មកដល់ពេលនេះ រឿងអាស្រូវថ្មីមួយទៀតត្រូវបានហែកកេរ្តិ៍ និងញាំញ៉ីនៅក្នុងគណបក្សសង្គ្រោះជាតិម្តងទៀតហើយ ដោយសារតែទំនាស់ផលប្រយោជន៍រវាងមន្ត្រីគណបក្សប្រឆាំងមួយនេះ ជាមួយសកម្មជនគាំទ្ររបស់ខ្លួន។ តំណាងរាស្រ្ត រៀល ខេមរិន្រ្ទ ត្រូវបានគេប្តឹងចោទប្រកាន់ទៅកាន់អង្គភាពប្រឆាំងអំពើពុករលួយ (ACU) ពីបទកេងប្រវ័ណ្ឌប្រាក់៥៥,០០០ ដុល្លារអាមេរិក ពីការរៀបចំដំណើរទៅមើលព្រំដែន កម្ពុជា-វៀតណាម នាពេលកន្លងមក ។
យោងតាមសារព័ត៌មាន ដែលបានផ្សព្វផ្សាយព្រោងព្រាត កាលពីថ្ងៃទី១១ ខែសីហា ឆ្នាំ២០១៥ នោះមានពាក្យបណ្តឹងចំនួន៣ បានចោទប្រកាន់លោក រៀល ខេមរិន្ទ្រ ថាបានកេងប្រវ័ណ្ឌយកប្រាក់ជាច្រើនម៉ឺនដុល្លារអាមេរិក មកធ្វើជាប្រយោជន៍ផ្ទាល់ខ្លួន ដែលពាក្យបណ្តឹងទី១មានទឹកប្រាក់ ១៥,០០០ដុល្លារ ពាក្យបណ្តឹងទី២មានទឹកប្រាក់ ២០,០០០ដុល្លារ និងពាក្យបណ្តឹងទី៣ មានទឹកប្រាក់២០,០០០ដុល្លារ (សរុបទាំង៣ពាក្យបណ្តឹងនោះមានទឹកប្រាក់ចំនួន ៥៥,០០០ដុល្លារ)។ ក្រោយពីមានពាក្យបណ្តឹងនេះ លោក រៀល ខេមរិន្រ្ទ ត្រូវបានអង្គភាពប្រឆាំងអំពើពុករលួយ ស្នើឲ្យចូលខ្លួនទៅធ្វើការបំភ្លឺជុំវិញការចោទប្រកាន់នេះ ដើម្បីធ្វើការវាយតម្លៃ មុននឹងសម្រេចបន្តនីតិវិធី ។
ក្រុមអ្នកតាមដានស្ថានការណ៍នយោបាយ បានវាយតម្លៃថា មកដល់តំណាក់កាលនេះ បក្សសង្គ្រោះជាតិ កាន់តែឈានដល់ការប្រេះឆាផ្ទៃក្នុងធ្ងន់ធ្ងរហើយដោយសារ អំពើពុករលួយ និងទំនាស់ផលប្រយោជន៍ រវាងប្រធាន និងអនុប្រធានបក្ស និងមួយផ្នែកទៀតរវាងសកម្មជនដែលគាំទ្រ និងមន្ត្រីគណបក្សដែលពុករលួយនៅក្នុងជួរគណៈកម្មាធិការនាយក។ រឿងអាស្រូវពុករលួយនេះ ត្រូវបានសកម្មជន និងមន្ត្រីជាន់ខ្ពស់ជាច្រើនបានធ្វើការតវ៉ា ជាច្រើនលើកច្រើនសារជាបន្តបន្ទាប់ ហើយអ្នកដែលហ៊ានក្រោកឡើងរិះគន់ គឺត្រូវបានបណ្តេញចេញពីបក្ស ឬត្រូវគេបញ្ឈរជើង ហើយទីបំផុតក៏ត្រូវសុំលាលែងមុខតំណែង ។
ជាក់ស្តែង លោកស្រី ឡាក់ សុភាព ត្រូវបានគណបក្សសង្រ្គោះជាតិ សម្រេចបណ្តេញចេញពីគណបក្ស កាលពីថ្ងៃទី៣០ ខែធ្នូ ឆ្នាំ២០១៤ បន្ទាប់ពីលោកស្រី ហ៊ានទម្លាយរឿងបែកបាក់ផ្ទៃក្នុង របស់គណបក្សសង្រ្គោះជាតិ និងរឿងពុករលួយ របស់មេដឹកនាំកំពូលនៃគណបក្សនេះប្រាប់ដល់អ្នកសារព័ត៌មាន។ លោកស្រី បានបកអាក្រាតថា លោក សម រង្ស៊ី បានយកលុយពីគណបក្សប្រជាជនកម្ពុជា បាន២០លានដុល្លារ ក្នុងចំណោម ៤០លានដុល្លារ ក្នុងការចរចាបញ្ចប់បញ្ហានយោបាយ នៅក្នុងប្រទេសកម្ពុជា ហើយរឿងនេះត្រូវបានលោក កឹម សុខា អនុប្រធានគណបក្សសង្រ្គោះជាតិ លើកឡើងជាញឹកញាប់ក្នុងពេលប្រជុំគណៈកម្មាធិការនាយកម្តងៗ ប៉ុន្តែចុងក្រោយពួកគេបែរជាទម្លាក់កំហុសនេះ មកលើរូបលោកស្រីទៅវិញ ។រឿងអាស្រូវមួយទៀតគឺ កាលពីថ្ងៃទី០២ ខែមីនា ឆ្នាំ២០១៥ សកម្មជនសំខាន់ៗមកពីខេត្តសៀមរាប ប្រមាណជា១០០នាក់ បានប្រមូលផ្តុំគ្នានៅមុខទីស្នាក់ការគណបក្សសង្រ្គោះជាតិ ក្នុងសង្កាត់ចាក់អង្រែក្រោម ទាមទារឲ្យផ្លាស់ប្តូរលោកស្រី កែ សុវណ្ណរតន៍ ចេញពីប្រធានក្រុមការងារខេត្តសៀមរាប។ ការតវ៉ានេះត្រូវបានពួកគេអះអាងថា ការដឹកនាំរបស់លោកស្រីតំណាងរាស្រ្តរូបនេះ ដឹកនាំគ្មានយុត្តិធម៌ គ្មានតម្លាភាព បក្សពួកនិយម គ្មានស្មារតីសាមគ្គីភាព ដែលជាប្រភពនាំមកនូវភាពបែកបាក់ផ្ទៃក្នុង ។
ស្រដៀងគ្នានេះដែរ លោក វ៉ាន់ សំអឿន ដែលជាអតីត តំណាងរាស្ត្រគណបក្សសង្គ្រោះជាតិ ក៏បានអះអាងថា ការលាឈប់ពីតំណាងរាស្ត្ររបស់លោក ក៏ដោយសារតែ ភាពរមិលគុណ និងបោកប្រាស់របស់លោក កឹម សុខា ដែលកន្លងមកបានទៅបញ្ចុះបញ្ចូលលោក ក្នុងការកៀងគរលុយនៅសហរដ្ឋអាមេរិក បានយ៉ាងច្រើនសន្ធឹកសន្ធាប់ និងបានសុំស្នាក់នៅផ្ទះរបស់គាត់ថែមទៀត ប៉ុន្តែ នៅពេលដែល លោក កឹម សុខា បានអំណាច ឡើងបុណ្យសក្តិជាអនុប្រធានរដ្ឋសភា ក៏ធ្វើឬកក្រអើតក្រទម លែងស្គាល់រូបគាត់ថែមទៀត ។
ក៏នៅមានលេចឮរឿងអាស្រូវពុករលួយជាច្រើនទៀត រវាងក្រុមយុវជន ហ្វ៊េសប៊ុក របស់ កញ្ញា ធី សុវណ្ណថា និងសកម្មជនយុវជននៅតំបន់អារ៉ែង ដែលពួកគេបានចោទថា កញ្ញា ធី សុវណ្ណថា បានកាក់កបយ៉ាងខ្លាំង ពីការរៃអង្គៀសប្រាក់ទៅសាងសង់បន្ទប់ទឹកមួយនៅតំបន់អារ៉ែងអស់ទឹកប្រាក់ដល់ជាង៣ពាន់ដុល្លារ ។
ដូច្នេះ សកម្មភាពរបស់ក្រុមមេខ្យល់ ទាំងនោះ គឺមិនមែនជារឿងស្នេហាជាតិអីនោះទេ។ តាមពិត វាជារឿងបោកប្រាស់ប្រជាពលរដ្ឋ ដើម្បីលាភសក្ការៈ និងភាពហឺហារបស់ក្រុមមេខ្យល់ និងកូនចៅជំនិតរបស់ពួកគេតែប៉ុណ្ណោះ ។
ប្រជាពលរដ្ឋនៅចាំបានថា នៅស្ទើតែគ្រប់ទីកន្លែង មុនពេលទទួលបានអំណាច ទាំងមុនការបោះឆ្នោត និងក្រោយការបោះឆ្នោត ទាំងលោក សម រង្ស៊ីទាំងលោក កឹម សុខា និងលោក រៀលខេមរិន្ទ្រ ព្រមទាំងមន្ត្រីបក្សសង្គ្រោះជាតិ បានដើរឃោសនាគ្រប់ច្រកល្ហកឡើងស្អកក ប្រាប់សកម្មជនខ្លួនថា ពួកគេនឹងធ្វើការតស៊ូប្តូរផ្តាច់ស្លាប់រស់ ប្រឆាំងនឹងអំពើពុករលួយ បក្ខពួកនិយម មិនរាថយ មិនក្បត់ឆន្ទៈរាស្ត្រឡើយ និងធ្វើការផ្លាស់ប្តូរឲ្យខាងតែបាននូវការដឹកនាំដោយគណបក្សប្រជាជនកម្ពុជា ជាពិសេស ការដឹកនាំរបស់លោក ហ៊ុន សែន ។ ប៉ុន្តែទីបំផុតអ្វីៗដែលពួកគេ បានសន្យាពីមុន គឺជាការបោកប្រាស់ ជាឧបាយកល្បទាក់រាស្ត្រឆាន់ មិនមែនដើម្បីឆន្ទៈរាស្ត្រឡើយ ។
ជាការកត់សម្គាល់របស់ប្រជាពលរដ្ឋ បើមិនទាន់បានឡើងកាន់អំណាចផង មេបក្ស និងមន្ត្រីគណបក្សសង្គ្រោះជាតិ ប្រព្រឹត្តិអំពើពុករលួយគ្រប់ច្រក កុហក់រាស្ត្រគ្រប់វិធី សន្យាខ្យល់ច្រើនរឿង ទិញឡាន ទិញវីឡា ទិញដីចម្ការសន្ធឹកសន្ធាប់បែបនេះទៅហើយ ចុះទម្រាំបានកាន់អំណាចទៀតនោះ ជាតិ និងប្រជាជននឹងទៅជាយ៉ាងណា? ដូច្នេះ មិនមែនជា គណបក្សសង្គ្រោះជាតិ ទេ តែជាគណបក្សបំផ្លាញជាតិ ទើបត្រឹមត្រូវ ៕
តំណាងរាស្ត្រគណបក្សសង្គ្រោះជាតិ មណ្ឌលស្វាយរៀង លោក រៀល ខេមរិន្ទ្រ បានលើកឡើងពីភាពជឿរជាក់របស់គណបក្សខ្លួនថា ទោះបីជាស្ថានការណ៍នយោបាយកំពុងក្តៅគគុកប៉ុណ្ណាក៏ដោយ ក៏គណបក្សនៅតែរឹងមាំ ហើយកាន់តែមានភាពរឹងបឹុងជាងមុនថែមទៀត។
ថ្លែងនៅលើបណ្តាញសង្គមហ្វេសប៊ុកផ្ទាល់ខ្លួន នៅថ្ងៃទី០៩កញ្ញានេះ លោក រៀល ខេមរិន្ទ្រ មន្ត្រីជាន់ខ្ពស់មួយរូបរបស់គណបក្សសង្គ្រោះជាតិ បានបង្ហាញពីជំហររបស់គណបក្សថា “យើងនៅតែរឹងបុឹង ហើងកាន់តែរឹងបុឹងជានិច្ច !” បើទោះបីជាបច្ចុប្បន្នភាពគណបក្សប្រឆាំងដ៏ធំមួយនេះកំពុងតែជួបនូវវិបិត្តនយោបាយផ្ទៃក្នុងធ្ងន់ធ្ងរយ៉ាងណាក៏ដោយ ក៏នៅតែរឹងមាំ ហើយកាន់តែរឹងមាំជាងមុនថែមទៀត។
សូមបញ្ជាក់ថា គណបក្សសង្គ្រោះជាតិសព្វថ្ងៃនេះ មិនទាន់មានក្បាលម៉ាស៊ិនជាប្រធានគណបក្សនៅឡើយទេ ក្រោយពីមានការចាប់ខ្លួនលោកកឹម សុខា នឹងត្រូវបានតុលាការចោទប្រកាន់ថាបានប្រព្រឹត្តអំពើក្បត់ជាតិ ដោយមានបំណងចង់ផ្តួលរំលំរដ្ឋាភិបាលកម្ពុជាស្របច្បាប់។
កាលពីដើមសប្ដាហ៍នេះ សមត្ថកិច្ចបានផ្ញើរបាយកាណ៍អំពីការចាប់ខ្លួនលោក កឹម សុខា ជូនទៅរដ្ឋសភា។ កាលពីថ្ងៃទី ០៦ កញ្ញា តុលាការក្រុងភ្នំពេញ បានសម្រេចចោទប្រកាន់ លោក កឹម សុខា ពីបទ «សន្ទិដ្ឋិភាពជាមួយបរទេស» ដែលជាបទល្មើសមួយក្នុងអំពើក្បត់ជាតិតាមមាត្រា៤៤៣ នៃក្រមព្រហ្មទណ្ឌ។ យោងតាមបទល្មើសនេះ លោក កឹម សុខា អាចប្រឈមនឹងជាប់ពន្ធនាគារពី១៥ ទៅ៣០ឆ្នាំ៕
លោក រៀល ខេមរិន្ទ្រ រងការចោទថាកិបកេងលុយជាង៥ម៉ឺនដុល្លារពេលចុះពិនិត្យព្រំដែន
2015-08-11
RFAតំណាងរាស្ត្រគណបក្សសង្គ្រោះជាតិ មណ្ឌលស្វាយរៀង លោក រៀល ខេមរិន្ទ្រ រងការប្ដឹងទាក់ទងនឹងការកិបកេងលុយជាង ៥ម៉ឺន ៥ពាន់ដុល្លារ ក្នុងពេលចុះព្រំដែនកម្ពុជា-វៀតណាម ខេត្តស្វាយរៀង កាលពីថ្ងៃទី១៩ ខែកក្កដា ឆ្នាំ២០១៥។
លិខិតពីអង្គភាពប្រឆាំងអំពើពុករលួយ ឬហៅកាត់ថា អេ.ស៊ី.យូ (ACU) កាលពីថ្ងៃទី៣១ ខែកក្កដា ត្រូវបានគេចែកផ្សាយនៅថ្ងៃទី១១ សីហា។
មន្ត្រីអង្គភាពប្រឆាំងអំពើពុករលួយ បានស្នើឲ្យតំណាងរាស្ត្រគណបក្សប្រឆាំង ធ្វើលិខិតបកស្រាយជាលាយលក្ខណ៍អក្សរដោយភ្ជាប់ជាមួយឯកសារពាក់ព័ន្ធ ដើម្បីការពារខ្លួនចំពោះបណ្ដឹងចំនួន៣ ដែលគេប្ដឹងមកអង្គភាពនេះពីបទកេងប្រវ័ញ្ចប្រាក់ចំនួន ៥ម៉ឺន ៥ពាន់ដុល្លារអាមេរិក ពីការរៀបចំដំណើរការទៅព្រំដែនកម្ពុជា-វៀតណាម។
លិខិតចេញពីស្ថាប័នប្រឆាំងអំពើពុករលួយ នៃអង្គភាពប្រឆាំងអំពើពុករលួយ នៅថ្ងៃទី៣១ ខែកក្កដា ដែលគេទើបផ្សព្វផ្សាយនៅថ្ងៃទី១១ សីហា ដែលបានផ្ញើទៅអ្នកតំណាងរាស្ត្រគណបក្សសង្គ្រោះជាតិ មណ្ឌលស្វាយរៀង លោក រៀល ខេមរិន្ទ្រ ដោយជំរុញឲ្យបំភ្លឺចំពោះពាក្យបណ្ដឹងចំនួន៣ ដែលចោទថា លោកបានកេងប្រវ័ញ្ចយកប្រាក់សរុប ៥ម៉ឺន ៥ពាន់ដុល្លារ ដែលទទួលយកទៅរៀបចំដំណើរទៅមើលបង្គោលព្រំដែនកន្លងមក។
អនុប្រធានអង្គភាពប្រឆាំងអំពើពុករលួយ លោក ឃាង សេង មានប្រសាសន៍ថា អង្គភាពនឹងបន្តស្នើឲ្យ លោក រៀល ខេមរិន្ទ្រ ចាំបាច់ត្រូវបំភ្លឺចំពោះបញ្ហានេះ ហើយបង្ហាញឯកសារពាក់ព័ន្ធដើម្បីការពារចំពោះការប្ដឹងចោទ មុននឹងអង្គភាពប្រឆាំងអំពើពុករលួយបន្តនីតិវិធីរបស់ខ្លួន៖ «ធម្មតាគាត់ចាំបាច់គាត់ត្រូវតែបំភ្លឺហើយ មិនអ៊ីចឹងទេ មានន័យថា គាត់មានកំហុសតាមអ្វីដែលគេចោទប្រកាន់គាត់។ យើងឲ្យគាត់បំភ្លឺដើម្បីគាត់បកស្រាយថា តើគាត់មានស្អីដើម្បីនិយាយថាគាត់មានភស្តុតាងបញ្ជាក់ផ្ទុយ»។
វិទ្យុអាស៊ីសេរី មិនអាចសុំការបកស្រាយពីតំណាងរាស្ត្រគណបក្សសង្គ្រោះជាតិ មណ្ឌលស្វាយរៀង លោក រៀល ខេមរិន្ទ្រ បានទេនៅថ្ងៃទី១១ សីហា ដោយលោកជាប់បេសកកម្មទៅសហរដ្ឋអាមេរិក។
ប៉ុន្តែមន្ត្រីជាន់ខ្ពស់គណបក្សសង្គ្រោះជាតិ លោក អ៊ូ ច័ន្ទឫទ្ធិ បញ្ជាក់ថា សកម្មភាពដឹកនាំព្រះសង្ឃ សកម្មជន ប្រជាពលរដ្ឋទៅមើលបង្គោលព្រំដែនរបស់ លោក រៀល ខេមរិន្ទ្រ កន្លងមក គឺលោកបានរៃអង្គាសប្រាក់ពីអ្នកគាំទ្រ ដែលចង់ជួយដល់ដំណើរការកម្មវិធីចុះមើលព្រំដែន។ ហើយថា ថវិកានេះអ្នកតំណាងរាស្ត្របានគ្រប់គ្រងដោយខ្លួនឯង មិនមែនជាសកម្មភាពដែលរៀបចំដោយគណបក្សនោះទេ។ ប៉ុន្តែទោះជាយ៉ាងណា លោកយល់ថា ការទាមទារឲ្យ លោក រៀល ខេមរិន្ទ្រ បំភ្លឺបញ្ហានេះ គឺមិនត្រូវសមត្ថកិច្ចរបស់អង្គភាពប្រឆាំងអំពើពុករលួយនោះទេ៖ «រឿងនេះមិនមែនជារឿងអំពើពុករលួយទេ យើងមិនអាចចោទជារឿងពុករលួយទេ។ បើសិនជាថវិការបស់ជាតិ ជាថវិការបស់រដ្ឋ ហើយអ្នកហ្នឹងមានការកិបកេង ឬធ្វើអ្វីមួយដើម្បីផលប្រយោជន៍នរណាម្នាក់ទៀត ទើបបានជាអំពើពុករលួយ»។
ក្នុងរយៈពេលប៉ុន្មានខែចុងក្រោយនេះ អ្នកតំណាងរាស្ត្រគណបក្សប្រឆាំង បានដឹកនាំព្រះសង្ឃ សកម្មជនរបស់ខ្លួន ប្រជាពលរដ្ឋ និងយុវជន ទៅពិនិត្យមើលបង្គោលតម្រុយព្រំដែនកម្ពុជា-វៀតណាម នៅចំណុចស្រុកកោះធំ ខេត្តកណ្ដាល ខេត្តត្បូងឃ្មុំ ច្រកតន់ហន់ ខេត្តកំពត និងព្រំដែនខេត្តស្វាយរៀង ជាដើម។
កន្លងមក ការដឹកនាំកម្លាំងចុះមើលព្រំដែននេះ ច្រើនមានការរារាំងពីអាជ្ញាធរ មានការប៉ះទង្គិចជាពាក្យសម្ដី និងប៉ះប្រយុទ្ធគ្នាជាមួយប្រជាជន និងទាហានវៀតណាម បង្ករងរបួស ហើយឈានដល់ការចាប់ខ្លួនមនុស្សទៀតផង។ បញ្ហានេះ រដ្ឋាភិបាលវៀតណាម បានស្នើឲ្យរដ្ឋាភិបាលកម្ពុជា ទប់ស្កាត់កុំឲ្យមានការចុះទៅតំបន់ព្រំដែន និងបង្កហិង្សា។
បន្ទាប់មក រដ្ឋាភិបាលកម្ពុជា-វៀតណាម បានបង្កើតគណៈកម្មការស៊ើបអង្កេតមួយ ដើម្បីចុះពិនិត្យព្រឹត្តិការណ៍ដែលបានកើតឡើងនៅតំបន់ព្រំដែន ហើយពួកគេប្ដេជ្ញាថា នឹងព្យាយាមទប់ស្កាត់កុំឲ្យកើតឡើងជាថ្មីទៀត៕
Prum san 11 August 2015 · #បែកធ្លាយល្បែងប៉ាហុីព្រំដែនរៀលខេមរិន្ទ្រសម្តែងដើម្បីបោកយកលុយសោះ ថាមែនៗ..ទីបំផុតរៀលខេមរិន្ទ្រយ៉ោមបុប្ផាលិចកន្ទុយកញ្ជោងមកហើយ..អាសុក្រដូចតែអាសៅរ៍ៗក៏ដូចតែអាសុក្រទីបំផុតល្បែងប៉ាហុីព្រំដែនគេសម្តែងដើម្បីបោកយកលុយសោះ..ហ៎ាសៗ។ អាណិតតែបងប្អូនខ្មែរយើងដែលខំចាញ់បោកក្រុមគាត់ទាំងហ្វូងៗ ..អញ្ចឹងបានតែថាការពិតវានៅតែពិតព្រោះថាឥឡូវនេះមានម្ចាស់មូលនិធិ៣ក្រុមបានប្តឹងលោករៀលខេមរិន្ទ្រថាបានកេងបំបាត់លុយពួកគាត់ចំនួន៥៥,០០០$ក្នុងបេសកម្មបោកប្រាស់ទៅព្រំដែន..បើតែធុននេះឲ្យរាស្ត្រប្រជាខ្មែរទុកចិត្តយ៉ាងណាទៅ??មានករណី១ទៀតគឺក្រុមគាត់បានចោទរដ្ធាភិបាលថាប្រើប្រាស់ផែនទីក្លែងក្លាយតែដល់ជាក់ស្តែងរដ្ធាភិបាលបានបង្កើតក្រុមស្រាវជ្រាវព្រំដែនដែលមានបណ្ឌិតសុខទូចជាប្រធានមានតួនាទីប្រមូលសក្ខីកម្មទាំងអស់ហើយក្នុងនោះក៏មានលោកអតីតរដ្ថមន្ត្រីស៊ានប៉េងសែផងដែរដែលបានផ្តល់ផែនទីគ្រប់ប្រភេទជាង២០០ផ្ទាំងឲ្យលោកបណ្ឌិតសុខទូចដើម្បីផ្ទៀងផ្ទាត់រកចំណុមរួមគ្នាទៅជជែកជាមួយវៀតណាមតែអ្វីដែលចំឡែកគឺក្រុមផែនទីផ្សារបារាំងឬCnrpបែជាមិនទាន់មានផែនទីឲ្យក្រុមស្រាវជ្រាវឯករាជ្យនោះទេ..ដល់អញ្ចឹងទៅខ្ញុំក្រែងតែអស់លោកCnrpជេរលោកបណ្ឌិតសុខទូចនិងលោកបីតាផែនទីខ្មែរស៊ានប៉េងសែថាជាខ្មែរក្បត់ជាតិទៀតទេ...ហ៎ាសៗ...អាស្មេរសុីផេះនេះវាសរសេរមិនចេះខ្ជិល..អញ្ចឹងតើបានមេវាឲ្យសុីផេះមែន.....។ល។
លោក រៀល ខេមរិន្ទ្រ បបួលលោក វ៉ា គឹមហុង ទៅមើលព្រំដែនខេត្តស្វាយរៀងតំណាងរាស្ត្រគណបក្សសង្គ្រោះជាតិ លោក រៀល ខេមរិន្ទ្រ បបួលលោក វ៉ា គឹមហុង ទៅមើលព្រំដែនកម្ពុជា វៀតណាម នៅខេត្តស្វាយរៀង។ ការបបួលនេះ ធ្វើឡើងតាមរយៈលិខិតចុះថ្ងៃទី០៦ខែកក្កដា ស្របពេលដែលលោក វ៉ា គឹមហុង កំពុងតែដឹកនាំកិច្ចប្រជុំគណៈកម្មាធិការចម្រុះកិច្ចការព្រំដែនកម្ពុជា ដើម្បីជួបជាមួយសមភាគីវៀតណាម នៅទីក្រុងភ្នំពេញ។ នៅក្នុងលិខិតចុះថ្ងៃទី០៦កក្កដា លោក រៀល ខេមរិន្ទ្រ បានគូសបញ្ជាក់ថា ការអញ្ជើញលោក វ៉ា គឹមហុង ទៅពិនិត្យបង្គោលព្រំដែនកម្ពុជាវៀតណាម លេខ២០២ និង២០៣ នៅស្រុកកំពង់រោទិ៍ ខេត្តស្វាយរៀងនោះ ធ្វើឡើងតាមការស្នើសុំរបស់ប្រជាពលរដ្ឋ យុវជន និងព្រះសង្ឃខ្មែរ។ ការចុះទៅពិនិត្យព្រំដែននោះ នឹងប្រព្រឹត្តទៅនៅថ្ងៃទី១៩ខែកក្កដាខាងមុខ ដោយចាប់ផ្ដើមជួបជុំគ្នានៅទីលានប្រជាធិបតេយ្យ វេលាម៉ោង៥ព្រឹក។
ឆ្លើយនឹងសំណួររបស់វិទ្យុបារាំង ថាតើអ្វីទៅជាគោលដៅក្នុងការអញ្ជើញលោក វ៉ា គឹមហុង ទៅពិនិត្យបង្គោលព្រំដែននេះ? លោក រៀល ខេមរិន្ទ្រ បានឆ្លើយបំភ្លឺថា លោកចង់ឲ្យប្រធានគណៈកម្មាធិការចម្រុះកិច្ចការព្រំដែនកម្ពុជា ឃើញផ្ទាល់ពីការរំលោភដែនអធិបតេយ្យកម្ពុជា ពីសំណាក់ប្រទេសវៀតណាម។ បើតាមតំណាងរាស្ត្របក្សប្រឆាំងរូបនេះ លោក វ៉ា គឹមហុង ដែលធ្វើការតែនៅលើក្រដាសផែនទី នៅពេលលោកបានទៅដល់តំបន់ព្រំដែន គឺច្បាស់ជាលែងហ៊ានប្រកែកតែម្ដង ពីការរំលោភរបស់វៀតណាមមកលើដែនដីកម្ពុជា។
គួរជម្រាបជូនផងដែរថា ការអញ្ជើញលោក វ៉ា គឹមហុង ទៅពិនិត្យព្រំដែននៅស្រុកកំពង់រោទិ៍ ខេត្តស្វាយរៀងនេះ ធ្វើឡើងស្របពេលដែលលោក វ៉ា គឹមហុង កំពុងតែដឹកនាំគណៈកម្មាធិការចម្រុះកិច្ចការព្រំដែនកម្ពុជា ដើម្បីជួបជាមួយសមភាគីវៀតណាម នៅទីក្រុងភ្នំពេញ។ ក្រៅពីធ្វើលិខិតអញ្ជើញប្រធានគណៈកម្មាធិការចម្រុះកិច្ចការព្រំដែនកម្ពុជា លោក រៀល ខេមរិន្ទ្រ ក៏បានធ្វើលិខិតអញ្ជើញដាច់ដោយឡែកមួយទៀត ទៅកាន់តំណាងរាស្ត្រនៃរដ្ឋសភាទាំងអស់ផងដែរ។ ប៉ុន្តែយ៉ាងណាក៏ដោយ តំណាងរាស្ត្របក្សប្រឆាំងរូបនេះ មិនសង្ឃឹមថា លោក វ៉ា គឹមហុង និងតំណាងរាស្ត្រទាំងអស់ ពិសេសតំណាងរាស្ត្រកូតាបក្សប្រជាជនកម្ពុជា ទទួលការអញ្ជើញរបស់លោកឡើយ។
ជាការកត់សម្គាល់ លោក រៀល ខេមរិន្ទ្រ និងតំណាងរាស្ត្រគណបក្សសង្គ្រោះជាតិមួយចំនួនទៀត ធ្លាប់បានចុះទៅពិនិត្យមើលព្រំដែនកម្ពុជាវៀតណាម នៅស្រុកកំពង់រោទិ៍ ខេត្តស្វាយរៀងនេះ ម្ដងរួចមកហើយ កាលពីចុងខែមិថុនាកន្លងទៅ។ កាលណោះ មានការប៉ះទង្គិចគ្នាមួយប្រាវកើតឡើងរវាងពលរដ្ឋកម្ពុជានិងពលរដ្ឋវៀតណាម បណ្ដាលឲ្យរងរបួសទាំងសងខាងថែមទៀតផង៕
លោក រៀល ខេមរិន្ទ្រ បំភ្លឺពីប្រាក់ចំណូលចំណាយក្នុងការរៀបចំដំណើរចុះទៅមើលព្រំដែនកម្ពុជា-វៀតណាម ចុះផ្សាយនៅថ្ងៃ៖ 03/02/2016 - 10:23 កែប្រែថ្ងៃទី៖ 03/02/2016 - 10:24 កាលពីចុងខែមករាកន្លងទៅនេះ លោក រៀល ខេមរិន្ទ្រ តំណាងរាស្ត្រគណបក្សសង្គ្រោះជាតិ បានផ្ញើលិខិតមួយទៅអង្គភាពប្រឆាំងអំពើពុករលួយ ACU ដើម្បីបំភ្លឺពីប្រាក់ចំណូលនិងចំណាយ នៅក្នុងការរៀបចំដំណើរទៅមើលបង្គោលព្រំដែនកម្ពុជា វៀតណាម។ សូមរំលឹកថា លោក រៀល ខេមរិន្ទ្រ បានទទួលរងការចោទប្រកាន់ថាបានកេងប្រវញ្ចប្រាក់ ចំនួន៥ម៉ឺន៥ពាន់ដុល្លារ ពីការរៀបចំដំណើរទៅមើលបង្គោលព្រំដែន កាលពីខែកក្កដា ឆ្នាំ២០១៥កន្លងទៅ។ ការចោទប្រកាន់នេះ ត្រូវបានលោក រៀល ខេមរិន្ទ្រ បដិសេធ ដោយចាត់ទុកថា ជាអំពើអយុត្តិធម៌។លិខិតបំភ្លឺរបស់លោក រៀល ខេមរិន្ទ្រ តំណាងរាស្ត្រគណបក្សសង្គ្រោះជាតិ ចុះថ្ងៃទី២០មករា ឲ្យដឹងថា លោកបានចំណាយប្រាក់ផ្ទាល់ខ្លួន និងទទួលថវិកាឧបត្ថម្ភពីសំណាក់អ្នកឧបត្ថម្ភនៅប្រទេសអាមេរិក បារាំង និងក្រុមអ្នករត់តាក់ស៊ី សរុបទាំងអស់ចំនួន២ម៉ឺន៧៥០ដុល្លារ។ ក្នុងចំណោមប្រាក់សរុប២ម៉ឺន៧៥០ដុល្លារនេះ លោកបានចំណាយអស់២ម៉ឺន៧៤០ដុល្លារ សម្រាប់ដំណើរចុះទៅពិនិត្យបង្គោលព្រំដែនកម្ពុជាវៀតណាម កាលពីខែកក្កដា ឆ្នាំ២០១៥។ ផ្អែកតាមបញ្ជីចំណូលចំណាយនេះ មានប្រាក់នៅសល់តែ១០ដុល្លារប៉ុណ្ណោះ។សូមរំលឹកជូនថា កាលពីចុងខែកក្កដាកន្លងទៅ ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង បានស្វែងរកការបំភ្លឺពីលោក រៀល ខេមរិន្ទ្រ ចំពោះពាក្យបណ្ដឹងដែលចោទប្រកាន់ថា លោក រៀល ខេមរិន្ទ្រ បានកេងប្រវ័ញ្ចប្រាក់យ៉ាងហោចណាស់៥ម៉ឺន៥ពាន់ដុល្លារ នៅក្នុងការរៀបចំដំណើរចុះទៅពិនិត្យបង្គោលព្រំដែនកម្ពុជាវៀតណាម នៅខេត្តស្វាយរៀង នៅថ្ងៃទី១៩ខែកក្កដាឆ្នាំ២០១៥កន្លងទៅ។
បន្ទាប់ពីបានទទួលលិខិតរបស់ ACU តំណាងរាស្ត្របក្សប្រឆាំង លោក រៀល ខេមរិន្ទ្រ បានផ្ញើលិខិតទៅ ACU វិញនៅថ្ងៃទី១៣ខែសីហាឆ្នាំ២០១៥។ លោក រៀល ខេមរិន្ទ្រ គូសបញ្ជាក់នៅក្នុងលិខិតនោះថា លោកមិនបានទទួលប្រាក់ ឬកេងប្រវ័ញ្ចប្រាក់ក្នុងចំនួនរាប់ម៉ឺនដុល្លារ ដូចការចោទប្រកាន់នោះទេ។ បើតាមតំណាងរាស្ត្របក្សប្រឆាំងរូបនេះ ការចោទប្រកាន់ដូច្នេះ គឺជាការប្រឌិត ក្នុងចេតនាទុច្ចរិតបង្ខូចកេរ្តិ៍ឈ្មោះនិងកិត្តិយសរបស់លោក។
ក្រៅពីបដិសេធការចោទប្រកាន់និងបំភ្លឺដោយសង្ខេបពីការប្រើប្រាស់ប្រាក់ លោក រៀល ខេមរិន្ទ្រ បានស្នើឲ្យអង្គភាពប្រឆាំងអំពើពុករលួយ ស្វែងរកអ្នកប្ដឹង ដែលមានចេតនាមួលបង្កាច់បង្ខូចកិត្តិយសរបស់លោក ដើម្បីចាត់វិធានការតាមនីតិវិធីច្បាប់ផងដែរ។
ប៉ុន្តែយ៉ាងណាក៏ដោយ នៅក្នុងលិខិតបំភ្លឺនៅថ្ងៃ១៣ខែសីហាឆ្នាំ២០១៥របស់លោក រៀល ខេមរិន្ទ្រ នោះ មិនបានភ្ជាប់បញ្ជីចំណូលចំណាយលម្អិតជូនទៅអង្គភាពប្រឆាំងអំពើពុករលួយឡើយ។ អង្គភាពប្រឆាំងអំពើពុករលួយ បានសរសេរលិខិតមួយទៀតទៅលោករៀល ខេមរិន្ទ្រ ចុះថ្ងៃទី០៨កញ្ញាឆ្នាំ២០១៥ សុំមើលបញ្ជីចំណូលចំណាយទាំងអស់ ដើម្បីបញ្ជាក់ពីភាពស្មោះត្រង់៕
ក្រសួងមហាផ្ទៃ ទទួលស្គាល់គណបក្ស «ខ្មែរអភិរក្សនិយម» របស់លោក រៀល ខេមរិន្ធ«គណបក្សខ្មែរអភិរក្សនិយម» របស់លោក រៀល ខេមរិន្ទ ត្រូវបាន ក្រសួងមហាផ្ទៃ ប្រកាសសម្រេចទទួលស្គាល់ បន្ទាប់ពីអតីតតំណាងរាស្ត្រនៃអតីតគណបក្សសង្គ្រោះជាតិរូបនេះ បានស្នើសុំនីតិសម្បទានយោបាយនៅកម្ពុជាឡើងវិញ។ នេះបើតាមប្រកាសរបស់ក្រសួងមហាផ្ទៃ ចុះផ្សាយនៅថ្ងៃទី១៨ ខែកញ្ញា ឆ្នាំ២០១៩។
គណបក្សខ្មែរអភិរក្សនិយម មានអក្សរកាត់ «គ.ខ.អ» និងមានអាសយដ្ឋានដ្ឋានស្ថិតនៅភូមិត្នោតជ្រុំទី៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។
គួរបញ្ជាក់ថា លោក រៀល ខេមរិន្ទ បន្ទាប់ពីត្រឡប់ចូកស្រុកខ្មែរវិញ បានសុំសិទ្ធិធ្វើនយោបាយពីរាជរដ្ឋាភិបាលកម្ពុជាឡើងវិញ នៅអំឡុងខែមីនា ឆ្នាំ២០១៩ និងបានប្រកាសថាខ្លួននឹងបង្កើតគណបក្សនយោបាយថ្មីមួយ លែងងាកក្រោយត្រឡប់រកអតីតគណបក្សសង្គ្រោះជាតិទៀតហើយ ទោះបីបុគ្គលរូបនេះធ្លាប់ជាសមាជិកអតីតគណបក្សប្រឆាំងក៏ដោយ។
លោក រៀល ខេមរិន្ទ្រ ក្លាយជាមនុស្សទីបួនក្នុងជួរដឹកនាំអតីតគណបក្សសង្គ្រោះជាតិ ដែលបានដាក់ពាក្យសុំសិទ្ធិចូលធ្វើនយោបាយឡើងវិញ។ លោក ខៀវ សុភ័គ អ្នកនាំពាក្យក្រសួងមហាផ្ទៃ អះអាងប្រាប់សារព័ត៌មាន ThmeyThmey ថា អតីតតំណាងរាស្ត្របក្សប្រឆាំងរូបនេះ បានដាក់ពាក្យស្នើកាលពីថ្ងៃទី១៤ ខែមីនា។លោក រៀល ខេមរិន្ទ្រ គឺជាមនុស្សទី៤ នៃអតីតថ្នាក់ដឹកនាំគណបក្សសង្គ្រោះជាតិ ដែលបានដាក់លិខិតស្នើសុំសិទ្ធិធ្វើនយោបាយឡើងវិញ បន្ទាប់ពី លោក ស៊ីម សុវណ្ណនី ដែលជាអតីតសមាជិកគណៈកម្មាធិការនាយក របស់អតីតគណបក្សសង្គ្រោះជាតិ លោក គង់ គាំ អតីតទីប្រឹក្សាជាន់ខ្ពស់គណបក្សសង្គ្រោះជាតិ និង លោក គង់ បូរ៉ា អតីតតំណាងរាស្ត្រគណបក្សសង្គ្រោះជាតិ។
សូមបញ្ជាក់ថា លោក រៀល ខេមរិន្ទ្រ ជាអតីតតំណាងរាស្ត្ររបស់អតីតគណបក្សសង្គ្រោះជាតិមួយ ក្នុងចំណោមអតីតថ្នាក់ដឹកនាំបក្សសង្គ្រោះជាតិ ចំនួន១១៨នាក់ ដែលត្រូវតុលាការកំពូល ហាមឃាត់សិទ្ធិធ្វើនយោបាយរយៈពេល៥ឆ្នាំ កាលពីខែវិច្ឆិកា ឆ្នាំ២០១៧។
ជាមួយគ្នានេះ លោក រៀល ខេមរិន្ទ្រ ជាមនុស្សដំបូងដែលបានដាក់ពាក្យស្នើសុំសិទ្ធិនយោបាយឡើងវិញ បន្ទាប់ពីសម្តេច ហ៊ុន សែន បានព្រមានបិទទ្វារលែងទទួលពាក្យស្នើសុំនៅមុន ឬក្រោយបុណ្យចូលឆ្នាំខ្មែរ៕
លោក រៀល ខេមរិន្ទ្រ អតីតតំណាងរាស្ត្របក្សប្រឆាំង បានសិទ្ធិនយោបាយវិញហើយសម្តេច សាយ ឈុំ ប្រធានព្រឹទ្ធសភា ដែលកំពុងទទួលរាជានុសិទ្ធិជាប្រមុខរដ្ឋស្តីទី បានចេញព្រះរាជក្រឹត្យ នៅថ្ងៃទី១៨ ខែមីនា ឆ្នាំ២០១៩នេះ ក្នុងការប្រទាននីតិសម្បទា ដល់លោក រៀល ខេមរិន្ទ អតីតតំណាងរាស្រ្តគណបក្សសង្គ្រោះជាតិ ដើម្បីឲ្យលោក បានចូលធ្វើនយោបាយវិញ។លោក រៀល ខេមរិន្ទ្រ បានដាក់សំណើសុំសិទ្ធិនយោបាយ នៅពាក់កណ្តាលខែមីនានេះ បន្ទាប់ពីមានការលើកឡើងរបស់សម្តេចនាយករដ្ឋមន្រ្តី ហ៊ុន សែន ថា ការផ្តល់សិទ្ធិនយោបាយដល់ក្រុមអ្នកប្រឆាំង អាចនឹងត្រូវបញ្ចប់ នៅមុខឬក្រោយចូលឆ្នាំខ្មែរ។
លោក រៀល ខេមរិន្ទ្រ ជាជនជទី៤ ដែលទទួលបានសិទ្ធិនយោបាយវិញ។ ៣នាក់ទៀត គឺ លោក គង់ គាំ លោក គង់ បូរ៉ា និង លោក ស៊ឹម សុវណ្ណឌី។ អតីតថ្នាក់ដឹកនាំគណបក្សប្រឆាំង១១៨នាក់ (ស្លាប់ម្នាក់) ត្រូវបានបិទសិទ្ធិមិនឲ្យធ្វើនយោបាយរយៈពេល៥ឆ្នាំ៕
សមាគមការពារសិទ្ធិមនុស្ស អាដហុក ស្នើសុំយ៉ាងទទូច ដល់តុលាការ សាលាដំបូងរាជធានីភ្នំពេញ ទម្លាក់ចោលការចោទប្រកាន់ សកម្មជន ទាំង១១នាក់ ដែលតុលាការនេះនឹងបើកសវនាការជំនុំជំរះ នៅព្រឹក ថ្ងៃទី២៥ ខែធ្នូ ឆ្នាំ២០១៤ នេះ។ សមាគម អាដហុក ក៏បានធ្វើការ អង្កេត តាមដានយ៉ាងយកចិត្តទុកដាក់ ទៅលើព្រឹត្តិការណ៍ហិង្សា ដែលបាន កើតឡើង ដោយសារការវាយបង្ក្រាប ដោយក្រុមសន្តិសុខក្រៅច្បាប់ ខណ្ឌដូនពេញ កាលពីថ្ងៃទី១៥ ខែកក្កដា ឆ្នាំ២០១៤ កន្លងមកនេះ។ ដោយសារព្រឹត្តិការណ៍ហិង្សាដែលបានកើតឡើងនៅពេលនោះ តុលាការ ក្រុងភ្នំពេញ ក៏បានចោទប្រកាន់ និងឃុំខ្លួនភ្លាមៗ តំណាងរាស្រ្ត ជាប់ឆ្នោត គណបក្សសង្គ្រោះជាតិ ៥នាក់ មាន (អ្នកស្រី មួរ សុខហួរ. លោក រៀល ខេមរិន្ធ, លោក ហូ វ៉ាន់, លោក កែវ ភារម្យ និង លោក ម៉ែន សុថាវរិន្ទ្រ) ពីបទញុះញុង អោយប្រព្រឹត្ត បទឧក្រិដ្ឋ តាមមាត្រា ៤៩៤ និង៤៩៥ នៃក្រមព្រហ្មទណ្ឌ ការចោទប្រកាន់នេះ ជាការចោទប្រកាន់ ដែលគ្មានមូលដ្ឋានច្បាប់ និងជាការចោទប្រកាន់ ដោយរំលោភទៅលើច្បាប់ស្ដីអំពីការធ្វើបាតុកម្ម ដោយសន្តិវិធី។
សេចក្ដីថ្លែងការណ៍ តុលាការក្រុងភ្នំពេញត្រូវទម្លាក់ការចោទប្រកាន់ ទៅ លើសកម្មជនសហគមន៍ និង សកម្មជននយោបាយ ទាំង ១១នាក់
សមាគមការពារសិទ្ធិមនុស្ស អាដហុក ស្នើសុំយ៉ាងទទូច ដល់តុលាការសាលាដំបូងរាជធានីភ្នំពេញ ទម្លាក់ចោលការចោទប្រកាន់ សកម្មជនទាំង១១នាក់ ដែលតុលាការនេះនឹងបើកសវនាការជំនុំជំរះ នៅព្រឹកថ្ងៃទី២៥ ខែធ្នូ ឆ្នាំ២០១៤ នេះ។ សមាគម អាដហុក ក៏បានធ្វើការអង្កេត តាមដានយ៉ាងយកចិត្តទុកដាក់ ទៅលើព្រឹត្តិការណ៍ហិង្សា ដែលបានកើតឡើង ដោយសារការវាយបង្ក្រាប ដោយក្រុមសន្តិសុខក្រៅច្បាប់ ខណ្ឌដូនពេញ កាលពីថ្ងៃទី១៥ ខែកក្កដា ឆ្នាំ២០១៤ កន្លងមកនេះ។ ដោយសារព្រឹត្តិការណ៍ហិង្សាដែលបានកើតឡើងនៅពេលនោះ តុលាការក្រុងភ្នំពេញ ក៏បានចោទប្រកាន់ និងឃុំខ្លួនភ្លាមៗ តំណាងរាស្រ្តជាប់ឆ្នោត គណបក្សសង្គ្រោះជាតិ ៥នាក់ មាន (អ្នកស្រី មួរ សុខហួរ. លោក រៀល ខេមរិន្ធ, លោក ហូ វ៉ាន់, លោក កែវ ភារម្យ និង លោក ម៉ែន សុថាវរិន្ទ្រ) ពីបទញុះញុង អោយប្រព្រឹត្ត បទឧក្រិដ្ឋ តាមមាត្រា ៤៩៤ និង៤៩៥ នៃក្រមព្រហ្មទណ្ឌ ការចោទប្រកាន់នេះ ជាការចោទប្រកាន់ ដែលគ្មានមូលដ្ឋានច្បាប់ និងជាការចោទប្រកាន់ ដោយរំលោភទៅលើច្បាប់ស្ដីអំពីការធ្វើបាតុកម្ម ដោយសន្តិវិធី។បន្ទាប់ពីមានការដោះស្រាយខាងនយោបាយ នៅថ្ងៃទី២២ ខែកក្កដា ឆ្នាំ២០១៤ តុលាការក្រុងភ្នំពេញ ក៏បានធ្វើការដោះលែងតំណាងរាស្រ្ត ៥រូប និង សកម្មជនគណបក្សនេះ ២រូបផ្សេងទៀត។ ក្រោយពីព្រឹត្តិការណ៍ដោះលែងនេះខណៈពេលមានសភាពតានតឹងនៃការពិភាក្សាទៅលើច្បាប់ស្ដីពី ការកែទម្រង់គណៈកម្មការជាតិរៀបចំការបោះឆ្នោត សមាគមអាដហុកសង្កេតឃើញថា តុលាការក្រុងភ្នំពេញ បានធ្វើការចាប់ និង ឃុំខ្លួន សកម្មជនចំនួន១៨នាក់ ជាបន្តបន្ទាប់ ដែលក្នុងនោះមានសកម្មជនដីធ្លី និងសកម្មជនគណបក្សសង្គ្រោះជាតិ។
No comments:
Post a Comment