ប្រវត្តិសាស្រ្ត ខ្មែរ: ស៊ន ដារា ស៊ន តារា

ស៊ន ដារា ស៊ន តារា មិនមែនជា មនុស្សរបស់ កឹម សុខា ក៍មិនមែនជាមនុស្ស របស់ សម រង្សីដែរ តើជាមនុស្សរបស់ អ្នកណា? ចម្លើយ គឺ ស៊ន តារា ជាមនុស្សរបស់ អាមេរិក អឺរ៉ុប IRI/ NDI ព្រោះ នៅ អ៊ុយក្រែន គេរកឃើញថា គណបក្សថ្មីៗ ទទួលបានសម្លេងគាំទ្រច្រើន ជាប់ឆ្នោត ទទួលបាន អាសនៈ បើធៀបជាមួយ គណបក្សចាស់ ដែល អ្នកបោះឆ្នោត មានការមិនពេញចិត្ត ឬ គេស្គាល់អស់ គ្មានអ្វី ទាក់ទាញ។

រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ទៅលោក ស៊ន តារា សមាជិកសកម្មមួយរបស់ក្រុមប្រឆាំងឱ្យល្មមធ្វើអ្នកចេះអ្នកដឹងខ្លះដោយកុំវិភាគខុសខ្លាំងពេក។

ថ្លែងក្នុងពិធីសំណេះសំណាលជាមួយប្រជាពលខ្មែរជិត២ពាន់នាក់នៅទ្វីបអឺរ៉ុប នាថ្ងៃទី១២ ខែធ្នូ ឆ្នាំ២០២២នេះ សម្តេចតេជោ ហ៊ុន សែន បានថ្លែងដូច្នេះថា៖ «អាក្មួយ ស៊ន តារាអើយ ! ហ្អែងល្មមធ្វើអ្នកចេះអ្នកដឹងខ្លះទៅដល់អញ្ចឹងៗពេក ហ្អែងយ៉ាប់ណាស់»។

សម្តេចបានលើកឡើងថា មនុស្សភាគច្រើនបានមើលទៅលោក ស៊ន តារា ជាមនុស្សគ្មានបានការណ៍។ប៉ុន្តែសម្តេចមិនបានប្រើប្រាស់ពាក្យអសុរសចំពោះលោក ស៊ន តារា នោះទេ ដោយសារតែលោក ស៊ន តារា ក៏មិនបានប្រើប្រាស់ពាក្យអសុរសចំពោះសម្តេច ដូចលោក គឹម សុខ នោះឡើយ។

ជាមួយគ្នានោះដែរ សម្តេចបានរំលឹកអំពីពាក្យសម្តីមិនសមរម្យរបស់ លោក គឹម សុខ កាលនៅជាយុវជនគណបក្សនរោត្តមរណឫទ្ធិ។ សម្តេចបានចាត់ទុកថា មូលហេតុនេះហើយដែលធ្វើឱ្យគណបក្សនោះរលំរលាយ ដោយសារតែមានសមាជិកបែបនេះ។នៅចំពោះប្រជាពលរដ្ឋខ្មែរនៅទ្វីបអឺរ៉ុបដែលមកជួបសម្តេចតេជោ ហ៊ុន សែន ក៏បានផ្តាំទៅលោក ស៊ន តារា ផងដែរថា កុំឱ្យយកត្រកូល ហ៊ុន ធ្វើជាសត្រូវដោយសារតែត្រកូល ហ៊ុន មានបញ្ញវ័ន្តច្រើនណាស់ និងមានចំនួនច្រើនផងដែរ។

សម្តេចបញ្ជាក់ថា៖«ដាក់ចេញគោលដៅកម្ចាត់ត្រកូលហ៊ុន គឺខុសឆ្គងខាងយុទ្ធសាស្ត្រហើយក្មួយ បើអ្នកឯងកម្ចាត់គណបក្សប្រជាជនបាន ទើបអ្នកឯងជីក ឫសគល់ត្រកូលហ៊ុនបានហើយកុំស្រមើលស្រមៃថា នៅជួរគណបក្សប្រជាជនមកគាស់រំលើកត្រកូលហ៊ុនចេញនោះគេមិនល្ងង់រហូតដល់សម្លា.ប់ខ្លួនដូចក្រុមអ្នកឯងទេ»។

ក្នុងឱកាសនោះដែរ សម្តេចបានបន្តថា៖ «កុំស្រមើលស្រមៃថា ស ខេង នឹងដណ្តើមយកអំណាចពីហ៊ុន សែន កុំសង្ឃឹមឥឡូវស ខេង កំពុងធ្វើនាយករដ្ឋមន្ត្រីស្តីទី ហើយកុំចេះតែថា ហ៊ុន សែន មកហ្នឹងអត់ផ្ទេរអំណាចឱ្យស ខេង»។

សម្តេចបានចាត់ទុកថា អ្នកទាំងនោះមិនទាន់ចេះធ្វើការងាររដ្ឋ ខណៈសម្តេចបានចេញសេចក្តីសម្រេចបែងចែកតួនាទី និងការទទួលខុសត្រូវជូនឧបនាយករដ្ឋមន្ត្រីទាំងអស់តាំងពីដើមអាណត្តិម្ល៉េះ ដោយក្នុងនោះ សម្តេចក្រឡាហោម ស ខេង ជានាយករដ្ឋមន្ត្រីស្តីទីពេលអវត្តមានសម្តេចនៅក្នុងប្រទេស។

សូមជម្រាបថា ការណែនាំទៅកាន់សមាជិកក្រុមប្រឆាំងមួយនេះបានធ្វើឡើងបន្ទាប់ពីសម្តេចសង្កេតឃើញថា លោក ស៊ន តារា វិភាគខុសឆ្គងជាច្រើនរឿងកន្លងមក ក្នុងនោះមានរឿងសម្តេចមិនបានចូលរួមប្រជុំ G20 នៅឥណ្ឌូនេស៊ីកន្លងទៅដោយសារតែមានវិជ្ជមានកូវីដ១៩ និងរឿងមិនប្រារព្ធបុណ្យអុំទូកកន្លងទៅជាដើម៕

គណបក្សសម្ព័ន្ឋដើម្បីប្រជាធិបតេយ្យ គ្រោងនឹងប្តឹង លោក ស៊ន តារា សាស្ត្រាចារ្យទស្សនវិជ្ជា នៃសាកលវិទ្យាល័យមួយ នៅខេត្តសៀមរាប ពាក់នឹងការចោទប្រកាន់របស់លោក ស៊ន តារា ចំពោះមេគណបក្សនេះថា លោក ខឹម វាសនា បានផ្តល់ប្រាក់ជូនគ្រួសារសព ហើយយកពិធីនេះ ចូលទៅក្នុងកម្មវិធីរបស់បក្សខ្លួន ។ ការចោទប្រកាន់សំអាងទៅលើគ្រួសារសពប្រាប់រូបលោក ។ តែលោក ស៊ន តារា បានស្វាគមន៍គម្រោងប្តឹងរបស់គណបក្សសម្ព័ន្ធ ដើម្បីប្រជាធិបតេយ្យ ។

ភាពក្តៅគគុកនៃសង្គ្រាមពាក្យសម្តី រវាងគណបក្សសម្ព័ន្ឋដើម្បីប្រជាធិបតេយ្យ និងលោក ស៊ន តារា សាស្ត្រាចារ្យបង្រៀនផ្នែកទស្សនវិជ្ជា នៅសកលវិទ្យាល័យមួយក្នុងខេត្តសៀមរាបបានឈានដល់ការប្រកាសគម្រោងប្តឹងផ្តល់គ្នានៅតុលាការ។លោក ខឹម វាសនា ប្រធានគណបក្សសម្ព័ន្ធ ដើម្បីប្រជាធិបតេយ្យ អះអាងថា គណបក្សនេះ កំពុងតែរៀបចំប្រមូលឯកសារនិងភស្តុតាងដើម្បីដាក់ពាក្យបណ្តឹងក្នុងពេលឆាប់ៗនេះ។ លោក ខឹម វាសនា បានសរសេរបង្ហោះនៅលើទំព័រហ្វេសប៊ុករបស់លោកយ៉ាងនេះថា៖ «LDP បានទាក់ទងនឹងមេធាវីដើម្បីពិភាក្សាផ្លូវច្បាប់រួចហើយ ។LDP សម្រេចចិត្តថានឹងប្តឹងលោក ស៊ន តារា ហើយ ។LDP នឹងបន្តចាត់ការតាមមធ្យោបាយសមស្របចំពោះគ្រប់បុគ្គលដែលយើងយល់ថាសមគួរនឹងចាត់ការ» ។ ការសរសេររបស់លោក ខឹម វាសនា នៅលើទំព័រហ្វេសប៊ុក មានបង្ហោះអមដោយពាក្យពេចន៍ចោទលោក ខឹម វាសនា នៅលើហ្វេសប៊ុកពីសំណាក់លោក ស៊ន តារា ផងដែរ ។

បន្ថែមពីលើនេះ លោក កូវ គា អ្នកនាំពាក្យគណបក្សសម្ព័នដើម្បីប្រជាធិបតេយ្យ បានប្រាប់សារពត៌មានថ្មីៗថា រឿងដែលគណបក្សនេះ គ្រោងនឹងប្ដឹងលោកស៊ន តារា គឺទាក់ទងទៅនឹងការលាបពណ៌គណបក្ស ពីលោកស៊ន តារា ម្តងហើយម្តងទៀត ។ តែលោក កូវ គា បញ្ជាក់ថា រឿងដ៏ធ្ងន់ធ្ងរមិនអាចទទួលយកបានរហូតដល់គណបក្សសម្រេចថាគ្រោងនឹងប្តឹងលោក ស៊ន តារានោះ គឺទាក់ទងទៅនឹងការចោទប្រកាន់របស់លោក ស៊ន តារា តាមរយៈបណ្តាញសង្គមហ្វេសប៊ុកមកលើគណបក្សសម្ព័ន្ធដើម្បីប្រជាធិបតេយ្យជុំវិញមរណភាពយុវជន បុប្ផា សិលាអតីតសកម្មជនដ៏ស្និទ្ធមួយរូបនៃគណបក្សនេះ ដែលលោក កូវ គា ចាត់ទុកថា លោក ស៊ន តារា កំពុងលាបពណ៌គណបក្សខ្លួន និងប្រមាថទៅលើសពយុវជន សិលា ។ តែយ៉ាងណាលោក កូវ គាមិនទាន់អាចបញ្ជាក់ពីបទល្មើសពិតប្រាកដ ដែលគណបក្សសម្ព័ន្ធ ដើម្បីប្រជាធិបតេយ្យ នឹងប្តឹងលោក ស៊ន តារ៉ា នោះទេ ព្រោះពេលនេះមេធាវីគណបក្សកំពុងតែពិនិត្យមើលអង្គហេតុនេះ។

សូមបញ្ជាក់ថា ក្រោយមរណភាពរបស់សកម្មជនគណបក្សសម្ព័ន្ធ ដើម្បីប្រជាធិបតេយ្យ យុវជន បុប្ផា សិលា លោក ស៊ន តារា បានសរសេរនៅលើទំព័រហ្វេសប៊ុករបស់ខ្លួនយ៉ាងនេះថា៖ «សាច់ញាតិគ្រួសារសពប្អូនប្រុស បុប្ផា សិលាបានទូរស័ព្ទមកខ្ញុំនៅថ្ងៃនេះសុំឲ្យខ្ញុំជួយបង្ហោះពាក្យរបស់ពួកគាត់។ ពួកគាត់ផ្តាំថា ខឹម វាសនាបានផ្តល់ប្រាក់ជូនគ្រួសារសព ហើយគ្រប់គ្រងបុណ្យនោះដោយទាញចូលទៅក្នុងកម្មវិធីបក្ស។ ការស្លាប់របស់សិលា មិនពាក់ព័ន្ធនឹងបេសកកម្មបក្សទេ គឺជាទំនាស់ធម្មតា ។ការលូកដៃរបស់ជួង ធ្វើឲ្យប្អូនសិលាទទួលការស្អប់ខ្ពើមពីមហាជនយ៉ាងអយុត្តិធម៌ព្រោះគេគិតថាដោយសាតែវប្បធម៌ជេរប្រមាថអសីលធម៌ ទើបបណ្តាលឲ្យប្អូនស្លាប់ ប្រែក្លាយពីទុក្ខសោកស្តាយ ទៅជាត្រេកអរពីមហាជនទៅវិញ»។

ទាក់ទងនងបញ្ហានេះ សារព័ត៌មានថ្មីៗ មិនអាចទាក់ទងសុំការអត្ថាធិប្បាយពីលោក ស៊ន តារា បាននោះទេ តែបន្ទាប់ពី គណបក្សសម្ព័ន្ធ ដើម្បីប្រជាធិបតេយ្យគ្រោងប្តឹងខ្លួន លោក ស៊ន តារា ក៏បាន បង្ហោះឆ្លើយតបវិញ តាមទំព័រហ្វេសប៊ុករបស់លោកយ៉ាងនេះថា៖ «ស្វាគមន៍ចំពោះវិធានការនេះ។ ខ្ញុំបានត្រៀមខ្លួន និងរៀបចំឯកសារភស្តុតាងនិងសាក្សី រួចជាស្រេច មានទាំងវីដេអូផង ដើម្បីតបត្រឡប់ទៅវិញ»៕

ឪពុកលោក ស៊ន តារា ចេញមកលាតត្រដាងពីចរិតកូន និងអង្វរឱ្យឈប់វាយប្រហារសម្តេចតេជោ ហ៊ុន សែន ភ្នំពេញ៖ លោក សុខ ស៊ុនណារ៉េត ឪពុករបស់លោក ស៊ន តារា បានចេញមកទទូចអង្វរកូនប្រុស ឱ្យឈប់វាយប្រហារលើសម្តេចតេជោ ហ៊ុន សែន នាយករដ្ឋមន្ត្រីកម្ពុជាបន្តទៀត ព្រោះសម្តេច ជា អ្នក មានគុណបំណាច់យ៉ាងធំធេងចំពោះជាតិ និងប្រជាជន។ លោក សុខ ស៊ុនណារ៉េត បច្ចុប្បន្នជាមន្ត្រីយោធាមានតួនាទីជានាយរងសេនាធិការ នៃតំបន់ប្រតិបត្តិការ សឹករងខេត្តកំពង់ស្ពឺ។ លោក សុខ ស៊ុនណារ៉េត ក៏ជាមន្ត្រីគណបក្សប្រជាជនកម្ពុជាផងដែរ។

លោក ស៊ុនណារ៉េត បានអះអាងថា តាំងពីឆ្នាំ១៩៧៩មក លោក បានស្ម័គ្រស្មោះជាមួយគណបក្ស ប្រជាជនកម្ពុជា ហើយធ្វើសកម្មភាពជាច្រើនជាមួយគណបក្សប្រជាជនកម្ពុជា។

តាមរយៈវីដេអូឃ្លីបរយៈពេលជាង២នាទី លោក សុខ ស៊ុនណារ៉េត បានរៀបរាប់ថា លោក បានព្យាយាមអប់រំ និងទូន្មានលោក ស៊ន តារា ជាច្រើនតែមិនស្តាប់ ហើយរហូតដល់កូនរូបនេះ ប្រមាថរូបលោកថា ចេះមិនដល់ខ្លួនថែមទៀតផង។

លោក សុខ ស៊ុនណារ៉េត បានរំលឹកពីពាក្យសម្តីដែលកូនប្រមាថ និងមើលងាយខ្លួនយ៉ាងដូច្នេះ «ខ្ញុំនិយាយទៅ វា [ស៊ន តារា] និយាយថា ប៉ាឯងចេះមិនដល់ខ្ញុំទេ។ ប៉ាឯងមិនបាច់និយាយ ជាមួយខ្ញុំទេ។ ប៉ាឯងរៀនមិនដូចខ្ញុំទេ។ មិនបាច់និយាយជាមួយខ្ញុំទេ»។ លោក សុខ ស៊ុនណារ៉េត បានឱ្យដឹងទៀតថា ក្នុងរយៈពេលប្រមាណ៥ឆ្នាំ ដែល ស៊ន តារា ចេញទៅរស់នៅក្រៅប្រទេស លោកមិនដែលទាក់ទងទៀតនោះឡើយ។ បន្ថែមពីលើនេះ លោក ក៏មានការឆ្អែតចិត្តចំពោះកូនប្រុស ដែលទូន្មានមិនស្តាប់ ហើយត្រូវកូនប្រមាថ និងមើលងាយខ្លួន។ បើទោះបីជាបច្ចុប្បន្នហាក់ឃ្លាតកាន់តែឆ្ងាយ និងគ្មានក្តីរំពឹងថាកូនស្តាប់យ៉ាងណាក្តី ក៏លោក សុខ ស៊ុនណារ៉េត បន្តអំពាវនាវឱ្យកូនឈប់វាយប្រហារលើសម្តេចតេជោ ដែលមានជាអ្នកមានគុណបំណាច់ចំពោះជាតិ និងប្រជាជនកម្ពុជា៕

ដោយ៖ យ៉ា រសាត់ | ថ្ងៃអង្គារ ទី2 មិថុនា 2015 លោក ស៊ន តារា ស្នើសុំលើកពេលចូលបំភ្លឺនៅតុលាការ លោក ស៊ន តារា ដែលត្រូវបានគណបក្សសម្ព័ន្ធដើម្បីប្រជាធិបតេយ្យប្ដឹងពីបទបរិហារកេរ្ដិ៍ និងបទញុះញង់ឲ្យមានការរើសអើង បានស្នើទៅកាន់សាលាដំបូងរាជធានីភ្នំពេញ សុំលើកពេលចូលបំភ្លឺ ដោយលោកអះអាងថាដើម្បីទុកពេលសិក្សាផ្លូវច្បាប់ និងស្វែងរកមេធាវី ។

ដីការបស់សាលាដំបូងរាជធានីភ្នំពេញចុះហត្ថលេខាដោយព្រះរាជអាជ្ញារង លោក ខាំ សុផារី នៅថ្ងៃទី២២ ខែឧសភា បានបង្គាប់ឲ្យលោក ស៊ន តារា សាស្ដ្រាចារ្យទស្សនវិជ្ជា ចូលបំភ្លឺនៅតុលាការ ថ្ងៃអង្គារនេះ វេលាម៉ោង២រសៀល ។

លោក ស៊ន តារា ប្រាប់VODនៅព្រឹកនេះថា លោកបានដាក់ពាក្យស្នើសុំលើកពេលចូលបំភ្លឺទៅកាន់សាលាដំបូងរាជធានីភ្នំពេញ កាលពីថ្ងៃសុក្រសប្ដាហ៍មុន ដើម្បីលោកធ្វើការស្រាវជ្រាវស្វែងយល់អំពីនីតិវិធីច្បាប់បន្ថែម និងក៏ដូចជាស្វែងរកមេធាវីការពាររូបលោករឿងក្ដីនេះផងដែរ ។ ប៉ុន្ដែ គ្រូទស្សនវិជ្ជារូបនេះមិនបានដឹងថា តើលោកនឹងត្រូវចូលខ្លួនបំភ្លឺនៅតុលាការនៅថ្ងៃណាវិញនោះទេ ដោយលោកថាវាអាស្រ័យទៅលើការកោះហៅជាថ្មីរបស់តុលាការ ។

លោក ស៊ន តារា មានប្រសាសន៍ថា «សុំពន្យារពេលដើម្បីទុកពេលសិក្សាផ្លូវច្បាប់ និងរកមេធាវី យើងអត់ទាន់មានមេធាវី»។

គួរបញ្ជាក់ថា លោក ស៊ន តារា ត្រូវលោក ឆឺយ ប៊ុនធឿន ក្នុងនាមគណបក្សសម្ព័ន្ធដើម្បីប្រជាធិបតេយ្យ ប្ដឹងពីបទបរិហារកេរ្ដិ៍ និងបទញុះញង់ឲ្យមានការរើសអើង និងទាមទារប្រាក់សំណង៣ម៉ឺនដុល្លារ ទាក់ទិននឹងការបង្ហោះព័ត៌មានលើបណ្ដាញសង្គមហ្វេសប៊ុក ចោទប្រកាន់គណបក្សនេះថាកេងចំណេញនយោបាយនៅក្នុងពិធីបុណ្យសពសកម្មជនរបស់ខ្លួន ។

កម្រង ឯកសារ ស៊ន ដារា ស៊ន តារា