សម្ព័ន្ធបក្សប្រឆាំង កូរ៉េខាងត្បូង

ឯកសារពាក់ព័ន្ធរួមមាន៖

1. សម្ព័ន្ធបក្សប្រឆាំង កូរ៉េខាងត្បូង
2. ភូមិវិទ្យាជនជាតិ 
3. យឹម ស៊ីណន អា សង្ហារ

ស្ថិតិជនជាតិខ្មែរនៅ ទូទាំងសកលលោក ឆ្នាំ ២០២៤
តំបន់ដែលមានចំនួនប្រជាជនសំខាន់ៗ

1.  កម្ពុជា ១៧ លាននាក់
2.  Thailand >៤,៥ លាននាក់
3.  វៀតណាម ២-៥ លាននាក់
4. ទំព័រគំរូ:ទិន្នន័យប្រទេស ស.រ.អា. ២៤១.០២៥ នាក់
5.  បារាំង ៥០០.០០០ នាក់
6.  អូស្ត្រាលី ២៥.៧១០ នាក់
7.  កាណាដា ២៥.០០០ នាក់
8.  ម៉ាឡេស៊ី ១១.៣៨១ នាក់
9.  កូរ៉េខាងត្បូង ៥០.០០០ នាក់
10.  នូវែលសេឡង់ ៦៩១៨ នាក់
11.  តៃវ៉ាន់ ៥២១៩ នាក់
12.  ឡាវ ៧៧០០ នាក់
13. ទំព័រគំរូ:ទិន្នន័យប្រទេស បែលហ៊្សិក ៣៥០០ នាក់
14.  អាល្លឺម៉ង់ ១៣០០០ នាក់
15.  ជប៉ុន ១៨០០០ នាក់
16.  រុស្ស៊ី ១១០ នាក់

ពត៍មាន​ ពី កូរ៉េខាងត្បូង

ចលនាប្រជាធិបតេយ្យរួបរួមជាតិ
មហាបាតុកម្មប្រឆាំងគម្រោង CLV-DTA លើកទី២
រាប់ព្រឹត្តិការណ៍ថយក្រោយទៅដល់ថ្ងៃបាតុកម្ម 05ថ្ងៃ
កូរ៉េសូម​អញ្ជើញ​អ្នក​ក្លាហាន​ចូល​រួម​ ដេីម្បី​ការពារ​ទឹកដី​យើង​៕
កម្មវិធីថ្ងៃអាទិត្យ ទី01ខែកញ្ញា ឆ្នាំ២០២៤
ចាប់ផ្តើមពីម៉ោង 10:00Am -05:00 Pm
01021720737 / 01039769889
No Say CLV in Cambodia
서울 종로구 관철동 291-2

ប្រធានគណកម្មាការរៀបចំ បាតុកម្ម ម៉ាត់ វណ្ណី Matt Vanny Facebook

Youtube  អាស៊ី សេរី

៣០ សិហា ២០២៤ ប្រភព កម្ពុជាថ្មី កងកម្លាំង និងអាជ្ញាធរ បានត្រៀមលក្ខណៈទប់ស្កាត់ការបង្កចលាចលនៅក្នុងសង្គម ក្រោយមានការប្រកាសធ្វើបាតុកម្មជាថ្មីនៅក្រៅប្រទេស។ នេះបើតាមអ្នកនាំពាក្យរងក្រសួងមហាផ្ទៃ លោក ទូច សុខៈ។ លោក បញ្ជាក់ថា កម្លាំងគ្រប់ជាន់ថ្នាក់នៃក្រសួងមហាផ្ទៃ បានបន្តឈរជើងតាមគោលដៅ ដើម្បីរក្សាការពារសន្តិសុខ សណ្ដាប់ធ្នាប់សាធារណៈ និងរបៀបរៀបរយសង្គម ពិសេសការត្រៀមទប់ស្កាត់ចលនាដែលមាននិន្នាការជ្រុលនិយមក្នុងការចិញ្ចឹមចិត្តធ្វើបាតុកម្ម ឬកុបកម្មបង្កអសន្តិសុខក្នុងសង្គម។ការបញ្ជាក់របស់អ្នកនាំពាក្យរងក្រសួងមហាផ្ទៃខាងលើ បន្ទាប់ពីមានព័ត៌មានថា នៅថ្ងៃទី១ ខែកញ្ញា ឆ្នាំ២០២៤ ខាងមុខនេះ នឹងមានការត្រៀមធ្វើបាតុកម្មជាថ្មីម្ដងទៀតនៅឯប្រទេសកូរ៉េខាងត្បូង ក្រោយភាពបរាជ័យកាលពីថ្ងៃទី១៨ ខែសីហា កន្លងទៅ ដែលចង់ធ្វើបាតុកម្មនៅរាជធានីភ្នំពេញ។ លោក ទូច សុខៈ បញ្ជាក់ថា គម្រោងបាតុកម្មនៅបរទេសមិនមានជាបញ្ហាចោទដល់ការគំរាមកំហែងដោយផ្ទាល់ដល់សន្តិសុខ សុវត្ថិភាព និងសណ្ដាប់ធ្នាប់នៅក្នុងប្រទេសកម្ពុជាទេ។

ពលរដ្ឋខ្មែរ​នៅ​ជប៉ុន និង​កូរ៉េខាងត្បូង ចេញ​តវ៉ា​ឲ្យ​រដ្ឋាភិបាល​កម្ពុជា ដកខ្លួន​ពី​គម្រោង​អភិវឌ្ឍន៍ CLV យ៉ាងផុលផុស។ សូម​ស្តាប់​ការ​លើក​ឡើង​ពី​ក្រុមយុវជន គឺ​អ្នកស្រី វ៉ាន់ លក្ខិណា (ពីជប៉ុន) និងលោក ស សុខេម (ពី​កូរ៉េខាងត្បូង) ក្នុង​កិច្ច​ពិភាក្សា​វិទ្យុ​អាស៊ីសេរី RFA ដែល​សម្រប​សម្រួល​ដោយ​អ្នកស្រី សុជីវី។

សម្ព័ន្ធបក្សប្រឆាំង កូរ៉េខាងត្បូង 

ប្រធាន​គណៈកម្មការ​នាយក​នៃ​ចលនា​ប្រជា​ធិបតេយ្យ​សង្គ្រោះ​ជាតិ​ដែល​ដឹកនាំ​បាតុកម្ម​​នៅ​កូរ៉េខាងត្បូង លោក​ ស សុខេម ​បាននិយាយក្នុងបទសម្ភាសន៍របស់វិទ្យុអាស៊ីសេរីនាពេលថ្មីៗនេះថា ការគៀគរមូលនិធិព្រំដែនជាវិធីរកលុយរបស់រដ្ឋាភិបាល ហើយថាការសង់ផ្លូវ មិនសង់របងព្រំដែន គឺមិនត្រឹមត្រូវនោះទេ ហើយមេបាតុកម្មរូបនេះ ចង់ឲ្យកម្ពុជាសង់របងបន្លារលួសដូចកូរ៉េខាងជើងទៅវិញ។

តាមរយៈសម្តីបែបនេះ បានធ្វើឲ្យមហាជនចូលទៅបញ្ចេញមតិសំពងក្បាលមេបាតុកម្មក្បាលធំខួរតូចរូបនេះថា ក្រុមអ្នកស្នេហាជាតិរត់ចោលស្រុកមួយចំនួន មួយថ្ងៃៗគ្មានខំធ្វើអ្វីដើម្បីជាតិសោះឡើយ គិតតែរឿងប្រឆាំង បំផ្លិចបំផ្លាញ ចាក់រុក ញ៉ុះញ៉ង់ ព្យាយាមអោយខ្មែរបែកបាក់ ស្អប់គ្នា។ ដូចពាក្យមួយគេតែងតែនិយាយថា អ្នកធ្វើតែងតែមានកំហុស ឯអ្នកមិនខុសគឺអ្នកមិនធ្វើអីសោះ។ ហើយរងាវ ថាខ្លួនជាអ្នកសេ្នហាជាតិ គិតពីជាតិ។

អង្គការលេខ សម្ព័ន្ធបក្សប្រឆាំង ក្រៅប្រទេស

ចលនាប្រជាធិបតេយ្យរួបរួមជាតិ

សេចក្តី​ប្រកាស​ព័ត៌មាន​ ស្តីពី​៖​មហាបាតុកម្ម​លេីកទី២​(ប្រឆាំង​គម្រោង​អភិវឌ្ឍន៍​តំបន់​ត្រីកោណ​ពិសេស​CLV-DTA)។  កម្មវិធី​ប្រារព្ធ​ឡើង​នៅ​ថ្ងៃ​អាទិត្យ​ ទី១​ ខែ​កញ្ញា​ឆ្នាំ​២០២៤​។  មហាបាតុកម្មប្រឆាំងគម្រោង CLV-DTA លើកទី២ រាប់ព្រឹត្តិការណ៍ថយក្រោយទៅដល់ថ្ងៃបាតុកម្ម កម្មវិធីថ្ងៃអាទិត្យ ទី01ខែកញ្ញា ឆ្នាំ២០២៤ ដោយមេីលឃេីញ​ពី​សកម្មភាព​គគ្លេីន​របស់​រដ្ឋាភិបាល​ កម្ពុជាមិនត្រឹម​តែ​មិនព្រម​ដក​កម្ពុជា​ចេញ​ពី​គម្រោង ​CLV-DTA​ តាម​ការ​ទាមទារ​របស់​យុវជន​ខ្មែរ​នៅ​កូរ៉េខាងត្បូង​រួម​ទាំង​ពលរដ្ឋ​ខ្មែរ​ទូទាំង​ពិភពលោក​ប៉ុណ្ណោះ​ទេ! ថ្មី​ៗនេះ​គេមាន​គម្រោង​កាត់​ខេត្ត​ព្រះវិហារ​ បន្ថែមទៅក្នុងគម្រោងបន្ថែមទៀត ការណ៍នេះវាបង្ហាញឲ្យឃើញអំពីការមិនយកចិត្តទុកដាក់ពីសំណាក់មេដឹកនាំនៅទីក្រុងភ្នំពេញ និងបង្ហាញអំពីគ្រោះមហន្តរាយដ៏ធំធេងចំពោះ បូរណភាពទឹកដី។

អង្គការលេខ សម្ព័ន្ធបក្សប្រឆាំង ក្រៅប្រទេស

ស្ថានភាព ជម្លោះនយោបាយ រវាង រដ្ឋាភិបាលកម្ពុជា ជាមួយ បក្សប្រឆាំង៖ រដ្ឋាភិបាល កម្ពុជា ជូនដំណឹងអំពីការ ពន្យាពេលការផ្តល់សេវាកម្មធ្វើលិខិត្តឆ្លងដែនធម្មតា ដល់ ជនជាតិខ្មែរ ដែលទៅពី កម្ពុជា ទោះជាទៅរៀន ទៅធ្វើការក្តី ។ សេចក្តីជូនដំណឹងនេះ មានបំណងជួយបងប្អូនខ្មែរឲ្យ សប្បាយចិត្ត រួមរស់ជាមួយ រាជរដ្ឋាភិបាលដើម្បីកសាងជាតិនៅប្រទេសកម្ពុជា ចំណែក បក្សប្រឆាំង ពួកគេ ផ្សព្វផ្សាយថា ការពន្យាពេលធ្វើលិខិត្តឆ្លងដែនថ្មី គឺ ផុតកំណត់ អស់សុពលភាពបើ កម្មករណាចង់ធ្វ់ើ ត្រូវទៅធ្វើនៅ កម្ពុជា ដែលការចំណាយអាចថា ប្រហែល ២០០០ ដុល្លា តែ បើសិនជាធ្វើបែបថ្មី នៅកូរ៉េខាងត្បូងសព្វថ្ងៃ នេះ ការចំណាយក្រោម ២០០ ដុល្លា ប៉ុណ្ណោះ។ ខាងបក្សសម្ព័ន្ធ ប្រឆាំង គេចង់បាន កម្មករខ្មែរ ពលករខ្មែរយើង ចូលសញ្ជាតិ កូរ៉េ កាន់លិខិត្តឆ្លងដែនកូរ៉េ ពេលនោះ តម្លៃ ឈ្នួលពលកម្ម មានតម្លៃខ្ពស់ និង អាចប្រឆាំង រដ្ឋាភិបាល អាចជេររដ្ឋាភិបាលបានតាមចិត្ត តាមពេលវេណាក៍បាន ឲ្យតែទំនេរ អាចជេរ ដៀល រិះគន់ ប្រទេសកម្ពុជាខ្លួនឯងដោយសេរី ១០០% ។

ស៊ីស៊ីថាមស៍ 

19 m  · 

រាជរដ្ឋាភិបាល អនុញ្ញាតបន្តផ្ដល់«សេវាធ្វើលិខិតឆ្លងដែនធម្មតា»ពលរដ្ឋខ្មែរនៅកូរ៉េសម្រាប់វគ្គទី៣

ប្រមុខរាជរដ្ឋាភិបាលកម្ពុជា សម្តេច ហ៊ុន ម៉ាណែត បានសម្រេចអនុញ្ញាតផ្ដល់ជូនបន្តផ្ដល់«សេវាធ្វើលិខិតឆ្លងដែនធម្មតា»ជូនប្រជាពលរដ្ឋកម្ពុជាដែលនៅប្រទេសកូរ៉េ សម្រាប់«វគ្គទី៣ គិតចាប់ពីថ្ងៃ ០៤ កញ្ញា ២០១៤ ដល់ថ្ងៃទី ០២ វិច្ឆិកា ២០២៤» តាមរយៈស្ថានឯកអគ្គរាជទូតកម្ពុជាប្រចាំសាធារណៈរដ្ឋកូរ៉េ។នេះបើយោងតាម លោកស្រី ជ្រឹង បុទុមរង្សី ឯកអគ្គរាជទូតកម្ពុជាប្រចាំសាធារណរដ្ឋកូរ៉េ។

សូមរម្លឹកជូនថា ដើម្បីជួយសម្រួលដល់ប្រជាពលរដ្ឋរស់នៅ និង ធ្វើការនៅប្រទេសកូរ៉េខាងត្បូង សម្តេច ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យស្ថានទូតកូរ៉េ បើកផ្ដល់ «សេវាធ្វើលិខិតឆ្លងដែនធម្មតា»ជូនដល់បងប្អូនប្រជាពលរដ្ឋខ្មែរនៅកូរ៉េ វគ្គទី១ តាំងពីថ្ងៃទី ១០ មករា ឆ្នាំ២០២៤ រហូតដល់ថ្ងៃទី ៣០ មេសា ឆ្នាំ២០២៤។

ចប់វគ្គទី១ ក្នុងដំណើរទស្សនកិច្ចនៅប្រទេសកូរ៉េ សម្តេចនាយករដ្ឋមន្ត្រី សម្រចឱ្យស្ថានទូតកម្ពុជាប្រចាំនៅកូរ៉េខាងត្បូង សហការជាមួយក្រសួងមហាផ្ទៃ បន្តអនុវគ្គគោលការណ៍នេះ សម្រាប់វគ្គទី២ រយៈពេល៣ខែបន្តទៀត ពីថ្ងៃទី ២០ ឧសភា ដល់ថ្ងៃទី ២៥ សីហា ឆ្នាំ២០២៤៕

ការផ្តល់សេវាលិខិតឆ្លងដែនធម្មតាជូនពលរដ្ឋ និងពលករកម្ពុជានៅកូរ៉េ នឹងត្រូវបិទបញ្ចប់ចាប់ពីថ្ងៃទី២៥ សីហា ភ្នំពេញ៖ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានចេញសេចក្តីជូនដំណឹងដល់ប្រជាពលរដ្ឋខ្មែរ កំពុងរស់នៅ ធ្វើការ និងសិក្សានៅកូរ៉េ ថា ការផ្តល់សេវាលិខិតឆ្លងដែន ធម្មតាជូនប្រជាពលរដ្ឋ និងពលករកម្ពុជា នៅកូរ៉ នឹងត្រូវបិទបញ្ចប់ចាប់ពី ថ្ងៃទី២៥ ខែសីហា ឆ្នាំ២០២៤ តទៅ។

ស្ថានឯកអគ្គរាជទូតកម្ពុជា បានឱ្យដឹងថា ដោយឡែកសម្រាប់បងប្អូនដែលបានអញ្ជើញមកដាក់ពាក្យស្នើសុំរួច អាចមកទទួលលិខិតឆ្លងដែន ទៅតាមការជូនដំណឹងលើគេហទំព័រហ្វេសប៊ុក (Facebook) របស់ស្ថានទូតរហូតដល់អស់។ ចំពោះបងប្អូនដែលមានបំណងស្នើសុំ បន្ទាប់ពីការបិទបញ្ចប់នេះ សាមីខ្លួនត្រូវទៅស្នើសុំ ដោយផ្ទាល់នៅកម្ពុជា។ ស្ថានឯកអគ្គរាជទូតកម្ពុជា ក៏បានអំពាវនាវដល់បងប្អូន ខ្មែរទាំងអស់ដែលមានបំណងស្នើសុំ លិខិតឆ្លងដែនធម្មតាថ្មី សូមប្រញាប់រួសរាន់អញ្ជើញមកដាក់ពាក្យស្នើសុំចាប់ពីថ្ងៃជូនដំណឹងនេះ រហូតដល់ថ្ងៃទី២៥ ខែសីហា ឆ្នាំ២០២៤។

សូមរំលឹកថា សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីដើមខែកញ្ញា ឆ្នាំ២០២៣ បានបញ្ជាឱ្យក្រសួងស្ថាប័នពាក់ព័ន្ធរៀបចំទីតាំងធ្វើលិខិតឆ្លងដែនកម្ពុជា នៅក្រៅប្រទេសដែលចាប់ផ្ដើមពីប្រទេសកូរ៉េមុនគេដើម្បីសម្រួលដល់ពលករ ឬប្រជាពលរដ្ឋខ្មែរ រស់នៅក្រៅប្រទេសក្នុងការទទួលសេវាផ្សេងៗ៕

ស្ថានទូតកម្ពុជាប្រចាំកូរ៉េខាងត្បូង បញ្ជាក់ថា ការផ្តល់សេវាលិខិតឆ្លងដែនធម្មតាជូនពលរដ្ឋ និងពលករ នឹងត្រូវបិទបញ្ចប់ចាប់ពីថ្ងៃទី២៥ ខែសីហា

2024-08-22 06:37pm

(កូរ៉េខាងត្បូង)៖ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានចេញសេចក្តីជូនដំណឹងដល់បងប្អូនប្រជាពលរដ្ឋខ្មែរ ដែលកំពុងរស់នៅ ធ្វើការ និងសិក្សានៅសាធារណរដ្ឋកូរ៉េ ជ្រាបថា ការផ្តល់សេវាលិខិតឆ្លងដែន ធម្មតាជូនប្រជាពលរដ្ឋ និងពលករកម្ពុជា នៅសាធារណរដ្ឋកូរ៉ នឹងត្រូវបិទបញ្ចប់ចាប់ពី ថ្ងៃទី២៥ ខែសីហា ឆ្នាំ២០២៤ តទៅ។ នេះបើយោងតាមសេចក្តីជូនដំណឹងដែលបណ្តាញព័ត៌មាន Fresh News ទទួលបាននៅថ្ងៃទី២២ ខែសីហា ឆ្នាំ២០២៤នេះ។

ស្ថានឯកអគ្គរាជទូតកម្ពុជា ប្រចាំសាធារណរដ្ឋកូរ៉េ បានឱ្យដឹងថា ដោយឡែកសម្រាប់បងប្អូនដែលបានអញ្ជើញមកដាក់ពាក្យស្នើសុំរួច អាចមកទទួលលិខិតឆ្លងដែន ទៅតាមការជូនដំណឹងលើគេហទំព័រហ្វេសប៊ុក (Facebook) របស់ស្ថានទូតរហូតដល់អស់។ ចំពោះបងប្អូនដែលមានបំណងស្នើសុំ បន្ទាប់ពីពីការបិទបញ្ចប់នេះ សាមីខ្លួនត្រូវទៅស្នើសុំ ដោយផ្ទាល់នៅកម្ពុជា។

អាស្រ័យដូចបានជម្រាបជូនខាងលើ ស្ថានឯកអគ្គរាជទូតកម្ពុជា សូមអំពាវនាវដល់បងប្អូន ខ្មែរទាំងអស់ដែលមានបំណងស្នើសុំ លិខិតឆ្លងដែនធម្មតាថ្មី សូមប្រញាប់រូសរាន់អញ្ជើញមកដាក់ពាក្យស្នើសុំចាប់ពីថ្ងៃជូនដំណឹងនេះ រហូតដល់ថ្ងៃទី២៥ ខែសីហា ឆ្នាំ២០២៤។

សូមបញ្ជាក់ថា ការផ្អាកសេវាផ្តល់លិខិតឆ្លងដែនធម្មតានេះ ក្រោយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីដើមខែកញ្ញា ឆ្នាំ២០២៣ បានបញ្ជាឱ្យក្រសួងស្ថាប័នពាក់ព័ន្ធរៀបចំទីតាំងធ្វើលិខិតឆ្លងដែនកម្ពុជា នៅក្រៅប្រទេសដែលចាប់ផ្ដើមពីប្រទេសកូរ៉េមុនគេ ព្រមទាំងបង្កើតកុងស៊ុល បន្ថែមនៅភាគខាងត្បូងប្រទេសថៃ ដើម្បីសម្រួលដល់ពលករ ឬប្រជាពលរដ្ឋខ្មែរ រស់នៅក្រៅប្រទេសក្នុងការទទួលសេវាផ្សេង។

ក្រោយមានការណែនាំពីសម្តេចនាយករដ្ឋមន្រ្តី,​ ស្ថានទូតកម្ពុជាប្រចាំប្រទេសកូរ៉េ បានចាប់ផ្តើមបើកដំណើរការនូវសេវាដាក់ពាក្យស្នើសុំធ្វើលិខិតឆ្លងដែនធម្មតាច្បាប់ថ្មីជូនប្រជាពលរដ្ឋខ្មែរដែលរស់នៅ និងធ្វើការនៅប្រទេសកូរ៉េ ដោយចាប់ពីថ្ងៃទី១០ ខែមករា ឆ្នាំ២០២៤។

ការផ្តល់សេវានេះ មិនមែនជាការធ្វើអចិន្ត្រៃយ៍នោះឡើយ។ ដំបូងឡើយគ្រោងធ្វើត្រឹមរយៈពេល៤ខែប៉ុណ្ណោះ ដោយចាប់ផ្តើមពីថ្ងៃទី១០ ខែមករា ឆ្នាំ២០២៤។ ប៉ុន្តែក្រោយពេលការផ្តល់សេវា៤ខែរួចទៅ នៅមានប្រជាពលរដ្ឋខ្មែរជាច្រើនទៀតមិនទាន់បានធ្វើនោះ សម្តេចធិបតី ហ៊ុន ម៉ាណែត ក្នុងជំនួបសំណេះសំណាលជាពលរដ្ឋខ្មែរនៅកូរ៉េ នៅថ្ងៃទី១៨ ខែឧសភា ឆ្នាំ២០២៤ ក៏បានសម្រេចពន្យារពេលផ្តល់សេវានេះរយៈពេល៣ខែបន្ថែមទៀត។

ក្រោយការណែនាំស្ថានទូត ក៏បានពន្យារពេលផ្តល់សេវា៣ខែទៀត ដោយចាប់ពីថ្ងៃទី២០ ខែឧសភា ដល់ថ្ងៃទី២៥ ខែសីហា ឆ្នាំ២០២៤៕

ប្រជាពលរដ្ឋខ្មែរនៅកូរ៉េដែលបានស្នើសុំធ្វើលិខិតឆ្លងដែនថ្មីនៅកូរ៉េសំដែងសេចក្តីរីករាយ ព្រោះចំណាយថវិកាអស់តិច

ចេញផ្សាយ ថ្ងៃទី ១២ ខែ មករា ឆ្នាំ ២០២៤

APP MoINFO ប្រជាពលរដ្ឋខ្មែរដែលរស់នៅ និងធ្វើការនៅសាធារណរដ្ឋកូរ៉េ ដែលបានទៅស្នើសុំធ្វើលិខិតឆ្លងដែនថ្មីនៅឯស្ថានទូតកម្ពុជាប្រចាំនៅប្រទេសកូរ៉េដោយផ្ទាល់ បានសំដែងនូវសេចក្តីរីករាយ ពីព្រោះពួកគេចំណាយថវិកាអស់តិច ដោយមិនចាំបាច់ធ្វើដំណើរមកកាន់ប្រទេសកម្ពុជាដើម្បីធ្វើលិខិតឆ្លងដែនថ្មីនេះ។

ស្ថានទូតកម្ពុជាប្រចាំប្រទេសកូរ៉េបានចាប់ផ្តើមបើកដំណើរការនូវសេវាដាក់ពាក្យស្នើសុំធ្វើលិខិតឆ្លងដែនធម្មតាច្បាប់ថ្មីជូនប្រជាពលរដ្ឋខ្មែរដែលរស់នៅ និងធ្វើការនៅប្រទេសកូរ៉េ ចាប់ពីថ្ងៃទី១០ ខែមករា ឆ្នាំ២០២៤ តទៅ។

កាលពីថ្ងៃទី៩ ខែកញ្ញា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចអនុញ្ញាតឱ្យរៀបចំធ្វើលិខិតឆ្លងដែននៅក្រៅប្រទេស ដោយចាប់ផ្តើមនៅសាធារណរដ្ឋកូរ៉េមុនគេ។

លោក ឱម សំអុល ជាប្រជាពលរដ្ឋខ្មែរដែលរស់នៅប្រទេសកូរ៉េ ដែលបានទៅស្នើសុំធ្វើលិខិតឆ្លងដែនថ្មីនៅស្ថានទូតកម្ពុជាប្រចាំប្រទេសកូរ៉េបានថ្លែងថា លោកមានសេចក្ដីសោមនស្សរីករាយក្នុងការធ្វើលិខិតឆ្លងដែនថ្មីនេះ ដោយសារលោកចំណាយថវិកាអស់តិច និងមិនពិបាកធ្វើដំណើរទៅកាន់ប្រទេសកម្ពុជា។

តាមរយៈវីដេអូដែលបានបង្ហោះក្នុងបណ្តាញផ្សព្វផ្សាយសង្គមសម្តេចធិបតី ហ៊ុន ម៉ាណែត កាលពីថ្ងៃទី១១ ខែមករា ឆ្នាំ២០២៤ លោក ឱម សំអុល ថ្លែងថា៖ «សូមអរគុណដល់រាជរដ្ឋាភិបាលដែលបានជួយគិតគូរដល់ពលករនៅស្រុកកូរ៉េ»។

ចំណែក លោក យឹម សារ៉ាត់ ប្រជាពលរដ្ឋខ្មែរដែលកំពុងបម្រើការងារនៅប្រទេសកូរ៉េ ក៏បានទៅស្នើសុំធ្វើលិខិតឆ្លងដែនថ្មីនៅឯស្ថានទូតកម្ពុជាប្រចាំប្រទេសកូរ៉េផងដែរ ដោយសារលិខិតឆ្លងដែនរបស់លោកជិតផុតសុពលភាព។

លោកលើកឡើងថា លោកមានភាពកក់ក្តៅក្នុងការស្នើសុំធ្វើលិខិតឆ្លងដែនថ្មីនេះ ដោយសារក្រុមការងារផ្តល់សេវាលិខិតឆ្លងដែននៅស្ថានទូតបានទទួលស្វាគមន៍លោកដោយភាពកក់ក្តៅ និងមានភាពរួសរាយ រាក់ទាក់។

តាមរយៈវីដេអូដែលបានបង្ហោះក្នុងបណ្តាញផ្សព្វផ្សាយសង្គមសម្តេចធិបតីនាថ្ងៃដដែលនេះ លោក យឹម សារ៉ាត់ បានលើកឡើងបន្ថែមថា៖ «ណាមួយ ធ្វើប៉ាស្ព័រ [passport] នេះ វាអស់លុយតិច មិនពិបាកទៅធ្វើនៅខ្មែរ»។

លោកក៏បានថ្លែងអំណរគុណដល់សម្តេចធិបតី ហ៊ុន ម៉ាណែត ដែលបានជួយសម្រាលបន្ទុកពលករដែលរស់នៅ និងធ្វើការនៅប្រទេសកូរ៉េបានច្រើន។ ប្រជាពលរដ្ឋខ្មែរម្នាក់ទៀតគឺលោកស្រី សោភ័ណ្ឌ រស់នៅប្រទេសកូរ៉េ ដែលបានទៅស្នើសុំធ្វើលិខិតឆ្លងដែនថ្មីឱ្យកូនរបស់លោកស្រី បានបង្ហាញអារម្មណ៍សប្បាយរីករាយជាខ្លាំង ដោយសារលោកស្រីមានឱកាសធ្វើលិខិតឆ្លងដែនថ្មីឱ្យកូនលោកស្រីដោយផ្ទាល់នៅស្ថានទូត ដោយមិនចាំបាច់ទៅធ្វើនៅប្រទេសកម្ពុជា។

ដៃឆ្វេងបីកូនតូចទើបនឹងកើត លោកស្រី បានថ្លែងជាមួយនឹងស្នាមញញឹម តាមរយៈវីដេអូនេះ ថា៖ «បើសិនយើងធ្វើនៅខ្មែរ ត្រូវចំណាយពេលវេលា ហើយយើងអាចនឹងចំណាយថវិកាយើងច្រើនដែរ។ តែខ្ញុំសប្បាយចិត្តមែនទែន ដែលខ្ញុំបានមកធ្វើដោយផ្ទាល់»។

លោកស្រី សោភ័ណ្ឌ បានថ្លែងអំណរគុណដល់រាជរដ្ឋាភិបាលដែលបានដាក់ចេញគោលការណ៍អនុញ្ញាតឱ្យប្រជាពលរដ្ឋខ្មែរនៅកូរ៉េអាចធ្វើលិខិតឆ្លងដែនថ្មីដោយផ្ទាល់នៅកូរ៉េ។

លោកជំទាវ ជ្រឹង បុទុមរង្សី ឯកអគ្គរាជទូតកម្ពុជាប្រចាំនៅសាធារណរដ្ឋកូរ៉េ ក៏បានថ្លែងតាមរយៈវីដេអូដែលបានបង្ហោះក្នុងបណ្តាញផ្សព្វផ្សាយសង្គមសម្តេចធិបតី កាលពីថ្ងៃទី១១ ខែមករា ឆ្នាំ២០២៤ នេះថា តាមរយៈការដាក់ឱ្យដំណើរការធ្វើលិខិតឆ្លងដែនថ្មីនៅកូរ៉េនេះ សម្តេចធិបតីបានគិតគូរយ៉ាងដិតដល់ដល់ជីវភាព និងការលំបាករបស់ប្រជាពលរដ្ឋខ្មែរនៅកូរ៉េដែលត្រូវទៅទទួលយកសេវាធ្វើលិខិតឆ្លងថ្មីនេះនៅកម្ពុជាកន្លងមក ដែលធ្វើឱ្យពួកគាត់មានការលំបាកក្នុងការធ្វើដំណើរ និងចំណាយផ្សេងៗ។

លោកជំទាវថ្លែងថា៖ «យោងតាមប្រសាសន៍របស់សម្ដេចក្នុងរយៈពេលត្រឹមតែ៣ខែប៉ុណ្ណោះ ក្រសួងពាក់ព័ន្ធ ដូចជា ក្រសួងមហាផ្ទៃ ក្រសួងការបរទេស និងសហប្រតិបត្តិការអន្តរជាតិ ក៏ដូចជាក្រសួងការងារ និងបណ្តុះបណ្តាលវិជ្ជាជីវៈ និងក្រសួងសេដ្ឋកិច្ច និងហិរញ្ញវត្ថុ ជាដើម លោកបានជំរុញដាក់ចេញនូវវិធានការដើម្បីឱ្យមន្ត្រីក្រសួងមហាផ្ទៃបានមកធ្វើការរៀបចំនូវប្រព័ន្ធដើម្បីអនុញ្ញាតឱ្យបងប្អូនប្រជាពលរដ្ឋខ្មែរដែលរស់នៅសាធារណរដ្ឋកូរ៉េអាចមកដាក់ពាក្យស្នើសុំធ្វើលិខិតឆ្លងដែនច្បាប់ថ្មីបានដោយផ្ទាល់។ នេះគឺជាការជួយសម្រួលមួយដ៏ល្អបំផុតជូនទៅដល់ពួកគាត់ ព្រមទាំងកាត់បន្ថយការចំណាយ និងរយៈពេលនៃការធ្វើដំណើរ»។

ចាប់តាំងពីសម្តេចធិបតីសម្រេចអនុញ្ញាតឱ្យរៀបចំធ្វើលិខិតឆ្លងដែននៅកូរ៉េនេះមក លោកជំទាវជឿជាក់ថា ប្រជាពលរដ្ឋខ្មែរដែលរស់នៅប្រទេសកូរ៉េ និងនៅក្នុងបណ្ដាប្រទេសដទៃទៀតមានការអបអរសាទរយ៉ាងខ្លាំង ហើយលោកជំទាវក៏បានថ្លែងអំណរគុណយ៉ាងជ្រៀលជ្រៅដល់សម្តេចធិបតីដែលបានយកចិត្តទុកដាក់គិតគូរដល់ផលប្រយោជន៍របស់ពួកគាត់។

លោកជំទាវ ជ្រឹង បុទុមរង្សី ថ្លែងថា តាងនាមឱ្យប្រជាពលរដ្ឋខ្មែរដែលរស់នៅប្រទេសកូរ៉េ លោកជំទាវបានថ្លែងអំណរគុណដល់សម្ដេចធិបតី «ដែលបានផ្ដល់សេវាដ៏ល្អមួយនេះជាកាដូឆ្នាំថ្មីដ៏ធំបំផុតសម្រាប់បងប្អូនយើងដែលរស់នៅនិងធ្វើការនៅសាធារណរដ្ឋកូរ៉េនេះ»។

តម្លៃសេវាលិខិតឆ្លងដែនដែលធ្វើនៅកូរ៉េនេះគឺ១១៨ដុល្លារសម្រាប់ពលរដ្ឋអាយុចាប់ពី៦ឆ្នាំឡើង រយៈពេលទទួលសេវាពី៤ទៅ៥សប្តាហ៍ មានសុពលភាពរយៈពេល១០ឆ្នាំ រីឯតម្លៃសេវាលិខិតឆ្លងដែនសម្រាប់ពលរដ្ឋអាយុចាប់ពី៥ឆ្នាំចុះគឺតម្លៃ៩៨ដុល្លារ រយៈពេលទទួលសេវាពី៤ទៅ៥សប្តាហ៍មានសុពលភាពរយៈពេល៥ឆ្នាំ។ តម្លៃលិខិតឆ្លងដែនទាំងនេះរួមបញ្ចូលថ្លៃរូបថត វិចខ្ចប់ និងបញ្ញើឆាប់រហ័សទៅវិញទៅមកកូរ៉េ-កម្ពុជា។ របាយការណ៍ក្រសួងការងារ និងបណ្តុះបណ្តាលវិជ្ជាជីវៈកម្ពុជាបានឱ្យដឹងថា បច្ចុប្បន្នពលករខ្មែរដែលកំពុងធ្វើការនៅសាធារណរដ្ឋកូរ៉េមានចំនួនប្រមាណ៥ម៉ឺននាក់៕ ផ្សាយដោយ៖ ខៀវ យុទ្ធវង្ស

ភ្នំពេញៈ ស្ថាន​ឯកអគ្គរាជទូត​កម្ពុជា​ប្រចាំ​កូរ៉េខាងត្បូង បានចាប់ផ្តើម​ផ្តល់​សេវា​ធ្វើលិខិត​ឆ្លង​ដែន​ដល់​ពលរដ្ឋ និង​ពលករ​ខ្មែរ ដែល​កំពុងស្នាក់នៅ និង​ធ្វើការ​នៅ​កូរ៉េខាងត្បូង ដោយ​មិនចាំបាច់​ធ្វើដំណើរ​មក​ធ្វើ​ផ្ទាល់​នៅ​កម្ពុជា​ទៀតឡើយ ដែល​នេះ​ជា​ការជួយ​សម្រួល​ដល់​ទុក្ខលំបាក​របស់​ពលករ និង​ពលរដ្ឋ​ខ្មែរ​ជុំវិញ​ការធ្វើ​លិខិតឆ្លងដែន​នេះ​។

យោងតាម​សេចក្តីប្រកាស​ព័​ត៌​មាន​របស់​ក្រសួង​ការងារ និង​បណ្តុះបណ្តាល​វិជ្ជា​ជីៈ​នៅ​ថ្ងៃទី​ ២ ខែមករា ឆ្នាំ ​២០២៤ បាន​លើក​ឡើង​ថា តាមរយៈ​កិច្ចសហការ​​រវាង​ស្ថាន​ឯកអគ្គរាជទូត​កម្ពុជា​ប្រចាំ​កូរ៉េខាងត្បូង និង​អគ្គនាយក​ដ្ឋា​ន​អត្តសញ្ញាណ​កម្ម​នៃ​ក្រសួង​មហាផ្ទៃ នឹងមាន​ការផ្តល់សេវា​ធ្វើលិខិត​ឆ្លងដែន​ធម្មតា​ដល់​ពល​​រដ្ឋ​ខ្មែរ​ដែល​រស់នៅ និង​ធ្វើការ​នៅ​កូរ៉េខាងត្បូង​ផ្ទាល់​ចាប់ពី​ខែមករា ឆ្នាំ​ ២០២៤ តទៅ​។

សេចក្តីប្រកាស​ព័ត៌មាន​បាន​បញ្ជាក់ថា ការសម្រេច​យន្តការ​ដូច្នេះ​ត្រូវបាន​ធ្វើឡើង​ស្របតាម​អនុសាសន៍​ណែនាំ របស់លោក​នាយករដ្ឋមន្ត្រី​ ហ៊ុន ម៉ា​ណែ​ត​។

សូម​រំឭកថា លោក​ ហ៊ុន ម៉ា​ណែ​ត បាន​ណែនាំ​ឱ្យមាន​កន្លែង​ផ្តល់​សេវា​ធ្វើលិខិត​ឆ្លងដែន​នៅ​ប្រទេស​​កូរ៉េខាងត្បូង​ដោយផ្ទាល់ ដោយ​មើលឃើញ​ពី​ទុក្ខលំបាក​របស់​​ពលរដ្ឋ​សិស្ស​និស្សិត ជាពិសេស​ពលករ​ខ្មែរ ដែល​ចាំបាច់​ធ្វើដំណើរ​មក​កម្ពុជា ​ដើម្បី​ធ្វើលិខិត​ឆ្លងដែន​ថ្មី ​ឬ​ការពន្យារ​សុពលភាព​លិខិត​​ឆ្លងដែន នាំឱ្យ​ខាតបង់​ទាំង​ពេល​​វេលា និង​ថវិកា​ច្រើន​។

ការណែនាំ​នេះ​ធ្វើឡើង​នៅ​​ឱកាសលោក​ចុះ​សំណេះសំណាល​ជាមួយ​កម្មករ និយោជិត​នៅ​​ខេត្តកំពង់ស្ពឺ កាលពី​ខែកញ្ញា ឆ្នាំ ​២០២៣ ហើយ​លោក​ក៏​ណែ​នាំឱ្យ​បង្កើត​កុងស៊ុល​បន្ថែមទៀត នៅ​ភាគខាងត្បូង​ប្រទេស​ថៃ ​ដើម្បី​សម្រួល​ដល់​ពលករ​ខ្មែរ និង​ពលរដ្ឋ​ខ្មែរ រស់នៅ​ក្រៅប្រទេស​ទទួល​បាន​សេវា​ផ្សេងៗ​ផងដែរ​។

ជុំវិញ​បញ្ហា​នេះ ក្រសួង​ការងារក៏បាន​បញ្ជាក់ដែរថា សម្រាប់​ព័ត៌មាន​លម្អិត​អំពី​កាលបរិច្ឆេទ និង​ទីតាំង​ជាក់លាក់​ ដើម្បី​ធ្វើ​​លិខិតឆ្លងដែន អាច​ទំនាក់ទំនង​ទៅកាន់​ស្ថានទូត​កម្ពុជា​ប្រចាំ​កូរ៉េខាងត្បូង តាមរយៈ​លេខ​ទូរស័ព្ទ +៨២ ០២ ៣៧៨៥ ១០៤១ ឬ​តាមរយៈ​អនុព័ន្ធ​ការងារ​អម​ស្ថានទូត តាម​លេខ​ទូរស័ព្ទ +៨២ ០១០ ៨៨៩៨ ៨៦៤៤ នៅ​រៀងរាល់​ម៉ោង​ធ្វើការ​។

លោក កត្តា អ៊​ន អ្នកនាំពាក្យ​ក្រសួង​ការងារ បាន​ប្រាប់ឱ្យដឹង​នៅ​ថ្ងៃទី ​២ ខែមករា​ថា រដ្ឋាភិបាល​បានគិត​គូរ​លើ​ការធ្វើ​លិខិត​ឆ្លង​​ដែន​នៅ​បរទេស​សម្រាប់​ពលករ​​ខ្មែរ​ធ្វើការ​នៅទីនេះ​ជា​យូរណាស់​មកហើយ​។ ចាប់តាំងពី​ការផ្តល់​អនុសាសន៍​ពី​នាយករដ្ឋមន្ត្រី ​ក្រសួងមហាផ្ទៃ ក្រសួងការបរទេស និង​ក្រសួង​ការងារ បាន​ដុតដៃ​​ដុតជើង រៀបចំ​ក្រុមការងារ និង​អ្នកជំនាញ​ឯកទេស​លើ​អត្ត​​សញ្ញាណ​កម្ម និង​លិខិតឆ្លងដែន​នៅ​កូរ៉េ​តែម្តង​។

លោក​បាន​ឱ្យដឹងទៀតថា​៖ «​យន្តការ​នេះ មាន​ភាពប្រសើរ​ខ្លាំងណាស់​សម្រាប់​សម្រួល​ដ​ល់​​ពលករ​ខ្មែរ​នៅ​កូរ៉េខាងត្បូង​ ជា​​ពិសេស​ការចំណាយ​នានា​តួយ៉ាង​ការធ្វើដំណើរ​ដែល​យន្តកា​រ​នេះ ​រដ្ឋាភិបាល​កម្ពុជា​ក៏​កំពុង​គិតគូរ​អនុវត្ត​សម្រាប់​នៅ​បណ្តា​ប្រទេស​ផ្សេងៗ​ទៀត​ដែរ បន្ថែម​នៅ​កូរ៉េ​​ខាងត្បូង​»​។

ជាមួយគ្នានេះដែរ លោក​ មឿ​ន ​តុលា នាយក​ប្រតិបត្តិ​មជ្ឈមណ្ឌល​​សម្ព័ន្ធភាព​ការងារ និង​សិទ្ធិមនុស្ស (​សង់​ត្រា​ល់​) ​បាន​គាំទ្រ​ចំពោះ​យន្តការ​នេះ ដែលជា​ចំណែក​​សម្រួល​ដល់​ប្រជាពលរដ្ឋ​ខ្មែរ​នៅ​កូរ៉េខាងត្បូង ជាពិសេស​ពលករ​ខ្មែរ ដោយ​មិនចាំបាច់​ធ្វើ​​ដំណើរ​មកកាន់​កម្ពុជា​។ ប៉ុន្តែ​លោក​ចង់ឃើញ​ការធ្វើ​លិខិត​​ឆ្លងដែន​នេះ ស្ថិតក្នុង​តម្លៃ​មួយ​ដ៏​សមរម្យ​អាច​ត្រឹម ២០​ ដុល្លារ​អាមេរិក ដើម្បី​ជួយ​សម្រួល​ដល់​ពលករ​ខ្មែរ​។

លោក​បាន​ប្រាប់ថា​៖ «​សម្រាប់​ខ្ញុំ​នៅក្នុង​កិច្ចការងារ​នេះ ខ្ញុំ​សំណូមពរ​ឱ្យ​ពិនិត្យមើល​តម្លៃ​ធ្វើលិខិត​ឆ្លងដែន​នោះ​ឱ្យទាប​តាម​ដែល​អាចធ្វើ​បាន​ហើយ​ព​ន្លឿ​ន​ការធ្វើ​លិខិតឆ្លងដែន បើ​អាចធ្វើ​ត្រឹម ១ ​ម៉ោង ឬ​កន្លះ​​ម៉ោង​អី​បាន​រឹតតែ​ល្អ ដោយសារ​ពលករ​យើង​មកពី​ចម្ងាយ​ដោយ​ទៅធ្វើ​តែ ១​ ជើង ​[១​ លើក​] គឺ​បាន​លិខិត​តែម្តង ហើយ​បើសិន​​ជា​អាច​យើង​អាចធ្វើ​នៅ​ថ្ងៃ​ឈប់​​សម្រាក ដើម្បី​ជួយ​សម្រួល​ពលករ មិនចាំបាច់​សុំច្បាប់​ឈប់សម្រាក​»​។

លោក​ មឿ​ន តុលា​ និយាយថា ​យន្ត​ការដែល​រដ្ឋាភិបាល​កម្ពុជា​អាចធ្វើ​បាន​គឺ​តាមរយៈ​ដាក់​ទីតាំង​ធ្វើលិខិត​ឆ្លងដែន​នៅ​ទីតាំង​ស្ថាន​​ទូត​ផ្ទាល់ ឬ​តាមរយៈ​កុល​ស៊ុ​ល​តាម​តំបន់​ដើម្បី​បង្កលក្ខណៈ​ងាយ​​ស្រួល​ដល់​ប្រជាពលរដ្ឋ​ដែល​នៅ​ឆ្ងាយ​ពី​ទីក្រុង​សេ​អ៊ូ​ល ហើយ​មិនតែប៉ុណ្ណោះ ទីតាំង​ទាំងនោះ​អាច​ប្រើប្រាស់​ក្នុង​លក្ខខណ្ឌ​​ផ្តល់​សេវា​ផ្សេងៗ​ទៀត ឬ​អាចធ្វើ​ទិដ្ឋាការ​សម្រាប់​លក្ខខណ្ឌ​ទេស​​ចរណ៍ សម្រាប់​រក​ចំណូល​ជូន​​ជាតិ​ ១ ​កម្រិត​ទៀត​៕

ភ្នំពេញៈ ការ​អាចធ្វើ​លិខិតឆ្លងដែន​បាន​នៅក្រៅ​ប្រទេស​ដោយ​ចាប់ផ្តើម​ពី​ឆ្នាំ​ ២០២៤​ នេះ នៅ​ប្រទេស​កូរ៉េខាងត្បូង មិន​ត្រឹមតែ​បង្កលក្ខណៈ​ងាយស្រួល​ចំណេញ​ទាំង​ថវិកា​និង​ពេលវេលា​សម្រាប់​ពលរដ្ឋ​ខ្មែរ​ដែល​រស់នៅ​និង​ធ្វើការ​នៅក្រៅ​ប្រទេស​ប៉ុណ្ណោះ​ទេ ថែមទាំង​ជា​ឱកាស​សម្រាប់​អ្នក​ដែលមាន​កូនតូចៗ​ដែល​ពួក​-​គាត់​ពុំទាន់​មាន​លិខិតឆ្លងដែន​ក៏​អាចធ្វើ​លិខិតឆ្លងដែន​បាន​ផងដែរ​។​

​កញ្ញា​ម៉ា ស្រី​និ​ច​ជា​ស្ត្រី​អនិកជន​ខ្មែរ ដែល​កំពុង​រស់នៅ​កូរ៉េ​ថ្លែងថា កាលពីមុន​ប្រជាពលរដ្ឋ​ខ្មែរ​ដែល​រស់នៅ និង​បម្រើ​ការងារ​នៅ​កូរ៉េ​នៅពេលដែល​លិខិតឆ្លងដែន​របស់​ពួកគាត់​ជិត​ផុត​សុពលភាព​គឺ​ត្រូវ​ទៅធ្វើ​នៅ​កម្ពុជា ដែល​ត្រូវ​ចំណាយ​ពេលវេលា និង​ថវិកា​ជាច្រើន​ក្នុងការ​ធ្វើដំណើរ​។ កញ្ញា​ថា​៖«​ប៉ុន្តែ​នៅក្នុង​ឆ្នាំ ​២០២៤​ ខែមករា បងប្អូន​ខ្មែរ​យើង​គាត់​អាចធ្វើ​លិខិតឆ្លងដែន​ថ្មី​នៅ​ប្រទេស​កូរ៉េ​ដោយ​ពុំ​បាច់​ធ្វើដំណើរ​ទៅ​ប្រទេស​កម្ពុជា​ទៀតឡើយ ហើយ​វា​ក៏​ជា​ឱកាសល្អ​សម្រាប់​បងប្អូន​ដែល​គាត់​មានកូន​តូចៗ ដែល​ពួកគាត់​ពុំទាន់​មាន​លិខិតឆ្លងដែន​។ ពួកគាត់​អាចដាក់​ពាក្យស្នើសុំ​ធ្វើលិខិត​ឆ្លងដែន​ឱ្យ​កូនៗ​របស់​ពួកគាត់​បាន​»​។​

​លោក​សន ខន​ក៏​ជា​ពលករ​ខ្មែរ​នៅ​កូរ៉េ​ដែរ​នោះបាន​ប្រាប់​ភ្នំពេញ​​ប៉ុស្តិ៍​ថា ការធ្វើ​លិខិតឆ្លងដែន​នៅ​កូរ៉េ​នេះ​នឹង​ផ្តល់​ភាពងាយស្រួល​ដល់​ពលរ​ដ្ឋ​ខ្មែរ​នៅ​កូរ៉េ ពីព្រោះ​បើ​ធ្វើលិខិត​ឆ្លងដែន​នៅ​កម្ពុជា​ត្រូវ​ចំណាយ​ថវិកា​អស់​ច្រើន តែបើ​ធ្វើ​ផ្ទាល់​នៅ​កូរ៉េ​ចំណាយ​ថវិកា​អស់​តិចជាង​។ ខណៈដែល​លិខិតឆ្លងដែន​លោក​នឹង​ផុត​សុពលភាព​នៅ​ខែកក្កដា ឆ្នាំ​ ២០២៤ «​បើសិន​គេ​ធ្វើ​នៅ​ហ្នឹង [​កូរ៉េ​] ខ្ញុំ​អាចធ្វើ​នៅ​ហ្នឹង​តទៅទៀតបាន​!»​។​

​ពលករ​ខ្មែរ​ម្នាក់ទៀត​គឺ​លោក ពេជ្រ វីរៈ ដែល​កំពុង​បម្រើ​ការងារ​នៅក្នុង​ប្រទេស​កូរ៉េខាងត្បូង​ផងដែរ​នោះ​ថ្លែងថា សម្រាប់​ការដាក់ឱ្យ​មានការ​ស្នើសុំ​ធ្វើលិខិត​ឆ្លងដែន​ថ្មី​នៅក្នុង​ប្រទេស​កូរ៉េ​បាន​នេះ គឺជា​រឿង​មួយ​ដែល​ល្អ​បំផុត ហើយក៏​ជា​រឿង​មួយ​ដែល​ចំណេញ​បំផុត​ដល់​ប្រជា​ពលករ​ខ្មែរ​ដែល​កំពុងតែ​រស់នៅ​ក្នុងប្រទេស​កូរ៉េខាងត្បូង​។

​លោក​ថ្លែងថា​៖ «​ទី ​១ ​គឺ​យើង​ចំណេញ​ពេលវេលា​។ យើង​ពុំ​ចាំ​​បាច់​ខាតបង់​ពេលវេលា​ក្នុងការ​ធ្វើការ ហើយ​យើង​ក៏​មិន​ពិបាក​ក្នុងការ​ស្នើសុំ​ថៅកែ​ដើម្បី​ទៅ​ប្រទេស​កម្ពុជា​ក្នុងការ​ធ្វើលិខិត​ឆ្លងដែន​ថ្មី​ផងដែរ​។ ទី​ ២​ គឺ​យើង​ចំណេញ​ថវិកា​។ យើង​ចំណេញ​លើ​ថ្លៃ​ធ្វើដំណើរ​ហើយ​និង​ថ្លៃ​ចាយ​​វាយ​ផ្សេងៗ​សម្រាប់​ការ​ទៅធ្វើ​លិខិតឆ្លងដែន​នៅឯ​ប្រទេស​កម្ពុជា​។ នេះ​គឺជា​រឿង​មួយ​ដែល​ល្អ​បំផុត​ហើយក៏​ជា​ដំណឹង​មួយ​ដែល​រីករាយ​បំផុត​»​។​

​ទាក់ទិន​នឹង​បញ្ហា​នេះ​លោកស្រី ជ្រឹង បុ​ទុមរ​ង្សី ឯកអគ្គរាជទូត​កម្ពុ​ជាប្រចាំ​នៅ​សាធារណរដ្ឋ​កូរ៉េ បានឱ្យដឹងថា ការចំណាយ​ទៅធ្វើ​លិខិតឆ្លងដែន​ថ្មី​នេះ​គឺ​ពលករ​ខ្មែរ​ត្រូវ​ទិញ​សំបុត្រ​យន្តហោះ​ដែលមាន​តម្លៃ​ចន្លោះ​ពី​ប្រមាណ ​៤០០​ ដុល្លារ​ដល់ ​១ ០០០​ ដុល្លារ​អាស្រ័យ​លើ​រដូវ​កាល​ហើយ​ពេលទៅដល់​កម្ពុជា​វិញ ពួកគាត់​ក៏ត្រូវ​ចំណាយ​ច្រើន​ផងដែរ ដូចជា​ចំណាយ​ទៅលើ​ការ​ស្នាក់នៅ ការហូបចុក ក៏ដូចជា​ការចំណាយ​ផ្សេងៗ​ទៀត​។ 

​ជាធម្មតា​ការធ្វើ​លិខិតឆ្លងដែន​មួយ​នៅ​កម្ពុជា​ត្រូវ​ចំណាយ​អស់​ប្រមាណ​ពី ​១០០​ ដុល្លារ​ទៅ​ ២០០​ ដុល្លារ​តម្រូវ​ទៅតាម​សេវា​ធម្មតា ឬ សេវា​ឆាប់រហ័ស​ដែល​ក្រសួងមហាផ្ទៃ​បានកំណត់​តារាង​តម្លៃ​ជាក់លាក់​។ 

​លោកស្រី​ថ្លែងថា​៖ «​ប៉ុន្តែ​សម្រាប់​បងប្អូន​ខ្មែរ​នៅ​កូរ៉េ គឺ​គាត់​ត្រូវ​ចំណាយ​អស់​ច្រើន​អាច​ពី ​១ ០០០​ ដុល្លារ​ទៅ​ ២០០០​ ដុល្លារ ដោយ​ត្រូវ​រាប់បញ្ចូល​ទាំង​ការចំណាយ​ទៅលើ​សំបុត្រ​យន្តហោះ​តម្លៃ​នៃ​ការធ្វើ​លិខិតឆ្លងដែន ការ​ស្នាក់នៅ​និង​ហូបចុក ដោយ​មិន​បូក​បញ្ចូល opportunity cost បានន័យថា ការដែល​គាត់​ធ្វើដំណើរ​ទៅ​រៀបចំ​ធ្វើលិខិត​ឆ្លង​ដែន​នៅ​កម្ពុជា គឺ​គាត់​បាត់បង់​ចំណូល​របស់គាត់​ក្នុង​រយៈពេល​ដែល​គាត់​អត់​នៅ​ធ្វើការ​នៅទីនេះ ដូច្នេះហើយ​វា​អាច​ច្រើនជាង​អ្វីដែល​ខ្ញុំ​បាន​រៀបរាប់​ខាងលើ​។ នេះហើយ​ជាការ​លំបាករ​បស់បង​ប្អូន​ប្រជាពលរដ្ឋ​កម្ពុជា​ដែល​រស់នៅ និង​ធ្វើការ​នៅ​កូរ៉េ​នេះ​»​។​

​ចាប់ពី​ខែមករា ឆ្នាំ​ ២០២៤ រាជរដ្ឋាភិបាល​នឹង​បើក​ឱ្យមាន​ការស្នើសុំ​លិខិតឆ្លងដែន​ថ្មី​នៅក្រៅ​ប្រទេស​ដោយ​ចាប់ផ្តើម​ពី​ប្រទេស​កូរ៉េខាងត្បូង​មុនគេ ហើយ​និង​មាន​គម្រោង​ពង្រីក​ទៅកាន់​បណ្តា​ប្រទេស​ផ្សេងទៀត​ដែលមាន​ពលករ​កម្ពុជា​រស់នៅ និង​ធ្វើការ​ច្រើន​ដោយ​មិន​តម្រូវឱ្យ​ពួកគាត់​ធ្វើដំណើរ​មកកាន់​ប្រទេស​កម្ពុជា​ដើម្បី​មក​ពន្យារ​លិខិត​ឆ្លង​ដែន​នោះទេ​។

លោកស្រី ជ្រឹង បុ​ទុមរ​ង្សី​បាន​រំឭកថា​៖«​យោង​តាម​ស្ថាន​ភាពលំបាក​ខាងលើ បានជា​នៅ​ចុងឆ្នាំ​ ២០២២  នាង​ខ្ញុំ​បានធ្វើការ​ស្នើសុំ​ទៅ​សម្តេច​តេ​ជោ ហ៊ុន សែន នាយករដ្ឋមន្ត្រី តាមរយៈ​សម្តេច​បវរ​ធិបតី ហ៊ុន​ ​ម៉ា​ណែ​ត ដើម្បី​ពិនិត្យ​លទ្ធភាព​ក្នុងការ​សម្រួល​ដល់​បង​ប្អូន​ខ្មែរ​យើង​ដែល​រស់នៅ​ប្រទេស​កូរ៉េ ជួយ​កាត់បន្ថយ​ការលំបាក​ក្នុងការ​ចំណាយពេល ថវិកា និង​ធនធាន​របស់គាត់​ដើម្បី​ធ្វើលិខិត​ឆ្លងដែន​។ លោក​ក៏បាន​យល់ឃើញ​ពី​ទុក្ខលំបាក​របស់​បងប្អូន​ប្រជាពលរដ្ឋ​ខ្មែរ​នៅក្រៅ​ប្រទេស ជាពិសេស​នៅ​កូរ៉េ​នេះហើយ​លោក​មាន​មនោ​ស​ញ្ចេ​ត​នា​ខ្លាំងណាស់​ជាមួយ​បងប្អូន​ខ្មែរ​យើង​»​។​

​លោកស្រី​បន្ថែមថា​៖ «​អ៊ីចឹង​ហើយ​បានជា​សម្តេច​លោក​អនុញ្ញាតឱ្យ​ស្ថានទូត​យើង​ធ្វើការ​ពន្យារ​លិខិតឆ្លងដែន​ជូន​ដល់​បង​ប្អូន​ប្រជាពលរដ្ឋ​នៅ​កូរ៉េ​នេះ​ជា​លក្ខណៈ​បណ្តោះអាសន្ន​សិន ហើយនឹង​ពិនិត្យ​លទ្ធភាព​ក្នុងការ​រៀបចំ​ជា​នីតិវិធី​ដើម្បី​រក​ដំណោះ​ស្រាយ​មួយ​ឱ្យ​ច្បាស់លាស់ និង​យូរអង្វែង​ដល់​បងប្អូន​ប្រជា​ពល​​រដ្ឋ​នៅ​កូរ៉េ ក៏ដូចជា​នៅ​បណ្តា​ប្រទេស​ផ្សេងៗ​»​។

​លោកស្រី​ឯកអគ្គរាជទូត​រំឭក​ថា នៅ​ដើមឆ្នាំ ​២០២៣ ស្ថានទូត​កម្ពុជា​ប្រចាំ​នៅ​សាធារណរដ្ឋ​កូរ៉េ ក៏​ទទួលបាន​គោលការណ៍​អនុ​​ញ្ញាត​ពី​រាជរដ្ឋាភិបាល​ក្នុង​ការពន្យារ​លិខិតឆ្លងដែន​ជូន​ដល់​ពលរដ្ឋ ហើយ​ស្ថានទូត​បានរៀបចំ​នីតិវិធី​ពន្យា​ថ​លិខិតឆ្លងដែន​ជូន​ពួក​គាត់​។ ក្នុង​រយៈពេល​ជិត​១​ឆ្នាំ​មកនេះ​ស្ថានទូត​បានចេញ​ «​ពន្យារ​លិខិតឆ្លងដែន​»​ ដោយ​ឥតគិតថ្លៃ​ជូន​ពួកគាត់​នៅតាម​តំបន់​ផ្សេងៗ​។​

​ដូច​អ្វីដែល​អតីត​នាយករដ្ឋមន្ត្រី​បាន​សន្យា​គឺ​លោកនាយក​រដ្ឋមន្ត្រី ហ៊ុន​ ​ម៉ា​ណែ​ត ក្រោយពេល​លោក​បានទទួល​ការគាំទ្រ​ជា​នាយករដ្ឋមន្ត្រី ក្រោយ​ការបោះឆ្នោត​មក​លោក​បាន​សួរ​នៅក្នុង​ចំណុច​នេះ​ភា្ល​ម​។ «​នាង​ខ្ញុំ​ក៏បាន​លើកឡើង​ពី​កិច្ច​ការងារ​នៃ​ការធ្វើ​លិខិតឆ្លងដែន​ថ្មី​នៅក្រៅ​ប្រទេស​នេះ​។ អ៊ីចឹងទៅ លោក​ក៏បាន​សម្រេច​ហើយ​បានប្រកាស​នៅ​ខែកញ្ញា​កន្លង​ទៅដោយ​ជំរុញឱ្យមាន​ការធ្វើ​លិខិត​ឆ្លងដែន​នៅក្រៅ​ប្រទេស ដោយ​ចាប់ផ្តើម​ពី​ប្រទេស​កូរ៉េ​នេះ​ទៅ​»​។

​ក្នុង​ពិធី​ជួប​សំណេះសំណាល​ជាមួយ​ប្រជាពលរដ្ឋ​ខ្មែរ​រស់នៅ​ប្រទេស​ជប៉ុន កាលពី​ថ្ងៃទី ​១៦ ខែធ្នូ ឆ្នាំ​ ២០២៣ ​ក្នុងឱកាស​នៃ​កិច្ចប្រជុំ​កំពូល​រំឭក​ខួប​អនុ​ស្សាវ​​រី​យ៍​អាស៊ាន​-​ជប៉ុន លើក​ទី​ ៥០ ចាប់ពី​ថ្ងៃទី ​១៥-១៩ ខែធ្នូ ឆ្នាំ​ ២០២៣ នៅ​ទីក្រុង​តូ​ក្យូ លោកនាយក​​រដ្ឋមន្ត្រី ហ៊ុន ម៉ា​ណែ​ត ក៏បាន​លើកឡើង​អំពី​លទ្ធភាព​ក្នុងការ​​បើក​ឱ្យ​សិក្សា​ថា​តើ​ប្រជាពលរដ្ឋ​ខ្មែរ​ដែល​នៅ​ជប៉ុន​ដែលមាន​រយៈ​ចម្ងាយ​ជិត​នឹង​កូរ៉េ​ថា​តើ​ពួកគាត់​អាចមក​ធ្វើលិខិត​ឆ្លងដែន​ថ្មី​នៅ​កូរ៉េ​បានដែរ​ឬទេ​។ 

​ពាក់ព័ន្ធ​បញ្ហា​នេះ​លោកស្រី​ឯកអគ្គរាជទូត​ថា​៖ «​កិច្ចការងារ​នេះ ឥឡូវ​ហ្នឹង​គឺ​ក្រសួង​សា​ម៉ី និង​ក្រសួង​ពាក់ព័ន្ធ​លោក​បាន​ប្រជុំ​ជាច្រើនលើក ហើយ​ក៏បាន​ត្រៀមលក្ខណៈ​ក្នុងការ​ធ្វើដំណើរ​មក​កូ​រ៉េ​នេះ​ដើម្បី​រៀបចំ​ប្រព័ន្ធ​ស្នើសុំ​លិខិតឆ្លងដែន​ថ្មី​នៅ​សាធារណរដ្ឋ​កូរ៉េ​នេះ នៅ​ដើមឆ្នាំ​ ២០២៤»​។​

​លោក ហ៊ុន ម៉ា​ណែ​ត ថ្លែង​ក្នុងពេល​ជួប​ជាមួយ​ប្រជាពលរដ្ឋ​ខ្មែរ​នៅ​ជប៉ុន​ថា ក្រៅពី​ពលរដ្ឋ​ខ្មែរ​នៅ​កូរ៉េ​ប្រជាពលរដ្ឋ​ខ្មែរ​នៅ​ជប៉ុន​ក៏​អាច​ឡើងទៅ​ស្នើសុំ​លិខិតឆ្លងដែន​ថ្មី​នៅ​កូរ៉េ​បាន​ផងដែរ​។ សម្រាប់​រយៈពេល​នៃ​ការស្នើសុំ​គឺ​៥​សប្តាហ៍​នៃ​ថ្ងៃ​ធ្វើការ​និង​តម្លៃ​ ១១៨​ ដុល្លារ​អាមេរិក​ខណៈ​ត​ម្លៃ​នៅ​កម្ពុជា​១០០​ដុល្លារ​ហើយ​១៨​ដុល្លារ​ដែល​ខុសគ្នា​នៅ​កម្ពុជា​នេះ​គឺជា​តម្លៃ​សេវា​ផ្ញើ​។ 

​លោក​ថ្លែងថា​៖ «​ឥឡូវ​រៀបចំ​បញ្ជូន​ខែ​ ១ [មករា​ ២០២៤] នេះ​ធ្វើលិខិត​ឆ្លងដែន​នៅ​ស្ថាន​​ទូត​ថ្មី​។ បានន័យថា ប្រជា​ពល​​រដ្ឋ​យើង​ដែល​ត្រូវ​ការធ្វើ​ប៉ាស្ព័រ​ថ្មី​នៅ​កូរ៉េ​មិនបាច់​ហោះ​ទៅ​ខ្មែរ​ទៀត​ទេ ទៅ​ស្ថានទូត​របស់​យើង​ដើម្បី​ចុះឈ្មោះ​នៅ​ទូត​នៅ​កូរ៉េ​»​។

​លោក​កត្តា អ៊​ន​រដ្ឋលេខាធិការ ​ក្រសួង​ការងារ​និង​បណ្តុះបណ្តាល​វិជ្ជាជីវៈ​ថ្លែងថា ការរៀបចំ​ធ្វើលិខិត​ឆ្លងដែន​ថ្មី​នៅ​បរទេស​នេះ​គឺ​ពាក់​​ព័ន្ធ​ ៣​ ក្រសួង រួមមាន ក្រសួងមហាផ្ទៃ ក្រសួង​ការងារ និង​ក្រសួងការបរទេស​។

លោក​ថ្លែងថា​៖«​អ៊ីចឹង​ហើយ​បានជា​សម្តេច​ធិបតី​លោក​ឱ្យ​អនុសាសន៍​ដល់​ក្រសួង​ទាំង ​៣ ​ហ្នឹង​សហការគ្នា​ដើម្បី​រៀបចំ​ឱ្យមាន​ការធ្វើ​ប៉ាស្ព័រ​នៅ​បរទេស​។ អ៊ីចឹង​ហើយ ក្រសួង​ទាំង​ ៣​ កំពុងតែ​រៀបចំ​រចនាសម្ព័ន្ធ ក៏ដូចជា​មន្ដ្រី បុគ្គលិក​របស់ខ្លួន ហើយ​សង្ឃឹមថា ឆាប់ៗ​នេះ​នឹង​អនុញ្ញាត​ឱ្យមាន​ការធ្វើ​ហើយ​។​

​លោក​ជ័យ តិច​អ្នកសិក្សា​ស្រាវ​​ជ្រាវ​ការអភិវឌ្ឍ​សង្គម និង​សេដ្ឋ​កិច្ច​ថ្លែងថា សម្រាប់​ការស្នើសុំ​លិខិតឆ្លងដែន​ថ្មី​នៅក្រៅ​ប្រទេស​នេះ​គឺ​ចំណេញ​ច្រើនណាស់​ទៅដល់​ពលករ​ខែ្មរ​។ «​យើង​គ្រាន់តែ​លើកឡើង​ពី​សំបុត្រ​យន្តហោះ ឧបមា​ថា សំបុត្រ​យន្តហោះ​មួយ ៣០០ ​ដុល្លារ​ទៅ​ ៥០០​ ដុល្លារ​ទៅ​ចុះ ជា​មធ្យម​! ហើយ​គុណ​នឹង​ចំនួន​ប្រជា​ពលករ​យើង​ដែល​ធ្វើការ​នៅក្រៅ​ប្រទេស យើង​ឃើញថា ចំនួន​នេះ​គឺ​ច្រើន​មែនទែន រាប់សិប​លាន​ដុល្លារ​។ បើសិនជា​យើង​វិភាគ​លម្អិត​ទៅលើ​ពេលវេលា​ចុះឡើង ពេលវេលា​រង់ចាំ ទៅលើ​ថវិកា លើ​ការ​ខាត​ការងារ​។​ល​។ គឺមាន​ការ​ចំណេញ​យ៉ាង​ធំធេង​ណាស់​»៕

វ៉ាន់ សារាយ Vann Saray

សម្តេចធិបតី អនុញ្ញាតឱ្យបន្តសេវាផ្តល់លិខិតឆ្លងដែនធម្មតានៅកូរ៉េរយៈពេល៦០ថ្ងៃទៀត ចាប់ពីថ្ងៃទី៤ ខែកញ្ញា ដល់២ វិច្ឆិកា ២០២៤។

ពលករបរទេសដែលធ្វើការនៅក្នុងប្រទេសកូរ៉េខាងត្បូង មានចំនួនជិតមួយលាននាក់

យោងទៅតាមទិន្នន័យដែលចងក្រងដោយ Statistics Korea បានបង្ហាញនៅថ្ងៃទី២៥ ខែធ្នូថា​ ចំនួនជនបរទេសដែលចំណាកស្រុកធ្វើការនៅប្រទេសកូរ៉េខាងត្បូងបានកើនឡើង១០% ដល់ចំនួន ៩២៣ ០០០នាក់ គិតត្រឹមខែឧសភាឆ្នាំ២០២៣ ។ នេះបើតាមការចុះផ្សាយពីសារព័ត៌មាន The Nations ។

ផ្អែកទៅតាមសញ្ជាតិ ក្នុងនោះជនជាតិកូរ៉េ ដែលមានសញ្ជាតិដើមជាជនជាតិចិន មានចំនួនច្រើនជាងគេគឺ ៣៥,៣% បន្ទាប់មកគឺជនជាតិវៀតណាមមានចំនួន១១,៣% និងជនជាតិចិនដ៏ទៃទៀតមានចំនួន៤,៩% ។

មិនត្រឹមតែប៉ុណ្ណោះ ទិន្នន័យក៏បានបង្ហាញដែរថា​ពលករប្រទេសភាគច្រើន មានការងារធ្វើនៅក្នុងក្រុមហ៊ុនតូចៗ ខណៈតិចតួចបំផុតបានធ្វើការនៅក្នុងក្រុមហ៊ុនធំៗ។

តួយ៉ាង នៅក្នុងចំណោមពលករបរទេសទាំងអស់នៅក្នុងប្រទេសកូរ៉េខាងត្បូង មានចំនួន៧៨,៨% ធ្វើការនៅក្រុមហ៊ុនដែលមានបុគ្គលិកតិចជាង៥០នាក់ ចំណែកពលករដែលធ្វើការនៅក្រុមហ៊ុនដែលមានបុគ្គលិកចាប់ពី៥០ ទៅ២៩៩នាក់ មានត្រឹម១៨,១% ខណៈពេលដែលមានត្រឹមតែ៣% នៃពលករសញ្ជាតិបរទេសប៉ុណ្ណោះ ដែលធ្វើការនៅក្នុងក្រុមហ៊ុនធំមានបុគ្គលិកលើសពី ៣០០នាក់។

និយាយជារួមទៅ មិនមានការផ្លាស់ប្តូរច្រើនទេនៅក្នុងទស្សវត្សកន្លងមកនេះ។ ភាគរយនៃជនបរទេសដែលធ្វើការនៅក្រុមហ៊ុនធំៗក្នុងប្រទេសកូរ៉េខាងត្បូង នៅតែមានកម្រិតទាប និងបន្តធ្លាក់ចុះ ខណៈដែលអ្នកធ្វើការនៅក្រុមហ៊ុនតូចៗមានចំនួនច្រើនដូច្នេះ តាំងតែពីឆ្នាំ២០១២មកម្លេះ នៅពេលដែលទីភ្នាក់ងារស្ថិតិជាតិបានចាប់ផ្តើមចងក្រងទិន្នន័យដំបូង។

រម្លឹកទៅកាលពីឆ្នាំ២០១២ សមាមាត្រនៃពលករបរទេសដែលធ្វើការនៅក្នុងក្រុមហ៊ុនដែលមាននិយោជិតជាង ៣០០នាក់មានត្រឹម៣,៤% នៃពលករសរុបចំនួន ៦៩៨ ០០០នាក់។ យ៉ាងណាមិញ ពលករបរទេសដែលធ្វើការនៅក្រុមហ៊ុនតូចៗដែលមានបុគ្គលិកត្រឹមតែជាង ៥០នាក់នោះ​បានឈានដល់ចំនួន៧៩,១% ស្របពេលដែលអ្នកធ្វើការនៅក្រុមហ៊ុនមានបុគ្គលិកលើសពី៥០ ទៅ២៩៩នាក់ គឺមានចំនួន១៧,៥%។

ដោយឡែក បើនិយាយពីប្រាក់ចំណូលវិញ មន្ត្រីដែលមកពីស្ថិតិកូរ៉េបាននិយាយថា៖ ភាគរយនៃពលករបរទេសដែលរកប្រាក់ចំណូលប្រចាំខែបានលើសពី ៣លានវ៉ុន (២៣១២ ដុល្លារ) កើនឡើងដល់ចំនួន៣៥,៨% នៅឆ្នាំ២០២៣នេះ ខណៈកាលពីឆ្នាំមុនមានចំនួន៣០,១%។ បន្ថែមពីនោះ ពលករបរទេសដែលមានសមត្ថភាពទទួលបានប្រាក់ចំណូលប្រចាំខែចន្លោះពី ២លានវ៉ុនទៅ ៣លានវ៉ុនមានចំនួន៥០,៦% ។ តែយ៉ាងណា បើប្រៀបធៀបនឹងប្រាក់បៀវត្សរ៍ប្រចាំខែជាមធ្យមរបស់ជនជាតិកូរ៉េនៅចន្លោះខែមករា និងខែមិថុនាឆ្នាំ២០២៣នេះវិញ គឺមានចំនួន ៣,៤លានវ៉ុន៕

ភ្នំពេញ៖ កូរ៉េខាងត្បូងបានសន្យាទទួលយកពលករកម្ពុជាឱ្យទៅធ្វើការនៅប្រទេសរបស់ខ្លួនក្នុងដំណាក់កាលកូវីដ-១៩នេះ ដើម្បីឆ្លើយតបទៅនឹងតម្រូវការការងារបច្ចុប្បន្ន។

ឯកឧត្តម Park Heung Kyeong ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា បានអះអាងថា ក្នុងឆ្នាំ២០២០នេះ រដ្ឋាភិបាលនៃសាធារណរដ្ឋកូរ៉េនៅតែអនុញ្ញាតទទួលពលករកម្ពុជាទៅប្រទេសរបស់ខ្លួនដដែល បើទោះបីជាពិភពលោកកំពុងស្ថិតនៅក្នុងដំណាក់កាលជំងឺកូវីដ-១៩ក៏ដោយ។

ថ្លែងក្នុងជំនួបពិភាក្សាការងារជាមួយឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ នាព្រឹកថ្ងៃទី២៦ ខែវិច្ឆិកា ឆ្នាំ២០២០ នៅទីស្ដីការក្រសួងការងារ ឯកឧត្តមឯកអគ្គរដ្ឋទូតកូរ៉េ បានបញ្ជាក់ថា នៅក្នុងឆ្នាំ២០១៩កន្លងមក ពលករកម្ពុជាមានចំនួនច្រើនជាងគេក្នុង

ចំណោមពលករបរទេសដែលធ្វើការនៅប្រទេសកូរ៉េខាងត្បូង។

ឯកឧត្តមបណ្ឌិតអ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកឡើងថា បន្ទាប់ពីស្ថានភាពកូវីដ-១៩ នៅប្រទេសកូរ៉េខាងត្បូងមានភាពធូរស្រាល ដែលអាចទទួលយកកម្លាំងពលកម្មបរទេសបាន កម្ពុជារំពឹងថានឹងក្លាយជាប្រទេសអាទិភាពមួយក្នុងចំណោមប្រទេសចំនួន ១៥ ផ្សេងទៀត ដោយសារកម្ពុជាមានស្ថានភាពកូវីដ-១៩ល្អប្រសើរ មានជើងហោះហើរច្រើន។

សូមបញ្ជាក់ថា ចាប់ពីឆ្នាំ២០០៧មក កម្ពុជាបានបញ្ជូនពលករសរុប ៦៨,២៩៤ នាក់ ក្នុងនោះស្រី ១៤,២៥៥ នាក់ ឱ្យទៅធ្វើការនៅប្រទេសកូរ៉េខាងត្បូង ដែលរួមមានវិស័យឧស្សាហកម្ម កសិកម្ម និងសំណង់ ដែលអាណត្តិការងារមានរយៈពេល ៤ ឆ្នាំ ១០ ខែ ។ បច្ចុប្បន្ន ពលករកម្ពុជាដែលកំពុងធ្វើការនៅកូរ៉េខាងត្បូងនេះមានចំនួនជិតប្រាំម៉ឺននាក់ ៕

សម្ព័ន្ធបក្សប្រឆាំង កូរ៉េខាងត្បូង