- ៣១ តុលា ២០១៩ សេចក្តីថ្លែងការណ៍ រដ្ឋាភិបាលជាតិខ្មែរនិរទេស សូមថ្កោលទោសយ៉ាងដាច់អហង្ការ ចំពោះរបបកុម្មុយនិស្តផ្តាច់ការ ហ៊ុន សែន ដែលបានចាប់ខ្លួនសមាជិករដ្ឋាភិបាលជាតិខ្មែរនិរទេស គឺលោក ធុយ វី ជាអនុរដ្ឋមន្ត្រីក្រសួងវប្បធម៌ និងសាសនា កាលពីវេលាម៉ោង ១១៖៣០នាទី នាព្រឹកថ្ងៃទី២៩ ខែតុលា ឆ្នាំ២០១៩ នៅរាជធានីភ្នំពេញ
- ប្រធានចលនារណសិរ្សរំដោះជាតិខ្មែរលោក សម សេរី ដែលត្រូវបានអាជ្ញាធរថៃឃាត់ខ្លួន កាលពីថ្ងៃទី២៥ មេសា ហើយរបបក្រុងភ្នំពេញស្នើសុំឲ្យបញ្ជូនមកកម្ពុជាវិញនោះ បានទៅដល់ប្រទេសដាណឺម៉ាកវិញ នៅថ្ងៃសុក្រទី២៧ មេសា។ លោក សម សេរី បានថ្លែងអំណរគុណដល់រដ្ឋាភិបាលប្រទេស ដាណឺម៉ាក អង្គការឃ្លាំមើលសិទ្ធិមនុស្សអន្តរជាតិ Human Rights Watch និងអាជ្ញាធរថៃ ដែលបានអន្តរាគមន៍យកលោកចេញពីប្រទេសថៃដោយសុវត្ថិភាព ទោះបីមន្រ្តីស្ថានទូតខ្មែរ ប្រចាំទីក្រុងបាងកក ដែលព្យាយាមស្នើសុំឲ្យអាជ្ញាធរថៃបញ្ជូនខ្លួនលោក ទៅប្រទេសកម្ពុជាវិញយ៉ាងណាក៏ដោយ។ តុលាការរបបលោក ហ៊ុន សែន កាលពីឆ្នាំ២០១៦ បានកាត់ទោសកំបាំងមុខ ឲ្យលោក សម សេរី ប្រធានចលនារណសិរ្សរំដោះជាតិខ្មែរ រូបនេះ ជាប់ពន្ធនាគារយៈពេល ៩ឆ្នាំ ពីបទប៉ុនប៉ងផ្តួលរំលំរដ្ឋាភិបាលកម្ពុជា។ វិទ្យុអាស៊ីសេរី បានភ្ជាប់ប្រព័ន្ធ Skype ជាមួយលោក សម សេរី ដើម្បីបកស្រាយបន្ថែមអំពីការឃាត់ខ្លួនលោកក្នុងប្រទេសថៃនោះ។
- អគ្គស្នងការនគរបាលជាតិនៃព្រះរាជាណាចក្រកម្ពុជាកាលពីម្សិលមិញបានធ្វើសំណើជាផ្លូវការទៅសមភាគីថៃរបស់លោកនៅក្នុងទីក្រុងបាងកកដើម្បីស្នើសុំបញ្ជូនជនជាប់ចោទ សម សេរី ដែលជាមេដឹកនាំចលនារំដោះជាតិខ្មែរមកទទួលទោសនៅកម្ពុជាដែលការស្នើនេះបានធ្វើឡើងមួយថ្ងៃក្រោយពីជនជាប់ចោទត្រូវបានចាប់ខ្លួនដោយអាជ្ញាធរថៃ។ …
- ២៦ មេសា ២០១៨ ភ្នំពេញ៖លោកសម សេរី មេដឹកនាំចលនារណសិរ្សរំដោះជាតិខ្មែរត្រូវបាន សមត្ថកិច្ចថៃបានចាប់ខ្លួន បានហើយ កាលពី យប់ថ្ងៃទី២៥ ខែមេសា នេះខណៈដែលមេដឹកនាំរូបនោះចូលមកក្នុងទឹកដីថៃ។នេះបើយោងតាម មន្ត្រីជាន់ខ្ពស់ក្រសួងមហាផ្ទៃ ប្រាប់កាសែតក្នុងស្រុក ។នៅពេលនេះ សមត្ថកិច្ចកម្ពុជាកំពុងធ្វើការទាក់ទងជាមួយភាគីថៃ ដើម្បីនាំខ្លួនឈ្មោះ សម សេរី មកកម្ពុជា។ មន្ត្រីដដែលបានបញ្ជាក់ថា ឈ្មោះ សម សេរី និង សមាជិកចលនារណសិរ្សរំដោះជាតិខ្មែរ ចំនួន៥នាក់ គឺមានដីកាតាមស្វែងរកចាប់ខ្លួន។ក្រុមរណសិរ្យរំដោះជាតិ ដែលជាមុខសញ្ញាតាមរកចាប់ខ្លួន មានដូចជា ១/ឈ្មោះ ថាច់ បាន ២/ឈ្មោះ អាន វិចិត្រ ៣/ឈ្មោះ ផុន ប្រាក់ផាប ៤/ឈ្មោះ វន វុធ អ្នកទាំង៤ នៅប្រទេសថៃ ៥/ឈ្មោះ សោម សុវណ្ណារ៉ា នៅកាណាដា និង ៦/ឈ្មោះ សម សេរី ប្រធានរណសិរ្សរំដោះជាតិ។
២៨ មេសា ២០១៨ ប្រធានរណសិរ្សរំដោះជាតិខ្មែរត្រូវបានបញ្ជូនទៅដាណឺម៉ាកវិញ បន្ទាប់ពីសមត្ថកិច្ចខ្មែរស្នើថៃឲ្យបញ្ជូនខ្លួនមកកម្ពុជា បន្ទាប់ពីត្រូវបានសមត្ថកិច្ចថៃឃាត់ខ្លួនកាលពីថ្ងៃពុធ និងត្រូវប្រឈមនឹងការបញ្ជូនខ្លួនឲ្យមកទទួលទោសនៅកម្ពុជា លោក សម សេរី ប្រធានចលនារណសិរ្សរំដោះជាតិខ្មែរ កាលពីថ្ងៃសុក្រ បានត្រឡប់ទៅដល់ប្រទេសដាណឺម៉ាកវិញ ក្រោយពីមានអន្តរាគមន៍ពីរដ្ឋាភិបាលដាណឺម៉ាក និងអង្គការអន្តរជាតិធំៗមួយចំនួន។ ភ្នំពេញ — លោក សម សេរី ប្រធានចលនារណសិរ្សរំដោះជាតិខ្មែរ នៅថ្ងៃសុក្រនេះ បានទៅដល់ទឹកដីប្រទេសដាណឺម៉ាកវិញហើយ បន្ទាប់ពីរដ្ឋាភិបាលកម្ពុជា បរាជ័យក្នុងការស្នើឲ្យសមត្ថកិច្ចថៃបញ្ជូនខ្លួនលោក ឲ្យមកទទួលទោសនៅកម្ពុជាពីបទ«ភេវរកម្ម»។ លោក សម សេរី ប្រធានចលនារណសិរ្សរំដោះជាតិខ្មែរ ដែលត្រូវបានរដ្ឋាភិបាលកម្ពុជាចាត់ទុកថាជា «ភេរវករ» និងជាជនក្បត់ជាតិ បានធ្វើដំណើរពីប្រទេសដាណឺម៉ាក ទៅកាន់ប្រទេសថៃ កាលពីខែមករា ឆ្នាំ២០១៨ នេះ ដើម្បីជួបជាមួយសមាជិកចលនារបស់លោកផ្សេងទៀត ដែលកំពុងស្ថិតនៅក្នុងទីក្រុងបាងកក ប្រទេសថៃ។ លោកត្រូវបានអាជ្ញាធរថៃចាប់ខ្លួនកាលពីថ្ងៃពុធ ខណៈដែលលោកស្នើសុំបន្តទិដ្ឋាការ។ លោក សម សេរី ប្រាប់ VOA នាល្ងាចថ្ងៃសុក្រនេះថា លោកបានទៅដល់ប្រទេសដាណឺម៉ាក នារសៀលថ្ងៃសុក្រ បន្ទាប់ពីលោកត្រូវបានអាជ្ញាធរថៃឃាត់ខ្លួនអស់រយៈពេលមួយថ្ងៃ ដោយអះអាងថា ឈ្មោះរបស់លោកត្រូវបានរដ្ឋាភិបាលកម្ពុជាដាក់ចូលក្នុងបញ្ជីខ្មៅ និងស្នើឲ្យរដ្ឋាភិបាលថៃចាប់បញ្ជូនលោកមកកម្ពុជា។
លោកបន្ថែមថា ខណៈកំពុងត្រូវបានសមត្ថកិច្ចថៃឃាត់ខ្លួន រដ្ឋាភិបាលដាណឺម៉ាក អង្គការសហប្រជាជាតិ និងអង្គការឃ្លាំមើលសិទ្ធិមនុស្ស (Human Rights Watch) បានអន្តរាគមន៍ ឲ្យបញ្ជូនលោកទៅកាន់ប្រទេសដាណឺម៉ាកវិញ។
លោកបញ្ជាក់ថា៖ «ស្ថានទូតប្រទេសដាណឺម៉ាក គាត់បានអន្តរាគមន៍ទៅរដ្ឋាភិបាលថៃ គឺថាធ្វើយ៉ាងណាមិនឲ្យបញ្ជូនខ្ញុំទៅឲ្យរដ្ឋាភិបាលខ្មែរទេ ព្រោះថាខ្ញុំនៅក្នុងបញ្ជីខ្មៅដែលត្រូវទទួលទោសរបស់រដ្ឋាភិបាលខ្មែរ។ អញ្ចឹងហើយបើខ្ញុំទៅគឺច្បាស់ជាគេចាប់ដាក់ពន្ធនាគារ ឬក៏គេសម្លាប់ដូចប្អូនខ្ញុំ។ អញ្ចឹងហើយគេធ្វើម៉េចគេអន្តរាគមន៍ មិនឲ្យអាជ្ញាធរថៃហ្នឹងបញ្ជូនខ្ញុំទៅប្រទេសខ្មែរវិញ ហើយចាំបាច់ឲ្យបញ្ជូនមកប្រទេសដាណឺម៉ាក»។
លោក សម សេរី ហៅ យាន យៀប ជាប្រធានចលនា «រណសិរ្សរំដោះជាតិខ្មែរ» ដែលជ្រកកោនក្នុងប្រទេសដាណឺម៉ាក និងជាមនុស្សម្នាក់ ក្នុងចំណោមមនុស្សជាង១០នាក់ផ្សេងទៀត ដែលត្រូវបានសាលាដំបូងរាជធានីភ្នំពេញផ្ដន្ទាទោសឲ្យជាប់ពន្ធនាគារពី៥ឆ្នាំទៅ៩ឆ្នាំ ពីបទរួមគំនិតក្បត់ ដើម្បីផ្ដួលរំលំរាជរដ្ឋាភិបាលកម្ពុជា កាលពីអំឡុងឆ្នាំ២០១៤។
កាលពីថ្ងៃទី១០ ខែមេសា លោកនាយករដ្ឋមន្ត្រី ហ៊ុន សែន បានប្រកាសថា លោក សម សេរី ប្រធានរណសិរ្សរំដោះជាតិខ្មែរ ដែលត្រូវបានរដ្ឋាភិបាលចាត់ទុកថាជា «មេភេរវករ»នោះ បានរៀបគម្រោងបំផ្ទុះគ្រាប់បែកចំនួន២កន្លែង ក្នុងឱកាសថ្ងៃចូលឆ្នាំថ្មីនៅរាជធានីភ្នំពេញ និងខេត្តសៀមរាប។ ប៉ុន្តែលោក ហ៊ុន សែន អះអាងថា លោកបានដឹងគម្រោងនេះ និងទប់ស្កាត់បានទាន់ពេល។
ក្រោយសមត្ថកិច្ចថៃឃាត់ខ្លួនលោក សម សេរី កាលពីថ្ងៃពុធបានមួយថ្ងៃ នៅថ្ងៃព្រហស្បតិ៍ សមត្ថកិច្ចកម្ពុជា ក៏បានដាក់លិខិតស្នើឲ្យអាជ្ញាធរថៃ បញ្ជូនលោក សម សេរី មកទទួលទោសពីបទ «ភេរវកម្ម» ដែលត្រូវបានតុលាការកាត់ទោសកាលពីឆ្នាំ២០១៤។
នាយឧត្ដមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ប្រាប់ VOA ថា លោកមិនទាន់ទទួលបានដំណឹងពីការបញ្ជូនលោក សម សេរី ទៅប្រទេសដាណឺម៉ាកវិញនៅឡើយ។ ទោះយ៉ាងណា លោកថា លោកសោកស្ដាយដែលមិនបានចាប់ខ្លួនប្រធានចលនារណសិរ្សរំដោះជាតិខ្មែររូបនេះ ឲ្យមកទទួលទោស។
លោកមានប្រសាសន៍ថា៖ «យើងអ្នកសុំទៅរដ្ឋាភិបាលថៃ សមត្ថកិច្ចថៃ ហើយបើគេមិនប្រគល់ឲ្យយើង មិនដឹងធ្វើម៉េច ជាសិទ្ធិរបស់គេ។ យើងស្ដាយវាស្ដាយហើយ ប៉ុន្តែវាមានទៅមានមកតើ។ ធម្មតាជិតខាងគ្នា យើងត្រូវតែជួយគ្នា។ ជួនកាលគេពឹងយើង ជួនកាលយើងពឹងគ្នា គ្រាន់តែថាយើងមានការសោកស្ដាយដែរ។ លើកនេះមិនបាន សម សេរី លើកនេះបាននរណាផ្សេងទៅ»។
បើតាមគេហទំព័ររបស់អគ្គស្នងការនគរបាលជាតិនាពេលកន្លងមកបញ្ជាក់ថា ចលនា «រណសិរ្សរំដោះជាតិខ្មែរ» នេះ មានគោលបំណងផ្ដួលរំលំរាជរដ្ឋាភិបាលកម្ពុជា តាមរយៈការកសាងកម្លាំងប្រដាប់អាវុធដោយខុសច្បាប់ និងបញ្ជូនភ្នាក់ងារសម្ងាត់មកស៊ើបទីតាំងយោធាសំខាន់ៗ ហើយនិងធ្វើសកម្មភាពបាចខិត្តប័ណ្ណប្រឆាំងប្រមុខរាជរដ្ឋាភិបាល ព្រមទាំងហ្វឹកហាត់កម្លាំងភេរវកម្ម ដាក់គ្រឿងផ្ទុះដោយសម្ងាត់នៅតាមជាយដែនប្រទេសថៃ និងកសាងបណ្ដាញនៅកម្ពុជា ដើម្បីប្រមូលព័ត៌មាន និងបញ្ជូនព័ត៌មានចេញទៅមេខ្លោងដែលនៅក្រៅប្រទេស៕
អាជ្ញាធរថៃចាប់ សម សេរី មេចលនាឧទ្ទាមខ្មែរនៅបាងកក
ថ្ងៃទី ២៧ ខែ មេសា ឆ្នាំ ២០១៨ម៉ោង ១៥:៥៨សហការី
រាជធានីភ្នំពេញ ៖ រាជរដ្ឋាភិបាលថៃ កាលពីថ្ងៃទី២៥ មេសា បានឃាត់ខ្លួនប្រធានចលនារណសិរ្សរំដោះជាតិខ្មែរលោក សម សេរី ដែលកំពុងមានវត្តមាននៅប្រទេសថៃក្រោយពីប្រមុខរាជរដ្ឋាភិបាលកម្ពុជាបានចោទប្រកាន់មេដឹកនាំចលនារណសិរ្សរំដោះជាតិខ្មែររូបនេះថា មានបំណងដាក់គ្រាប់បែកបំផ្ទុះនៅម្ដុំវត្តភ្នំ និងក្នុងខេត្តសៀមរាបកាលពីអំឡុងពេលប្រារព្ធពិធីបុណ្យចូលឆ្នាំកន្លងទៅ ។ តាមការផ្សាយរបស់វិទ្យុអាស៊ីសេរីកាលពីយប់ថ្ងៃដដែលនេះបានឱ្យដឹងថា លោក សម សេរី បានផ្ញើអុីម៉ែលមកកាន់វិទ្យុនេះមុនការចាប់ខ្លួនថា សមត្ថកិច្ចថៃបានឃាត់ខ្លួនលោកនៅពេលលោកកំពុងបន្តទិដ្ឋាការស្នាក់នៅក្នុងប្រទេសថៃ ។ ប្រភពពីមនុស្សជំនិតរបស់លោក សម សេរី ម្នាក់បានប្រាប់វិទ្យុអាស៊ីសេរីតាមទូរស័ព្ទថា លោក សម សេរី ត្រូវបានសមត្ថកិច្ចថៃបញ្ជូនទៅឃុំខ្លួននៅមន្ទីរឃុំឃាំងមួយកន្លែងនៅក្នុងទីក្រុងបាងកកហើយ ។
ទោះជាយ៉ាងណាក៏ប្រភពដដែលនៅមិនទាន់អាចបញ្ជាក់បាននៅឡើយទេថា តើទិដ្ឋាការស្នាក់នៅក្នុងប្រទេសថៃរបស់លោក សម សេរី អស់សុពលភាព ឬមួយនៅមានសុពលភាពនោះទេ ។ លោក សម សេរី ជាអាណិកជនខ្មែររស់នៅប្រទេសដាណឺម៉ាក ហើយបើយោងតាមប្រភពព័ត៌មានខាងលើថា ពួកគេកំពុងស្វែងរកអន្តរាគមន៍ពីស្ថានទូតដាណឺម៉ាក ក្នុងទីក្រុងបាងកក និងអង្គការពាក់ព័ន្ធដទៃទៀតដើម្បីឱ្យដោះលែងលោក សម សេរី ឱ្យមានសេរីភាពឡើងវិញ និងសង្ឃឹមថាអាជ្ញាធរថៃនឹងមិនបញ្ជូនលោក សម សេរី ទៅកាន់ប្រទេសកម្ពុជានោះឡើយ ។
កាលពីខែកុម្ភៈ ស្រី្តឈ្មោះ សំ សុខា ត្រូវបានសមត្ថកិច្ចថៃ ចាប់ខ្លួនបញ្ជូនមកកាន់ប្រទេសកម្ពុជាវិញ ខណៈពេលដែលស្ត្រីរូបនេះបានយកស្បែកជើងវាយ និងគប់លើរូបប៉ាណូដែលមានរូបថតសម្តេចប្រមុខគណបក្សប្រជាជនកម្ពុជាទាំង២ ដែលទង្វើនោះបានបង្ហាញនូវការខ្វះសីលធម៌ និងបានទទួលការថ្កោលទោស ទីបំផុតស្រី្តឈ្មោះ សំ សុខា ត្រូវបានតុលាការខេត្តកំពង់ស្ពឺកាត់ទោសឱ្យជាប់ពន្ធនាគាររយៈពេល២ឆ្នាំ និងពិន័យជាប្រាក់ ៥លានរៀល ពីបទជេរប្រមាថ និងញុះញង់ឱ្យមានការរើសអើងពាក់ព័ន្ធនឹងការយកស្បែកជើងគប់ទៅលើស្លាកគណបក្សប្រជាជនកម្ពុជា ដែលមានរូបសម្តេចតេជោនាយករដ្ឋមន្ត្រី ហ៊ុន សែន និងសម្តេចពញាចក្រី ហេង សំរិន ។
ព័ត៌មានពីការចាប់ខ្លួនលោក សម សេរី នេះក៏ស្របគ្នានឹងការផ្សព្វផ្សាយឯកសារមួយចំនួនរួមជាមួយនឹងវីដេអូ ដែលមានរយៈពេលជិតមួយម៉ោងស្ដីពីបដិវត្តន៍ពណ៌កាលពីដើមសប្ដាហ៍នេះតាមកញ្ចក់ទូរទស្សន៍ ។
ការផ្សាយវីដេអូនោះបានបង្ហាញពីសកម្មភាពរបស់លោក សម រង្ស៊ី មានទំនាក់ទំនងស្អិតល្មួតជាមួយលោក សម សេរី ប្រធានចលនារណសិរ្សរំដោះជាតិ ហើយបានឃុបឃិតគ្នាធ្វើសកម្មភាពជាសម្ងាត់ដើម្បីប្រឆាំងរាជរដ្ឋាភិបាលកម្ពុជា ។ វីដេអូដែលត្រូវបានផ្សាយលើគេហទំព័ររបស់ទីស្ដីការគណៈរដ្ឋមន្ត្រី កាលពីយប់ថ្ងៃចន្ទ និងការផ្សាយបន្តតាមទូរទស្សន៍នានាដែលមានចំណងជើងថា«ក្រុមចលនាដែលនាំគ្រោះថ្នាក់សម្រាប់ជាតិ»បានហៅអតីតគណបក្សប្រឆាំងនិងចលនាផ្សេងៗទៀត ដែលរិះគន់រាជរដ្ឋាភិបាលថា ជាក្រុមភេរវករនិងប្ដេជ្ញាទប់ស្កាត់និងកម្ទេចចលនាទាំងនោះមិនឱ្យកើតមានជាដាច់ខាត ។
វីដេអូនេះក៏បានលើកឡើងពីសុខសន្តិភាព និងការរីកចម្រើននៅកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជាអ្នកដឹកនាំប្រទេស ប៉ុន្តែមានការជ្រៀតជ្រែករបស់ចលនាឧទ្ទាមមួយចំនួន ដែលក្នុងវីដេអូនោះបញ្ជាក់ថា ជាចលនាសហការជាមួយបរទេស ដែលមានចេតនាទុច្ចរិត ផ្ដួលរំលំរដ្ឋាភិបាលដោយខុសច្បាប់ ។ វីដេអូដដែលមានបង្ហាញពីរូបភាពរបស់លោក សម រង្ស៊ី ដឹកនាំបាតុកម្មក្រោយការបោះឆ្នោតជាតិឆ្នាំ២០១៣ និងដើមឆ្នាំ២០១៤ ដែលឈានដល់មានអំពីហិង្សានៅលើកំណាត់ផ្លូវវេងស្រេងនិងបណ្ដាលឱ្យកម្មករយ៉ាងតិច៤នាក់ស្លាប់ និងរាប់សិបនាក់ផ្សេងទៀតរងរបួស និងត្រូវបានចាប់ខ្លួន ។ ការអត្ថាធិប្បាយក្នុងវីដេអូបានបញ្ជាក់ថា«សុខសន្តិភាពនេះតែងតែមានការរំខានពីក្រុមចលនាឧទ្ទាមមួយចំនួនតែងសហការជាមួយបរទេសបង្កើតចលាចល បង្កភាពវឹកវរម្ដងហើយម្ដងទៀត ក្រោមមហិច្ឆតាដណ្ដើមអំណាចផ្លូវកាត់ ចង់ផ្ដួលរំលំរាជរដ្ឋាភិបាលស្របច្បាប់ ដែលកើតចេញពីការបោះឆ្នោត ។
តែទោះជាយ៉ាងណាចេតនាទុច្ចរិតទាំងនោះមិនបានសម្រេចនោះទេ ក្រោមការដឹកនាំរបស់ស្ថាបនិកសន្តិភាព សម្ដេចអគ្គមហាសេនាបតីតេជោ ហ៊ុន សែន លោកមិនអនុញ្ញាតឱ្យជនទុច្ចរិតទាំងនោះ ឆក់ប្លន់សន្តិភាពដែលយកអាយុជីវិតរបស់វីរជនខ្មែរដែលប្ដូរមកនោះបានជាដាច់ខាត» ។ ការប្រកាសរបស់សម្តេចតេជោនាយករដ្ឋមន្ត្រី ហ៊ុន សែន ចំពោះការរៀបគម្រោងបំផ្ទុះគ្រាប់បែកចំនួន២កន្លែងក្នុងឱកាសថ្ងៃចូលឆ្នាំថ្មី នៅរាជធានីភ្នំពេញនិងខេត្តសៀមរាប គឺជាគម្រោងរបស់លោក សម សេរី ប្រធានរណសិរ្សរំដោះជាតិខ្មែរដែលត្រូវបានរាជរដ្ឋាភិបាលចាត់ទុកថាជា«មេភេរវករ»ព្រមទាំងបានចាក់ផ្សាយខ្សែអាត់សំឡេងសន្ទនាតាមទូរស័ព្ទ ដែលថាជាសំឡេងទាក់ទងគ្នារបស់ក្រុមភេរវករក្នុងការរៀបគម្រោងដាក់គ្រាប់បែកបំផ្ទុះជាដើម ។
ចំពោះទំនាក់ទំនងរវាងលោក សម រង្ស៊ី អតីតប្រធានគណបក្សប្រឆាំង និងជាប្រធានចលនាសង្គ្រោះជាតិ លោក សម សេរី ត្រូវបានចោទថា បានរៀបចំកម្លាំងបង្កប់ដើម្បីបំផ្លាញការបោះឆ្នោតនិងថាលោក សម សេរី មានទំនាក់ទំនងជាមួយលោក សម រង្ស៊ី យ៉ាងស្អិតល្មួត និងបានឃុបឃិតគ្នាធ្វើសកម្មភាពជាសម្ងាត់ ដើម្បីប្រឆាំងរាជរដ្ឋាភិបាលកម្ពុជាដោយរួមមានទាំងការជួបជាមួយជនបរទេសមួយចំនួនផងដែរ ។
«ឆាកវីដេអូនេះបានចាត់ទុកថា ភស្តុតាងនេះបានបញ្ជាក់ឱ្យឃើញថា ក្រុមចលនាឧទ្ទាមក្បត់ជាតិដឹកនាំដោយ សម រង្ស៊ី និង សម សេរី និងបក្ខពួកពិតជាបានសហការគ្នាជាប្រព័ន្ធដោយមានការជ្រោមជ្រែងពីបរទេស ពិតជាមានចេតនាបំផ្លាញភាពសុខសាន្តរបស់កម្ពុជាក្នុងមហិច្ឆតាដណ្ដើមអំណាចឱ្យខាងតែបាន បើទោះបីជាអំពើទាំងនោះបង្កការខូចខាតធ្ងន់ធ្ងរ ឬនាំឱ្យប្រទេសជាតិវឹកវរចលាចលយ៉ាងណាក្ដី ។
តាមវិទ្យុ VOA ក៏បានដកស្រង់សារអេឡិចត្រូនិក (អុីម៉ែល) របស់លោក សម រង្ស៊ីថា«បានបដិសេធការចោទប្រកាន់នេះ ។ វាគ្មានមូលដ្ឋានអ្វីទាល់តែសោះ ហើយអ្នកដែលបង្កើតវីដេអូនេះគឺឆ្កួតលីលា» ។
វីដេអូដែលមាននិយាយពីចលនាផ្សេងៗមួយចំនួនទៀតនោះ រដ្ឋាភិបាលក៏បានបញ្ជាក់ថា លោក សម សេរី ក៏បានសហការគ្នាជាមួយលោកសួន សេរីរដ្ឋា ប្រធានគណបក្សអំណាចខ្មែរដែលកំពុងស្ថិតក្នុងពន្ធនាគារ ក្រោយរងការចោទពីបទបង្ខូចទឹកចិត្តកងទ័ពថា បានធ្វើបាតុកម្មទ្រង់ទ្រាយធំប្រឆាំងស្ថានទូតវៀតណាមប្រចាំនៅកម្ពុជា និងបានដុតទង់ជាតិវៀតណាមជាដើម ។
លោកនាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានថ្លែងប្រាប់កោះសន្តិភាពតាមទូរស័ព្ទកាលពីល្ងាចថ្ងៃទី២៦ ខែមេសា ឆ្នាំ២០១៨ថា លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិបានសរសេរលិខិតទៅកាន់ភាគីថៃផ្លូវការហើយ ដើម្បីឲ្យបញ្ជូនជនជាប់ចោទឈ្មោះ សម សេរី មកទទួលទោសនៅកម្ពុជាក្រោយការអនុវត្តទោសនៅថៃ ។ការលើកឡើងរបស់អ្នកនាំពាក្យក្រសួងមហាផ្ទៃធ្វើឡើងក្រោយពីសមត្ថកិច្ចថៃបានឃាត់ខ្លួនជនសង្ស័យឈ្មោះ សម សេរី កាលពីថ្ងៃទី២៥ ខែមេសា ឆ្នាំ២០១៨នេះក្នុងប្រទេសថៃ។ លោកថា លោកសម សេរី ត្រូវបានតុលាការកម្ពុជាកាត់ទោសកំបាំងមុខដាក់ពន្ធនាគារចំនួន៩ឆ្នាំពីបទភេរវកម្មកាលពីឆ្នាំ២០១៣ តែការបញ្ជូនមកកម្ពុជានៅពេលណានោះសម្រេចលើភាគីថៃ ៕
ប្រវត្តិផែនការសម្ងាត់របស់មេភេរវករ សម សេរី និងបក្ខពួកដែលមានបំណងផ្តួលរំលំរាជរដ្ឋាភិបាលស្របច្បាប់ នៃព្រះរាជាណាចក្រកម្ពុជាWed, 11 April 2018 10:34 PM ដោយ ៖ មេត្តាភ្នំពេញ៖ សមត្ថកិច្ចជំនាញជាន់ខ្ពស់របស់កម្ពុជា បង្ហាញពីប្រវត្តិផែនការសម្ងាត់ជាច្រើន របស់មេភេរវករ សម សេរី និងបក្ខពួក ដែលមានបំណងផ្តួលរំលំរាជរដ្ឋាភិបាលស្របច្បាប់នៃព្រះរាជាណាចក្រកម្ពុជានិងបង្កើតរដ្ឋាភិបាលនិរទេសបំផ្លាញសន្តិភាពរបស់កម្ពុជា។
ថ្លែងចេញពីវេទិកាប្រគល់សញ្ញាបត្រដល់និស្សិតសាកលវិទ្យាល័យជាតិគ្រប់គ្រងជាង ៣ពាន់នាក់នៅមជ្ឈមណ្ឌលកោះពេជ្រ កាលពីព្រឹកថ្ងៃទី១០ ខែមេសា ឆ្នាំ២០៨ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទម្លាយថា ក្រុមជនធ្វើសកម្មភាពប្រឆាំងរាជរដ្ឋាភិបាលកម្ពុជា ដឹកនាំដោយបុគ្គលឈ្មោះ "សម សេរី"ដែលមានមូលដ្ឋាននៅប្រទេសដាណឺម៉ាក បានរៀបចំផែនការបំផ្លាញការសប្បាយរបស់ប្រជាពលរដ្ឋខ្មែរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនេះ។
បញ្ហាទាំងអស់នេះត្រូវបានសម្តេចតេជោ ហ៊ុន សែន ដឹងរួចរាល់ហើយ ព្រមទាំងបានរៀបចំវិធានការរក្សាសន្តិសុខតឹងរឹងបំផុតមិនឲ្យបំណងទុច្ចរិតរបស់ក្រុមជន ដែលសម្តេចហៅថាជនក្បត់ជាតិនេះធ្វើបានសម្រេចនោះឡើយ។
១៖ សកម្មភាពរបស់មេភេរវករឈ្មោះ សម សេរី (ហៅ អាយៀប, ហៅ សុខ ស៊ុយ ហៅ សំភិន ហៅ ស ធម្មរង្ស៊ី ហៅ សាភិន ហៅ ស មនីរ័ត្ន)
អំឡុងឆ្នាំ២០០៥ ដល់ ឆ្នាំ២០០៩ សម សេរី បានចូលរួមក្នុងសកម្មភាពជាមួយរណសិរ្សរួបរួមជាតិខ្មែរ ឬចលនាខ្លារំដោះ (ចលនាឧទ្ទាមកម្ម និងភេរវកម្ម) ដឹកនាំដោយ សោម ឯក។
ថ្ងៃទី០៧ ខែមករា ឆ្នាំ២០០៩ សោម ឯក និងបក្ខពួកមួយចំនួន ត្រូវបានចាប់ខ្លួនពាក់ព័ន្ធការដាក់គ្រឿងផ្ទុះនៅស្តូបមិត្តភាពកម្ពុជា-វៀតណាម កាលពីថ្ងៃទី២៧ ខែកក្កដា ឆ្នាំ២០០៧ និងការដាក់បង្កៃគ្រឿងផ្ទុះនៅសួនច្បារមុខក្រសួងការពារជាតិ និងអតីតស្ថានីយ៍ទូរទស្សន៍ប៉ុស្តិ៍លេខ៣ កាលពីថ្ងៃទី០២ ខែមករា ឆ្នាំ២០០៩។
សម សេរី និងបក្ខពួកមួយចំនួនជាមុខសញ្ញារត់គេចខ្លួនពីការតាមចាប់ខ្លួនរបស់សមត្ថកិច្ចក្នុងករណីខាងលើ និងបន្តសកម្មភាពប្រឆាំងរាជរដ្ឋាភិបាលកម្ពុជា ដោយយកប្រទេសថៃធ្វើជាមូលដ្ឋានដឹកនាំបញ្ជា។
ថ្ងៃទី១២ ខែធ្នូ ឆ្នាំ២០១២ សម សេរី បានប្រកាសបង្កើតជាផ្លូវការនូវរណសិរ្សរំដោះជាតិខ្មែរ ដែលមានរចនាសម្ព័ន្ធចាត់តាំង។
២៖រណសិរ្សរំដោះជាតិខ្មែរបានធ្វើសកម្មភាពកន្លងមក រួមមាន៖កសាងបណ្តាញកម្លាំងនៅក្នុងប្រទេសកម្ពុជា ចំនួន៤៦២នាក់ ធ្វើសកម្មភាពទិញអាវុធនៅខេត្តកំពង់ធំ ធ្វើសកម្មភាពប្រឆាំងរាជរដ្ឋាភិបាលកម្ពុជា (ត្រូវបានសមត្ថកិច្ចបង្ក្រាបចាប់ខ្លួនបាន០៣នាក់កាលពីថ្ងៃទី៣១ ខែមីនា និងថ្ងៃទី០១ ខែមេសា ឆ្នាំ២០១១)។
បាចខិត្តប័ណ្ណប្រឆាំងរាជរដ្ឋាភិបាលកម្ពុជា តាមបណ្តាខេត្ត-រាជធានី។
ឃោសនាប្រឆាំងនឹងរាជរដ្ឋាភិបាលកម្ពុជា ជាសេចក្តីថ្លែងការណ៍តាមគេហទំព័រ www.knlf.org។
នៅថ្ងៃទី២៣ ខែតុលា ឆ្នាំ២០១៦ សម សេរី ប្រកាសបង្កើតរដ្ឋាភិបាលជាតិខ្មែរនិរទេស ដែលមានមូលដ្ឋាននៅប្រទេសដាណឺម៉ាក់ ហើយមានសមាជិក រដ្ឋាភិបាលស្រមោល ឬរដ្ឋាភិបាលជាតិខ្មែរនិរទេសចំនួន ៥៦នាក់។
៣៖ សម សេរី បានធ្វើសកម្មភាពទំនាក់ទំនងជាសម្ងាត់ជាមួយចលនាផ្សេងទៀតដូចជា៖
ថ្ងៃទី០៩ ខែឧសភា ឆ្នាំ២០១៤ សម សេរី បានប្រជុំជាមួយសមាជិកសំខាន់ៗចំនួន០៧នាក់ នៃរណសិរ្សរំដោះជាតិខ្មែរ នៅប្រទសថៃ ដោយលើកអំពីផែនការ រៀបចំកម្លាំងបង្កប់នៅកម្ពុជាដើម្បីបំផ្លាញការបោះឆ្នោត។ ទន្ទឹមនេះ សម សេរី ក៏បានបង្ហាញពីការយកចិត្តទុកដាក់របស់ សម រង្ស៊ី មកលើរណសិរ្សរំដោះជាតិខ្មែរ និងការពិចារណាអំពីការសហការជាមួយ សួន សេរីរដ្ឋា ប្រធានចលនាអំណាចពលរដ្ឋខ្មែរ។
ថ្ងៃទី៣០ ខែកក្កដា ឆ្នាំ២០១៤ ក្រុមរណសិរ្សរំដោះជាតិខ្មែរ ក្រុមសហព័ន្ធខ្មែរកម្ពុជាក្រោម និងក្រុមចលនាអំណាចពលរដ្ឋខ្មែរ បានប្រជុំនៅក្នុងប្រទេសថៃ ដើម្បីដាក់ផែនការសហការគ្នាធ្វើបាតុកម្មទ្រង់ទ្រាយធំប្រឆាំងស្ថានទូតវៀតណាមប្រចាំកម្ពុជា។
ថ្ងៃទី១០ ខែតុលា ឆ្នាំ២០១៤ បណ្តាញមេដឹកនាំចលនាក្រៅច្បាប់នៅក្រៅប្រទេស ចំនួន១០នាក់ បានប្រជុំគ្នាសម្រេចរំសាយនូវចលនារណសិរ្សរំដោះទឹកដី កម្ពុជាក្រោម ដឹកនាំដោយ តាំង ម៉េងគូ, ចលនាអតីតយុទ្ធជនតស៊ូដើម្បីសេរីភាព(ចលនា ទាហានម៉ៃហ្វក) ដឹកនាំដោយ ថាច់ នីកូ និងរណសិរ្សរំដោះ ជាតិខ្មែរ ដឹកនាំដោយ សម សេរី ហើយបង្កើតជាចលនាតែមួយ គឺ “រណសិរ្សខ្មែរកម្ពុជាក្រោម” ក្រោមការ ដឹកនាំដោយ ១-តាំង ម៉េងគូ ប្រធានក្រុមប្រឹក្សាភិបាល, ២-ថាច់ នីកូ អធិបតី, ៣-សឺន ង៉ុកហ្វាង ប្រធានរដ្ឋ, ៤-សម សេរី នាយករណសិរ្ស។ (សមត្ថកិច្ចជំនាញកំពុងតាមដានសកម្មភាពជាក់ស្តែងរបស់រណសិរ្សថ្មីនេះ)
ថ្ងៃទី២២ ខែមីនា ឆ្នាំ២០១៥ សម សេរី បានជួបជាសម្ងាត់ជាមួយ សម រង្ស៊ី នៅប្រទេសបារាំង។ ក្នុងជំនួប សម រង្ស៊ី បានប្រាប់ សម សេរី ឲ្យរក្សាទំនាក់ទំនងជា សម្ងាត់រវាងគណបក្សសង្គ្រោះជាតិ និងចលនារណសិរ្សរំដោះជាតិខ្មែរ។ ទន្ទឹមនេះ សម រង្ស៊ី ក៏បានជំរុញឲ្យ សម សេរី កសាងកម្លាំងចូលក្នុងកងកម្លាំងប្រដាប់អាវុធ។ សម រង្ស៊ី បានដាក់ផែនការបញ្ជូន ឈុន សារិទ្ធ ហៅ អ៊ូ គឹមហ៊ត ហៅចក់ (មុខសញ្ញាក្នុងចលនាខ្លារំដោះ និងរណសិរ្សរំដោះជាតិខ្មែរ) រស់នៅអាមេរិក ហើយក្លែងឈ្មោះចូលកម្ពុជា ដើម្បីធ្វើសកម្មភាពធំៗមួយចំនួននៅកម្ពុជាពេលខាងមុខ។
ថ្ងៃទី១២ ខែកុម្ភៈ ឆ្នាំ២០១៨ សម សេរី ជួបជាមួយ សម រង្ស៊ី នៅប្រទេសស្វីស ដោយក្នុងនោះ សម រង្ស៊ី ស្នើឲ្យ សម សេរី រៀបចំកម្លាំងទ័ព ដើម្បីយកឈ្នះលើ គណបក្សប្រជាជនកម្ពុជាដោយមានប្រទេសចំនួន២ គាំទ្រពីក្រោយ ព្រមទាំងផ្ដល់បច្ចេកទេសហ្វឹកហ្វឺន និងហិរញ្ញវត្ថុ។សម រង្ស៊ី ចង់បានកម្លាំងពីរប្រភេទ៖ * កម្លាំងយុវជនដែលហ្វឹកហ្វឺននៅណ័រវេសជាង ៣០០នាក់ បញ្ជូនមកកាន់កម្ពុជា ដើម្បីបង្កចលាចលតាមមូលដ្ឋានក្នុងពេលបោះឆ្នោត។
កម្លាំងយុវជន និងសកម្មជននៅក្រៅប្រទេស និងក្នុងប្រទេស ទាក់ទងជាសម្ងាត់ជាមួយសមាជិកអតីតបក្សសង្គ្រោះជាតិ ក្នុងការរៀបចំគម្រោងប្រឆាំង នាពេលខាងមុខ។
៤៖ សកម្មភាពទំនាក់ទំនងជាមួយបរទេស
ថ្ងៃទី២២ ខែសីហា ឆ្នាំ២០១២ វេលាម៉ោង ៩៖៤៥នាទី ដល់ម៉ោង១០៖០៦នាទីព្រឹក សម សេរី បានដឹកនាំក្រុមរណសិរ្សរំដោះជាតិខ្មែរ ០៥រូបទៀត ជួបជាមួយលោក Mikael HemnitiWinther ឯកអគ្គរាជទូតដាណឺម៉ាក ប្រចាំក្រុងបាងកក ប្រទេសថៃ។ នៅក្នុងការជួបគ្នានេះបានពិភាក្សា និងការប្ដេជ្ញាចិត្តរបស់ដាណឺម៉ាក់ ក្នុងការទទួលស្គាល់ សម សេរី ជាមេដឹកនាំខ្មែរពេលអនាគត។
ថ្ងៃទី២៤ ខែសីហា ឆ្នាំ២០១២ វេលាម៉ោង២រសៀល សម សេរី បានទៅជួបជាមួយលោក Bradley Cox ភ្នាក់ងារ CIA របស់អាមេរិក ប្រចាំទីក្រុងបាងកក ប្រទេសថៃ ដើម្បីស្នើសុំឲ្យលោក Bradley Cox ជួយរិះរកវិធីក្នុងការបង្កើតរដ្ឋាភិបាលនីរទេស។
សូមទស្សនារូបភាពនៃសកម្មភាពរៀបចំផែនការរបស់ក្រុម សម សេរី និងបក្សពួក ព្រមទាំងរចនាសម្ព័ន្ធនៅខាងក្រោម៖
សូមជំរាបថា ក្រៅពីបង្ហាញពីផែនការនេះ កាលពីយប់ថ្ងៃទី១០ ខែមេសា ឆ្នាំ២០១៨ សមត្ថកិច្ចជំនាញជាន់ខ្ពស់របស់កម្ពុជា សូមបង្ហាញនូវខ្សែអាត់សម្លេងសំងាត់បណ្តាញរបស់មេភេរវករ សម សេរី (ហៅ យាន យៀប) ដែលនិយាយគ្នាអំពីផែនការអាក្រក់ចង់ដាក់បង្កៃគ្រាប់បែក នៅរមណីយដ្ឋានវត្តភ្នំ រាជធានីភ្នំពេញ និងនៅខេត្តសៀមរាប នាឱកាសពេលចូលឆ្នាំខាងមុខនេះ គោលបំណងដើម្បីបំផ្លាញស្ថេរភាពនៅកម្ពុជា។
ពាក់ព័ន្ធខ្សែអាត់សម្លេងនេះ សមត្ថកិច្ចជំនាញជាន់ខ្ពស់របស់កម្ពុជា បានថ្លែងប្រាប់ ថា យោងតាមច្បាប់របស់អង្គភាពប្រឆាំងអំពើពុករលួយ និងច្បាប់ប្រឆាំងភេរវកម្ម សមត្ថកិច្ចមានសិទ្ធិគ្រប់គ្រាន់ក្នុងការស្តាប់កិច្ចសន្ទនារបស់ក្រុមដែលមានបំណងចង់បង្កភេរវកម្ម។
ពិសេសជាងនោះទៅទៀត លោក សម សេរី ប្រធានចលនារណសិរ្យរំដោះជាតិខ្មែរ ដែលមានឈ្មោះជាទណ្ឌិតបានអះអាងថា ពេលនេះអតីតគណបក្សសង្គ្រោះជាតិ បានចូលរួមជាមួយនឹងចលនារបស់លោករួចហើយ។ លោក សម សេរី ដែលកំពុងត្រូវសមត្ថកិច្ចស្វែងរកចាប់ខ្លួន បានទម្លាយរឿងនេះប្រាប់វិទ្យុអាស៊ីសេរី នៅយប់ថ្ងៃទី១០ ខែមេសា ឆ្នាំ២០១៨។
លោក សម សេរី បានបញ្ជាក់យ៉ាងដូច្នេះថា៖ «ខ្ញុំគិតថា បើសិនជាលោក ហ៊ុន សែន គាត់ចង់ចាប់សមាជិករណៈសិរ្យហ្នឹង គាត់ត្រូវចាប់ពលរដ្ឋទូទាំងប្រទេស ចាប់អ្នកប្រជាធិបតេយ្យ ទូទាំងប្រទេស ព្រោះឥឡូវគណបក្សសង្គ្រោះជាតិ ក៏ចូលរួមជាមួយរណសិរ្យរំដោះជាតិខ្មែរដែរ អញ្ចឹងគាត់មិនអាចចាប់សមាជិករណសិរ្យរំដោះជាតិខ្មែរទាំងអស់បានទេ»៕
រណសិរ្សរំដោះជាតិខ្មែររបស់ សម សេរី នឹងស្នើបង្កើតគណបក្សមួយដែលមានឈ្មោះថា "គណបក្សរំដោះជាតិខ្មែរ"
ចែករំលែកដោយ 28-Nov-2018 17:51
ភ្នំពេញ ៖ ចលនារណសិរ្សរំដោះជាតិខ្មែររបស់លោក សម សេរី ដែលធ្លាប់បានធ្វើសកម្មភាពបាចខិតប័ណ្ណជាញឹកញាប់នៅតាមបណ្តារាជធានី ខេត្ត ជាច្រើនទូទាំងប្រទេសកម្ពុជា អំពាវនាវឲ្យពលរដ្ឋខ្មែរក្រោកឡើងប្រឆាំងរដ្ឋាភិបាលនោះ គ្រោងននឹងស្នើបង្កើតគណបក្សមួយដែលមានឈ្មោះថា "គណបក្សរំដោះជាតិខ្មែរ" ដោយចាត់តាំងសកម្មជនមួយរូប ដែលទើបចេញពីពន្ធនាគារ ដើម្បីធ្វើការសម្របសម្រួលចុះបញ្ជីគណបក្សនៅប្រទេសកម្ពុជា។
លោក ធុយ វី ដែលទទួលបានការតែងតាំងជាអ្នកនាំពាក្យគណបក្សរំដោះជាតិខ្មែរបានថ្លែងប្រាប់កម្ពុជាថ្មីកាលពីរសៀលថ្ងៃទី២៨ ខែវិច្ឆិកា ថា តាមគំរោងលោកនឹងដាក់ពាក្យស្នើសុំបង្កើតទៅក្រសួងមហាផ្ទៃនៅក្នុងសប្តាហ៍នេះ ប្រសិនបើមិនមានផលលំបាកអ្វីទេនោះ គ្រាន់តែមិនទាន់កំណត់ពេលវេលាច្បាស់ ហើយពេលនេះលោកបានរៀបចំលក្ខន្តិកៈខ្លះៗ ត្រៀមរួចហើយ។
លោកបញ្ជាក់ថា មូលហេតុដែលចង់បង្កើត "គណបក្សរំដោះជាតិខ្មែរ" នេះ ទី១, ចង់ស្រាយវិបត្តិនយោបាយនៅប្រទេសកម្ពុជានាពេលបច្ចុប្បន្ន ទី២, វិបត្តិពេលនេះអាចធ្វើឲ្យគ្រោះថ្នាក់ដល់ប្រយោជន៍ជាតិយ៉ាងធំ ដោយសារអន្តរដាក់ការគាបសង្កត់ ហើយយើងមិនចង់ឲ្យមានបញ្ហានេះទេ យើងចង់ឲ្យប្រទេសជាតិយើងមានការរីកចម្រើនដូចបណ្តាប្រទេសលើពិភពលោក។
តាមលោក ធុយ វី គោលនយោបាយរបស់គណបក្សរំដោះជាតិខ្មែរ ដែលគ្រោងបង្កើតឡើងនេះ មាន៣ចំណុច គឺទី១, នៅថ្នាក់ជាតិ ទី២, នៅថ្នាក់អន្តរជាតិ និងទី៣, និយាយពីកិច្ចព្រមព្រៀងទីក្រុងប៉ារីស គឺចង់ឲ្យគណបក្សនេះ ដំណើការទៅតាមកិច្ចព្រមព្រៀងទីក្រុងប៉ារីស។
ចំណែករចនាសម្ព័ន្ធរបស់គណបក្ស លោក ធុយ វី អះអាងថា បានរៀបចំអស់ហើយ តែរង់ចាំការសម្រួលពីរដ្ឋាភិបាល ដើម្បីចុះបញ្ជីស្របច្បាប់នៅក្រសួងមហាផ្ទៃ។ ដោយឡែកទាក់ទងបញ្ហាឈ្មោះរបស់គណបក្ស លោក ធុយ វី បញ្ជាក់ថា ប្រសិនបើក្រសួងមហាផ្ទៃគិតពីកិច្ចព្រមព្រៀងទីក្រុងប៉ារីសនោះ ដូចជាមិនមានអ្វីចោទជាបញ្ហានោះទេ។
សូមបញ្ជាក់ថា ចលនារណសិរ្សរំដោះជាតិខ្មែរ ធ្លាប់បានធ្វើសកម្មភាពបាចខិតប័ណ្ណជាញឹកញាប់នៅតាមបណ្តារាជធានី ខេត្ត ជាច្រើនទូទាំងប្រទេស ដោយអំពាវនាវឲ្យពលរដ្ឋខ្មែរ ក្រោកឡើងប្រឆាំងរដ្ឋាភិបាល ដែលដឹកនាំដោយសម្តេច ហ៊ុន សែន ហើយក៏បានអំពាវនាវឲ្យប្រជាពលរដ្ឋ ព្រះសង្ឃ ប្រជាកសិករ សិស្ស និស្សិត ក្រោកឡើងប្រឆាំងរបបគ្រប់គ្រងរបស់សម្តេចតេជោ ហ៊ុន សែន និងរំដោះជាតិខ្មែរចេញពីការគ្រប់គ្រងមួយ ដែលគេអះអាងថា ជាការឈ្លានពានរបស់វៀតណាម ហើយពួកគេក៏ត្រូវបានសមត្ថកិច្ចចាប់ខ្លួនជាបន្តបន្ទាប់ផងដែរ។ ពួកគេធ្វើសកម្មភាពក្នុងអង្គការចាត់តាំងក្រៅច្បាប់មួយ ដែលមានឈ្មោះថា រណសិរ្សរំដោះជាតិខ្មែរ ដែលមានឈ្មោះ សម សេរី ហៅ ស សេរី ជាមេដឹកនាំ។
នាយឧត្តមសេនីយ៍ គៀត ច័ន្ទថារិទ្ធ អតីតអ្នកនាំពាក្យអគ្គស្នងការនគរបាលជាតិធ្លាប់បានបញ្ជាក់ថា រណសិរ្សរំដោះជាតិខ្មែរ គឺជាក្រុមអង្គការចាត់តាំងក្រៅច្បាប់មួយដែលប្រកាសខ្លួនឯងដោយខុសច្បាប់ ហើយមានទិសដៅផ្តួលរំលំរាជរដ្ឋាភិបាលស្របច្បាប់នៅកម្ពុជា។ បេសកកម្មរបស់គេ គឺរំដោះជាតិ សាសនា ប្រជារាស្ត្រខ្មែរ ឲ្យមានឯករាជ្យ សន្តិភាព សេរីភាព ប្រជាធិបតេយ្យ ពិតប្រាកដពីអាណានិគមនិយមយួនឈ្លានពាន និងគណបក្សប្រជាជនកម្ពុជា និងស្វែងរកយុត្តិធម៌ជូនប្រជាពលរដ្ឋ។ ចំណុចមួយទៀត គឺបញ្ជាក់ថា រណសិរ្សរំដោះជាតិខ្មែរ មិនទទួលស្គាល់រាជរដ្ឋាភិបាលកម្ពុជាបច្ចុប្បន្ន។ ដូច្នេះតាមគោលដៅរបស់គេ គឺខុសច្បាប់ទាំងស្រុង។
នាយឧត្តមសេនីយ៍ គៀត ច័ន្ទថារិទ្ធ បញ្ជាក់ទៀតថា សកម្មភាពរបស់រណសិរ្សរំដោះជាតិខ្មែរកន្លងមកនេះ គឺមានការបង្កើតកម្លាំងប្រដាប់អាវុធខុសច្បាប់ ជាក់ស្តែងនៅពេល ដែលអាជ្ញាធរថៃ បានចាប់ក្រុមនេះមួយចំនួន ដែលស្នាក់នៅថៃខុសច្បាប់បញ្ជូនមកកម្ពុជា ហើយពួកគេបានឆ្លើយសារភាពថា គាត់បានជ្រើសរើសកម្លាំង និងហ្វឹកហាត់កម្លាំងនៅតំបន់ព្រំដែនកម្ពុជា-ថៃ ដោយធ្វើសកម្មភាពអូសទាញពលករខ្មែរ ព្រះសង្ឃ និងនិស្សិតខ្មែរ ដែលទៅរៀនសូត្រនៅថៃ ឲ្យចូលរួមធ្វើសកម្មភាពគាំទ្រខ្លួន ដើម្បីផ្តួលរំលំរដ្ឋាភិបាល៕
សម សេរី ប្រធានចលនារណសិរ្សរំដោះជាតិខ្មែរត្រូវបានសមត្ថកិច្ចថៃចាប់ឃាត់ខ្លួន
ភ្នំពេញ ៖ នៅវេលាម៉ោងប្រមាណ១០ ព្រឹកថ្ងៃពុធ ១១កើត ខែពិសាខ ឆ្នាំច សំរឹទ្ធិ ស័ក ព.ស.២៥៦២ ត្រូវនឹងថ្ងៃទី២៥ ខែ មេសា ឆ្នាំ២០១៨ សមត្ថកិច្ចថៃបានឃាត់ខ្លួនបុរសឈ្មោះ សម សេរី ប្រធានចលនា រណសិរ្សរំដោះជាតិខ្មែរដែលមានវត្តមាននៅក្នុងទឹកដីថៃ។ នេះបើយោងតាមមន្រ្តីជាន់ខ្ពស់នគរបាលកម្ពុជាបង្ហើបឲ្យដឹង ។
មន្រ្តីជាន់ខ្ពស់នគរបាលកម្ពុជាបាន បញ្ជាក់ថា រដ្ឋាភិបាលកម្ពុជាកំពុងទាក់ទងទៅកាន់អាជ្ញាធរថៃដើម្បីនាំខ្លួនបុគ្គល សម សេរី មកកាន់រាជធានីភ្នំពេញ ។
នគរបាលកម្ពុជាតាមរយៈក្រសួងមហាផ្ទៃបានទាក់ទងទៅអាជ្ញាធរសមត្ថកិច្ចថៃរួចហើយដើម្បីនាំខ្លួនលោក សម សេរី មេដឹកនាំចលនារណសិរ្សរំដោះជាតិខ្មែរ និងបក្ខ ពួកមកកម្ពុជា។ លោក សម សេរី ដែល តុលាការកម្ពុជាចេញដីកាស្វែងរកចាប់ខ្លួន ត្រូវបានសមត្ថកិច្ចថៃចាប់ខ្លួនកាលពីយប់ថ្ងៃទី២៥ ខែមេសា ឆ្នាំ២០១៨ ។
នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍ថា យើងបានទាក់ទងភាគីថៃរួចហើយដើម្បី នាំខ្លួនលោក សម សេរី និងបក្ខពួកមក កម្ពុជា។ ពេលវេលាប៉ុន្មានថ្ងៃដើម្បីនាំខ្លួនជនទាំងនេះពីថៃមកកម្ពុជាគឺអាស្រ័យលើភាគីថៃ។ តែយ៉ាងណាពួកនេះត្រូវជាប់គុកនៅថៃសិន ។
នាយឧត្តមសេនីយ៍ ខៀវ សុភ័គ បានបន្ត ថា លោក សម សេរី និងសមាជិកចលនា រណសិរ្សរំដោះជាតិខ្មែរចំនួន៥នាក់ត្រូវ បានតុលាការកម្ពុជាកាត់ទោសកំបាំងមុខកន្លងទៅ ហើយក៏មានដីកាតាមស្វែងរក ចាប់ខ្លួនផងដែរ ។
ក្រុមរណសិរ្សរំដោះជាតិដែលជាមុខ សញ្ញាតាមរកចាប់ខ្លួនរួមមាន ទី១-ឈ្មោះ ថាច់ បាន, ទី២-ឈ្មោះ អាន វិចិត្រ, ទី៣-ឈ្មោះ ផុន ប្រាក់ផាប, ទី៤-ឈ្មោះ វន វុធ។ អ្នកទាំង៤កំពុងរស់នៅប្រទេសថៃ, ទី៥-ឈ្មោះ សោម សុវណ្ណារ៉ា រស់នៅកាណាដា និង៦-ឈ្មោះ សម សេរី ប្រធានរណសិរ្ស រំដោះជាតិ ។
លោក សម សេរី ជាប្រធានចលនា រណសិរ្សរំដោះជាតិដែលមានមូលដ្ឋាននៅប្រទេសដាណឺម៉ាក។ លោកសម សេរី ក៏បានបង្កើតរដ្ឋាភិបាលស្រមោលនៅក្រៅប្រទេសផងដែរ ។
ឈ្មោះ សម សេរី ជាបក្ខពួកជាមួយនឹងចលនាក្បាលខ្លារបស់លោក សម ឯក ដែល ត្រូវបានតុលាការផ្តន្ទាទោសក្នុងរឿងបង្កើតកងកម្លាំងប្រដាប់អាវុធ ហើយមានបំណងផ្តួលរំលំរាជរដ្ឋាភិបាល។ ក្រុមនេះត្រូវបាន ចាប់ខ្លួន ហើយតុលាការផ្តន្ទាទោសដាក់ ពន្ធនាគារកាលពីប៉ុន្មានឆ្នាំមុន ។
តាមរយៈការផ្សាយរបស់វិទ្យុអាស៊ីសេរីនៅថ្ងៃទី២៥ ខែមេសា ឆ្នាំ២០១៨បានឲ្យ ដឹងថា «លោក សម សេរី បានផ្ញើសារអុីម៉េល មកកាន់អាស៊ីសេរីមុនការចាប់ខ្លួនថា សមត្ថ កិច្ចថៃបានឃាត់ខ្លួនលោកនៅពេលលោកកំពុងបន្តទិដ្ឋាការស្នាក់នៅក្នុងប្រទេសថៃ។ មនុស្សជំនិតរបស់លោក សម សេរី ម្នាក់សុំមិនបញ្ចេញឈ្មោះដោយបារម្ភពីសុវត្ថិភាពបានប្រាប់អាស៊ីសេរីតាមទូរស័ព្ទថាលោក សម សេរី ត្រូវបានសមត្ថកិច្ចថៃ បញ្ជូនទៅឃុំខ្លួននៅមន្ទីរឃុំឃាំងមួយកន្លែងនៅក្នុងទីក្រុងបាងកកហើយ» ។
សូមជម្រាបថា កាលពីថ្ងៃទី១០ ខែ មេសា ឆ្នាំ២០៨ សម្តេចតេជោ ហ៊ុន សែន នាយករដ្ឋមន្ត្រីបានទម្លាយថា ក្រុមជនធ្វើសកម្មភាពប្រឆាំងរាជរដ្ឋាភិបាលកម្ពុជាដឹក នាំដោយបុគ្គលឈ្មោះ សម សេរី ដែលមាន មូលដ្ឋាននៅប្រទេសដាណឺម៉ាកបានរៀបចំផែនការបំផ្លាញការសប្បាយរបស់ប្រជាពលរដ្ឋខ្មែរក្នុងឱកាសបុណ្យចូលឆ្នាំថ្មី ប្រពៃណីជាតិ។ ប៉ុន្តែបញ្ហាទាំងអស់នេះត្រូវ បាសម្តេចតេជោដឹងរួចរាល់ហើយ ព្រមទាំងបានរៀបចំវិធានការរក្សាសន្តិសុខតឹងរឹុង បំផុតមិនឲ្យបំណងទុច្ចរិតរបស់ក្រុមជន ដែលសម្តេចហៅថាជនក្បត់ជាតិនេះធ្វើ បានសម្រេចនោះឡើយ ៕ ហេង សូរិយា
ប្រវត្តិសម សេរី សរសេរដោយ សម សេរីផ្ទាល់?
លោក សម សេរី មានដើមកំណើតនៅ ស្រុកជាំក្សាន្ត ខេត្តព្រះវិហារជាកូនអតីតអ្នកតស៊ូ ជាមួយយួនឈ្លានពាន នៅជំរំបក្សីចាំក្រុងតាមជាយ ដែនខ្មែរ ថៃក្នុងរណសិរ្សរំដោះប្រជាពលរដ្ឋខ្មែរដឹក នាំដោយលោក សឺន សាន។ ខ្សែស្រឡាយជីតារបស់ លោក សម សេរី ម្នាក់ជាទាហានក្នុងរបប លន់ លន់ ត្រូវបានវៀតកុងសម្លាប់ និងអ៊ុំប្រុសឈ្មោះ កែវ ឡាច ភរិយា និងកូន ត្រូវបានស្លាប់ក្នុងសមរភូមិ ពេលដែលទើបប្រយុទ្ឋជាមួយយួន ក្នុងអំឡុងទសវត្ស៨០។
ជីតាម្នាក់ឈ្មោះ ត្រោក ហ៊ៀង ត្រូវទាហាន ហ៊ុនសែន បាញ់ សម្លាប់នៅ លើផ្ទះ។ លោក សម សេរីបានបញ្ចប់ការសិក្សា ផ្នែកសេដ្ឋកិច្ចពីសាកលវិទ្យាល័យច្បាប់និងសេដ្ឋកិច្ច នៅប្រទេសខ្មែរក្នុងឆ្នាំ២០០២ និងបានបន្តថ្នាក់អនុបណ្ឌិត ផ្នែកពាណិជ្ជកម្ម នៅសាកលវិទ្យាល័យ វែនឡែន។ លោកបានបញ្ចប់ ការសិក្សាថ្នាក់ភាសានៅប្រទេស ដាណឺម៉ាក និងបន្តការសិក្សា នៅសកលវិទ្យាល័យ កូផែនហេកែនប៊ីស៊ិនីសស្គូល ថា្នក់នយោបាយអន្តរជាតិ និងពាណិជ្ជកម្មអន្តរជាតិ នៅប្រទេសដាណឺម៉ាក។
លោក សម សេរី បានដើរតួរនាទីយ៉ាងសកម្មក្នុងការ តស៊ូស្វែងរកសិទិ្ឋសេរីភាពសន្តិភាព និងលិទិ្ឋប្រជាធិបតេយ្យពិតប្រាកដជូន ជាតិ សាសនា និងប្រជាជាតិខ្មែរ រហូតដល់រដ្ឋាភិបាល ផ្តាច់ការអាយ៉ងយួនតាមប្រម៉ាញ់ ចាប់នៅក្នុងប្រទេសខ្មែរ។ ឆ្នាំ២០០៥ លោកបានភៀស ខ្លួនមកជ្រកកោណនៅប្រទេសថៃ នៅទីនោះលោកបានជួយបណ្តុះបណ្តាល ប្រជាពលរដ្ឋខ្មែរមាននិសិ្សត និងព្រះសង្ឃអោយយល់ដឹងពីភាពជាអ្នកដឹកនាំនិងប្រជាធិបតេយ្យ។ នៅប្រទេសថៃ លោកបានជួបជាមួយ លោក សោម ឯក ដែលជាអតីតអ្នកតស៊ូក្នុងជួររណសិរ្សរំដោះប្រជាពលរដ្ឋខ្មែរ លោក សោម ឯក ជាអ្នករងគ្រោះជាប់ក្នុងពន្ឋនាគារដោយសារតែ គាត់បានជូនលោក សម សេរី រត់គេចចេញពីប្រទេសខ្មែរ ពីការតាមចាប់ របស់បក្សពួក ហ៊ុន សែន និងយួន។
លោក សម សេរី ជាអ្នកបកប្រែអោយលោក ប្រែដលី ខក ក្នុងរឿង ឃាតករសម្បនិមិត្តនិងនរណាសម្លាប់ជាវិជ្ជា។ លោកជាអតីតសាស្ត្រាចារ្យ នៅសកលវិទ្យាល័យវែនឡែន និងជាអតីតនាយក វិទ្យាស្ថានអន្តរជាតិ ដើម្បីអភិវឌ្ឍន៌ធនធានមនុស្ស ដែលជាសាខារបស់សាក វិទ្យាល័យវែនឡែន។
លោកធ្លាប់បានធ្វើជាគ្រូបង្រៀន តាមសាលា ឯកជនមួយចំនួនដូចជា វិទ្យាស្ថានញូវយ៉ក វិទ្យាស្ថានញូវតុនធីឡាយ វិទ្យាស្ថានហេឡូ អេភីអាយអែស និង ជាអ្នកគ្រប់គ្រងនៅវិទ្យាស្ថានញូវយ៉ក។ លោកបានធ្វើសិក្ខាសាលា បណ្តុះបណ្តាលពីភាពជាមេដឹកនាំនយោបាយជាតិ និងអន្តរជាតិ និងលិទិ្ឋប្រជាធិបតេយ្យដល់និស្សិត ព្រះសង្ឃ និងប្រជាពលរដ្ឋខ្មែរ។
សម សេរី បានសរសេរសៀវភៅ ៣ក្បាល ដែលផ្សព្វផ្សាយជាសាធារណៈគឺសៀវភៅ ប្ញសគល់ ៧មករា និងសៀវភៅមេដឹកនាំជាតិខ្មែរ ភាគ១ និង ភាគ២ ដែលសៀវភៅទាំងអស់នោះ ត្រូវបានបិទនិងហាមឃាត់ រារាំងដោយរដ្ឋាភិបាលផ្តាច់ការ ហ៊ុន សែន និងយួនកុម្មុយនិស្តក្នុងនោះលោកក៏បានសរសេរជា ខិតប័ណ្ណ ផ្សព្វផ្សាយដល់កូនខ្មែរអោយយល់ ដឹងពីសង្គមនិងនយោបាយផងដែរ តែត្រូវរដ្ឋាភិបាល តាមចាប់និងប្រម៉ាញ់ដល់អ្នកដែលអានសៀវភៅ និងខិតប័ណ្ណនោះជាបន្តបន្ទាប់។ ពេលនេះលោក សម សេរី បានទទួលសិទ្ធិជ្រកកោណនយោបាយនៅប្រទេសដាណឺម៉ាក នៅឆ្នាំ២០១០ នៅទីនេះ លោកបានសរសេរសៀវភៅជាភាសាអង់គ្លេស មានចំណងជើងថា អាថ៌កំបាំងរបស់ខ្មែរ បានផ្សព្វផ្សាយទៅអន្តរជាតិ។
នៅប្រទេសដាណឺម៉ាក លោកនៅតែបន្តការតស៊ូដើម្បីស្វែង រកសិទិ្ឋសេរីភាពសន្តិភាពនិង ប្រជាធិបតេយ្យជូន ប្រជាពលរដ្ឋខ្មែរ រហូតលោកបានជួប ជាមួយសមាជិកសភា គឺ លោកម៉ែខិល អូស្រុបចនស៊ន នៅថ្ងៃទី១៩ខែមេសា ឆ្នាំ២០១២ និងជួបជាមួយលោកអគ្គរាជទូតប្រចាំប្រទេសថៃលោក ម៉ៃខិល ហែមនិធី វិនធ័រ នៅថ្ងៃទី២០ ខែសីហា ឆ្នាំ២០១២ហើយការខិតខំរបស់គាត់ រហូតបានសំរេចជោគជ័យក្នុងការបង្កើតជា រណសិរ្សរំដោះជាតិខ្មែរ ឡើងជាផ្លូវការនៅថ្ងៃទី១២ ខែធ្នូ ឆ្នាំ២០១២
Serey Sam
29 October at 20:33
ពេលវេលានៅច្រេីនណាស់សំរាប់លោក សម រង្សីនិងសកម្មជន គិតពិចារណា បេីសិនជាចង់ចូលស្រុកពិតប្រាកដ និងប្រកបដោយការឈ្លាសវៃ លោក សម រង្សីអាចមកជួបខ្ញុំនៅថ្ងៃទី៩វិច្ឆិកា២០១៩ជំនួសវិញនោះគាត់នៅមានជិវិតនយោបាយបន្តទៀតបាន ក្រៅពីហ្នឹងគឺត្រូវចប់ មានតែដេកក្នុងគុក និងឈប់ធ្វេីនយោបាយ៕
សូមបងប្អូនជួយសៀតៗ អោយដល់លោក សម រង្សីបានដឹងផង៕
សូមអរគុណ
សម សេរី
នាយករដ្ឋមន្រ្តីនៃ
រដ្ឋាភិបាលជាតិខ្មែរនិរទេស
មិនបាច់ខំទៅបញ្ចុះបញ្ចូលប្រទេសនៅអឺរ៉ុបទេរឿងEBA ព្រោះអន្តរជាតិគេធ្វេីការជាមួយរដ្ឋាភិបាលជាតិខ្មែរនិរទេស ដែលមានខ្ញុំ សម សេរីដឹកនាំហេីយ បេីមិនដោះស្រាយជាមួយរដ្ឋាភិបាលជាតិខ្មែរនិរទេសតាមកិច្ចព្រមព្រៀងសន្តិភាពទីក្រុងប៉ារីស ក៏វិបត្តិនយោបាយដោះស្រាយមិនចេញដែរ៕ ហេីយបងប្អូនប្រជាពលរដ្ឋខ្មែរដែលគាំទ្រប្រជាធិបតេយ្យ គ្រាន់តែនាំគ្នាមកគាំទ្ររដ្ឋាភិបាលជាតិខ្មែរនិរទេស ដែលមានមូលដ្ឋាននៅដាណឺម៉ាក គឺឈ្នះរបប ហ៊ុន សែនហេីយ មិនបាច់ខំទៅធ្វេីរឿងផ្សេងដូចជា រឿងមាតុភូមិនិវត្តន៌លោក សម រង្សី គឺគ្មានប្រយោជន៌អីទេ៕
ពីខ្ញុំ សម សេរី
តាមរយះសេចក្តីថ្លែងការណ៌របស់ក្រុងភ្នំពេញពិតជាបង្ហាញពីវត្តមានយោធាបរទេសនិងមូលដ្ឋានយោធាចិននៅក្នុងប្រទេសខ្មែរ៕
ហេតុដូច្នេះហេីយ ក្នុងនាមរដ្ឋាភិបាលជាតិខ្មែរនិរទេស ខ្ញុំសូមអំពាវនាវអោយកងកម្លាំងសន្តិសុខអន្តរជាតិចុះត្រួតពិនិត្យនៅក្នុងប្រទេសខ្មែរ ដេីម្បីដោះស្រាយនៅការមន្ទិលសង្ស័យនេះ៕ ក្នុងករណីដែលរបបក្រុងភ្នំពេញមិនអនុញ្ញាតិអោយកងកម្លាំងសន្តិសុខអន្តរជាតិចុះត្រួតពិនិត្យនោះ បញ្ជាក់ថារបបក្រុងភ្នំពេញឃុបឃិតលាក់មូលដ្ឋានយោធាចិននៅប្រទេសខ្មែរ៕ យេីងមានសិទ្ធិក្នុងការប្រេីគ្រប់មធ្យោបាយដេីម្បីរំដោះប្រទេសពីការឈ្លានពានពីខាងក្រៅ៕
ដោយការស្រឡាញ់រាប់អានពីខ្ញុំ
សម សេរី
នាយករដ្ឋមន្រ្តីនៃរដ្ឋាភិបាលជាតិខ្មែរនិរទេស
Serey Sam
28 June
ក្នុងនាមនាយករដ្ឋមន្រ្តីនៃរដ្ឋាភិបាលខ្មែរនិរទេសពិតជាមានកិត្តយសណាស់បានជួបជាមួយសភាសហរដ្ឋអាមរិកនៅទីក្រុងកូបិនហេកេនគឺលោក Teny Hoyer and លោក Tom Cole ៕ សមាជិកសភាដាណឺម៉ាកលោក Michael Austrup Jensen.
សម សេរី
នាយករដ្ឋមន្រ្តីនៃរដ្ឋាភិបាលខ្មែរនិរទេស
27 November 2018 | 08:38 ICT សម សេរី ស្នើឲ្យមានការលើកលែងទោស និងបើកផ្លូវឲ្យលោកបង្កើតបក្សនយោបាយ លោក សម សេរី (ស្តាំ) ដែលប្រកាសប្តូរជំហរចង់បង្កើតបក្សដើម្បីប្រកួតប្រជែង។
ភ្នំពេញៈ ប្រធានរណសិរ្សរំដោះជាតិខ្មែរ (KNLF) លោក សម សេរី ដែលបានបង្កើតរដ្ឋាភិបាលនិរទេសនៅក្រៅប្រទេស ហើយត្រូវបានចោទថាជាមេឧទ្ទាមប្រដាប់អាវុធប្រឆាំងនឹងរដ្ឋាភិបាលរបស់លោកនាយករដ្ឋមន្ត្រី ហ៊ុន សែន បានប្រកាសពីគម្រោងផ្អាកសកម្មភាពរណសិរ្សរបស់លោក និងវិលចូលស្រុកវិញ ប្រសិនបើរដ្ឋាភិបាលយល់ព្រមតាមលក្ខខណ្ឌមួយចំនួនដោយស្នើឲ្យមានការលើកលែងទោស និងបើកផ្លូវឲ្យលោកបង្កើតគណបក្សនយោបាយថ្មីមួយដើម្បីប្រកួតប្រជែងគ្នាតាមបែបប្រជាធិបតេយ្យ។
ក្នុងបទសម្ភាសជាមួយភ្នំពេញប៉ុស្តិ៍កាលពីថ្ងៃអាទិត្យលោក សម សេរី ប្រធានរណសិរ្សរំដោះជាតិខ្មែរអះអាងថា លោកមានបំណងបង្កើតគណបក្សនយោបាយស្របច្បាប់ដែលដើរតួជាគណបក្សប្រឆាំងស្របច្បាប់មួយនៅកម្ពុជា ដើម្បីចូលរួមប្រកួតប្រជែងការបោះឆ្នោតតាមបែបប្រជាធិបតេយ្យ។
លោកថា កន្លងមករណសិរ្សរបស់លោកបានទទួលរងការធ្វើទុក្ខបុកម្នេញគ្រប់រូបភាព ការចោទប្រកាន់គ្មានមូលដ្ឋាន ហើយសមាជិកនៃរណសិរ្សរបស់លោកត្រូវគេចោទប្រកាន់ និងចាប់ដាក់ពន្ធនាគារជាបន្តបន្ទាប់។
លោកថ្លែងថា៖ «គោលបំណងនៃការបង្កើតគណបក្សនេះគឺដើម្បីឲ្យពួកយើងខ្ញុំមានសិទិ្ធធ្វើនយោបាយបានជាគណបក្សប្រឆាំងដើម្បីរួមកម្លាំងខ្មែរទាំងអស់ដែលគាំទ្រលទិ្ធប្រជាធិបតេយ្យចូលរួមប្រកួតប្រជែងក្នុងការបោះឆ្នោតមួយដោយសេរី និងយុត្តិធម៌នាពេលខាងមុខ»។
លោកបានដាក់ឈ្មោះគណបក្សថ្មីរបស់លោកថា «គណបក្សរំដោះជាតិខ្មែរ» ឬជាភាសាអង់គ្លេស «Khmer National Liberation Party (KNLP)» ដែលស្រដៀងគ្នាទៅនឹងឈ្មោះរណសិរ្សរបស់លោកថែមទៀតផង។
លោកបញ្ជាក់ថា លោកបានត្រៀមខ្លួនចុះបញ្ជីផ្លូវការនៅកម្ពុជា ប្រសិនបើទទួលបានការអនុញ្ញាតពីក្រសួងមហាផ្ទៃ។
លោកបន្ថែមថា៖ «ក្រោយពីគណបក្សរបស់ខ្ញុំចុះបញ្ជីហើយនោះខ្ញុំនឹងបន្តទាមទារឲ្យបានបោះឆ្នោតមួយដោយសេរី និងយុត្តិធម៌ជាថ្មីគ្រប់ភាគីទាំងអស់អាចចូលរួមប្រកួតប្រជែងឲ្យបានឆាប់»។
ជាមួយនឹងការស្នើឲ្យមានលក្ខខណ្ឌដូចខាងលើជាថ្នូរនឹងការប្រកាសផ្អាកសកម្មភាពនៃរណសិរ្សរំដោះជាតិខ្មែរដែលមានមូលដ្ឋាននៅក្រៅប្រទេស ហើយវិលចូលស្រុកវិញ ដើម្បីធ្វើនយោបាយជំនួសវិញនោះលោក សម សេរី ក៏បានស្នើឲ្យលោកនាយករដ្ឋមន្ត្រី ហ៊ុន សែន ស្នើឲ្យមានព្រះរាជទានលើកលែងទោសដល់អតីតមេបក្សប្រឆាំងលោក កឹម សុខា ផងដែរ។
លោក សេរី បញ្ជាក់ថា៖ «លុះត្រាតែអ្នកទោសនយោបាយទាំងអស់រួមទាំងសមាជិករណសិរ្សរំដោះជាតិខ្មែរ លោក កឹម សុខា ត្រូវដោះលែងអនុញ្ញាតឲ្យសារព័ត៌មានឯករាជ្យផ្សេងៗដំណើរការវិញតាមប្រជាធិបតេយ្យសេរីពហុបក្សដូចក្នុងស្មារតីកិច្ចព្រមព្រៀងទីក្រុងប៉ារីសទើបខ្ញុំផ្អាកសកម្មភាពរបស់រណសិរ្ស។ ក្រោយពីគេលើកលែងទោស និងដោះលែងសមាជិករណសិរ្សរំដោះជាតិខ្មែរទាំងអស់ និងចុះបញ្ជីគណបក្សបានត្រឹមត្រូវនោះខ្ញុំនឹងត្រឡប់ទៅធ្វើនយោបាយនៅក្នុងស្រុកខ្មែរ»។
លោកព្រមានថា៖ «បើក្រសួងមហាផ្ទៃគេអនុញ្ញាតឲ្យខ្ញុំបង្កើតគណបក្សនយោបាយ និងអ្នកដោះលែងអ្នកទោសនយោបាយទាំងអស់នោះជាសញ្ញាវិជ្ជមានមួយឈានទៅរកភាពធូរស្រាលជម្លោះនយោបាយ និងអាចដោះស្រាយវិបត្តិនយោបាយនាពេលខាងមុខហើយដោះស្រាយជាមួយសម្ពាធអន្តរជាតិបាន។ បើបដិសេធនោះវិបត្តិនយោបាយកាន់តែធ្ងន់ធ្ងរអាចឈានដល់សង្គ្រាម»។
អ្នកវិភាគនយោបាយលោក មាស នី យល់ថាបើសិនជាលោក សម សេរី ទទួលបានការលើកលែងទោសហើយវិលចូលស្រុកវិញ នោះវាសនារបស់លោកក៏មិនខុសគ្នាប៉ុន្មានពីលោក សួន សេរីរដ្ឋា ស្ថាបនិកចលនាអំណាចពលរដ្ឋខ្មែរ និងជាអតីតប្រធានគណបក្សអំណាចខ្មែរដែលត្រូវបានទទួលការលើកលែងទោស និងក្រោយមកត្រូវបានចាប់ខ្លួនជាថ្មីលើបទចោទដែលគេជឿថាមានជាប់ពាក់ព័ន្ធនឹងរឿងនយោបាយនោះទេ។
លោកថ្លែងថា៖ «បើយើងមើលពីសិទ្ធិរបស់ពលរដ្ឋក្នុងការធ្វើនយោបាយ វាមិនខុសអ្វីទេ ប៉ុន្តែបទពិសោធដែលយើងឃើញកន្លងមកករណីរបស់ សម សេរី គឺស្រដៀងគ្នានឹងករណីរបស់លោក សួន សេរីរដ្ឋា ដែរ។ នៅពេលដែលគាត់ទទួលបានការលើកលែងទោស និងចូលមកក្នុងស្រុកវិញដោយបំពេញតួនាទីជាអ្នកនយោបាយគឺមិនសូវមានសេរីភាពពេញលេញទេ ហើយក៏ជាឈ្មោះដែលងាយរងការចោទប្រកាន់ផ្សេង»។
លោកបន្ថែមថា៖ «ចង់ ឬមិនចង់កាលណាធ្វើរាងខ្លាំងបន្តិចប្រឆាំងរដ្ឋាភិបាល អាចត្រូវគេយកទៅដាក់ក្នុងពន្ធនាគារ...ក៏អាចថាបាន»។
អ្នកនាំពាក្យក្រសួងមហាផ្ទៃលោក ខៀវ សុភ័គ មិនអាចទាក់ទងដើម្បីសុំការអត្ថាធិប្បាយបានទេ ប៉ុន្តែលោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជាមិនធ្វើអត្ថាធិប្បាយច្រើនចំពោះសំណើរបស់លោក សម សេរី ទេដោយលោកបញ្ជាក់ថាលោកនាយករដ្ឋមន្ត្រី ហ៊ុន សែន មិនមានសិទ្ធិអ្វីទៅលូកលាន់កិច្ចការតុលាការទេ។
លោកថ្លែងថា៖ «ខ្ញុំសូមជម្រាបជូនថា គ្មានច្បាប់ណាមួយអនុញ្ញាតឲ្យអ្នកធ្វើនយោបាយបង្កភេរវកម្មបង្កើតអសន្តិសុខដល់ប្រទេសអ៊ីចឹងទេ សូម្បីតែភាគីហត្ថលេខីនៃកិច្ចព្រមព្រៀងនៃជម្លោះប្រដាប់អាវុធខ្មែរក៏ទទួលរងការកាត់ទោសពីតុលាការដែរដូចជាខៀវ សំផន និង នួន ជា ដូច្នេះគ្មានអ្នកណាមួយនៅពីលើច្បាប់ទេ»។
លោក សម សេរី គឺជនដែលអាជ្ញាធរកម្ពុជាចង់ចាប់ខ្លួនបំផុតពាក់ព័ន្ធការចោទប្រកាន់ថាលោកគឺជាមេឧទ្ទាម និងមេភេរវករដែលបានរៀបចំគម្រោងប៉ុនប៉ងបង្កភេរវកម្មជាច្រើនកន្លែង និងសំណុំរឿងជួញដូរអាវុធដ៏កក្រើកកាលពីខែតុលាកន្លងទៅនេះ ប៉ុន្តែការចោទប្រកាន់ទាំងនោះត្រូវបានលោក សម សេរី ច្រានចោល។ សមាជិកនៃរណសិរ្សរបស់លោកជាច្រើនរូបត្រូវបានចាប់ខ្លួនជាបន្តបន្ទាប់ និងកំពុងជាប់ពន្ធនាគារនៅឡើយ។
កាលពីប៉ុន្មានខែមុនរដ្ឋាភិបាលបានធ្វើសំណើទៅអាជ្ញាធរថៃ ដើម្បីស្នើធ្វើបត្យាប័នបញ្ជូនលោក សម សេរី មកទទួលទោសនៅកម្ពុជា បន្ទាប់ពីលោកត្រូវបាននគរបាលថៃចាប់ខ្លួនចំពោះការស្នាក់នៅហួសទិដ្ឋាការ ប៉ុន្តែផ្ទុយទៅវិញលោក សេរី ត្រូវបានគេបញ្ជូនត្រឡប់ទៅប្រទេស ដាណឺម៉ាក ទីដែលលោកទទួលបានសិទ្ធិជ្រកកោនផ្នែកនយោបាយ៕
ប្រវត្តិផែនការសម្ងាត់របស់មេភេរវករ សម សេរី និងបក្ខពួកដែលមានបំណងផ្តួលរំលំរាជរដ្ឋាភិបាលស្របច្បាប់ នៃព្រះរាជាណាចក្រកម្ពុជាWed, 11 April 2018 10:34 PM ដោយ ៖ មេត្តាភ្នំពេញ៖ សមត្ថកិច្ចជំនាញជាន់ខ្ពស់របស់កម្ពុជា បង្ហាញពីប្រវត្តិផែនការសម្ងាត់ជាច្រើន របស់មេភេរវករ សម សេរី និងបក្ខពួក ដែលមានបំណងផ្តួលរំលំរាជរដ្ឋាភិបាលស្របច្បាប់នៃព្រះរាជាណាចក្រកម្ពុជានិងបង្កើតរដ្ឋាភិបាលនិរទេសបំផ្លាញសន្តិភាពរបស់កម្ពុជា។
ថ្លែងចេញពីវេទិកាប្រគល់សញ្ញាបត្រដល់និស្សិតសាកលវិទ្យាល័យជាតិគ្រប់គ្រងជាង ៣ពាន់នាក់នៅមជ្ឈមណ្ឌលកោះពេជ្រ កាលពីព្រឹកថ្ងៃទី១០ ខែមេសា ឆ្នាំ២០៨ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទម្លាយថា ក្រុមជនធ្វើសកម្មភាពប្រឆាំងរាជរដ្ឋាភិបាលកម្ពុជា ដឹកនាំដោយបុគ្គលឈ្មោះ "សម សេរី"ដែលមានមូលដ្ឋាននៅប្រទេសដាណឺម៉ាក បានរៀបចំផែនការបំផ្លាញការសប្បាយរបស់ប្រជាពលរដ្ឋខ្មែរ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនេះ។
បញ្ហាទាំងអស់នេះត្រូវបានសម្តេចតេជោ ហ៊ុន សែន ដឹងរួចរាល់ហើយ ព្រមទាំងបានរៀបចំវិធានការរក្សាសន្តិសុខតឹងរឹងបំផុតមិនឲ្យបំណងទុច្ចរិតរបស់ក្រុមជន ដែលសម្តេចហៅថាជនក្បត់ជាតិនេះធ្វើបានសម្រេចនោះឡើយ។
១៖ សកម្មភាពរបស់មេភេរវករឈ្មោះ សម សេរី (ហៅ អាយៀប, ហៅ សុខ ស៊ុយ ហៅ សំភិន ហៅ ស ធម្មរង្ស៊ី ហៅ សាភិន ហៅ ស មនីរ័ត្ន)
អំឡុងឆ្នាំ២០០៥ ដល់ ឆ្នាំ២០០៩ សម សេរី បានចូលរួមក្នុងសកម្មភាពជាមួយរណសិរ្សរួបរួមជាតិខ្មែរ ឬចលនាខ្លារំដោះ (ចលនាឧទ្ទាមកម្ម និងភេរវកម្ម) ដឹកនាំដោយ សោម ឯក។
ថ្ងៃទី០៧ ខែមករា ឆ្នាំ២០០៩ សោម ឯក និងបក្ខពួកមួយចំនួន ត្រូវបានចាប់ខ្លួនពាក់ព័ន្ធការដាក់គ្រឿងផ្ទុះនៅស្តូបមិត្តភាពកម្ពុជា-វៀតណាម កាលពីថ្ងៃទី២៧ ខែកក្កដា ឆ្នាំ២០០៧ និងការដាក់បង្កៃគ្រឿងផ្ទុះនៅសួនច្បារមុខក្រសួងការពារជាតិ និងអតីតស្ថានីយ៍ទូរទស្សន៍ប៉ុស្តិ៍លេខ៣ កាលពីថ្ងៃទី០២ ខែមករា ឆ្នាំ២០០៩។
សម សេរី និងបក្ខពួកមួយចំនួនជាមុខសញ្ញារត់គេចខ្លួនពីការតាមចាប់ខ្លួនរបស់សមត្ថកិច្ចក្នុងករណីខាងលើ និងបន្តសកម្មភាពប្រឆាំងរាជរដ្ឋាភិបាលកម្ពុជា ដោយយកប្រទេសថៃធ្វើជាមូលដ្ឋានដឹកនាំបញ្ជា។
ថ្ងៃទី១២ ខែធ្នូ ឆ្នាំ២០១២ សម សេរី បានប្រកាសបង្កើតជាផ្លូវការនូវរណសិរ្សរំដោះជាតិខ្មែរ ដែលមានរចនាសម្ព័ន្ធចាត់តាំង។
២៖រណសិរ្សរំដោះជាតិខ្មែរបានធ្វើសកម្មភាពកន្លងមក រួមមាន៖កសាងបណ្តាញកម្លាំងនៅក្នុងប្រទេសកម្ពុជា ចំនួន៤៦២នាក់ ធ្វើសកម្មភាពទិញអាវុធនៅខេត្តកំពង់ធំ ធ្វើសកម្មភាពប្រឆាំងរាជរដ្ឋាភិបាលកម្ពុជា (ត្រូវបានសមត្ថកិច្ចបង្ក្រាបចាប់ខ្លួនបាន០៣នាក់កាលពីថ្ងៃទី៣១ ខែមីនា និងថ្ងៃទី០១ ខែមេសា ឆ្នាំ២០១១)។
បាចខិត្តប័ណ្ណប្រឆាំងរាជរដ្ឋាភិបាលកម្ពុជា តាមបណ្តាខេត្ត-រាជធានី។
ឃោសនាប្រឆាំងនឹងរាជរដ្ឋាភិបាលកម្ពុជា ជាសេចក្តីថ្លែងការណ៍តាមគេហទំព័រ www.knlf.org។
នៅថ្ងៃទី២៣ ខែតុលា ឆ្នាំ២០១៦ សម សេរី ប្រកាសបង្កើតរដ្ឋាភិបាលជាតិខ្មែរនិរទេស ដែលមានមូលដ្ឋាននៅប្រទេសដាណឺម៉ាក់ ហើយមានសមាជិក រដ្ឋាភិបាលស្រមោល ឬរដ្ឋាភិបាលជាតិខ្មែរនិរទេសចំនួន ៥៦នាក់។
៣៖ សម សេរី បានធ្វើសកម្មភាពទំនាក់ទំនងជាសម្ងាត់ជាមួយចលនាផ្សេងទៀតដូចជា៖
ថ្ងៃទី០៩ ខែឧសភា ឆ្នាំ២០១៤ សម សេរី បានប្រជុំជាមួយសមាជិកសំខាន់ៗចំនួន០៧នាក់ នៃរណសិរ្សរំដោះជាតិខ្មែរ នៅប្រទសថៃ ដោយលើកអំពីផែនការ រៀបចំកម្លាំងបង្កប់នៅកម្ពុជាដើម្បីបំផ្លាញការបោះឆ្នោត។ ទន្ទឹមនេះ សម សេរី ក៏បានបង្ហាញពីការយកចិត្តទុកដាក់របស់ សម រង្ស៊ី មកលើរណសិរ្សរំដោះជាតិខ្មែរ និងការពិចារណាអំពីការសហការជាមួយ សួន សេរីរដ្ឋា ប្រធានចលនាអំណាចពលរដ្ឋខ្មែរ។
ថ្ងៃទី៣០ ខែកក្កដា ឆ្នាំ២០១៤ ក្រុមរណសិរ្សរំដោះជាតិខ្មែរ ក្រុមសហព័ន្ធខ្មែរកម្ពុជាក្រោម និងក្រុមចលនាអំណាចពលរដ្ឋខ្មែរ បានប្រជុំនៅក្នុងប្រទេសថៃ ដើម្បីដាក់ផែនការសហការគ្នាធ្វើបាតុកម្មទ្រង់ទ្រាយធំប្រឆាំងស្ថានទូតវៀតណាមប្រចាំកម្ពុជា។
ថ្ងៃទី១០ ខែតុលា ឆ្នាំ២០១៤ បណ្តាញមេដឹកនាំចលនាក្រៅច្បាប់នៅក្រៅប្រទេស ចំនួន១០នាក់ បានប្រជុំគ្នាសម្រេចរំសាយនូវចលនារណសិរ្សរំដោះទឹកដី កម្ពុជាក្រោម ដឹកនាំដោយ តាំង ម៉េងគូ, ចលនាអតីតយុទ្ធជនតស៊ូដើម្បីសេរីភាព(ចលនា ទាហានម៉ៃហ្វក) ដឹកនាំដោយ ថាច់ នីកូ និងរណសិរ្សរំដោះ ជាតិខ្មែរ ដឹកនាំដោយ សម សេរី ហើយបង្កើតជាចលនាតែមួយ គឺ “រណសិរ្សខ្មែរកម្ពុជាក្រោម” ក្រោមការ ដឹកនាំដោយ ១-តាំង ម៉េងគូ ប្រធានក្រុមប្រឹក្សាភិបាល, ២-ថាច់ នីកូ អធិបតី, ៣-សឺន ង៉ុកហ្វាង ប្រធានរដ្ឋ, ៤-សម សេរី នាយករណសិរ្ស។ (សមត្ថកិច្ចជំនាញកំពុងតាមដានសកម្មភាពជាក់ស្តែងរបស់រណសិរ្សថ្មីនេះ)
ថ្ងៃទី២២ ខែមីនា ឆ្នាំ២០១៥ សម សេរី បានជួបជាសម្ងាត់ជាមួយ សម រង្ស៊ី នៅប្រទេសបារាំង។ ក្នុងជំនួប សម រង្ស៊ី បានប្រាប់ សម សេរី ឲ្យរក្សាទំនាក់ទំនងជា សម្ងាត់រវាងគណបក្សសង្គ្រោះជាតិ និងចលនារណសិរ្សរំដោះជាតិខ្មែរ។ ទន្ទឹមនេះ សម រង្ស៊ី ក៏បានជំរុញឲ្យ សម សេរី កសាងកម្លាំងចូលក្នុងកងកម្លាំងប្រដាប់អាវុធ។ សម រង្ស៊ី បានដាក់ផែនការបញ្ជូន ឈុន សារិទ្ធ ហៅ អ៊ូ គឹមហ៊ត ហៅចក់ (មុខសញ្ញាក្នុងចលនាខ្លារំដោះ និងរណសិរ្សរំដោះជាតិខ្មែរ) រស់នៅអាមេរិក ហើយក្លែងឈ្មោះចូលកម្ពុជា ដើម្បីធ្វើសកម្មភាពធំៗមួយចំនួននៅកម្ពុជាពេលខាងមុខ។
ថ្ងៃទី១២ ខែកុម្ភៈ ឆ្នាំ២០១៨ សម សេរី ជួបជាមួយ សម រង្ស៊ី នៅប្រទេសស្វីស ដោយក្នុងនោះ សម រង្ស៊ី ស្នើឲ្យ សម សេរី រៀបចំកម្លាំងទ័ព ដើម្បីយកឈ្នះលើ គណបក្សប្រជាជនកម្ពុជាដោយមានប្រទេសចំនួន២ គាំទ្រពីក្រោយ ព្រមទាំងផ្ដល់បច្ចេកទេសហ្វឹកហ្វឺន និងហិរញ្ញវត្ថុ។សម រង្ស៊ី ចង់បានកម្លាំងពីរប្រភេទ៖ * កម្លាំងយុវជនដែលហ្វឹកហ្វឺននៅណ័រវេសជាង ៣០០នាក់ បញ្ជូនមកកាន់កម្ពុជា ដើម្បីបង្កចលាចលតាមមូលដ្ឋានក្នុងពេលបោះឆ្នោត។
កម្លាំងយុវជន និងសកម្មជននៅក្រៅប្រទេស និងក្នុងប្រទេស ទាក់ទងជាសម្ងាត់ជាមួយសមាជិកអតីតបក្សសង្គ្រោះជាតិ ក្នុងការរៀបចំគម្រោងប្រឆាំង នាពេលខាងមុខ។
៤៖ សកម្មភាពទំនាក់ទំនងជាមួយបរទេស
ថ្ងៃទី២២ ខែសីហា ឆ្នាំ២០១២ វេលាម៉ោង ៩៖៤៥នាទី ដល់ម៉ោង១០៖០៦នាទីព្រឹក សម សេរី បានដឹកនាំក្រុមរណសិរ្សរំដោះជាតិខ្មែរ ០៥រូបទៀត ជួបជាមួយលោក Mikael HemnitiWinther ឯកអគ្គរាជទូតដាណឺម៉ាក ប្រចាំក្រុងបាងកក ប្រទេសថៃ។ នៅក្នុងការជួបគ្នានេះបានពិភាក្សា និងការប្ដេជ្ញាចិត្តរបស់ដាណឺម៉ាក់ ក្នុងការទទួលស្គាល់ សម សេរី ជាមេដឹកនាំខ្មែរពេលអនាគត។
ថ្ងៃទី២៤ ខែសីហា ឆ្នាំ២០១២ វេលាម៉ោង២រសៀល សម សេរី បានទៅជួបជាមួយលោក Bradley Cox ភ្នាក់ងារ CIA របស់អាមេរិក ប្រចាំទីក្រុងបាងកក ប្រទេសថៃ ដើម្បីស្នើសុំឲ្យលោក Bradley Cox ជួយរិះរកវិធីក្នុងការបង្កើតរដ្ឋាភិបាលនីរទេស។
សូមទស្សនារូបភាពនៃសកម្មភាពរៀបចំផែនការរបស់ក្រុម សម សេរី និងបក្សពួក ព្រមទាំងរចនាសម្ព័ន្ធនៅខាងក្រោម៖
សូមជំរាបថា ក្រៅពីបង្ហាញពីផែនការនេះ កាលពីយប់ថ្ងៃទី១០ ខែមេសា ឆ្នាំ២០១៨ សមត្ថកិច្ចជំនាញជាន់ខ្ពស់របស់កម្ពុជា សូមបង្ហាញនូវខ្សែអាត់សម្លេងសំងាត់បណ្តាញរបស់មេភេរវករ សម សេរី (ហៅ យាន យៀប) ដែលនិយាយគ្នាអំពីផែនការអាក្រក់ចង់ដាក់បង្កៃគ្រាប់បែក នៅរមណីយដ្ឋានវត្តភ្នំ រាជធានីភ្នំពេញ និងនៅខេត្តសៀមរាប នាឱកាសពេលចូលឆ្នាំខាងមុខនេះ គោលបំណងដើម្បីបំផ្លាញស្ថេរភាពនៅកម្ពុជា។
ពាក់ព័ន្ធខ្សែអាត់សម្លេងនេះ សមត្ថកិច្ចជំនាញជាន់ខ្ពស់របស់កម្ពុជា បានថ្លែងប្រាប់ ថា យោងតាមច្បាប់របស់អង្គភាពប្រឆាំងអំពើពុករលួយ និងច្បាប់ប្រឆាំងភេរវកម្ម សមត្ថកិច្ចមានសិទ្ធិគ្រប់គ្រាន់ក្នុងការស្តាប់កិច្ចសន្ទនារបស់ក្រុមដែលមានបំណងចង់បង្កភេរវកម្ម។
ពិសេសជាងនោះទៅទៀត លោក សម សេរី ប្រធានចលនារណសិរ្យរំដោះជាតិខ្មែរ ដែលមានឈ្មោះជាទណ្ឌិតបានអះអាងថា ពេលនេះអតីតគណបក្សសង្គ្រោះជាតិ បានចូលរួមជាមួយនឹងចលនារបស់លោករួចហើយ។ លោក សម សេរី ដែលកំពុងត្រូវសមត្ថកិច្ចស្វែងរកចាប់ខ្លួន បានទម្លាយរឿងនេះប្រាប់វិទ្យុអាស៊ីសេរី នៅយប់ថ្ងៃទី១០ ខែមេសា ឆ្នាំ២០១៨។
លោក សម សេរី បានបញ្ជាក់យ៉ាងដូច្នេះថា៖ «ខ្ញុំគិតថា បើសិនជាលោក ហ៊ុន សែន គាត់ចង់ចាប់សមាជិករណៈសិរ្យហ្នឹង គាត់ត្រូវចាប់ពលរដ្ឋទូទាំងប្រទេស ចាប់អ្នកប្រជាធិបតេយ្យ ទូទាំងប្រទេស ព្រោះឥឡូវគណបក្សសង្គ្រោះជាតិ ក៏ចូលរួមជាមួយរណសិរ្យរំដោះជាតិខ្មែរដែរ អញ្ចឹងគាត់មិនអាចចាប់សមាជិករណសិរ្យរំដោះជាតិខ្មែរទាំងអស់បានទេ»៕
រណសិរ្សរំដោះជាតិខ្មែររបស់ សម សេរី នឹងស្នើបង្កើតគណបក្សមួយដែលមានឈ្មោះថា "គណបក្សរំដោះជាតិខ្មែរ"
ចែករំលែកដោយ 28-Nov-2018 17:51
ភ្នំពេញ ៖ ចលនារណសិរ្សរំដោះជាតិខ្មែររបស់លោក សម សេរី ដែលធ្លាប់បានធ្វើសកម្មភាពបាចខិតប័ណ្ណជាញឹកញាប់នៅតាមបណ្តារាជធានី ខេត្ត ជាច្រើនទូទាំងប្រទេសកម្ពុជា អំពាវនាវឲ្យពលរដ្ឋខ្មែរក្រោកឡើងប្រឆាំងរដ្ឋាភិបាលនោះ គ្រោងននឹងស្នើបង្កើតគណបក្សមួយដែលមានឈ្មោះថា "គណបក្សរំដោះជាតិខ្មែរ" ដោយចាត់តាំងសកម្មជនមួយរូប ដែលទើបចេញពីពន្ធនាគារ ដើម្បីធ្វើការសម្របសម្រួលចុះបញ្ជីគណបក្សនៅប្រទេសកម្ពុជា។
លោក ធុយ វី ដែលទទួលបានការតែងតាំងជាអ្នកនាំពាក្យគណបក្សរំដោះជាតិខ្មែរបានថ្លែងប្រាប់កម្ពុជាថ្មីកាលពីរសៀលថ្ងៃទី២៨ ខែវិច្ឆិកា ថា តាមគំរោងលោកនឹងដាក់ពាក្យស្នើសុំបង្កើតទៅក្រសួងមហាផ្ទៃនៅក្នុងសប្តាហ៍នេះ ប្រសិនបើមិនមានផលលំបាកអ្វីទេនោះ គ្រាន់តែមិនទាន់កំណត់ពេលវេលាច្បាស់ ហើយពេលនេះលោកបានរៀបចំលក្ខន្តិកៈខ្លះៗ ត្រៀមរួចហើយ។
លោកបញ្ជាក់ថា មូលហេតុដែលចង់បង្កើត "គណបក្សរំដោះជាតិខ្មែរ" នេះ ទី១, ចង់ស្រាយវិបត្តិនយោបាយនៅប្រទេសកម្ពុជានាពេលបច្ចុប្បន្ន ទី២, វិបត្តិពេលនេះអាចធ្វើឲ្យគ្រោះថ្នាក់ដល់ប្រយោជន៍ជាតិយ៉ាងធំ ដោយសារអន្តរដាក់ការគាបសង្កត់ ហើយយើងមិនចង់ឲ្យមានបញ្ហានេះទេ យើងចង់ឲ្យប្រទេសជាតិយើងមានការរីកចម្រើនដូចបណ្តាប្រទេសលើពិភពលោក។
តាមលោក ធុយ វី គោលនយោបាយរបស់គណបក្សរំដោះជាតិខ្មែរ ដែលគ្រោងបង្កើតឡើងនេះ មាន៣ចំណុច គឺទី១, នៅថ្នាក់ជាតិ ទី២, នៅថ្នាក់អន្តរជាតិ និងទី៣, និយាយពីកិច្ចព្រមព្រៀងទីក្រុងប៉ារីស គឺចង់ឲ្យគណបក្សនេះ ដំណើការទៅតាមកិច្ចព្រមព្រៀងទីក្រុងប៉ារីស។
ចំណែករចនាសម្ព័ន្ធរបស់គណបក្ស លោក ធុយ វី អះអាងថា បានរៀបចំអស់ហើយ តែរង់ចាំការសម្រួលពីរដ្ឋាភិបាល ដើម្បីចុះបញ្ជីស្របច្បាប់នៅក្រសួងមហាផ្ទៃ។ ដោយឡែកទាក់ទងបញ្ហាឈ្មោះរបស់គណបក្ស លោក ធុយ វី បញ្ជាក់ថា ប្រសិនបើក្រសួងមហាផ្ទៃគិតពីកិច្ចព្រមព្រៀងទីក្រុងប៉ារីសនោះ ដូចជាមិនមានអ្វីចោទជាបញ្ហានោះទេ។
សូមបញ្ជាក់ថា ចលនារណសិរ្សរំដោះជាតិខ្មែរ ធ្លាប់បានធ្វើសកម្មភាពបាចខិតប័ណ្ណជាញឹកញាប់នៅតាមបណ្តារាជធានី ខេត្ត ជាច្រើនទូទាំងប្រទេស ដោយអំពាវនាវឲ្យពលរដ្ឋខ្មែរ ក្រោកឡើងប្រឆាំងរដ្ឋាភិបាល ដែលដឹកនាំដោយសម្តេច ហ៊ុន សែន ហើយក៏បានអំពាវនាវឲ្យប្រជាពលរដ្ឋ ព្រះសង្ឃ ប្រជាកសិករ សិស្ស និស្សិត ក្រោកឡើងប្រឆាំងរបបគ្រប់គ្រងរបស់សម្តេចតេជោ ហ៊ុន សែន និងរំដោះជាតិខ្មែរចេញពីការគ្រប់គ្រងមួយ ដែលគេអះអាងថា ជាការឈ្លានពានរបស់វៀតណាម ហើយពួកគេក៏ត្រូវបានសមត្ថកិច្ចចាប់ខ្លួនជាបន្តបន្ទាប់ផងដែរ។ ពួកគេធ្វើសកម្មភាពក្នុងអង្គការចាត់តាំងក្រៅច្បាប់មួយ ដែលមានឈ្មោះថា រណសិរ្សរំដោះជាតិខ្មែរ ដែលមានឈ្មោះ សម សេរី ហៅ ស សេរី ជាមេដឹកនាំ។
នាយឧត្តមសេនីយ៍ គៀត ច័ន្ទថារិទ្ធ អតីតអ្នកនាំពាក្យអគ្គស្នងការនគរបាលជាតិធ្លាប់បានបញ្ជាក់ថា រណសិរ្សរំដោះជាតិខ្មែរ គឺជាក្រុមអង្គការចាត់តាំងក្រៅច្បាប់មួយដែលប្រកាសខ្លួនឯងដោយខុសច្បាប់ ហើយមានទិសដៅផ្តួលរំលំរាជរដ្ឋាភិបាលស្របច្បាប់នៅកម្ពុជា។ បេសកកម្មរបស់គេ គឺរំដោះជាតិ សាសនា ប្រជារាស្ត្រខ្មែរ ឲ្យមានឯករាជ្យ សន្តិភាព សេរីភាព ប្រជាធិបតេយ្យ ពិតប្រាកដពីអាណានិគមនិយមយួនឈ្លានពាន និងគណបក្សប្រជាជនកម្ពុជា និងស្វែងរកយុត្តិធម៌ជូនប្រជាពលរដ្ឋ។ ចំណុចមួយទៀត គឺបញ្ជាក់ថា រណសិរ្សរំដោះជាតិខ្មែរ មិនទទួលស្គាល់រាជរដ្ឋាភិបាលកម្ពុជាបច្ចុប្បន្ន។ ដូច្នេះតាមគោលដៅរបស់គេ គឺខុសច្បាប់ទាំងស្រុង។
នាយឧត្តមសេនីយ៍ គៀត ច័ន្ទថារិទ្ធ បញ្ជាក់ទៀតថា សកម្មភាពរបស់រណសិរ្សរំដោះជាតិខ្មែរកន្លងមកនេះ គឺមានការបង្កើតកម្លាំងប្រដាប់អាវុធខុសច្បាប់ ជាក់ស្តែងនៅពេល ដែលអាជ្ញាធរថៃ បានចាប់ក្រុមនេះមួយចំនួន ដែលស្នាក់នៅថៃខុសច្បាប់បញ្ជូនមកកម្ពុជា ហើយពួកគេបានឆ្លើយសារភាពថា គាត់បានជ្រើសរើសកម្លាំង និងហ្វឹកហាត់កម្លាំងនៅតំបន់ព្រំដែនកម្ពុជា-ថៃ ដោយធ្វើសកម្មភាពអូសទាញពលករខ្មែរ ព្រះសង្ឃ និងនិស្សិតខ្មែរ ដែលទៅរៀនសូត្រនៅថៃ ឲ្យចូលរួមធ្វើសកម្មភាពគាំទ្រខ្លួន ដើម្បីផ្តួលរំលំរដ្ឋាភិបាល៕
សម សេរី ប្រធានចលនារណសិរ្សរំដោះជាតិខ្មែរត្រូវបានសមត្ថកិច្ចថៃចាប់ឃាត់ខ្លួន
ភ្នំពេញ ៖ នៅវេលាម៉ោងប្រមាណ១០ ព្រឹកថ្ងៃពុធ ១១កើត ខែពិសាខ ឆ្នាំច សំរឹទ្ធិ ស័ក ព.ស.២៥៦២ ត្រូវនឹងថ្ងៃទី២៥ ខែ មេសា ឆ្នាំ២០១៨ សមត្ថកិច្ចថៃបានឃាត់ខ្លួនបុរសឈ្មោះ សម សេរី ប្រធានចលនា រណសិរ្សរំដោះជាតិខ្មែរដែលមានវត្តមាននៅក្នុងទឹកដីថៃ។ នេះបើយោងតាមមន្រ្តីជាន់ខ្ពស់នគរបាលកម្ពុជាបង្ហើបឲ្យដឹង ។
មន្រ្តីជាន់ខ្ពស់នគរបាលកម្ពុជាបាន បញ្ជាក់ថា រដ្ឋាភិបាលកម្ពុជាកំពុងទាក់ទងទៅកាន់អាជ្ញាធរថៃដើម្បីនាំខ្លួនបុគ្គល សម សេរី មកកាន់រាជធានីភ្នំពេញ ។
នគរបាលកម្ពុជាតាមរយៈក្រសួងមហាផ្ទៃបានទាក់ទងទៅអាជ្ញាធរសមត្ថកិច្ចថៃរួចហើយដើម្បីនាំខ្លួនលោក សម សេរី មេដឹកនាំចលនារណសិរ្សរំដោះជាតិខ្មែរ និងបក្ខ ពួកមកកម្ពុជា។ លោក សម សេរី ដែល តុលាការកម្ពុជាចេញដីកាស្វែងរកចាប់ខ្លួន ត្រូវបានសមត្ថកិច្ចថៃចាប់ខ្លួនកាលពីយប់ថ្ងៃទី២៥ ខែមេសា ឆ្នាំ២០១៨ ។
នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃបានមានប្រសាសន៍ថា យើងបានទាក់ទងភាគីថៃរួចហើយដើម្បី នាំខ្លួនលោក សម សេរី និងបក្ខពួកមក កម្ពុជា។ ពេលវេលាប៉ុន្មានថ្ងៃដើម្បីនាំខ្លួនជនទាំងនេះពីថៃមកកម្ពុជាគឺអាស្រ័យលើភាគីថៃ។ តែយ៉ាងណាពួកនេះត្រូវជាប់គុកនៅថៃសិន ។
នាយឧត្តមសេនីយ៍ ខៀវ សុភ័គ បានបន្ត ថា លោក សម សេរី និងសមាជិកចលនា រណសិរ្សរំដោះជាតិខ្មែរចំនួន៥នាក់ត្រូវ បានតុលាការកម្ពុជាកាត់ទោសកំបាំងមុខកន្លងទៅ ហើយក៏មានដីកាតាមស្វែងរក ចាប់ខ្លួនផងដែរ ។
ក្រុមរណសិរ្សរំដោះជាតិដែលជាមុខ សញ្ញាតាមរកចាប់ខ្លួនរួមមាន ទី១-ឈ្មោះ ថាច់ បាន, ទី២-ឈ្មោះ អាន វិចិត្រ, ទី៣-ឈ្មោះ ផុន ប្រាក់ផាប, ទី៤-ឈ្មោះ វន វុធ។ អ្នកទាំង៤កំពុងរស់នៅប្រទេសថៃ, ទី៥-ឈ្មោះ សោម សុវណ្ណារ៉ា រស់នៅកាណាដា និង៦-ឈ្មោះ សម សេរី ប្រធានរណសិរ្ស រំដោះជាតិ ។
លោក សម សេរី ជាប្រធានចលនា រណសិរ្សរំដោះជាតិដែលមានមូលដ្ឋាននៅប្រទេសដាណឺម៉ាក។ លោកសម សេរី ក៏បានបង្កើតរដ្ឋាភិបាលស្រមោលនៅក្រៅប្រទេសផងដែរ ។
ឈ្មោះ សម សេរី ជាបក្ខពួកជាមួយនឹងចលនាក្បាលខ្លារបស់លោក សម ឯក ដែល ត្រូវបានតុលាការផ្តន្ទាទោសក្នុងរឿងបង្កើតកងកម្លាំងប្រដាប់អាវុធ ហើយមានបំណងផ្តួលរំលំរាជរដ្ឋាភិបាល។ ក្រុមនេះត្រូវបាន ចាប់ខ្លួន ហើយតុលាការផ្តន្ទាទោសដាក់ ពន្ធនាគារកាលពីប៉ុន្មានឆ្នាំមុន ។
តាមរយៈការផ្សាយរបស់វិទ្យុអាស៊ីសេរីនៅថ្ងៃទី២៥ ខែមេសា ឆ្នាំ២០១៨បានឲ្យ ដឹងថា «លោក សម សេរី បានផ្ញើសារអុីម៉េល មកកាន់អាស៊ីសេរីមុនការចាប់ខ្លួនថា សមត្ថ កិច្ចថៃបានឃាត់ខ្លួនលោកនៅពេលលោកកំពុងបន្តទិដ្ឋាការស្នាក់នៅក្នុងប្រទេសថៃ។ មនុស្សជំនិតរបស់លោក សម សេរី ម្នាក់សុំមិនបញ្ចេញឈ្មោះដោយបារម្ភពីសុវត្ថិភាពបានប្រាប់អាស៊ីសេរីតាមទូរស័ព្ទថាលោក សម សេរី ត្រូវបានសមត្ថកិច្ចថៃ បញ្ជូនទៅឃុំខ្លួននៅមន្ទីរឃុំឃាំងមួយកន្លែងនៅក្នុងទីក្រុងបាងកកហើយ» ។
សូមជម្រាបថា កាលពីថ្ងៃទី១០ ខែ មេសា ឆ្នាំ២០៨ សម្តេចតេជោ ហ៊ុន សែន នាយករដ្ឋមន្ត្រីបានទម្លាយថា ក្រុមជនធ្វើសកម្មភាពប្រឆាំងរាជរដ្ឋាភិបាលកម្ពុជាដឹក នាំដោយបុគ្គលឈ្មោះ សម សេរី ដែលមាន មូលដ្ឋាននៅប្រទេសដាណឺម៉ាកបានរៀបចំផែនការបំផ្លាញការសប្បាយរបស់ប្រជាពលរដ្ឋខ្មែរក្នុងឱកាសបុណ្យចូលឆ្នាំថ្មី ប្រពៃណីជាតិ។ ប៉ុន្តែបញ្ហាទាំងអស់នេះត្រូវ បាសម្តេចតេជោដឹងរួចរាល់ហើយ ព្រមទាំងបានរៀបចំវិធានការរក្សាសន្តិសុខតឹងរឹុង បំផុតមិនឲ្យបំណងទុច្ចរិតរបស់ក្រុមជន ដែលសម្តេចហៅថាជនក្បត់ជាតិនេះធ្វើ បានសម្រេចនោះឡើយ ៕ ហេង សូរិយា
ប្រវត្តិសម សេរី សរសេរដោយ សម សេរីផ្ទាល់?
លោក សម សេរី មានដើមកំណើតនៅ ស្រុកជាំក្សាន្ត ខេត្តព្រះវិហារជាកូនអតីតអ្នកតស៊ូ ជាមួយយួនឈ្លានពាន នៅជំរំបក្សីចាំក្រុងតាមជាយ ដែនខ្មែរ ថៃក្នុងរណសិរ្សរំដោះប្រជាពលរដ្ឋខ្មែរដឹក នាំដោយលោក សឺន សាន។ ខ្សែស្រឡាយជីតារបស់ លោក សម សេរី ម្នាក់ជាទាហានក្នុងរបប លន់ លន់ ត្រូវបានវៀតកុងសម្លាប់ និងអ៊ុំប្រុសឈ្មោះ កែវ ឡាច ភរិយា និងកូន ត្រូវបានស្លាប់ក្នុងសមរភូមិ ពេលដែលទើបប្រយុទ្ឋជាមួយយួន ក្នុងអំឡុងទសវត្ស៨០។
ជីតាម្នាក់ឈ្មោះ ត្រោក ហ៊ៀង ត្រូវទាហាន ហ៊ុនសែន បាញ់ សម្លាប់នៅ លើផ្ទះ។ លោក សម សេរីបានបញ្ចប់ការសិក្សា ផ្នែកសេដ្ឋកិច្ចពីសាកលវិទ្យាល័យច្បាប់និងសេដ្ឋកិច្ច នៅប្រទេសខ្មែរក្នុងឆ្នាំ២០០២ និងបានបន្តថ្នាក់អនុបណ្ឌិត ផ្នែកពាណិជ្ជកម្ម នៅសាកលវិទ្យាល័យ វែនឡែន។ លោកបានបញ្ចប់ ការសិក្សាថ្នាក់ភាសានៅប្រទេស ដាណឺម៉ាក និងបន្តការសិក្សា នៅសកលវិទ្យាល័យ កូផែនហេកែនប៊ីស៊ិនីសស្គូល ថា្នក់នយោបាយអន្តរជាតិ និងពាណិជ្ជកម្មអន្តរជាតិ នៅប្រទេសដាណឺម៉ាក។
លោក សម សេរី បានដើរតួរនាទីយ៉ាងសកម្មក្នុងការ តស៊ូស្វែងរកសិទិ្ឋសេរីភាពសន្តិភាព និងលិទិ្ឋប្រជាធិបតេយ្យពិតប្រាកដជូន ជាតិ សាសនា និងប្រជាជាតិខ្មែរ រហូតដល់រដ្ឋាភិបាល ផ្តាច់ការអាយ៉ងយួនតាមប្រម៉ាញ់ ចាប់នៅក្នុងប្រទេសខ្មែរ។ ឆ្នាំ២០០៥ លោកបានភៀស ខ្លួនមកជ្រកកោណនៅប្រទេសថៃ នៅទីនោះលោកបានជួយបណ្តុះបណ្តាល ប្រជាពលរដ្ឋខ្មែរមាននិសិ្សត និងព្រះសង្ឃអោយយល់ដឹងពីភាពជាអ្នកដឹកនាំនិងប្រជាធិបតេយ្យ។ នៅប្រទេសថៃ លោកបានជួបជាមួយ លោក សោម ឯក ដែលជាអតីតអ្នកតស៊ូក្នុងជួររណសិរ្សរំដោះប្រជាពលរដ្ឋខ្មែរ លោក សោម ឯក ជាអ្នករងគ្រោះជាប់ក្នុងពន្ឋនាគារដោយសារតែ គាត់បានជូនលោក សម សេរី រត់គេចចេញពីប្រទេសខ្មែរ ពីការតាមចាប់ របស់បក្សពួក ហ៊ុន សែន និងយួន។
លោក សម សេរី ជាអ្នកបកប្រែអោយលោក ប្រែដលី ខក ក្នុងរឿង ឃាតករសម្បនិមិត្តនិងនរណាសម្លាប់ជាវិជ្ជា។ លោកជាអតីតសាស្ត្រាចារ្យ នៅសកលវិទ្យាល័យវែនឡែន និងជាអតីតនាយក វិទ្យាស្ថានអន្តរជាតិ ដើម្បីអភិវឌ្ឍន៌ធនធានមនុស្ស ដែលជាសាខារបស់សាក វិទ្យាល័យវែនឡែន។
លោកធ្លាប់បានធ្វើជាគ្រូបង្រៀន តាមសាលា ឯកជនមួយចំនួនដូចជា វិទ្យាស្ថានញូវយ៉ក វិទ្យាស្ថានញូវតុនធីឡាយ វិទ្យាស្ថានហេឡូ អេភីអាយអែស និង ជាអ្នកគ្រប់គ្រងនៅវិទ្យាស្ថានញូវយ៉ក។ លោកបានធ្វើសិក្ខាសាលា បណ្តុះបណ្តាលពីភាពជាមេដឹកនាំនយោបាយជាតិ និងអន្តរជាតិ និងលិទិ្ឋប្រជាធិបតេយ្យដល់និស្សិត ព្រះសង្ឃ និងប្រជាពលរដ្ឋខ្មែរ។
សម សេរី បានសរសេរសៀវភៅ ៣ក្បាល ដែលផ្សព្វផ្សាយជាសាធារណៈគឺសៀវភៅ ប្ញសគល់ ៧មករា និងសៀវភៅមេដឹកនាំជាតិខ្មែរ ភាគ១ និង ភាគ២ ដែលសៀវភៅទាំងអស់នោះ ត្រូវបានបិទនិងហាមឃាត់ រារាំងដោយរដ្ឋាភិបាលផ្តាច់ការ ហ៊ុន សែន និងយួនកុម្មុយនិស្តក្នុងនោះលោកក៏បានសរសេរជា ខិតប័ណ្ណ ផ្សព្វផ្សាយដល់កូនខ្មែរអោយយល់ ដឹងពីសង្គមនិងនយោបាយផងដែរ តែត្រូវរដ្ឋាភិបាល តាមចាប់និងប្រម៉ាញ់ដល់អ្នកដែលអានសៀវភៅ និងខិតប័ណ្ណនោះជាបន្តបន្ទាប់។ ពេលនេះលោក សម សេរី បានទទួលសិទ្ធិជ្រកកោណនយោបាយនៅប្រទេសដាណឺម៉ាក នៅឆ្នាំ២០១០ នៅទីនេះ លោកបានសរសេរសៀវភៅជាភាសាអង់គ្លេស មានចំណងជើងថា អាថ៌កំបាំងរបស់ខ្មែរ បានផ្សព្វផ្សាយទៅអន្តរជាតិ។
នៅប្រទេសដាណឺម៉ាក លោកនៅតែបន្តការតស៊ូដើម្បីស្វែង រកសិទិ្ឋសេរីភាពសន្តិភាពនិង ប្រជាធិបតេយ្យជូន ប្រជាពលរដ្ឋខ្មែរ រហូតលោកបានជួប ជាមួយសមាជិកសភា គឺ លោកម៉ែខិល អូស្រុបចនស៊ន នៅថ្ងៃទី១៩ខែមេសា ឆ្នាំ២០១២ និងជួបជាមួយលោកអគ្គរាជទូតប្រចាំប្រទេសថៃលោក ម៉ៃខិល ហែមនិធី វិនធ័រ នៅថ្ងៃទី២០ ខែសីហា ឆ្នាំ២០១២ហើយការខិតខំរបស់គាត់ រហូតបានសំរេចជោគជ័យក្នុងការបង្កើតជា រណសិរ្សរំដោះជាតិខ្មែរ ឡើងជាផ្លូវការនៅថ្ងៃទី១២ ខែធ្នូ ឆ្នាំ២០១២
Serey Sam
29 October at 20:33
ពេលវេលានៅច្រេីនណាស់សំរាប់លោក សម រង្សីនិងសកម្មជន គិតពិចារណា បេីសិនជាចង់ចូលស្រុកពិតប្រាកដ និងប្រកបដោយការឈ្លាសវៃ លោក សម រង្សីអាចមកជួបខ្ញុំនៅថ្ងៃទី៩វិច្ឆិកា២០១៩ជំនួសវិញនោះគាត់នៅមានជិវិតនយោបាយបន្តទៀតបាន ក្រៅពីហ្នឹងគឺត្រូវចប់ មានតែដេកក្នុងគុក និងឈប់ធ្វេីនយោបាយ៕
សូមបងប្អូនជួយសៀតៗ អោយដល់លោក សម រង្សីបានដឹងផង៕
សូមអរគុណ
សម សេរី
នាយករដ្ឋមន្រ្តីនៃ
រដ្ឋាភិបាលជាតិខ្មែរនិរទេស
មិនបាច់ខំទៅបញ្ចុះបញ្ចូលប្រទេសនៅអឺរ៉ុបទេរឿងEBA ព្រោះអន្តរជាតិគេធ្វេីការជាមួយរដ្ឋាភិបាលជាតិខ្មែរនិរទេស ដែលមានខ្ញុំ សម សេរីដឹកនាំហេីយ បេីមិនដោះស្រាយជាមួយរដ្ឋាភិបាលជាតិខ្មែរនិរទេសតាមកិច្ចព្រមព្រៀងសន្តិភាពទីក្រុងប៉ារីស ក៏វិបត្តិនយោបាយដោះស្រាយមិនចេញដែរ៕ ហេីយបងប្អូនប្រជាពលរដ្ឋខ្មែរដែលគាំទ្រប្រជាធិបតេយ្យ គ្រាន់តែនាំគ្នាមកគាំទ្ររដ្ឋាភិបាលជាតិខ្មែរនិរទេស ដែលមានមូលដ្ឋាននៅដាណឺម៉ាក គឺឈ្នះរបប ហ៊ុន សែនហេីយ មិនបាច់ខំទៅធ្វេីរឿងផ្សេងដូចជា រឿងមាតុភូមិនិវត្តន៌លោក សម រង្សី គឺគ្មានប្រយោជន៌អីទេ៕
ពីខ្ញុំ សម សេរី
តាមរយះសេចក្តីថ្លែងការណ៌របស់ក្រុងភ្នំពេញពិតជាបង្ហាញពីវត្តមានយោធាបរទេសនិងមូលដ្ឋានយោធាចិននៅក្នុងប្រទេសខ្មែរ៕
ហេតុដូច្នេះហេីយ ក្នុងនាមរដ្ឋាភិបាលជាតិខ្មែរនិរទេស ខ្ញុំសូមអំពាវនាវអោយកងកម្លាំងសន្តិសុខអន្តរជាតិចុះត្រួតពិនិត្យនៅក្នុងប្រទេសខ្មែរ ដេីម្បីដោះស្រាយនៅការមន្ទិលសង្ស័យនេះ៕ ក្នុងករណីដែលរបបក្រុងភ្នំពេញមិនអនុញ្ញាតិអោយកងកម្លាំងសន្តិសុខអន្តរជាតិចុះត្រួតពិនិត្យនោះ បញ្ជាក់ថារបបក្រុងភ្នំពេញឃុបឃិតលាក់មូលដ្ឋានយោធាចិននៅប្រទេសខ្មែរ៕ យេីងមានសិទ្ធិក្នុងការប្រេីគ្រប់មធ្យោបាយដេីម្បីរំដោះប្រទេសពីការឈ្លានពានពីខាងក្រៅ៕
ដោយការស្រឡាញ់រាប់អានពីខ្ញុំ
សម សេរី
នាយករដ្ឋមន្រ្តីនៃរដ្ឋាភិបាលជាតិខ្មែរនិរទេស
Serey Sam
28 June
ក្នុងនាមនាយករដ្ឋមន្រ្តីនៃរដ្ឋាភិបាលខ្មែរនិរទេសពិតជាមានកិត្តយសណាស់បានជួបជាមួយសភាសហរដ្ឋអាមរិកនៅទីក្រុងកូបិនហេកេនគឺលោក Teny Hoyer and លោក Tom Cole ៕ សមាជិកសភាដាណឺម៉ាកលោក Michael Austrup Jensen.
សម សេរី
នាយករដ្ឋមន្រ្តីនៃរដ្ឋាភិបាលខ្មែរនិរទេស
27 November 2018 | 08:38 ICT សម សេរី ស្នើឲ្យមានការលើកលែងទោស និងបើកផ្លូវឲ្យលោកបង្កើតបក្សនយោបាយ លោក សម សេរី (ស្តាំ) ដែលប្រកាសប្តូរជំហរចង់បង្កើតបក្សដើម្បីប្រកួតប្រជែង។
ភ្នំពេញៈ ប្រធានរណសិរ្សរំដោះជាតិខ្មែរ (KNLF) លោក សម សេរី ដែលបានបង្កើតរដ្ឋាភិបាលនិរទេសនៅក្រៅប្រទេស ហើយត្រូវបានចោទថាជាមេឧទ្ទាមប្រដាប់អាវុធប្រឆាំងនឹងរដ្ឋាភិបាលរបស់លោកនាយករដ្ឋមន្ត្រី ហ៊ុន សែន បានប្រកាសពីគម្រោងផ្អាកសកម្មភាពរណសិរ្សរបស់លោក និងវិលចូលស្រុកវិញ ប្រសិនបើរដ្ឋាភិបាលយល់ព្រមតាមលក្ខខណ្ឌមួយចំនួនដោយស្នើឲ្យមានការលើកលែងទោស និងបើកផ្លូវឲ្យលោកបង្កើតគណបក្សនយោបាយថ្មីមួយដើម្បីប្រកួតប្រជែងគ្នាតាមបែបប្រជាធិបតេយ្យ។
ក្នុងបទសម្ភាសជាមួយភ្នំពេញប៉ុស្តិ៍កាលពីថ្ងៃអាទិត្យលោក សម សេរី ប្រធានរណសិរ្សរំដោះជាតិខ្មែរអះអាងថា លោកមានបំណងបង្កើតគណបក្សនយោបាយស្របច្បាប់ដែលដើរតួជាគណបក្សប្រឆាំងស្របច្បាប់មួយនៅកម្ពុជា ដើម្បីចូលរួមប្រកួតប្រជែងការបោះឆ្នោតតាមបែបប្រជាធិបតេយ្យ។
លោកថា កន្លងមករណសិរ្សរបស់លោកបានទទួលរងការធ្វើទុក្ខបុកម្នេញគ្រប់រូបភាព ការចោទប្រកាន់គ្មានមូលដ្ឋាន ហើយសមាជិកនៃរណសិរ្សរបស់លោកត្រូវគេចោទប្រកាន់ និងចាប់ដាក់ពន្ធនាគារជាបន្តបន្ទាប់។
លោកថ្លែងថា៖ «គោលបំណងនៃការបង្កើតគណបក្សនេះគឺដើម្បីឲ្យពួកយើងខ្ញុំមានសិទិ្ធធ្វើនយោបាយបានជាគណបក្សប្រឆាំងដើម្បីរួមកម្លាំងខ្មែរទាំងអស់ដែលគាំទ្រលទិ្ធប្រជាធិបតេយ្យចូលរួមប្រកួតប្រជែងក្នុងការបោះឆ្នោតមួយដោយសេរី និងយុត្តិធម៌នាពេលខាងមុខ»។
លោកបានដាក់ឈ្មោះគណបក្សថ្មីរបស់លោកថា «គណបក្សរំដោះជាតិខ្មែរ» ឬជាភាសាអង់គ្លេស «Khmer National Liberation Party (KNLP)» ដែលស្រដៀងគ្នាទៅនឹងឈ្មោះរណសិរ្សរបស់លោកថែមទៀតផង។
លោកបញ្ជាក់ថា លោកបានត្រៀមខ្លួនចុះបញ្ជីផ្លូវការនៅកម្ពុជា ប្រសិនបើទទួលបានការអនុញ្ញាតពីក្រសួងមហាផ្ទៃ។
លោកបន្ថែមថា៖ «ក្រោយពីគណបក្សរបស់ខ្ញុំចុះបញ្ជីហើយនោះខ្ញុំនឹងបន្តទាមទារឲ្យបានបោះឆ្នោតមួយដោយសេរី និងយុត្តិធម៌ជាថ្មីគ្រប់ភាគីទាំងអស់អាចចូលរួមប្រកួតប្រជែងឲ្យបានឆាប់»។
ជាមួយនឹងការស្នើឲ្យមានលក្ខខណ្ឌដូចខាងលើជាថ្នូរនឹងការប្រកាសផ្អាកសកម្មភាពនៃរណសិរ្សរំដោះជាតិខ្មែរដែលមានមូលដ្ឋាននៅក្រៅប្រទេស ហើយវិលចូលស្រុកវិញ ដើម្បីធ្វើនយោបាយជំនួសវិញនោះលោក សម សេរី ក៏បានស្នើឲ្យលោកនាយករដ្ឋមន្ត្រី ហ៊ុន សែន ស្នើឲ្យមានព្រះរាជទានលើកលែងទោសដល់អតីតមេបក្សប្រឆាំងលោក កឹម សុខា ផងដែរ។
លោក សេរី បញ្ជាក់ថា៖ «លុះត្រាតែអ្នកទោសនយោបាយទាំងអស់រួមទាំងសមាជិករណសិរ្សរំដោះជាតិខ្មែរ លោក កឹម សុខា ត្រូវដោះលែងអនុញ្ញាតឲ្យសារព័ត៌មានឯករាជ្យផ្សេងៗដំណើរការវិញតាមប្រជាធិបតេយ្យសេរីពហុបក្សដូចក្នុងស្មារតីកិច្ចព្រមព្រៀងទីក្រុងប៉ារីសទើបខ្ញុំផ្អាកសកម្មភាពរបស់រណសិរ្ស។ ក្រោយពីគេលើកលែងទោស និងដោះលែងសមាជិករណសិរ្សរំដោះជាតិខ្មែរទាំងអស់ និងចុះបញ្ជីគណបក្សបានត្រឹមត្រូវនោះខ្ញុំនឹងត្រឡប់ទៅធ្វើនយោបាយនៅក្នុងស្រុកខ្មែរ»។
លោកព្រមានថា៖ «បើក្រសួងមហាផ្ទៃគេអនុញ្ញាតឲ្យខ្ញុំបង្កើតគណបក្សនយោបាយ និងអ្នកដោះលែងអ្នកទោសនយោបាយទាំងអស់នោះជាសញ្ញាវិជ្ជមានមួយឈានទៅរកភាពធូរស្រាលជម្លោះនយោបាយ និងអាចដោះស្រាយវិបត្តិនយោបាយនាពេលខាងមុខហើយដោះស្រាយជាមួយសម្ពាធអន្តរជាតិបាន។ បើបដិសេធនោះវិបត្តិនយោបាយកាន់តែធ្ងន់ធ្ងរអាចឈានដល់សង្គ្រាម»។
អ្នកវិភាគនយោបាយលោក មាស នី យល់ថាបើសិនជាលោក សម សេរី ទទួលបានការលើកលែងទោសហើយវិលចូលស្រុកវិញ នោះវាសនារបស់លោកក៏មិនខុសគ្នាប៉ុន្មានពីលោក សួន សេរីរដ្ឋា ស្ថាបនិកចលនាអំណាចពលរដ្ឋខ្មែរ និងជាអតីតប្រធានគណបក្សអំណាចខ្មែរដែលត្រូវបានទទួលការលើកលែងទោស និងក្រោយមកត្រូវបានចាប់ខ្លួនជាថ្មីលើបទចោទដែលគេជឿថាមានជាប់ពាក់ព័ន្ធនឹងរឿងនយោបាយនោះទេ។
លោកថ្លែងថា៖ «បើយើងមើលពីសិទ្ធិរបស់ពលរដ្ឋក្នុងការធ្វើនយោបាយ វាមិនខុសអ្វីទេ ប៉ុន្តែបទពិសោធដែលយើងឃើញកន្លងមកករណីរបស់ សម សេរី គឺស្រដៀងគ្នានឹងករណីរបស់លោក សួន សេរីរដ្ឋា ដែរ។ នៅពេលដែលគាត់ទទួលបានការលើកលែងទោស និងចូលមកក្នុងស្រុកវិញដោយបំពេញតួនាទីជាអ្នកនយោបាយគឺមិនសូវមានសេរីភាពពេញលេញទេ ហើយក៏ជាឈ្មោះដែលងាយរងការចោទប្រកាន់ផ្សេង»។
លោកបន្ថែមថា៖ «ចង់ ឬមិនចង់កាលណាធ្វើរាងខ្លាំងបន្តិចប្រឆាំងរដ្ឋាភិបាល អាចត្រូវគេយកទៅដាក់ក្នុងពន្ធនាគារ...ក៏អាចថាបាន»។
អ្នកនាំពាក្យក្រសួងមហាផ្ទៃលោក ខៀវ សុភ័គ មិនអាចទាក់ទងដើម្បីសុំការអត្ថាធិប្បាយបានទេ ប៉ុន្តែលោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជាមិនធ្វើអត្ថាធិប្បាយច្រើនចំពោះសំណើរបស់លោក សម សេរី ទេដោយលោកបញ្ជាក់ថាលោកនាយករដ្ឋមន្ត្រី ហ៊ុន សែន មិនមានសិទ្ធិអ្វីទៅលូកលាន់កិច្ចការតុលាការទេ។
លោកថ្លែងថា៖ «ខ្ញុំសូមជម្រាបជូនថា គ្មានច្បាប់ណាមួយអនុញ្ញាតឲ្យអ្នកធ្វើនយោបាយបង្កភេរវកម្មបង្កើតអសន្តិសុខដល់ប្រទេសអ៊ីចឹងទេ សូម្បីតែភាគីហត្ថលេខីនៃកិច្ចព្រមព្រៀងនៃជម្លោះប្រដាប់អាវុធខ្មែរក៏ទទួលរងការកាត់ទោសពីតុលាការដែរដូចជាខៀវ សំផន និង នួន ជា ដូច្នេះគ្មានអ្នកណាមួយនៅពីលើច្បាប់ទេ»។
លោក សម សេរី គឺជនដែលអាជ្ញាធរកម្ពុជាចង់ចាប់ខ្លួនបំផុតពាក់ព័ន្ធការចោទប្រកាន់ថាលោកគឺជាមេឧទ្ទាម និងមេភេរវករដែលបានរៀបចំគម្រោងប៉ុនប៉ងបង្កភេរវកម្មជាច្រើនកន្លែង និងសំណុំរឿងជួញដូរអាវុធដ៏កក្រើកកាលពីខែតុលាកន្លងទៅនេះ ប៉ុន្តែការចោទប្រកាន់ទាំងនោះត្រូវបានលោក សម សេរី ច្រានចោល។ សមាជិកនៃរណសិរ្សរបស់លោកជាច្រើនរូបត្រូវបានចាប់ខ្លួនជាបន្តបន្ទាប់ និងកំពុងជាប់ពន្ធនាគារនៅឡើយ។
កាលពីប៉ុន្មានខែមុនរដ្ឋាភិបាលបានធ្វើសំណើទៅអាជ្ញាធរថៃ ដើម្បីស្នើធ្វើបត្យាប័នបញ្ជូនលោក សម សេរី មកទទួលទោសនៅកម្ពុជា បន្ទាប់ពីលោកត្រូវបាននគរបាលថៃចាប់ខ្លួនចំពោះការស្នាក់នៅហួសទិដ្ឋាការ ប៉ុន្តែផ្ទុយទៅវិញលោក សេរី ត្រូវបានគេបញ្ជូនត្រឡប់ទៅប្រទេស ដាណឺម៉ាក ទីដែលលោកទទួលបានសិទ្ធិជ្រកកោនផ្នែកនយោបាយ៕
No comments:
Post a Comment