ថ្មី ថ្មី
ដោយ: អីុសា រ៉ហានី សៀមរាប៖ ភ្ញៀវទេសចរ តែងចាប់អារម្មណ៍តែនៅលើរមណីយដ្ឋានទឹកធ្លាក់ ព្រះអង្គធំ និងលិង្គមួយពាន់តែប៉ុណ្ណោះ នៅពេលដែលពួកគេទៅកម្សាន្តនៅលើភ្នំគូលែន។ តាមការសិក្សាស្រាវជ្រាវឃើញថា នៅភ្នំគូលែនមានប្រាសាទបុរាណដែលកប់ក្នុងព្រៃជ្រៅចំនួន៥៦ប្រាសាទឯណោះ។ សព្វថ្ងៃប្រាសាទខ្លះ ត្រូវបានគេរកឃើញ ខ្លះទៀតបន្តនៅក្នុងព្រៃ ដែលពុំមានអ្នកណាទៅដល់។ ពើងត្បាល់ គឺជារមណីយដ្ឋានប្រវត្តិសាស្ត្រមួយ ដែលក្រុមអភិរក្សទើបនឹងរកឃើញរយៈពេល៤ឆ្នាំ ចុងក្រោយនេះ។ ជារមណីយដ្ឋានមួយដែលស្រស់ស្អាត ដែលអ្នកទេសចរមិនគួរមើលរំលងឡើយ ប្រសិនបើពួកគេបានទៅដល់ភ្នំគូលែន។
ពើងថ្មតូចធំជាច្រើន ខ្លះខ្លី ខ្លះវែង មានកម្ពស់ចន្លោះពី៧ ទៅ៨ម៉ែត្រពីដី និងបណ្តោយពី១៥ម៉ែត្រ ទៅ២០ម៉ែត្រ បានលាក់ខ្លួននៅក្នុងព្រៃរបោះមួយ ដែលអ្នកភូមិឲ្យឈ្មោះថា រមណីយដ្ឋាន ពើងត្បាល់។ បើតាមប្រវត្តិដែលពុំមានឯកសារច្បាស់លាស់ ពើងត្បាល់ទំនងជាកសាងឡើងអំឡុង ស.វទី៧ ទី៨ ឫទី៩ ហើយស្តេចដែលកសាង គឺព្រះបាទជ័យវរ្ម័នទី២ ប៉ុន្តែអ្នកស្រាវជ្រាវខ្លះអះអាងថា មុននឹងព្រះបាទជ័យវរ្ម័នទី២គ្រប់គ្រងនៅលើភ្នំគូលែន គឺមានសេ្តចពីរអង្គរួចទៅហើយ ក្នុងនោះមាន ព្រះបាទភវវរ្ម័ន និងព្រះបាទមហិន្តវរ្ម័ន។
ភ្ញៀវទេសចរអាចទៅដល់រមណីយដ្ឋានពើងត្បាល់ តាមរយៈម៉ូតូ ដែលមានចំងាយពីព្រះអង្គធំទៅប្រហែល៩ គីឡូម៉ែត្រ។ ដោយសារផ្លូវមិនទាន់រៀបចំបានល្អ រលាក់ ដូច្នេះធ្វើឲ្យការធ្វើដំណើរមានផលលំបាកតិចតួច ដែលជាហេតុពុំសូវមានអ្នកទេសចរណាទៅដល់។ ពើងត្បាល់ គឹស្ថិតនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។ ដំណើរតាមម៉ូតូ តាមផ្លូវលំរបស់អ្នកភូមិ និងបន្តកាត់ចំការដំណាំ មានស្វាយចន្ទីជាដើម។
ក្រៅពីពើងធំដ៏ធំៗហើយនោះ រមណីយដ្ឋានពើងត្បាល់ មានរូបចម្លាក់តូចៗជាច្រើន ដែលគេដាប់ជាប់នឹងពើងនោះ។ តាមអ្នកសិក្សាស្រាវជ្រាវ រមណីយដ្ឋានពើងត្បាល់ គឺជាទីសក្ការៈសម្រាប់ពពួកព្រាហ្មគោរពបូជា ក្នុងសាសនាហិណ្ឌូ។
ប្រធានសន្តិសុខគ្រប់គ្រងនៅភ្នំគូលែន លោក ស៊ិន សួន បានឲ្យដឹងថា នៅក្នុងខែវស្សា ដែលការធ្វើដំណើរមានផលលំបាកច្រើន ប៉ុន្តែវាជារដូវកាលកាលរមណីយដ្ឋានពើងត្បាល់ មានសម្រស់ស្រស់ស្អាត ជាងខែប្រាំងទៅវិញ។ លោក ស៊ិន សួន ពន្យល់ថា ព្រោះខែវស្សាមានស្លែដុះរ៊ុំព័ទ្ធរូបចម្លាក់តូចៗជាប់ថ្ម ដែលធ្វើឲ្យទីសក្ការៈបូជានេះ មានភាពទាក់ទាញលើសដើម។
លោក ស៊ិន សួន ទទួលស្គាល់ថា ពុំមានភ្ញៀវទេសចរទៅដល់រមណីយដ្ឋានពើងត្បាល់នោះទេ។ ភាគច្រើនជាបរទេស ដែលពួកគេមានមគ្គុទ្ទេសក៍សម្រាប់ចង្អុលបង្ហាញ។ ក្នុង១០០នាក់ មានអ្នកទេសចរតែ១០នាក់ប៉ុណ្ណោះ ដែលបានទៅដល់រមណីយដ្ឋានមួយនេះ។ នេះបើតាមការបញ្ជាក់របស់លោក ស៊ិន សួន។ លោក សួន បន្ថែមថា អ្នកទេសចរអាចរកម៉ូតូឌុប ដែលប្រចាំការនៅកន្លែងលក់សំបុត្រ ហើយតម្លៃ១០ដុល្លារ ដើម្បីបានទៅដល់រមណីយដ្ឋានពើងត្បាល់។
ដូចបានបញ្ជាក់ខាងដើមអញ្ចឹង នៅលើភ្នំគូលែនមានរមណីយដ្ឋានច្រើន ដែលអ្នកទេសចរ មិនគួរមើលរំលង។ គ្រាន់តែប្រាសាទនៅភ្នំគូលែន មានរហូតដល់ទៅ៥៦ប្រាសាទ។ ក្រៅពីតំបន់ពើងត្បាល់ ដែលបានរៀបខាងលើ មានរូបប្រជៀវ រមណីយដ្ឋានស្រះដំរីជាដើម។ល៕
ដោយ: អីុសា រ៉ហានី សៀមរាប៖ ភ្ញៀវទេសចរ តែងចាប់អារម្មណ៍តែនៅលើរមណីយដ្ឋានទឹកធ្លាក់ ព្រះអង្គធំ និងលិង្គមួយពាន់តែប៉ុណ្ណោះ នៅពេលដែលពួកគេទៅកម្សាន្តនៅលើភ្នំគូលែន។ តាមការសិក្សាស្រាវជ្រាវឃើញថា នៅភ្នំគូលែនមានប្រាសាទបុរាណដែលកប់ក្នុងព្រៃជ្រៅចំនួន៥៦ប្រាសាទឯណោះ។ សព្វថ្ងៃប្រាសាទខ្លះ ត្រូវបានគេរកឃើញ ខ្លះទៀតបន្តនៅក្នុងព្រៃ ដែលពុំមានអ្នកណាទៅដល់។ ពើងត្បាល់ គឺជារមណីយដ្ឋានប្រវត្តិសាស្ត្រមួយ ដែលក្រុមអភិរក្សទើបនឹងរកឃើញរយៈពេល៤ឆ្នាំ ចុងក្រោយនេះ។ ជារមណីយដ្ឋានមួយដែលស្រស់ស្អាត ដែលអ្នកទេសចរមិនគួរមើលរំលងឡើយ ប្រសិនបើពួកគេបានទៅដល់ភ្នំគូលែន។
ពើងថ្មតូចធំជាច្រើន ខ្លះខ្លី ខ្លះវែង មានកម្ពស់ចន្លោះពី៧ ទៅ៨ម៉ែត្រពីដី និងបណ្តោយពី១៥ម៉ែត្រ ទៅ២០ម៉ែត្រ បានលាក់ខ្លួននៅក្នុងព្រៃរបោះមួយ ដែលអ្នកភូមិឲ្យឈ្មោះថា រមណីយដ្ឋាន ពើងត្បាល់។ បើតាមប្រវត្តិដែលពុំមានឯកសារច្បាស់លាស់ ពើងត្បាល់ទំនងជាកសាងឡើងអំឡុង ស.វទី៧ ទី៨ ឫទី៩ ហើយស្តេចដែលកសាង គឺព្រះបាទជ័យវរ្ម័នទី២ ប៉ុន្តែអ្នកស្រាវជ្រាវខ្លះអះអាងថា មុននឹងព្រះបាទជ័យវរ្ម័នទី២គ្រប់គ្រងនៅលើភ្នំគូលែន គឺមានសេ្តចពីរអង្គរួចទៅហើយ ក្នុងនោះមាន ព្រះបាទភវវរ្ម័ន និងព្រះបាទមហិន្តវរ្ម័ន។
ភ្ញៀវទេសចរអាចទៅដល់រមណីយដ្ឋានពើងត្បាល់ តាមរយៈម៉ូតូ ដែលមានចំងាយពីព្រះអង្គធំទៅប្រហែល៩ គីឡូម៉ែត្រ។ ដោយសារផ្លូវមិនទាន់រៀបចំបានល្អ រលាក់ ដូច្នេះធ្វើឲ្យការធ្វើដំណើរមានផលលំបាកតិចតួច ដែលជាហេតុពុំសូវមានអ្នកទេសចរណាទៅដល់។ ពើងត្បាល់ គឹស្ថិតនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប។ ដំណើរតាមម៉ូតូ តាមផ្លូវលំរបស់អ្នកភូមិ និងបន្តកាត់ចំការដំណាំ មានស្វាយចន្ទីជាដើម។
ក្រៅពីពើងធំដ៏ធំៗហើយនោះ រមណីយដ្ឋានពើងត្បាល់ មានរូបចម្លាក់តូចៗជាច្រើន ដែលគេដាប់ជាប់នឹងពើងនោះ។ តាមអ្នកសិក្សាស្រាវជ្រាវ រមណីយដ្ឋានពើងត្បាល់ គឺជាទីសក្ការៈសម្រាប់ពពួកព្រាហ្មគោរពបូជា ក្នុងសាសនាហិណ្ឌូ។
ប្រធានសន្តិសុខគ្រប់គ្រងនៅភ្នំគូលែន លោក ស៊ិន សួន បានឲ្យដឹងថា នៅក្នុងខែវស្សា ដែលការធ្វើដំណើរមានផលលំបាកច្រើន ប៉ុន្តែវាជារដូវកាលកាលរមណីយដ្ឋានពើងត្បាល់ មានសម្រស់ស្រស់ស្អាត ជាងខែប្រាំងទៅវិញ។ លោក ស៊ិន សួន ពន្យល់ថា ព្រោះខែវស្សាមានស្លែដុះរ៊ុំព័ទ្ធរូបចម្លាក់តូចៗជាប់ថ្ម ដែលធ្វើឲ្យទីសក្ការៈបូជានេះ មានភាពទាក់ទាញលើសដើម។
លោក ស៊ិន សួន ទទួលស្គាល់ថា ពុំមានភ្ញៀវទេសចរទៅដល់រមណីយដ្ឋានពើងត្បាល់នោះទេ។ ភាគច្រើនជាបរទេស ដែលពួកគេមានមគ្គុទ្ទេសក៍សម្រាប់ចង្អុលបង្ហាញ។ ក្នុង១០០នាក់ មានអ្នកទេសចរតែ១០នាក់ប៉ុណ្ណោះ ដែលបានទៅដល់រមណីយដ្ឋានមួយនេះ។ នេះបើតាមការបញ្ជាក់របស់លោក ស៊ិន សួន។ លោក សួន បន្ថែមថា អ្នកទេសចរអាចរកម៉ូតូឌុប ដែលប្រចាំការនៅកន្លែងលក់សំបុត្រ ហើយតម្លៃ១០ដុល្លារ ដើម្បីបានទៅដល់រមណីយដ្ឋានពើងត្បាល់។
ដូចបានបញ្ជាក់ខាងដើមអញ្ចឹង នៅលើភ្នំគូលែនមានរមណីយដ្ឋានច្រើន ដែលអ្នកទេសចរ មិនគួរមើលរំលង។ គ្រាន់តែប្រាសាទនៅភ្នំគូលែន មានរហូតដល់ទៅ៥៦ប្រាសាទ។ ក្រៅពីតំបន់ពើងត្បាល់ ដែលបានរៀបខាងលើ មានរូបប្រជៀវ រមណីយដ្ឋានស្រះដំរីជាដើម។ល៕
No comments:
Post a Comment