កម្ពុជាហូបនំបញ្ចុកសាមគ្គីភាព និងឯកភាពជាតិខ្មែរនៅក្នុងឱកាសថ្លែងសុន្ទរកទៅកាន់និស្សិតជ័យលាភី នៅក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យពុទ្ឋសាស្រ្ត នៅកោះពេជ្យ ថ្ងៃទី ៦ មិថុនា ឆ្នាំ ២០១៩ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវដល់សមាជិកសមាជិការគណបក្សប្រជាជនកម្ពុជា និងប្រជាពលរដ្ឋទូទាំងប្រទេស សូមហូបនំបញ្ចុកទាំងអស់គ្នា នៅថ្ងៃទី៩ មិថុនា ២០១៩ ជាពិសេស នៅតាមវត្តអារាម សូមរៀបចំចង្ហាន់នំបញ្ចុកប្រគេនចង្ហាន់ព្រះសង្ឃផងដែរ។
ចំណែកខាងបងប្អូនខ្មែរឥស្លាម និងខាងវិហារគ្រឹស្ទសាសនាវិញ ក៏សូមអញ្ជើញហូបនំបញ្ចុកទាំងអស់គ្នា។ ការហូបនំបញ្ចុក នៅថ្ងៃទី៩ មិថុនា ខាងមុខនេះ គឺបង្ហាញពីសាមគ្គីជាតិ និងឯកភាពជាតិ។ សូមកុំលាបពណ៌ដាក់គ្នា ជាពិសេសនំបញ្ចុប គឺជាអាហារអត្តសញ្ញាណជាតិរបស់យើង។ សម្ដេចតេជោ ក៏បានបញ្ជាក់ផងដែរថា កុំរង់ចាំដល់ថ្ងៃទី០៩ មិថុនា បើឃ្លានថ្ងៃនេះគឺសូមហូបថ្ងៃនេះតែម្តងទៅ ហើយថ្ងៃ០៩ មិថុនា យើងហូបជុំគ្នាម្ដងទៀត។
សម្តេចតេជោ ហ៊ុន សែន ក៏បានអរគុណទុកជាមុនដល់ម្ចាស់ផ្ទះជួលកម្មករ និងរោងចក្រសហគ្រាសនានា ដែលនឹងរៀបចំនំបញ្ចុកសម្រាប់បងប្អូនកូនក្មួយកម្មករ កម្មការិនី ហូបជុំគ្នាមួយពេលអោយបានសប្បាយនៅថ្ងៃទី ៩ មិថុនា ខាងមុខនេះ ដែលបង្ហាញពីសេចក្តីស្រឡាញ់ និងសាមគ្គីភាព រវាងម្ចាស់ផ្ទះជួល និង កម្មករ កម្មការិនី និងជាមួយម្ចាស់រោងចក្រសហគ្រាសផងដែរ។
សម្តេចតេជោនាយករដ្ឋមន្រ្តី បានបញ្ជាក់ផងដែរថា ការញាំនំបញ្ចុកជុំគ្នានៅថ្ងៃទី ៩ មិថុនា ខាងមុខនេះ គឺមិនមែនជាជំហានឆ្ពោះទៅរកការចរចារនយោបាយអ្វីឡើយ ប៉ុន្តែគឺជារឿងទទួលទាននំបញ្ចុករួមគ្នាដើម្បីពង្រឹងសាមគ្គីភាព មិត្តភាព និងឯកភាពខ្មែរតែប៉ុណ្ណោះដោយមិនរើសអើងបក្សនយោបាយណាមួយឡើយ គឺយើងអាចហូបរួមគ្នា៕
ព្រឹត្តិការណ៍ ៩ មិថុនា៖ ហូបនំបញ្ចុកសាមគ្គីភាពជាតិជាលើកទី១ ក្នុងប្រវត្តិសាស្ត្រចាប់តាំងពីមាននំបញ្ចុកខ្មែរ
(ភ្នំពេញ)៖ ក្រោយពីការអំពាវនាវរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកកម្ពុជា នៅប៉ុន្មានថ្ងៃមកនេះពាក្យថា «នំបញ្ចុក» ត្រូវបានសរសេរ និងនិយាយយ៉ាងច្រើន ហើយនៅថ្ងៃទី៩ ខែមិថុនានេះ ពាក្យថា «ហូបនំបញ្ចុក» ក៏ត្រូវបានប្រើប្រាស់ច្រើនអមដោយរូបភាពយ៉ាងអធឹកអធម នៃការជួបជុំរបសើបងប្អូន ប្រជាពលរដ្ឋខ្មែរទាំងអស់ហូបនំបញ្ចុកមានទឹកសម្លរខ្មែរដ៏ល្ងុយឆ្ងាញ់ ត្រូវបានបង្ហោះព្រោងព្រាតនៅលើប្រព័ន្ធផ្សព្វផ្សាយនានា ជាពិសេសលើបណ្តាញទំនាក់ទំនងសង្គមហ្វេសប៊ុកដ៏មានប្រជាប្រិយភាពនៅកម្ពុជា។ នៅគ្រប់ទីកន្លែង គេនាំគ្នានិយាយតែនំបញ្ចុក និងហូបនំបញ្ចុក ហើយតែងតែដណ្តឹងសួរគ្នាថា តើបានហូបនំបញ្ចុកសាមគ្គី និងឯកភាពជាតិខ្មែរហើយឬនៅ?
ថ្ងៃទី៩ មិថុនា ជាថ្ងៃដែលពលរដ្ឋខ្មែរហូបនំបញ្ចុករួមគ្នាជាលើកទី១ ក្នុងប្រវត្តិសាស្ត្រចាប់តាំងពីមាននំបញ្ចុកខ្មែរ ហើយក៏ជាលើកទី១ ក្នុងប្រវត្តិសាស្ត្រនៅកម្ពុជា និងនៅលើពិភពលោកដែរដែលមានប្រជជនរាប់លាននាក់ហូបនំបញ្ចុកក្នុងថ្ងៃតែមួយលើសពីសព្វមួយដង។
ព្រឹត្តិការណ៍ហូបនំបញ្ចុកដ៏ធំដែលកម្ពុជាបានបង្កើតឡើងនៅពេលនេះដោយមានការចូលរួមពីបងប្អូនប្រជាពលរដ្ឋខ្មែរគ្រប់ស្រទាប់វណ្ណៈ គ្រប់និន្នាការ គ្រប់ជាតិសាសន៍នេះបង្កប់នូវអត្ថន័យដ៏ធំធេងសម្រាប់ ជាតិនិងប្រជាជនកម្ពុជាគឺបង្ហាញនូវសាមគ្គីជាតិ ឯកភាពជាតិខ្មែរជាធ្លុងមួយ និងជាការរួបរួមកម្លាំងក្នុងចំណោមប្រជាពលរដ្ឋខ្មែរកាន់តែមានភាពរឹងមាំ ថែមទៀតនៅជុំវិញរាជរដ្ឋាភិបាលកម្ពុជា ជុំវិញថ្នាក់ដឹកនាំជាតិដើម្បីបន្តថែរក្សាសុខសន្តិភាព ស្ថិរភាព និងការអភិវឌ្ឍជាតិ។
ព្រឹត្តិការណ៍ហូបនំបញ្ចុកថ្ងៃទី៩ មិថុនា ក៏ជាការរួមកម្លាំងសាមគ្គីជាតិខ្មែរប្រឆាំងនឹងក្រុមប្រឆាំងដែលដឹកនាំដោយទណ្ឌិតរត់ចោលស្រុក សម រង្ស៊ី យកនំបញ្ចុកដែលជាអាហារប្រពៃណីជាតិខ្មែរមកបំបែកបំបាក់ជាតិខ្មែរ និងប្រើប្រាស់ជានិមិត្តរូបបដិវត្តន៍បះបោរប្រឆាំងនឹងសេចក្តីសុខរបស់ពលរដ្ឋខ្មែរ។ ប៉ុន្តែល្បិចកលទុច្ចរិតនេះត្រូវបាន វាយបំបាក់។ ក្រុមប្រឆាំងបានទទួលបរាជ័យដ៏អាម៉ាស់ជាថ្មីម្តងទៀត។
ព្រឹត្តិការណ៍ហូបនំបញ្ចុកដ៏ធំសម្បើមនេះបង្ហាញយ៉ាងច្បាស់ថា ពលរដ្ឋខ្មែរប្រឆាំងដាច់ខាតនយោបាយបំផ្លាញជាតិ ហើយយល់ច្បាស់ពីការរួបរួមកម្លាំងសាមគ្គីជាតិខ្មែរទប់ស្កាត់ និងបង្ក្រាបអំពើក្បត់ជាតិ និងការបំបែកបំបាក់ជាតិតាមរយៈនំបញ្ចុក។
ព្រឹត្តិការណ៍ហូបនំបញ្ចុកសាមគ្គីភាពនិងឯកភាពជាតិខ្មែរ ៩ មិថុនា អាចនឹងក្លាយជាទិវាអាហារជាតិខ្មែរមួយ ដើម្បីរក្សាអត្តសញ្ញាណជាតិខ្មែរ ក៏ដូចជាលើកកម្ពស់ការប្រើប្រាស់ផលិតផលក្នុងស្រុក បន្លែបង្ការ និងអង្ករខ្មែរ។ ព្រឹត្តិការណ៍ថ្ងៃទី៩ មិថុនា នេះក៏ជាឱកាសមួយ ជួយផ្សព្វផ្សាយឱ្យពិភពលោកស្គាល់នំបញ្ចុកខ្មែរកាន់តែច្បាស់ និងបានឃើញសាមគ្គីភាពរបស់បបរជាពលរដ្ឋខ្មែរដែលមានជាប្រពៃណីយូរយារ ណាស់មកហើយ។ សូមអរគុណសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបាន ផ្តួចផ្តើមឱ្យមានព្រឹត្តិការណ៍ហូបនំបញ្ចុកមហាសាមគ្គី និងឯកភាពជាតិខ្មែរនៅថ្ងៃនេះ! ជានំបញ្ចុកសន្តិភាព នំបញ្ចុកឯកភាពជាតិ និងនំបញ្ចុកអត្តសញ្ញាណជាតិខ្មែរ!៕
ដោយ៖ ចៅចាក់ស្មុក រាជធានីភ្នំពេញ ថ្ងៃទី៩ ខែមិថុនា ឆ្នាំ២០១៩
VOD Khmer
9 June 2019 ·
នៅថ្ងៃទី ៩ មិថុនា ២០១៩ ថ្នាក់ដឹកនាំគណបក្សប្រជាជនកម្ពុជានិង អតីតគណបក្សសង្រ្គោះជាតិ ខេត្តបាត់ដំបង បានរៀបចំពិធីហូបនំបញ្ចុកសាមគ្គីជាតិនៅតាមទីតាំងមួយចំនួនរៀងៗខ្លួន ក្នុងបរិយាកាសរីករាយ ដោយមិនមានបញ្ហាប្រឈមនោះឡើយ។
អ្នកចូលរួមពិធីហូបនំបញ្ចុកនៅខេត្តនេះមួយចំនួន ស្នើឱ្យអ្នកដឹកនាំខ្មែរបង្កើតបរិយាកាសសាមគ្គីភាព និងរួបរួមជាតិពិតប្រាកដ ដោយតម្កល់ផលប្រយោជន៍ជាតិជាធំ ក្រោយពេលបញ្ចប់ព្រឹត្តិការណ៍ហូបនំបញ្ចុកសាមគ្គីភាព និងស្នេហាជាតិនៅថ្ងៃនេះ។ ក្រោយទិវាហូបនំបញ្ចុក៖ មេធាវីស្នើតុលាការខេត្តបាត់ដំបងកុំចាត់ការសំណុំរឿងសកម្មជនអតីតបក្សប្រឆាំង
ទិវាទទួលទាននំបញ្ចុកនៅថ្ងៃទី០៩ មិថុនា ដែលមានការចូលរួមទាំងសមាជិកគណបក្សកាន់អំណាច និង អតីតបក្សប្រឆាំងបានបញ្ចប់ជាមួយរូបភាពវិជ្ជមានសម្រាប់សំណុំរឿងក្រុមសកម្មជនអតីតគណបក្សសង្រ្គោះជាតិ។ មេធាវីការពារសកម្មជនទាំងនេះ បានអះអាងថា ការជួបជុំហូបនំបញ្ចុកនេះមិនមែនជារឿងខុសច្បាប់នោះទេ។ ដូច្នេះហើយ លោកស្នើឱ្យតុលាការខេត្តបាត់ដំបង់តម្កល់ទុកមិនចាត់ការសំណុំរឿងពួកគេដែលត្រូវតុលាការកោះហៅទៅសាកសួររឿងជួបជុំហូបនំបញ្ចុកនេះ។
ផ្សាយពាណិជ្ជកម្ម
សកម្មជនអតីតគណបក្សសង្រ្គោះជាតិចំនួន២៦នាក់ ដែលភាគច្រើនជាអតីតមេឃុំ និងចៅសង្កាត់ត្រូវបានតុលាការខេត្តបាត់ដំបងបញ្ចប់ការសាកសួរ និង មិនបានចោទប្រកាន់អ្វីទេកាលពីខែមុន។ ចំណែកសកម្មជនចំនួន៩នាក់ទៀត ត្រូវបានតុលាការលើកពេលសាកសួរដោយមិនកំណត់ពេលវេលា ដោយប្រាប់ឱ្យរង់ចាំកោះហៅជាថ្មីពីសំណាក់តុលាការ។
យ៉ាងណាមិញ រហូតមកដល់ពេលនេះ ពោល គឺបន្ទាប់ពីទិវាហូបនំបញ្ចុករួមគ្នា៩ មិថុនា បានបញ្ចប់ទៅហើយ ក៏តុលាការខេត្តបាត់ដំបង នៅមិនទាន់បានកោះហៅសកម្មជនទាំង៩នាក់នោះទៅសាកសួរពាក់ព័ន្ធនឹងការជួបជុំគ្នាហូបនំបញ្ចុកសម្តែងការគាំទ្រសកម្មភាពរបស់លោកសម រង្ស៊ី នៅក្រៅប្រទេសនៅឡើយដែរ។
លោក សំ សុគង់ មេធាវីការពារសកម្មជនអតីតបក្សប្រឆាំងទាំងនេះ បានអះអាងប្រាប់វិទ្យុបារាំងអន្តរជាតិនៅថ្ងៃអង្គារនេះថា តុលាការមិនគួរបណ្តែតបណ្តោយពេលវេលាបែបនេះតទៅទៀតទេ គឺគួរតែសម្រេចតម្កល់មិនចាត់ការសំណុំរឿងរបស់ពួកគេ ព្រោះពួកគេមិនបានធ្វើខុសច្បាប់។ មិនបានធ្វើខុសច្បាប់ ព្រោះលោកមេធាវីសំអាងថា ការជួបជុំគ្នាទទួលទាននំបញ្ចុកកាលពីថ្ងៃទី០៩ មិថុនា តាមការអំពាវនាវរបស់លោកនាយករដ្ឋមន្រ្តីហ៊ុន សែន គឺជាការជួបជុំហូបនំបញ្ចុកសាមគ្គីភាព និងឯកភាពជាតិ ដែលមិនមែនជារឿងខុសច្បាប់។ ដូចនេះហើយ ការជួបជុំហូបនំបញ្ចុករបស់ក្រុមសកម្មជនអតីតបក្សប្រឆាំង ក៏មិនមែនជារឿងខុសច្បាប់នោះដែរ។
សម្រាប់លោកមេធាវី សំ សុគង់ ប្រសិនបើតុលាការមិនសម្រេចលើសំណុំរឿងរបស់ពួកគេទេ គឺពួកគេមិនទាន់មានសេរីភាពពេញលេញឡើយ ពោលគឺនៅតែមានការព្រួយបារម្ភ និង ខ្វល់ចិត្តមិនជ្រះស្រឡះដែលធ្វើឱ្យប៉ះពាល់ការប្រកបរកស៊ីប្រចាំថ្ងៃរបស់ពួកគេ។
សូមបញ្ជាក់ថា ក្រៅតែពីសកម្មជនអតីតបក្សប្រឆាំងនៅក្នុងខេត្តបាត់ដំបងនេះ សកម្មជនចំនួន៣៥នាក់ផ្សេងទៀតនៅក្នុងខេត្តកំពង់ធំ ក៏ត្រូវបានអាជ្ញាធរមូលដ្ឋានហៅទៅសួរនាំរឿងជួបជុំគ្នាហូបនំបញ្ចុកសម្តែងការគាំទ្រដល់សកម្មភាពលោកសម រង្ស៊ី នៅក្រៅស្រុកផងដែរ។
លោកសុខ ឥសាន អ្នកនាំពាក្យគណបក្សប្រជាជនកម្ពុជា បានគូសបញ្ជាក់ថា ការហូបនំបញ្ចុក គឺជាសិទ្ធិសេរីភាពរបស់ប្រជាពលរដ្ឋ។ ប៉ុន្តែលោកថា ប្រជាពលរដ្ឋទូទាំងប្រទេសមានសិទ្ធិសេរីភាពទូលំទូលាយក្នុងការហូបនំបញ្ចុកដោយគ្មានការព្រួយបរម្ភអ្វីឡើយ កុំឲ្យតែយកនំបញ្ចុកមកធ្វើជាខែលបិទបាំង ដើម្បីនាំគ្នាគាំទ្រលោកសម រង្ស៊ី៕
No comments:
Post a Comment