VOD Khmer 11m · សមត្ថកិច្ចរាជធានីភ្នំពេញ បានចាប់ខ្លួនយុវជនម្នាក់ជាសមាជិកសមាគមសម្ព័ន្ធនិស្សិតបញ្ញវន្តខ្មែរ បញ្ជូនទៅសាលាដំបូងរាជធានីភ្នំពេញ ពាក់ព័ន្ធនឹងបទញុះញង់បង្កឱ្យមានភាពវឹកវរក្នុងសង្គម។ លោក មួង សូនី ប្រធានសមាគមសម្ព័ន្ធនិស្សិតបញ្ញវន្តខ្មែរ និងជាបងប្រុសរបស់លោក មួង សុភ័ក្រ ចាត់ទុកករណីចាប់ខ្លួនសមាជិករបស់ខ្លួនថា ជាការរំលោភសិទ្ធិមនុស្ស។
ឯកសារ៖ សមាគមនិស្សិតបញ្ញវន្តថា កម្ពុជាបាត់ដីរាប់រយហិកតារ នៅតំបន់ចំពុះទា ខេត្តស្វាយរៀង ទៅវៀតណាម៖ ក្រុមយុវជនចេញរបាយការណ៍ស្រាវជ្រាវមួយ បង្ហាញថា កម្ពុជា បានបាត់បង់ដីរាប់រយហិកតារ ទៅប្រទេសវៀតណាម ចាប់ពីចន្លោះបង្គោលព្រំដែនលេខ ១៩៤ ដល់បង្គោលព្រំដែនលេខ ១៩៩ ស្ថិត ក្នុងស្រុកចន្ទ្រា ខេត្តស្វាយរៀង។ ការរកឃើញនេះ បន្ទាប់ពីពួកគេបានចុះទៅស្រាវជ្រាវដោយផ្ទាល់ ក្នុងយុទ្ធនាការ “១០០រាត្រី” បន្តពីបណ្ឌិត កែម ឡី អ្នកវិភាគ និងអ្នកសិក្សាស្រាវជ្រាវការអភិវឌ្ឍ សង្គម ដែលត្រូវឃាតកបាញ់សម្លាប់។ រីឯមន្ត្រីរបបក្រុងភ្នំពេញ ច្រានចោលរបាយការណ៍នេះថា ជារបាយការណ៍មិនត្រឹមត្រូវ។
របាយការណ៍បឋមក្នុងរាត្រី៣៩ របស់សមាគមសម្ព័ន្ធនិស្សិតបញ្ញវន្តខ្មែរចំនួន ៩ ទំព័រ បានដាក់ចំណងជើងថា “ការបាត់បង់ដីនៅព្រំដែនច្រមុះជ្រូក ឬចំពុះទា ទៅវៀតណាមរាប់រយហិកតារ”។ ព្រំដែនចំពុះទានេះ ស្ថិតនៅចន្លោះបង្គោលព្រំដែនលេខ១៩៤ ដល់បង្គោលព្រំដែនលេខ១៩៩ ក្នុង ឃុំចន្ទ្រា ស្រុកចន្ទ្រា ខេត្តស្វាយរៀង ជាប់ជាមួយស្រុកមុខវ៉ា ខេត្តឡុងអាន ប្រទេសវៀតណាម ដែលក្រុមយុវជន បានចុះស្រាវជ្រាវដោយផ្ទាល់ រយៈពេល ៣ថ្ងៃ ដែលទើបចេញផ្សាយ នៅថ្ងៃទី២៣ ខែធ្នូ ឆ្នាំ២០១៨ ។
របាយការណ៍បង្ហាញថា មានហេតុផលចំនួន ៥ចំណុច ដែលសំអាងថា កម្ពុជា បាត់បង់ដីរាប់រយហិកតារ ទៅវៀតណាម គឺ៖
- – ចំណុចទី១ ការបោះបង្គោលថ្មីកាលពីឆ្នាំ ២០០៩ ចំនួន ៦ បង្គោលគឺបង្គោលលេខ ១៩៤, ១៩៥, ១៩៦, ១៩៧, ១៩៨ និងបង្គោលលេខ ១៩៩ បានបោះបង្ខិតចូលទឹកដីកម្ពុជា ឆ្ងាយពីបង្គោលចាស់ ដែលសល់ពីសម័យបារាំង គឺ បង្គោលលេខ ១៣៥, ១៣៦, ១៣៧, ១៣៨, ១៣៩ និងបង្គោលលេខ ១៤០។ ជាក់ស្តែង បង្គោលថ្មី ១៩៩ បោះឆ្ងាយពីបង្គោលចាស់ ជាង ២ គីឡូម៉ែត្រ។
- – ចំណុចទី២ របាយការណ៍ បង្ហាញថា ពលរដ្ឋខ្មែរម្ចាស់ដីនៅជាប់ព្រំដែន បានបាត់បង់ដីស្រែចម្ការរបស់ខ្លួនជាបន្តបន្ទាប់ ក្រោយពីវៀតណាម ធ្វើផ្លូវក្រវាត់ព្រំដែន កាលពីឆ្នាំ ២០១៥ ដោយគ្មានដំណោះស្រាយ និងយកចិត្តទុកដាក់ ពីរបបក្រុងភ្នំពេញនោះទេ។
- – ចំណុចទី៣ រដ្ឋាភិបាលវៀតណាម បានរៀបចំយុទ្ធសាស្ត្រឈ្លានពានកម្ពុជាជាបន្តបន្ទាប់ តាមរយៈ បញ្ជូនចារកម្ម ឲ្យស៊ើបការតាមភូមិ-ឃុំខ្មែរ និងបន្ទាប់មករដ្ឋាភិបាលវៀតណាម បានបន្លំយកដីខ្មែរ តាមខ្សែបន្ទាត់ព្រំដែនធ្វើជាដីសង្គមកិច្ច ចែកឲ្យប្រជាពលរដ្ឋវៀតណាមក្រីក្រ មកពីខេត្តឆ្ងាយៗរស់នៅ ហើយរដ្ឋជួយឧបត្ថម្ភគ្រប់បែបយ៉ាង ដូចជាធ្វើផ្ទះ ធ្វើផ្លូវ មន្ទីរពេទ្យ សាលារៀន ទីផ្សារ និងផ្ដល់ ប្រាក់កម្ចីយកទៅរកស៊ី ដោយមិនគិតការប្រាក់ជាដើម។
- – ចំណុចទី៤ ក្រោយពីផ្ទុះរឿងវៀតណាមយក ដីខ្មែរនោះអាជ្ញាធរខ្មែរ និងវៀតណាម បានរារាំងមិនឲ្យប្រជាពលរដ្ឋ អ្នកសារព័ត៌មាន សង្គមស៊ីវិល និងបក្សប្រឆាំងចូលទៅពិនិត្យតំបន់ព្រំដែនជាក់ស្ដែងនោះទេ។
- – ចំណុចទី៥ ទោះបីជាតំបន់ព្រំដែន ចំពុះទានោះ ជាភូមិសាស្ត្រលិចទឹកក្ដី ក៏រដ្ឋាភិបាលវៀតណាម ខិតខំអភិវឌ្ឍន៍តំបន់នោះយ៉ាងលឿន ដូចជាកសាងហេដ្ឋារចនាសម្ព័ន្ធ និងបង្កើតប្រព័ន្ធធារាសាស្ត្រ ដើម្បីជួយសម្រួលការរស់នៅរបស់ ប្រជាពលរដ្ឋគេថែមទៀតផង ដែលខុសឆ្ងាយពីកម្ពុជាដែលគ្មានការអភិវឌ្ឍន៍នៅតាមព្រំដែន និង ទុកប្រជាពលរដ្ឋឲ្យរស់នៅវេទនានិងឯកោបំផុតជាដើម។
ប្រធានសមាគមសម្ព័ន្ធនិស្សិតបញ្ញវន្តខ្មែរ លោក មួង សូនី លើកឡើងថា ផ្អែកលើហេតុផលទាំង ៥ ចំណុចខាងលើនេះ ធ្វើឲ្យពួកគេហ៊ានសន្និដ្ឋានថា កម្ពុជា ពិតជាបាត់បង់ទឹកដីរាប់រយហិកតារ ទៅភាគីវៀតណាម។ លោកបញ្ជាក់ថា ក្នុងការចុះស្រាវជ្រាវនោះ លោកបានជួបសម្ភាសន៍ផ្ទាល់ ជាមួយប្រជាពលរដ្ឋខ្មែរ ពលរដ្ឋវៀតណាម និងអាជ្ញាធរមូលដ្ឋាន ដោយបានថតជាវីដេអូទុកជាឯកសារ ទៀតផង។៖ «ពេលដែលវៀតណាម ចាក់ដីធ្វើផ្លូវឈ្លានពានយកដីខ្មែររាប់រយហិកតារថែមទៀតនោះ គឺយើងឃើញថា អាជ្ញាធរជាតិ មកគណៈកម្មការបោះបង្គោលព្រំដែន បានចុះទៅពិនិត្យដោះស្រាយដែរ ប៉ុន្តែពលរដ្ឋអះអាងថា ដោះស្រាយមិនបានជោគជ័យ ហើយគេនៅតែយកដីយើង បានដដែល។ បន្ទាប់មកទៀតផ្លូវនោះ បានធ្វើរួចហើយដោយគ្មានការតវ៉ាពីអាជ្ញាធរកម្ពុជាទៀតទេ ហើយពលរដ្ឋខ្មែរ ដែលខ្លះបាត់បង់ដី ១០ហិកតារ ហើយខ្លះមានដីដែរ តែដីនោះក្លាយជាតំបន់សដូច្នេះពលរដ្ឋអត់ហ៊ានតវ៉ាអីទាំងអស់ដោយសារមានការគាប់សង្កត់»។
អាស៊ីសេរី បានព្យាយាមទាក់ទងទៅអភិបាលខេត្តស្វាយរៀង លោក ម៉ែន វិបុល ជាច្រើនលើក នៅ ថ្ងៃទី២៣ ខែធ្នូ តែលោកពុំទទួលទូរស័ព្ទ។
រីឯប្រធានគណៈកម្មាធិការទទួលបន្ទុកកិច្ចការព្រំដែន លោក វ៉ា គឹមហុង លើកឡើងថា លោក មិនឈឺក្បាល ជាមួយរបាយការណ៍ស្រាវជ្រាវរបស់យុវជន ១០០រាត្រីទាំងនេះទេ ហើយលោក និយាយ បែបព្រមានថា បើមិនដឹងច្បាស់ កុំចេះតែធ្វើការចោទប្រកាន់ផ្ដេសផ្ដាស។ លោក វ៉ា គឹមហុង បញ្ជាក់ថា ទឹកដីខ្មែរនៅចំណុចចំពុះទានោះ គឺគ្មានការបាត់បង់នោះទេ គឺលោក ជាអ្នកចរចាជាមួយវៀតណាមកន្លងមក ដើម្បីរក្សានៅដដែល ដូចផែនទីផ្លូវការខ្នាតមួយលើ១រយពាន់ (១/១០០.០០០)៖ «ខ្ញុំគ្រាន់តែបញ្ជាក់ថា កន្លែងហ្នឹងហ្អា បើមិនដឹងរឿងទេ កុំចេះតែចោទអញ្ចេះចោទអញ្ចុះ កន្លែងនោះគឺជាចំពុះទា។ ចំពុះទានេះ គឺយើងវាស់តាមរាងរៅចំពុះទា តាំងពីជំនាន់បារាំង មកដល់យើងចរចាសព្វថ្ងៃ បោះបង្គោលក៏នៅរក្សា គឺវាងចំពុះទាដដែល ដូច្នេះលោកអ្នកថា ឲ្យប្រាកដប្រជា កុំចេះតែចោទផ្ដេសផ្ដាស។ ខ្ញុំគ្រាន់តែប្រាប់ប៉ុណ្ណឹងទេ បាទ»។
លោក មួង សូនី យល់ថា របបក្រុងភ្នំពេញ តែងតែអួតអាងថា ខ្លួនឯងបានអនុវត្តត្រឹមត្រូវជារៀងរហូត និងពុំទទួលយកមតិយោបល់ប្រជាពលរដ្ឋ ដើម្បីរកដំណោះស្រាយឲ្យល្អឡើងវិញនោះទេ៖ «ខ្ញុំប្រាប់ទៅរដ្ឋាភិបាល និងបងប្អូនប្រជាពលរដ្ឋឲ្យគាត់ដឹងលឺជាព័ត៌មាន ហើយបើគាត់ថា មិនបាត់ទេ គឺជារឿងរបស់គាត់។ ប៉ុន្តែខ្ញុំសូមសំណូមពរមួយទៀតថា សូមឲ្យរដ្ឋាភិបាល បង្ហាញព័ត៌មានជាសាធារណៈថា កម្ពុជា មិនបានបាត់បង់ដីមែន ហើយមានមូលហេតុអី។ សូមបញ្ជាក់ដោយត្រឹមត្រូវ។មួយទៀត សូមសំណូមពរឲ្យរដ្ឋាភិបាលជួយ អភិវឌ្ឍព្រំដែនឲ្យបានលឿន ហើយយើងក៏អ៊ីចឹងដឹងថា ការអភិវឌ្ឍនោះ ប្រើពេលយូរប៉ុណ្ណា ទំហំប៉ុណ្ណា និងប្រើសាច់ប្រាក់ប៉ុណ្ណា ក្នុងការអភិវឌ្ឍ»។
អាស៊ីសេរី មិនអាចសុំការឆ្លើយតបបន្ថែមពីប្រធានក្រុមស្រាវជ្រាវកិច្ចការព្រំដែននៃ រាជបណ្ឌិត្យសភាកម្ពុជា បណ្ឌិត សុខ ទូច នោះទេ ដោយទូរស័ព្ទរបស់លោក មិនអាចទាក់ទងបាន។
មន្ត្រីសម្របសម្រួលអង្គការលីកាដូ ខេត្តស្វាយរៀង លោក នុត បូពិណ្ណារ័ត្ន មានប្រសាសន៍ថា វៀតណាម ពិតជាបានធ្វើផ្លូវក្រវាត់ព្រំដែនទាំងយប់ទាំងថ្ងៃយ៉ាងតក់ក្រហល់មែន កាលពីឆ្នាំ ២០១៥ នៅចំណុចចំពុះទា។ លោកបន្តថា កាលណោះ ប្រជាពលរដ្ឋខ្មែរ ជាពិសេសគណបក្សប្រឆាំង និងអាជ្ញាធរខ្មែរ ក៏បានតវ៉ាជាមួយវៀតណាមដែរ ដើម្បីរកដំណោះស្រាយរួម ប៉ុន្តែដោយសារកម្ពុជាជួបប្រទះបញ្ហានយោបាយក្នុងស្រុកជាហូរហែ និងដោយសារមានការព្រមានពីរបបក្រុងភ្នំពេញមិនឲ្យនិយាយអំពីបញ្ហាព្រំដែននោះ ធ្វើឲ្យកម្ពុជាភ្លេចអំពីរឿងរ៉ាវចម្រូងចម្រាស នៅតាមតំបន់ព្រំដែនជាមួយវៀតណាមរហូតមក។ លោកបន្ថែមថា ពលរដ្ឋខ្មែរទូទៅ សុទ្ធតែដឹងថា កម្ពុជាបាត់បង់ទឹកដីទៅវៀតណាម និងដឹងថា ភាគីខាងណាខាត ខាងណាចំណេញពេលបោះបង្គោលព្រំដែនម្ដងៗ ប៉ុន្តែថាតើ អាជ្ញាធរជំនាញរបស់របបក្រុងភ្នំពេញ មានឆន្ទៈដោះស្រាយបញ្ហាព្រំដែរដែរឬទេ៖ «គាត់ជាយុវជនរបស់ខ្មែរ នៅពេលគាត់រាយការណ៍មកអ៊ីចឹង គឺក្នុងនាមជារដ្ឋាភិបាល កុំអាលបដិសេធ កុំឲ្យអាលអីគាត់ យើងទទួលព័ត៌មានហើយ យើងឲ្យគណៈកម្មការចុះទៅពិនិត្យមើលថា តើដូចអ្វីដែលយុវជនរាយការណ៍ដែរឬអត់ ហើយបើសិនដូចមែន គឺត្រូវរកដំណោះស្រាយ ជាមួយវៀតណាមទៅ ។ បើមិនដូចទេក៏ហើយទេ ព្រោះវាគឺជាព័ត៌មានតើ ឬក៏ជូនព័ត៌មានទៅឲ្យគាត់វិញថា អូនឯង ច្រឡំហើយ ឬអញ្ចេះៗ ដើម្បីឲ្យអ្នករាយការណ៍មកនោះ គេអស់ចិត្ត»។
កន្លងទៅភាគីវៀតណាម បានសាងសង់ប៉ុស្តិ៍ និងជីកស្រះលើតំបន់ហាមឃាត់ ឬហៅថាតំបន់ស និងកសាងផ្លូវតាមខ្សែក្រវាត់ព្រំដែនជាដើម ដោយមិនអើពើទៅនឹងកំណត់ទូតរបស់កម្ពុជា ម្ដងហើយម្ដងទៀតនោះទេ។ មកដល់ពេលនេះ ផែនការរបស់វៀតណាមត្រូវបានធ្វើដោយជោគជ័យ។ ភាគីកម្ពុជា និងវៀតណាម បានចុះកិច្ចព្រមព្រៀងកាលពីថ្ងៃទី១៧ ខែមករា ឆ្នាំ១៩៩៥ ដោយបានឯកភាពថា ភាគីទាំងពីរត្រូវរក្សាស្ថានភាពដដែលនៅតាមព្រំដែន ដោយមិនត្រូវធ្វើ ឬសាងសង់អ្វីដែលថ្មីឡើយ។
ក្រុមយុវជន១០០រាត្រី ស្នើឲ្យរបបក្រុងភ្នំពេញ ផ្ដល់សេរីភាព និងលើកទឹកចិត្តឲ្យប្រជាពលរដ្ឋ និង យុវជន ចូលរួមការពារព្រំដែនទាំងអស់គ្នា បញ្ឈប់ការគំរាមកំហែង និងការធ្វើទុក្ខបុកម្នេញផ្សេងៗ និងជួយពន្លឿនការអភិវឌ្ឍន៍នៅតាមបណ្ដោយព្រំដែនឲ្យឆាប់រហ័សដូចភាគីវៀតណាម ដើម្បីលើក ទឹកចិត្តឲ្យប្រជាពលរដ្ឋរស់នៅតាមខ្សែក្រវាត់ព្រំដែនឲ្យបានច្រើន។ លើសពីនេះ លោកក៏ចង់ឃើញ របបក្រុងភ្នំពេញបង្កើតក្រុមការងារមួយដែលមានជំនាញច្បាស់លាស់ ជាងក្រុមការងារលោកបណ្ឌិត សុខ ទូច ដើម្បីសិក្សាស្រាវជ្រាវបញ្ហាព្រំដែនកម្ពុជាទាំងអស់ រួចហើយចងក្រងជាឯកសារ ដាក់ពាក្យ បណ្ដឹងទៅតុលាការអន្តរជាតិទីក្រុងឡាអេ ដើម្បីទាមទារទឹកដីកម្ពុជាដែលបាត់បង់នោះមកវិញ៕
លោក មួង សូនី៖ ក្រុមយុវជនចង់ឃើញរដ្ឋាភិបាលខ្មែរបង្ហាញតម្លាភាពក្នុងសំណុំរឿងព្រំដែនភ្ញៀវប្រចាំថ្ងៃរបស់វិទ្យុបារាំងនារាត្រីនេះគឺ លោក មួង សូនី ប្រធានសមាគមសម្ព័ន្ធនិស្សិតបញ្ញវន្តខ្មែរ។ កាលពីថ្ងៃអាទិត្យ ទី៨មករា កន្លងទៅនេះ លោក មួង សូនី បានដឹកនាំយុវជនប្រមាណ៣០នាក់ ទៅធ្វើទស្សនកិច្ចនៅតំបន់ព្រំដែនកម្ពុជា-វៀតណាម ត្រង់ចំណុចបង្គោលព្រំដែនលេខ ១៤៧-១៤៨ ស្ថិតក្នុងស្រុករំដួល ខេត្តស្វាយរៀង។ ជាលទ្ធផល លោក មួង សូនី រកឃើញថា វៀតណាមបោះបង្គោលព្រំដែនចូលក្នុងទឹកដីខ្មែរ ហើយលោកចង់ឃើញរដ្ឋាភិបាលក្រុងភ្នំពេញបង្ហាញតម្លាភាពជូនពលរដ្ឋនៅក្នុងសំណុំរឿងនេះ។
សមាជិកក្រុមការងារ ១០០រាត្រី ម្នាក់បាត់ខ្លួន សមាជិកគ្រួសារសង្ស័យថា សមត្ថកិច្ចចាប់ខ្លួនសមាជិកក្រុមការងារ ១០០រាត្រីម្នាក់បាត់ខ្លួន នៅវេលាប្រមាណ ២រសៀល ថ្ងៃទី១០ កញ្ញា។ រហូតមកទល់ម៉ោងផ្សាយនេះ ក្រុមគ្រួសារមិនទាន់ដឹងពីមូលហេតុនៃការបាត់ខ្លួននៅឡើយ។
ប្រធានសមាគមនិស្សិតបញ្ញវន្តខ្មែរ លោក មួង សូនី ដែលជាបងប្រុសយុវជន មួង សុភ័គ្រ ដែលបាត់ខ្លួននោះ ឲ្យដឹងថា ប្រុសរបស់លោកបានបាត់ខ្លួននៅម្ដុំសាលាបឋមសិក្សាសុធារស ស្ថិតនៅក្នុងសង្កាត់ទន្លេបាសាក់ នៅពេលប្អូនប្រុសរបស់លោកបានយកម៉ូតូទៅឲ្យប្អូនប្រុសរបស់លោក មានព្រហ្មមុនីសកម្មជនព្រំដែន ដែលតុលាការចាប់ខ្លួនដាក់ពន្ធនាគារ។ លោក មួង សូនី សង្ស័យករណីបាត់ខ្លួនប្អូនប្រុសរបស់លោកនេះថា ប៉ូលិសអាចចាប់យកទៅឃុំខ្លួនស្ងាត់ៗ៖ «
អាស៊ីសេរីបានព្យាយាមទាក់ទងទៅអ្នកនាំពាក្យអគ្គស្នងការនគរបាលជាតិ លោក ឆាយ គឹមខឿន ជាច្រើនលើក ដើម្បីសួរអំពីករណីបាត់ខ្លួនយុវជន មួង សុភ័គ្រ នេះ តែលោកមិនលើកទូរស័ព្ទ។
យុវជន មួង សុភ័គ្រ មានអាយុ ២៤ឆ្នាំ លោកជាយុវជនសកម្ម ដែលចូលរួមតវ៉ាយ៉ាងសកម្មជាមួយក្រុមយុវជន និងពលរដ្ឋទាមទារយុត្តិធម៌សង្គម។ លោក មួង សូនី អំពាវនាវទៅអាជ្ញាធរ បើសិនជាចាប់ខ្លួនប្អូនប្រុសរបស់លោកមែននោះ សូមផ្ដល់ដំណឹងដល់ក្រុមគ្រួសារលោកបានដឹងផង៕
No comments:
Post a Comment