២៤ វិច្ឆិកា ២០១៩៖ ព្រះអង្គម្ចាស់ នរោត្តម ចក្រាវុឌ្ឍ ជួបជាមួយលោកញឹក ប៊ុនឆៃ អំពីការរួបរួម
ភ្នំពេញៈ ព្រះអង្គម្ចាស់ នរោត្តម ចក្រាវុឌ្ឍ ប្រធានស្តីទីហ៊្វុនស៊ិនប៉ិច បានជួបពិភាក្សាជាមួយលោកញឹក ប៊ុនឆៃ ប្រធានគណបក្សខ្មែររួបរួមជាតិ អំពីការបង្រួបបង្រួមគណបក្សរាជានិយមទាំងពីរទៅជាគណបក្សតែមួយក្រោមដំបូងហ៊្វុនស៊ិនប៉ិច។ ការជួបគ្នារវាងមេដឹកនាំគណបក្សទាំងពីរបានធ្វើឡើងកាលពីល្ងាចថ្ងៃទី២៤ ខែវិច្ឆិកា ឆ្នាំ២០១៩ នៅគេហដ្ឋានលោកញឹក ប៊ុនឆៃ ស្ថិតនៅផ្លូវកែវចិន្តា សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
លោកញឹក ប៊ុនឆៃ ប្រធានគណបក្សខ្មែររួបរួមជាតិ បានថ្លែងប្រាប់ក្រុមអ្នកកាសែតបន្ទាប់ពីចប់កិច្ចប្រជុំថា ការជជែកគ្នាផ្តោតលើលក្ខន្តិកៈ បទបញ្ជាផ្ទៃ ផ្លាកសញ្ញា និងរបៀបនៃការបញ្ចូលគ្នា ដោយមិនគិតកូតាទេ គឺយកគោលការណ៍មកដាក់ដោយមានប្រាំចំណុច រួមមានៈទី១.ការស្មោះត្រង់ជាមួយគណបក្ស និងស្មោះត្រង់ជាមួយសម្តេចក្រុមព្រះ នរោត្តម រណឫទ្ធិ ព្រះប្រធាន។ ទី២. អ្នកមានសមត្ថភាពដើម្បីដឹកនាំ។ ទី៣.អ្នកមានលទ្ធភាព។ ទី៤. ប្រជាប្រិយភាព និងសកម្មភាព និងទី៥. អ្នកមានជំហររួបរួម គឺមិនយកអ្នកដែលមិនមានជំហររួបរួមទេ បើយកមកវាអាចមានបញ្ហាទៀត។
លោកបានបញ្ជាក់ថា “ចំពោះក្បាលម៉ាស៊ីនដឹកនាំ ជាគោលការណ៍បានឯកភាពគ្នាថ្វាយសម្តេចក្រុមព្រះ គង់ជាព្រះប្រធានគណបក្ស។ ផ្លាកសញ្ញា គឺគណបក្សហ៊្វុនស៊ិនប៉ិច ប៉ុន្តែមានកែតិចតួចបាវចនា សង្ឃឹមថា ការរួបរួមគ្នាលើកនេះ គឺនឹងមិនមានការបែកបាក់គ្នាទៀតទេ ខិតខំរៀបចំក្បាលម៉ាស៊ីនឲ្យបានល្អ ពង្រឹងវិន័យ។ ការធ្វើសមាជផ្លូវនឹងធ្វើឆាប់ៗខាងមុខនេះ”។
សូមជម្រាបថា កាលពីរសៀលថ្ងៃទី២១ ខែវិច្ឆិកា ឆ្នាំ២០១៩ នៅដំណាក់វាលស្បូវ ខណ្ឌច្បារអំពៅ នៅក្នុងពិធីសំណេះសំណាលជាមួយសមាជិក សមាជិកាគណបក្សហ៊្វុនស៊ិនប៉ិច ព្រះអង្គម្ចាស់ នរោត្ដម ចក្រាវុឌ្ឍ ប្រធានស្តីទីគណបក្សហ៊្វុនស៊ិនប៉ិច បានមានបន្ទូលរម្លឹកទៅកាន់សមាជិកថា គណបក្សហ្វ៊ុនស៊ិនប៉ិច ឈ្នះឆ្នោតនៅឆ្នាំ១៩៩៣ ហើយខ្លាំង តែឡូវនេះបែកបាក់គ្នា ហេតុនេះសូមសមាជិកទាំងអស់គ្នារួមគ្នាធ្វើការ និងជួយគ្នា គឺគណបក្សហ្វ៊ុនស៊ិននឹងឈ្នះហើយ។ ហើយជួយធ្វើយ៉ាងម៉េចឲ្យគណបក្សហ៊្វុនស៊ិនប៉ិច មានកៅអីនៅក្នុងរដ្ឋសភា។
ព្រះអង្គម្ចាស់ នរោត្ដម ចក្រាវុឌ្ឍ មានបន្ទូលយ៉ាងដូច្នេះថា “កាលមុនយើងដូវជាគ្រួសារធំមួយចឹង យើងខ្លាំងមែនទែន ឆ្នាំ១៩៩៣ យើងឈ្នះឆ្នោត យើងខ្លាំងមែនទែន ឥឡូវនេះ មិនបាច់និយាយទេ ព្រោះយើងបែកបាក់គ្នា ចឹងបានឥឡូវនឹងខ្ញុំធ្វើម៉េចឲ្យគ្រប់គ្នា មកធ្វើការទៅមុខ ឲ្យតែយើងឈប់ឈ្លោះគ្នា ទៅមុខជាមួយគ្នា ធ្វើការជាមួយគ្នា ជួយគ្នា គឺយើងឈ្នះហើយ”។
ព្រះអង្គបានបន្តថា ព្រះអង្គមានព្រះទ័យសប្បាយចិត្តណាស់ដែលបានជួបសមាជិក សមាជិកាតាមបណ្តាខេត្តនិមួយៗ ហើយចំពោះខេត្តណាមានបញ្ហា គឺព្រះអង្គនឹងឲ្យក្រុមការងារជួយដោះស្រាយ។ ហើយប៉ុន្មានឆ្នាំមកនេះ ព្រះអង្គមិនសូវរវល់ទេ បានជាលើកនេះ ព្រះអង្គសូមឲ្យក្រុមការងារជួយខេត្តនិមួយៗ ដើម្បីឲ្យទទួលបានកៅអីនៅក្នុងរដ្ឋសភានាពេលខាងមុខ។ សមាជិកទាំងអស់ត្រូវរួបរួមគ្នាឡើងវិញដើម្បីជាតិ និងរបបរាជានិយម សីហនុនិយម ខណៈដែលគណបក្សហ៊្វុនស៊ិនប៉ិចមានការធ្លាក់ចុះជាបន្តបន្ទាប់ដោយសារតែការបែក បាក់គ្នានិងគិតតែផលប្រយោជន៍រៀងៗខ្លួន។ ត្រូវតែខិតខំធ្វើយ៉ាងណាឲ្យគណបក្សហ៊្វុនស៊ិនប៉ិចមានការគាំទ្រ និង ជឿទុកចិត្តពីប្រជាពលរដ្ឋឡើងវិញ ហើយក្រោមការដឹកនាំផ្ទាល់របស់ព្រះអង្គព្រះអង្គរំពឹងថា គណបក្សនេះនឹងមានសម្លេងឡើងវិញផងដែរ នៅក្នុងរដ្ឋសភានាពេលបោះឆ្នោតខាងមុខនេះ។
គួរបញ្ជាក់ថា ការបង្រួបបង្រួមរវាងគណបក្សរាជានិយមទាំងពីរនេះ បានកើតឡើងបន្ទាប់ពីជំនួបរវាងសម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច ជាមួយលោកញឹក ប៊ុនឆៃ ប្រធានគណបក្សខ្មែររួបរួមជាតិ ចំនួនបួនលើក គឺនៅថ្ងៃទី១៣-១៨-២៤ ខែតុលា ឆ្នាំ២០១៩ នៅដំណាក់វាលស្បូវ។ ហើយលើកទី៤ កាលពីថ្ងៃទី៣០ ខែតុលា ឆ្នាំ២០១៩ សម្តេចក្រុមព្រះ និងលោកញឹក ប៊ុនឆៃ និងជំនួបជាច្រើនដងទៀត។ ដោយនៅក្នុងជំនួបសម្តេចក្រុមព្រះមានគំនិតផ្តួចផ្តើមឲ្យមានការបង្រួបបង្រួមអ្នករាជានិយម និងអ្នកសីហនុនិយមឡើងវិញ៕
គណបក្សខ្មែររួបរួមជាតិធ្វើសមាជប្ដូរឲ្យលោក ញឹក ប៊ុនឆៃ ដឹកនាំបក្សដូចការគ្រោងទុក គណបក្សខ្មែររួបរួមជាតិនៅតែបន្តគាំទ្រឲ្យលោក ញឹក ប៊ុនឆៃ ឲ្យដឹកនាំគណបក្សនេះតទៅទៀត។ មន្រ្តីគណបក្សសង្គ្រោះជាតិយល់ថា ការដែលលោក ញឹក ប៊ុនឆៃ អាចនៅក្រៅឃុំដឹកនាំគណបក្សបាន គឺមានការបើកដៃពីគណបក្សកាន់អំណាច ដើម្បីឲ្យលោក ញឹក ប៊ុនឆៃ មកលំអប្រជាធិបតេយ្យក្លែងក្លាយ ដែលគណបក្សនេះ កំពុងរៀបចំបន្លំភ្នែកពលរដ្ឋ និងអន្តរជាតិ។
ភ្នំពេញៈ ព្រះអង្គម្ចាស់ នរោត្តម ចក្រាវុឌ្ឍ ប្រធានស្តីទីហ៊្វុនស៊ិនប៉ិច បានជួបពិភាក្សាជាមួយលោកញឹក ប៊ុនឆៃ ប្រធានគណបក្សខ្មែររួបរួមជាតិ អំពីការបង្រួបបង្រួមគណបក្សរាជានិយមទាំងពីរទៅជាគណបក្សតែមួយក្រោមដំបូងហ៊្វុនស៊ិនប៉ិច។ ការជួបគ្នារវាងមេដឹកនាំគណបក្សទាំងពីរបានធ្វើឡើងកាលពីល្ងាចថ្ងៃទី២៤ ខែវិច្ឆិកា ឆ្នាំ២០១៩ នៅគេហដ្ឋានលោកញឹក ប៊ុនឆៃ ស្ថិតនៅផ្លូវកែវចិន្តា សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
លោកញឹក ប៊ុនឆៃ ប្រធានគណបក្សខ្មែររួបរួមជាតិ បានថ្លែងប្រាប់ក្រុមអ្នកកាសែតបន្ទាប់ពីចប់កិច្ចប្រជុំថា ការជជែកគ្នាផ្តោតលើលក្ខន្តិកៈ បទបញ្ជាផ្ទៃ ផ្លាកសញ្ញា និងរបៀបនៃការបញ្ចូលគ្នា ដោយមិនគិតកូតាទេ គឺយកគោលការណ៍មកដាក់ដោយមានប្រាំចំណុច រួមមានៈទី១.ការស្មោះត្រង់ជាមួយគណបក្ស និងស្មោះត្រង់ជាមួយសម្តេចក្រុមព្រះ នរោត្តម រណឫទ្ធិ ព្រះប្រធាន។ ទី២. អ្នកមានសមត្ថភាពដើម្បីដឹកនាំ។ ទី៣.អ្នកមានលទ្ធភាព។ ទី៤. ប្រជាប្រិយភាព និងសកម្មភាព និងទី៥. អ្នកមានជំហររួបរួម គឺមិនយកអ្នកដែលមិនមានជំហររួបរួមទេ បើយកមកវាអាចមានបញ្ហាទៀត។
លោកបានបញ្ជាក់ថា “ចំពោះក្បាលម៉ាស៊ីនដឹកនាំ ជាគោលការណ៍បានឯកភាពគ្នាថ្វាយសម្តេចក្រុមព្រះ គង់ជាព្រះប្រធានគណបក្ស។ ផ្លាកសញ្ញា គឺគណបក្សហ៊្វុនស៊ិនប៉ិច ប៉ុន្តែមានកែតិចតួចបាវចនា សង្ឃឹមថា ការរួបរួមគ្នាលើកនេះ គឺនឹងមិនមានការបែកបាក់គ្នាទៀតទេ ខិតខំរៀបចំក្បាលម៉ាស៊ីនឲ្យបានល្អ ពង្រឹងវិន័យ។ ការធ្វើសមាជផ្លូវនឹងធ្វើឆាប់ៗខាងមុខនេះ”។
សូមជម្រាបថា កាលពីរសៀលថ្ងៃទី២១ ខែវិច្ឆិកា ឆ្នាំ២០១៩ នៅដំណាក់វាលស្បូវ ខណ្ឌច្បារអំពៅ នៅក្នុងពិធីសំណេះសំណាលជាមួយសមាជិក សមាជិកាគណបក្សហ៊្វុនស៊ិនប៉ិច ព្រះអង្គម្ចាស់ នរោត្ដម ចក្រាវុឌ្ឍ ប្រធានស្តីទីគណបក្សហ៊្វុនស៊ិនប៉ិច បានមានបន្ទូលរម្លឹកទៅកាន់សមាជិកថា គណបក្សហ្វ៊ុនស៊ិនប៉ិច ឈ្នះឆ្នោតនៅឆ្នាំ១៩៩៣ ហើយខ្លាំង តែឡូវនេះបែកបាក់គ្នា ហេតុនេះសូមសមាជិកទាំងអស់គ្នារួមគ្នាធ្វើការ និងជួយគ្នា គឺគណបក្សហ្វ៊ុនស៊ិននឹងឈ្នះហើយ។ ហើយជួយធ្វើយ៉ាងម៉េចឲ្យគណបក្សហ៊្វុនស៊ិនប៉ិច មានកៅអីនៅក្នុងរដ្ឋសភា។
ព្រះអង្គម្ចាស់ នរោត្ដម ចក្រាវុឌ្ឍ មានបន្ទូលយ៉ាងដូច្នេះថា “កាលមុនយើងដូវជាគ្រួសារធំមួយចឹង យើងខ្លាំងមែនទែន ឆ្នាំ១៩៩៣ យើងឈ្នះឆ្នោត យើងខ្លាំងមែនទែន ឥឡូវនេះ មិនបាច់និយាយទេ ព្រោះយើងបែកបាក់គ្នា ចឹងបានឥឡូវនឹងខ្ញុំធ្វើម៉េចឲ្យគ្រប់គ្នា មកធ្វើការទៅមុខ ឲ្យតែយើងឈប់ឈ្លោះគ្នា ទៅមុខជាមួយគ្នា ធ្វើការជាមួយគ្នា ជួយគ្នា គឺយើងឈ្នះហើយ”។
ព្រះអង្គបានបន្តថា ព្រះអង្គមានព្រះទ័យសប្បាយចិត្តណាស់ដែលបានជួបសមាជិក សមាជិកាតាមបណ្តាខេត្តនិមួយៗ ហើយចំពោះខេត្តណាមានបញ្ហា គឺព្រះអង្គនឹងឲ្យក្រុមការងារជួយដោះស្រាយ។ ហើយប៉ុន្មានឆ្នាំមកនេះ ព្រះអង្គមិនសូវរវល់ទេ បានជាលើកនេះ ព្រះអង្គសូមឲ្យក្រុមការងារជួយខេត្តនិមួយៗ ដើម្បីឲ្យទទួលបានកៅអីនៅក្នុងរដ្ឋសភានាពេលខាងមុខ។ សមាជិកទាំងអស់ត្រូវរួបរួមគ្នាឡើងវិញដើម្បីជាតិ និងរបបរាជានិយម សីហនុនិយម ខណៈដែលគណបក្សហ៊្វុនស៊ិនប៉ិចមានការធ្លាក់ចុះជាបន្តបន្ទាប់ដោយសារតែការបែក បាក់គ្នានិងគិតតែផលប្រយោជន៍រៀងៗខ្លួន។ ត្រូវតែខិតខំធ្វើយ៉ាងណាឲ្យគណបក្សហ៊្វុនស៊ិនប៉ិចមានការគាំទ្រ និង ជឿទុកចិត្តពីប្រជាពលរដ្ឋឡើងវិញ ហើយក្រោមការដឹកនាំផ្ទាល់របស់ព្រះអង្គព្រះអង្គរំពឹងថា គណបក្សនេះនឹងមានសម្លេងឡើងវិញផងដែរ នៅក្នុងរដ្ឋសភានាពេលបោះឆ្នោតខាងមុខនេះ។
គួរបញ្ជាក់ថា ការបង្រួបបង្រួមរវាងគណបក្សរាជានិយមទាំងពីរនេះ បានកើតឡើងបន្ទាប់ពីជំនួបរវាងសម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច ជាមួយលោកញឹក ប៊ុនឆៃ ប្រធានគណបក្សខ្មែររួបរួមជាតិ ចំនួនបួនលើក គឺនៅថ្ងៃទី១៣-១៨-២៤ ខែតុលា ឆ្នាំ២០១៩ នៅដំណាក់វាលស្បូវ។ ហើយលើកទី៤ កាលពីថ្ងៃទី៣០ ខែតុលា ឆ្នាំ២០១៩ សម្តេចក្រុមព្រះ និងលោកញឹក ប៊ុនឆៃ និងជំនួបជាច្រើនដងទៀត។ ដោយនៅក្នុងជំនួបសម្តេចក្រុមព្រះមានគំនិតផ្តួចផ្តើមឲ្យមានការបង្រួបបង្រួមអ្នករាជានិយម និងអ្នកសីហនុនិយមឡើងវិញ៕
គណបក្សខ្មែររួបរួមជាតិធ្វើសមាជប្ដូរឲ្យលោក ញឹក ប៊ុនឆៃ ដឹកនាំបក្សដូចការគ្រោងទុក គណបក្សខ្មែររួបរួមជាតិនៅតែបន្តគាំទ្រឲ្យលោក ញឹក ប៊ុនឆៃ ឲ្យដឹកនាំគណបក្សនេះតទៅទៀត។ មន្រ្តីគណបក្សសង្គ្រោះជាតិយល់ថា ការដែលលោក ញឹក ប៊ុនឆៃ អាចនៅក្រៅឃុំដឹកនាំគណបក្សបាន គឺមានការបើកដៃពីគណបក្សកាន់អំណាច ដើម្បីឲ្យលោក ញឹក ប៊ុនឆៃ មកលំអប្រជាធិបតេយ្យក្លែងក្លាយ ដែលគណបក្សនេះ កំពុងរៀបចំបន្លំភ្នែកពលរដ្ឋ និងអន្តរជាតិ។
ដូចការគ្រោងទុក គណបក្សខ្មែររួបរួមជាតិបានធ្វើសមាជនៅផ្ទះរបស់លោក ញឹក ប៊ុនឆៃ ស្ថិតនៅសង្កាត់ជ្រោយចង្វា ក្រុងភ្នំពេញ ព្រឹកថ្ងៃទី៩ ខែមិថុនា សម្រេចឲ្យលោក ញឹក ប៊ុនឆៃ ធ្វើជាប្រធានគណបក្សនេះដដែល។ ការប្រគល់ជោគវាសនាគណបក្សខ្មែររួបរួមជាតិឲ្យលោក ញឹក ប៊ុនឆៃ ដឹកនាំនេះ ធ្វើឡើងក្រោយពេលដែលលោកត្រូវបានតុលាការដោះលែង កាលពីថ្ងៃទី១ ខែឧសភា។
មន្ត្រីផ្នែកអង្កេតជាន់ខ្ពស់របស់អង្គការ ខុមហ្រែល (COMFREL) លោក កន សាវាង្ស ដែលធ្វើការងារទាក់ទងការបោះឆ្នោតយល់ថា ករណីលោក ញឹក ប៊ុនឆៃ គឺមិនទាន់មានការចោទប្រកាន់ជាផ្លូវការពីតុលាការទេ ហើយក៏មិនទាន់បានកាត់ទោសនៅឡើយដែរ។ ដូច្នេះ បើផ្អែកតាមច្បាប់បោះឆ្នោត គឺលោក ញឹក ប៊ុនឆៃ អាចចូលរួមធ្វើនយោបាយបាន។ ជាងនេះទៀត មន្ត្រីសង្គមស៊ីវិលរូបនេះយល់ថា សូម្បីករណីលោក កឹម សុខា ដែលតុលាការមិនទាន់សម្រេចថា លោកមានទោសនោះ គឺលោក កឹម សុខា ក៏អាចចូលរួមធ្វើនយោបាយបានដែរ ដោយមិនត្រូវកាត់ផ្ដាច់សិទ្ធិធ្វើនយោបាយរបស់លោក កឹម សុខា នោះទេ៖ «កន្លងមកគ្រាន់តែជាការឃុំខ្លួនបណ្ដោះអាសន្ន គ្មានការចោទប្រកាន់ច្បាស់លាស់នៅឡើយទេ គឺជាការស៊ើបអង្កេត។ អ៊ីចឹងហើយចំណុចនេះ បើផ្អែកលើច្បាប់បោះឆ្នោត គាត់ (លោក ញឹក ប៊ុនឆៃ) នៅតែមានសិទ្ធិធ្វើនយោបាយ ហើយលោក កឹម សុខា ក៏អ៊ីចឹងដែរ»។
លោក ញឹក ប៊ុនឆៃ ត្រូវបានរបបលោក ហ៊ុន សែន ចាប់ខ្លួនកាលពីថ្ងៃទី៣ សីហា ឆ្នាំ២០១៧ ដោយសង្ស័យថា បានជាប់ពាក់ព័ន្ធនិងបទល្មើសគ្រឿងញៀនមួយកាលពី ១០ឆ្នាំមុន នៅភ្នំស្រួច ខេត្តកំពង់ស្ពឺ។ ប៉ុន្តែក្រោយពេលរបបលោក ហ៊ុន សែន រំលាយគណបក្សសង្គ្រោះជាតិចោល ចៅក្រមសាលាដំបូងរាជធានីភ្នំពេញ លោក លី លីបម៉េង បានចេញដីកាបង្គាប់ឲ្យដោះលែងលោក ញឹក ប៊ុនឆៃ ឲ្យនៅក្រៅឃុំជាបណ្ដោះអាសន្ន កាលពីថ្ងៃទី៣០ ខែមេសា។
អាស៊ីសេរីមិនអាចទាក់ទង លោក ញឹក ប៊ុនឆៃ ដើម្បីសួរពីបញ្ហានេះបន្ថែមបាននៅឡើយទេ នៅថ្ងៃទី៩ មិថុនា។
មន្ត្រីជាន់ខ្ពស់គណបក្សសង្គ្រោះជាតិ លោក ហ៊ីង សុខសាន្ត យល់ថា ការដោះលែង និងលើកបន្តុបលោក ញឹក ប៊ុនឆៃ ឲ្យដឹកនាំគណបក្សខ្មែររួបរួមជាតិជាថ្មីនេះ គឺមានការបើកភ្លើងខៀវពីគណបក្សប្រជាជនកម្ពុជា។ លោកយល់ថា គណបក្សកាន់អំណាចថែមទាំងហ៊ានឲ្យគណបក្សនេះទទួលបានកៅអីមួយ ឬពីរនៅក្នុងសភាថែមទៀតផង ដើម្បីឲ្យលំអលទ្ធិប្រជាធិបតេយ្យក្លែងក្លាយដែលគណបក្សប្រជាជនកម្ពុជាកំពុងរៀបចំ៖ «ទោះបីតុលាការឲ្យនៅក្រៅឃុំ គាត់នៅមានទោសនៅឡើយទេតើ។ គណបក្សទាំងអស់នេះ អាចជាសួនលំអប្រជាធិបតេយ្យសម្រាប់ការបោះឆ្នោតក្លែងក្លាយ»។
គណបក្សខ្មែររួបរួមជាតិរបស់លោក ញឹក ប៊ុនឆៃ គឺជាគណបក្សមួយក្នុងចំណោមគណបក្សទាំង ២០ ដែលចូលរួមប្រកួតប្រជែងការបោះឆ្នោតថ្ងៃទី២៩ ខែកក្កដាខាងមុខ។ ប្រធានចលនាសង្គ្រោះជាតិ លោក សម រង្ស៊ី ហៅគណបក្សចាស់ និងគណបក្សថ្មីដែលគ្មានសំឡេងឆ្នោតនៅក្នុងសភា គឺជាគណបក្សអំពិលអំពែក ដែលចូលរួមការបោះឆ្នោតនេះ គ្រាន់តែលំអគណ បក្សកាន់អំណាចប៉ុណ្ណោះ៕
សូមជម្រាបថា លោក ញឹក ប៊ុនឆៃ អតីតប្រធានគណបក្សខ្មែររួបរួមជាតិ ត្រូវបានដោះលែងចេញពីពន្ធនាគាររាជធានីភ្នំពេញ (PJ) កាលពីម៉ោងជិត៩យប់ ថ្ងៃទី៣០ ខែមេសា ឆ្នាំ២០១៨ កន្លងទៅ។ ការដោះលែងនេះ គឺបន្ទាប់លោក លី លឹមម៉េង ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាបង្គាប់ឲ្យដោះលែង កាលពីថ្ងៃទី៣០ ខែមេសា ឆ្នាំ២០១៨។
គួររំឭកថា លោក ញឹក ប៊ុនឆៃ ត្រូវបានចាប់ខ្លួនកាលពីថ្ងៃទី៣ ខែសីហា ឆ្នាំ២០១៧ ដោយជាប់ពាក់ព័ន្ធករណី ផលិតគ្រឿងញៀន ដែលបានប្រព្រឹត្តកាលពីឆ្នាំ២០០៧កន្លងទៅ នៅភូមិ១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ៕
គណបក្សខ្មែររួបរួមជាតិរបស់លោក ញឹក ប៊ុនឆៃ ប្រឈមនឹងការរំលាយចោល ខណៈដែលតុលាការចោទលោកថាមានពាក់ព័ន្ធនឹងបទល្មើសគ្រឿងញៀន ភ្នំពេញ —
ក្រោយពេលលោក ញឹក ប៊ុនឆៃ ប្រធានគណបក្សខ្មែររួបរួមជាតិ ត្រូវបានតុលាការចោទប្រកាន់តាមផ្លូវច្បាប់ និងបញ្ជូនទៅឃុំខ្លួនបណ្តោះអាសន្ននៅពន្ធនាគារពាក់ព័ន្ធនឹងបទល្មើសគ្រឿងញៀន អ្នកនាំពាក្យគណៈកម្មាធិការជាតិរៀបចំការបោះឆ្នោត និងអ្នកនាំពាក្យក្រសួងមហាផ្ទៃលើកឡើងថា គណបក្សខ្មែររួបរួមជាតិរបស់លោក ញឹក ប៊ុនឆៃ អាចនឹងត្រូវរំលាយចោល ប្រសិនបើប្រធានគណបក្សមួយនេះមិនលាលែងចេញពីតំណែងមុននឹងតុលាការរកឃើញពីទោសកំហុស។
គណបក្សខ្មែររួបរួមជាតិរបស់លោក ញឹក ប៊ុនឆៃ ប្រឈមនឹងការរំលាយចោល ប្រសិនបើលោក ញឹក ប៊ុនឆៃ ដែលទើបត្រូវបានតុលាការចោទប្រកាន់ពាក់ព័ន្ធនឹងបទល្មើសគ្រឿងញៀន មិនព្រមលាលែងចេញពីតំណែង មុនពេលដែលតុលាការរកឃើញថាលោកមានទោស។ នេះបើតាមអ្នកនាំពាក្យគណៈកម្មាធិការជាតិរៀបចំការបោះឆ្នោត។
លោក ញឹក ប៊ុនឆៃ អតីតមេបញ្ជាការយោធារបស់គណបក្សហ៊្វុនស៊ិនប៉ិច ដែលបច្ចុប្បន្នជាប្រធានគណបក្សខ្មែររួបរួមជាតិ ត្រូវបានសមត្ថកិច្ចឃាត់ខ្លួនយកទៅសួរចម្លើយ តាមដីកាបង្គាប់ឲ្យនាំខ្លួនរបស់លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ កាលពីថ្ងៃព្រហស្បតិ៍កន្លងទៅ។ បន្ទាប់ពីការឃាត់ខ្លួន និងសួរចម្លើយទាំងថ្ងៃចុងសប្តាហ៍នោះ តុលាការរាជធានីភ្នំពេញ បានសម្រេចចោទប្រកាន់ លោក ញឹក ប៊ុនឆៃ ជាផ្លូវការពី «បទសមគំនិតក្នុងបទផលិតគ្រឿងញៀន និងនាំចូលសារធាតុសម្រាប់ផ្សំគ្រឿងញៀន» ក្នុងសំណុំរឿងជួញដូរគ្រឿងញៀនកាលពី១០ឆ្នាំមុន ហើយបញ្ជូនរូបលោកទៅឃុំខ្លួនបណ្តោះអាសន្ននៅពន្ធនាគារ កាលពីថ្ងៃអាទិត្យម្សិលមិញ។
លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) ប្រាប់ VOA នៅថ្ងៃចន្ទនេះថា បើតាមច្បាប់ស្តីពីគណបក្សនយោបាយដែលទើបតែធ្វើវិសោធនកម្ម គណបក្សខ្មែររួបរួមជាតិរបស់លោក ញឹក ប៊ុនឆៃ អាចនឹងត្រូវរំលាយចោល ប្រសិនបើតុលាការរកឃើញថា លោកមានទោស និងប្រកាសសាលក្រមស្ថាពរ។ លោកបន្ថែមថា គណបក្សរបស់លោក ញឹក ប៊ុនឆៃ នឹងអាចរួចផុតពីការរំលាយ ប្រសិនបើគណបក្សនោះបានរៀបចំការផ្លាស់ប្តូរប្រធានគណបក្សត្រឹមត្រូវតាមច្បាប់។
«ប្រសិនបើតុលាការមានសាលក្រមស្ថាពរ សាលក្រមស្ថាពរនេះបានន័យថា តុលាការកំពូលសម្រេចដាក់ទោស ឬក៏ផ្តន្ទាទោសយ៉ាងណានោះ គឺត្រូវអនុវត្តទៅតាមច្បាប់ស្តីពីគណបក្សនយោបាយ បូកនឹងវិសោធនកម្មដែលសភាទើបតែបញ្ចប់នាពេលថ្មីៗនេះ។ មុនពេលដែលសាលក្រមជាស្ថាពរ ប្រហែលជាគណបក្សគាត់អាចដោះដូរមេដឹកនាំអីអញ្ចឹងទៅគណបក្សនោះអាចផុតពីការដែលត្រូវរំលាយ»។
មាត្រាមួយចំនួននៃវិសោធនកម្មច្បាប់ស្តីពីគណបក្សនយោបាយ ដែលបានស្នើជាលើកទីមួយ កាលពីប៉ុន្មានខែមុន ដោយក្រុមតំណាងរាស្រ្តគណបក្សកាន់អំណាច បានកំណត់ថា ប្រធាន ឬអនុប្រធានគណបក្សនយោបាយ ត្រូវតែជាជនគ្មានទោសពៃរ៍។ វិសោធនកម្មច្បាប់ដែលបានចូលជាធរមាននាពេលនោះ បានបើកផ្លូវឲ្យក្រសួងមហាផ្ទៃ និងតុលាការកំពូល អាចផ្អាក ឬរំលាយគណបក្សនយោបាយណាមួយចោលប្រសិនបើក្រសួងរកឃើញថា គណបក្សនយោបាយនោះបំពានលើមាត្រាណាមួយនៃច្បាប់ថ្មីនេះ។
ស្រដៀងនឹងការលើកឡើងរបស់អ្នកនាំពាក្យ គ.ជ.ប ដែរ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃមានប្រសាសន៍ថា លក្ខខណ្ឌដែលអាចជៀសផុតពីការរំលាយគណបក្សខ្មែររួបរួមជាតិបាន លុះត្រាតែលោក ញឹក ប៊ុនឆៃ មិនមែនជាប្រធានគណបក្សនោះតទៅទៀត មុននឹងតុលាការសម្រេចថា លោក ញឹក ប៊ុនឆៃ មានទោស។
«លាលែងឲ្យស្រឡះបណ្តោយទៅ កុំឲ្យពាក់ព័ន្ធគណបក្សទៀត ឬក៏គណបក្សបណ្តេញរូបគាត់ចេញទៅ។ វាជាឧទាហរណ៍របស់ពូទេ គ្រាន់យោបល់របស់ពូផ្ទាល់មិនឆ្លុះបញ្ចាំងពីជំហររបស់ក្រសួងទេ។ ឧទារណ៍ថា គណបក្សគាត់ដេញគាត់ចេញទៅ គាត់អត់មានប៉ះពាល់ ជ្រើសរើសប្រធានបក្សអីមួយទៀតទៅ។ ប៉ុន្តែទោះយ៉ាងណាក៏ដោយ ត្រូវធ្វើឲ្យស្របតាមលក្ខខន្តិកៈបក្សដែលដាក់តម្កល់នៅក្រសួង»។
នាយឧត្តមសេនីយ៍ ខៀវ សុភ័គ បន្ថែមថា លទ្ធផលចុងក្រោយរបស់គណបក្សខ្មែររួបរួមជាតិ នឹងអាចកំណត់បានជាក់លាក់ លុះត្រាតែមានការសម្រេចរបស់តុលាការជាមុន។
VOA មិនអាចទាក់ទងមន្រ្តីជាន់ខ្ពស់ និងអ្នកនាំពាក្យគណបក្សខ្មែររួបរួមជាតិ ដើម្បីសុំអធិប្បាយបានទេនាថ្ងៃចន្ទនេះ។
ពាក់ព័ន្ធនឹងសំណុំរឿងនៃការឃាត់ខ្លួន លោក ញឹក ប៊ុនឆៃ នេះ លោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃអាទិត្យ បានចេញសេចក្ដីថ្លែងការណ៍មួយបញ្ជាក់ថា បន្ទាប់ពីទទួលសំណុំរឿង និងដំណើរការកិច្ចពិភាក្សាដេញដោលចំពោះមុខរួមទាំងពិនិត្យឯកសារនានាក្នុងសំណុំរឿង ចៅក្រមស៊ើបសួរបានសម្រេចឃុំខ្លួនលោក ញឹក ប៊ុនឆៃ ជាបណ្តោះអាសន្ននៅមណ្ឌលឃុំខ្លួនដើម្បីចាត់ការបន្តតាមនីតិវិធី។
យោងសេចក្តីថ្លែងការណ៍របស់អយ្យការសាលាដំបូងរាជធានីភ្នំពេញឲ្យដឹងថា សំណុំរឿងបង្ក្រាបគ្រឿងញៀនដ៏ធំកាលពីជាង១០ឆ្នាំមុន គឺតាំងខែមេសា ឆ្នាំ២០០៧ នៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដែលមានជនជាប់ចោទជនជាតិខ្មែរ ចិន ថៃ កំពុងជាប់ពន្ធនាគារម្នាក់ ២៥ឆ្នាំនោះ គឺមានអ្នកពាក់ព័ន្ធផ្សេងទៀតដែលក្នុងនោះក៏មានលោក ញឹក ប៊ុនឆៃ ប្រធានគណបក្សខ្មែររួបរួមជាតិផងដែរ។ លោកសរសេរបន្ថែមក្នុងសេចក្តីថ្លែងការណ៍នោះថា ទណ្ឌិត ជា ជុង ដែលធ្លាប់ជាទីប្រឹក្សារបស់លោក ញឹក ប៊ុនឆៃ បានផ្ញើលិខិតមួយច្បាប់ចុះថ្ងៃទី៣១ ខែកក្កដា ទៅអគ្គនាយកដ្ឋានពន្ធនាគារដើម្បី«សុំស្វែងរកយុត្តិធម៌ និងបរិហារឡើងវិញនូវសំណុំរឿងគ្រឿងញៀននេះ»។
សេចក្តីថ្លែងការណ៍ដដែលនោះសរសេរបន្ថែមក្នុងន័យដើមថា៖
ផ្អែកលើការបរិហាររបស់ទណ្ឌិតឈ្មោះ ជា ជុង ឯកសារ និងភ័ស្តុតាងនៅក្នុងសំណុំរឿងព្រមទាំងបន្ទាប់ពីស្រាវជ្រាវករណីនេះអយ្យការអមសាលាដំបូងរាជធានីភ្នំពេញបានរកឃើញតម្រុយបទល្មើសលើឈ្មោះ ញឹក ប៊ុនឆៃ ពាក់ព័ន្ធនឹងសំណុំរឿងគ្រឿងញៀនខាងលើ»។
អ្នកឃ្លាំមើលស្ថានការណ៍នយោបាយនៅកម្ពុជាលើកឡើងថា ករណីឃាត់ខ្លួនលោក ញឹក ប៊ុនឆៃ អាចពាក់ព័ន្ធនឹងល្បែងនយោបាយ ក្រោយពីលោក ញឹក ប៊ុនឆៃ ត្រូវបានគណបក្សកាន់អំណាចចោទថា មិនស្មោះត្រង់នឹងសម្ព័ន្ធភាពជាមួយគណបក្ស។ ទោះជាយ៉ាងណា ការលើកឡើងនេះត្រូវបានមន្រ្តីជាន់ខ្ពស់នៃក្រសួងមហាផ្ទៃច្រានចោល និងថា ការឃាត់ខ្លួនលោក ញឹក ប៊ុនឆៃ គឺកើតចេញពីករណីគ្រឿងញៀនសុទ្ធសាធ មិនពាក់ព័ន្ធនឹងរឿងនយោបាយណាមួយនោះទេ៕
គណបក្សខ្មែររួបរួមជាតិ បានរៀបចំរចនាសម្ព័ន្ធគណបក្សឡើងវិញ នៅ២៥រាជធានីខេត្ត នៅទូទាំងប្រទេស ក្រោយពីមានការចាប់ខ្លួនអតីតប្រធានគណបក្ស លោក ញឹក ប៊ុនឆៃ។ នេះជាលើកទីមួយ និងជាបន្តបន្ទាប់ ក្នុងការពង្រឹងរចនាសម្ព័ន្ធឡើងវិញ ក្រោយពីមានបញ្ហាមួយរយះកាលកន្លងមក និងដើម្បីត្រៀមលក្ខណះចូលរួមការបោះឆ្នោតជាតិនៅខែកក្កដា ឆ្នាំ២០១៨ ខាងមុខ។
ការប្រកាសសុពលភាពទៅលើរចនាសម្ព័ន្ធថ្មីរបស់គណបក្សខ្មែររួបរួមជាតិ បានចាប់ផ្តើមឡើងពីរាជធានីភ្នំពេញ កាលពីថ្ងៃទី ០៩ វិច្ឆិកា។ រចនាសម្ព័ន្ធថ្មីនោះរួមមាន ក្រុមការងារគណកម្មការប្រតិបត្តិ រាជធានី ខណ្ឌ សង្កាត់ទូទាំងរាជធានីភ្នំពេញ ដែលពិធីត្រូវបានធ្វើឡើងនៅទីស្នាក់ការកណ្តាលរបស់ខ្លួន ស្ថិតនៅសង្កាត់ជ្រោយចង្វា រាជធានីភ្នំពេញ។ ហើយជាបន្តបន្ទាប់មក គឺនៅខេត្តបន្ទាយមានជ័យ ខេត្តកំពង់ស្ពឺ និងខេត្តកំពង់ឆ្នាំង។ នេះបើតាមការបញ្ជាក់ពីលោក រុន មាត្រា អ្នកនាំពាក្យគណបក្សខ្មែររួបរួមជាតិ ប្រាប់វិទ្យុបារាំងអន្តរជាតិ RFI កាលពីថ្ងៃទី ១២ វិច្ឆិកា។ បើតាមអ្នកនាំពាក្យរូបនេះ គណបក្ស គ្រោងនឹងចុះប្រកាសសុពលភាពរចនាសម្ព័ន្ធគណបក្សជាថ្មីនៅ២៥រាជធានីខេត្តនៅទូទាំងប្រទេស ដើម្បីត្រៀមចូលរួមការបោះឆ្នោតជាតិនៅខែកក្កដា ឆ្នាំ ២០១៨ ខាងមុខ។
គួរជំរាបជូនថា គណបក្សខ្មែររួបរួមជាតិ អតីតជារបស់លោក ញឹក ប៊ុនឆៃ គឺជាគណបក្សទី០៣ បន្ទាប់ពីគណបក្សប្រជាជនកម្ពុជា និងគណបក្សសង្គ្រោះជាតិ ដែលឈ្នះបានកៅអីមេឃុំមួយនៅក្នុងខេត្តបន្ទាយមានជ័យ តាមរយៈការបោះឆ្នោតជ្រើសរើសក្រុមប្រឹក្សាឃុំ-សង្កាត់ កាលពីខែមិថុនា ឆ្នាំ ២០១៧ ។ ប៉ុន្តែ ក្រោយពីមានការចាប់ខ្លួនលោក ញឹក ប៊ុនឆៃ ពីបទពាក់ព័ន្ធការផលិតគ្រឿងញៀនដ៏ធំមួយនៅក្នុងខេត្តកំពង់ស្ពឺកាលពីឆ្នាំ២០០១មក បានធ្វើឲ្យរចនាសម្ព័ន្ធគណបក្សនេះរង្គោះរង្គើរឡើង។ ដោយក្នុងនោះ សមាជិកជាន់ខ្ពស់នៃគណបក្សនេះមួយចំនួន បានទៅចុះចូលជាមួយគណបក្សប្រជាជនកម្ពុជារបស់លោកនាយករដ្ឋមន្ត្រី ហ៊ុន សែន និងគណបក្សហ្វ៊ុនស៊ិនប៉ិចរបស់ព្រះអង្គម្ចាស់ នរោត្តម រណឬទ្ធិ ជាថ្នូនឹងការរក្សាមុខតំណែង និងតួនាទីរបស់ពួកគេ នៅក្នុងជួររដ្ឋាភិបាលកម្ពុជា។ លោក ញឹក ប៊ុនឆៃ នៅមុនពេលចាប់ខ្លួនកាលពីថ្ងៃទី ០៣ សីហា ពីបទពាក់ព័ន្ធគ្រឿងញៀននោះ ត្រូវបានព្រះមហាក្សត្រចេញព្រះរាជក្រឹត្យបញ្ចប់មុខតំណែងជាទីប្រឹក្សារាជរដ្ឋាភិបាលកម្ពុជា មានឋានៈស្មើឧបនាយករដ្ឋមន្ត្រី បន្ទាប់ពីលោកត្រូវបានចោទប្រកាន់ថា បានលួចទាក់ទងជាសំងាត់ ជាមួយគណបក្សសង្គ្រោះជាតិ នៅមុនមួយថ្ងៃ នៃការបោះឆ្នោតឃុំសង្កាត់កាលពីខែមិថុនាឆ្នាំ២០១៧ ។
ប៉ុន្តែយ៉ាងណាក៏ដោយ បច្ចុប្បន្នគណបក្សខ្មែររួបរួមជាតិ មានលោក សឹង្ហ គីរី ជាប្រធានជំនួសលោក ញឹក ប៊ុនឆៃ ដែលកំពុងជាប់ពន្ធនាគារ, លោក ទា ចំរ៉ាត់ ជាប្រធានកិត្តិយស និងលោក អ៊ុំ សុមន្ថា ជាអនុប្រធានគណបក្ស។ លោក សឹង្ហ គីរី ដែលជាប្រធានថ្មីនៃគណបក្សដែលបំបែកចេញពីគណបក្សហ្វ៊ុនស៊ិនប៉ិចរបស់ព្រះអង្គម្ចាស់ នរោត្តម រណឬទ្ធិ កាលពីខែកុម្ភៈ ឆ្នាំ ២០១៦នោះ រំពឹងទុកថា ការរៀបចំរចនាសម្ព័ន្ធថ្មីនៃគណបក្សរបស់លោក នឹងទទួលបានតំណែងសមាជិកក្រុមប្រឹក្សាឃុំសង្កាត់បន្ថែមទៀត ប្រសិនបើគណបក្សសង្គ្រោះជាតិ ត្រូវបានរំលាយ តាមរយៈសេចក្តីសម្រេចរបស់តុលាការកំពូល នៅថ្ងៃទី ១៦ វិច្ឆិកា ខាងមុខ៕ Source
Thursday, 01 January 2015 22:33 dap-cambodia គណបក្សរាជានិយម ចាប់ផ្តើមទំព័រថ្មីភ្នំពេញ៖ នៅថ្ងៃទី០១ ខែមករា ឆ្នាំ២០១៥នេះ គណបក្សរាជានិយម ដែលដឹកនាំដោយសម្តេចក្រុមព្រះ នរោត្តម រណប្ញទ្ធិនិងព្រះអង្គម្ចាស់ក្សត្រី នរោត្តម អរុណរស្មី ដែលជាបងប្អូនបង្កើត ម្តាយទីទៃពីគ្នា ព្រះអង្គទាំងទ្វេបានសព្វព្រះរាជហប្ញទ័យ យល់ព្រមឲ្យមានគណបក្សរាជានិយម តែមួយ នោះគឺគណបក្សរាជានិយម ហ៊្វុនស៊ិនប៉ិច ដែលជាស្នាព្រះហស្ថមិនអាចកាត់ថ្លៃបានរបស់សម្តេចព្រះបរម រតនកោដ្ឋ នរោត្តម សីហនុ ដែលឆ្លងតាមរយៈនៃ ហ៊្វុនស៉ិនប៉ិច នឹងរៀបចំសមាជវិសាមញ្ញ នៅថ្ងៃទី១៩ ខែមករា ឆ្នាំ២០១៥ខាងមុននេះ ដោយយាងសម្តេចក្រុមព្រះ នរោត្តម រណប្ញទ្ធិ ទៅគង់ជាព្រះប្រធាន។
យោងតាមលិខិតចុះថ្ងៃទី០១ ខែមករា ឆ្នាំ២០១៥ របស់ព្រះអង្គម្ចាស់ក្សត្រី នរោត្តម អរុណរស្មី ប្រធានគណបក្សហ្វ៊ិនស៊ិនប៉ិច និងលោក ញឹក ប៊ុនឆៃ អគ្គលេខាធិការ គណបក្ស បានសុំយាងសម្តេចក្រុមព្រះ នរោត្តម រណប្ញទ្ធិ មកគង់ជាព្រះប្រធានគណបក្ស ហ៊្វុនស៊ិនប៉ិច។ ចំណែកសម្តេចក្រុមព្រះ បច្ចុប្បន្នជាព្រះប្រធាន គណបក្សសង្គមរាជាធិបតេយ្យ នៅថ្ងៃទី០១ ខែមករា ឆ្នាំ២០១៥ដូចគ្នានេះដែរ បានឆ្លើយទៅនឹងថ្នាក់ដឹកនាំគណបក្សហ៊្វុនស៊ិនប៉ិច ដោយសព្វព្រះរាជហប្ញទ័យ ទទួលនូវការស្នើសុំយាងទៅគង់ ជាព្រះប្រធានគណបក្ស ហ៊្វុនស៊ិនប៉ិច ។
យោងតាមលិខិត របស់សម្តេចព្រះរាជបុត្រី អរុណរស្មី ដោយមានចុះហត្ថលេខាអមពីលោក ញឹក ប៊ុនឆៃ អគ្គលេខាធិការ គណបក្សផង បានមានព្រះសុវណ្ណីថា «សម្តេចក្រុមព្រះជាទីគោរពដ៏ខ្ពង់ខ្ពស់ ! យោងស្មារតីបង្រួបបង្រួមជាតិ អ្នករាជានិយម និងអ្នកសីហនុនិយម, យោងស្មារតីកិច្ចប្រជុំ គណៈកម្មាធិការគ្រប់គ្រង អចិន្រៃ្តយ៍ គណបក្សហ៊្វុនស៊ិនប៉ិច ថ្ងៃទី០១ ខែមករា ឆ្នាំ២០១៥។ ខ្ញុំម្ចាស់មានកិត្តិយស សូមទូលថ្វាយ សម្តេចក្រុមព្រះ មេត្តាជ្រាបថា គណបក្សហ៊្វុនស៊ិនប៉ិច សូមយាងសម្តេចក្រុមព្រះ នរោត្តម រណប្ញទ្ធិ មកធ្វើជាប្រធានគណបក្សហ៊្វុនស៉ិនប៉ិច។ ការជ្រើសតាំងជាផ្លូវការ សម្តេចក្រុមព្រះ ក្នុងតួនាទីខាងលើនេះ នឹងធ្វើតាមរយៈ សមាជគណបក្សហ៊្វុនស៉ិនប៉ិច នាពេលខាងមុននេះ»៕
នៅក្នុងលិខិតឆ្លើយតបថ្វាយ សម្តេចព្រះរាជបុត្រី នរោត្តម អារុណរស្មី និងលោក ញ៉ឹក ប៊ុនឆៃ នៅថ្ងៃទី០១ ខែមករា ឆ្នាំ២០១៥ ដដែល សម្តេចក្រុមព្រះ នរោត្តម រណប្ញទ្ធិ មានព្រះរាជបន្ទូលថា «ខ្ញុំបានទទួលរួច ហើយនូវលិខិតរបស់សម្តេច និងឯកឧត្តម ចុះថ្ងៃទី០១ ខែមករា ឆ្នាំ២០១៥ ស្តីពីការយាងខ្ញុំ មកធ្វើជាប្រធានគណបក្សហ្វ៊ិនស៊ិនប៉ិច។ ខ្ញុំមានមហាកិត្តិយស និងសេចក្តីរីករាយ យល់ព្រមមកធ្វើជាប្រធាន គណបក្សហ្វ៊ិនស៊ិនប៉ិច តាមសំណើររបស់សម្តេច និងឯកឧត្តម ដើម្បីបន្តដឹកនាំគណបក្សយើងឡើងវិញ» ៕
សូមបញ្ជាក់ថា សម្តេចក្រុមព្រះ នរោត្តម រណប្ញទ្ធិ គ្រោងរៀបចំសមាជគណបក្សរបស់ព្រះអង្គ នៅថ្ងៃទី១៩ ខែមករា ខាងមុខនេះ ដូច្នេះព្រោះតែស្ថានការណ៍នយោបាយ នៃគណបក្សរាជានិយមទាំងពីរ វិវឌ្ឍន៌លឿនដូចភ្នែកបន្ទរ ហើយរួមទាំងអ្នកវិភាគរកគិតមិនទាន់នោះ តាមទំនងប្រហែលជាយកថ្ងៃទី១៩នេះ សម្រាប់គណបក្សហ៊្វុនស៊ិនប៉ិច ក្នុងការរៀបចំសមាជវិសាមញ្ញា ដើម្បីយាងសម្តេចក្រុមព្រះ គង់ជាព្រះប្រធាន របស់គណបក្ស ហ៊្វុនស៊ិនប៉ិច ។ គណបក្ស ហ៊្វុនស៊ិនប៉ិច ជាស្នាព្រះហស្ថរបស់សម្តេចឪ នរោត្តម សីហនុ ដែលបានបង្កើតឡើងនៅទីក្រុង ព្យុងយ៉ាង កូរ៉េខាងជើង នាថ្ងៃទី១៨ ខែមីនា ឆ្នាំ១៩៨២ ។ នៅពេលនោះក្នុងនាមចលនា តស៊ូ។
នៅថ្ងៃទី២៧ ខែកុម្ភៈ ឆ្នាំ១៩៩២ ចលនាហ៊្វុនស៊ិនប៉ិចបានក្លាយទៅជាគណបក្ស តាមរយៈនៃការរៀបចំសមាជ នៅរំចង់ ខេត្តឧត្តរមានជ័យ អតីតតំបន់តស៊ូ នៅជាយដែន ដែលនៅពេលនោះ សម្តេចក្រុមព្រះ នរោត្តម រណប្ញទ្ធិ ត្រូវបានអង្គសមាជ បោះឆ្នោតថ្វាយជាព្រះប្រធាន។ នៅឆ្នាំ១៩៩៣ គណបក្ស ហ៊្វុនស៊ិនប៉ិច បានចូលរួមបោះឆ្នោត រៀបចំដោយអង្គការសហប្រជាជាតិ ទទួលបានអាសនៈ ៥៨ សម្តេចក្រុមព្រះបានក្លាយជានាយករដ្ឋមន្រ្តីទី១ នៅក្នុងការបោះឆ្នោតឆ្នាំ១៩៩៨ គណបក្សហ៊្វុនស៊ិនប៉ិច ទទួលបានអាសនៈ ៤៣ សម្តេចក្រុមព្រះ ក្លាយជាព្រះប្រធានរដ្ឋសភា នៅក្នុងការបោះឆ្នោតឆ្នាំ២០០៣ គណបក្សហ៊្វុនស៊ិនប៉ិច ទទួលបានអាសនៈ ២៦ សម្តេចក្រុមព្រះ ក៏នៅបន្តតំណែងជាព្រះប្រធានរដ្ឋសភា ។
នៅថ្ងៃទី១៩ ខែតុលា ឆ្នាំ២០០៦ យុគ្គសម័យកាល ខ្មៅងងឹត ដោយលាយឡំជាមួយខ្យល់ព្យុះវាយកម្ទេច គណបក្ស ហ៊្វុនស៊ិនប៉ិច ធ្វើឲ្យគណបក្សនេះធ្លាក់ទៅក្នុងពិភពអន្តកាល ពុះជ្រៀកទៅជា២ ហើយសម្តេចក្រុមព្រះ លែងជាព្រះប្រធានគណបក្ស ហ៊្វុនស៊ិនប៉ិច ចាប់ពីពេលនោះមក។
នៅមុនកាលបោះឆ្នោត ២០១៣ ថ្នាក់ដឹកនាំគណបក្សរាជានិយមទាំងពីរ បានព្យាយាមបង្រួបបង្រួម រហូតបានចុះកិច្ចព្រមព្រៀង នៅខែមេសា ឆ្នាំ២០១២ ដោយក្នុងនោះព្រះអង្គ នរោត្តម រណប្ញទ្ធិ ដែលពេលនោះ សម្តេចក្រុមព្រះ គ្រោងនឹងយាងទៅជាព្រះប្រធានគណបក្ស ហ៊្វុនស៊ិនប៉ិច ម្តងរួចទៅហើយ ប៉ុន្តែដោយសារពពកខ្មៅ មិនទាន់រលត់អស់
ទើបអ្នកទាំងពីររស់នៅ កណ្តោចកណ្តែងទីទៃពីគ្នា ។ ប៉ុន្តែចូលមកដល់ថ្ងៃទី០១ ខែមករា ឆ្នាំ២០១៥ នេះ ទើបពន្លឺព្រះច័ន្ទ បានបញ្ចេញរស្មីឡើងវិញ ធ្វើឲ្យបងប្អូនអ្នករាជានិយមទាំងពីរ រួបរួមគ្នា ចាប់ពីពេលនេះតទៅ ដែលយើងអាចនិយាយថា រាត្រីថ្ងៃព្រហស្បតិ័ ទី០១ ខែមករា ឆ្នាំ២០១៥ ជារាត្រីដ៏មានន័យ មហាត្រចេះត្រចង់ដែលបងប្អូនរាជានិយមទាំងពីរ បានបញ្ចប់នូវភាពឈឺចាប់៕
លោក ញ៉ឹក ប៊ុនឆៃ កើតនៅថ្ងៃទី៧ ខែកុម្ភៈ ឆ្នាំ១៩៥៨ ក្នុងគ្រួសារកសិករមួយនៅភូមិតាអុងខាងលិច ឃុំស្វាយចេក ស្រុកថ្មពួក ខេត្តបន្ទាយមានជ័យ ។ លោកមានឪពុកជាជាងឈើ និងម្ដាយជាកសិករ ។ លោក ញឹក ប៊ុនឆៃ បានរៀបការភរិយាទី១នៅក្នុងរបបខ្មែរក្រហមនិងមានកូនស្រីម្នាក់ ។ តែ ក្រោយប្រពន្ធដើមស្លាប់លោកបានរៀបការភរិយាទីពីរនៅឆ្នាំ១៩៧៩ និងលោក ញ៉ឹក ប៊ុនឆៃ កើតនៅថ្ងៃទី៧ ខែកុម្ភៈ ឆ្នាំ១៩៥៨ ក្នុងគ្រួសារកសិករមួយនៅភូមិតាអុងខាងលិច ឃុំស្វាយចេក ស្រុកថ្មពួក ខេត្តបន្ទាយមានជ័យ ។ លោកមានឪពុកជាជាងឈើ និងម្ដាយជាកសិករ ។ លោក ញឹក ប៊ុនឆៃ បានរៀបការភរិយាទី១នៅក្នុងរបបខ្មែរក្រហមនិងមានកូនស្រីម្នាក់ ។ តែ ក្រោយប្រពន្ធដើមស្លាប់លោកបានរៀបការភរិយាទីពីរនៅឆ្នាំ១៩៧៩ និងមានកូនស្រីម្នាក់ទៀត ។ លោកបានសិក្សាចប់ត្រឹមថ្នាក់ខ្ពស់បំផុតនៃថ្នាក់ទំនើបជាតិ នៅមុនឆ្នាំ១៩៧៥ ។ ក្នុងខែកុម្ភៈ ឆ្នាំ១៩៨៥ លោក ញឹក ប៊ុនឆៃ បានទៅរៀនសាលានាយទាហានថ្នាក់សេនាធិការ ប្រទេសថៃ និងក្រោយមករៀននៅសាលានាយទានហានជាន់ខ្ពស់នៅប្រទេសថៃ ។ លោក ញឹក ប៊ុនឆៃ ចូលចិត្តអានសៀវភៅស្តីពីរបបកុម្មុយនីស្ត តែគ្មានសុបិនចង់ក្លាយជាអ្នកនយោបាយទេ ប៉ុន្តែ កាលៈទេសៈបានទាញលោកឱ្យចូលពាក់ព័ន្ធនឹងដំណោះស្រាយវិបត្តិប្រទេសជាតិ។
នៅអាយុរវាង២០ឆ្នាំ លោក ញឹក ប៊ុនឆៃ ចាប់ផ្ដើមចូលធ្វើទាហានខ្មែរក្រហមនៅដើមឆ្នាំ១៩៧៦ ដោយគ្មានការបណ្ដុះបណ្ដាលទេ គឺគ្រាន់តែបំពាក់អាវុធជាមួយកងកម្លាំងប្រដាប់អាវុធដែលបានជ្រើសរើស៥០០នាក់ទៀត នៅក្នុងភូមិកំណើតលោកប៉ុណ្ណោះ ។ ក្នុងអំឡុងខែមីនា ឆ្នាំ១៩៧៦ លោកបានរត់ចេញពីភូមិកំណើតនៅឆ្នាំនោះ បន្ទាប់ពីបានឃើញឈ្មោះនៅក្នុងបញ្ជីដែលត្រូវយកទៅសម្លាប់ ។ ក្នុងខែមីនា ឆ្នាំ១៩៧៦ដដែល លោកជាប់ពន្ធនាគារនៅបន្ទាយទាហានអារញ្ញប្រថេតប្រទេសថៃ រយៈពេល៤ខែ ។
នៅចន្លោះឆ្នាំ១៩៧៦ និងឆ្នាំ១៩៧៨ លោករស់នៅក្នុងចម្ការដំឡូងនិងមានការបណ្ដុះបណ្ដាលយោធានៅប្រទេស ថៃពីអ្នកជំនាញបារាំងនិងអង់គ្លេស ។ នៅពេលនោះ លោកបានធ្វើដំណើរជាមួយយុទ្ធមិត្តទៅកាន់កន្លែងប្រយុទ្ធចំនួន២០កន្លែង ជាប់ព្រំដែនប្រទេសប៉ាគីស្ថាន និងប្រទេសអាហ្វហ្គានីស្ថាន និងកងកម្លាំងតស៊ូប្រដាប់អាវុធការ៉ែន នៅមីយ៉ាន់ម៉ា សម្រាប់ជាសមយុទ្ធជាក់ស្ដែងរយៈពេលជាច្រើនខែ ។ លោកបានត្រឡប់មកព្រំដែនកម្ពុជា-ថៃវិញនៅថ្ងៃទី១ ខែមករា ឆ្នាំ១៩៧៩ ដើម្បីបង្កើតកងកម្លាំងតស៊ូប្រដាប់អាវុធវាយកងទ័ពវៀតណាម ដែលកំពុងឈ្លានពានកម្ពុជា ។ កម្លាំងតស៊ូដែលមានគ្នា៧នាក់ អាវុធ២ដើម នៅមុខភូមិណងម៉ាកម៉ុនរបស់ថៃ ខាងលិចភូមិយាងដង្គំរបស់ខែ្មរ ក្បែរបង្គោលឡាក់ លេខ៤៣ ដែលហៅថា ជំរុំចាស់ ។ ក្រុមតស៊ូប្រដាប់អាវុធនេះ បានពង្រីកខ្លួនកាន់តែធំឡើងបន្ទាប់ពី វៀតណាមបានបើកការវាយប្រហារទៅលើរបបខែ្មរក្រហមឱ្យរត់ទៅកាន់ព្រំដែន ហើយក្រុមតស៊ូបានរើសយកគ្រឿងសព្វាវុធជាច្រើនដែលពួកគេបោះបង់ចោល ។ លោក ញឹក ប៊ុនឆៃ ចាប់ផ្ដើមប្រមូលយកអាវុធទាំងអស់ ហើយបានពង្រីកកងកម្លាំងប្រដាប់អាវុធរបស់ខ្លួន ។ ជនជាតិថៃម្នាក់ជាមិត្តរបស់លោកបានផ្គត់ផ្គង់សព្វាវុធបន្ថែម ដោយគេយកអង្ករទៅដូរជាមួយនឹងខ្មែរក្រហម។
បន្ទាប់ពីពង្រីកកងកម្លាំងប្រដាប់អាវុធហើយ លោក ញឹក ប៊ុនឆៃ ចាប់ផ្ដើមទាក់ទងជាមួយពលរដ្ឋខ្មែរនៅតាមជំរំជនភៀសខ្លួន នៅប្រទេសថៃ ។ បើទោះបីជាមិនស្ទាត់ជំនាញលោក ញឹក ប៊ុនឆៃ ចេះនិយាយភាសាថៃ បារាំង និង អង់គ្លេស ហើយនៅក្នុងជំរំជនភៀសខ្លួនលោកបានជាប់ការធ្វើតេស្តជាអ្នកស្វែងរកសិទ្ធិជ្រកកោននៅប្រទេសបារាំង និងអាមេរិក ប៉ុន្តែលោកបានបដិសេធមិនទៅរស់នៅទីនោះទេ ដោយសារតែមានសំណួរសើចចំអករបស់ជនជាតិ បារាំងម្នាក់នៅក្នុងជំរំថា៖ «ហេតុអ្វីបានជាខ្មែរបោះបង់ចោលប្រទេសខ្លួនទៅធ្វើជាកញ្ជះបរទេស?»។ លោក ញឹក ប៊ុនឆៃ ចុះចេញពីរថយន្តធំដែលដឹកពលរដ្ឋខ្មែរនៅក្នុងជំរំ ទៅកាន់ព្រលានយន្តហោះក្រុងបាងកក ដើម្បីទៅរស់នៅប្រទេសទី៣ ។ លោកបានត្រឡប់ទៅព្រំដែនថៃ-កម្ពុជាវិញ ហើយចាប់ផ្ដើមពង្រឹងកងកម្លាំងប្រដាប់អាវុធ និងពង្រីកទៅតាមតំបន់ជាច្រើនហើយអ្នកកាសែតជាតិបែលហ្ស៊ិកពីរនាក់ ត្រូវបានអនុញ្ញាតឱ្យចូលទៅកាន់ព្រំដែនដើម្បីសរសេរពីជីវិតពលរដ្ឋខ្មែរ ។ ពីរសប្ដាហ៍បន្ទាប់ពីផ្សាយអត្ថបទនេះ មានទីភ្នាក់ងារសហគមន៍អន្តរជាតិមួយចំនួនបានផ្គត់ផ្គង់អាហារ និងថ្នាំពេទ្យដល់ពលរដ្ឋខ្មែរនៅទីនោះ។
ព្រះអង្គម្ចាស់ សម្ដេចព្រះនរោត្តម សីហនុ បានបង្កើតចលនារណសិរ្សបង្រួបបង្រួមជាតិសម្រាប់កម្ពុជាឯករាជ្យ អព្យាក្រឹត្យសន្តិនិងសហប្រតិបត្តិការហៅកាត់ថា ហ្វ៊ុនស៊ិនប៉ិច (FUNCINPEC) ។ កាលពីថ្ងៃទី២១ ខែមីនា ឆ្នាំ១៩៨១ លោក ញឹក ប៊ុនឆៃ បានផ្ញើលិខិតទៅសម្ដេចព្រះនរោត្តម សីហនុ ពេលនោះ ព្រះអង្គគង់នៅទីក្រុងប៉េកាំង និងក្រុងព្យុងយ៉ាង ដើម្បីយាងទ្រង់ធ្វើជាប្រធានចលនាតស៊ូ ដែលព្រះអង្គឱ្យឈ្មោះថា ហ្វ៊ុនស៊ិនប៉ិច ។ សម្ដេចព្រះនរោត្តម សីហនុ បានតែងតាំងបុត្រព្រះអង្គ គឺព្រះអង្គម្ចាស់នរោត្តម រណឫទ្ធិ ឱ្យធ្វើជាតំណាងរបស់ព្រះអង្គដើម្បីដឹកនាំរណសិរ្ស ហ្វ៊ុនស៊ិនប៉ិច នៅឆ្នាំ១៩៨៣ បន្ទាប់មកបានធ្វើសមាជធំមួយដើម្បីប្តូរចលនាតស៊ូនេះ ទៅជាគណបក្ស ហ្វ៊ុនស៊ិនប៉ិច វិញ។
លោក ញឹក ប៊ុនឆៃ ជានាយទាហានមួយរូបក្នុងចលនាខ្មែរស ខ្មែរសេរី Free Khmer ) និងកងទ័ពមូលីណាការ កងទ័ពជាតិសីហនុនិយម កងទ័ពជាតិកម្ពុជាឯករាជ្យដែលប្រឡូកដោយផ្ទាល់នៅក្នុងសមរភូមិធំៗជាច្រើន ហើយលោក ញឹក ប៊ុនឆៃ ត្រូវបានសម្តេចព្រះ នរោត្តម សីហនុ ប្រទានមេដៃជាបន្តបន្ទាប់។
ក្នុងការបោះឆ្នោតសកល ឆ្នាំ១៩៩៣ ដែលរៀបចំឡើងដោយ អ៊ុន តាក់ លោក ញឹក ប៊ុនឆៃ ត្រូវបានតែងតាំងជាអគ្គមេបញ្ជាការរងទីមួយនៃកងយោធពលខេមរភូមិន្ទ និងជាប្រធានគណបក្សហ៊ុនស៊ិនប៉ិចខេត្តបាត់ដំបង ហើយក៏ជាប្រធានសន្តិសុខ គណបក្សហ្វ៊ុនស៊ិនប៉ិច ទូទៅសម្រាប់ការបោះឆ្នោតទូទាំងប្រទេស។
ហ្វ៊ុនស៊ិនប៉ិច បានឈ្នះការបោះឆ្នោតរៀបចំដោយអ៊ុនតាក់ ឆ្នាំ១៩៩៣ តែដោយមានវិបត្តិនយោបាយ ទើបបង្កើតឱ្យមានរដ្ឋាភិបាលចម្រុះ ដែលទ្រង់ រណឫទ្ធិ ធ្វើជានាយករដ្ឋមន្ត្រីទី១ និងលោក ហ៊ុន សែន ជានាយករដ្ឋមន្ត្រី ទី២ ។ ក្រោយបោះឆ្នោតសកល ឆ្នាំ១៩៩៣ លោក ញឹក ប៊ុនឆៃ ត្រូវបានរាជរដ្ឋាភិបាលចម្រុះ គណបក្សហ្វ៊ុនស៊ិនប៉ិច និង គណបក្សប្រជាជនកម្ពុជា តែងតាំងជានាយអគ្គសេនាធិការរងទី១ នៃកងយោធពលខេមរភូមិន្ទ ។ នៅថ្ងៃទី ១៩ ខែសីហា ឆ្នាំ១៩៩៦ លោក ញឹក ប៊ុនឆៃ បាននាំលោក ប៉ុល សារឿន លោក ស៊ូ គឹមស៊ុន លោក កែវ ពង្ស ទៅជួបផ្ទាល់ជាមួយលោក សុខ ភាព លោក អ៊ី ឈាន លោក អៀង វុធ ហើយក៏បានបន្តដោះស្រាយខ្មែរក្រហមឱ្យចូលរួមរស់ក្នុងសង្គមជាតិវិញ ខាងត្បូងផ្លូវជាតិលេខ៥ ។
នៅថ្ងៃទី ៥-៦ ខែកក្កដា ឆ្នាំ១៩៩៧ ព្រះអង្គម្ចាស់ រណឫទ្ធិ ត្រូវបានបណ្តេញចេញដោយរដ្ឋប្រហារ ព្រោះតែ ហ្វ៊ុនស៊ិនប៉ិច ប្រើនយោបាយធ្វើឱ្យមានតុល្យភាពកម្លាំងប្រដាប់អាវុធ ។ ព្រឹត្តិការណ៍ផ្ទុះអាវុធនៅភ្នំពេញនេះ លោក ញឹក ប៊ុនឆៃ បានធ្វើដំណើរដោយថ្មើរជើងរយៈពេលមួយខែ ទើបទៅដល់មូលដ្ឋានអូស្មាច់ ។ នៅដើមឆ្នាំ ១៩៩៩ លោកញឹក ប៊ុនឆៃ បានត្រឡប់មកកាន់ទីក្រុងភ្នំពេញវិញ ព្រមទាំងទទួលបានការតែងតាំងជាអនុប្រធានទី២ នៃព្រឹទ្ធសភាជាតិ ។
ឆ្នាំ២០០៣ លោក ញឹក ប៊ុនឆៃ ត្រូវបានគណបក្សហ្វ៊ុនស៊ិនប៉ិច តែងតាំងឱ្យធ្វើជាប្រធានគណបក្សហ្វ៊ុនស៊ិនប៉ិចខេត្តបាត់ដំបងម្តងទៀត និងបានជាប់ជាតំណាងរាស្ត្រខេត្តបាត់ដំបង ។ ក្រោយការបោះឆ្នោតឆ្នាំ២០០៣ លោកញឹក ប៊ុនឆៃ បានចូលរួមដោះស្រាយវិបត្តិជាប់គាំងនយោបាយ រហូតបានសម្រេចជោគជ័យ គឺរៀបចំរាជរដ្ឋាភិបាលចម្រុះទ្វេភាគី រវាងគណបក្សប្រជាជនកម្ពុជានិងគណបក្សហ្វ៊ុនស៊ិនប៉ិច ។ ដោយឡែក នៅថ្ងៃទី១៣ ខែកក្កដា ឆ្នាំ២០០៤ ក្នុងនាមជាប្រមុខរដ្ឋស្តីទី លោក ញឹក ប៊ុនឆៃ បានចុះហត្ថលេខាលើច្បាប់រដ្ឋធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ ហើយបញ្ហាជាប់គាំងខាងនយោបាយត្រូវបានដោះស្រាយជាប្រក្រតីឡើងវិញ ។ ក្រោយបញ្ហាជាប់គាំងនយោបាយត្រូវបានដោះស្រាយ លោក ញឹក ប៊ុនឆៃ ត្រូវបានតែងតាំង ជាឧបនាយករដ្ឋមន្ត្រី និងជាសហរដ្ឋមន្ត្រីក្រសួងការពារជាតិ ។ លោកត្រូវបានតម្លើងឋានន្តរៈសក្តិ ជានាយឧត្តមសេនីយ៍ផ្កាយមាសបួន។
លោក ញឹក ប៊ុនឆៃ បានបណ្ដេញទ្រង់ រណឫទ្ធិ ពីគណបក្ស ហ្វ៊ុនស៊ិនប៉ិច នៅឆ្នាំ២០០៦ ហើយបានដាក់សម្ពាធលើព្រះអង្គឱ្យលាលែងពីនយោបាយនៅឆ្នាំ២០១២ ។ ក្នុងរាជរដ្ឋាភិបាលអាណត្តិទី៤ ឆ្នាំ ២០០៨ -២០១៣ លោកត្រូវបានតែងតាំងជា ឧបនាយករដ្ឋមន្ត្រី ។ បន្ទាប់ពីគណបក្សហ្វ៊ុនស៊ិនប៉ិចបែកបាក់គ្នាជាលើកទីពីរ លោក ញឹក ប៊ុនឆៃ បានចេញពីគណបក្សហ្វ៊ុនស៊ិនប៉ិច ដោយបានបង្កើតគណបក្សខ្មែររួបរួមជាតិ ដោយមានរចនាសម្ព័ន្ធដឹកនាំចាស់ ក្នុងអំឡុងដើមឆ្នាំ២០១៦ ។
យ៉ាងណាម៉ិញ នៅដើមខែសីហា ឆ្នាំ២០១៧ លោក ញឹក ប៊ុនឆៃ ត្រូវបានសមត្ថកិច្ចឃាត់ខ្លួនពីបទផលិតគ្រឿងញៀន កាលពីឆ្នាំ២០០៧ នៅស្រុកភ្នំស្រួច ខេត្តកំពង់ស្ពឺ ។រហូតមកដល់ថ្ងៃទី០៥ ខែសីហា លោកត្រូវបានកម្លាំងនគរបាលរាជធានីភ្នំពេញបញ្ជូនទៅតុលាការដើម្បីបន្តការសួរនាំនិងចាត់ការតាមច្បាប់ ។ អតីតឧបនាយករដ្ឋមន្ត្រី ក្នុងរដ្ឋាភិបាលចម្រុះជាមួយគណបក្សប្រជាជនជាច្រើនអាណត្តិរូបនេះធ្លាប់ថ្លែងថា គំនិតដំបូងរបស់លោក គ្មានការចាប់អារម្មណ៍នឹងកិច្ចការនយោបាយទេ ហើយក៏មិនចូលចិត្តពាក់អាវធំនិងក្រវាត់កដែរ ប៉ុន្តែជីវិតរបស់លោកបានក្លាយជាអ្នកនយោបាយជារៀងរហូតមក៕ (រាយការណ៍ដោយ៖ គង់ ឧត្តម)
No comments:
Post a Comment