វិញ្ញាសារ វ៉ូវីណាម VOVINAM

វិញ្ញាសារ វ៉ូវីណាម ចំពោះប្រភេទកីឡា វ៉ូវីណាម រកមេដាយបាន៣គ្រឿងបន្ថែម ដោយកីឡាករ ជិន ពិសិដ្ឋ និងកីឡាករ ម៉េត សុភត្ត្រា ឈ្នះមេដាយមាស ក្នុងវិញ្ញាសាសម្ដែងជាក្រុម ការពារខ្លួនកាំបិតធំបុរស ២នាក់ ដោយរកបាន ២៦៩ពិន្ទុ ដាច់ម្ចាស់ផ្ទះវៀតណាម ដែលរកបានត្រឹម ២៦៤ពិន្ទុ។

លោក អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានប្ដេជ្ញាយ៉ាងមុតមាំថា សហព័ន្ធ នឹងដណ្ដើមយកមេដាយមាស៩គ្រឿង ក្នុងស៊ីហ្គេមលើកទី៣២ នៅកម្ពុជា ។ កីឡាវ៉ូវីណាម ជាកីឡាដែលមានសក្ដានុពលមួយរបស់កម្ពុជា ។ កីឡាមួយប្រភេទនេះ ជួយឲ្យកម្ពុជាឈ្នះ មេដាយមាស និងជ័យលាភីជាច្រើន ដូចជាការឈ្នះប្រកួតជើងឯកពិភពលោក នៅទីក្រុង New Delhi ប្រទេសឥណ្ឌា នាពាក់កណ្ដាលឆ្នាំ២០១៧ ដោយដណ្ដើមបាន មេដាយមាស ៤គ្រឿង ប្រាក់៩គ្រឿង និងសំរិទ្ធ៩គ្រឿង ។

សហព័ន្ធ កំពុងខិតខំពង្រឹង និងបណ្ដុះបណ្ដាលសមត្ថភាព កីឡាករ និងកីឡាការិនី ក៏ដូចជាថ្នាលយុវជន ដើម្បីត្រៀមប្រកួតស៊ីហ្គេម និងព្រឹត្តិការណ៍អន្ដរជាតិនានា ។ នេះបើតាមប្រធានសហព័ន្ធកីឡាវ៉ូវីណាមកម្ពុជា ។

ជាមួយគ្នានេះ លោក វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម បានវាយតម្លៃខ្ពស់ ចំពោះការប្រឹងប្រែងរបស់សហព័ន្ធ ។ អគ្គលេខាធិការរូបនេះ បន្ថែមថា គណៈកម្មាធិការជាតិ CAMSOC ក៏កំពុងរង់ចាំ និងឧបត្ថម្ភគាំទ្រនូវគ្រូបង្វឹកកម្រិតខ្ពស់មកពីសហព័ន្ធកីឡាវ៉ូវីណាមពិភពលោក សម្រាប់ជួយពង្រឹងការហ្វឹកហាត់របស់ក្រុមជម្រើសជាតិ​ ដើម្បីឆ្ពោះទៅសម្រេចគោលដៅនាស៊ីហ្គេម ឆ្នាំ២០២៣ ផងដែរ ។

តាមរយៈទំព័រហ្វេសប៊ុក Cambodia 2023 លោក វ៉ាត់ ចំរើន មានប្រសាសន៍ក្នុងពិធីបិទការប្រកួតជើងឯកប្រចាំឆ្នាំ២០២១ របស់សហព័ន្ធកីឡាវ៉ូវីណាមកម្ពុជា នាថ្ងៃទី២៦ ខែមករា នៅទីលានសាលាភូមិន្ទភ្នំពេញ ថា ៖«គ្រូបង្វឹកល្អ គឺជាថ្នាក់ដឹកនាំដ៏ល្អ ដែលនាំផ្លូវកីឡាករទៅរកជ័យលាភី។ ។ អ៊ីចឹងយើងបានសម្រេចឆ្ពោះទៅរកកំពូលគ្រូរបស់សហព័ន្ធកីឡាវ៉ូវីណាមពិភពលោក និងត្រៀមមកក្នុងពេលឆាប់ៗ។ ហើយយើងក៏ត្រៀមខ្លួនធ្វើម្ចាស់ផ្ទះការប្រកួតជើងឯកអាស៊ីអាគ្នេយ៍ផងដែរ ដែលការប្រកួត Pre-Sea Games នេះ គ្រោងរៀបចំនាដើមឆ្នាំ២០២៣ ដើម្បីបញ្ជាក់ច្បាស់ថា តើគោលដៅ ៩មេដាយមាសបាន ឬក៏អត់?» ។

គួរបញ្ជាក់ដែរថា លទ្ធផលប្រកួតជើងឯកថ្នាក់ជាតិប្រចាំឆ្នាំ២០២១ រយៈពេល៣ថ្ងៃនេះ ចាប់ពីថ្ងៃទី២៤-២៦ ខែមករា ឆ្នាំ២០២២ មានអ្នកចូលរួមសរុប ៨៦នាក់ មកពី ៩សមាគម/ក្លិប និងក្រសួង ។​ ក្លិបក្រសួងការពារជាតិ ដណ្ដើមបានមេដាយច្រើនជាងគេសរុប ១០គ្រឿង ក្នុងនោះមេដាយមាស ៦គ្រឿង ប្រាក់ ១ និងសំរឹទ្ធ៣គ្រឿង ខណៈក្រសួងមហាផ្ទៃ ឈរលេខ២ ដណ្ដើមបានមេដាយសរុប ៦គ្រឿង មាស ៣ ប្រាក់ ១ និងសំរឹទ្ធ ២ និងខេត្តសៀមរាប ឈរលេខ៣ ដណ្ដើមបានមេដាយសរុប ៧គ្រឿង មាស ២ ប្រាក់ ៣ និងសំរឹទ្ធ ២ ៕

Prak Vanda អបអរសាទរកីឡាករវ៉ូវីណាម លី បូរ៉ាមី ឈ្នះមេដាយមាស លើវិញ្ញាសាសម្តែងមេគុនព្រឹត្តិការណ៍កីឡាស៊ីហ្គេមលើកទី ៣២ នៅមជ្ឈមណ្ឌលជ្រោយចង្វា នាព្រឹកថ្ងៃទី៦ ខែឧសភានេះ ដោយសម្រេចបាន ២៧២ពិន្ទុ។ វិញ្ញាសារ វ៉ូវីណាម VOVINAM

Thmey Thmey អបអរមេដាយ​មាសទី៣៨! កីឡាការិនីវ៉ូវីណាម ពៅ សុខា និងសឿ ច័ន្ទលក្ខិណា ឈ្នះមេដាយមាស លើវិញ្ញាសាមេគុនដាវនារីពីរនាក់។ ក្រុមកីឡាការិនីកម្ពុជា ធ្វើបានក្នុងលំដាប់ពិន្ទុ ២៧០, មេដាយប្រាក់ បានទៅវៀតណាម ដែលមានពិន្ទុ ២៦៧, មេដាយសំរឹទ្ធស្ទួន បានទៅមីយ៉ាន់ម៉ា និងឥណ្ឌូណេស៊ី នៃព្រឹត្តិការណ៍ប្រកួតស៊ីហ្គេម លើកទី៣២ ឆ្នាំ២០២៣នេះ នាព្រឹកថ្ងៃទី៩ ឧសភា នាទីលានប្រកួត OCIC ជ្រោយចង្វារ ៕