យឹម ស៊ីណន អា សង្ហារ

ឯកសារពាក់ព័ន្ធរួមមាន៖

1. សម្ព័ន្ធបក្សប្រឆាំង កូរ៉េខាងត្បូង
2. ភូមិវិទ្យាជនជាតិ
3. យឹម ស៊ីណន អា សង្ហារ

២១ មេសា ២០២៣ Fresh News  សម្តេចតេជោ ហ៊ុន សែន អនុញ្ញាតឱ្យ លោក យឹម ស៊ីណន ចូលជួប ក្រោយស្នើសុំចូលរួមជីវភាពនយោបាយជាមួយ គណបក្សប្រជាជនកម្ពុជា (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅល្ងាច ថ្ងៃទី២១ ខែមេសា ឆ្នាំ២០២៣នេះ បានអនុញ្ញាតឱ្យ លោក យឹម ស៊ីណន អតីតសមាជិកក្រុមប្រឆាំងដ៏សកម្មម្នាក់ ចូលជួបសម្ដែងការគួរសម ក្រោយពីលោកស្នើសុំចូលរួមជីវភាពនយោបាយជាមួយ គណបក្សប្រជាជនកម្ពុជា។ ជំនួបនេះ បានធ្វើឡើងរយៈពេលជាង២ម៉ោង នៅគេហដ្ឋានរបស់សម្តេចតេជោ នាក្រុងតាខ្មៅ ខេត្តកណ្តាល។  សម្តេចតេជោ ហ៊ុន សែន បានអនុញ្ញាតឲ្យលោក លឹម ជាវុត្ថា អគ្គនាយកបណ្ដាញព័ត៌មាន Fresh News ជាអ្នកជួយសម្របសម្រួល និងនាំលោក យឹម ស៊ីណន និងក្រុមគ្រួសារ ទៅជួបសម្តេច។នៅក្នុងជំនួប សម្តេចតេជោ បានណែនាំ និងផ្តល់អនុសាសន៍ជាច្រើន សម្រាប់លោក យឹម ស៊ីណន  ដែលជាអ្នកនយោបាយវ័យក្មេង។ ជំនួបនេះ បានធ្វើឡើងបន្ទាប់ពី លោក យឹម ស៊ីណន នៅព្រឹកថ្ងៃទី២១ ខែមេសា បានបង្ហាញសំណេរនៅលើបណ្តាញសង្គម Facebook ជាមួយនឹងពាក្យពេជន៍ឈឺចាប់ជាទីបំផុតរកអ្វីប្រៀបផ្ទឹមពុំបាន ដោយសារទង្វើ និងសកម្មភាព មិនខ្វាយខ្វល់របស់ក្រុមប្រឆាំងទៅលើរូបលោក នៅពេលលោកជាប់ពន្ធនាគារ។ ក្រៅពីបង្ហាញការឈឺចាប់ឥតឧបមា លោក យឹម ស៊ីណន បានប្រកាសគោរពស្នើសុំ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្រ្តី ដើម្បីសូមចូលរួមជីវភាពនយោបាយជាមួយគណបក្សប្រជាជនកម្ពុជា។ ក្រោយឃើញមានការបង្ហោះបែបនេះ តាមរយៈកិច្ចសម្ភាសជាមួយ លោក លឹម ជាវុត្ថា អគ្គនាយកបណ្តាញព័ត៌មាន 

២១ មេសា ២០២៣  Fresh News សម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្រ្តីនៃកម្ពុជា ក៏បានប្រកាសស្វាគមន៍ចំពោះ លោក យឹម ស៊ីណនផងដែរ។ លោក យឹម ស៊ីណន ធ្លាប់ត្រូវបានសមត្ថកិច្ចចាប់ខ្លួន កាលពីថ្ងៃទី២១ ខែមីនា ឆ្នាំ២០២៣ បន្ទាប់ពីបានបង្ហោះសារបែបញុះញង់ តាមបណ្តាញសង្គម ពាក់ព័ន្ធនឹងរូបភាពព្រះមហាក្សត្រ  ព្រះរាជទានព្រះអគ្គីជ័យកីឡា សម្រាប់ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ នៅខេត្តសៀមរាប 

និងត្រូវបានតុលាការឃុំខ្លួនផងដែរ។ ក្រោយមក នៅថ្ងៃទី២៨ ខែមីនា ឆ្នាំ២០២៣ លោកត្រូវបានចៅក្រមស៊ើបសួរសាលាដំបូងរាជធានីភ្នំពេញ បង្គាប់ឲ្យដោះលែង បន្ទាប់ពីលោកបានចេញវីដេអូ និងសរសេរលិខិតមួយ សូមព្រះរាជទានទោសពីព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា និងសូមទោសសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ពាក់ព័ន្ធនឹងសំណេរប្រមាថលើហ្វេសប៊ុក៕

អា សង្ហា ជាមនុស្ស បក្ស សង្គ្រោះជាតិ  មិនមែន បក្ស ភ្លើងទៀន នៃ សម រង្សី។ យឹម ស៊ី ណន ជាមនុស្ស បក្ស កឹម សុខា។ បក្សសង្រ្គោះជាតិ ធ្វើបក្សប្រហារ កំចាត់ សម រង្សី និង កឹម សុខា ដើម្បី យក យុវជនថ្មីៗឡើងជា ប្រធានបក្សសង្រ្គោះជាតិ។

Vann Saray លោកសង្ហា ហៅអាសង្ហា ពលករខ្មែរនៅកូរ៉េ ល្បាញ់ល្បីខាងជេរប្រមាថ បានបង្ហោះថា គាត់ត្រូវប៉ូលិសកូរ៉េចាប់ខ្លួនហើយ។លោក សង្ហា ផុតសុពលភាពនៃការរស់នៅកូរ៉េយូរហើយ គាត់រស់នៅទីនោះដោយខុសច្បាប់។ តែការចាប់នេះមិនដឹងថាក្រោមបទល្មើសអ្វីនោះទេ?គាត់ជួយក្រុមលោក សម រង្ស៊ី ច្រើនដែរ ចាំមើលក្រុមលោក សម រង្ស៊ី មានសមានចិត្តជួយគាត់ទេ?បើក្រុមប្រឆាំងមិនជួយមានតែទូតខ្មែរហើយត្រូវចេញមុខជួយ ព្រោះជាតួនាទីភារកិច្ច។ ទោះខុសឆ្គងកន្លងធ្ងន់ស្រាលយ៉ាងណា ក៏គាត់នៅតែជាពលរដ្ឋខ្មែរដែរ។

Ah Song Ha អាសង្ហារ ពលករ​ខ្មែរ​នៅ​កូរ៉េ​ខាងត្បូង ការ​បែកបាក់​គ្នា​នៅ​កូរ៉េ​ខាង​ត្បូង​ គឺ​អាសង្ហារជា​អ្នកបំបែក​😂 ​មកខាង​អាសង្ហា​រ​ 70%​ ! រីឯ​ខាង យឹម​ ស៊ី​ណន​ នៅសល់តែ30​

តើ យឹម ស៊ីណន ជានណា? នៅកម្ពុជាមានជាង ៤០ បក្ស ឬមួយ បក្សសមរង្សីនិមយ?  បក្ស កឹមសុខានិយម?  បក្សប្រជាជននិយម? បក្សសង្រ្គោះជាតិនិយម CNRP? ឬ បក្ស បាតុដៃទី ៣ និយម CNRPO/CNRPA? ឬមួយជាបក្សឯករាជ្យនិយម ដែល ប្រឆាំងជាមួយ បក្សប្រជាជនផង ប្រឆាំងជាមួយបក្សជាសត្រូវរបស់បក្សប្រជាជនផង? ជាការវិភាគមួយដែលពិបាកជាសព្វមួយដង ព្រោះ សូម្បីកម្មវិធីវិភាគចារកម្ម Intelligence Software នៅតែមិនអាចកំណត់ថា យឺម ស៊ីណន នៅខាងណាឲ្យពិតប្រាកដ ដោសារ ថា យឹម ស៊ីណន អត់ស្គាល់ អត់ដឹងខ្លួនឯងដែរ ! យឹម ស៊ីណន គ្រាន់តែដឹងថា ខ្លួននៅ បក្សសង្រ្គោះជាតិ គឺ កឹម សុខា និង សមរង្សី នៅជាមួយគ្នា ជាមនុស្សតែមួយ មិនបែកគ្នាដាច់ខាត ដើម្បីតែប្រឆាំងរាជការកម្ពជា តែបក្សថ្មី/បក្សបាតុដៃទី ៣ គឺ ជាបក្សចម្រុះ ធំជាងពេលណាៗទាំងអស់ មានលុយ មានអំណាច សាហាវព្រៃផ្សៃជាង បក្សសង្រ្គោះជាតិ ឧ. ដូចជា ចលនាបក្ស សឺនសាន បក្សសឺងង៉ុកថាញ់ បក្សពួកសម សារីដែលធ្លាប់ធ្វើឃាដសម្តេច នរោត្តមសីហនុកាលឆ្នាំ ១៩៦៣ បក្ស ញឹកជូឡុង ដែលធ្លាប់មានទ័ព មានកំលាំងតាមព្រំដែន បក្សរបស់ ពួកលន់នល់...និងមនុស្សមួយចំនួនរបស់ បក្សប្រជាជនដែលស្ពប់បក្សប្រជាជន ឬ មួយជា ភ្នាក់ងាររបស់បក្សប្រជាជន..  ។ បក្សសង្រ្គោះជាតិ ពីមុន គឺជាបក្សបាតុដៃទី ១ ព្រោះមាន កំលាំងក្រុម ទី៣ ស្ថិតក្នុងក្រុម សម រង្សី និង កឹម សុខា។ ក្រោយឃើញលទ្ធផលកំលាំងឆ្នោតឆ្នាំ ២០១៣ និង បាតុកម្មឆ្នាំ ២០១៤ បរាជ័យ ពួក បាតុដៃទី ៣នេះ ព្យាយាមកំទេច សម រង្សី និង កឹម សុខា ចោលវិញ រហូតបានជោគជ័យ ដូចសព្វថ្ងៃ គឺការបង្កើត CNRP-O, CNRP-American, CNRP Australia, CNRP Asia, CNRP Europe និងចុងក្រោម សមាហរណកម្មទៅជា CNRP Oversea តែមួយ...។

ជំលោះរាជវង្ស ពិតជានាំគ្រោះដល់ជាតិ៖ គេហាមមិនឲ្យនិយាយាខ្លាចជាតិមានគ្រោះ តែបើលាក់ ជាតិនៅតែបន្តមានគ្រោះ ។ ស្រុកខ្មែរយើងពីដើម មានស្តេច ចក្រីញឹកជូឡុង ជាដន្លង ជាមួយ សម សារី។ ឆ្នាំ ១៩៨១ ក្រោយ ពេលវៀតណាម ចូលមកជួយ រំដោះប្រជាជនខ្មែរឆ្នាំ ១៩៧៩ សម្តេច នរោត្តមសីហនុ ញឹក ជូឡុង លោកបង្កើតទ៏ព សីហនុនិយម ទ័ពសាធារណរដ្ឋនិយម..មាន ១៥ បក្សធំៗ និង រាជវង្ស អ្នកប្រាជ្ងខ្មែរជាង ១០០ នាក់នៅស្រុកបារាំង ប្រឆាំងខាងរដ្ឋកម្ពុជាផង ប្រឆាំងខ្មែរក្រហមផង ប្រឆាំងពួក សឺន សានផង ។ ឆ្នាំ ១៩៨៥ ពេលឃើញនយោបាយពួក សេរី/សាធារណរដ្ឋចង់ក្បត់ បេះបោរទៀត ខាងបារីស គេយក ព្រះអង្គម្ចាស់ធំ រាណារិទ្ធធ្វើជាប្រធាន កាន់នយោបាយ និង ព្រះអង្គតូច ចក្រពង្ស កាន់យោធា ក្រោយមក ដក សម រង្សីចេញពី សេដ្ឋកិច្ច ដាក់ព្រះអង្គធំកាន់ទៀត។ រឿងហ្នឹង បានជា សម រង្សី តាមកំទេច តាមយាយី រាជវង្សដល់សព្វថ្ងៃ។ ក្រុម សម រង្សី គេផ្សាយថា មាន ថ្ងៃក្រោយ មានស្តេច តូច ស្តើង ស សោយរាជ្យនគរ ៣ ( សឺន សាន ខ្មែរក្រហម សីហនុ?) ខិខិិខិ ។ បរទេស គេដឹងរឿងហ្នឹង បានជាគេចេះតែជួយ បក្សប្រឆាំង ដើម្បីកុំឲ្យរីកចម្រើនដូចសៀម ដូចយួន។ ស្រុកពីដើម គ្រាន់តែដឹងថា ខ្មែរមានរោងចក្រផលិតប្រេង បរទេសគេរៀបចំសង្រ្គាមបំផ្លាញភ្លាម !!!

• 18/04/2019 បាតុ​កម្ម​នៅ​កូរ៉េ​៖ លោក​យឹម ស៊ីណនថា​ នឹង​ជះ​ឥទ្ធិពល​លើ​រដ្ឋា​ភិបាល​ខ្មែរ តែ​លោក​ឡុង ឌីម៉ង់​ថា​មិន​អាច​ទេ​។ ប្រជា​ពល​រដ្ឋ​ខ្មែរ​អ្នក​គាំទ្រ​អតីត​បក្ស​ប្រឆាំង​នៅ​កូរ៉េ​ខាង​ត្បូង នឹង​រៀប​ចំ​បាតុកម្ម​មួយ​បង្ហាញ​ពី​ការ​បំពាន​លទ្ធិ​ប្រជា​ធិបតេយ្យ និង​រំលោភ​សិទ្ធិ​មនុស្ស​នៅ​កម្ពុជា​នៅ​ថ្ងៃ​ទី២០ ខែ​មេសា​។ ដូច្នេះ​នៅ​រាត្រី​នេះ វណ្ណ សុគន្ធា បាន​ជួប​សម្ភាសន៍​ជាមួយ​លោក​យឹម ស៊ីណន ប្រធាន​ចលនា​យុវជន​អតីត​គណ​បក្ស​សង្រ្គោះ​ជាតិ និង លោក​ឡុង ឌីម៉ង់ ឯក​អគ្គរាជ​ទូត​កម្ពុជា​ប្រចាំ​នៅ​កូរ៉េ​ខាង​ត្បូង​ជុំវិញ​គម្រោង​បាតុកម្ម​នេះ​។ សម្រាប់​លោក​យឹម ស៊ីណន បាតុ​កម្ម​នេះ​នឹង​មាន​ឥទ្ធិពល​មក​លើ​រដ្ឋា​ភិបាល​កម្ពុជា​។ ប៉ុន្តែ លោក​ឡុង ឌីម៉ង់ វិញ អះ​អាង​ថា មិន​អាច​នោះ​ទេ​។ 

2019-10-01 ចលនា​ប្រជាធិបតេយ្យ​សង្គ្រោះ​ជាតិ​​ថា ខ្លួន​​មិន​​បាន​​​បំបែក​​សំឡេង​​អ្នក​គាំទ្រ​​សង្គ្រោះ​ជាតិ​​នៅ​​កូរ៉េ៖ ចលនា​ប្រជាធិបតេយ្យ​សង្គ្រោះ​ជាតិ​បដិសេធ​ថា ខ្លួន​មិន​បាន​បំបែក​សំឡេង​អ្នកគាំទ្រ​គណបក្ស​សង្គ្រោះ​ជាតិ​នៅ​ប្រទេស​កូរ៉េ​ឡើយ ហើយ​ការ​បង្កើត​ក្រុម​ថ្មី​នៅ​ពេល​នេះ គឺ​ដើម្បី​បំពេញ​ចំណុច​ខ្វះខាត​របស់​ចលនា​យុវជន​គណបក្ស​សង្គ្រោះ​ជាតិ​នៅ​ប្រទេស​កូរ៉េ​។ អ្នក​តាមដាន​ស្ថានការណ៍​យល់ថា ក្រុម​យុវជន​គណបក្ស​សង្គ្រោះ​ជាតិ​នៅ​ប្រទេស​កូរ៉េ គួរតែ​ចង​គ្នា​ជា​ធ្លុង​មួយ ទើប​មាន​ទឹក​មាត់ប្រៃ និង​មាន​ឥទ្ធិពល​លើ​អ្នក​នយោបាយ។ ប្រធាន​ចលនា​ប្រជាធិបតេយ្យ​សង្គ្រោះជាតិ លោក ពេញ ពណ្ណរាយ អះអាង​ថា ក្រុម​ថ្មី​របស់​លោក មិនមែន​បង្កើត​ឡើង​ដើម្បី​បំបែក​សំឡេង​យុវជន និង​អ្នក​គាំទ្រ​​គណបក្ស​សង្គ្រោះ​ជាតិ​នៅ​ប្រទេស​កូរ៉េខាងត្បូង​នោះ​ឡើយ។ លោក​បញ្ជាក់​ថា ក្រុម​ថ្មី​នេះ​ត្រូវ​បាន​បង្កើត​ឡើង​ដើម្បី​ធ្វើ​សកម្មភាព​បំពេញ​ចន្លោះ​ខ្វះខាត​របស់​​ចលនា​យុវជន​គណបក្ស​សង្គ្រោះ​ជាតិ ដែល​មាន​ស្រាប់​នៅ​ប្រទេស​កូរ៉េខាងត្បូង​។ ម្យ៉ាងវិញទៀត លោក​ថា សមាសភាព​ដឹកនាំ​របស់​ក្រុម​ថ្មី​នេះ សុទ្ធ​សឹង​តែ​​ចេញ​មក​ពី​ក្រុម​ចលនា​​យុវជន​គណបក្ស​សង្គ្រោះ​ជាតិ ដោយសារតែ​ពួកគេ​មិន​ពេញចិត្ត​របៀប​ដឹកនាំ​បែប​អត្តនោម័ត​របស់​លោក យឹម ស៊ីណន ដែល​ជា​ប្រធាន៖ «ពាក្យ​ថា បែកបាក់ មានន័យថា បែក​ពី​ក្រុម​មួយ ខ្ញុំ​ដឹកនាំ​ទៅកាន់​ក្រុម​មួយទៀត​។ ឧទាហរណ៍​ថា ខ្ញុំ​បែក​ពី​ក្រុម​នោះ ដឹក​នាំទៅ​គាំទ្រ​គណបក្ស​ផ្សេង ​ក្រៅពី​សង្គ្រោះ​ជាតិ នោះ​ទើប​បែកបាក់ តែ​បើ​ខ្ញុំ​ដឹកនាំ​ទៅ​រក​គោលដៅ​នៃ​សង្គ្រោះ​ជាតិ​ដូចគ្នា គឺ​អត់​បែកបាក់​ទេ គ្រាន់តែ​យើង​បែង​ចែក​គ្នា​ធ្វើការ​។ យើង​មិន​ពេញចិត្ត​លើ​ការ​ចន្លោះប្រហោង​ណាមួយ​ដែល​យើង​រិះគន់​ទៅ គេ​អត់​ទទួល​ស្គាល់ អ៊ីចឹង​ហើយ​យើង​បែង​ចែក​គ្នា​ធ្វើការ ដើម្បី​ពង្រឹង​ឱ្យ​កម្លាំង​គាំទ្រ​កាន់តែ​ច្រើន។ អ៊ីចឹង​បើ​អ្នកណា​ដែល​ប្រើ​ពាក្យ​ថា​បែកបាក់​គ្នា គឺ​អ្នកនោះ​ហើយ​ដែល​ចង់​បែកបាក់»។ លោក​បញ្ចេញ​ប្រតិកម្ម​បែបនេះ ឆ្លើយតប​ទៅ​នឹង​ការចោទប្រកាន់​របស់​ ប្រធាន​ចលនា​យុវជន​គណបក្ស​សង្គ្រោះ​ជាតិ លោក យឹម ស៊ីណន ដែល​ថា ពួក​លោក​បង្កើត​ក្រុម​ថ្មី​បំបែក​សំឡេង​អ្នកគាំទ្រ​គណបក្ស​សង្គ្រោះ​ជាតិ​នៅ​ប្រទេស​កូរ៉េខាងត្បូង។ លោក យឹម ស៊ីណន បាន​សរសេរ​លើ​ហ្វេសប៊ុក​របស់​លោក​កាល​ពី​ពេល​ថ្មីៗ​ នេះ​ថា រយៈពេល​ជាង​ ៨ឆ្នាំ កម្លាំង​យុវជន​នៅ​កូរ៉េ​ដែល​ធ្លាប់តែ​ជាទី​មោទន​នៃ​កម្លាំង​ប្រឆាំង ពេលនេះ​បាន​ក្លាយ​ជា​ក្រុម​យុវជន​ជេរប្រមាថ និង​វាយប្រហារ​គ្នាឯង​ទៅវិញ​។ លោក​បាន​ហៅ​ចលនា​ប្រជាធិបតេយ្យ​សង្គ្រោះជាតិ​ថា ជា​ក្រុម​អបគមន៍ ហើយ​បាតុកម្ម​ដែល​ក្រុម​ថ្មី​នេះ​គ្រោង​ធ្វើ​នៅ​ថ្ងៃ​ទី ​២០ ខែ​តុលា​ ខាង​មុខ គឺជា​ការ​ចង់​ប្រជែង​យកឈ្នះ​បាតុកម្ម​ដែល​ក្រុម​របស់​លោក​គ្រោង​រៀបចំ​ធ្វើ​នៅ​ថ្ងៃ​ទី ៣ វិច្ឆិកា​ប៉ុណ្ណោះ។ ទោះជា​យ៉ាងណា ប្រធាន​ចលនា​ប្រជាធិបតេយ្យ​សង្គ្រោះ​ជាតិ លោក ពេញ ពណ្ណរាយ អះអាង​ថា បាតុកម្ម​ដែល​ពួកលោក​គ្រោង​រៀបចំ​នៅ​ថ្ងៃទី​២០ តុលា​នោះ គឺ​ដើម្បី​ទាមទារ​ឱ្យ​ប្រទេស​ជា​ហត្ថលេខី​នៃ​កិច្ចព្រមព្រៀង​សន្តិភាព​ក្រុង​ប៉ារីស​ជួយ​ស្តារ​លទ្ធិ​ប្រជាធិបតេយ្យ​នៅ​កម្ពុជា និង​អំពាវនាវ​ឱ្យ​រដ្ឋាភិបាល​កូរ៉េ​ ចូលរួម​ជា​សាក្សី​ក្នុង​ដំណើរ​មាតុភូមិនិវត្តន៍​របស់​ថ្នាក់ដឹកនាំ​គណបក្ស​សង្គ្រោះជាតិ មិនមែន​ជា​ការ​ប្រជែង​ឈ្នះ​ចាញ់​ជាមួយ​ក្រុម​លោក យឹម ស៊ីណន នោះ​ឡើយ។ លោក​​បញ្ជាក់​ថា លោក ​នឹង ​អញ្ជើញ​ក្រុម​ចលនា​យុវជន​គណបក្ស​សង្គ្រោះជាតិ​ដឹកនាំ​ដោយ​លោក យឹម ស៊ីណន ចូលរូម​នៅ​ក្នុង​បាតុកម្ម​ថ្ងៃ​ទី​២០ តុលា ខាង​មុខ​។ លោក​បន្ថែម​ថា ប្រសិនបើ​ក្រុម​របស់​លោក យឹម ស៊ីណន រៀបចំ​ព្រឹត្តិការណ៍​ដើម្បី​បុព្វហេតុ​ជាតិ ឬ​គណបក្ស​សង្គ្រោះ​ជាតិ ហើយ​អញ្ជើញ​លោក លោក​នឹង​​ទៅ​​ចូលរួម​ដោយ​គ្មាន​ការ​រារែក​ឡើយ៖ «ខ្ញុំ​បើក​ចិត្ត​ទូលាយ​ណាស់ ខ្ញុំ​អញ្ជើញ​គាត់​មក​ចូលរួម​រាល់​កម្មវិធី​របស់ខ្ញុំ គឺ​ខ្ញុំ​អញ្ជើញ​គាត់​រហូត ដូចជា កាលពី​បុណ្យ​​គម្រប់​ខួប​លោក ​បណ្ឌិត កែម លី ក៏​ខ្ញុំ​បាន​អញ្ជើញ​គាត់​ដែរ តែ​គាត់​អត់​មក​ចូលរួម​ហើយ វាយប្រហារ​ខ្ញុំ​ទៀត​។ ឥលូវ​មហា​បាតុកម្ម​នេះ ក៏​ខ្ញុំ​អញ្ជើញ​គាត់​មក​​ចូលរួម​​ដែរ តែ​រឿង​គាត់​ចូលរួម ឬ​មិន​ចូលរួម គឺជា​រឿង​របស់​គាត់»។ អនុ ប្រធាន​សមាគម​បណ្តាញ​យុវជន​កម្ពុជា (CYN) លោក ស ម៉ូរី ថ្លែង​ថា ការ​បែក​ចេញពី​ក្រុម​ចាស់​ទៅ​បង្កើត​ក្រុម​ថ្មី​មួយទៀត អាច​នឹង​ធ្វើ​ឱ្យ​សំឡេង​យុវជន​គណបក្ស​សង្គ្រោះ​ជាតិ​នៅ​ប្រទេស​កូរ៉េ​ថយ​ចុះ​ឥទ្ធិពល។ ក៏ប៉ុន្តែ ប្រសិនបើ​ក្រុម​ទាំងពីរ​មាន​ចក្ខុវិស័យ​តែមួយ គឺ​គាំទ្រ​គណបក្ស​សង្គ្រោះជាតិ និង​ចង់​ឱ្យ​មាន​លទ្ធិប្រជាធិបតេយ្យ​ពិតប្រាកដ​នៅ​កម្ពុជា លោក​ជឿជាក់​ថា ក្រុម​ទាំងពីរ​អាច​នឹង​មានឱកាស​សហការ​គ្នា​វិញ​បាន ហើយ​សំឡេង​របស់​ពួកគេ​នឹង​នៅតែ​មាន​ឥទ្ធិពល​លើ​អ្នក​នយោបាយ៖ «ទោះបី​គាត់​មិន​អាច​ធ្វើ​ការងារ​រួមគ្នា ប៉ុន្តែ​គាត់​អាច​ធ្វើ​យុទ្ធនាការ​រួមគ្នា ធ្វើ​សកម្មភាព​ក្នុង​ការ​បញ្ចុះបញ្ចូល​ប្រទេស ឬ​សហគមន៍​អន្តរជាតិ​ណាមួយ​ឱ្យ​ជួយ​ធ្វើ​អន្តរាគមន៍ ធ្វើ​ឱ្យ​ប្រសើរ​ឡើង​ស្ថានភាព​សិទ្ធិមនុស្ស និង​ប្រជាធិបតេយ្យ​នៅ​កម្ពុជា​។ អ៊ីចឹង​ឥទ្ធិពល និង​សំឡេង​ពួកគាត់​នៅតែ​ខ្លាំង ក៏ប៉ុន្តែ​បើ​ពួកគាត់​ធ្វើការ​ងារ​មិន​ត្រូវ​គ្នា​ទេ មាន​ទស្សនវិស័យ​ផ្ទុយគ្នា ខ្ញុំ​គិត​ថា ចលនា​របស់​ពួកគាត់​នឹង​ខ្សោយ​ទៅៗ»។ ចលនា​ប្រជាធិបតេយ្យ​សង្គ្រោះ​ជាតិ ​ត្រូវ​បាន​បង្កើត​ឡើងជា​ផ្លូវការ​នៅ​ ថ្ងៃ​ទី​១២ ខែ​ឧសភា ឆ្នាំ​២០១៩​។ ក្រុមការងារ​សកម្ម​បំផុត​នៃ​ចលនា​នេះ មាន​គ្នា​ចំនួន​ ៣៦នាក់ ដែល​ភាគច្រើន​សុទ្ធ​សឹង​ជា​ប្រធាន​សមាគម​ពលករ​នៅ​តាម​តំបន់​នីមួយៗ ​ក្នុង​ប្រទេស​​កូរ៉េ​ខាង​ត្បូង៕

2018-10-04 លោក យឹម ស៊ីណន សកម្មជន​គណបក្ស សង្គ្រោះ​ជាតិ នៅ​​​កូរ៉េ​ខាង​ត្បូង សន្ទរកថា​របស់​លោក ហ៊ុន សែន គឺ​ផ្ទុយ​ពី​តថភាព​ពិត​នៅ​កម្ពុជា។ស្រប​ពេល​ដែល​ដំណោះស្រាយ​នយោបាយ​មិន​ទាន់​កើត​មាន​នៅ​ឡើយ ក្រោយ​ការ​ថ្លែង​សារ​របស់​លោក ហ៊ុន សែន នោះ មាន​ប្រតិកម្ម​ជា​ច្រើន​គ្រប់​មជ្ឈដ្ឋាន ពិសេស​មាន​យុវជន​នៅ​ឯ​កូរ៉េ​ខាង​ត្បូង ជា​យុវជនគណបក្ស សង្គ្រោះ​ជាតិ បាន​អំពាវនាវ​ឲ្យ​លោក ហ៊ុន សែន ឈប់​លាប​ពណ៌​អ្នក​ដែល​មិន​ស្រប​នឹង​ការ​ដឹក​នាំ​របស់​ខ្លួន​ថា​ជា​សត្រូវ​ត​ទៅ​ទៀត។ លោក​កោត​សរសើរ​លោក ហ៊ុន សែន ដែល​ថ្លែង​នៅ​អង្គការ​សហប្រជាជាតិ ប៉ុន្តែ​លោក​ថា សន្ទរកថា​របស់​លោក ហ៊ុន សែន គឺ​ផ្ទុយ​ពី​តថភាព​ពិត​នៃ​សង្គម​កម្ពុជា​បច្ចុប្បន្ន។ លោក​ថា​អ្វិ​ដែល​លោក​មិន​ពេញ​ចិត្ត និង​តែងតែ​រិះគន់​លោក ហ៊ុន សែន គឺ​មក​ពី​លោក ហ៊ុន សែន មាន​ភាព​កម្សោយ​ក្នុង​ការ​ដឹក​នាំ ដែល​ខ្វះ​ការ​ផ្សះផ្សា​ជាតិ៕

15 តុលា 2019 ពលករ​​​នៅ​កូរ៉េខាងត្បូង​គ្រោង​ធ្វើ​បាតុកម្ម​គាំទ្រ​មាតុភូមិ​និវត្តន៍​លោក​សម​រង្ស៊ី ពលករខ្មែរ​ដែលកំពុងធ្វើការ​នៅ​ប្រទេស​កូរ៉េខាងត្បូង​គ្រោង​នឹង​ធ្វើ​បាតុកម្ម​ជាបន្តបន្ទាប់​​ដើម្បី​ទាមទារ​​​ឱ្យ​មានការគោរពសិទ្ធិ​មនុស្ស​និង​លទ្ធិប្រជាធិបតេយ្យ​​នៅ​កម្ពុជា​​និង​ដើម្បី​អបអរ​ដំណើរ​មាតុភូមិ​និវត្តន៍​​​របស់​​មេដឹកនាំ​នៃ​គណបក្ស​សង្គ្រោះជាតិ​ដែល​​ទៅ​ស្តារលទ្ធិប្រជាធិបតេយ្យ​ឡើង​​វិញ។​ រដ្ឋធានី​វ៉ាស៊ីនតោន — មហាបាតុកម្ម​លើក​ទីមួយ​នឹង​ធ្វើឡើង​នៅថ្ងៃទី​ ២០​ ខែតុលា​ ឆ្នាំ២០១៩​នេះ ​នៅទីក្រុង​សេអ៊ូល​ ប្រទេស​កូរ៉េខាងត្បូង​។ លោក​ ស សុខេម ​ប្រធាន​ក្រុមប្រឹក្សា​ភិបាល​នៃ​ចលនា​ប្រជាធិបតេយ្យ​សង្គ្រោះ​ជាតិ​នៅ​កូរ៉េ​ខាងត្បូង​ដែលជា​អ្នក​រៀប​ចំ​ម្នាក់​នៃ​បាតុកម្ម​នេះ​បាន​បញ្ជាក់​ប្រាប់​វីអូអេ​ថា៖ «យើង​មាន​គោលបំណង​បី​គឺ ទីមួយ​ដើម្បី​ស្នើ​ឱ្យ​ប្រទេស​ហត្ថលេខី​បាន​អនុវត្ត​កិច្ចព្រមព្រៀង​ទីក្រុង​ប៉ារីស​ពីព្រោះ​អី​យើង​ធ្វើ​ថ្ងៃទី​២០​ហើយ​កិច្ចព្រមព្រៀង​ទីក្រុង​ប៉ារីស​ថ្ងៃទី​២៣។ អីចឹង​យើង​ស្នើ​ឱ្យ​គេ​អនុវត្ត​កិច្ចព្រមព្រៀង​ហ្នឹង​ពីព្រោះវាសំខាន់សម្រាប់​កម្ពុជា​។ គោល​បំណង​ទីពីរ​គឺ​យើង​ស្នើ​ដល់​រដ្ឋាភិបាល​កូរ៉េ​ឱ្យ​គេ​បាន​ជួយ​ដឹង​ឮ​ហើយ​នឹង​ជួយ​ជាសាក្សី​ចំពោះ​មាតុភូមិ​និវត្តន៍​នេះ​ផងដែរ។ គោលបំណង​ទីបី​គឺ​ដើម្បី​បំផុស​បំផុល​ទឹកចិត្ត​ពលរដ្ឋ​ខ្មែរ​នៅ​ជុំ​វិញ​ពិភព​លោក​មិន​ត្រឹមតែ​នៅ​កូរ៉េ​ទេគឺនៅជុំវិញ​ពិភពលោក​ឱ្យ​មាន​សកម្មភាព​ផុលផុស​ឡើង​ចូល​រួម​អម​ដំណើរ​នៅក្នុង​មាតុភូមិនិវត្តន៍​នៅថ្ងៃទី​៩វិច្ឆិកានេះ‍»។​ លោកសម រង្ស៊ី​ប្រធាន​ស្តីទី​គណបក្ស​សង្គ្រោះជាតិ​ដែល​កំពុង​រស់នៅនីរទេស​ខ្លួន​ក្រៅ​ប្រទេស​ជិត​៤ឆ្នាំ​បាន​ប្តេជ្ញា​ដឹកនាំ​មន្ត្រី​គណបក្ស​ដែលបាន​រត់​ភៀស​ខ្លួន​មក​នៅ​ក្រៅ​ប្រទេស​និង​ពលករ​ខ្មែរ​នៅ​ប្រទេស​នានា​ឱ្យ​វិល​ត្រឡប់​ចូលមាតុភូមិវិញ​នៅថ្ងៃទី​៩ខែវិច្ឆិកា​បើ​ទោះបី​ជាមិន​ទទួល​បាន​ការលើកលែង​ទោស​ពីព្រះមហាក្សត្រ​ចំពោះ​ទោសទណ្ឌ​និង​បណ្តឹង​ជាច្រើនដែល​លោក​ត្រូវ​ទទួល​ក្នុង​នោះ​មាន​ការ​ប្រមាថព្រះ​ចេស្តាអង្គព្រះមហាក្សត្រផងដែរ។ រីឯក្រុម​ចលនាយុវជន​គណបក្ស​សង្គ្រោះជាតិ​នៅកូរ៉េ​ខាងត្បូង​ក៏នឹង​រៀបចំ​បាតុកម្ម​មួយ​ទៀត​នៅ​ថ្ងៃទី​៣ខែ​វិច្ឆិកា​នៅ​កណ្តាល​ទីក្រុង​សេអ៊ូលដែរ។​ លោក​យឹម ស៊ីណន​ប្រធាន​ចលនា​យុវជន​គណបក្ស​សង្គ្រោះ​ជាតិ​នៅកូរ៉េខាងត្បូង​បាន​បញ្ជាក់​ប្រាប់​វីអូអេ​តាម​ទូរស័ព្ទ​ថា៖ «គោលបំណងធំ​របស់​យើង​ ដូច​ដឹង​ស្រាប់​ហើយ​គឺ​យើង​ចង់ជំរុញ​បងប្អូន​ខ្មែរ​នៅ​ជុំ​វិញ​ពិភព​លោក​ជាពិសេស​នៅ​កម្ពុជា​ហ្នឹង​ងើប​ក្រោក​ឈរ​ទាំងអស់​គ្នា​ដើម្បី​ទាមទារ​ឱ្យ​មានការស្តារ​លទ្ធិ​ប្រជាធិបតេយ្យ​ឡើងវិញ​ ឱ្យ​មានការដោះលែង​លោក​ប្រធាន​កឹម សុខា​និង​ប្រគល់​មក​ឱ្យ​គណបក្សសង្គ្រោះជាតិ​មក​វិញ​ បាន​រស់​ឡើងវិញ​តាម​ការ​ទាមទារ​របស់​គណបក្ស​ប្រឆាំង​ក៏​ដូច​ជាតាមរយៈ​ការធ្វើ​មាតុភូមិ​និវត្តន៍​របស់​លោក​ប្រធាន​សមរង្ស៊ី​ទៅថ្ងៃទី​៩​ខែវិច្ឆិកាខាងមុខ‍»។​ មានពលករខ្មែរ​ចំនួន​ ៥៤.០០០​នាក់កំពុង​ធ្វើការ​នៅ​ប្រទេស​កូរ៉េខាងត្បូង​ខាងវិស័យសំណង់ ​កសិកម្ម​និង​ឧស្សាហកម្ម​ធុន​ស្រាល។ ពួកគេ​តែងតែ​ចូលរួម​ក្នុង​សកម្មភាព​នយោបាយ​ដោយ​មាន​ការ​ចូលរួម​ធ្វើ​បាតុកម្ម​ និង​រៃ​អង្គាស​ថវិកា​ជួយ​ដល់​ក្រុមអ្នកប្រជាធិបតេយ្យ។ ក្នុងពេល​កន្លង​មក​ លោក​សមរង្ស៊ី​ក៏​បាន​អំពាវនាវ​ឱ្យ​ពួកគេ​វិលត្រឡប់​ទៅ​មាតុភូមិវិញ​ជាមួយ​នឹង​លោកដើម្បី​ទៅ​ទាមទារ​ដីស្រែ​ចំការ​និង​ផ្តួលរំលំ​លោកនាយករដ្ឋ​មន្ត្រីហ៊ុនសែន​ចេញពី​អំណាច​តាម​រយៈ​ចលនា​អំណាច​ពលរដ្ឋ។​ មេដឹកនាំ​ពលករបានបញ្ជាក់​ថាមានពលករខ្លះចង់​ចូលរួមធ្វើ​មាតុភូមិនិវត្តន៍​ជាមួយ​នឹង​លោក សមរង្ស៊ី ​ប៉ុន្តែ​ពួកគេ​ខ្លះ​អាច​ជាប់រវល់​ការងារ​តាម​កិច្ចសន្យា​ដែល​ពិបាក​ក្នុងការ​ចាកចេញ​ពីការងារ។​ លោក​ស សុខេម នៃ​ចលនា​ប្រជាធិបតេយ្យ​សង្គ្រោះ​ជាតិ​នៅ​កូរ៉េ​ខាងត្បូង​បាន​បញ្ជាក់​បន្ថែម​ថា​លោក​មិន​បាន​ដឹង​ពី​ចំនួន​អ្នកស្ម័គ្រចិត្ត​នៅ​ឡើយ​ទេ៖ «នៅកូរ៉េនេះ​គឺ​យើង​អត់​មាន​ចុះបញ្ជី​ចាត់​តាំង​រៀបចំ អ្វី​ទាំងអស់​ដោយសារតែពួកគាត់​ គាត់​ទៅ ដោយ​ខ្លួនឯង​។ គាត់​គ្រាន់តែ​ប្រាប់យើង​ថា​គាត់​គាំទ្រហើយ​គាត់​ព្យាយាម​ទៅ ចូលរួមនៅ​ក្នុង​មាតុភូមិ​និវត្តន៍​នេះ​។​ អីចឹង​អត់​ពិបាក​ទេ​សម្រាប់​ពួកគាត់ គាត់​មានផ្ទះ​នៅស្រុកខ្មែរ​ស្រាប់​។ អ្នកខ្លះ​មាន​ផ្ទះនៅ​ភ្នំពេញ​ស្រាប់​អីចឹង គាត់​ទិញសំបុត្រ​យន្តហោះ​គាត់​ទៅ​តែម្តង‍»។​ ​អាជ្ញាធរ​កម្ពុជា​កំពុង​តែ​រឹតបន្តឹង​ការធ្វើសកម្មភាព​នានា​ដែល​កៀងគរ​អ្នកគាំទ្រ​ដើម្បី មក​ស្វាគមន៍​លោក​សមរង្ស៊ី។ រហូតមកដល់ពេល​នេះ​មាន​អតីត​អ្នកគាំទ្រ​និង​មន្ត្រី​បក្ស​សង្គ្រោះ​ជាតិចំនួន​៤៥នាក់​ហើយ​ត្រូវ​អាជ្ញាធរ​ចាប់​ខ្លួន​ដាក់​ពន្ធ​នាគារ​ដោយ​ចោទ​ពីបទ​រួមគំនិត​ក្បត់​ជាតិ។ អ្នកវិភាគ​នយោបាយ​មើលឃើញ​ថា​នេះ​គឺ​ជា​យុទ្ធនាការ​បំភិតបំភ័យ​អ្នកដែល​ចង់​ឱ្យ​មានការផ្លាស់ប្តូរ​នូវ​ការគ្រប់​គ្រង​អំណាច​ជាង​៣០ឆ្នាំ​របស់​លោក​នាយករដ្ឋ​មន្ត្រីហ៊ុនសែន។ លោកយឹម ស៊ីណនបញ្ជាក់​ថា​ពលរដ្ឋ​កម្ពុជា​គួរតែ​ជំនះ​ការភ័យខ្លាច​ខ្លះហើយ​ក្រោកឈរដើម្បី​ប្រើប្រាស់​សិទ្ធិ​របស់​ខ្លួន​តាម​លទ្ធិប្រជាធិបតេយ្យ​ដូច​ដែលមានចែង​នៅ​ក្នុង​រដ្ឋ​ធម្មនុញ្ញ​របស់​ប្រទេស​កម្ពុជា។​ «មានពាក្យ​មួយ​គេ​និយាយ​ថា​ដើមឈើ​ប្រជាធិបតេយ្យ​អាច​រស់​បាន​ដោយសារ​ឈាម​ អីចឹង​សម្រាប់​ការតស៊ូណាមួយ​សម្រាប់​ប្រជាធិបតេយ្យ​កម្ពុជា​ វាមិន​អាច​អ្នកណា​លើក​ដាក់​ជើង​ពាន​មក​ឱ្យ​យើង​ទេ​ វាត្រូវតែ​មាន​ការលះបង់​សាច់ស្រស់​ឈាម​ស្រស់​ខ្លះ​ បែកញើស​ខ្លះ​ដើម្បី​ទាមទារ​នូវ​លទ្ធិប្រជាធិបតេយ្យ​មួយ​សម្រាប់​កូនចៅ​យើង​ជំនាន់ក្រោយ។ មានន័យ​ថា​យើង​ជំនាន់​នេះ​យើង​មាន​កាត្វកិច្ច​ ភារកិច្ច​មួយ​សម្រាប់​កសាង​ប្រទេស​ជាតិ​សម្រាប់​កូនចៅ​យើង​តទៅ​ទៀត‍»។​ ក្រុមចលនា​យុវជន​នេះក៏​នឹង​ត្រៀម​ធ្វើ​បាតុកម្ម​មួយទៀត​នៅថ្ងៃទី​២៤ខែ​វិច្ឆិកា ​ស្របពេល​ដែល​លោក​នាយក​រដ្ឋ​មន្ត្រី ​ហ៊ុន សែន​អញ្ជើញ​ទៅ​ចូលរួមកិច្ច​ប្រជុំ​អាស៊ាន​និង​ដៃគូ​នៅ​ប្រទេស​កូរ៉េ​ខាងត្បូង៕

October 30, 2019 អតីតមេយុវជនសង្រ្គោះជាតិ ប្រកាសមិនលើកម្រាមដៃ ៩ ក្នុងការគាំទ្រមាតុភូមិនិវត្តលោក សម រង្ស៊ី ភ្នំពេញ៖ លោក យឹម ស៊ីណន អតីតមេយុវជនរបស់គណបក្សសង្រ្គោះប្រចាំកូរ៉េខាងត្បូងប្រកាសថា មិនលើកម្រាមដៃ៩ ក្នុងការគាំទ្រមាតុភូមិនិវត្តលោក សម រង្ស៊ីនាថ្ងៃ៩ វិច្ឆិកា ខាងមុខ។ ដោយអះអាងថា សុខចិត្តដើរតាមក្រោយរបស់ ក្រុមយុវជនមួយក្រុមទៀតឈ្មោះថា CNRPO។ លោក យឹម ស៊ីណន បានលើកឡើងក្នុងហ្វេសប៊ុក កាលពីថ្ងៃ២៩ តុលា ថា ឮអ្នកគាំទ្រមួយចំនួនលួចសួរគ្នាថា ហេតុអីអត់ឃើញ យឹម សុីណន លើកម្រាម៩អញ្ចឹង? ប្រហែលអត់គាំទ្រលោកប្រធានចូលស្រុកទេដឹង?  លោកឆ្លើយថា “CNRPO បាននាំមុខរឿងមាតុភូមិនិវត្តន៍ រហូតដឹកមុខយុវជននៅកូរ៉េធ្វើបាតុកម្ម។ សង្ឃឹមថា CNRPO នឹងបន្តដឹកមុខ នាំគ្នីគ្នាចូលស្រុកខ្មែរថ្ងែ៩ វិច្ឆកាទៀតចុះ ខ្ញុំប្តេជ្ញាដើរតាម​ក្រោយដោយឥតងាករេ”៕

October 19, 2019 ក្រុមយុវជននៅកូរ៉េខាងត្បូងអំពាវនាវឱ្យមានការបង្រួបបង្រួមផ្ទៃក្នុងឱ្យកាន់តែរឹងមាំ (By ឌឹ ខេមបូឌា ដេលី) ប្រធានចលនាយុវជនគណបក្សសង្រ្គោះជាតិ នៅប្រទេសកូរ៉េខាងត្បូង បានលើកឡើងថា ចរន្តរ៍គណបក្សប្រឆាំងមួយនេះ បានចាប់ផ្តើមប្រទាញប្រទង់គ្នាឥតឈប់ឈរតាមរយៈប៉ូលពីរគឺ ប៉ូល កឹម សុខា និង សម រង្ស៊ី។ ក្នុងលិខិតចំហមួយរបស់ប្រធានចលនាយុវជនគណបក្សសង្រ្គោះជាតិប្រចាំប្រទេសកូរ៉េខាងត្បូង លោក យឹម ស៊ីណន បានលើកឡើងថា គណបក្សសង្រ្គោះជាតិត្រូវតែមានមហឬរិទ្ធិខ្លាំងក្លា ដោយមិនអាចទន់ខ្សោយបានឡើយ។ លោកថា ការបែកបាក់ផ្ទៃក្នុងរបស់ខ្លួន នឹងធ្វើឱ្យសង្គ្រោះជាតិទន់ខ្សោយ។ ក្នុងលិខិតចំហនោះ បានដាក់ជាសំណួរថា នៅពេលសង្រ្គោះជាតិទន់ខ្សោយដូចបច្ចុប្បន្ន តើសមជាគណបក្សដែលជាក្តីសង្ឃឹមរបស់ពលរដ្ឋស្លូតត្រង់ ពលរដ្ឋទន់ខ្សោយ និងងាយរងគ្រោះនៅទូទាំងប្រទេសដែរឬទេ? ប្រធានចលនាយុវជនដដែល បានលើកឡើងទៀតថា គណបក្សសង្រ្គោះជាតិ ត្រូវជាគណបក្សមានរិទ្ធិអំណាចខ្លាំងក្លា ដោយចាប់ផ្តើមពីសមាជិកម្នាក់ៗ តាំងចិត្តសាមគ្គីគ្នាជាថ្លុងមួយ និងថ្កោលទោសរាល់ការបំបែកបំបាក់។ លោក យឹម ស៊ីណន បានទទូចឱ្យគណបក្សមួយនេះ មានប្រព័ន្ធឯកភាពបញ្ជា និងប្រព័ន្ធការងារច្បាស់លាស់ ដោយសមាជិកម្នាក់ៗត្រូវប្រើវិចារណញ្ញាណនិងត្រូវមានស្មារតីរឹងមាំឈជាម្ចាស់ជោគវាសនាគណបក្ស ដោយផ្តើមចេញពីការដាក់សម្ពាធឱ្យបណ្តាសមាជិកគណៈកម្មការអចិន្ត្រៃយ៍ទាំងអស់ ប្រញាប់មកចូលរួមធ្វើការងារជាមួយគ្នាវិញ។ កាលពីឆ្នាំ ២០១២ គណបក្សសិទ្ធិមនុស្ស និងគណបក្ស សម រង្ស៊ី បានសម្រេចរួបរួមគ្នាបង្កើតបានជាគណបក្សមួយឈ្មោះ គណបក្សសង្រ្គោះជាតិ។ មេដឹកនាំគណបក្សនេះ ដោយមានលោក សម រង្ស៊ី និង លោក កឹម សុខា បានអះអាងម្តងហើយម្តងទៀតប្រាប់ទៅអ្នកគាំទ្ររបស់ខ្លួន ថាពួកគេនឹងគ្មានថ្ងៃបែកបាក់គ្នាឡើយ ដោយថា កឹម សុខា-សម រង្ស៊ី ជាមនុស្សតែមួយ។    សារបង្រួបបង្រួមគ្នានេះ នៅតែប្រើរហូតមកទល់ពេលបច្ចុប្បន្ន ប៉ុន្តែសម្រាប់សមាជិកផ្ទៃក្នុងវិញ ក៏ចាប់ផ្តើមចោទគ្នាទៅវិញទៅមក ហើយក្បាលម៉ាស៊ីនវិញ ក៏ចាប់ផ្តើមធ្វើការងារចាកឆ្ងាយពីគ្នាបន្តិចម្តងៗ។ លោកនាយរដ្ឋមន្ត្រី លោក ហ៊ុន សែន ធ្លាប់លើកឡើងថា លោកមិនមែនជាអ្នកចូលរួមបំបែកបំបាក់គណបក្សសង្រ្គោះជាតិនោះឡើយ ហើយថាការបែកបាក់ផ្ទៃក្នុងបក្សនេះ គឺដោយសារតែខ្លួនឯងមិនរឹងមាំប៉ុណ្ណោះ។ អ្នកវិភាគនយោបាយ បានលើកឡើងថា នៅពេលគណបក្សសង្រ្គោះជាតិបែកបាក់ពិតប្រាដក ជីវិតនយោបាយ ទាំងសម រង្ស៊ី និង កឹម សុខា ក៏ត្រូវបានបញ្ចប់។ ប្រសិនបើមានថ្ងៃបញ្ចប់នេះ នោះពួកគេនឹង គ្មានឱកាសអាចឈ្នះសមរភូមិនយោបាយ ទៅលើគណបក្សប្រជាជនកម្ពុជា ឬ ឈ្នះលោក ហ៊ុន សែន បាននោះឡើយ៕ 

22 April 2019 អ្នក​គាំទ្រ​អតីត​បក្ស​ប្រឆាំង​ធ្វើ «បាតុកម្ម​​ភ្លើង​ទៀន» នៅ​កូរ៉េខាងត្បូង​ នៀម ឆេង បាតុករគាំទ្រអតីតប​ក្សប្រឆាំងធ្វើបាតុកម្ម នៅកូរ៉េ​​ខាងត្បូង​ កាលពីថ្ងៃទី ២០ ខែមេសា។ អ្នក​គាំទ្រ​អតីត​គណប​ក្ស​សង្គ្រោះ​ជាតិ​រាប់​ពាន់​នាក់​បាន​ជួប​ជុំគ្នា​ កាល​ពី​ថ្ងៃ​សៅរ៍​នៅ​ទីក្រុង Qwangju ប្រទេស​ កូរ៉េ​ខាង​ត្បូង​ ដើម្បី​ធ្វើ​ ​«បាតុកម្ម​ភ្លើង​ទៀន»​ ទាមទារ​លទ្ធិ​ប្រជា​ធិបតេយ្យ​នៅ​កម្ពុជា។ លោក​ យឹម ស៊ីណន​ សមាជិក​អតីត​គណបក្ស​សង្គ្រោះ​ជាតិ​បាន​ប្រាប់​ឲ្យ​ដឹង​កាល​ពី​ថ្ងៃ​អាទិត្យ​ម្សិល​មិញ​ថា ​តាម​ការ​ប៉ាន់​ប្រមាណ​របស់​លោក​ អ្នក​ចូល​រួម​បាតុកម្ម​មាន​ប្រហែល ៧ ពាន់​នាក់​ គឺ​ច្រើន​ជាង​ការ​រំពឹងទុក​ និង​ការ​ត្រៀម​ទៀន​ចំនួន​ ៤​ ពាន់​ដើម។ បាតុកម្ម​នេះ​ក៏​មាន​ការ​ចូល​រួម​ពី​សំណាក់​លោក​ សម រង្ស៊ី ​អតីត​ប្រធាន​គណបក្ស​សង្គ្រោះ​ជាតិ ​ហើយ​បច្ចុប្បន្ន​ជា​ប្រធាន​ស្តីទី​បក្ស ​និង​លោក​ស្រី​ មូ សុខហួរ ​អនុ​ប្រធាន​បក្ស ​និង​មន្ត្រី​ជាន់ខ្ពស់​មួយ​ចំនួន​ទៀត​របស់​បក្ស។ លោក​ ស៊ីណន ​បញ្ជាក់​ថា ​បាតុកម្ម​ភ្លើង​ទៀន​នេះ​គឺ​ជា​លើក​ទី២​ ហើយ ​ដែល​ត្រូវ​បាន​ធ្វើ​ឡើង​នៅ​ប្រទេស​ កូរ៉េ​ខាងត្បូង​ ដោយ​អ្នក​គាំទ្រ​គណបក្ស​សង្គ្រោះ​ជាតិ។ បាតុកម្ម​ភ្លើងទៀន​នេះ​យក​គំរូ​តាម​បដិវត្ត​ន៍​ភ្លើង​ទៀន​ដែល​នាំ​ឲ្យ​លោក Moo Jaein អាច​យក​ឈ្នះ​ការ​បោះ​ឆ្នោត​ទម្លាក់​លោកស្រីអតីត​ប្រធានាធិបតី​កូរ៉េ​ខាង​ត្បូង​ Park Geunhye កាល​ពី​ឆ្នាំ ២០១៧។ លោក​ថ្លែងថា​៖ «គោល​បំណង​របស់​យើង​គឺ​ច្បាស់​ហើយ ​យើង​ធ្វើ​ដំណើរ​ឆ្ពោះ​ទៅ​រំដោះ​លទ្ធិ ប្រជាធិបតេយ្យ​នៅ​កម្ពុជា។ លទ្ធិ​ប្រជា​ធិបតេយ្យ​នៅ​កម្ពុជា​បាន​ជាប់​គាំង ​ហើយ​លេប​ដោយ​របប​សព្វ​ថ្ងៃ។ យើង​ត្រូវ​បង្ខំ​ឲ្យ​ពួកគាត់ ​(រដ្ឋាភិបាល)​ ខ្ជាក់​ចេញ​លទ្ធិ​ប្រជាធិប​តេយ្យ​មក​វិញ» ។ លោក​បន្ត​ថា​៖ «មាន​ន័យ​ថា​យើង​ចង់​ឲ្យ​មាន​ការ​ដោះ​លែង ​លោក​ កឹម សុខា។ ​ព្រោះ​តែ​ការ ចាប់​ខ្លួន​គាត់​ ការ​រំលាយ​គណបក្ស​សង្គ្រោះ​ជាតិ​នេះ​ ធ្វើ​ឲ្យ​លទ្ធិ​ប្រជាធិបតេយ្យ​ធ្លាក់​ចុះ។ ប្រសិន​បើ​គាត់​មិន​ត្រូវ​បាន​ចាប់​ខ្លួន​ ហើយ​សង្គ្រោះ​ជាតិ​មិន​ត្រូវ​បាន​រំលាយ​ទេ​ យើង​ក៏​មិន​ទាមទារ​អ្វី​ដែរ»។ ថ្លែង​នៅ​ចំពោះ​មុខ​បាតុករ​រាប់​ពាន់​នាក់ ​លោក​សម រង្ស៊ី ​បាន​អំពាវ​នាវ​ឲ្យ​ពលករ​កម្ពុជា​ដែល​ធ្វើ​ការនៅ​ក្រៅប្រទេស​វិល​ត្រឡប់​ចូល​ស្រុក​ខ្មែរ​វិញ​ជា​មួយ​លោក​ដើម្បី​ទៅ​រំដោះ​ប្រទេស​កម្ពុជា​ពី​លោកនាយក​រដ្ឋ​មន្ត្រី​ ហ៊ុន សែន។ លោក​ប្រាប់​ឲ្យ​អ្នកគាំទ្រ​ដើរ​តាម​គំរូ​របស់​ពលរដ្ឋ​កូរ៉េ​ ដែល​បាន​តស៊ូ​ដើម្បី​ប្រជា​ធិបតេយ្យ​នៅ​ក្រុង Qwangju កាល​ពី​ឆ្នាំ ១៩៨០។ លោក​ថ្លែង​ថា​៖ «ការ​ប្ដេជ្ញាចិត្ត​របស់​យើង​ មុន​អ្វីៗ​ទាំងអស់​នោះ​គឺ​យក​ប្រទេស​កម្ពុជា​មក​វិញ​ ពីព្រោះ​ ហ៊ុន សែន​ គ្រួសារ​ ហ៊ុន សែន​ បាន​ប្លន់​កម្ពុជា​ពី​ប្រជាជន​កម្ពុជា។ តើ​ពិត​ទេ?​ ដូច្នេះ​ យើង​ត្រូវ​តែ​តស៊ូ​ជាមួយ​គ្នា​ដើម្បី​យក​ប្រទេស​ កម្ពុជា​ មក​ជូន​ពលរដ្ឋ​កម្ពុជា​វិញ»។ លោក​ សម រង្ស៊ី បាន​លើកឡើង​សាជា​ថ្មី​នូវ​សារ​របស់​លោក​ដែល​ធ្លាប់​និយាយ​ជាច្រើន​លើក​ថា​ លោក​នឹង​វិល​មក​កម្ពុជា​វិញ។ លោក​ រង្ស៊ី ​បញ្ជាក់​ថា ​ពលករ​ចំណាក​ស្រុក​នឹង​វិល​មក​កម្ពុជា​ជាមួយ​លោក​ដើម្បី​ចាប់​លោក ​ហ៊ុន សែន​ ហើយ​ប្រគល់​ឲ្យ​ប្រជារាស្ត្រ​កាត់​ទោស។ ស្រប​ពេ​លជាមួយ​គ្នា​នេះ​ អង្គការ​មួយ​ដែល​មិន​សូវ​ល្បី​ឈ្មោះ​គឺ «វេទិកា​សិទ្ធិមនុស្ស ​និង សន្តិភាពអាស៊ី»​ មាន​មូលដ្ឋាន​ក្នុង​ទីក្រុង​នេះ​បាន​ប្រគល់​ពាន​រង្វាន់ ​«ជើង​ឯក​ប្រជា ធិបតេយ្យនៅ​កម្ពុជា» ​ដល់​លោក​ សម រង្ស៊ី។ ​អង្គការ​នេះ​លើក​ឡើង​ថា ​លោក ​សម រង្ស៊ី ​ជា «​ថ្នាក់​ដឹកនាំ​ដែល​បំផុស​គំនិត​និង​មាន​ការ​ប្ដេជ្ញា​មិន​ងាក​រេ ក្នុង​ការ​ត្រួស​ត្រាយ​ផ្លូវ​ និង​បាន​បូជា​យ៉ាង​ខ្លាំង​ក្នុង​ការ​តស៊ូ​ដើម្បី​លទ្ធិប្រជាធិបតេយ្យ​ និង​សិទ្ធិ​មនុស្ស​នៅ​កម្ពុជា ​នៅ​ក្នុង​រយៈ​ពេល​ ៣ ​ទសវត្សរ៍​ចុង​ក្រោយ»។ ប៉ុន្តែ​លោក ​សុខ ឥសាន​ អ្នកនាំ​ពាក្យ​គណបក្ស​ប្រជាជន​កម្ពុជា បាន​ហៅ​ការ​ធ្វើ​បាតុកម្ម​កាល​ពី​ថ្ងៃ​សៅរ៍​ថា​ជា ​«បាតុកម្ម​ឆ្កួត» ​ដោយ​លោក​លើក​ហេតុ​ផល​ថា​ គណបក្ស​សង្គ្រោះ​ជាតិ​ត្រូវ​តុលាការ​កំពូល​រំលាយ​តាំងពីឆ្នាំ​ ២០១៧​ ហើយ​ការ​បោះ​ឆ្នោត​ជាតិ​ធ្វើ​ឡើង​កាល​ពី​ខែ​កក្កដា​ ឆ្នាំ​ ២០១៨ ​ប៉ុន្តែ​បាតុកម្ម​តវ៉ា​ទើប​តែ​ធ្វើ​ឡើង​កាល​ពី​ថ្ងៃទី​ ២០ ខែ​មេសា ឆ្នាំ ២០១៩ ទៅ​វិញ។ លោក​ថ្លែង​ថា​៖ «តើ​នេះ​មិន​មែន​ជា​បាតុ​កម្ម​ឆ្កួត​ទេ​ឬ? ​បើ​ឆ្កួត​ស្រែក​ឡូឡា​ដូច​ឆ្កួត​យ៉ាង​ហ្នឹង​អាច​នឹង​ត្រូវ​គេ​ចាប់​បញ្ជូន​មក​ស្រុក​ខ្មែ​រវិញ​ជា​មិន​ខាន ​កុំ​ឲ្យ​នៅ​ឆ្កួត​ឯស្រុក​គេ​ត​ទៅ​ទៀត»។ លោក ​មាស នី​ អ្នកវិភាគ​នយោបាយ​ និងជា​អ្នក​ស្រាវជ្រាវ​បញ្ហា​សង្គម​ថ្លែង​ថា ​អ្វី​ដែល​សំខាន់​ក្នុង​ការ​ធ្វើ​បាតុកម្ម​ភ្លើង​ទៀន​នេះ​គឺ​នៅ​លើ​ចំនួន​អ្នក​ចូលរួម។ លោក​ថា ​ចំនួន​អ្នក​ចូល​រួម​ផ្ញើ​សារ​ទៅ​កាន់​បក្ស​កាន់​អំណាច​ និង​បក្ស​សង្គ្រោះ​ជាតិ។ ចំពោះ​បក្ស​កាន់​អំណាច​ គឺ​បើ​សិន​ចំនួន​អ្នក​ចូល​រួម​មាន​ច្រើន​វា​បង្ហាញ​សារ​មួយ​ថា ​ការ គំរាម​កំហែង​មិន​អាច​ទាក់​យក​បេះ​ដូង​ពលករ​នៅ​ក្រៅ​ប្រទេស​បាន​ទេ។ ចំណែក​បក្ស​ប្រឆាំង​វិញ​លោក​ថា​ បើ​សិន​ជា​បាតុករ​មាន​ចំនួន​តិច​នោះ ​វា​បង្ហាញ​សារ​ដល់​ពួក​គេ​ថា ​កម្លាំង​របស់​ខ្លួន​បាន​ថយ​ចុះ ​ហើយ​គួរ​តែ​ធ្វើ​អ្វី​មួយ​ដើម្បី​ពង្រឹង​ឡើង​វិញ។ លោក​ មាស នី បានថ្លែង​ថា​៖ «ប៉ុន្តែ​បញ្ហា​គឺ​នៅ​ត្រង់​ថា​ ការ​រាយការណ៍​អំពី​ចំនួន​អ្នក​ចូល​រួម​ខុស​គ្នា។ ប្រព័ន្ធ​ផ្សព្វផ្សាយ​របស់​រដ្ឋាភិបាល​ថា​ ចំនួន​មាន​ការ​ថយចុះ​យ៉ាង​គំហុក ​ប៉ុន្តែ​សង្គ្រោះ​ជាតិ​ថា ​ចំនួន​អ្នក​ចូល​រួម​អាច​មាន​រហូត​ដល់​ម៉ឺន​នាក់​»។ លោក ​គិន ភា ​អ្នកវិភាគ​ និងជាប្រធាន​វិទ្យាស្ថាន​ទំនាក់​ទំនង​អន្តរជាតិ​នៃរាជបណ្ឌិត្យសភាកម្ពុជា​បាន​ថ្លែង​ថា ​វា​ជា​រឿង​ធម្មតា​ដែល​ពលរដ្ឋ​ធ្វើ​បាតុកម្ម​នៅ​ពេល​ពួក​គេ​មិន​សប្បាយ​ចិត្ត​នឹង​រឿង​អ្វីមួយ។​ ប៉ុន្តែ​លោក​ថា​៖ «ខ្ញុំ​គិត​ថា​វា​មិន​មាន​ឥទ្ធិពល​អ្វី​ទៅ​លើ​រដ្ឋាភិបាល​ទេ​ ពីព្រោះ​រដ្ឋាភិបាល​កំពុង​ដំណើរ​ការ​ជា​ធម្មតា។ ខ្ញុំ​គិត​ថា​ បើ​រដ្ឋាភិបាល​រៀប​ចំ​ឲ្យ​មាន​បាតុកម្ម​ដូច​គ្នា​នោះ​ ចំនួន​អ្នក​ចូល​រួម​នឹង​មាន​ច្រើន​ជាង​នេះ​រាប់​សិប​ដង»៕

THURSDAY, MARCH 17, 2016 ៣ខែ មកហើយ ស្ថានទូតខ្មែរ នៅប្រទេស កូរ៉េខាងត្បូង គ្មាន លុយបង់ថ្លៃ ស្ថានទូត ប្រចាំខែទេ រឿងអាម៉ាស់ របស់ ជាតិខ្មែរ៖ បែកធ្លាយ ស្ថានទូតខ្មែរ អត់លុយ បង់ថ្លៃផ្ទះ ឲ្យគេ ត្រូវ ម្ចាស់ផ្ទះ គំរាម រើឥវ៉ាន់ទូត គ្រវាត់ចោល មន្ត្រី ស្ថានទូតខ្មែរ នៅប្រទេស កូរ៉េខាងត្បូង ម្នាក់បានឲ្យដឹង ថា រយៈពេល ៣ខែ មកហើយ ស្ថានទូត គ្មាន លុយបង់ថ្លៃ ស្ថានទូត ប្រចាំខែទេ, ហើយ ត្រូវ បានខាងម្ចាស់ផ្ទះ ផ្ញើលិខិត រំលឹកទាលុយ ឲ្យបង់ថ្លៃផ្ទះ ជាបន្ទាន់ និងបើ មិន បង់ថ្លៃផ្ទះ ឲ្យនោះទេ គឺ ម្ចាស់ផ្ទះ និងមករើ សម្ភារៈ ធ្វើការក្នុងស្ថានទូត គ្រវាត់ចេញ មកក្រៅផ្ទះ ចោល ទាំងអស់ ដូចជំនាន់ អ្នកកាន់ទូត មុនៗ អញ្ចឹងដែរ។ ក្នុងរឿងនេះ ស៊ុត ឌីណា ក៏បានបញ្ជាក់ ប្រាប់ដែរ ថា, វា ជារឿងពិត, ហើយ ខ្លួនផ្ទាល់ ក្នុងនាម ជាឯកអគ្គរាជទូត ខ្មែរ ប្រទេស កូរ៉េក៏ មិនដឹង ដោះស្រាយ ដោយមធ្យោបាយ ណាដែរ ព្រោះ នេះ ជាមុខមាត់ កិត្តិយស របស់ ប្រទេស ជាតិខ្មែរ ទាំងមូល, ហើយ បើ ខាងក្រសួង ការបរទេស មិនព្រម ទម្លាក់លុយ មក ឲ្យសោះ តើ ខ្លួន មានលុយ ឯណា យកទៅបង់ ថ្លៃផ្ទះ, ថ្លៃបុគ្គលិក, ថ្លៃរ៉េសីុដង់ ស្នាក់នៅ ថ្លៃទឹក, ថ្លៃភ្លើង ទាំងនោះ ដែលសរុប គឺ ជាង៣ខែហើយ មិនព្រម ទម្លាក់ ឲ្យសោះ។ ស៊ុត ឌីណា បន្ថែមថា សូម្បីតែឪពុក ម្តាយ ក្រុមគ្រួសារ របស់ខ្លួន ផ្ទាល់ ក៏ស្ទើរដាច់អង្ករ ដាច់បាយម្តងម្កាលដែរ ព្រោះចាំេលុយកូនធ្វើ់ទូតផ្ញើទៅអោយចាយ។ សំគាល់៖ ឌីណា បានបញ្ជាក់ថាខ្លួន និងគ្រួសារស្ទើរដាច់បាយទៅហើយ ដោយមានរូបភ្ជាប់ជាមួយអង្គុយហូបគុយទាវនៅផ្ទះវីឡារបស់ខ្លួន និងមានភ្ជាប់រូបម៉ូតូថ្លៃរាប់ម៉ឺនដុល្លារថែមទៀត។ និយាយរួមតាំងពីដើមមក ស៊ុត ឌីណា មិនដែលចេះរកស៊ីខាតទេ។ អ្នកដឹងបានដឹង។ ដោយឡែករឿងបង់ថ្លែស្ថានទូត គឺពិតជារឿអអាម៉ាស់របស់ជាតិបំផុតសម្រាប់ខ្មែរ ដែលពួក ហ៊ុន សែន ធ្វើបែបនេះ៕

2014-11-06 ពលករ​នៅ​កូរ៉េ​ប្រតិកម្ម​ចំពោះ​មន្ត្រី​ទូត​ខ្មែរ​ដែល​ចង់​ចាប់​បញ្ជូន​អ្នក​គាំទ្រ​បក្ស​ប្រឆាំង ពលករ​ខ្មែរ​នៅ​ប្រទេស​កូរ៉េ​ខាង​ត្បូង​មួយ​ចំនួន បាន​បញ្ចេញ​ប្រតិកម្ម​ចំពោះ​ឯក​អគ្គរាជទូត​ខ្មែរ​ប្រចាំ​នៅ​ប្រទេស​កូរ៉េ​ខាងត្បូង ដែល​ចង់​ចាប់​ខ្លួន​អ្នក​ដែល​គាំទ្រ​គណបក្ស​ប្រឆាំង​បញ្ជូន​មក​ស្រុក​ខ្មែរ​វិញ​នោះ។ ការ​បញ្ចេញ​ប្រតិតកម្ម​នេះ នៅ​បន្ទាប់​ពី​ពួកគេ​បាន​ឃើញ​ឯកអគ្គរាជទូត​ខ្មែរ​បាន​សរសេរ​នៅ​ក្នុង​គណនី​ហ្វេសប៊ុក​ផ្ទាល់​ខ្លួន​លោក​ថា ប៉ូលិស​កូរ៉េ​ខាង​ត្បូង​បាន​បញ្ជូន​អ្នក​ដែល​ប្រឆាំង​រដ្ឋាភិបាល​កម្ពុជា មក​លោក​រួច​ហើយ។ ប្រធាន​ចលនា​យុវជន​នៅ​ទីក្រុង​អាន់សាន់ (Ansan) ប្រទេស​កូរ៉េខាងត្បូង (South Korea) លើក​ឡើង​ថា ឯកអគ្គរាជទូត​ខ្មែរ​ប្រចាំ​នៅ​ប្រទេស​កូរ៉េ កំពុងតែ​គំរាមកំហែង​ដល់​ពលករ​ខ្មែរ​ដែល​គាំទ្រ​គណបក្ស​ប្រឆាំង។ លោក យឹម ស៊ីណន ជា​ប្រធាន​ចលនា​យុវជន​ឲ្យ​ដឹង​តាម​ទូរស័ព្ទ​ពី​ទីក្រុង​អាន់សាន់​ថា ឯកអគ្គរាជទូត​ខ្មែរ​ប្រចាំ​នៅ​ប្រទេស​កូរ៉េខាងត្បូង លោក សុត ឌីណា បាន​សរសេរ​នៅ​ក្នុង​បណ្ដាញ​សង្គម​ហ្វេសប៊ុក (Facebook) ក្នុង​គណនី​របស់​លោក​ថា ប៉ូលិស​កូរ៉េខាងត្បូង គេ​បាន​បញ្ជូន​ឈ្មោះ​ពលករ និង​អ្នក​ប្រឆាំង​មក​ឲ្យ​លោក​អស់​ហើយ។ លោក យឹម ស៊ីណន បញ្ជាក់​ថា ការ​សរសេរ​របស់​លោក ស៊ុត ឌីណា ​នេះ ជា​ការ​គំរាមកំហែង​ពលករ​ខ្មែរ​ដែល​គាំទ្រ​គណបក្ស​សង្គ្រោះ​ជាតិ ប្រឆាំង​នឹង​ការ​ដឹកនាំ​ខុសឆ្គង​មួយ​ចំនួន​របស់​រដ្ឋាភិបាល​បច្ចុប្បន្ន៖ «សំឡេង»។ លោក ស៊ុត ឌីណា បាន​សរសេរ​នៅ​ក្នុង​គណនី​ហ្វេសប៊ុក​របស់​លោក​នោះ មាន​ខ្លឹមសារ​ថា "ប៉ូលិស​កូរ៉េខាងត្បូង គេ​បាន​ផ្ដល់​ឈ្មោះ​ប្អូនៗ​ពលករ​និង​អ្នក​ប្រឆាំង​មក​អស់​ហើយ។ តើ​ឲ្យ​គេ​ចាត់ការ​ដែរ​ឬ​ទេ? ពីព្រោះ​អ្នក​ទាំង​អស់​គ្នា​មិន​មែន​ជនភៀសខ្លួន​នយោបាយ​ទេ។ ហើយ​កុំ​ភ្លេច​ថា កូរ៉េខាងត្បូង​គាំទ្រ​សម្ដេច​តេជោ​ខ្លាំង​ណាស់។ សូម​ប្អូន​កុំ​មើល​រំលង​ការ​នេះ​ឲ្យ​សោះ។ គិត​អនាគត​ខ្លួន​ឯង​និង​គ្រួសារ​ឲ្យ​បាន​វែង​ឆ្ងាយ​បន្តិច​ទៅ"។ ​នៅ​ក្នុង​បណ្ដេញ​សង្គម​ហ្វេសប៊ុក មាន​អ្នក​បញ្ចេញមតិ​ឆ្លងឆ្លើយ​ជា​ច្រើន​ប្រតិកម្ម​ចំពោះ​លោក ស៊ុត ឌីណា ដែល​បាន​សរសេរ​អំពី​ប៉ូលិស​កូរ៉េខាងត្បូង ចង់​ចាប់​ខ្លួន​នេះ។ អ្នក​ខ្លះ​បញ្ចេញ​មតិ​ឆ្លើយ​តប​ថា សុំ​ឲ្យ​លោក ស៊ុត ឌីណា បំពេញ​តួនាទី​ជា​ឯក​អគ្គ​រាជទូត​ឲ្យ​បាន​ពេញលេញ​ទៅ​ប្រសើរ​ណាស់​ទៅ​ហើយ កុំ​គំរាមកំហែង​និស្សិត ពលករ​ខ្មែរ​ដែល​កំពុង​ធ្វើការ​នៅ​ប្រទេស​កូរ៉េ​នោះ ប្រយ័ត្ន​ពួកគេ​នាំគ្នា​ធ្វើ​បាតុកម្ម​សុំ​ឲ្យ​ដក​លោក​ជាដើម។ វិទ្យុ​អាស៊ីសេរី​មិន​អាច​ទាក់ទង​ឯកអគ្គរាជទូត​ខ្មែរ​ប្រចាំ​នៅ​ប្រទេស​កូរ៉េ​ខាងត្បូង លោក ស៊ុត ឌីណា បាន​នៅ​ឡើយ​ទេ នៅ​ថ្ងៃ​ទី​៦ វិច្ឆិកា។ មន្ត្រី​នាំ​ពាក្យ​ក្រសួង​ការបរទេស​និង​សហប្រតិបត្តិការ​អន្តរជាតិ លោក កុយ គួង មាន​ប្រសាសន៍​ថា លោក​មិន​បាន​ដឹង​អំពី​បញ្ហា​នេះ​នៅ​ឡើយ​ទេ។ ប្រធាន​ចលនា​យុវជន លោក យឹម ស៊ីណន បញ្ជាក់​ថា មូលហេតុ​ដែល​លោក ស៊ុត ឌីណា សរសេរ​គំរាម​បែប​នេះ មក​ពី​លោក ស៊ុត ឌីណា ដឹង​ថា ពលករ​ខ្មែរ​នឹង​ធ្វើ​បាតុកម្ម ឬ​ដាក់​ញត្តិ​នៅ​ពេល​លោក​នាយក​រដ្ឋមន្ត្រី ហ៊ុន សែន ទៅ​ទស្សនកិច្ច​ផ្លូវរដ្ឋ​នៅ​ខែ​ធ្នូ ខាង​មុខ ដូច្នេះ លោក ស៊ុត ឌីណា សរសេរ​គំរាម​ជាមុន។ ​លោក យឹម ស៊ីណន បញ្ជាក់​ទៀត​ថា ចលនា​យុវជន​របស់​លោក​មាន​គម្រោង​សុំ​ជួប​លោក​នាយករដ្ឋមន្ត្រី ហ៊ុន សែន ឬ​ដាក់​ញត្តិ​ទាមទារ​ឲ្យ​លោក​នាយករដ្ឋមន្ត្រី​ដោះស្រាយ​បញ្ហា​មួយ​ចំនួន​ដែល​កំពុង​កើត​មាន​នៅ​ក្នុង​សង្គម​កម្ពុជា ដូចជា​បញ្ហា​រំលោភ​សិទ្ធិ​មនុស្ស បញ្ហា​ជម្លោះ​ដីធ្លី និង​បញ្ហា​ផ្សេងៗ​ទៀត៕

រូបភាព អាសង្ហារ