ប្រាសាទនាគព័ន្ធ ជាប្រភពកំណើតនិមិត្តសញ្ញាពេទ្យក្នុងពិភពលោក
សម្រួលអត្ថបទ៖ ផាន់ ច័ន្ទរស្មី
ប្រាសាទនាគព័ន្ធ ព្យាបាលមនុស្សទៅតាមលោកធាតុវិជ្ជា។ ប្រាសាទនេះ ត្រូវបានសាងសង់ឡើងនៅក្នុងរជ្ជកាល ព្រះបាទជ័យវរ្ម័នទី៧ នាឆ្នាំ១១៩១ ដើម្បីឧទ្ទិសថ្វាយព្រះពុទ្ធសាសនាមហាយាន។ ប្រាសាទនេះ ត្រូវបានគេសង់នៅលើកោះទំហំ ៣៥០ម បួនជ្រុង ដែលមានស្រះសន្សំទឹកបរិសុទ្ធ៨ ដោយរៀបចំឱ្យមានជាសញ្ញាលេខបូក ជានិមិត្ដរូបនៃសញ្ញាមន្ទីរពេទ្យ។ រូបចម្លាក់ទាំង៤ទិសសម្រាប់ជាតំណាងឱ្យធាតុទាំង៤ គឺធាតុដី តំណាងដោយរូបចម្លាក់ក្បាលមនុស្ស ស្ថិតនៅទិសខាងកើត។ ធាតុភ្លើង តំណាងដោយ រូបចម្លាក់ក្បាលតោស្ថិតនៅទិសខាងត្បូង។ ធាតុខ្យល់ តំណាងដោយរូបចម្លាក់ក្បាលសេះស្ថិតនៅទិសខាងលិច។ ធាតុទឹកតំណាងដោយរូបចម្លាក់ក្បាលដំរី ស្ថិតនៅទិសខាងជើង។ រូបកាយនៃសត្វលោកផ្សំឡើងដោយធាតុ៤ គឺធាតុដី ភ្លើង ខ្យល់ ទឹក ហើយសត្វលោកដែលមានជំងឺ តែងតែបាត់បង់នូវធាតុណាមួយនៃធាតុទាំង៤។ កាលបើគេពិនិត្យឃើញថា អ្នកជំងឺខ្វះធាតុណាមួយនៃធាតុទាំង៤ គេតម្រូវអោយអ្នកជំងឺនោះទៅធ្វើការរក្សារោគនៅទិសមួយទៅតាមធាតុនៃទិសទាំង៤។
កំណើតឡើងនៃចម្លាក់សេះថ្មឱបព័ទ្ធដោយមនុស្សជាច្រើននោះ ដោយសារមានរឿងមួយតំណាលថា មានហ្វូងមនុស្សប្រុសមួយក្រុមបានជិះសំពៅឆ្លងមហាសាគរ ហើយបានជួបនឹងយក្ខិនីកំណាចមួយ។ វាបានបង្កជាព្យុះភ្លៀងធ្វើឱ្យសំពៅលិចលង់។ នាយសំពៅឈ្មោះ សេមហៈ ក៏បានបន់ស្រន់អស់ទេព្ដាឱ្យជួយ។ ដោយបារមីព្រះពោធិសត្វលោកេស្វរៈ ព្រះអង្គបានប្រមើមើលឃើញមនុស្សកំពុងជួបភ័យន្ដរាយ ហើយទ្រង់ក៏ប្រើឱ្យអាមាត្យម្នាក់ក្លែងខ្លួនជាសេះ បាលហៈ ទៅជួយដល់អ្នកលិចលង់សំពៅនោះ។ អ្នកលិចលង់ទាំងឡាយក៏បានតោងជើង និងកន្ទុយសេះ ហើយសេះនោះក៏នាំអ្នកទាំងអស់នោះមកដល់ត្រើយ បានសុខសាន្ដទៅ។
សូមជម្រាបជូនថា ប្រាសាទនាគព័ន្ធ ក៏ជាដើមប្រភពនៃនិមិត្តសញ្ញាមន្ទីរពេទ្យទាំងអស់ទូទាំងពិភពលោកផងដែរ។ មានសារខ្លះបង្ហាញថា និមិត្តសញ្ញាមន្ទីរពេទ្យទាំងនេះ មានកំណើតចេញពីប្រាសាទនាគព័ន្ធនេះឯង។ សញ្ញាបូក ដូចប្លង់ស្រះទឹកទាំងបួន និងរូបពស់ដែលព័ន្ធគ្នាក្នុងប៉មកណ្ដាលប្រាសាទ៕
សូមជម្រាបជូនថា ប្រាសាទនាគព័ន្ធ ក៏ជាដើមប្រភពនៃនិមិត្តសញ្ញាមន្ទីរពេទ្យទាំងអស់ទូទាំងពិភពលោកផងដែរ។ មានសារខ្លះបង្ហាញថា និមិត្តសញ្ញាមន្ទីរពេទ្យទាំងនេះ មានកំណើតចេញពីប្រាសាទនាគព័ន្ធនេះឯង។ សញ្ញាបូក ដូចប្លង់ស្រះទឹកទាំងបួន និងរូបពស់ដែលព័ន្ធគ្នាក្នុងប៉មកណ្ដាលប្រាសាទ៕
ប្រពភ៖ វីគីភីឌា
No comments:
Post a Comment