2021-05-20 01:57pm TOP NEWS: សំណុំរឿងដ៏កក្រើកមហាជនរវាងឧកញ៉ា ហេង សៀ និងកញ្ញា មាន ពេជ្ររីតា ត្រូវបានទម្លាយការពិត ក្រោមកណ្តាប់ដៃស្វែងរកយុត្តិធម៌ពិតប្រាកដ និងប្រកបដោយគតិបណ្ឌិតដ៏ខ្ពង់ខ្ពស់បំផុត សម្តេចតេជោសែន
(ភ្នំពេញ)៖ នៅព្រឹកថ្ងៃទី២០ ខែឧសភា ឆ្នាំ២០២១នេះកញ្ញា មាន ពេជ្ររីតា ពិធីការិនីទូរទស្សន៍ My TV ដែលកំពុងមានរឿងក្តីក្តាំដ៏កក្រើកជាមួយឧកញ៉ា ហេង សៀ បានចូលទៅកាន់សាលាដំបូងរាជធានីភ្នំពេញ ដើម្បីបំភ្លឺបន្ថែមលើករណីជម្លោះជាមួយឧកញ៉ា ហេង សៀ។ កញ្ញា មាន ពេជ្ររីតា បានបំភ្លឺយ៉ាងដូច្នេះថា៖
- នៅព្រឹកថ្ងៃទី០៨ ខែឧសភា ឆ្នាំ២០២១ នាងខ្ញុំត្រូវបាននគរបាលជាបុរសៗចំនួន ០៧ នាក់ មកនាំខ្លួនដោយគ្មានដីកា ដោយនិយាយថា ឲ្យនាងខ្ញុំទៅបំភ្លឺតែ១ភ្លែតទេ នៅប៉ុស្តិ៍ខណ្ឌទួលគោក ពេលទៅដល់នគរបាលជាបុរស០៣នាក់ បានបង្ខំសាកសួរយកចម្លើយអស់រយៈពេល០៣ថ្ងៃ០៣យប់ ដោយមិនឲ្យនាងខ្ញុំត្រលប់មកផ្ទះវិញទេ និងបានបញ្ជូនបន្តមកតុលាការ សាកសួរចម្លើយ ជាបន្តបន្ទាប់។
- ស្ថិតនៅក្នុងស្ថានភាពភ័យខ្លាច តក់ស្លុត អត់ងងុយ និងអារម្មណ៍មិននឹងនរ នាងខ្ញុំមានការភ្លេចភ្លាំង រកនឹកអ្វីមិនឃើញ មិនដឹងថាមានអ្វីកើតឡើងនោះទេ ធ្វើឱ្យនាងខ្ញុំពុំអាចផ្តល់ចម្លើយ និងពុំទាន់ផ្ដល់ចម្លើយជូនចៅក្រមស៊ើបសួរ បានគ្រប់ជ្រុងជ្រោយ និងច្បាស់លាស់នៅឡើយ។ ក្រោយពេលនាងខ្ញុំទទួលបានការការពារសិទ្ធិ តាមផ្លូវច្បាប់ពីសំណាក់ ក្រុមមេធាវីស្ម័គ្រចិត្តសម្តេចតេជោ នាងខ្ញុំទទួលអាម្មរណ៍កក់ក្តៅ និងមានស្មារតីនឹងនរឡើងវិញ ហេតុនេះហើយទើបនាងខ្ញុំសុំធ្វើការឆ្លើយបំភ្លឺបន្ថែម ដូចខាងក្រោម៖
- នៅរសៀលថ្ងៃទី០៤ ខែឧសភា ឆ្នាំ ២០២១ មិនចាំម៉ោង ឈ្មោះ ហេង សៀ បាន Call តាម Telegram មកនាងខ្ញុំថា ខ្លួនមានអំណោយសម្រាប់ចែកជូន អ្នកខ្វះខាតពេលកូវីដ ហើយបានសួរនាងខ្ញុំថា ផ្ទះនៅម្តុំណា? ពេលនោះនាងខ្ញុំបានប្រាប់គាត់ថា អោយមកម្តុំមុខសាលាអាស៊ីអឺរ៉ុបសង់ថ្មី ដោយនាងខ្ញុំនឹងចេញទៅយក។ នៅពេលឈ្មោះ ហេង សៀ Call មកនោះ នាងខ្ញុំកំពុងតែអប់សក់នៅផ្ទះរបស់នាងខ្ញុំនៅឡើយ។
- ដោយផ្លូវខាងក្រោយចូលផ្ទះនាងខ្ញុំតូចចង្អៀត នាងខ្ញុំក៏បានដើរចេញទៅប្រហែល ១០០ម៉ែត្រ ពីផ្ទះ ដើម្បីចាំទទួលយកអំណោយសម្ភារៈ ដែលឈ្មោះ ហេង សៀ ថាយកមកឱ្យនាងខ្ញុំ។ ពេលឡានមកដល់ ឈ្មោះ ហេង សៀ បានទទូចហៅឲ្យនាងខ្ញុំឡើងឡានជាមួយគាត់សិន ប៉ុន្តែនាងខ្ញុំបានប្រកែក ដោយប្រាប់គាត់ថា នាងខ្ញុំគ្រាន់តែមកយកអីវ៉ាន់ប៉ុណ្ណោះ ហើយត្រលប់ទៅវិញ ម្យ៉ាងទៀតនាងខ្ញុំក៏ត្រូវទៅលាងសក់ដែលកំពុងអប់។ នៅពេលនោះឈ្មោះ ហេង សៀ បានប្រាប់នាងខ្ញុំអោយឡើងឡានតែមួយភ្លែត ដោយគាត់ចង់និយាយការងារជាមួយ(រឿងធ្វើជាពិធីការនីក្នុងកម្មវិធីសម្ពោធរោងចក្រ)។ នាងខ្ញុំគិតថា ជាការពិភាក្សារឿងការងារ នាងខ្ញុំ ក៏បានឡើងជិះឡានជាមួយគាត់ ដោយចូលអង្គុយនៅកៅអីខាងមុខ(ផ្នែកខាងស្តាំអ្នកបើក)។
- ពេលនាងខ្ញុំចូលអង្គុយក្នុងឡាន ស្រាប់តែឈ្មោះ ហេង សៀ បានបើកឡានថយចេញទៅផ្លូវធំតែម្តង ហើយចាប់ផ្តើមនិយាយពាក្យមិនសមរម្យ ដោយថា ប្រដាប់ភេទគាត់ឡើង គាត់ចង់រួមភេទខ្លាំងណាស់ និងចង់នាំនាងខ្ញុំទៅផ្ទះសំណាក់ ដើម្បីរូមភេទជាមួយគាត់ និងបាននិយាយថាប្រពន្ធគាត់មិនព្រម អោយគាត់រួមភេទជាមួយទេ តាំងពីចាក់វ៉ាក់សាំងកូវីដមកម៉្លេះ។ ពេលនោះនាងខ្ញុំបានប្រកែកដាច់អហង្ការ និងទាមទារអោយគាត់យកនាងខ្ញុំត្រលប់មកកន្លែងដើមវិញ ប៉ុន្តែគាត់មិនព្រម ហើយថែមទាំងលូកលាន់នាងខ្ញុំ។ នាងខ្ញុំបានប្រាប់គាត់កុំឱ្យធ្វើបែបនេះទៀត ខ្ញុំចង់ទៅផ្ទះ បើនៅតែធ្វើបែបនេះដាក់ខ្ញុំទៀត ខ្ញុំនឹងបើកទ្វាឡានលោតចេញ។ ពេលនោះគាត់បានឈប់ឡានបន្តិច ហើយបានចាប់ទាញដៃនាងខ្ញុំជាប់ និងបានគម្រាមនាងខ្ញុំថា គាត់មានកាំភ្លើង នាងខ្ញុំមានអារម្មណ៍តក់ស្លុត វិលវល់ មិនដឹងថាត្រូវធ្វើយ៉ាងម៉េច គឺដឹងតែប្រុងប្រៀបការពារខ្លួន ទប់ស្កាត់មិនឱ្យគាត់លូកលាន់បាន។
- ឈ្មោះ ហេង សៀ បានបន្តបើកឈប់ៗ ហើយក៏បានឈប់នៅផ្លូវលំតូច ដែលជាកន្លែងស្ងាត់ គាត់បានបន្ត គម្រាមនាងខ្ញុំមិនឱ្យចុះពីឡាន ដោយប្រាប់ថាឲ្យប្រយ័ត្ន គាត់មានកាំភ្លើង។ នាងខ្ញុំពុំបានឃើញកាំភ្លើងទេ តែឈ្មោះ ហេង សៀ បានធ្វើសកម្មភាពដូចកំពុងរាវរកកាំភ្លើង ដែលនាំអោយនាងខ្ញុំកាន់តែភិតភ័យ ហើយឈ្មោះ ហេង សៀ ក៏បានធ្វើសកម្មភាពបន្តលូកស្ទាបគល់ភ្លៅ និង បំពានមកលើរាងកាយរបស់នាងខ្ញុំ តែនាងខ្ញុំព្យាយាមរើបំរាស់ និងប្រាប់អោយគាត់កុំធ្វើអញ្ចឹង តែគាត់នៅតែបំពានទាំងកំរោលមកលើនាងខ្ញុំដដែលៗ។ ការព្យាយាមម្តងហើយម្តងទៀត ម្តងលួងលោម ម្តងសំឡុតគំរាម និងបំពារបំពាននោះ មានរយៈពេលយូរក្រែលដែរ។
- ដោយមិនអាចមានលទ្ធភាពបើកទ្វារឡានខាងមុខចេញបាន និងដោយសារកៅអីខាងមុខនេះ វានៅកៀកដៃរបស់គាត់ពេក ពេលនោះនាងខ្ញុំក៏បានស្ទុះមកកៅអីខាងក្រោយ ហើយឈ្មោះ ហេង សៀ ក៏បានលូកចាប់ជើងរបស់នាងខ្ញុំ ធ្វើអោយនាងខ្ញុំដួលទៅកៅអីខាងក្រោយ និងជាប់ជើងនៅចន្លោះកណ្តាលកៅអី។ ពេលនោះហើយដែលជាឱកាស សម្រាប់ឈ្មោះ ហេង សៀ បន្តបំពានកាន់តែខ្លាំងមកលើរាងកាយនាងខ្ញុំ ដោយបន្តលូកដៃទាញសំពត់ ក្នុងបំណងសម្រាតនាងខ្ញុំ។ នាងខ្ញុំកាន់តែតក់ស្លុត ចំពោះទង្វើដ៏កំរោលរបស់គាត់ ដែលនៅតែបន្តបំពារបំពានមកលើរូបនាងខ្ញុំ ទើបនាងខ្ញុំនឹកឃើញ និងស្រវេស្រវាយកកាំបិតពីក្នុងកាបូប មកក្រវាសចុះក្រវាសឡើង បំណងការពារកុំឲ្យឈ្មោះ ហេង សៀ នេះ រំលោភបានផង និងធ្វើយ៉ាងណាអោយតែបានបើកទ្វារចេញរួចពីក្នុងឡាន។
- នៅពេលខ្ញុំវាសកាំបិតនោះ នាងខ្ញុំពុំបានដឹងថាត្រូវឈ្មោះ ហេង សៀ ឬអត់នោះទេ ដោយស្ថានភាពពេលនោះនាងខ្ញុំមានអារម្មណ៍ខឹងផង ភ័យផង និងមិនមានស្មារតីនឹងនរទាល់តែសោះ។ នៅពេលឈ្មោះ ហេង សៀ ដកខ្លួនថយចេញពីក្នុងឡាន នាងខ្ញុំក៏បានស្រវាចាប់យកទូរស័ព្ទនៅក្បែរដៃ ដោយគិតថាជាទូរស័ព្ទរបស់ខ្លួនឯង ជ្រុះធ្លាក់។ នាងខ្ញុំក៏បានប្រញាប់បើកទ្វារឡានចុះចេញទាំងអារម្មណ៍មិននឹងនរ និងគ្មានស្បែកជើង ពេលចេញមកខាងក្រៅឡាន នាងខ្ញុំដើរទៅមុខ បកក្រោយដោយពុំដឹងថាត្រលប់ទៅផ្ទះវិញតាមផ្លូវណាទេ នាងខ្ញុំដើរផងរត់ផង រហូតដល់ផ្សារគីឡូលេខ៤ ទើបដឹងថាដល់ផ្លូវចូលផ្ទះរបស់នាងខ្ញុំ ។
នាងខ្ញុំសូមបញ្ជាក់ជូនថា ៖
- ការដាក់កូនកាំបិតក្នុងកាបូបនេះ គឺដាក់ជាប់ជាប្រចាំ សម្រាប់ប្រើប្រាស់ពេលមានតម្រូវការ នេះជាទម្លាប់របស់មនុស្សស្រី។
- ពេលត្រលប់មកដល់ផ្ទះវិញ នៅពេលនាងខ្ញុំយកទូរស័ព្ទមកចុចស្រាប់តែជាប់ Password ទើបនាងខ្ញុំបានដឹងថា បានយកទូរស័ព្ទច្រឡំ ប៉ុន្តែនាងខ្ញុំមិនអាចទាក់ទងទៅឈ្មោះ ហេង សៀ ពីរឿងទូរស័ព្ទនេះទេ ព្រោះឈ្មោះនេះទើបតែប៉ុនប៉ងរំលោភនាងខ្ញុំ។ ដោយពុំដឹងថាត្រូវធ្វើយ៉ាងម៉េចចំពោះទូរស័ព្ទនេះ ទើបនាងខ្ញុំទុកទូរស័ព្ទនេះចោលក្នុងទូរ និងមិនបានប៉ះពាល់ ឬប្រើប្រាស់អ្វីទាំងអស់។
- នៅថ្ងៃទី០៨ ទើបនគរបាលខណ្ឌទួលគោក បានមកល្បួងនាំខ្លួននាងខ្ញុំឲ្យទៅប៉ុស្តិ៍ ដោយប្រាប់ថាមានបណ្តឹងរបស់ឈ្មោះ ហេង សៀ ថានាងខ្ញុំបានលួចយកទូរស័ព្ទនិងចាក់គេ ហើយបានឃាត់ខ្លួននាងខ្ញុំ រយៈពេល០៣ថ្ងៃ០៣យប់ រួចទើបបញ្ជូនមកតុលាការតែម្តង។
- ពេលនាងខ្ញុំត្រូវបានឃាត់ខ្លួន ពាក់ព័ន្ធនឹងការចោទថា លួចទូរស័ព្ទ នាងខ្ញុំក៏បានប្រាប់រឿងរ៉ាវនេះទៅម្តាយ, ម្តាយនាងខ្ញុំក៏បានរកឃើញទូរស័ព្ទនេះ ហើយដោយពុំដឹងថា ត្រូវធ្វើដូចម្តេច ម្តាយនាងខ្ញុំក៏បានទៅពិភាក្សាជាមួយ លោក ដេវីដ ឆាណា យវា ដែលបងប្អូនណែនាំអោយស្គាល់ ហើយគាត់ក៏បានផ្ញើទូរស័ព្ទនោះ ទុកនៅនឹងពូដេវីដនោះសិនទៅ។ បច្ចុប្បន្នទូរស័ព្ទនេះត្រូវបានប្រគល់ជូនសមត្ថកិច្ចលោកពូ ឆៃ ស៊ីណារិទ្ធ រួចហើយ។
- រាល់ការចោទប្រកាន់ថានាងខ្ញុំជាស្រីរកស៊ីលក់ខ្លួនម្តង ២០០$ ឬ ៣០០$ និងថាធ្លាប់បានរួមភេទជាមួយនាងខ្ញុំ ២-៣ដង និងថានាងខ្ញុំជាស្រីចិញ្ចឹមលួចលាក់ គឺជាការមួលបង្កាច់ដោយព្រៃផ្សៃថោកទាប និងមើលងាយដល់ស្ត្រីភេទទន់ខ្សោយ អមនុស្សធម៌បំផុត របស់បុគ្គលល្មោភកាម ហេង សៀ នេះ ។
- ជាការពិតនាងខ្ញុំ ពុំដែលមានទំនាក់ទំនងស៊ីជម្រៅស្នេហាអី ជាមួយមនុស្សប្រភេទនេះម្តងណាទេ ព្រោះវ័យនាងខ្ញុំ និងឈ្មោះហេង សៀ ស្មើនឹងចៅ និង ជីតា ។
- នាងខ្ញុំ បានសុំអោយលោកចៅក្រមស៊ើបសួរសម្រេច លើកលែងចោទប្រកាន់ចំពោះរូបនាងខ្ញុំ ដោយហេតុថានាងខ្ញុំពុំមានចេតនាចាក់ឈ្មោះ ហេង សៀ ដើម្បីយកទូរស័ព្ទមកធ្វើជាកម្មសិទិ្ធរបស់នាងខ្ញុំ ដូចការចោទប្រកាន់ឡើយ។ នាងខ្ញុំគ្រាន់តែយកកាំបិតនេះមកក្រវាសចុះឡើង ដើម្បីការពារខ្លួនឲ្យបានរួចផុតពីអំពើ ដ៏ឃោឃៅព្រៃផ្សៃថោកទាបបំផុត និងពីការប៉ុនប៉ងរំលោភនាងខ្ញុំពីសំណាក់ឈ្មោះ ហេង សៀ នេះប៉ុណ្ណោះ។
- នាងខ្ញុំក៏បានប្រាប់តុលាការដែរថា រាល់ទង្វើល្មើស បំពារបំពានមកលើនាងខ្ញុំ នាងខ្ញុំបានដាក់ប្តឹងបុគ្គលនោះវិញរួចហើយ នាងខ្ញុំត្រូវតែតស៊ូជាមួយក្រុមមេធាវីសម្តេចតេជោ ដើម្បីស្វែងរកយុត្តិធម៌ពិតប្រាកដមកវិញ។
- នាងខ្ញុំសូមគោរពជម្រាបជូនថ្នាក់ដឹកនាំ «សម្តេចតេជោសន្តិភាពយុត្តិធម៌» ស្ថាប័នមានសមត្ថកិច្ចពាក់ព័ន្ធ សាធារណ:ជន និងពុកម៉ែបងប្អូន មេត្តាជ្រាប និងជួយផ្តល់យុត្តិធម៌ ដល់រូបនាងខ្ញុំ និងស្ត្រីទន់ខ្សោយទូទៅទូទាំងប្រទេសផង។
សូមចុច Subscribe កោះសន្តិភាព ព័ត៌មានទាន់ហេតុការណ៍ ព័ត៌មានពិត និងគួរឲ្យទុកចិត្ត
រាជធានីភ្នំពេញ ៖ ទីបំផុតទៅអនុរដ្ឋលេខាធិការអ្នកលេងនៃក្រសួងយុត្តិធម៌ លោកយាន ស៊ីណា ត្រូវបានសម្តេចតេជោនាយករដ្ឋមន្ត្រី ហ៊ុន សែន ប្រកាសដកចេញពីតំណែងហើយ ក្រោយពេលហក់ទាត់ធាក់វ៉ៃអ្នកកាសែតក្នុងហេតុការណ៏គ្រោះថ្នាក់ចរាចរណ៍ កាលពីរាត្រីម៉ោងជាង១២ ឈានចូលថ្ងៃទី១៩ មីនា ២០១៣ ខណៈអ្នកកាសែតច្រើននាក់ប្រមាញ់រូបភាពពីក្រុមអ្នកលេងទាំងនោះ។ថ្លែងជាសាធារណៈក្នុងពិធីបិទសន្និបាតបូកសរុបការងាររបស់ក្រសួងអប់រំ យុវជន និងកីឡា ឆ្នាំ២០១២ និងលើកទិសដៅឆ្នាំ២០១៣ នៅវិទ្យាស្ថានបច្ចេកវិទ្យាកម្ពុជា នារសៀលថ្ងៃទី២០ មីនា ២០១៣ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់ថា លោកយាន ស៊ីណា អនុរដ្ឋលេខាធិការក្រសួងយុត្តិធម៌ ដែលវ៉ៃអ្នកកាសែតនោះ មកពីកូតាគណបក្សហ្វ៊ុនស៊ិនប៉ិច ហើយសម្តេចក៏បានសរសេរលិខិតដកចេញពីតំណែងរួចហើយ ដើម្បីបើកផ្លូវឲ្យច្បាប់ចាត់ការរកយុត្តិធម៌ ។
ជាមួយគ្នានេះ សម្តេចអគ្គមហាសេនាបតីតេជោ ហ៊ុន សែន បានលើកឡើងផងដែរថា អតីតមេធាវីដែលសម្បូររឿងអាស្រូវឈ្មោះដេវីដ ឆាណាវា ជាចាស់ទំនើង និងថាជននេះកន្លងមកបានបង្កបញ្ហាជាច្រើនដូចជាបើកឡានឡើងលើសួនច្បារជាដើម ។ ដូច្នេះសម្តេចរង់ចាំមើល ថាតើចាស់ទំនើងទាំងនោះ រួចខ្លួនពីសំណាញ់ច្បាប់ ឬក៏យ៉ាងណា?
អ្នកបង្កគ្រោះថ្នាក់ចរាចរណ៍ និងវាយដំអ្នកកាសែត ត្រូវឃុំខ្លួន
Posted about 8 years ago | 13 comments
បុរសពីរនាក់ដែលស្គាល់ថាឈ្មោះដេវីត ឆាយណាវ៉ា និង អ៊ូហ្វីត្រូវបានបញ្ជូនទៅឃុំខ្លួនបណ្តោះអាសន្ននៅពន្ធនាគារព្រៃសហើយនៅរសៀលថ្ងៃពុធនេះ បន្ទាប់ពីតុលាការបានចោទប្រកាន់អំពីបទប្រើហិង្សាដោយចេតនាលើអ្នកកាសែត។ ក្នុងសំណុំរឿងវាយដំអ្នកកាសែតដែលចុះយកព័ត៌មានគ្រោះថ្នាក់ចរាចរណ៍កាលពីយប់ថ្ងៃទី១៨ឈានចូលថ្ងៃទី១៩មីនានោះ ក៏មានវត្តមានអនុរដ្ឋលេខាធិការក្រសួងយុត្តិធម៌ឈ្មោះ យាន ស៊ីណាផងដែរ។ នៅពេលនេះមន្ត្រីជាន់ខ្ពស់ក្រសួងយុត្តិធម៌រូបនេះកំពុងស្ថិតនៅក្នុងការស្វែងរក។សំណុំរឿងវាយប្រតាយប្រតប់អ្នកកាសែតប្រមាណ១០នាក់ពីមនុស្សមួយក្រុមនោះ នៅថ្ងៃនេះចៅក្រមស៊ើបអង្កេតលោក ស៊ិន វិសាលបានចេញដីកាឃុំខ្លួនបណ្តោះអាសន្នបុរស២នាក់ហើយ។ បុរសទាំងពីរត្រូវបានចោទពីបទប្រើហិង្សាដោយចេតនាទៅលើអ្នកកាសែត។
អ្នកទាំងពីរ ម្នាក់ឈ្មោះដេវីត ឆាយណាវ៉ា ជាអតីតមេធាវីដែលធ្លាប់បានបើករថយន្តលើសួនច្បារកាលពីប៉ុន្មានឆ្នាំមុន និងម្នាក់ទៀតឈ្មោះអ៊ូហ្វី។ ក្រៅពីការចោទប្រកាន់បុរសទាំងពីរអ្នកនេះហើយ តុលាការបានកំពុងកោះហៅអោយបុរសម្នាក់ទៀតដែលជាអនុរដ្ឋលេខាធិការក្រសួងយុត្តិធម៌ ឈ្មោះ យាន ស៊ីណាមកបង្ហាញខ្លួននៅតុលាការ។
លោកអនុរដ្ឋលេខាធិការដែលត្រូវបានសង្ស័យថាបានប្រើហិង្សាវាយដំអ្នកកាសែតដែលនោះ ត្រូវបានរំដោះអោយរួចខ្លួនក្រោយពីអ្នកកាសែតបានជួយចាប់ខ្លួនពួកគេអោយសមត្ថកិច្ចហើយនោះ។
ថ្លែងប្រាប់វិទ្យុបារាំងអន្តរជាតិនៅថ្ងៃពុធនេះ លោកសម ប្រជាមានិត នាយកខុទ្ទកាល័យរដ្ឋមន្ត្រីក្រសួងយុត្តិធម៌បានអះអាងថា លោកបានព្យាយាមទូរស័ព្ទទៅលោកយាន ស៊ីណាដែរ ប៉ុន្តែលោកអនុរដ្ឋលេខាធិការរូបនេះមិនអាចទាក់ទងបានឡើយ។ លោកនាយកខុទ្ទកាល័យរដ្ឋមន្ត្រីក្រសួងយុត្តិធម៌ដដែលបានបន្តថា នៅពេលនេះក្រសួងនៅមិនទាន់មានវិធានការរដ្ឋបាលណាមួយចំពោះលោកអនុរដ្ឋលេខាធិកា យាន ស៊ីណា នេះនៅឡើយទេ។ មន្ត្រីរូបនេះបន្តថា ក្នុងករណីលោកអនុរដ្ឋលេខាធិកាបន្តអវត្តមានច្រើនថ្ងៃនោះ ថ្នាក់ដឹកនាំក្រសួងយុត្តធម៌នឹងមានចំណាត់លើបញ្ហានេះ។
គួររម្លឹកថា នៅយប់ថ្ងៃទី១៨ឈានចូលថ្ងៃទី១៩មិនានោះ មនុស្សមួយក្រុមដែលមានឈ្មោះដេវីត ឆាយណាវ៉ា និងអនុរដ្ឋលេខាធិការក្រសួងយុត្តិធម៌ ដែលត្រូវបានរាយការណ៍ថាបានស្ថិតនៅក្នុងភាពស្រវឹងនោះ បានបើករថយន្តបុកបង្គោលភ្លើងនៅតាមដងផ្លូវក្នុងសង្កាត់បឹងរាំង។ នៅពេលអ្នកកាសែតជាច្រើននាក់បានចុះទៅដល់កន្លែងកើតហេតុដើម្បីយកព័ត៌មាននេះ ក្រុមរបស់ដេវីត ឆាយណាវ៉ា និងលោកយាន ស៊ីណាបានវាយប្រតប់អ្នកកាសែតអោយរបួសជាច្រើន។ រូបភាពវីដេអូនៃហេតុការណ៍នេះ ក៏ត្រូវបានគេផ្សផ្វផ្សាយនៅតាមបណ្តាញសារព័ត៌មាននានាផងដែរ។
ក្លឹបអ្នកកាសែតកម្ពុជាបានចេញសេចក្តីថ្លែងការណ៍មួយថ្កោលទោសយ៉ាងខ្លាំងចំពោះការវាយដំអ្នកកាសែតដោយអត្ថាធិប្បាយថា នេះគឺជាការគំរាមកំហែងយ៉ាងធ្ងន់ធ្ងរដល់ស្មារតីអ្នកសារព័ត៌មាន ដែលកំពុងបំពេញបេសកកម្មតាមវិជ្ជាជីវៈ និងជាចេតនារារាំងដល់សកម្មភាពអ្នកសារព័ត៌មាន រួមទាំងបន្ទុចបង្អាក់ដោយផ្ទាល់ដល់ដំណើរការនៃការអនុវត្តសិទ្ធិសេរីភាព សារព័ត៌មាន ការបញ្ចេញមតិនិងការអនុវត្តលទ្ធិប្រជាធិបតេយ្យនៅកម្ពុជាទៀតផង៕ ថ្ងៃ ពុធ 20 មីនា 2013
ដោយ លាង ដឺលុច
ភ្នំពេញៈ អតីតមេធាវី ដេវិដ ឆាណាយវា បានដាក់ពាក្យសុំនៅក្រៅឃុំនៅសាលាឧទ្ធរណ៍ ពាក់ព័ន្ធនឹងការចោទប្រកាន់ថា គាត់បានវាយអ្នកកាសែតមួយក្រុមកាលពីរំលងអាធ្រាត្រយប់ថ្ងៃទី១៨ ខែមីនា នៅខណ្ឌដូនពេញ រាជធានីភ្នំពេញ។
សវនាការជំនុំជម្រះលើសំណើសុំនៅក្រៅឃុំរបស់អតីតមេធាវី ដេវិដ ឆាណាយវានេះ ត្រូវបានតុលាការសាលាឧទ្ធរណ៍នៅព្រឹកថ្ងៃចន្ទ ទី១៧ ខែមិថុនានេះ នឹងសម្រេចប្រកាសនៅថ្ងៃទី២៦ ខែមិថុនា ឆ្នាំ២០១៣ ខាងមុខ។
កាលពីថ្ងៃទី២១ ខែឧសភា សាលាដំបូងរាជធានីភ្នំពេញបានបើកសវនាការជំនុំជម្រះករណីសុំនៅ ក្រៅឃុំរបស់អតីតមេធាវីលោក ដេវិដ ឆាណាយវា ពាក់ព័ន្ធនឹងការចោទប្រកាន់ថា គាត់បានវាយអ្នកកាសែតមួយក្រុមកាលពីរំលងអាធ្រាត្រយប់ថ្ងៃទី១៨ ខែមីនា នៅខណ្ឌដូនពេញ ប៉ុន្តែតុលាការមិនអនុញ្ញាតតាមសំណើរបស់គាត់ទេ។ ប៉ុន្តែលោកបានប្តឹងទាស់ទៅសាលាឧទ្ធរណ៍ភ្លាមៗ ក្រោយពីសាលាដំបូងរាជធានីបានប្រកាសបែបនេះ។
លោកដេវិដ ឆាណាយវា អាយុ ៤១ ឆ្នាំ អតីតទីប្រឹក្សាព្រឹទ្ធសភា មានឋានៈស្មើរដ្ឋលេខាធិការនិងជាវិនិយោគិន និងគូកនឈ្មោះ យាន ស៊ីណា អាយុ ៤៤ ឆ្នាំអតីតរដ្ឋលេខាធិការក្រសួងយុត្តិធម៌ និងប្រាក់ អ៊ូស៊ីអាយុ២០ឆ្នាំ ជានិស្សិតច្បាប់ត្រូវបានចោទប្រកាន់ដោយតុលាការពីបទបង្កហិង្សា ដោយចេតនាទៅលើក្រុមអ្នកកាសែត ៥ នាក់នៅលើដងមហាវិថីព្រះមុនីវង្ស ក្នុងសង្កាត់បឹងរាំង ខណ្ឌដូនពេញ រាជធានីភ្នំពេញ កាលពីយប់ថ្ងៃទី១៨ ខែមីនា ២០១៣។
ដេវិដ ឆាណាយវា និងក្មួយប្រុសត្រូវបានចាប់ខ្លួនដោយនគរបាលព្រហ្មទណ្ឌនៅថ្ងៃទី១៩ មីនា ២០១៣ រីឯ យាន ស៊ីណា ឥឡូវនេះកំពុងគេចខ្លួន។
ដេវិដ ឆាណាយវា ប្រឈមនឹងបទចោទ២ករណីរួមមាន ការប្រើប្រាស់អាវុធខុសច្បាប់និងអំពើហិង្សាទៅលើក្រុមអ្នកកាសែត ។ ករណីប្រើអាវុធខុសច្បាប់គាត់ត្រូវសាលាដំបូងកាត់ទោសកំបាំងមុខឲ្យ ជាប់ពន្ធនាគារ១៨ខែ ពីថ្ងៃទី២៩ កុម្ភៈកន្លងទៅ៕
ចេញនៅភាគថ្មីមួយទៀតហេីយទាំងរឿងចាស់មិនទាន់នឹងចប់…! នៅពេលនេះបែកធ្លាយប្រតិបត្តិទិន្ន័យវេលុយតាម គណនីយ ABA របស់ លោកឧកញ៉ា ហេងសៀ ដែលបានវេរលុយចូលគណនីយរបស់ កញ្ញា មាន ពេជ្ររីតា នឹងបានសរសេរចំណាំនៅក្នុងការវេរលុយនោះថែមទៀតផងរឿងរ៉ាវគ្រប់យ៉ាងបានធ្វេីអោយមនុស្សគ្រប់គ្នាមានការភាំងភាន់ខ្លាំងមែនទែនដែលថានៅពេលនេះបុគ្គលដែលត្រូវចូលមកបំភ្លឺត្រូវបានសម្រាក់នៅមន្ទីរពេទ្យនឹងរឿងរ៉ាវចាស់ៗកំពុងតែមានការចោទសួរទៅបុគ្កលខាងស្រីនឹងកំពុងតែរងចាំនៅការបំភ្លឺពីបុគ្គលខាងប្រុសដែលកំពុងតែសម្រាកព្យបាលនៅក្នុងមន្ទីរពេទ្យនាពេលថ្មីៗនេះឯង។បានអោយដឹងថារឿងរ៉ាវមួយនេះបានគាស់កកាយមនុស្សជាច្រេីនអោយមានការចាប់អារម្មណ៏នឹងការឈឺឆ្អេីរជាខ្លាំងនៅទង្វេីរមួយដែលសង្គមកំពុងតែស្អប់ខ្ពេីមគឺការបៀតបៀនទៅលេីមនុស្សស្រីនឹងការរំលោភបំពានទៅលេីរៀងកាយដោយមិនមានការយល់ព្រមពីភាគីម្ខាងទៀត។នៅក្នុងហេតុកាណ៏មួយនេះបានអោយតារាសិល្បះជាច្រេីននឹងមានទាំងអ្នកនៅក្នុងជួរមន្ត្រីរាជការផងដែរបានចូលមកបញ្ចេញមតិនៅលេីរឿងនេះជាច្រេីនមិនតែប៉ុណ្ណោះក៏មានការជួយជ្រុំជ្រែងពីមេធាវីស្មគ្រ័ចិត្តរបស់សម្តេចតេជោហ៊ុនសែនផងដែរ។សូមរំលឹកថា កាលពីព្រឹកថ្ងៃទី ១៣ ខែ ឧសភា ឆ្នាំ ២០២១ នេះថា ឆ្លេីយតបតាមសំណេីររបស់មេធាវីស្ម័គ្រចិត្តសម្ដេចតេជោ ដែលស្នេីសុំតុលាការអនុញ្ញាតឲ្យកញ្ញា មាន ពេជ្ររីតា បាននៅក្រៅឃុំបណ្ដោះអាសន្ននោះ ពេលនេះ ចៅក្រម បានសម្រេចយល់ព្រមអោយកញ្ញា មាន ពេជ្ររីតា បាននៅក្រៅឃុំបណ្ដោះអាសន្ន នៅថ្ងៃនេះហើយ និងបានដាក់អោយស្ថិតនៅក្រោមការត្រួតពិនិត្យតាមផ្លូវតុលាការ។ ចំពោះសំណុំរឿងនេះ តុលាការនឹងបន្តស៊េីបអង្កេតរកការពិតដេីម្បីរកយុត្តិធម៌អោយភាគីពាក់ព័ន្ធបន្តទៀត។ក្រោយពីទទួលបានសេរីភាពបណ្តោះអាសន្ននៅរសៀលនេះ ក៏បានលេចធ្លាយនៅរូបភាពរបស់ កញ្ញា មាន ពេជ្ររីតា កាន់ដៃម្តាយឡើងជាប់ ធ្វើដំណើរទៅ កាន់ការិយាល័យមេធាវីស័្មគ្រចិត្តសម្តេចតេជោសែន ដើម្បីសាកសួរអំពីរឿងរ៉ាវ ដែលបានកើតឡើងជាមួយឧកញ៉ា ហេង សៀ។ តាមរយៈរូបភាព ឃើញថាកញ្ញា លើកដៃសំពះមិនឈប់ ក្នុងទឹកមុខភ័យខ្លាច មើលហើយពិតជាគួរឲ្យអាណីតណាស់។ដោយលែកនៅថ្ងៃនេះ ក៏លេចចេញនៅក្រដាសប្រតិបត្តិការណ៍ផ្ញើលុយពីគណនីធនាគារ Heng Sier បានផ្ទេរប្រាក់ចំនួន3ដង ឲ្យទៅគណនីដែលសរសេរជាភាសាអង់គ្លេសថា Mean Pechrita ដោយក្នុងនោះមានកំណត់សម្គាល់ច្បាស់លាស់ថា៖
- ១. ទីមួយនៅថ្ងៃទី 21 ខែមីនា គណនី Heng Sier បានផ្ទេរប្រាក់ចំនួន 168ដុល្លា ទៅឲ្យគណនី Mean Pechrita ដោយដាក់ជាកំណត់សម្គាល់ថា សំរាប់លាភសំណាងស្គាល់ហ៊ា
- ២. ទីពីរនៅថ្ងៃទី2 ខែមេសា គណនី Heng Sier បានផ្ទេរប្រាក់ចំនួន 350ដុល្លា ទៅឲ្យគណនី Mean Pechrita ដោយដាក់ជាកំណត់សម្គាល់ថា ថ្លៃពេទ្យYubi
- ៣. ទីពីរនៅថ្ងៃទី13 ខែមេសា វេលាម៉ោង9 និង 40នាទី គណនី Heng Sier បានផ្ទេរទឹកប្រាក់ 168ដុល្លា ឲ្យទៅគណនីខាងលើដដែល ដោយដាក់កំណត់សម្គាល់ថា សម្រាប់ចូលឆ្នាំខ្មែរ Happy Khmer New Year ៤. ទីបីនៅថ្ងៃទី 19 ខែមេសា គណនី Hong Sier បានផ្ទេរប្រាក់ចំនួន 111ដុល្លា ឲ្យគណនីដដែលដោយដាក់កំណត់សម្គាល់ថា ដោះទាល់ខូវីដ19 ។ ៥. ទីប្រាំ ចំនួន 50 ដុល្លារ។ សង្ឃឹមថាក្រដាសប្រតិ្តបត្តិការណ៍ផ្ញើលុយ នឹងត្រូវបានបកស្រាយពីភាគីសងខាង ថាតើពិតឬយ៉ាងណា សូមរងចាំបន្តទៀត សូមអរគុណ៕
No comments:
Post a Comment