គោលនយោបាយចំនួន១០ចំណុច សម្រាប់ចូលរួមបោះឆ្នោតជ្រើសតាំងសមាជិកនៃរដ្ឋសភា នៅថ្ងៃទី២៩ ខែកក្កដា ឆ្នាំ២០១៨ខាងមុខ ។
ទី១.យកទស្សនទានល្អៗរបស់លោកកែម ឡីក្នុងការដឹកនាំប្រទេសកម្ពុជាពេលជាប់ឆ្នោត ។
ទី២បេសកម្មរួមត្រូវបន្តដំណើរទៅមុខជានិច្ច ។ គណបក្សខ្មែរតែមួយនេះនឹងបើកវិទ្យាស្ថានស្រាវជ្រាវគ្រប់ស្នាក់ការនៅតាមខេត្តក្រុងបង្រៀនយុវជន យុវនារីមិនគិតថ្លៃ ។
ទី៣ ភាតរភាពគឺលើកទឹកចិត្តខ្មែរគ្រប់រូបត្រូវចងចាំខ្លួនជាខ្មែរទោះបីជាកើត និងរស់នៅទីណាក៏ដោយ ។
ទី៤សុវត្ថិភាពចំណីអាហារ ហើយគណបក្សចាត់ទុកថា«ចំណីអាហារមានជាតិគីមីជាឃាតកលាក់មុខសម្លាប់សុខភាពខ្មែរ» ។
ទី៥ គ្រឿងញៀនជាសត្រូវសម្រាប់សេចក្តី សុខសាន្តសម្រាប់គ្រួសារយើង ៖ ដូច្នេះគណបក្សខ្មែរតែមួយត្រូវចាត់វិធានការតាមច្បាប់ ដើម្បីស្វែងរកអ្នកលក់និងអ្នកប្រើប្រាស់ ។
ទី៦ កសិកម្ម ៖ ប្រជាពលរដ្ឋខ្មែរជាង៦៥% ជាអ្នកប្រកបរបរកសិកម្មត្រូវបង្កើតទីផ្សារ ដើម្បីទិញផលិតផលពីកសិករក្នុងតម្លៃសមស្របតាមទីផ្សារ និងបែងចែកដីដល់គ្រួសារកសិករ ។
ទី៧ បង្កើតការងារ ៖ គណបក្សទទួលខុសត្រូវដល់យុវជន យុវនារីឲ្យមានការងារធ្វើក្រោមពីបញ្ចប់ការសិក្សា ។
ទី៨ សេវាសាធារណៈ ៖ គណបក្សនឹងផ្តល់នូវអត្រានុកូលដ្ឋានដល់ប្រជាពលរដ្ឋដោយមិនរើសអើង និងប្រកាន់បក្ខពួកដាច់ខាត ។
ទី៩ តុលាការ ៖ គណបក្សត្រូវកំណែទម្រង់ស្ថានប័នតុលាការឲ្យតម្លាខ្ពស់តម្លាភាព ឯករាជ្យភាព សុច្ចរិតភាព និងយុត្តិធម៌ពិតប្រាកដ
ទី១០ អំពីសាសនាគណបក្សមិនរើសអើងប្រកាន់សាសនាណាមួយទេ និងពង្រឹងវិស័យព្រះពុទ្ធសាសនាជាអាទិភាព ៕
គណបក្សខ្មែរតែមួយ របស់ប្អូនប្រុសលោកកែម ឡី ដាក់បញ្ជីបេក្ខជននៅ គ.ជ.ប នៅព្រឹកថ្ងៃទី១១ ខែឧសភា នេះ គណបក្សខ្មែរតែមួយ របស់លោក កែម រិទ្ធិសិត ប្អូនប្រុសលោកបណ្ឌិត កែម ឡី បានទៅចុះបញ្ជីឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោត ក្នុងការបោះឆ្នោតជ្រើសតាំងតំណាងរាស្រ្ដ នីតិកាលទី៦ ឆ្នាំ២០១៨ នៅគណៈកម្មាធិការជាតិរៀបចំការបោះឆ្នោត (គ.ជ.ប)។ លោក គុជ លី អនុប្រធានគណបក្សខ្មែរតែមួយ បានថ្លែងឲ្យដឹងថា គណបក្សខ្មែរតែមួយ ដាក់បេក្ខជនឈរឈ្មោះចំនួន ១៦ រាជធានី-ខេត្ត។ បេក្ខជនឈរឈ្មោះសរុប ចំនួន ២២៨នាក់ (ស្រី ៦១នាក់)។
លោកបញ្ជាក់ថា លោក កែម រិទ្ធិសិត ប្រធានគណបក្សខ្មែរតែមួយ ឈរឈ្មោះនៅមណ្ឌលខេត្តតាកែវ ដែលជាស្រុកកំណើតរបស់លោក។ ចំណែករូបលោក (គុជ លី) ដែលជាអនុប្រធានគណបក្ស ឈរឈ្មោះនៅមណ្ឌលខេត្តសៀមរាប។
លោក គុជ លី អះអាងទៀតថា គណបក្សខ្មែរតែមួយ នឹងទទួលបានអាសនៈនៅក្នុងរដ្ឋសភា ទោះបីតិច ឬច្រើន ត្រូវតែមានជាដាច់ខាត។ សូមបញ្ជាក់ថា ចាប់ពីថ្ងៃទី៣០ ខែមេសា ដល់ថ្ងៃទី១១ ខែឧសភានេះ មានគណបក្សចំនួន ៦ ហើយ ដែលបានទៅចុះបញ្ជីឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោត ដែលរួមមាន គណបក្សប្រជាជនកម្ពុជា គណបក្សយុវជនកម្ពុជា គណបក្សសញ្ជាតិកម្ពុជា គណបក្សហ៊្វុនស៊ិនប៉ិច គណបក្សខ្មែររួបរួមជាតិ និងគណបក្សខ្មែរតែមួយ។ ក្នុងចំណោមគណបក្សចំនួន ៦ នោះ មានគណបក្សចំនួន ៣ ត្រូវ គ.ជ.ប ទទួលស្គាល់ជាផ្លូវការ គឺគណបក្សប្រជាជនកម្ពុជា គណបក្សយុវជនកម្ពុជា និងគណបក្សសញ្ជាតិកម្ពុជា។ ការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ នឹងបន្តរហូតដល់ថ្ងៃទី១៤ ខែឧសភា៕
រាជធានីភ្នំពេញ ៖ លោកគុជ លី ស្ថាបនិកគណបក្ស «ខ្មែរតែមួយ» និងជាអ្នកនាំពាក្យគណបក្សបានថ្លែងប្រាប់កោះសន្តិភាពថា លោកបានដោះដូរឈ្មោះគណបក្សកែម ឡី ទៅជា «គណបក្សខ្មែរតែមួយ» ហើយបានដាក់ឯកសារចូលទៅក្រសួងមហាផ្ទៃ កាលពីថ្ងៃទី២៣ ខែមីនា ឆ្នាំ២០១៨ ដើម្បីទទួលស្គាល់ផ្លូវការ ។
លោកបានបញ្ជាក់ថា ពេលនេះគណបក្សកំពុងរង់ចាំការសម្រេចរបស់ក្រសួងមហាផ្ទៃ ហើយ «គណបក្សខ្មែរតែមួយ» ចាប់ផ្តើមធ្វើសកម្មភាពនយោបាយពេលនេះតទៅ ទោះបីក្រសួងមហាផ្ទៃមិនទាន់សេចក្តីសម្រេចក៏ដោយ ព្រោះលោកបានបំពេញបានការកំណត់របស់ក្រសួងមហាផ្ទៃ និងច្បាប់ស្តីពីគណបក្សនយោបាយ ។
លោកគុជ លី ស្ថាបនិកនៃ «គណបក្សកែម ឡី» បានអះអាងសម្រេចប្តូរឈ្មោះមួយនេះ ចេញ និងដាក់ឈ្មោះថ្មីថា «គណបក្ស ខ្មែរតែមួយ» ក្រោយមានការតម្រូវពីក្រសួងមហាផ្ទៃ ដើម្បីឲ្យស្របតាមច្បាប់ស្តីពីគណបក្សនយោបាយដែលមិនតម្រូវឲ្យយកតាមឈ្មោះរូបវ័ន្តបុគ្គល ។ ពាក្យសុំចុះបញ្ជីគណបក្សនយោបាយដែលមានលោក កែម រិទ្ធិសិត ជាប្រធានគណបក្ស និង ជាប្អូនប្រុសបង្កើតរបស់លោក កែម ឡី បានដាក់ចូលក្រសួងមហាផ្ទៃ កាលពីព្រឹកថ្ងៃទី២៣ ខែមីនានេះ បានសុំចុះបញ្ជី «គណបក្សខ្មែរតែមួយ» ហើយត្រូវបាននាយកដ្ឋានកិច្ចការសមាគម និងគណបក្សនយោបាយទទួលយក និងបោះត្រាទទួលរួចហើយ ។
អ្នកនាំពាក្យគណបក្សរូបនេះបន្តទៀតថា លោករំពឹងថា គណបក្សខ្មែរតែមួយនឹងត្រូវបានទទួលសា្គល់ពីឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ នាពេលឆាប់ៗខាងមុខ ដើម្បី លោកត្រៀមរៀបចំបញ្ជីឈ្មោះបេក្ខជន សម្រាប់ការបោះឆ្នោតនាខែកក្កដា ឆ្នាំ២០១៨ ខាង មុខនេះ ។ លោក គុជ លី បានឲ្យដឹងថា ៖ «ការដូរឈ្មោះ និងរូបឡូហ្គោមានរូបលោក កែម ឡី មករូបមនុស្សបីនាក់ កៀកដៃគ្នា គឺតំណាងឲ្យសាមគ្គីរវាងខ្មែរ និងខ្មែរ ។ មានន័យថា ខ្មែរលើ ខ្មែរក្រោម ខ្មែរកណ្តាល គឺតែមួយគ្មានរើសអើង» ។ លោកបានបញ្ជាក់ទៀតថា កាលពីព្រឹកទី២៣ ខែមីនា ឆ្នាំ២០១៨ ថា គណបក្សខ្មែរតែមួយ ដែលតាមច្បាប់តម្រូវឲ្យក្រសួងនូវសមាសភាពស្ថាបនិក៧រូប និងដាក់ជូននូវស្នាមមេដៃអ្នកគាំទ្រ ចំនួន៤.០០០ នាក់ផងដែរ ។ តាមគម្រោង បើមានការសម្រេចទទួលស្គាល់ជាផ្លូវការពីក្រសួង មហាផ្ទៃ ថ្នាក់នឹងនាំ គណបក្សខ្មែរតែមួយ នឹងធ្វើការរៀបចំសមាជិកនូវថ្ងៃទី០៨ ខែមេសាខាងមុខនេះ ។
លោកខៀវ សុភ័គ អ្នកនាំពាក្យក្រសួងមហាផ្ទៃបានពន្យល់តាមទូរស័ព្ទថា គណបក្សនេះបានដាក់ពាក្យចូលក្រសួង កាលពីល្ងាចថ្ងៃសុក្រទី២៣ មីនា តែពេលនេះក្រសួងមិនទាន់បានពិនិត្យទេ ព្រោះថ្ងៃសៅរិ៍ និងថ្ងៃអាទិត្យក្រសួងមិនធ្វើការទេ ។ ចាំមើលថ្ងៃច័នទី២៦ មីនា សិន ។
គណបក្សខ្មែរតែមួយ (គ.ខ.ម) បានបង្ហាញពីគោលនយោបាយចំនួន១០ចំណុច សម្រាប់ចូលរួមបោះឆ្នោតជ្រើសតាំងសមាជិកនៃរដ្ឋសភា នៅថ្ងៃទី២៩ ខែកក្កដា ឆ្នាំ២០១៨ខាងមុខ ។ ទី១.យកទស្សនទានល្អៗរបស់លោកកែម ឡីក្នុងការដឹកនាំប្រទេសកម្ពុជាពេលជាប់ឆ្នោត ។ ទី២បេសកម្មរួមត្រូវបន្តដំណើរទៅមុខជានិច្ច ។ គណបក្សខ្មែរតែមួយនេះនឹងបើកវិទ្យាស្ថានស្រាវជ្រាវគ្រប់ស្នាក់ការនៅតាមខេត្តក្រុងបង្រៀនយុវជន យុវនារីមិនគិតថ្លៃ ។ ទី៣ ភាតរភាពគឺលើកទឹកចិត្តខ្មែរគ្រប់រូបត្រូវចងចាំខ្លួនជាខ្មែរទោះបីជាកើត និងរស់នៅទីណាក៏ដោយ ។ ទី៤សុវត្ថិភាពចំណីអាហារ ហើយគណបក្សចាត់ទុកថា«ចំណីអាហារមានជាតិគីមីជាឃាតកលាក់មុខសម្លាប់សុខភាពខ្មែរ» ។
ទី៥ គ្រឿងញៀនជាសត្រូវសម្រាប់សេចក្តី សុខសាន្តសម្រាប់គ្រួសារយើង ៖ ដូច្នេះគណបក្សខ្មែរតែមួយត្រូវចាត់វិធានការតាមច្បាប់ ដើម្បីស្វែងរកអ្នកលក់និងអ្នកប្រើប្រាស់ ។ ទី៦ កសិកម្ម ៖ ប្រជាពលរដ្ឋខ្មែរជាង៦៥% ជាអ្នកប្រកបរបរកសិកម្មត្រូវបង្កើតទីផ្សារ ដើម្បីទិញផលិតផលពីកសិករក្នុងតម្លៃសមស្របតាមទីផ្សារ និងបែងចែកដីដល់គ្រួសារកសិករ ។ ទី៧ បង្កើតការងារ ៖ គណបក្សទទួលខុសត្រូវដល់យុវជន យុវនារីឲ្យមានការងារធ្វើក្រោមពីបញ្ចប់ការសិក្សា ។ ទី៨ សេវាសាធារណៈ ៖ គណបក្សនឹងផ្តល់នូវអត្រានុកូលដ្ឋានដល់ប្រជាពលរដ្ឋដោយមិនរើសអើង និងប្រកាន់បក្ខពួកដាច់ខាត ។ ទី៩ តុលាការ ៖ គណបក្សត្រូវកំណែទម្រង់ស្ថានប័នតុលាការឲ្យតម្លាខ្ពស់តម្លាភាព ឯករាជ្យភាព សុច្ចរិតភាព និងយុត្តិធម៌ពិតប្រាកដ និងទី១០ អំពីសាសនាគណបក្សមិនរើសអើងប្រកាន់សាសនាណាមួយទេ និងពង្រឹងវិស័យព្រះពុទ្ធសាសនាជាអាទិភាព ៕
No comments:
Post a Comment