- មាត្រា ២.នៃរដ្ឋធម្មនុញ្ញ-បូរណភាពទឹកដីរបស់ព្រះរាជាណាចក្រកម្ពុជា មិនអាចរំលោភបានដាច់ខាតក្នុងព្រំដែនរបស់ខ្លួនដែលមានកំណត់ ក្នុងផែនទីខ្នាត ១/១០០.០០០ធ្វើនៅចន្លោះឆ្នាំ១៩៣៣-១៩៥៣ ហើយដែលត្រូវបានទទួលស្គាល់ជាអន្តរជាតិនៅចន្លោះ ឆ្នាំ ១៩៦៣-១៩៦៩។
- ឆ្នាំ ១៨៩៣ មានសង្រ្គាម បារាំង សៀម Franco-Siam War ដែលសង្រ្គាមនោះគឺភាគីបារាំងឈ្នះ ហើយភាគី សៀម យល់ព្រមដកទ័ពទាំងអស់ចេញពីកម្ពុជា នៅឆ្នាំ ១៩០៤។ កាលណោះ ប្រទេសឡាវ ស្ថិតក្រោមអាណានិគមរបស់ប្រទេស សៀម ដែលតាមផ្លូវច្បាប់ ឡាវ មិនមែនជារដ្ឋមួយទាមទារជំនួសសៀមទេ។ លុះឆ្នាំ ១៩៣៣ មានការបោះពុម្ពផែនទី ជំនួសដោយផែនទីចាស់ផលិតឆ្នាំ ១៩១៤....
- ភាគីឡាវ គេលើកឡើងអំពី សិទ្ធិជនជាតិដើម គេសំដៅថា ជនជាតិរបស់ឡាវ រស់នៅក្នុងប្រទេសកម្ពុជា(គេលើកពីការធ្វើជំរៀនប្រជាជនខេត្តតាមព្រំដែន..) និងចង់ថា កម្ពុជារំលោភបំពាន ឈ្លានពានទឹកដីឡាវ ចំណែកកម្ពុជា អះអាងថា សាលាមុខ ៣ មិនមែនជាចំណុចព្រំដែនទេ ហើយចំណុចព្រំដែនស្ថិតនៅចម្ងាយជាង ៣០០ ម៉ែត្រពី សាលារួមចិត្តឬ សាលាត្រីមុខ តើដីកម្ពុជា បាត់ទៅខាងឡាវ? ឬ ទៅខាង ប្រទេសថៃ? រីឯភាគីឡាវ គេក៍ទទួលស្គាល់ថា សាលានោះ ស្ថិតក្នុងទឹកដីកម្ពុជា! ក្នុងន័យនេះ បានជាកងទ័ពកម្ពុជា បណ្តេញកងទ័ពថៃ ប្រមាណជា ១០នាក់ ដែលលួចមក ឈ ជើងនៅលើ សាលាមុខបី។ ក្នុងន័យនេះ បានន័យថា ទាំងឡាវ ទាំងថៃ សុទ្ធតែ រំលោភព្រំដែនកម្ពុជា!
- ភាគីឡាវ គេបង្ហាញផែនទី ១/៥០.០០០ និង ១/១០០.០០០ ឃើញថា ខ្សែព្រំដែន ស្ថិតនៅម្តុំនោះមែន! ចុះភាគីកម្ពុជា បានផែនទីណាទៅសំអាង ថាភាគីឡាវគេរំលោភ? ដូច្នេះ កម្ពុជាគួរបកស្រាយបែប ផែនទីវិទ្យា ដោយថា ចំនុច"សៀមចង់បូក" ជាចំនុចជំលោះតាំងពីយូរយាមកហើយ គឺតាំងពី ជំនាន់សៀម និង បារាំងឈ្លោះគ្នា ព្រោះតាមឯកសារ គេឃើញមាន ស្រុកសៀមបូក និង ស្រុង សៀមប៉ាង--សៀមរត់ដកទ័ពចេញ ចំណែកតំបន់ សៀមចង់បូក ឬ ភ្នំសៀមចង់បូក Siam Want Plus មិនមែន ចុងបូកទេ Chong Bok តាមហេតុផលនេះ គឺភ្នំ មាន៣ដែរ គឺភ្នំសៀម កំពស់ ៣៦០ម ភ្នំឡាវកំពស់ ៣៦០ម និងភ្នំកម្ពុជា កំពស់ ៣៦០មដែរ ដូចនេះ ចំណុចកណ្តាល គឺជាចំណុចប្រសពព្រំដែនបីប្រទេស កម្ពុជា ថៃ និង ឡាវ។
- ទាញខ្សែសណ្ឋានដី រកចំណុចទាបជាងគេ--ធម្មតា គេយកទន្លេ អូរ ព្រែក ធ្វើជាចំនុចទាបស្មើរ ០ តែបើគ្មានទេ គឺមិនអាចយកចំណុច អូរ Ou/Stream ដូចដែលភាគី ឡាវ ថៃ គេកំណត់ឲ្យយើងអីចឹងទេ គឺត្រូវយកចំណុចកំពស់ ១៥២ម ដែលទាបជាងគេបង្អស់ ធៀបពី ភ្នំ ៣៦០ម។ ធ្វើបែបនេះ ឃើញថា មានចំងាយ ៣០០ម៉ែត្រជាងមែន ដែលពីមុន ភាគីថៃ ថាព្រំដែនគឺ សាលាមុខបី ថៃនាំភ្ងៀវមកទស្សនា ថៃចេញលុយកសាងសាលាមុខបី ថៃមានដាក់ក្បាច់លំនាំថៃ ដើម្បីប្រាប់គេថា នោះគឺជាព្រំដែន ដែលតាមពិត ព្រំដែនឆ្ងាយពីសាលាបីមុខ ចំនួនជាង ៣០០មែត្រ។ ទី ២ គឺស្របជាមួយ សាក្សីរស់ ដែលជាកងកំលាំងធ្លាប់ធ្វើសង្រ្គាមសម័យនេះ ១៩៧០ ដល់ ១៩៩៨ ដែលគេអូសខ្សែព្រំដែនចូលមកដីខ្មែរ ដើម្បីឲ្យបរទេស មើលឃើញថា ភាគីវៀតណាម និង រដ្ឋកម្ពុជា រំលោភដីឡាវ ឬ ដីថៃ!!--សម័យសង្រ្គាមគ្មានអ្នកណាគិតរឿងផែនទី ទឹកដីទេ គិតតែពីរឿង ឈ្នះ ចាញ់។
- ឆ្នាំ ១៩៣២ ជនជាតិថៃ ធ្វើរដ្ឋប្រហារធម្មនុញ្ញ ដោយដូរឈ្មោះប្រទេស ពី អាណាចក្រសៀម Siam Kingdom ទៅជាអាណាចក្រថៃ Kingdom of Thai-land មានន័យថា ផែនទីដែលផលិត ឆ្នាំ ១៩៣៣ គឺជនជាតិសៀម មិនទទួលស្គាល់ ដោយសារឆ្នាំ ១៩៣២ ជនជាតិសៀម ចាញ់ ជនជាតិថៃ និងសំដៅថា នេះជាមូលដ្ឋានដែលនាំឲ្យ ផែនទីមានទំនាស់។
- តំបន់ត្រីកោណមរកតគឺជាចំនុចព្រំដែនរវាងប្រទេស ថៃ លាវ និង កម្ពុជា ។ តំបន់នេះមានផ្ទៃដី ១២ គម២។ តំបន់ត្រីកោណមរកតក្នុងប្រទេសថៃ គឺរួមតំបន់ Phuong Nai National Park, Nam Yuen District, Ubon Ratchathan។ តំបន់ត្រីកោណមរកតក្នុងប្រទេស ឡាវ គឺសំដៅ Mueang Moo. Champasak District តំបននេះ បើគិតនៅប្រទេសកម្ពុជា គឺតំបន់មុំបី ខេត្តព្រះវិហារ (មិនដូចខាងថៃសរសេរថា តំបន់ជនបុរីឡើយ)។ តំបន់នេះមានឈ្មោះថាតំបន់ត្រីកោណមរកត Emeral Triangle ចំណែកតំបន់ត្រីកោណមាសសំដៅ ព្រំដែនប្រទេស ថៃ ភូមារ និងឡាវ Golden Triangle
- តំបន់ត្រីកោណមរកតធ្លាប់ជាសមរភូមិ สมรภูมิช่องบก រវាងកងទ័ពវៀតណាម( ដែលចូលមកជ័យកម្ពុជា ១៩៧៩ ដល់ឆ្នាំ ១៩៨៩)ជាមួយកងទ័ព ថៃ អំឡុងខែ កុម្ភៈឆ្នាំ ១៩៨៥ ដល់ខែ ធ្នូឆ្នាំ ១៩៨៧។ ភាគថៃ ចោទប្រកាន់ប្រទេសវៀតណាម ថាបានរំលោភព្រំដែនប្រទេស ថៃ។ ជាចុងក្រោយ កងទ័ពវៀតណាមបានដកថយ តែអំឡុងសង្រ្គាម ភាគីថៃ ស្លាប់ទាហានចំនួន ១០៩នាក់ និងងរបួសចំនួន ៦៦៤នាក់។
- កោះសន្តិភាព ថ្ងៃទី ០៧ ខែ មីនា ឆ្នាំ ២០១០ម៉ោង ០២:៥ ៖ សាលាមុខ៣ឬសាលារួមចិត្ដ ចុងនៃកំពូលភ្នំដងរែក តំបន់សំគាល់ព្រំប្រទល់ប្រទេស៣ តែធ្វើចូលដីកម្ពុជា៣០០ម តំបន់មុំបីជាចំណុចច្រកសេដ្ឋកិច្ចដ៏សំខាន់សំរាប់ប្រទេសបីដែលមានព្រំប្រទល់ជាប់គ្នាស្ថិតនៅទិសឧត្ដរនៃប្រទេសកម្ពុជា ។ មុំបីស្ថិតនៅចំណុចកំពូលនៃចុងភ្នំដងរែកមានព្រំប្រទល់ជាប់ខេត្ដចំនួនបីនៃប្រទេសបី ក្នុងនោះមានខេត្ដព្រះវិហារប្រទេសកម្ពុជា, ខេត្ដ អ៊ូប៊ុន ប្រទេសសៀម និងខេត្ដចំប៉ាសាក់ ប្រទេសឡាវ ។ តំបន់មុំបីស្ថិតនៅចុងភ្នំដងរែកភាគខាងជើងប្រទេសត្រង់ចំណុចក្បាលទន្លេល្ពៅដែលហូរចាក់ទន្លេមេគង្គលើនៃប្រទេសកម្ពុជា ។ តំបន់មុំបីមានប្រវត្ដិជាយូរណាស់មកហើយសំរាប់ក្រុមអ្នកតស៊ូខាងនយោបាយរបស់ប្រទេសកម្ពុជានិងជាទីកន្លែងក្រុមចោរលាក់ខ្លួនឆ្លងដែនចេញ-ចូលប្រទេសទាំងបីទៀតផង ។អ្នកនយោបាយខ្មែរដែលធ្លាប់បានទៅជ្រកកោនក្នុងតំបន់នោះឱ្យដឹងថាតំបន់មុំបីគឺជាតំបន់មួយដែលមានភូមិសាស្ដ្រដ៏ពិសិដ្ឋសំរាប់ផ្ដល់ឱ្យអ្នកតស៊ូមិនថាឡើយតែប្រទេសកម្ពុជាប៉ុណ្ណោះទេ គឺចាប់តាំងពីទសវត្សឆ្នាំ១៩៤០ នាសម័យអាណានិគមបារាំងគ្រប់គ្រងឥណ្ឌូចិនតំបន់នោះមានទាំងអ្នកតស៊ូសៀម ឡាវ និងវៀតណាមសេរីដែលពួកអ្នកតស៊ូទាំងអស់នោះស្ថិតក្រោមការផ្ដល់ជំនួយពីប្រទេសធំៗ ក្នុងនោះមានដូចជាអាមេរិកនិងចិនជាដើម ។ អ្នកតស៊ូខាងនយោបាយដែលរត់ទៅកាន់តំបន់នោះសុទ្ធតែ បានទទួលជំនួយជាច្រើនទាំងស្បៀងអាហារ ទាំងគ្រឿងសព្វាវុធ និងថវិកាក្នុងការផ្គត់ផ្គង់ដល់កងកំលាំងរៀងៗខ្លួនដើម្បីតស៊ូដ៏យូរអង្វែង ។
- តំបន់នោះពុំមានផ្លូវគមនាគមន៍ចេញចូលទៅដល់ទេ គឺជាភូមិសាស្ដ្រល្អបំផុតសំរាប់ពួកអ្នកតស៊ូទាំងការលាក់ខ្លួនទាំង ការលួចឆ្លងដែនដើម្បីទំនាក់ទំនងការទូតរវាងប្រទេសទាំងបី ។ តំបន់មុំបីស្ទើរតែរាប់សិបទសវត្សមកហើយប្រទេសទាំងបីពុំសូវដែលបានយកចិត្ដទុកដាក់ក្នុងការអភិវឌ្ឍទេ ។ ដោយឡែកតំបន់មុំបីក្នុងចំណែកទឹកដីកម្ពុជាចាប់តាំងពីឆ្នាំ១៩៧០ បន្ទាប់ពីមានការធ្វើរដ្ឋប្រហារទំលាក់សម្ដេចព្រះ នរោត្ដម សីហនុ ពីព្រះប្រមុខរដ្ឋមកតំបន់ នោះបានធ្លាក់ទៅក្នុងកណ្ដាប់ដៃអ្នកតស៊ូខាងនយោបាយខ្មែរជាច្រើនបក្សដោយគេយកតំបន់នោះធ្វើជាកន្លែងលាក់ខ្លួនពួនអាត្មាដើម្បីបន្ដការច្បាំងប្រយុទ្ធបង្ហូរឈាមយ៉ាងក្ដៅគគុករវាងខ្មែរនិងខ្មែរ។រហូតមកដល់ចុងឆ្នាំ១៩៩៨ បន្ទាប់ពីមានគោលនយោបាយឈ្នះ=ឈ្នះរបស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាមកទើបតំបន់មុំបី បានក្លាយទៅជាតំបន់មានសន្ដិភាពចុងក្រោយគេបំផុតក្នុងប្រទេសរហូតមកទល់នឹងពេលបច្ចុប្បន្ន ។ តំបន់នោះកំពុងក្លាយទៅជាតំបន់អភិវឌ្ឍន៍របស់រាជរដ្ឋាភិបាលកម្ពុជាដ៏ធំមួយដោយមានការជួយស្វែងរកមូលនិធិ និងឧបត្ថម្ភដ៏សន្ធឹកសន្ធាប់ផ្ទាល់ពីសំណាក់សម្ដេច តេជោហ៊ុន សែន និងលោកជំទាវប៊ុន រ៉ានី ហ៊ុន សែន ។
- សាលាមុខបីហៅសាលារួមចិត្ដតាមព័ត៌មានដែលកោះសន្ដិភាពក្ដាប់បាន និងដឹងតាម ការនិយាយតៗគ្នាថាត្រូវបានលោកឧត្ដម សេនីយ៍ខ្មែរម្នាក់ឈ្មោះ នួន ភា អតីតនាយសេនាធិការយោធភូមិភាគទី១ជាអ្នកកសាងឡើងនៅក្នុងទសវត្សឆ្នាំ១៩៩០ ដែលសម័យនោះតំបន់មុំបីអានសេះស្ថិតតាមបណ្ដោយជួរភ្នំដងរែកគឺគ្រប់គ្រងដោយយោធភូមិភាគទី១ ។ ការពិតសាលារួមចិត្ដដែលសង់ឡើងនៅលើចំណុចត្រីកោណនៃតំបន់មុំបីនោះគឺមិនមែនសង់ឡើងនៅទសវត្សឆ្នាំ១៩៩០ និងមិនមែនជាស្នាដៃរបស់អតីតឧត្ដមសេនីយ៍នួន ភា ទេ ។ តាមការអះ អាងជាច្រើនពីអតីតមន្ដ្រីរាជការស៊ីវិល និងអតីតមេបញ្ជាការទ័ពកម្ពុជាជាច្រើនរូបដែលដឹងច្បាស់ពីប្រវត្ដិសាលារួមចិត្ដឱ្យដឹងថា សាលាមុខបីហៅសាលារួមចិត្ដ គឺត្រូវបានកសាងឡើងនៅពាក់កណ្ដាលនៃទសវត្សឆ្នាំ៩០ ក្រោយពេលមានរាជរដ្ឋាភិបាលកម្ពុជាអាណត្ដិទី១ ដោយក្រុមហ៊ុនឈើហុបក្នុងស្រុករបស់ថៃឈ្មោះប៊ុលឡាផា ។
- កាលពីរសៀលថ្ងៃទី៧ ខែកុម្ភៈ ឆ្នាំ ២០១០ អ្នកយកព័ត៌មានកោះសន្ដិភាពបាន ជួបសាកសួរលោកឧត្ដមសេនីយ៍នួន ភា អតីតនាយសេនាធិការយោធភូមិភាគទី១ បច្ចុប្បន្នជានាយរងទីចាត់ការការងារព្រំដែនអគ្គបញ្ជាការដ្ឋាននៃកងយោធពលខេមរភូមិន្ទខណៈ លោកឧត្ដមសេនីយ៍អមដំណើរសម្ដេចតេជោ ហ៊ុន សែន នាយឧត្ដមសេនីយ៍ផុតលេខផ្កាយមាស៥ និងលោកជំទាវ ប៊ុន រ៉ានី ហ៊ុន សែន ក្នុងដំណើរអញ្ជើញទៅសួរសុខទុក្ខកងកំលាំងកម្ពុជានៅតាមខ្សែត្រៀមជួរមុខនៃតំបន់មុំបី ហើយលោកឧត្ដមសេនីយ៍បានបំភ្លឺប្រាប់កោះសន្ដិភាពថា រូបលោកផ្ទាល់ពុំមែនជាអ្នកសាងសាលារួមចិត្ដនៅក្នុងដីរបស់កម្ពុជានោះទេ ។ ទោះជាយ៉ាងណាក្ដីរូបលោកផ្ទាល់ដឹងច្បាស់ថា អ្នកណាជាអ្នកកសាងព្រោះនៅក្នុងអំឡុងខែកញា និងខែតុលា ឆ្នាំ១៩៩៧ ជាគណៈមេបញ្ជាការសមរភូមិទិសព្រំដែននៃតំបន់មុំបីនិងអានសេះ ។លោកឧត្ដមសេនីយ៍បញ្ជាក់ថា សាលា មុខបីហៅសាលារួមចិត្ដត្រូវបានកសាងឡើង នៅឆ្នាំ១៩៩៤ ដោយក្រុមហ៊ុនឯកជនសៀម ឈ្មោះប៊ុល ឡាផា ដែលជាក្រុមហ៊ុនក្នុង ស្រុកសៀមរកស៊ីឈើហុប ។ ការសាងសង់សាលារួមចិត្ដនេះក៏បានសហការជាមួយ អាជ្ញាធរខេត្ដព្រះវិហារផងដែរ ដែលពេលនោះមានលោកឧត្ដមសេនីយ៍ មៀន សារិន អតីតជាអភិបាលខេត្ដព្រះវិហារមកពីកូតា ហ្វ៊ុនស៊ិនប៉ិច ក្នុងអាណត្ដិទី១នៃរាជរដ្ឋាភិបាលកម្ពុជា ។
- ក្រុមហ៊ុនប៊ុលឡាផា កសាងសាលាមុខបីនៅលើមុំបីនោះ គឺក្នុងគោលបំណងដើម្បីដាក់ឱ្យត្រូវចំណុចត្រីកោណនៃរង្វាស់ផែនទីប្រទេសទាំងបីលើតំបន់នោះ តែធាតុពិតសាលាមុខបីហៅសាលារួមចិត្ដគឺត្រូវបានសង់ឡើងនៅក្នុងទឹកដីរបស់កម្ពុជាតែម្នាក់ឯងក្នុងជំរៅ៣០០ម៉ែត្រឯណោះមិនមែនលើចំណុចសូន្យដូចដែលថៅកែសៀមបានគិតនោះទេ ។សាលាមុខបីហៅសាលារួមចិត្ដគេសង់ឡើងអំពីឈើបាតក្រោមបេតុងក្រាលការ៉ូ និងប្រក់ហ្វ៊ីប្រូពណ៌ក្រហមនិងរចនាដំបូលចេញជាបីមុខមួយជ្រុងបែរមុខទៅទិសខាងត្បូង គឺប្រទេសកម្ពុជាមានតំកល់ព្រះពុទ្ធ រូប១អង្គបែរមុខទៅទិសខាងត្បូង និងមានតំកល់រូបអប្សរានិងរចនានៅលើជ្រុងដំបូលមានរូបព្រហ្មមុខបួន។ មួយជ្រុងទៀតបែរមុខទៅទិសខាងជើងឆៀងខាងលិច គឺប្រទេសសៀមមានតំកល់ព្រះពុទ្ធរូបបែរមុខ ទៅទិសខាងជើងនិងនៅលើជ្រុងដំបូលខាងលើមានរូបទេវតា។ មួយជ្រុងទៀតបែរមុខទៅទិសខាងកើតគឺបែរទៅប្រទេសឡាវ មានតំកល់ព្រះពុទ្ធរូបដូចគ្នានៅលើជ្រុងដំបូលខាងលើមានរូបដើមឈើ ។បច្ចុប្បន្នសាលាមុខបីហៅសាលារួមចិត្ដដែលសៀមសង់ឡើងនៅលើទឹកដីរបស់កម្ពុជានោះតាមមន្ដ្រីយោធាកម្ពុជាដែលកំពុងប្រចាំការនៅលើមុំបីបានឱ្យដឹងថា សាលាមុខបីហៅសាលារួមចិត្ដសង់ឡើងស្ថិតក្នុងចំណុចផែនទី២២.៨៤.សូន្យ២ ។
- បច្ចុប្បន្ននៅចំណុចសាលារួមចិត្ដពុំមានភាគីកងកំលាំងណាមួយអាចបោះទីតាំងឈរជើង លើចំណុចនោះបានទេទាំងបីភាគីតែអាច ទៅទស្សនាកំសាន្ដបានម្ដងម្កាល។តំបន់មុំបីដែលរាជរដ្ឋាភិបាលកម្ពុជាឱ្យឈ្មោះថា ជាតំបន់ត្រីកោណមរកតនោះ គឺ តំបន់មួយប្រកបទៅដោយសក្ដានុពលសេដ្ឋ កិច្ចដែលមានវិសាលភាពយ៉ាងធំធេងសំរាប់ធ្វើពាណិជ្ជកម្មរួមគ្នារវាងប្រទេសទាំងបី។ តំបន់មុំបីខាងកម្ពុជាគេរំពឹងទុកថាអាចក្លាយ ទៅជាតំបន់ទេសចរណ៍ធម្មជាតិ និងសំរាប់ធ្វើកន្លែងកីឡាវាយកូនគោលខ្នាតអន្ដរជាតិ ។ ពិសេសតំបន់នោះអនាគតដ៏ខ្លីខាងមុខគេសង្ឃឹមថា នឹងក្លាយទៅជាតំបន់អភិ វឌ្ឍន៍ផ្នែកកសិឧស្សាហកម្មរបស់ជាតិយ៉ាងធំ ។តំបន់ត្រីកោណមរកតដែលពីមុនយើងគិតថា ស្ថិតនៅឆ្ងាយដាច់ស្រយាលនោះ បន្ទាប់ពីមានការកសាងផ្លូវគមនាគមន៍រួច រាល់ជាស្ថាពរដោយរាជរដ្ឋាភិបាលកម្ពុជាបច្ចុប្បន្នកំពុងទទួលបានភ្ញៀវទេសចរ និងអ្នកវិនិយោគផ្នែកកសិឧស្សាហកម្មជាច្រើនចូលទៅទស្សនាព្រៃធម្មជាតិ និងសិក្សាផ្ទៃដី សំរាប់គំរោងអភិវឌ្ឍន៍នោះទៀតផង ។
- កោះសន្តិភាព ថ្ងៃទី ០៨ ខែ កុម្ភៈ ឆ្នាំ ២០១០ម៉ោង ០៦:០១ ទាហានសៀមចូលមកឈរជើងនៅអគារសាលារួមចិត្ដប៉ុន្ដែត្រូវបានបណ្ដេញ ទាហានសៀមប្រមាណ១០នាក់ ដែល លួចចូលមកឈរជើងនៅក្នុងអគារ “សាលារួមចិត្ដ” ស្ថិតនៅតំបន់មុំបី ស្រុកជាំក្សាន្ដ ខេត្ដព្រះវិហារនោះ ត្រូវបានទាហានកម្ពុជាបណ្ដេញឱ្យចាកចេញទៅវិញកាលពីល្ងាចថ្ងៃ ទី៥ កុម្ភៈ ដោយអះអាងថា “សាលារួមចិត្ដ” គឺស្ថិតក្នុងទឹកដីកម្ពុជា ដូច្នេះទាហានសៀម គ្មានសិទ្ធិឈរជើងនៅទីនោះឡើយ ។ តំបន់មុំបីជាជំនួបព្រំប្រទល់ដែន៣ប្រទេស គឺកម្ពុជា ឡាវ និងសៀម ប៉ុន្ដែអគារសាលារួមចិត្ដ គឺស្ថិតនៅក្នុងទឹកដីកម្ពុជា សូម្បីរដ្ឋាភិបាលនៃប្រទេសឡាវក៏ទទួលស្គាល់ផងដែរ ។ ការប៉ុនប៉ងមកឈរជើងនៅសាលារួមចិត្ដ របស់ទាហានសៀមនេះ គឺកើតឡើងមុនពេលមួយថ្ងៃដែលសម្ដេចតេជោនាយករដ្ឋមន្ដ្រី ហ៊ុន សែន និងលោកជំទាវដឹកនាំគណៈប្រតិភូរាជរដ្ឋាភិបាលអញ្ជើញទស្សនកិច្ចនៅទីនោះ ដើម្បីពិនិត្យមើលទីតាំងសាលារួមចិត្ដ និងទីតាំងឈរជើងរបស់កងទ័ពកម្ពុជា ៕
