ឆ្នាំ ២០១៩៖ លោក ផែង វណ្ណៈ ត្រូវក្រសួងមហាផ្ទៃដកពីតំណែង ភ្នំពេញៈ លោក ផែង វណ្ណៈ មន្រ្តីនគរបាលជាតិ ដែលល្បីឈ្មោះលើហ្វេសប៊ុកពាក់ព័ន្ធនឹងការគំរាមសម្លាប់លោក កឹម សុខា មេដឹកនាំគណបក្សប្រឆាំង ត្រូវបានដកចេញពីតំណែងដើម្បីត្រួសត្រាយផ្លូវឲ្យគណៈកម្មការថ្មីមួយធ្វើការស៊ើបអង្កេត។
យោងតាមសេចក្តីប្រកាសពីក្រសួងមហាផ្ទៃចុះកាលពីថ្ងៃទី ២៥ ខែកញ្ញាហើយដែលភ្នំពេញ ប៉ុស្តិ៍ ទទួលបានកាលពីម្សិលមិញបានឲ្យដឹងថាលោក ស ខេង រដ្ឋមន្ត្រីក្រសួងមហាផ្ទៃបានសម្រេចដកលោកវរសេនីយ៍ទោ ផែង វណ្ណៈ ពីអនុប្រធានការិយាល័យប្រឆាំងបទល្មើសបច្ចេកវិទ្យានៃនាយកដ្ឋានសន្តិសុខផ្ទៃក្នុងទៅនាយកដ្ឋានបុគ្គលិកដើម្បីស៊ើបអង្កេតលើករណីរំលោភច្បាប់បទបញ្ជាផ្ទៃក្នុងរបស់នគរបាលជាតិ។ ទន្ទឹមនឹងនេះលោក ស ខេង ក៏បានចេញសេចក្តីសម្រេចបង្កើតគណៈកម្មការដែលតែងតាំងមន្រ្តីតំណែងខ្ពស់ចំនួន ៧ នាក់ដើម្បីស៊ើបអង្កេតលើពាក្យបណ្តឹងដទៃទៀតដែលពាក់ព័ន្ធនឹងលោក ផែង វណ្ណៈ។
គណៈកម្មការនោះមានលោក តេង សាវង្ស រដ្ឋលេខាធិការក្រសួងមហាផ្ទៃជាប្រធានលោក ឆៃ ស៊ីណារិទ្ធ អគ្គស្នងការរងនគរបាលជាតិជាអនុប្រធានលោក ឌី វិជ្ជា ប្រធាននាយកដ្ឋានសន្តិសុខកណ្តាលជាអនុប្រធាន និងសមាជិក ៤ នាក់ផ្សេងទៀតក្នុងនោះរួមមានលោក សៀង សេន ប្រធាននាយកដ្ឋានសន្តិសុខផ្ទៃក្នុងលោក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យាលោក បាំង ណារ៉េន ប្រធាននាយកដ្ឋានស៊ើបអង្កេត និងបច្ចេកទេស និងលោក ប៉ែន វិបុល អនុប្រធាននាយកដ្ឋានបុគ្គលិក។
លោក ស ខេង បានសរសេរថា៖ «គណៈកម្មការមានតួនាទីស៊ើបអង្កេតលម្អិត និងហ្មត់ចត់លើពាក្យបណ្តឹងដទៃទៀតដែលប្តឹងពីសកម្មភាពខុសប្រក្រតីពាក់ព័ន្ធនឹងវរសេនីយ៍ទោ ផែង វណ្ណៈ មន្រ្តីនគរបាលជាតិ និងរាយការណ៍ពីលទ្ធផលនៃការស៊ើបអង្កេតជូនរដ្ឋមន្រ្តីក្រសួងមហាផ្ទៃពិនិត្យសម្រេច និងអនុវត្តតាមនីតិវិធី»។
លោក ឆៃ ស៊ីណារិទ្ធ អនុប្រធាននៃគណៈកម្មការបានបញ្ជាក់កាលពីម្សិលមិញថានគរបាលកំពុងធ្វើការលើករណីនេះប៉ុន្តែលោកបន្ថែមថាវាហាក់បីដូចជាពិបាកក្នុងការស៊ើបអង្កេតព្រោះដើមបណ្តឹងពុំបានធ្វើកិច្ចសហប្រតិបតិ្តការល្អជាមួយនឹងនគរបាលដើម្បីស៊ើបអង្កេតលើករណីនេះបន្ទាប់ពីវាបានកើតឡើងយូរមកហើយដែលខុសពីករណីផ្សេងទៀតដែលបានកើតឡើងភ្លាមៗហើយដើមបណ្តឹងបានប្តឹងទៅនគរបាលដូច្នេះនគរបាលងាយស្រួលរកជនត្រូវចោទ។
លោក ស៊ីណារិទ្ធ បញ្ជាក់ថា «យើងកំពុងស៊ើបអង្កេត។ យើងត្រូវតែរកភ័ស្តុតាង។ [យើង] មិននិយាយថា [ការគំរាមលើហ្វេសប៊ុក] ជារបស់គាត់ ឬយ៉ាងណាទេព្រោះគាត់ថា [គណនីហ្វេសប៊ុក] នោះមិនមែនជារបស់គាត់ទេ។ អ៊ីចឹងវាស្មុគស្មាញ។ អីចឹងវាមិនមានន័យថាយើងមិនព្យាយាមទេ»។
លោកបន្តថា៖ «ករណីនេះហាក់បីដូចជាយូរមកហើយ [យើង]បានស្នើ [ដើមបណ្តឹង] សហការប៉ុន្តែដើមបណ្តឹងមិនសហការទេ។ អ្នកពាក់ព័ន្ធក៏បានស្នើឲ្យយើងស្វែងរកថាតើគណនីហ្វេសប៊ុកនោះជារបស់អ្នកណា?»។
នៅពេលទាក់ទងកាលពីម្សិលមិញ លោក វណ្ណៈ បានបដិសេធធ្វើការអត្ថាធិប្បាយ។
លោក យ៉ែម បុញ្ញឫទិ្ធ អ្នកនាំពាក្យគណបក្សសង្គ្រោះជាតិបានបញ្ជាក់កាលពីម្សិលមិញថាគណបក្សសង្គ្រោះជាតិធ្លាប់បានស្នើក្រសួងមហាផ្ទៃរកយុតិ្តធម៌ជូនលោក កឹម សុខា។ នៅពេលសួរថាតើគណបក្សបានដាក់បណ្តឹងទៅក្រសួងមហាផ្ទៃឬអត់? លោក បុញ្ញឫទ្ធិ ពុំបានផ្តល់ព័ត៌មានលម្អិតទេហើយបង្វែរសំណួរទៅលោកមេធាវី កើត ឃី ។ ប៉ុន្តែលោក កើត ឃី បានថ្លែងថាលោកមិនបានកាន់រឿងក្តីនេះទេ។
កាលពី ២ ឆ្នាំមុនក្នុងហ្វេសប៊ុកដាក់ឈ្មោះ ផែង វណ្ណៈ បានគំរាមបាញ់ ៧ គ្រាប់លើលោក កឹម សុខា អនុប្រធានគណបក្សសង្គ្រោះជាតិ ប៉ុន្តែលោក ផែង វណ្ណៈ បានច្រានចោលការចោទប្រកាន់នេះដោយថ្លែងថាគណនីហ្វេសប៊ុករបស់លោកត្រូវបានគេលួចប្រើ៕ TK
ឆ្នាំ ២០១៩៖ លោក ផែង វណ្ណៈ ត្រូវបានចាប់ខ្លួន តាមបណ្តឹងរបស់មេធាវីការពារក្តីឲ្យលោក ហ៊ុន សែន លោក ផែង វណ្ណៈ ដែលអះអាងថាជាអ្នកលេង Facebook ល្បីម្នាក់នៅកម្ពុជា ត្រូវបានចាប់ខ្លួននៅព្រឹកថ្ងៃអង្គារនេះ ទៅតាមបណ្តឹងរបស់លោក គី តិច ជាមេធាវីការពារក្តីឲ្យលោកនាយករដ្ឋមន្រ្តី ហ៊ុន សែន។ការចាប់ខ្លួននេះ លោក ផែង វណ្ណៈ ត្រូវបានធ្វើឡើងតែប៉ុន្មានម៉ោងប៉ុណ្ណោះ ក្រោយពី លោក គី តិច ដាក់ពាក្យបណ្តឹងទៅកាន់តុលាការក្រុងភ្នំពេញ កាលពីរសៀលម្សិលមិញ ដោយប្តឹង លោក ផែង វណ្ណៈ ក្រោមបទចោទ«ញុះញង់ឲ្យប្រព្រឹត្ត បទឧក្រិដ្ឋជាអាទិ៍»។
ការចាប់ខ្លួន ផែង វណ្ណៈ គឺធ្វើឡើងតែប៉ុន្មានម៉ោងប៉ុណ្ណោះ ក្រោយពីបណ្តឹងរបស់មេធាវីការពារក្តី លោក ហ៊ុន សែន បានទៅដៃតុលាការក្រុងភ្នំពេញកាលពីរសៀលថ្ងៃទី១ខែមេសា ខណៈព្រះរាជអាជ្ញាបានកំណត់ពេលឲ្យលោក ផែង វណ្ណៈ ចូលបង្ហាញខ្លួនឲ្យបានមុនថ្ងៃទី៣០ខែមេសា។
បើតាមមេធាវីការពារក្តីឲ្យ លោក ហ៊ុន សែន អ្វីដែល លោក ផែង វណ្ណៈ បានលើកឡើងតាមហ្វេសប៊ុកថ្មីៗនេះ គឺជាចេតនាទុច្ចរិត ធ្វើការប្រៀបធៀប ក្នុងបំណងចោទប្រកាន់ និងទម្លាក់កំហុសទៅលើលោក ហ៊ុន សែន ថាពាក់ព័ន្ធនឹងឃាតកម្មលើ លោក កែម ឡី។
សូមរំឭកថា មុនពេលឈានដល់ការចាប់ខ្លួន លោក ផែង វណ្ណៈ នៅព្រឹកថ្ងៃទី២ខែមេសានេះ គឺអ្នកលេងហ្វេសប៊ុករូបនេះ បានធ្វើការប្រៀបធៀបគ្នា ករណី ដែល លោក ផែង វណ្ណៈ យកថវិកាចំនួន ៥០០០ ដុល្លារ ទៅចូលបុណ្យគ្រួសារសពនិស្សិត ឌុំ រីដា ដែលត្រូវរថយន្តបុកស្លាប់។ ករណីនេះត្រូវបានលោក ពេជ្រ ស្រស់ ប្រធានគណបក្សយុវជនកម្ពុជាប្តឹងទៅអង្គភាពប្រឆាំងអំពើពុករលួយ។
ប៉ុន្តែលោក ផែង វណ្ណៈ បានចោទសួរបកវិញថា ករណី លោក លឹម ជាយុត្ថា អគ្គនាយក អង្គភាព Fresh News តំណាងឲ្យលោកនាយករដ្ឋមន្រ្តី ហ៊ុន សែន យកថវិកា ចំនួន ៥០០០០ ដុល្លារ ទៅចូលបុណ្យក្រុមគ្រួសារសពលោកបណ្ឌិត កែម ឡី ដើម្បីធ្វើចេតិយហេតុអ្វីលោក ពេជ្រ ស្រស់ មិនប្តឹងទៅអង្គភាពប្រឆាំងអំពើពុករលួយ ? តើខុសគ្នាដូចម្តេចខ្លះ បើកាន់លុយជាតំណាងទៅចូលបុណ្យដូចគ្នា ? នេះជាការលើកឡើងរបស់ លោក ផែង វណ្ណៈ ដែលអះអាងថាខ្លួនមានអ្នកគាំទ្រច្រើនជាងអ្នកស្អប់នៅតាមហ្វេសប៊ុក។
សូមបញ្ជាក់ថា ក្រៅពីបណ្តឹងរបស់ លោក ហ៊ុន សែន ក៏នៅមានបណ្តឹងយ៉ាងតិចមួយទៀតប្រឆាំងនឹងលោក ផែង វណ្ណៈ។ កាលពីល្ងាចថ្ងៃទី២៩ ខែមីនា ឆ្នាំ២០១៩ អង្គភាពព័ត៌មាន Fresh News បាន ប្តឹងលោក ផែង វណ្ណៈ ពីបទ «បរិហារ្តិ៍ជាសាធារណៈ» ដោយទារសំណងជំងឺចិត្ត៥០ម៉ឺនដុល្លារអាមេរិកបន្ទាប់ពី លោក ផែង វណ្ណៈបាននិយាយថា «Fresh News ផ្សាយតែព័ត៌មានណាដែលបានលុយ»៕
ឆ្នាំ ២០១៩ ៖ លោក ផែង វណ្ណៈ នឹងត្រូវដោះលែងនៅថ្ងៃទី១៨មិថុនា នៅសល់តែមួយថ្ងៃទៀតប៉ុណ្ណោះ ពោលគឺនៅថ្ងៃទី១៨ ខែមិថុនា ឆ្នាំ២០១៩ លោក ផែង វណ្ណៈ អ្នកលេងហ្វេសប៊ុកដ៏ល្បីម្នាក់ ដែលរងបណ្តឹងពីមេធាវីរបស់សម្តេចនាយករដ្ឋមន្ត្រី ហ៊ុន សែន នឹងត្រូដោះលែងឲ្យមានសេរីភាពឡើងវិញ។ តុលាការភ្នំពេញ បានប្រកាសសាលក្រមលើសំណុំរឿងរបស់លោក នៅព្រឹកថ្ងៃទី១៧មិថុនានេះ។
តាមរយៈសាលក្រមនោះ តុលាការ បានផ្តន្ទាទោសលោក ផែង វណ្ណៈ រយៈពេល១ឆ្នាំ តែអនុវត្តទោសក្នុងពន្ធនាគារតែ២ខែ១៥ថ្ងៃប៉ុណ្ណោះ ឯទោសនៅសល់ គឺត្រូវព្យួរ។ លោក ត្រូវបានឃុំខ្លួនដំបូងនៅថ្ងៃទី៣មេសា ដូច្នេះនៅថ្ងៃទី១៨មិថុនា នឹងគ្រប់រយៈពេលកំណត់នៃការជាប់ឃុំ។
កាលពីថ្ងៃទី១១មិថុនា លោក ផែង វណ្ណៈ បានសរសេរលិខិតមួយច្បាប់ ជូនទៅសម្តេចនាយករដ្ឋមន្រ្តី ហ៊ុន សែន ដើម្បីសារភាពកំហុសនិងសូមទោស។ លោក ប្រាប់សម្តេចថា លោក មានការសោកស្តាយចំពោះទង្វើមិនគប្បីរបស់ខ្លួន ហើយលោក អះអាងថា ទង្វើនេះ គឺកើតពីអារម្មណ៍ឆេវឆាវមួយពេល ដែលធ្វើឲ្យលោក ភ្លេចខ្លួននិងខ្វះការពិចារណា។
ក្នុងលិខិតនោះ លោក មិនត្រឹមតែសូមទោសម្តេចទេ តែលោក ក៏បានសូមទោសប្រជាពលរដ្ឋមួយចំនួនផងដែរ។ បន្ទាប់ពីសូមទោសរួច លោក ក៏សូមក្តីសន្តោសពីសម្តេច និងសង្ឃឹមថា នឹងបានជួបជុំគ្រួសារ និងបានចេញទៅព្យាបាលជំងឺឆាប់ៗ។ លោក សរសេរប្រាប់សម្តេចដូច្នេះថា «ខ្ញុំបាទ ចងចាំជានិច្ចនូវកំហុសឆ្គងកន្លងមកនេះ ដោយសន្យាថា នឹងកែប្រែអត្តចរឹត ពាក្យសម្តីរបស់ខ្លួន និង មិនឲ្យមានបញ្ហាទាំងនេះ កើតឡើងជាថ្មីទៀតឡើយ»។
លោក ផែង វណ្ណៈ ត្រូវបានលោក គី តិច មេធាវីរបស់សម្តេច ហ៊ុន សែន ប្តឹងពីបរិហារកេរ្តិ៍ជាសាធារណៈនិងបទញុះញង់ឲ្យប្រព្រឹត្តបទឧក្រិដ្ឋជាអាទិ៍។ លោក រងបណ្តឹងនេះ ដោយសារតែលោក ចោទជាសំណួរថា បើលោក មានទោស ដោយគ្រាន់យកថវិកាទៅចូលបុណ្យសពកញ្ញា ឌុំ រីដា និស្សិតឆ្នាំ៤ ដែលស្លាប់ដោយសារយុវតី យិន ម៉ាណា បើករថយន្តបុក (អចេតនា) ចុះសម្តេច ហ៊ុន សែន ឲ្យគេយកថវិកា ទៅចូលបុណ្យសពលោកបណ្ឌិត កែម ឡី យ៉ាងម៉េចទៅវិញ?
លោក គី តិច ចាត់ទុកសំណួររបស់លោក ផែង វណ្ណៈ ថាមានចេតនាចោទសម្តេច ហ៊ុន សែន ថាជាអ្នកនៅក្រោយខ្នងនៃអំពើឃាតកម្មលើលោកបណ្ឌិត កែម ឡី។ មូលហេតុ ដែលលោក ផែង វណ្ណៈ ចោទជាសំណួរនេះ គឺដើម្បីឆ្លើយតបនឹងលោក ពេជ្រ ស្រស់ ប្រធានគណបក្សយុវជនកម្ពុជា។ លោក ពេជ្រ ស្រស់ បានប្តឹងលោក ផែង វណ្ណៈ ទៅអង្គភាពប្រឆាំងអំពើពុករលួយ ដោយសង្ស័យថា លោក ផែង វណ្ណៈ ប្រព្រឹត្តអំពើពុករលួយ បន្ទាប់ពីលោកនាំយកថវិកា៥ពាន់ដុល្លារពីគ្រួសារយុវតី យិន ម៉ាណា ទៅចូលបុណ្យសពកញ្ញា ឌុំ រីដា។
លោក ពេជ្រ ស្រស់ យល់ថា ការយកថវិកាទៅចូលបុណ្យនេះ ទំនងជាចង់បញ្ចប់រឿង។ ដោយមិនសុខចិត្ត និងចង់ឲ្យមានយុត្តិធម៌ពិតប្រាកដក្នុងរឿងគ្រោះថ្នាក់ចរាចរណ៍នេះ លោក ពេជ្រ ស្រស់ ក៏ប្តឹងឲ្យអង្គភាពប្រឆាំងអំពើពុករលួយស្រាវជ្រាវ។ តែដោយសារលោក ផែង វណ្ណៈ ចោទជាសំណួរខាងលើ លោក ក៏រងបណ្តឹងពីលោក គី តិច ទៅតុលាការតែម្តង។
ចំណែក យុវតី យិន ម៉ាណា ដែលជាជនបង្កហេតុ ត្រូវបានដោះលែងឲ្យមានសេរីភាពវិញហើយ កាលពីចុងខែឧសភា ឆ្នាំ២០១៩។ យុវតីវ័យ១៦ឆ្នាំរូបនេះ ជាប់ពន្ធនាគារតែ២ខែប៉ុណ្ណោះ។ ប៉ុន្តែ តុលាការហាមនាង មិនឲ្យបើកបររយៈពេល៣ឆ្នាំ ក្រោយចេញពីពន្ធនាគារ។ គ្រួសាររបស់យុវតី យិន ម៉ាណា បានសងសំណង៧ម៉ឺនដុល្លារ ដល់គ្រួសាររបស់កញ្ញា ឌុំ រីដា៕
ឆ្នាំ ២០១៩៖ លោក ផែង វណ្ណៈ ត្រូវប៉េអឹម ចាប់ខ្លួនហើយ លោក ផែង វណ្ណៈ មន្ត្រីយោធានៅក្រសួងការពារជាតិ និងជាអ្នកលេងហ្វេសប៊ុក ត្រូវបានប៉េអឹមលើផ្ទៃប្រទេសចាប់ខ្លួន នៅព្រឹកថ្ងៃទី០២ ខែមេសានេះ ដើម្បីបន្តនីតិវិធីបញ្ជូនទៅតុលាការ។ នេះបើតាមលោកឧត្តមសេនីយ៍ត្រី គង់ សត្ថារិន ស្នងការរង ស្នងការដ្ឋានស្រាវជ្រាវបង្ក្រាបបទល្មើស ប៉េអឹមលើផ្ទៃប្រទេស បានថ្លែងប្រាប់ [ខ្លីៗ] នៅមុននេះបន្តិច។
ការចាប់ខ្លួននេះ ក្រោយមានពាក្យបណ្តឹងរបស់លោកការចាប់ខ្លួននេះ ក្រោយមានពាក្យបណ្តឹងរបស់លោក គី តិច ជាមេធាវីតំណាងដោយអាណត្តិរបស់សម្តេចនាយករដ្ឋមន្រ្តី ហ៊ុន សែន កាលពីថ្ងៃទី១ ខែមេសា ឆ្នាំ២០១៩។
ការចេញដីកាពីសំណាក់ព្រះរាជអាជ្ញា ចាប់ឃាត់ខ្លួនលោក ផែង វណ្ណៈ ធ្វើឡើងបន្ទាប់ពីមេធាវីរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅរសៀលថ្ងៃទី០១ ខែមេសា ឆ្នាំ២០១៩ បានដាក់ពាក្យបណ្តឹងទៅកាន់សាលាដំបូងរាជធានីភ្នំពេញ ដោយប្តឹងលោក ផែង វណ្ណៈ ពីបទប្រើប្រាស់បណ្តាញសង្គម Facebook ផ្សព្វផ្សាយដល់ សាធារណជន គោលបំណងបរិហាកេរ្តិ៍ ជាសាធារណៈលើ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងមានចេតនាពេញទី គោលបំណងញុះញង់ឲ្យប្រព្រឹត្ត បទឧក្រិដ្ឋជាអាទិ៍ ដែលជាអំពើផ្ទុយនឹង បញ្ញត្តិមាត្រា៣០៥ និងបញ្ញត្តិមាត្រា ៤៩៤-៤៩៥ នៃក្រមព្រហ្មទណ្ឌ។
មេធាវីរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចដាក់ពាក្យបណ្តឹងទៅកាន់ សាលាដំបូងរាជធានីភ្នំពេញ ដោយប្តឹងលោក ផែង វណ្ណៈ ពីបទប្រើប្រាស់បណ្តាញសង្គម Facebook ផ្សព្វផ្សាយដល់សាធារណជន គោលបំណងបរិហាកេរ្តិ៍ជាសាធារណៈលើ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងមានចេតនាពេញទី គោលបំណងញុះញង់ឲ្យប្រព្រឹត្តបទឧក្រិដ្ឋជាអាទិ៍ ដែលជាអំពើផ្ទុយនឹងបញ្ញត្តិមាត្រា៣០៥ និងបញ្ញត្តិមាត្រា ៤៩៤-៤៩៥ នៃក្រមព្រហ្មទណ្ឌ។
នៅក្នុងពាក្យបណ្តឹងរបស់មេធាវីសម្តេចតេជោ ហ៊ុន សែន គឺលោក គី តិច បានបញ្ជាក់ថា ឈ្មោះ ផែង វណ្ណៈ បានធ្វើសំណេរផ្សព្វផ្សាយតាមទំព័រ (Page Facebook របស់ខ្លួនថា «គំនិតគួរពិចារណា !!! ១- លោក ផែង វណ្ណៈ ចាងហ្វាងការផ្សាយ និងជានិពន្ធនាយក គេហទំព័រ Pheng Vannak News តំណាងអោយម្ចាស់រថយន្តលេខ 2AF-7777 យកថវិកាចំនួន ៥០០០ ដុល្លារ ទៅចូលបុណ្យដល់ក្រុមគ្រួសារសពនិស្សិត ឌុំ រីដា ត្រូវលោកទេសរដ្ឋមន្ត្រី ពេជ្រ ស្រស់ ប្តឹងទៅអង្គភាពប្រឆាំងអំពើពុករលួយ។ បញ្ជាក់៖ ម្ចាស់រថយន្ត 2AF-7777 គឺ ឈ្មោះ យិន វ៉ិច លោក យិន វ៉ិច មិនមែនជាជនបង្ករទេ កូនទេដែលបង្ករត្រូវចែកគ្នាអោយដាច់រវាងម្ចាស់រថយន្ត និងជនបង្ករ។ ២- លោក លឹម ជាយុត្ថា អគ្គនាយក អង្គភាព Fresh News តំណាងអោយថ្នាក់ដឹកនាំនាំយកថវិកា ចំនួន ៥០០០០ ដុល្លារ ទៅចូលបុណ្យដល់ក្រុមគ្រួសារលោកបណ្ឌិត កែម ឡី ដើម្បីធ្វើ ចេតិយម្តេច លោកទេសរដ្ឋមន្ត្រី ពេជ្រ ស្រស់ មិនប្តឹងទៅអង្គភាពប្រឆាំងអំពើពុករលួយ ? ខុសគ្នាដូចម្តេចខ្លះ បើកាន់លុយជាតំណាងទៅចូលបុណ្យដូចគ្នា ?»។
មេធាវីសម្តេចតេជោ ហ៊ុន សែន បានអះអាងថា សំណេរនេះបានបញ្ជាក់ច្បាស់ថា ឈ្មោះ ផែង វណ្ណៈ ពិតជាមានផែនការច្បាស់លាស់ និង ចេតនាទុច្ចរិតពិតប្រាកដធ្វើការ ប្រៀបធៀប ក្នុងបំណងចោទប្រកាន់ និងទម្លាក់កំហុសទៅលើសម្តេចអគ្គមហាសេនាបតីតេជោ ហ៊ុន សែន ថា ជាឃាតកសម្លាប់លោកបណ្ឌិត កែម ឡី។
សំណេរនេះឈ្មោះ ផែង វណ្ណៈ ក៏បានធ្វើការផ្សព្វផ្សាយជាសាធារណៈ តាមទំព័រ (Page) Facebook របស់ខ្លួន ក្នុងបំណងឲ្យសាធារណជន (Friends) មានការភាន់ច្រឡំ ជឿជាក់ និងទម្លាក់កំហុសទៅលើ សម្តេចអគ្គមហាសេនាបតីតេជោ ហ៊ុន សែន ដែលជាថ្នាក់ដឹកនាំកំពូលនៃព្រះរាជាណាចក្រកម្ពុជា និងក៏ជាចេតនាទុច្ចរិត ដែលមានចរិតញុះញង់ ឲ្យប្រព្រឹត្តបទឧក្រិដ្ឋជាអាទិ៍។ ជាក់ស្តែងសាធារណជនដែលជា (Friends) បានបញ្ចេញជាទស្សនៈ យោបល់ (Comment) ជាច្រើន ដោយមានការភាន់ច្រឡំ និងសំដៅទៅលើ សម្តេចអគ្គមហាសេនាបតីតេជោ ហ៊ុន សែន ថាជា ឃាតករសម្លាប់ លោកបណ្ឌិត កែម ឡី។
មេធាវីសម្តេចតេជោ ហ៊ុន សែន សុំប្តឹង និងធ្វើសំណូមពរ ចំពោះលោកព្រះរាជអាជ្ញា ធ្វើការពិនិត្យសម្រេចឃាត់ខ្លួន ឬចាប់ខ្លួន និងឃុំខ្លួន ឈ្មោះ ផែង វណ្ណៈ ជាបន្ទាន់ ដើម្បីទប់ស្កាត់ការប្រព្រឹត្តអំពើល្មើសជាបន្តបន្ទាប់ ដែលអាចនាំឲ្យមានភាពវឹកវរធ្ងន់ធ្ងរដល់សន្តិសុខសង្គម។
ឆ្នាំ ២០១៩៖ លោក ផែង វណ្ណៈ ដែលជាមន្ត្រីយោធាព្រមានប្រើទាំងច្បាប់និងក្រៅច្បាប់លើអ្នកលួចហ្វេសប៊ុក មន្ត្រីយោធាដែលសកម្មក្នុងការប្រើប្រាស់បណ្តាញសង្គមហ្វេសប៊ុកលាតត្រដាងបញ្ហាផ្សេងៗនៅក្នុងសង្គមនោះ បានព្រមានចាត់វិធានការលើអ្នកលួចផេកហ្វេសប៊ុករបស់លោក ទាំងយន្តការផ្លូវច្បាប់និងក្រៅច្បាប់។
ឆ្នាំ ២០១៩៖ ទីបំផុត ផែង វណ្ណៈ សរសេរលិខិតសុំទោសសម្តេចតេជោ ហ៊ុន សែន និងបងប្អូនមួយចំនួន ព្រមទាំងសន្យាកែប្រែអត្តចរិត និងសម្តីរបស់ខ្លួនឡើងវិញ (ភ្នំពេញ)៖ នៅទីបំផុតលោក ផែង វណ្ណៈ បានសរសេរលិខិតសុំការខន្តីអភ័យទោសពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នូវអ្វីដែលខ្លួនបានសរសេរព័ត៌មាន ប្រៀបធៀបមិនសមរម្យ តាមរយៈបណ្តាញសង្គមហ្វេសប៊ុក ព្រមទាំងសុំការអភ័យទោសពីសំណាក់ថ្នាក់ដឹកនាំ និងបងប្អូនមួយចំនួនផងដែរ។
លោក ផែង វណ្ណៈ បានរៀបរាប់ថា «ទង្វើដ៏ឆ្គាំឆ្គងនេះកើតឡើងដោយសារ ខ្ញុំមានការភ្លេចខ្លួនមានអារម្មណ៍ឆេវឆាវ ខ្វះការពិចារណា ច្រឡោត ខឹងសម្បា ទៅលើអ្នកលេងហ្វេសប៊ុកមួយចំនួន ដោយមិនបានគិតវែងឆ្ងាយ ជាហេតុនាំឲ្យប៉ះពាល់ដល់កិត្តិយស សម្តេចតេជោ ហ៊ុន សែន ដែលជាប្រមុខដឹកនាំដ៏ល្អប្រពៃ នៃប្រជាជនកម្ពុជា។ ទន្ទឹមនេះខ្ញុំបាទ ក៏សុំការអភ័យទោសផងដែរ ពីសំណាក់ថ្នាក់ដឹកនាំ និងបងប្អូនមួយចំនួននាពេលកន្លងមក ដែលខ្ញុំធ្លាប់បានរិះគន់ ដោយប្រើប្រាស់ពាក្យសម្តីមិនសមរម្យ ធ្វើឲ្យប៉ពាល់ដល់កិត្តិយសផ្ទាល់ខ្លួនរបស់ថ្នាក់ដឹកនាំ និងបងប្អូនមួយចំនួន»។
នៅក្នុងលិខិតរបស់លោក ផែង វណ្ណៈ សរសេរបញ្ជាក់ទៀតថា «ខ្ញុំបាទចងចាំនូវកំហុសឆ្គងកន្លងមកនេះ ដោយសន្យាថានឹងធ្វើការកែប្រែអត្តចរិត ពាក្យសម្តីរបស់ខ្លួន និងមិនឲ្យបញ្ហាទាំងនេះកើតឡើងជាថ្មីម្តងទៀត»៕
ឆ្នាំ ២០១៩ សម្ដេចក្រឡាហោម ស ខេង សម្រេចដកលោក ផែង វណ្ណៈ ចេញពីតំណែងអនុប្រធានក្រុមការងារ…
cambofox | July 9, 2019 | ព័ត៌មាន | No Comments
បើតាមប្រភពព័ត៌មានពីគេហទំព័រ khmernote.com បានចេញថ្ងៃទី០៤ ខែកក្កដា ឆ្នាំ២០១៩ បានសរសេររៀបរាប់ថា៖ យោងតាមសេចក្តីសម្រេចចុះថ្ងៃទី០៤ ខែកក្កដា ឆ្នាំ២០១៩ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អនុប្រធានគណបក្សប្រជាជនកម្ពុជា និងជាប្រធានក្រុមការគណបក្សប្រជាជនកម្ពុជាខេត្តព្រៃវែង បញ្ចេញលោកផែង វណ្ណ ចេញពីមុខតំណែងអនុប្រធានក្រុមការងារគណបក្សប្រជាជនកម្ពុជាឃុំព្រៃឃ្នេស ស្រុកមេសាង ខេត្តព្រៃវែង។
ក្រោយពីទទួលសេចក្តីសម្រេចនេះ លោក ផែង វណ្ណៈ ក៏បានបង្ហាញអារម្មណ៍ថា៖ “សម្ដេចក្រឡាហោម ស ខេង បានសម្រេចបញ្ចេញ ខ្ញុំបាទពីក្រុមការងារគណបក្សប្រជាជនកម្ពុជាឃុំព្រៃឃ្នេស ស្រុកមេសាង ខេត្ត ព្រៃវែង។ ខ្ញុំបាទសូមគាំទ្រការសម្រេចចិត្តរបស់ថ្នាក់ដឹកនាំ។ ទោះបីខ្ញុំនៅជាពលរដ្ឋសាមញ្ញក៏ដោយអោយតែខ្ញុំនៅមានដង្ហេីម ខ្ញុំនៅតែបន្តបំរេីប្រជាជននិង ប្រទេសជាតិរបស់ខ្ញុំតាមធនធាននិងលទ្ធភាពដដែល”។
គួររំលឹកថាលោក ផែង វណ្ណៈ ទើបតែទទួលតំណែងជាអនុប្រធានក្រុមការងារគណបក្សប្រជាជនកម្ពុជាឃុំព្រៃឃ្នេស ស្រុកមេសាង ខេត្ត ព្រៃវែង កាលពីថ្ងៃទី២៦ ខែមេសា ឆ្នាំ២០១៩ ប៉ុន្តែពេលនេះលោកក៏ត្រូវបញ្ចេញពីតំណែងអនុប្រធានក្រុមការងារគណបក្សប្រជាជនកម្ពុជាឃុំព្រៃឃ្នេស៕
ឆ្នាំ ២០១៩៖ ក្រសួងការពារជាតិ ប្រកាសដកតួនាទីលោកផែង វណ្ណៈ ចេញពីក្របខណ្ឌ នៃកងយោធពលខេមរភូមិន្ទហើយ លោកផែង វណ្ណះ ដែលជាសកម្មជនអ្នកប្រើប្រាស់បណ្តាញសង្គមហ្វេសប៊ុកដល់សកម្មម្នាក់ ត្រូវបានក្រសួងការពារជាតិ សម្រេចដកតំណែងចេញពីក្របខណ្ឌ នៃកងយោធពលខេមរភូមិន្ទហើយ ។ នេះបើយោងតាមសេចក្តីជូនដំណឹងមួយច្បាប់នៅថ្ងៃទី២៧សីហានេះ។
សម្តេចទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានចេញសេចក្តីប្រកាសមួយ សម្រេចលុបឈ្មោះ លោក ផែង វណ្ណៈ ចេញពីក្របខណ្ឌរដ្ឋហើយ ពោលគឺដកចេញពីជួរកងយោធពលខេមរភូមិន្ទ។
គួររំលឹកផងដែលថា កាលពីថ្ងៃទី១៧ មិថុនា ឆ្នាំ២០១៩កន្លងទៅថ្មីៗនេះ លោកផែង វណ្ណៈ ត្រូវបានសាលាដំបូងរាជធានីភ្នំពេញ បានប្រកាសសាលក្រមសម្រេចផ្តន្ទាទោសដាក់ពន្ធនាគាររយៈពេល១ឆ្នាំ ប៉ុន្តែអនុវត្តទោស ត្រឹមតែ២ខែ១៥ថ្ងៃប៉ុណ្ណោះ បន្ទាប់ទទួលទោសគ្រប់ចំនួនហើយ លោកផែង វណ្ណៈ ក៏ត្រូវបានតុលាការដោះលែងឲ្យមានសេរីភាពឡើងវិញកាលពីថ្ងៃ១៨មិថុន ឆ្នាំ២០១៩នេះ។
ឆ្នាំ ២០១៧៖ មន្ត្រីក្រសួងមហាផ្ទៃម្នាក់ចំអកឲ្យ ផែង វណ្ណៈ ពី«កម្មពៀរ»
មន្ត្រីក្រសួងមហាផ្ទៃម្នាក់ ដែលធ្លាប់រងការចោទ ពីលោក ផែង វណ្ណៈ កាលពីមន្ត្រីរូបនោះមានរឿងរ៉ាវ ជាមួយនគរបាលចរាចរណ៍ ខេត្តសៀមរាប បានចេញមុខនៅថ្ងៃនេះ ធ្វើការចំអកឲ្យលោក ផែង វណ្ណៈ វិញយ៉ាងចាស់ដៃ ដោយបានហៅព្រឹត្តិការណ៍ «កូនស្រីញៀនថ្នាំ» ដែលបានកើតឡើង ប៉ុន្មានថ្ងៃកន្លងមកនេះ ថាជា«កម្មពៀរ»របស់លោក ផែង វណ្ណៈ ខ្លួនឯង។
ហេតុការណ៍ នៃការហៅកូនស្រីមន្ត្រីក្រសួងមហាផ្ទៃ លោក ផែង វណ្ណៈ ថាជាមនុស្ស«ជម្លើយ» និង«ញៀនថ្នាំ» ត្រូវបានមន្ត្រីក្រសួងមហាផ្ទៃម្នាក់ទៀត ចេញមុខមកចំអកឲ្យយ៉ាងចាស់ដៃ។ លោក តូ គីមដារិទ្ធ ដែលអះអាងថា រូបលោក ជាមន្ត្រីមកពីនាយកដ្ឋាន ប្រឆាំងការជួញដូរគ្រឿងញៀង នៃក្រសួងមហាផ្ទៃ និងដែលធ្លាប់ត្រូវបានចោទប្រកាន់ នៅក្នុងការផ្សាយវីដេអូផ្ទាល់មួយ កាលពីអំឡុងខែកុម្ភៈកន្លងមក បានលើកឡើងទៅកាន់លោក ផែង វណ្ណៈ ថា៖ «កម្មពៀរ មិនចាំជាតិក្រោយទេ»។
លោក តូ គីមដារិទ្ធ បានរៀបរាប់ខ្លីៗ រំលឹកមកវិញ នូវហេតុការណ៍ទំនាស់មួយរវាងរូបលោក និងមន្ត្រីនគរបាលចរាចរណ៍ ក្នុងខេត្តសៀមរាប កាលពីដើមខែកុម្ភៈកន្លងមក ដែលហេតុការណ៍នេះ ត្រូវបានលោក ផែង វណ្ណៈ យកមកផ្សាយជាព័ត៌មាន នៅក្នុងវីដេអូផ្សាយផ្ទាល់ (ដាក់ជូនដូចខាងក្រោម) ដោយហៅលោក តូ គីមដារិទ្ធ នៅពេលនោះ ថាជា«មនុស្សញៀនថ្នាំ» និងធ្លាប់ចូល«មណ្ឌលកែប្រែញឹកញាប់»។
លោក តូ គីមដារិទ្ធ បានអះអាងថា៖ «កាលប៉ូលីសចរាចណ៌វ៉ៃឡានខ្ញុំ នៅសៀមរាប លោកបាន "Live Video" ថាខ្ញុំជាមនុស្សញៀនថ្នាំ ហើយថា ធ្លាប់ចូលមណ្ឌលកែប្រែញឹកញាប់។ ឥឡូវនេះ ធ្លាក់ចំកូនរបស់លោកវិញហើយ។ កម្មពៀរ មិនចាំជាតិក្រោយទេ។»។
ក្នុងប៉ុន្មានថ្ងៃចុងក្រោយនេះ រឿងរ៉ាវរបស់កូនស្រីឈ្មោះ ផែង ពិសី របស់លោកឪពុកឈ្មោះ ផែង វណ្ណៈ ដែលបានបើករថយន្ដ ល្មើសផ្លាកហាមបត់ឆ្វេង ហើយត្រូវបានទំព័រហ្វេសប៊ុកមួយ ដាក់ឈ្មោះ «ការិយាល័យនគរបាលចរាចរណ៍ផ្លូវគោករាជធានីភ្នំពេញ» ហៅថាជាមនុស្ស«ជម្លើយ» និង«ញៀនថ្នាំ» បានបង្កឲ្យមានការភ្ញាក់ផ្អើលយ៉ាងខ្លាំង នៅពាសពេញបណ្ដាញសង្គម។ ការសរសេរនេះ ត្រូវបានលោក ផែង វណ្ណៈ ឆេះដុំ និងចាត់ទុកថា ជាការបរិហាកេរ្ដិ៍កូនស្រីរបស់លោក ពីសំណាក់ទំព័រហ្វេសប៊ុកខាងលើ ដែលលោកជឿថា ជាទំព័រផ្លូវការរបស់«ការិយាល័យនគរបាលចរាចរណ៍ផ្លូវគោករាជធានីភ្នំពេញ»។
ក្រោយពីប្រកាសមិនអត់អោន ឲ្យមន្ត្រីនគរបាលចរាចរណ៍រាជធានីខាងលើរួច លោក ផែង វណ្ណៈ ដែលជាមន្ត្រីនគរបាល ធ្វើការនៅក្នុងក្រសួងមហាផ្ទៃដូចគ្នា និងជាមន្ត្រីស្និតនឹងគណបក្សកាន់អំណាច បានសរសេរ កាលពីព្រឹកថ្ងៃទី ២៩ ខែកក្កដាកន្លងមក នៅលើគណនេយ្យហ្វេសប៊ុក «ផែង វណ្ណៈ» ដ៏ល្បីល្បាញរបស់លោក ស្នើទៅលោក នេត សាវឿន អគ្គស្នងការនគរបាលជាតិ សុំឲ្យមានការដកលោក ចេវ ហាក់ ចេញពីតំណែងប្រធានការិយាល័យ នគរបាលចរាចរណ៍ផ្លូវគោករាជធានី និងសុំឲ្យការិយាល័យនេះដដែល ចេញមុខសុំទោសកូនស្រីរបស់លោកថែមទៀត។
» អត្ថបទដែលទាក់ទង៖ ផែង វណ្ណៈ ស្នើដកតំណែង ចេវ ហាក់ ដើម្បីស្ដារកិត្តិយសកូនស្រី
តែសម្រាប់លោក តូ គីមដារិទ្ធ វិញ វេលានៃ«កម្មពារ»របស់លោក ផែង វណ្ណៈ បាន និងកំពុងមកដល់ ហើយក៏ជាពេល ដែលលោកមានឱកាសនិយាយ«ផ្លែផ្កា» ត្រឡប់ទៅលោក ផែង វណ្ណៈ ម្ដងវិញដែរ។ លោក គីមដារិទ្ធ បានលើកឡើងថា៖ «ការនិយាយដែលមិនពិត ត្រូវ[លោក]ស្នើរឲ្យដកតំណែង។ ចុះលោក "Live Video" ហើយនិយាយថា ខ្ញុំជាមនុស្សញៀនថ្នាំនោះ តើខ្ញុំគួរស្នើថ្នាក់លើ ឲ្យដកតំណែងលោកដែរឬទេ?»។
មន្ត្រីផ្នែកប្រឆាំងគ្រឿងញៀន បានបន្តទៀតថា៖ «កាលនោះណា !!! លោកឯងបាននិយាយថា ខ្ញុំប្រើប្រាស់គ្រឿងញៀន ហើយធ្លាប់ចូលមណ្ឌលកែប្រែញឹកញាប់នោះ លោកឯងគិតម៉េចវិញដែរ ?ម៉េចក៏មិនគិតផង ? ពេលខ្ញុំសួរលោកឯង [ពីរឿងចោទខ្ញុំខាងលើនេះ] លោកឯងថា ប៉ូលីសគេប្រាប់មកអញ្ចឹង។ ចុះពេលនេះវិញ បើប៉ូលីសគេឆ្លើយថា មានគេប្រាប់មកអញ្ចឹងដែរ តើលោកឯងយល់ម៉េចវិញដែរ ពីអារម្មណ៍មួយនេះ?»។
លោក តូ គីមដារិទ្ធ បានដាក់រហស្សនាមថ្មីឲ្យលោក ផែង វណ្ណៈ ថា«ជួបដោះអាវបកស័ក្ដិ» ជាមួយនឹងចម្រៀងចំអកដូច្នេះថា៖ «តាក់ទីងណង់ៗ អាណាវាចង់ អាណឹងហើយវាទទួល! សុំដូររហស្សនាមថ្មី ជូនតារា "Facebook" នេះថា "ជួបដោះអាវបកស័ក្កិ"។ សូមផ្ដាំថា កុំចេះតែហ៊ាន អាវ៉ា!!!»៕ » វីដេអូផ្សាយផ្ទាល់ របស់លោក ផែង វណ្ណៈ កាលពីថ្ងៃទី១០ ខែកុម្ភៈ ឆ្នាំ២០១៧ ជុំវិញការចោទលោក តូ គីមដារិទ្ធ៕
ឆ្នាំ ២០១៣ លោកស ខេងបញ្ជាឱ្យស៊ើបអង្កេតលើការគំរាមធ្វើឃាតលោកកឹម សុខា
ភ្នំពេញ — អាជ្ញាធរប៉ូលិសកម្ពុជាបើកការស៊ើបអង្កេតលើពាក្យបណ្តឹងរបស់គណបក្សសង្គ្រោះជាតិដែលថាមានមន្ត្រីប៉ូលិសម្នាក់បានប្រើប្រាស់គេហទំព័រហ្វេសប៊ុកផ្ទាល់ខ្លួនដើម្បីគំរាមសម្លាប់មេដឹកនាំជាន់ខ្ពស់ក្នុងគណបក្ស។
លោក ឧត្តមសេនីយ៍ឯក ខៀវ សុភ័គអ្នកនាំពាក្យក្រសួងមហាផ្ទៃបានបញ្ជាក់ថាលោកស ខេង រដ្ឋមន្ត្រីក្រសួងមហាផ្ទៃបានបញ្ជាឱ្យអគ្គស្នងការនគរបាលជាតិបើកការស៊ើបអង្កេតលើករណីគំរាមកំហែងបាញ់សម្លាប់លោកកឹម សុខា តាមរយៈបណ្តាញសង្គមហ្វេសប៊ុកនេះហើយដោយបានចារលើលិខិតមួយកាលពីចុងសប្តាហ៍មុនបញ្ជូនទៅឱ្យអគ្គស្នងការនគរបាលជាតិស៊ើបអង្កេតដើម្បីចាប់ខ្លួនជនសង្ស័យទៅផ្តន្ទាទោស។
លោកសុភ័គបានឱ្យដឹងថាការគំរាមកំហែងទៅលើថ្នាក់ដឹកនាំជាទង្វើខុសច្បាប់ក៏ប៉ុន្តែថ្នាក់ដឹកនាំមួយចំនួនក្នុងគណបក្សប្រជាជនក៏ធ្លាប់ទទួលរងការគំរាមកំហែងតាមរយៈបណ្តាញសង្គមហ្វេសប៊ុកដូចគ្នានេះដែរ។
លោកនិយាយថា៖ «តាមហ្វេសប៊ុកនេះមិនត្រឹមតែឯកឧត្តមកឹម សុខា មួយរូបប៉ុណ្ណោះទេ។ច្រើនណាស់ចំពោះថ្នាក់ដឹកនាំ ដទៃទៀតនេះយើងឃើញទាំងអស់គ្នាហើយ។ ពាក្យពេចន៍ខ្លះគឺសុទ្ធតែយើងមិនអាចនិយាយបានប៉ុន្តែថ្នាក់ដឹកនាំដទៃទៀតលោកមិនដែលខ្វល់ខ្វាយរឿងហ្នឹងផង»។
គណបក្សសង្គ្រោះជាតិកាលពីថ្ងៃសុក្រសប្តាហ៍មុនបានសរសេរលិខិតមួយច្បាប់ទៅក្រសួងមហាផ្ទៃដើម្បីសុំឱ្យបើកការស៊ើបអង្កេតចាប់ជនដៃដល់ទៅផ្តទ្ទាទោសតាមច្បាប់ពាក់ព័ន្ធនឹងសរសេរសារគំរាមកំហែងបាញ់សម្លាប់លោកកឹម សុខាតាមរយៈបណ្តាញសង្គមហេ្វសប៊ុកដែលកំពុងមានប្រជាប្រីយ៍ភាពនៅក្នុងប្រទេសកម្ពុជា។
មានជនអនាមិកម្នាក់ដោយប្រើប្រាស់គណនីយបណ្តាញសង្គមហ្វេសប៊ុកឈ្មោះ ផែង វណ្ណៈ បានផ្ញើសារសរសេរជាអក្សរខ្មែរដោយភ្ជាប់ជាមួយនឹងរូបភាពកាំភ្លើងខ្លីនិងគ្រាប់ចំនួន៧គ្រាប់។ នៅក្នុងបណ្តាញគណនីយសង្គមហ្វេសប៊ុកដែលមានឈ្មោះ ផែង វណ្ណៈ បានសរសេរថា ទុក៧គ្រាប់ឱ្យលោកកឹម សុខា។ គ្រាប់ទី១បាញ់ចំដៃឆ្វេង គ្រាប់ទី២បាញ់ចំដៃស្តាំ គ្រាប់ទី៣បាញ់ចំជើងឆ្វេង គ្រាប់ទី៤បាញ់ចំជើងស្តាំ គ្រាប់ទី៥បាញ់ចំពោះ គ្រាប់ទី៦បាញ់ចំបេះដូងនិងគ្រាប់ទី៧បាញ់ចំក្បាលលោក កឹម សុខា។
លោក យឹម សុវណ្ណអ្នកនាំពាក្យគណបក្សសង្គ្រោះជាតិបានបញ្ជាក់ថាយើងរង់ចាំមើលថាការស៊ើបអង្កេតរបស់ប៉ូលិសបានដល់កម្រិតណាថាតើហ៊ានចាប់ជនសង្ស័យពិតប្រាកដទៅផ្តន្ទាទោសឬក៏យ៉ាងណា។
លោកនិយាយថា៖ «ក្នុងនាមគណបក្សសង្គ្រោះជាតិយើងនឹងរង់ចាំមើលថាតើវិធានការហ្នឹងមានប្រសិទ្ធភាពឬក៏អត់ហើយការស៊ើបអង្កេតហ្នឹងមានឯករាជ្យទេ។ ការស៊ើបអង្កេតហ្នឹងពិតប្រាកដទេរកការពិតឃើញទេ។ នេះខ្ញុំរង់ចាំមើលលទ្ធផលនេះនៅពេលក្រោយទៀត»។
លោកឧត្តមសេនីយ៍ឯក គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិមិនអាចស្នើសុំដើម្បីធ្វើសេចក្តីអត្ថាធិប្បាយបំភ្លឺបានទេ។
លោក ផែង វណ្ណៈ ដែលមានរហ័សនាមហៅថាទិវា០៣ អតីតនាយរងការិយាល័យព្រហ្មទណ្ឌកម្រិតស្រាលនៃស្នងការនគរបាលក្រុងភ្នំពេញដែលមានគណនីយបណ្តាញសង្គមហ្វេសប៊ុកដែលត្រូវបានគេជឿជាក់ថាបានប្រើជាសារគំរាមកំហែងដល់លោកកឹម សុខា បានបញ្ជាក់ថាលោកត្រៀមខ្លួនជានិច្ចដើម្បីបំភ្លឺជូនកងកម្លាំងមានសមត្ថកិច្ច។
លោកបានអះអាងថាមកដល់ពេលនេះកងកម្លាំងមានសមត្ថកិច្ចមិនទាន់បានកោះហៅលោកឱ្យចូលបំភ្លឺនៅឡើយទេ។
លោកនិយាយថា៖«ខ្ញុំរីករាយស្វាគមន៍និងទៅបំភ្លឺគ្រប់ពេលនៅពេលដែលថ្នាក់លើឬក៏ក្រសួងមហាផ្ទៃឬក៏សមត្ថកិច្ចគេត្រូវការឱ្យទៅបំភ្លឺ»។
គណនីយបណ្តាញសង្គមហេ្វសប៊ុកឈ្មោះ ផែង វណ្ណៈត្រូវបានអ្នកតាមដានព័តមានក្នុងបណ្តាញមួយនេះអះអាងថាបានប្រើប្រាស់ជាញឹកញាប់ក្នុងការរិះគន់មេដឹកនាំគណបក្សសង្គ្រោះជាតិដូចជាលោក សម រង្ស៊ី និងលោក កឹម សុខា៕
ឆ្នាំ២០១៨៖ សម្តេចហ៊ុនសែនផ្តាំអោយ ផែងវណ្ណៈកុំចង់ធ្វើជាប៉ាវចិន ចំពោះទំនាស់ដីធ្លីខេត្តសៀមរាបអត្តបទ ចក្រា
ជម្លោះដីធ្លី នៅខេត្តសៀមរាប ដែលមានការផ្សព្វផ្សាយផ្ទាល់ពីភាពមិនប្រក្រតីផ្សេងៗ ដោយម្ចាស់ដីមានប្លង់កម្មសិទ្ឋត្រឹមត្រូវ ចំណែកសាលាខេត្តសៀមរាប ទាមទារយកដីមកបើកផ្លូវ ពីលោក ផែង វណ្ណៈត្រូវបានសម្តេចហ៊ុន សែនប្រកាសជាផ្លូវការកាលពីព្រឹកថ្ងៃទី ១១ ខែ មិថុនា ឆ្នាំ ២០១៨ ក្នុងផេករបស់សម្តេចផ្ទាល់ សូមអោយលោកផែងវណ្ណៈបញ្ឈប់ភ្លាម ក្នុងការលូកលាន់ នូវចំណាត់ការ របស់ខេត្តសៀមរាប ព្រោះលោក ផែងវណ្ណៈគ្មានតួរនាទី និងយល់ដឹពីគម្រោងរបស់ខេត្តនោះឡើយ ។ សម្តេចបានព្រមានចំៗទៅលោក ផែងវណ្ណៈថា កុំចង់ធ្វើជាប៉ាវចិន ហើយលុបចោល នូវ វិដេអូ ដែលបានបង្ហោះចេញ ។
ឆ្នាំ ២០១៥ ក្រៅពីការសម្រេចផ្ទេរភារកិច្ចលោកវរសេនីយ៍ទោ ផែង វណ្ណៈ អត្តលេខ០៧៥៩០ ពីនាយរងការិយាល័យប្រឆាំងបទល្មើសបច្ចេកវិទ្យា នៃនាយកដ្ឋានសន្តិសុខផ្ទៃក្នុងក្រសួងមហាផ្ទៃ ដើម្បីបើកការត្រួតពិនិត្យករណីល្មើសវិន័យបទបញ្ជាផ្ទៃក្នុងរបស់កងកម្លាំងនគរបាលជាតិរួចមក សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចបង្កើតគណៈកម្មការមួយដើម្បីស្រាវជ្រាវ ស៊ើបអង្កេតទៅលើករណីបណ្តឹងនានា ពាក់ព័ន្ធទៅនឹងសកម្មភាពមិនប្រក្រតីរបស់លោកវរសេនីយ៍ទោ ផែង វណ្ណៈ ដែលមានសមាសភាពចំនួន៧នាក់ ដូចមានរាយឈ្មោះខាងក្រោម ៖
- ១-ឯកឧត្តម នាយឧត្តមសេនីយ៍ តេង សាវង្ស រដ្ឋលេខាធិការក្រសួងមហាផ្ទៃ ជាប្រធាន
- ២-លោកឧត្តមសេនីយ៍ឯក ឆៃ ស៊ីណារិទ្ធ អគ្គស្នងការរងនគរបាលជាតិ ជាអនុប្រធាន
- ៣-លោកឧត្តមសេនីយ៍ឯក ឌី វិជ្ជា ប្រធាននាយកដ្ឋានកណ្តាលសន្តិសុខ ជាអនុប្រធាន
- ៤-លោកឧត្តមសេនីយ៍ឯក សៀង សេន ប្រធាននាយកដ្ឋានសន្តិសុខផ្ទៃក្នុង ជាសមាជិក
- ៥-លោកឧត្តមសេនីយ៍ឯក ជា ពៅ ប្រធាននាយកដ្ឋានប្រឆាំងបទល្មើសបច្ចេកវិទ្យា ជាសមាជិក
- ៦-លោកឧត្តមសេនីយ៍ទោ ប៉ាង ណារ៉េន ប្រធាននាយកដ្ឋានស៊ើបការណ៍ខាងក្រៅ និងបច្ចេកទេស ជាសមាជិក
- ៧-លោកឧត្តមសេនីយ៍ទោ ប៉ែន វិបុល អនុប្រធាននាយកដ្ឋានបុគ្គលិក ជាសមាជិក ។
គណៈកម្មការនេះមានភារកិច្ចស្រាវជ្រាវ ស៊ើបអង្កេតឲ្យបានល្អិតល្អន់ និងម៉ត់ចត់បំផុតរាល់បណ្តឹងនានាដែលប្តឹងចំពោះសកម្មភាពមិនប្រក្រតី ពាក់ព័ន្ធនឹងលោកវរសេនីយ៍ទោ ផែង វណ្ណៈ និងរាយការណ៍អំពីលទ្ធផលស្រាវជ្រាវ ស៊ើបអង្កេត ជូនរដ្ឋមន្ត្រីក្រសួងមហាផ្ទៃពិនិត្យ សម្រេច និងអនុវត្តន៍ទៅតាមនីតិវិធី ។
សូមបញ្ជាក់ជូនថា លោកវរសេនីយ៍ទោ ផែង វណ្ណៈ ដែលជាតារា Facebook ដ៏ល្បីឈ្មោះម្នាក់ផងនោះ មានសំណុំរឿងពាក់ព័ន្ធសង្ស័យនឹងការគំរាមសម្លាប់ឯកឧត្តម កឹម សុខា អនុប្រធានគណបក្សសង្គ្រោះជាតិ និងជាអនុប្រធានទី១រដ្ឋសភា នីតិកាលទី៥ តាមបណ្តាញសង្គម Facebook កាលពីអំឡុងឆ្នាំ២០១៣កន្លងទៅ និងសព្វថ្ងៃនេះ លោកវរសេនីយ៍ប៉ូលិស ផែង វណ្ណៈ ក៏មានសំណុំរឿងព្រហ្មទណ្ឌមួយចំនួនពាក់ព័ន្ធនឹងការបរិហារកេរ្តិ៍ និងផ្សព្វផ្សាយព័ត៌មានមិនពិតជាមួយលោកជំទាវ ឧកញ៉ា កែវ ម៉ាលី សមាជិកាព្រឹទ្ធសភានីតិកាលទី៣ មកពីគណបក្សប្រជាជនកម្ពុជា នៅស្ថាប័នតុលាការសាលាដំបូងរាជធានីភ្នំពេញផងដែរ ៕
ឆ្នាំ ២០១៨ មិនដែលដឹងសោះថា ពីអតីតកាល លោកផែង វណ្ណៈ ជាអ្នកកំចាត់មហាចោរអារ៉ាស្មាច់យ៉ាងអង់អាច ធ្វើឲ្យមេចោរមួយរូបនេះដេកស្លាប់… អនុស្សាវរីយ៍ ថ្ងៃបេសសកម្មសម្ងាត់កំចាត់មេក្លោងចាប់ជំរឹតដ៏ល្បីល្បាញឈ្មោះ រ៉ាស្មាច់ឆ្នាំ ២០០០នៅថ្ងៃទី ១០ ខែ សីហា ឆ្នាំ ២០០០ លោកអនុសេនីយ៍ទោ ផែង វណ្ណៈ ប្រធានផ្នែកការពារការសម្ងាត់ជាតិ ការិយាល័យព័ត៌មានទូទៅ នៃ ស្នងការដ្ឋាននគរបាលរាជធានីភ្នំពេញ បានទទួលបញ្ជាអោយអនុវត្តផែនការសម្ងាត់កំចាត់មេក្លោងចាប់មនុស្សជំរឹតទារប្រាក់ដ៏ល្បីល្បាញគឺ សោម ណារ៉ា ហៅ សុខ ណារ៉ា ហៅរ៉ាអូស្ត្រាលី ឬ ហៅ រ៉ាស្មាច់ ។ប្រជុំដាក់ផែនការ:នៅវេលាម៉ោង ៩:៣០ នាទី យប់ ថ្ងៃទី ១០ ខែ សីហា ឆ្នាំ ២០០០ គណៈស្នងការនគរបាលរាជធានីភ្នំពេញ បានបេីកការប្រជុំបន្ទាន់មួយដេីម្បីរៀបចំផែនការបង្ក្រាបមេក្លោងចាប់ជំរឹតដ៏ល្បីល្បាញគឺ រ៉ាស្មាច់ ។
ការប្រជុំនោះដឹកនាំដោយលោកឧត្ដមសេនីយ៍ សួន ឈាងលី ស្នងការ លោកវរៈសេនីយ៍ឯក ប៊ិត គឹមហុង ស្នងការរង ( បច្ចុប្បន្ន ស្លាប់ ) លោកវរៈសេនីយ៍ឯក ឆៃ ស៊ីណារឹទ្ធ អនុប្រធាននាយកដ្ឋានព័ត៌មានទូទៅ លោកវរៈសេនីយ៍ឯក ពៅ លឹមមី ស្នងការរង ទទួលព្រហ្មទណ្ឌ និង លោកវរៈសេនីយ៍ឯក គង់ សារ៉ាន់ ស្នងការរងទទួលផែនសណ្ដាប់ធ្នាប់ លោកវរសេនីយ៍ត្រី សោម ឡេង ប្រធានការិយាល័យព័ត៌មានទូទៅ និង លោកវរៈសេនីយ៍ត្រី ហឿង លាងសែ ប្រធានការិយាល័យប្រឆាំងភេរវកម្ម និង ភ្នាក់ងារសម្ងាត់ម្នាក់ ។
ការប្រជុំសម្រេចជ្រេីសរេីសយកលោកវរៈសេនីយ៍ត្រី សោម ឡេងប្រធានការិយាល័យព័ត៌មានទូទៅ ដឹកនាំផ្ទាល់លោកអនុសេនីយ៍ទោ ផែង វណ្ណៈ ជាអ្នកចុះអនុវត្តផែនការផ្ទាល់ ដោយមានកម្លាំងពិសេសអន្តរាគមន៍អមជាមួយ ៣ នាក់ ។ ចំណែកគណៈស្នងការនគរបាលរាជធានីភ្នំពេញ នៅប្រចាំដឹកនាំបញ្ជានៅស្ថានីយ៍ប្រេងផ្លូវបំបែកវ៉េង ស្រេង ។ អធិការខណ្ឌមានជ័យទទួលទឹសចំការដូង ដឹកនាំដោយលោក ប៉ូ មុត អធិការខណ្ឌចំការមនទទួលទឹសឡេីងទៅពេទ្យរ៉ូស្សីដឹកនាំដោយលោក លុក លន ។
ចុះអនុវត្តផែនការ:ប្រជុំចប់ទាំងគណៈស្នងការនគរបាលរាជធានីភ្នំពេញ និង អ្នកដឹកនាំអនុវត្តផែនការផ្ទាល់ បានចុះទៅដល់គោលដៅត្រៀមធ្វេីសកម្មភាព ។ នៅវេលាម៉ោង ៤ ទាបភ្លឺ ភ្នាក់ងារសម្ងាត់បានផ្ដល់ព័ត៌មានមកអោយត្រៀមព្រោះមុខសញ្ញារៀបចំចេញហេីយ ។ មិនយូរប៉ុន្មាននៅវេលាម៉ោង ៤:១៥ នាទីព្រឹកទាបភ្លឺ ថ្ងៃទី ១១ ខែ សីហា ឆ្នាំ ២០០០ មេក្លោងចាប់ជំរឹតឈ្មោះ រ៉ាស្មាច់ បានបេីកម៉ូតូម៉ាក វីវ៉ា ពណ៌ខ្មៅ សេរីឆ្នាំ ១៩៩៩ ស្លាកលេខ ១ភ្នំពេញ ១ធ-០៩៩៤ ឆ្ពោះមកគោលដៅរបស់លោកអនុសេនីយ៍ទោ ផែង វណ្ណៈ នៅភូមិ ឬស្សី សង្កាត់ស្ទឹងមានជ័យ ដោយនៅដៃឆ្វេងរបស់ រ៉ាស្មាច់ កាន់កាំភ្លេីងខ្លីប្រភេទឡុក ដែលមានបង់ ៣០ គ្រាប់ ។
មិនបង្អង់យូរលោកអនុសេនីយ៍ទោ ផែង វណ្ណៈ បានបាញ់គំរាមដេីម្បីចាប់ខ្លួនទាំងរស់ ប៉ុន្តែ រ៉ាស្មាច់ មិនអោយចាប់ខ្លួនទេថែមទាំងបាញ់មករកកម្លាំងយេីងថែមទៀត ។ ដោយមិនបង្អង់យូរ លោកអនុសេនីយ៍ទោ ផែង វណ្ណៈ និង កម្លាំងអន្តរាគមន៍ពិសេស ៣ នាក់ផ្សេងទៀត បានសម្រេចបាញ់ស្រោចទៅលេី មេក្លោង សោម ណារ៉ា ហៅសុខ ណាណារ៉ា ហៅរ៉ាអូស្ត្រាលី ឬហៅរ៉ាស្មាច់ អោយរងរបួសធ្ងន់នឹងបានគេចទៅដេកស្លាប់នៅជិតរោងចឹញ្ចឹមទាពីកន្លែងដួលម៉ូតូប្រមាណ ២០០ ម៉ែត្រតែម្ដង ។
លោកអនុសេនីយ៍ទោ ផែង វណ្ណៈ បានរេីសយកសាក់កាដូមកឆែកមេីល ឃេីញមាន កាំភ្លើងខ្លី មានបំពង់ផ្ទប់សំលេង១ គ្រាប់បែកដៃ១គ្រាប់ និង វត្ថុតាងមួយចំនួនទៀត ។បេសកកម្មប្រកបដោយគ្រោះថ្នាក់តែទទួលបានជោគជ័យនេះគឺដោយសារមានការដឹកនាំបញ្ជា ឯកឧត្ដមនាយឧត្ដមសេនីយ៍ ហុក ឡងឌី អគ្គស្នងការនគរបាលជាតិ និង ឯកឧត្ដម ជា សុផារ៉ា ប្រធានគណៈបញ្ជាការឯកភាពរាជធានីភ្នំពេញ ។
តាមសេចក្ដីរាយការណ៍ពីភ្នាក់ងារសម្ងាត់ បានអោយដឹងថា រ៉ាស្មាច់ មានគំរោងគេចខ្លួនទៅថៃតាមច្រកកំពត ដេីម្បីទៅកែមុខមាត់កុំអោយគេស្គាល់ ។តែអំពេីអាក្រក់របស់រ៉ាស្មាច់ ទោះបីមានអាវយ័ន្ត កូនក្រកញីឈ្មោល យ៉ាងណាក៏មិនអាចជួយបានដែរ ពេលផ្ទុះអាវុធកូនក្រកខ្ទៀតចេញពី រ៉ាស្មាច់ តែម្ដង ។អរគុណម្ចាស់ផេក តារាខ្មែរជំនាន់ ១៩៩៧-២០០០ ដែលបានផ្ដល់រូបថតខ្ញុំដ៏កម្រមកអោយខ្ញុំ។ប្រភព៖ ផែងវណ្ណៈ
No comments:
Post a Comment