ប្រវត្តិសាស្រ្ត ខ្មែរ: ម៉ែន សុថាវរិន្ទ្រ

Tuesday, March 2, 2021

ម៉ែន សុថាវរិន្ទ្រ

ចលនាខ្មែរសេរី ឬ ខ្មែរឥស្សរៈ កើតមានតាំងពី ក្រោយឆ្នាំ ១៩០៤ ដែលបារាំង កាត់ដី ខេត្តភាគខាងលិចឲ្យមក កម្ពុជា កងទ័ពសៀម បានបង្កើតកងទ័ពខ្មែរសេរី ដូចជា អាចារ្យស្វា ពោធិកំបោរ ហែមចៀវ រហូតដល់ ឧត្តមសេនីយ៍ ដាប ឈួន ជាបញ្ជាការយោធាភូមិភាគទី ០៥ បេះបោរ និង ព្រាប អ៊ិន អ៊ិន តាំ លន់ នល់។ ខ្មែរសេរី ប្រឆាំង សូម្បី សម័យលន់ នល់ ក៍ខ្មែរសេរី ដូចជា អ៊ិន តាំ សក់ ស៊ុត សាខាន នៅតែប្រឆាំងក្នុងរដ្ឋាភិបាលចំរុះផង ប្រឆាំងជាមួយ កងទ័ព សីហុន សឺនសាន ខៀវសំផង អៀងសារី នួន ជា និង ប៉ុល ពត។ សូម្បី សព្វថ្ងៃនេះ ក៍ពួកខ្មែរសេរី នៅតែចោទ ថា មេដឹកនាំបក្សប្រជាជនគឺជា ខ្មែរក្រហម។ សូម្បី ខ្មែរសេរី ចូលរួមបង្កើតគណបក្ស ហ៊ុន ស៊ិនប៉ិច ឆ្នាំ ១៩៨២ នៅតែមានគំនិតក្បត់បក្ស ប្រឆាំង ប្រជែង រហូត រលាយបក្ស FUNCINPEC ចុងក្រោយ បក្សខ្មែរសេរី របស់ សម រង្សី ចូលរួមជាមួយ បក្ស កឹមសុខា នៅតែប្រជែងគ្នា ដណ្តើម សំលាប់ វាយប្រហារគ្នា....សរុបទៅ បក្ស ខ្មែរ ក្រៅពី ក្បត់ជាតិ និង ឈ្លោះគ្នា ពិបាករកពាក្យណាប្រដូចបាន គឺឈ្លោះតាំងពី ឪ ដល់ កូន ដូចជា សឺន សាន គាត់រៀនផ្នែក ធនាគារ បានធ្វើការធំ ដល់ សម សារី ទៅរៀនផ្នែកហ្នឹងដែរ ទៅជាឈ្លោះគ្នា សម្លាប់គ្នា...។ សម័យ នេះ សម រង្សី ក័មិន ចុះសម្រុង ជាមួយ សឺន សុប៊ែ ដែរ ទោះជា ថាខ្លួនប្រឆាំង កុំម្មុយនីស្តិ....

លោកម៉ែន សុថាវរិន្ទ្រ អតីតមន្ត្រីជាន់ខ្ពស់ នៃអតីតបក្សសង្រ្គោះជាតិ អះអាង ថា រូបលោក និងអតីត ថ្នាក់ដឹកនាំ នៃអតីតបក្សប្រឆាំងមួយចំនួន បានធ្វើដំណើរដល់ប្រទេសក្បែរខាងកម្ពុជាហើយ ដើម្បីអមដំណើរលោក សម រង្ស៊ី ចូលស្រុកនៅថ្ងៃទី៩ ខែវិច្ឆិកាខាងមុខ។ លោកម៉ែន សុថាវរិន្ទ្រ ជាមនុស្សម្នាក់ក្នុងចំណោម ៩ នាក់ ដែលត្រូវតុលាការចេញដីកាបង្គាប់ឲ្យចាប់ខ្លួនផងនោះ បានថ្លែងក្នុងវេទិកាទូរទស្សន៍ព្រះអាទិត្យកម្ពុជា កាល ពីថ្ងៃទី២៤ ខែតុលា ថា គម្រោងនៃការវិលត្រឡប់កម្ពុជារបស់ថ្នាក់ដឹកនាំ នៃអតីតគណបក្សសង្រ្គោះជាតិមិនមានការផ្លាស់ប្ដូរទេ ហើយការវិលត្រឡប់ទៅកម្ពុជាវិញនេះ គឺដើម្បីស្ដារលទ្ធិប្រជាធិបតេយ្យ។

លោកសុថាវរិន្ទ្រ បានបញ្ជាក់បន្ថែម ថា អតីតថ្នាក់ដឹកនាំ នៃអតីតបក្សសង្រ្គោះជាតិមួយចំនួន ជាពិសេសរូបលោក បានមកដល់ប្រទេសក្បែរខាងកម្ពុជាហើយ ដើម្បីត្រៀមវិលត្រឡប់ចូលកម្ពុជាវិញ។ អតីតមន្ត្រីជាន់ខ្ពស់ នៃអតីតបក្សសង្រ្គោះជាតិរូបនេះ បានបញ្ជាក់យ៉ាងដូច្នេះ ថា”ខ្ញុំជិតដល់ប្រទេសកម្ពុជាហើយ ខ្ញុំបានទៅដល់ប្រទេសថៃ ខ្ញុំធ្វើការនៅប្រទេសថៃ ខ្ញុំទៅដល់ប្រទេសម៉ាឡេស៊ី ទៅប្រទេសកូរ៉េ ឥណ្ឌូនេស៊ី ខ្ញុំចុះទៅហើយ។ ប៉ុន្តែយើងទៅអត់មានទៅស្រែកច្រង៉េងច្រងាងទេ យើងចូលទៅដោយសន្តិភាព យើងចូលប្រទេសគេ យើងឆ្លងកាត់ប្រទេសគេដោយសន្តិភាព យើងអត់មានទេ គឺថាពួកខ្ញុំចូលទៅបាន ហើយថ្នាក់ដឹកមួយចំនួនធំ បានចូលទៅដល់ហ្នឹងហើយ យើងនឹងធ្វើការទំនាក់ទំនងយ៉ាងជិតស្និត”។

ទោះបីជាមានការអះអាងបែបនេះក៏ដោយ ក៏កាលពីថ្ងៃទី២០ ខែតុលាកន្លងទៅនេះលោកស្រីមួរ សុខហួរ អតីតអនុប្រធាន នៃអតីតគណបក្សសង្គ្រោះជាតិ ត្រូវបាននគរបាលអន្តោប្រវេសន៍ថៃ ហាមមិនឲ្យចូលក្នុងប្រទេ សរបស់ពួកគេ បន្ទាប់ពីលោកស្រីបានធ្វើដំណើរពីប្រទេសម៉ាឡេស៊ី ហើយបំណងចូលទៅទឹកដីថៃ។បើតាមលោកកេត សោផាន់ អ្នកនាំពាក្យក្រសួងការបរទេសកម្ពុជា បានបញ្ជាក់ថា ដោយសារតែកិច្ចសហប្រតិបត្តិការល្អ រវាងរាជរដ្ឋាភិបាលកម្ពុជា-ថៃក្នុងការអនុវត្តច្បាប់នោះ លោកស្រីមួរ សុខហួរ ត្រូវបានអាជ្ញាធរថៃបញ្ជូនទៅវិញ ដោយមិនអនុញ្ញាតឲ្យចូលមកទឹកដីថៃឡើយ។

សូមជម្រាប ថា កាលពីដើមខែតុលាកន្លងទៅនេះ សាលាដំបូងរាជធានីភ្នំពេញ បានសម្រេចចេញដីកាបង្គាប់ឲ្យចាប់ខ្លួនលោកសម រង្ស៉ី រួមទាំងមនុស្សជំនិតរបស់លោក៨នាក់ផ្សេងទៀត ពាក់ព័ន្ធនឹងការប៉ុនប៉ង ធ្វើរដ្ឋប្រហារផ្តួលរំលំរដ្ឋាភិបាលកម្ពុជា។ ដីកាចាប់ខ្លួនអតីតថ្នាក់ដឹកនាំ នៃអតីតបក្សប្រឆាំងនេះ ក៏ត្រូវបានដ្ឋាភិបាលកម្ពុជា ផ្ញើទៅកាន់ប្រទេសជាសមាជិកអាស៊ានផងដែរ។ លោកនាយករដ្ឋមន្រ្ដីហ៊ុន សែន កាលពីថ្ងៃទី២ ខែតុលាកន្លងទៅនេះ ក៏បានបញ្ជាក់ ថា រូបលោកគ្មានការចាំបាច់និយាយអ្វីច្រើនទៀតទេ ចំពោះគម្រោងនៃការវិលត្រឡប់មកកម្ពុជា របស់អតីតមេបក្សបក្សប្រឆាំង ដោយលោកគ្រាន់តែផ្ដាំថា ជង់មិនដែលភ្លេចកុកទេ មាន តែកុកទេដែលភ្លេចជង់៕

តំណាងរាស្ត្រមណ្ឌល	កំពង់ធំ
គណៈបក្ស	គណបក្សសង្រ្គោះជាតិ
ងារ	ឯកឧត្ដម
ឈ្មោះ	ម៉ែន សុថាវរិន្ទ្រ
ថ្ងៃខែឆ្នាំកំណើត	០១ ធ្នូ ១៩៥៩
ទីកន្លែងកំណើត	ស្រុកសៀមរាប ខេត្ដសៀមរាប
ស្ថានភាពគ្រួសារ	មានគ្រួសារ មានកូនចំនួន ២នាក់
ធ្លាប់ជាសមាជិកសភា	ចំនួន 2 អណត្តិ ( រដ្ឋសភានីតិកាលទី៥ )
អាស័យដ្ឋានបច្ចុប្បន្ន	ផ្ទះលេខ១៦៨ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ
អាស័យដ្ឋានមណ្ឌល	ផ្ទះលេខ ៥៦៧ ភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្ដកំពង់ធំ
លេខទូរស័ព្ទ	០១២ ៨៦៣ ៥៣៣
អ៊ីម៉ែល	sothavarin.men@gmail.com

កម្រិតវប្បធម៌

កម្រិតវប្បធម៌	ចាប់ពី	ដល់	សកលវិទ្យាល័យ	សញ្ញាប័ត្រ
	១៩៧៣	១៩៧៥	វិទ្យាល័យភ្នំដូនពេញ	សញ្ញាប័ត្រមធ្យមសិក្សាកំរិត២

ជំនាញឯកទេសផ្សេងទៀត

ចាប់ពី	ដល់	សកលវិទ្យាល័យ	សញ្ញាប័ត្រ
១៩៨៨	២០០០	សាលារដ្ឋបាលសាធារណៈ ប្រទេសបារាំង	សញ្ញាប័ត្រច្បាប់រដ្ឋបាលសាធារណៈ
១៩៨៦	១៩៨៨	សាលាគ្រប់គ្រងពាណិជ្ជកម្ម ប្រទេសបារាំង	សញ្ញាប័ត្រគ្រប់គ្រងពាណិជ្ជកម្ម
១៩៨៣	១៩៨៦	សាលាបច្ចេកទេសគណនេយ្យ ប្រទេសបារាំង	សញ្ញាប័ត្រគណនេយ្យសហគ្រាស

ជំនាញឯកទេសផ្សេងទៀត ដែលចាប់អារម្មណ៏

មុខតំណែង	ចាប់ពី	ដល់	សកលវិទ្យាល័យ	សញ្ញាប័ត្រ
សេដ្ឋកិច្ច ពាណិជ្ជកម្ម កសិកម្ម/ធារាសាស្ដ្រ ប្រឆាំងអំពើពុករលួយ និង សន្ដិសុខ

តំណែងក្នុងរដ្ឋសភា

មុខតំណែង	ចាប់ពី	ដល់
គ្មាន

តំណែងក្នុងស្ថាប័នរដ្ឋផ្សេងទៀត

មុខតំណែង	ចាប់ពី	ដល់
គ្មាន

បទពិសោធន៏ការងារសំខាន់ៗមុនពេលជាប់ជាតំណាងរាស្រ្ត

ចាប់ពី	ដល់	ការពិពណ៌នា
២០០៧	បច្ចុប្បន្ន	ទីប្រឹក្សាក្រុមហ៊ុនបោះពុម្ពប្រវត្ដិអ្នកដឹកនាំប្រទេសកម្ពុជា
២០០៧	បច្ចុប្បន្ន	ទីប្រឹក្សាផ្ដល់យោបល់់ខាងសន្ដិសុខ (ប្រទេសបារាំង)
២០០២	២០០៧	ប្រធានក្រុមហ៊ុនសន្ដិសុខប្រទេសបារាំង

មុខរបរផ្សេងទៀត

មុខតំណែង	ចាប់ពី	ដល់
ទីប្រឹក្សាច្បាប់ជំនួញក្រុមហ៊ុន ម៉ាកាពី ប្រទេសបារាំង

ភ្នំពេញៈ សាលាដំបូងរាជធានីភ្នំពេញបានប្រកាសសាលក្រមកាត់ទោសកំបាំងមុខលោក សម រង្ស៊ី អតីតមេដឹកនាំអតីតគណបក្សសង្គ្រោះជាតិដែលកំពុងគេចខ្លួនទៅបរទេសឱ្យជាប់ពន្ធនាគារ ២៥ ឆ្នាំ និងមន្ត្រីរបស់លោកផ្សេងទៀតឱ្យជាប់ពន្ធនាគារចន្លោះពី ២០ ទៅ ២២ ឆ្នាំពីម្សិលមិញពីបទឧបឃាតដែលបានប្រព្រឹត្តនៅកម្ពុជាកាលពីឆ្នាំ ២០១៩។

អ្នកនាំពាក្យសាលាដំបូងរាជធានីភ្នំពេញលោក អ៊ី រិន្ទ ប្រាប់ ភ្នំពេញ ប៉ុស្តិ៍ ពីម្សិលមិញថា ក្រុមប្រឹក្សាជំនុំជម្រះសាលាដំបូងរាជធានីភ្នំពេញបានប្រកាសសាលក្រមផ្តន្ទាទោសជនជាប់ចោទលោក សម រង្ស៊ី និងអ្នកពាក់ព័ន្ធ ៨ នាក់ផ្សេងទៀតពីបទឧបឃាតដែលបានប្រព្រឹត្តនៅប្រទេសកម្ពុជាក្នុងអំឡុងឆ្នាំ ២០១៩។

លោកថា៖ «ឈ្មោះ សម រង្ស៊ី ត្រូវបានផ្តន្ទាទោសដាក់ពន្ធនាគាររយៈពេល ២៥ ឆ្នាំ លោកស្រី មូរ សុខហួរ និងលោក អេង ឆៃអ៊ាង ត្រូវបានផ្តន្ទាទោសម្នាក់ៗក្នុងរយៈពេល ២២ ឆ្នាំហើយឈ្មោះ ជូឡុង សូមួរ៉ា លោក ម៉ែន សុថាវរិន្ទ្រ លោក អ៊ូ ច័ន្ទឫទិ្ធ លោក ហូរ វ៉ាន់ លោក ឡុង រី និងលោក នុត រំដួល ត្រូវផ្តន្ទាទោសម្នាក់ៗ ២០ ឆ្នាំ»។

លោកឱ្យដឹងថា៖ «សាលក្រមនេះប្រកាសចំពោះមុខមេធាវីរដ្ឋាភិបាល ហើយនិងចាត់ទុកចំពោះមុខជនជាប់ចោទដោយទុកសិទ្ធិឱ្យប្តឹងឧទ្ធរណ៍ក្នុងរយៈពេលកំណត់ដោយច្បាប់»។

ជនជាប់ចោទទាំងនោះត្រូវបានផ្តន្ទាទោសបន្ថែមផងដែរ ដោយដកសិទ្ធិប្រជាពលរដ្ឋជាស្ថាពរ និងដកហូតសិទិ្ធបោះឆ្នោត និងឈរឈ្មោះបោះឆ្នោត និងសិទ្ធិបំពេញការងារក្នុងក្របខ័ណ្ឌជាមន្ត្រីសាធារណៈជាដើម និងត្រូវបានតុលាការបង្គាប់ឱ្យរួមគ្នាសងសំណងដល់រាជរដ្ឋាភិបាលចំនួន ១ ៨០០ លានរៀល។ នេះបើតាមការបញ្ជាក់ពីលោក អ៊ី រិន្ទ។

ភ្នំពេញ ប៉ុស្តិ៍ មិនអាចទាក់ទងលោក សំ សុគង់ មេធាវីការពារក្តីឱ្យជនជាប់ចោទទាំង ៩ នាក់ សុំអត្ថាធិប្បាយបាននៅឡើយទេពីម្សិលមិញ ខណៈទូរស័ព្ទចូលពុំមានអ្នកទទួល។

លោក គូន សារឿន មេធាវីតំណាងឱ្យរាជរដ្ឋាភិបាលប្រាប់ ភ្នំពេញ ប៉ុស្តិ៍ តាមទូរស័ព្ទពីម្សិលមិញថា បទល្មើសឧបឃាតនេះក្នុងក្រមបានកំណត់ថា នៅពេលដែលក្រុមលោក សម រង្ស៊ី ប្រព្រឹត្តបទល្មើសបែបនេះដែលត្រូវបានតុលាការចោទប្រកាន់ក្នុងបទឧបឃាតនេះ គឺច្បាប់បានកំណត់ទោសពីប៉ុន្មានឆ្នាំទៅប៉ុន្មានឆ្នាំហើយ។ លោកថា តាមលោកចាំ គឺទោសខ្ពស់បំផុត ៣០ ឆ្នាំ។ ដូច្នេះការកំណត់ទោសនេះគឺស្ថិតនៅក្នុងការកំណត់របស់ច្បាប់។

លោកថ្លែងថា៖ «ការកំណត់ទោសនេះវាលើសពីពាក់កណ្តាល ក៏ប៉ុន្តែវាមិនដល់កម្រិតខ្ពស់បំផុតទេ ដែលហៅថា កម្រិតអប្បបរមានៃទោសដោយសារការយល់ឃើញរបស់ចៅក្រម ហើយការផ្តន្ទាទោសនេះគឺប្រាកដជាក្នុងកម្រិតមួយស្ថិតនៅក្រោមការចែងច្បាស់នៅក្នុងក្រមព្រហ្មទណ្ឌយើង»។

ក្រោយពីតុលាការប្រកាសសាលក្រមផ្តន្ទាទោសភា្លមលោក សម រង្ស៊ី បានបង្ហោះសារនៅលើហ្វេសប៊ុកផ្លូវការរបស់ខ្លួនពីម្សិលមិញដោយចាត់ទុកការសម្រេចរបស់តុលាការជារឿងគួរឱ្យអស់សំណើច។ លោកលើកឡើងថា៖ «សាលក្រមគួរឱ្យអស់សំណើចនេះ ឆ្លុះបញ្ចាំងពីការភ័យខ្លាចរបស់លោក ហ៊ុន សែន ដែលចង់កម្ចាត់លោក សម រង្ស៊ី ចេញពីឆាកនយោបាយនៃប្រទេសកម្ពុជា។ ពីព្រោះគាត់ដឹងថា បើមានការបោះឆ្នោតត្រឹមត្រូវ របបផ្តាច់ការ ហួសសម័យរបស់គាត់នឹងមកដល់ទីបញ្ចប់របស់វា»។

លោកបញ្ជាក់ថា៖ «អ្នកណាដែលត្រូវតុលាការអាយ៉ង ក្រោមរបបផ្តាច់ការ តាមធ្វើទុក្ខបុកម្នេញ អ្នកនោះជាអ្នកតស៊ូ ស្វែងរកសេរីភាព ជូនប្រទេសជាតិយ៉ាងពិតប្រាកដ»។

សូមជម្រាបថា បើទោះបីជាអវត្តមានជនជាប់ចោទទាំង ៩ នាក់ក្តី ប៉ុន្តែក្នុងសវនាការនាពេលកន្លងទៅ លោកចៅក្រម ឌុច សុខសារិន បានចាក់បញ្ចាំងឃ្លីបវីដេអូ ដែលមានរយៈពេលខ្លី បង្ហាញពីសកម្មភាពលោក សម រង្ស៊ី និយាយក្នុងអង្គប្រជុំមួយនៅសហរដ្ឋអាមេរិក ពីថ្ងៃទី ១៤-១៥ កញ្ញា ឆ្នាំ ២០១៩ អំពីការរៀបចំគម្រោង វិលមកកម្ពុជាវិញនៅថ្ងៃទី ៩ វិច្ឆិកា ឆ្នាំ ២០១៩។ ក្នុងឃ្លីបវីដេអូ លោក សម រង្ស៊ី បានអំពាវនាវឱ្យកងទ័ពផ្តាច់ខ្លួនចេញពីរបបផ្តាច់ការ និងកុំស្តាប់បង្គាប់រាជរដ្ឋាភិបាលកម្ពុជា ហើយបែរមកខាងប្រជាពលរដ្ឋវិញ។

តាមរយៈវីដេអូនោះលោក សម រង្ស៊ី លើកឡើងថា គាត់នឹងរៀបចំកញ្ចប់ថវិកាដែលបានពីការប្រមែប្រមូលពីក្រៅប្រទេស សម្រាប់ឧបត្ថម្ភដល់បងប្អូនជាកងកម្លាំងប្រដាប់អាវុធ។ លោកអំពាវនាវឱ្យពលករដែលកំពុងធ្វើការនៅក្រៅ ប្រទេសត្រៀមខ្លួនអមដំណើរគាត់វិលត្រឡប់មកប្រទេសកម្ពុជាវិញនៅថ្ងៃទី ៩ វិច្ឆិកា ឆ្នាំ ២០១៩។

លោក សម រង្ស៊ី ថ្លែងថា៖ «នៅពេលប្រទេសយើងមានលទ្ធិប្រជាធិបតេយ្យពិតប្រាកដ យើងធានាឱ្យកងកម្លាំងប្រដាប់អាវុធរស់នៅបានសមរម្យ ហើយបងប្អូនកងទ័ពនឹងក្លាយជាវីរបុរសរបស់ប្រទេស។ កូនខ្មែរត្រូវចូលរួមបេសកកម្ម ស្រោចស្រង់ប្រទេសជាតិ»៕

រាប់ទាំងលោក សម រង្ស៊ី ផង អ្នកប្រឆាំងដល់ទៅជិត៦០នាក់ ត្រូវបានតុលាការរាជធានីភ្នំពេញ បង្គាប់ឲ្យចូលរួមសវនាការ ដែលភាគច្រើនបំផុត គឺពាក់ព័ន្ធនឹងបទរួមគំនិតក្បត់ [ជាតិ] និងបទញុះញង់បង្កឲ្យមានភាពវឹកវរដល់សន្តិសុខសង្គម។

នារសៀលថ្ងៃទី៣ ខែវិច្ឆិកា ឆ្នាំ២០២០នេះ សមត្ថកិច្ច បានយកដីកាច្រើនសន្លឹក ទៅបិទម្តងទៀត នៅទីស្នាក់ការកណ្តាលនៃអតីតគណបក្សសង្គ្រោះជាតិ ស្ថិតនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ដីកាទាំងនោះ គឺជាការដោះហៅ លោក សម រង្ស៊ី មេដឹកនាំកំពូលនៃក្រុមប្រឆាំង ដែលកំពុងរស់នៅក្រៅប្រទេស និងអ្នកប្រឆាំងផ្សេងទៀត ឲ្យចូលរួមសវនាការ ក្នុងសំណុំរឿងរួមគំនិតក្បត់ [ជាតិ] និងសំណុំរឿងញុះញង់បង្កឲ្យមានភាពវឹកវរដល់សន្តិសុខសង្គម [ឬបទញុះញង់ឲ្យប្រព្រឹត្តបទឧក្រិដ្ឋជាអាទិ៍]។

ដីកាទាំងនោះ មាន២ប្រភេទ គឺដីកា ដែលមានឈ្មោះបុគ្គលម្នាក់ៗ និងដីកា ដែលមានឈ្មោះរួមគ្នា។ ដីកា ដែលមានឈ្មោះបុគ្គលម្នាក់ៗ គឺជាដីកានីមួយៗដាច់ដោយឡែកពីគ្នា ដោយមានឈ្មោះរបស់បុគ្គលណាម្នាក់ ដែលត្រូវចោទប្រកាន់ ហើយត្រូវបានប្រាប់ព័ត៌មានលម្អិតពាក់ព័ន្ធនឹងការបើកសវនាការជំនុំជម្រះលើសំណុំរបស់ខ្លួន។ ចំណែក ដីកា ដែលមានឈ្មោះរួមគ្នា គឺមានតែឈ្មោះរបស់ក្រុមមនុស្ស ដែលត្រូវបើកសវនាការ តែពុំបានបង្ហាញព័ត៌មានលម្អិត ពីបទល្មើសដែលត្រូវចោទ និងកាលបរិច្ឆេទនៃការបើកសវនាការឡើយ។

ដីកា ដែលមានឈ្មោះបុគ្គលម្នាក់ៗ ត្រូវសហការីនៃសារព័ត៌មានថ្មីៗ ឃើញមាន១៣សន្លឹក ដែលសមត្ថកិច្ចយកទៅបិទនៅទីស្នាក់ការកណ្តាលនៃអតីតគណបក្សសង្គ្រោះជាតិ។ ដីកាទាំង ១៣ សន្លឹកនោះ គឺបង្គាប់ទៅលោក សម រង្ស៊ី រួមទាំងមន្រ្តីជាន់ខ្ពស់១២នាក់ទៀតរបស់លោក គឺ អ្នកស្រី មួរ សុខហួរ អ្នកស្រី យក់ នាង លោក អេង ឆៃអ៊ាង លោក អ៊ុំ សំអាន លោក អ៊ូ ច័ន្ទឫទ្ធិ លោក តុ វ៉ាន់ចាន់ លោក ឡុង រី លោក ហូរ វ៉ាន់ លោក ម៉ែន សុថាវរិន្ទ្រ លោក អ៊ីសា ឧស្មាន លោក ម៉ោញ សារ៉ាត់ និង លោក លី រតនរស្មី ឲ្យចូលរួមសវនាការនៅតុលាការរាជធានីភ្នំពេញ។

យោងតាមដីកាទាំង១៣សន្លឹកនោះ ពួកគាត់ទាំង១៣នាក់ រងបទចោទដូចគ្នា គឺបទរួមគំនិតក្បត់ [ជាតិ] និងបទញុះញង់ឲ្យប្រព្រឹត្តបទឧក្រិដ្ឋជាអាទិ៍ ហើយសវនាការជំនុំជម្រះលើពួកគាត់ គ្រោងធ្វើឡើងក្នុងបន្ទប់សវនាការតែមួយ និងពេលវេលាតែមួយ គឺនៅជាន់ទី១ សាលសវនាការទី១ នៃតុលាការរាជធានីភ្នំពេញ នាថ្ងៃទី២៦ ខែវិច្ឆិកា ឆ្នាំ២០២០ ចាប់ពីម៉ោង៨កន្លះព្រឹកទៅ។

ចំណែកដីកាមួយច្បាប់ទៀត គឺមានឈ្មោះមនុស្ស៤៦នាក់រួមគ្នា ដែលត្រូវតុលាការកោះហៅ។ ក្នុងចំណោមមនុស្សទាំង៤៦នាក់ ក្នុងដីការួមនោះ ក៏មានឈ្មោះរបស់លោក សម រង្ស៊ី ដែរ។ ដូច្នេះ ឈ្មោះរបស់លោក សម រង្ស៊ី មាននៅក្នុងដីកាដាច់ដោយឡែកផង និងមាននៅក្នុងដីការួមផង។

លោកមេធាវី សំ សុគង់ ដែលតែងការពារក្តីឲ្យលោក សម រង្ស៊ី និងការពារក្តីឲ្យអ្នកប្រឆាំងផ្សេងទៀត ប្រាប់សារព័ត៌មានថ្មីៗថា ដីការួមនោះ គឺជាដីកាអម ដោយតុលាការ គ្រាន់តែជូនដំណឹងពីការបើកសវនាការ តែពុំបានបញ្ជាក់កាលបរិច្ឆេទជាក់លាក់នៃការបើកសវនាការនោះទេ។ លោក លើកឡើងថា សមត្ថកិច្ច អាចនឹងយកដីកាដាច់ដោយឡែកៗពីគ្នា ទៅកាន់ការិយាល័យរបស់លោក ហើយដីកាដាច់ដោយឡែកនោះ នឹងមានព័ត៌មានលម្អិត ពីប្រភេទបទចោទ ដែលតុលាការចោទពួកគាត់ និងកំណត់ពេលវេលាជាក់លាក់នៃការបើកសវនាការជំនុំជម្រះ។

យ៉ាងណាក៏ដោយ លោកមេធាវី អះអាងថា អ្នកទាំង៤៦នាក់ ដែលមានឈ្មោះក្នុងដីកាអមនោះ ត្រូវចោទពីបទរួមគំនិតក្បត់ [ជាតិ] ដូចគ្នា ពាក់ព័ន្ធនឹងគម្រោងមាតុភូមិនិវត្តរបស់លោក សម រង្ស៊ី កាលពីអំឡុងខែវិច្ឆិកា ឆ្នាំ២០១៩។ លោក បន្តថា ក្រៅពីអ្នកជាង៤០នាក់នោះ នៅមានអ្នកផ្សេងទៀត ដែលត្រូវចោទពីបទរួមគំនិតក្បត់ [ជាតិ] នេះ ប៉ុន្តែអ្នកផ្សេងទាំងនោះ មិនទាន់ត្រូវបានតុលាការ កំណត់ពេលបើកសវនាការ។ លោក បញ្ជាក់ថា៖«ជាង៤០នាក់ហ្នឹងតិចទេ តាមខ្ញុំសន្និដ្ឋាន ប្រហែលជាង១០០នាក់»។

សារព័ត៌មានថ្មីៗ មិនអាចសុំការបំភ្លឺជុំវិញការចេញដីកាទាំងនោះ ពីលោកព្រះរាជអាជ្ញារង គុជ គឹមឡុង អ្នកនាំពាក្យអយ្យការអមសាលាដំបូងរាជធានីភ្នំពេញបានទេ ដោយលោកប្រាប់ថា ជាប់រវល់។

កាលពីថ្ងៃទី២០ ខែតុលា ឆ្នាំ២០២០ សមត្ថកិច្ច បានយកដីកា៩សន្លឹក ទៅបិទម្តងរួចមកហើយ នៅទីស្នាក់ការកណ្តាលនៃអតីតគណបក្សសង្គ្រោះជាតិ។ ដីកាទាំង៩សន្លឹកនោះ គឺកោះហៅ លោក សម រង្ស៊ី និងភរិយារបស់លោក គឺអ្នកស្រី ជូឡុង សូមួរ៉ា រួមទាំងសហការីជិតស្និទ្ធរបស់លោក៧នាក់ទៀត រួមមាន អ្នកស្រី មូរ សុខហួរ លោក អេង ឆៃអ៊ាង លោក ហូរ វ៉ាន់ លោក អ៊ូ ច័ន្ទឫទ្ធិ លោក ឡុង រី លោក ម៉ែន សុថាវរិន្រ្ទ និង លោក នុត រំដួល ឲ្យចូលរួមសនាការ ក្នុងបទល្មើសដូចគ្នា គឺបទឧបឃាត ដែលសំដៅលើការប៉ុនប៉ងធ្វើរដ្ឋប្រហារផ្តួលរំលំរដ្ឋាភិបាលកម្ពុជា។

ការបើកសវនាការជំនុំជម្រះលើបទឧបឃាតនេះ ក៏គ្រោងធ្វើឡើងនៅកន្លែងតែមួយជាមួយគ្នានិងពេលតែមួយជាមួយគ្នាដែរ គឺនៅសាលសវនាការទី១ ជាន់ទី១ នៃតុលាការរាជធានីភ្នំពេញ នាថ្ងៃទី១១ ខែវិច្ឆិកា ឆ្នាំ២០២០ ចាប់ពីម៉ោង៨ព្រឹកទៅ។

អតីតគណបក្សសង្គ្រោះជាតិ បានចេញសេចក្តីថ្លែងការណ៍ពីក្រៅប្រទេស នៅថ្ងៃទី២១ ខែតុលា ឆ្នាំ២០២០ ដោយដាក់សំណើទៅកាន់រដ្ឋាភិបាលកម្ពុជា ឲ្យលើកបម្រាម ដែលហាមក្រុមហ៊ុនយន្តហោះនានា មិនឲ្យដឹកថ្នាក់ដឹកនាំនៃអតីតគណបក្សសង្គ្រោះជាតិ មកកម្ពុជា។ អតីតគណបក្សសង្គ្រោះជាតិ នៅស្នើទៀត ឲ្យផ្តល់សុពលភាពលិខិតឆ្លងដែនរបស់ថ្នាក់ដឹកនាំនៃអតីតគណបក្សសង្គ្រោះជាតិឡើងវិញ ដែលក្រសួងការបរទេស បានលុបចោលកន្លងមក។

ក្នុងចំណោមអ្នកខាងលើ មានអ្នកខ្លះ រងពីបទឧបឃាតផងនិងរងពីបទរួមគំនិតក្បត់ [ជាតិ] ផង ដូចជាលោក សម រង្ស៊ី លោក អេង ឆៃអ៊ាង និង អ្នកស្រី មូរ សុខហួរ ជាដើម។ បទឧបឃាត សំដៅលើក្រុមណាមួយ ដែលផ្តើមគំនិតនិងរៀបចំគម្រោងផ្តួលរំលំរដ្ឋាភិបាល ហើយបទរួមគំនិតក្បត់ [ជាតិ] គឺសំដៅលើជន ដែលចូលរួមគាំទ្រឬចូលរួមអនុវត្តគម្រោងនោះ ដើម្បីផ្តួលរំលំរដ្ឋាភិបាល។

ក្រសួងយុត្តិធម៌ ប្រកាសកន្លងមកថា បទឧបឃាត មានចែងក្នុងមាត្រា៤៥១និងមាត្រា៤៥២នៃក្រមព្រហ្មទណ្ឌ ដោយដាក់ពន្ធនាគារពី ១៥ឆ្នាំ ទៅ ៣០ឆ្នាំ លើអ្នកប្រព្រឹត្ត ហើយបើអ្នកប្រព្រឹត្តជាអ្នករាជការសាធារណៈ ត្រូវដាក់ពន្ធនាគារអស់មួយជីវិត រីឯ បទរួមគំនិតក្បត់ [ជាតិ] មានចែងក្នុងមាត្រា៤៥៣នៃក្រមព្រហ្មទណ្ឌ ដោយត្រូវផ្តន្ទាទោសពី ៥ឆ្នាំ ទៅ ១០ឆ្នាំ លើអ្នកប្រព្រឹត្ត ហើយបើអ្នកប្រព្រឹត្ត ជាអ្នករាជការសាធារណៈ ត្រូវជាប់ពន្ធនាគារ ពី១០ឆ្នាំ ទៅ ២០ឆ្នាំ៕

តុលាការនឹងបន្តសវនាការរឿង ទណ្ឌិត សម រង្ស៉ី និងបក្ខពួក៦៦នាក់ ករណីរួមគំនិតក្បត់ និង ញុះញុង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម នៅថ្ងៃទី១៨ ខែកុម្ភៈបន្ទាប់ពីបើកសវនាការអស់រយៈពេល១ព្រឹក នៅថ្ងៃទី២៨ ខែមករា ឆ្នាំ២០២១នេះ លើសំណុំរឿងរបស់ ទណ្ឌិត សម រង្ស៉ី មេចលនាឧទ្ទាមក្រៅច្បាប់ និងបក្ខពួក ៦៦នាក់ទៀតនោះ សាលាដំបូងរាជធានីភ្នំពេញ មិនទាន់មានការកាត់សេចក្តីយ៉ាងណាឡើយ ដោយសម្រេចបន្តសវនាការជំនុំជម្រះនៅថ្ងៃទី១៨ ខែកុម្ភៈ ឆ្នាំ២០២១ ខាងមុខបន្តទៀត។

ក្នុងអង្គសវនាការនាថ្ងៃស្អែកនេះ មានលោក សេង ហៀង ជាតំណាងអយ្យការ។ ចំណែកក្រុមប្រឹក្សាជំនុំជម្រះមាន លោក រស់ ពិសិដ្ឋ ជា ប្រធានក្រុមប្រឹក្សាជំនុំជម្រះ លោក អ៉ឹម វណ្ណៈ និងលោក កើត សាំង ជាចៅក្រមប្រឹក្សា។

ទណ្ឌិត សម រង្ស៉ី មេចលនាឧទ្ទាមក្រៅច្បាប់ និងបក្ខពួក ៦៦នាក់ផ្សេងទៀត ត្រូវបានតុលាការចោទប្រកាន់ពីបទរួមគំនិតក្បត់ និងញុះញុង់បង្កឱ្យមានភាពវិកវរធ្ងន់ធ្ងរដល់សន្តិសុខសង្គម ពាក់ព័ន្ធនឹងផែនការប៉ុនប៉ងធ្វើរដ្ឋប្រហារផ្តួលរំលំរាជរដ្ឋាភិបាលស្របច្បាប់ (ផែនការ ០៩ វិច្ឆិកា ឆ្នាំ២០១៩។

ទណ្ឌិត សម រង្ស៉ី និងបក្ខពួក៨នាក់ រួមមាន លោក អេង ឆៃអ៊ាង, លោកស្រី មួរ សុខហួរ, លោក អ៊ូ ច័ន្ទឬទិ្ធ, លោក ហូរ វ៉ាន់, លោកឡុង រី, លោក ម៉ែន សុថាវរិន្ទ្រ, លោកស្រី ជូឡុង សួមួរ៉ា និង លោក នុត រំដួល កាលពីថ្ងៃទី២៦ ខែកញ្ញា ឆ្នាំ២០១៩ កន្លងទៅ ក៏ត្រូវបានអយ្យការអមសាលាដំបូងរាជធានីភ្នំពេញ បានចោទប្រកាន់រួចហើយពីបទ «ឧបឃាត» ផងដែរ ពាក់ព័ន្ធនឹងការប៉ុនប៉ងធ្វើរដ្ឋប្រហារផ្ដួ=

រំលំរាជរដ្ឋាភិបាលស្របច្បាប់ ក្រោមឧបាយកលជាផែនការ នៃការវិលត្រឡប់ចូលប្រទេសកម្ពុជា អំឡុងព្រឹត្តិការណ៍ ៩ វិច្ឆិកា ២០១៩។

ផែនការ នៃការវិលចូលប្រទេសកម្ពុជាវិញរបស់ ទណ្ឌិត សម រង្ស៉ី មេចលនាឧទ្ទាម កាលពីឆ្នាំ២០១៩ បានអំពាវឱ្យកងទ័ពបំបែកខ្លួនប្រឆាំងរដ្ឋាភិបាល គឺជា «រដ្ឋប្រហារ» ដែលជាអំពើវិទ្ធង្សនា និងជាឧក្រិដ្ឋកម្មធ្ងន់ធ្ងរប៉ះពាល់ដល់សន្តិសុខនៃរដ្ឋ។ នេះបើតាមសេចក្តីប្រកាសរបស់អ្នកនាំពាក្យក្រសួងយុត្តិធម៌ កាលពីថ្ងៃទី២០ ខែកញ្ញា ឆ្នាំ២០១៩ កន្លងទៅ៕

តុលាការចេញដីកាបង្គាប់ឱ្យចាប់ខ្លួនលោក សម រង្ស៉ី និងបក្ខពួក៧រូបទៀត ពាក់ព័ន្ធនឹងសំណុំរឿងក្បត់ជាតិថ្មី ថ្ងៃអាទិត្យ ទី ១៧ មីនា ២០១៩

លោក កូយ សៅ ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាមួយបង្គាប់ឱ្យសមត្ថកិច្ច តាមចាប់ខ្លួនលោក សម រង្ស៉ី និងបក្ខពួក៧នាក់ទៀត ដែលជាអតីតថ្នាក់ដឹកនាំគណបក្សសង្រ្គោះជាតិ ពាក់ព័ន្ធនឹងបទល្មើសក្បត់ជាតិថ្មីមួយ។ នេះបើតាមដីកាតុលាការដែលបណ្តាញព័ត៌មាន ទើបទទួលបាននៅថ្ងៃទី១៧ ខែមីនា ឆ្នាំ២០១៩។

សូមជម្រាបផងដែរថា អតីតថ្នាក់ដឹកនាំ នៃអតីតគណបក្សសង្រ្គោះជាតិ ទាំងនោះរួមមាន ១- លោក សម រង្ស៉ី ២-លោក អេង ឆៃអ៊ាង ៣-លោកស្រី មូរ សុខហួរ ៤- លោក អ៊ូ ច័ន្ទឫទ្ធិ ៥-លោក ហូ វ៉ាន់ ៦-លោក ឡុង រី ៧-លោក ម៉ែន សុថាវរិន្ទ្រ និង៨-លោក តុ វ៉ាន់ចាន់។ អតីតមេក្រុមប្រឆាំងទាំងនេះ ត្រូវបានតុលាការចោទប្រកាន់ពីបទ «រួមគំនិតក្បត់ និងញុះញង់ឱ្យប្រព្រឹត្តិបទឧក្រិដ្ឋជាអាទិ៍»។ ចំណាត់ការរបស់តុលាការ បានធ្វើឡើងបន្ទាប់ពី លោក សម រង្ស៉ី និងបក្ខពួក បានញុះញង់ឱ្យប្រជាពលរដ្ឋ និងទាហាន ងើបប្រឆាំងរាជរដ្ឋាភិបាល៕

Wednesday, February 4, 2015 លោកម៉ែនសុថាវរិន្ទ្រ ថ្លែងអំណរគុណលោកពៅនិកនិងលោកឯករតនៈ
លោក ម៉ែន សុថាវរិន្ទ្រ ប្រធានក្រុមការងារគណបក្សសង្រ្គោះជាតិ ខេត្តកំពង់ធំ ថ្លែអំណរ គុណ លោក ពៅ និក និងលោក ឯក រតនៈ ដែល បានឧបត្ថម្ភថវិការជួនលោក សាំង ហ៊ី ប្រធានគណៈ កម្មាធិការប្រតិបត្តិ គណបក្សសង្រ្គោះជាតិ ស្រុកស្ទោង ដែលកំពង់មានជំងឺប្រចាំកាយ ។

លោក សុខ ឥសាន៖ សំឡេងបែកធ្លាយពី ទំនាក់ទំនងរវាងបក្សកាន់អំណាចនិងអតីតបក្ស ប្រឆាំង ជាឧបាយកលទុច្ចរិតភ្នំពេញ៖ អ្នកនាំពាក្យគណបក្សប្រជាជនកម្ពុជា លោក សុខ ឥសាន បានលើកឡើងថា ការទម្លាយសំឡេងសម្ងាត់ថា ថ្នាក់ដឹកនាំគណបក្សកាន់អំណាចមាន ទំនាក់ទំនងជាមួយថ្នាក់ដឹកនាំអតីតគណបក្សសង្រ្គោះជាតិ គឺជាឧបាយកល បំបែកបំបាក់ផ្ទៃក្នុងបក្សកាន់អំណាច។

លោក សុខ ឥសាន តាមរយៈបណ្តាញតេឡេក្រាមនៅថ្ងៃទី៩ ខែកុម្ភៈ ឆ្នាំ២០២០ថា “ការទម្លាយការសម្ងាត់ថាមានទំនាក់ទំនងជាមួយថ្នាក់ដឹកនាំគណបក្សប្រជាជនកម្ពុជា គឺជាឧបាយកលទុច្ចរិតចង់បំបែកបំបាក់ផ្ទៃក្នុងគណបក្ស ប្រជាជនកម្ពុជាដែលមិនអាចទៅរួច” ។

បើតាមការផ្សព្វផ្សាយវិទ្យុបារាំងអន្តរជាតិ សំឡេងបែកធ្លាយដែលគេស្គាល់ថា ជាសំឡេងរបស់អ្នកតំណាងរាស្ត្រ អតីតគណបក្សប្រឆាំងម្នាក់ បានលើកឡើងថា គណបក្សកាន់អំណាចនិងអតីតគណបក្សប្រឆាំង កំពុងស្វែងរកការចរចាគ្នាមួយ នៅមុនសេចក្តីសម្រេចលើ ការដកប្រព័ន្ធអនុគ្រោះពន្ធគ្រប់ប្រភេទ(EBA)។

ការចរចាគ្នា ធ្វើឡើងរវាងប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ជាមួយលោក សម រង្ស៊ី ដោយមានការចូលរួមពីភាគីអន្តរជាតិផង។

សំឡេងបែកធ្លាយនេះ ត្រូវបានគេស្គាល់ថា ជាសំឡេងរបស់លោក ម៉ែន សុថាវរិន្ទ្រ អតីតអ្នកតំណាងរាស្ត្រអតីតគណបក្សស ង្គ្រោះជាតិ ដែលត្រូវបានទម្លាយដោយបុរស ម្នាក់ឈ្មោះ ជា និច្ច។ តាមរយៈបទសម្ភាសន៍ជាមួយទូរទស្សន៍ព្រះអាទិត្យ លោក ម៉ែន សុថាវរិន្ទ្រ បានទទួលស្គាល់ ថា ជាសំឡេងរបស់លោកពិតប្រាកដមែន។ សំឡេងនេះ ត្រូវបានថតដោយបុរសម្នាក់ឈ្មោះ ជា និច្ច ដែលគេមិនដឹងថា មានតួនាទីអ្វីនៅក្នុងគណបក្សកាន់អំណាច ឬ ក្នុងអតីតគណបក្សប្រឆាំងនោះឡើយ។

តាមការកំណត់EBA នឹងត្រូវគណៈកម្មាធិការសហភាពអឺរ៉ុប សម្រេចដក ឬមិនដកនៅថ្ងៃ១២ កុម្ភៈនេះហើយ ប្រសិនរកឃើញថា កម្ពុជាពិតជារំលោភសិទ្ធិមនុស្ស និងលទ្ធិប្រជាធិបតេយ្យ៕

ភ្នំពេញៈ ក្រុមសមាជិកសភាអតីតគណបក្សសង្ក្រោះជាតិ បានប្រកាសធ្វើវេទិការថ្នាក់ដឹកនាំគណបក្សខ្លួននៅថ្ងៃទី១៣ ខែមករា ឆ្នាំ២០១៨ នៅក្នុងប្រទេសបារាំង។

ក្រុមសមាជិកសភា ដែលចូលរួមវេទិការថ្នាក់ដឹកនាំគណបក្សនៅប្រទេសបារំាង រួមមាន៖ កូនស្រីលោក កឹម សុខា គឺកញ្ញា កឹម មនោវិទ្យា លោក យ៉ែម បុញ្ញឬទ្ធិ លោក ឡុង ប៊ុត្តា លោក ម៉ែន សុថាវរិន្ទ្រ លោក លិម គឹមយ៉ា លោក ទូត ឃឿត និង លិមប៊ុន ស៊ីដារ៉េត។

យ៉ាងណាការប្រកាសធ្វើវេទិការនេះ ខណៈលោក សម រង្ស៊ី អតីតប្រធានគណបក្សសង្គ្រោះជាតិ បានប្រកាសធ្វើវិទិការមួយនាថ្ងៃទី១៤ មករា ឆ្នាំ២០១៨ នៅសហរដ្ឋអាមេរិក ជាមួយលោក អេង ឆៃអ៊ាង និងលោកស្រី មួរ សុខហួរ និយាយពីស្ថានការណ៍ នយោបាយនៅក្នុងប្រទេសកម្ពុជានាពេលបច្ចុប្បន្នផងដែរ៕

ភ្នំពេញៈ ផ្ទាំងរូបថតនៃថ្នាក់ដឹកនាំអតីតគណបក្សសង្គ្រោះជាតិចំនួន ៨ រូប ដែលរងការចាប់ខ្លួនត្រូវបានបិទនៅព្រំដែនថៃ-ម៉ាឡេស៊ី និងព្រំដែនថៃ-កម្ពុជា ខណៈអ្នកច្បាប់របស់រដ្ឋាភិបាលបានថ្លែងថា ចំពោះសកម្មជនអតីតគណបក្សសង្គ្រោះជាតិណាដែលរាយការណ៍ពីផែនការ «អំពើក្បត់របស់លោក សម រង្ស៊ី» នឹងទទួលបានការអធ្យាស្រ័យពីរដ្ឋាភិបាល។

លោក សុខ ទូច ប្រធានរាជបណ្ឌិត្យសភាកម្ពុជាបានថ្លែងនៅក្នុងកិច្ចពិភាក្សាតុមូលផ្សាយបន្តផ្ទាល់កាលពីម្សិលមិញថា លោកបានឃើញផ្ទាំងរូបថតដែលមានរូបថ្នាក់ដឹកនាំអតីតគណបក្សសង្គ្រោះជាតិ ៨ រូបរួមមានលោក សម រង្ស៊ី លោក ហូរ វ៉ាន់ លោក អ៊ូ ច័ន្ទឫទ្ធិ លោក ម៉ែន សុថាវរិន្ទ្រ លោក ឡុង រី លោក តុ វ៉ាន់ចាន់ លោកស្រី មូរ សុខហួរ និងលោក អេង ឆៃអ៊ាង ត្រូវបានដាក់នៅព្រំដែនឆ្លងកាត់ប្រទេសថៃ-ម៉ាឡេស៊ី និងនៅច្រកព្រំដែនអន្តរជាតិប៉ោយប៉ែត។

លោកបានថ្លែងថានៅពេលលោកបានទៅដល់ច្រកព្រំដែនទាំងនោះមន្ត្រីព្រំដែនបានត្រួតពិនិត្យលោកហើយផ្ទៀងផ្ទាត់រូបលោកជាមួយនឹងអ្នកដែលស្ថិតនៅក្នុងរូបថតទាំងនោះ។ យោងតាមរូបថតដែលលោក សុខ ទូច ថតបាន មានសរសេរឈ្មោះអ្នកទាំងនោះជាភាសាខ្មែរ និងភាសាអង់គ្លេសដោយនៅផ្នែកខាងក្រោមមានសរសេរថា «ឃើញឃាត់ខ្លួនរាយការណ៍»។

កាលពីខែមីនាលោក កូយ សៅ ចៅក្រមស៊ើបសួរនៃសាលាដំបូងរាជធានីភ្នំពេញបានចេញដីកាឲ្យសមត្ថកិច្ចចាប់ខ្លួនមន្ត្រីជាន់ខ្ពស់អតីតគណបក្សសង្គ្រោះជាតិដែលកំពុងនៅក្រៅប្រទេសដោយអ្នកទាំង ៨ រូប ត្រូវបានចោទប្រកាន់ពីបទ «រួមគំនិតក្បត់» និង «ញុះញង់ឲ្យប្រព្រឹត្តបទឧក្រិដ្ឋជាអាទិ៍» ។ បទចោទ និងដីកាចាប់ខ្លួននោះពាក់ព័ន្ធនឹងការប្រជុំគណៈកម្មការអចិន្រៃ្តយ៍អតីតគណបក្សសង្គ្រោះជាតិដែលត្រៀមរៀបចំដំណើរមាតុភូមិនិវត្តន៍របស់លោក សម រង្ស៊ី មកកម្ពុជាវិញ។

កាលពីសប្ដាហ៍មុនក្រសួងការបរទេសបានបញ្ជាក់ថា ដីកាចាប់ខ្លួនលោក សម រង្ស៊ី និងថ្នាក់ដឹកនាំអតីតគណបក្សសង្គ្រោះជាតិដទៃទៀតត្រូវបានបញ្ជូនទៅប្រទេសសមាជិកអាស៊ានរួចហើយ។

លោក សុខ ទូច បានថ្លែងថាលោក សម រង្ស៊ី មិនអាចវិលត្រឡប់មកវិញបានទេ ដោយសារលោកបានបង្កសត្រូវចំនួន ៤ គឺសត្រូវទី ១ ជាមួយលោក ស ខេង រដ្ឋមន្ត្រីក្រសួងមហាផ្ទៃ សត្រូវទី ២ គឺជាមួយលោកនាយករដ្ឋមន្ត្រី ហ៊ុន សែន ទី ៣ គឺព្រះមហាក្សត្រ ហើយទី ៤ គឺរដ្ឋធម្មនុញ្ញ និងកងទ័ព។

លោកក៏បានលើកឡើងថាការចូលមកកម្ពុជាវិញរបស់លោក សម រង្ស៊ី ស្ថិតក្នុងរូបភាព ៤។

លោកថ្លែងថា៖ «បើអ្នកឯងមករបៀបនេះមានទិដ្ឋភាព ៤ គឺ ទី១ រដ្ឋប្រហាររដ្ឋធម្មនុញ្ញ ទី២ បដិវត្តន៍ ទី៣ បដិវត្តន៍ពណ៌ដែលប្រើប្រាស់កម្លាំងមកដោះដូរអំណាច ទី៤ គឺជាភេរវកម្ម បើសិនជាបដិវត្តមិនបានសម្រេចវាទៅជាភេរវកម្ម»។

លោកលើកឡើងថា គ្មានប្រទេសអាស៊ានណាផ្ដល់ទឹកដីសម្រាប់ការវាយប្រហារលើកម្ពុជាទេ។ លោក សុខ ទូច ស្នើឲ្យអ្នកគាំទ្រលោក សម រង្ស៊ី និងអតីតគណបក្សសង្គ្រោះជាតិយល់ពីទិដ្ឋភាពច្បាប់ និងនយោបាយ ពាក់ព័ន្ធនឹងលោក សម រង្ស៊ី ដើម្បីចៀសវាងការអនុវត្តច្បាប់របស់រដ្ឋាភិបាល។

ក៏ប៉ុន្តែលោកស្រី មូរ សុខហួរ បានថ្លែងកាលពីម្សិលមិញថា ផែនការវិលត្រឡប់នៅថ្ងៃទី ៩ ខែវិច្ឆិកាមិនមានការប្រែប្រួលទេ។

លោក ស៊ា ម៉ៅ អនុប្រធានក្រុមប្រឹក្សាអ្នកច្បាប់នៃទីស្តីការគណៈរដ្ឋមន្ត្រីបាននិយាយថា អ្នកដែលសហការជាមួយរាជរដ្ឋាភិបាលដោយរាយការណ៍ពីផែនការរបស់លោក សម រង្ស៊ី នឹងទទួលបានការអធ្យាស្រ័យ។

លោកថ្លែងថា៖ «សម្រាប់ប្រជាជន សកម្មជន ឬគណបក្សណាក៏ដោយ ដែលមានសមានចិត្តសហការជាមួយនឹងអាជ្ញាធរមានសមត្ថកិច្ចក្នុងការបកអាក្រាតអំពើក្បត់របស់ទណ្ឌិត សម រង្ស៊ី និងក្រុមគូកនរបស់ខ្លួន នោះរាជរដ្ឋាភិបាលលើកលែងទោសឲ្យរួចខ្លួន ដោយអនុលោមតាមមាត្រា ៤៥៤ នៃក្រមព្រហ្មទណ្ឌនៃព្រះរាជាណាចក្រកម្ពុជា»។

លោកបន្តថា៖ «ដើម្បីរំលាយអង្គការចាត់តាំងខុសច្បាប់ដើម្បីរំលាយផែនការធ្វើរដ្ឋប្រហារបានជោគជ័យ វាទាល់តែមានអ្នកចូលរួមធ្វើការសហការដែរ។ បើប្រជាជនដែលចូលរួមក្នុងអំពើក្បត់គាត់សហការ គាត់បកអាក្រាតគ្នាគាត់អ៊ីចឹងអាជ្ញាធរស្របច្បាប់របស់យើងក៏គាត់អាចស្រួលធ្វើការដែរ»។

លោក ឆាយ គឹមខឿន អ្នកនាំពាក្យអគ្គស្នងការនគរបាលជាតិបានថ្លែងកាលពីម្សិលមិញថា លោកមិនច្បាស់ទេ ពីរឿងដាក់បដាមានរូបថតអ្នកដែលស្ថិតក្រោមការចាប់ខ្លួនទាំងនោះ។ ប៉ុន្តែលោកថាបើមានបែបនេះមែន វាជាការល្អ។

ពាក់ព័ន្ធនឹងកិច្ចសហប្រតិបត្តិការជាមួយប្រទេសក្នុងតំបន់អាស៊ាន លោកថ្លែងថា ប្រទេសដែលយល់ព្រមសហការជាផ្លូវការជាមួយកម្ពុជាគឺ វៀតណាម ឡាវ និងថៃ។ ចំណែកប្រទេសផ្សេងក៏យល់ព្រមសហការដែរ ប៉ុន្តែក្នុងកម្រិតណាមួយនោះ វាអាចជាប់ពាក់ព័ន្ធនឹងប្រទេសមហាអំណាច «ពីព្រោះមហាអំណាចខ្លះ ក៏ស្ថិតនៅលើប្រទេសខ្លះដែរ ហើយគេក៏គិតពីផលប្រយោជន៍របស់គេដែរ»៕