៅពេលធ្វើសមាជនាពេលខាងមុខនេះ។ នេះបើតាម លោក អោក វ៉េត។
លោក អោក វ៉េត បានឲ្យដឹងបន្ថែមថា ការបង្កើតគណបក្សបំណងពលរដ្ឋនៅពេលនេះ ក៏ដើម្បីត្រៀមចូលរួមក្នុងការបោះឆ្នោតជ្រើសរើសតាំងសមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ នាពេលខាងមុខនេះផងដែរ។
គណបក្សបំណងពលរដ្ឋនេះ គឺមានទីស្នាក់ការនៅក្នុងបុរីពិភពថ្មី ភូមិត្រពាំងថ្លឹង សង្កាត់ចោមចៅទី១ខណ្ឌពោធិ៍សែនជ័យ រាជធានីភ្នំពេញ។
គិតត្រឹមឆ្នាំ២០១៨ មានគណបក្សនយោបាយចំនួន ៣៧ ត្រូវបានចុះបញ្ជីនៅក្រសួងមហាផ្ទៃ ដែលចំនួនកាន់តែច្រើនឡើងនេះ គឺបន្ទាប់ពីមានការរំលាយគណបក្សសង្រ្គោះជាតិ។
យ៉ាងណាក៏ដោយ នៅក្នុងការបោះឆ្នោតថ្នាក់ជាតិកាលពីថ្ងៃទី២៩កក្កដាឆ្នាំ២០១៨ កន្លងមក គឺមានតែគណបក្សប្រជាជនកម្ពុជាមួយប៉ុណ្ណោះ ដែលឈ្នះអសនៈទាំង១២៥របស់រដ្ឋសភា ខណៈ គណបក្សចំនួន១៩ផ្សេងទៀតមិនទទួលបានសូម្បីមួយអសនៈ៕
No comments:
Post a Comment