ពេល សោ ចាន់ដេត កំពុងដេកឈឺ គាត់នៅប្រឹងស្រែកជេរ បក្ស កឹមសុខា និង រាជរដ្ឋាភិបាលកម្ពុជា និងប្រកាសថា គាត់មិនមែន ស្រលាញ់សម រង្សី ឬ កឹម សុខា ទេ តែពេលនេះជាពេលយួនកំពុងឈ្លានពាន ដូច្នេះ ការបង្រួមបង្រួម សម រង្សី និងកឹមសុខា ឬ កឹមសុខា និង សម រង្សីគឺជាមនុស្សតែ ១ ឃ្លានេះ ខ្ញុំសន្ធិដ្ឋានថា សោ ចាន់ដេត ជាមនុស្សមកពី បក្សបាតុដៃទី៣ !! ជាបក្សដែលប្រមុខរដ្ឋាភិបាល ឬ អ្នកជំនាញផ្នែកសន្តិសុខជាតិ ចាប់អារម្មណ៍ខ្លាំងណាស់ ព្រោះជាបក្សក្បត់ជាតិផង ជាបក្សសំងាត់ផង--
១៣ ខែ មករា ឆ្នាំ២០២០៖ លោក សោ ចាន់ដេត អតីតសមាជិកព្រឹទ្ធសភា មកពីគណបក្ស សម រង្ស៉ី កំពុងធ្លាក់ខ្លួនឈឺធ្ងន់ និងកំពុងសម្រាកព្យាបាលជំងឺនៅមន្ទីរពេទ្យប្រទេសកាណាដា ទីដែលលោកកំពុងរស់នៅក្រោយពេលគណបក្សសង្គ្រោះត្រូវបានរំលាយ។
គ្រាដែលខ្លួនកំពុងធ្លាក់ខ្លួនឈឺធ្ងន់នេះ ពីលើគ្រែព្យាបាលជំងឺ លោក សោ ចាន់ដេត បានសម្តែងការខឹងសម្បាជាខ្លាំងចំពោះលោក កឹម សុខា និងបានហៅលោក កឹម សុខា ថា ជាមនុស្សមិនបានការ។
លោក សោ ចាន់ដេត ជាអ្នកនយោបាយមួយរូប ដែលមានភាពស្និទ្ធស្នាលនឹងលោក សម រង្ស៉ី។ លោក សោ ចាន់ដេត ក៏ជាបុគ្គលអ្នកនយោបាយមួយរូប ដែលតែងតែជេរប្រមាថធ្ងន់លើអាយុជីវិតរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ផងដែរ។
បច្ចុប្បន្ននេះលោក សោ ចាន់ដេត កំពុងធ្លាក់ខ្លួនឈឺជាទម្ងន់។ បើទោះបីជាយ៉ាងណា មិនទាន់មានការបញ្ជាក់ថា លោកមានជំងឺអ្វីនោះទេ។
១៣ ខែ មករា ឆ្នាំ២០២០៖ សោ ចាន់ដេត ឈឺធ្ងន់និយាយវង្វេងរង្វាន់អត់ដឹងខុសត្រូវ ចោទលាបពណ៌អ្នកនេះអ្នកនោះថាយួន ម៉ាត់ណាក៍ចោទគេថាយួន ចោទគេថាក្បត់ជាតិដែរ៚
Mani Hun 10 April 2019 · ខណៈដែលពិធីបុណ្យចូលឆ្នាំថ្មី ប្រពៃណីជាតិខ្មែរ ខិតជិតមកដល់ គ្រប់ក្រុមគ្រួសារខ្មែរបាន និងកំពុងត្រៀមខ្លួនដើម្បីជួបជុំ សប្បាយរីករាយ និងបានជូនពរគ្នាទៅវិញទៅមក។
(English below)
សម្រាប់ក្រុមគ្រួសារខ្ញុំ និងសម្រាប់ខ្ញុំជាកូនប្រុសម្នាក់នៅក្នុងគ្រួសារនេះ ខ្ញុំពិតជាមានការតក់ស្លុត និងមានការហួសចិត្តជាពន់ពេក ក្រោយពេលបានអានសារមួយ ដែលសរសេរ ដោយបុគ្គល សោ ចាន់ដេត (Sor Chandeth)។ ខ្ញុំពិតជានឹកស្មានមិនដល់ ថាពាក្យពេចន៍ និងទង្វើបែបអសីលធម៌នេះ អាចសម្តែងចេញបានទៅរួច។ ចំពោះខ្ញុំ ទង្វើនេះមិនមែនជាសេរីភាពនៃការបញ្ចេញមតិឡើយ។ បើទោះជាខ្ញុំមិនស្អប់ ប៉ុន្តែសម្រាប់គ្រួសារខ្ញុំ និងជាពិសេសដើម្បីលោកឳពុកខ្ញុំ និងសុវត្ថិភាពរបស់គាត់ ខ្ញុំពិតជាមិនអាចបំភ្លេចបាននូវពាក្យពេចន៌ និងទង្វើរដ៌ស្មោកគ្រោកបែបនេះបានឡើយ។
ពិតណាស់ បើទោះជាខ្ញុំដឹងច្បាស់ថា បុគ្គលដែលគ្មានសីលធម៌ មិនមានការអៀនខ្មាស់ និងគ្មានសេចក្តីថ្លៃថ្នូរបែបនេះនៅមាននៅឡើយ ខ្ញុំនៅតែជឿជាក់លើភាពចាស់ទុំរបស់ប្រជាពលរដ្ឋ និងសង្គមយើង ថាបើទោះជាយើងមានគំនិតផ្សេងគ្នា សង្គមយើងពិតជាមាននូវសុភនិច្ឆ័យត្រឹមត្រូវ ដោយត្រូវទុកភាពផ្សេងគ្នានៅដោយឡែក នៅពេលដែលយើងនិយាយពីប្រយោជន៍ និងអនាគតរបស់ជាតិ និងប្រជាជនយើង។
As the Khmer New Year is a few days away, every family is getting ready to come together in a festive mode to enjoy and to wish each other well.
As for my family and as a son, I was shocked and beyond dismay of this post by Mr Sor Chandeth. I cannot comprehend these words and actions. This is not freedom of expression.
Though I will not hate, but for my family and especially my father sakeand safety, I surely will not forget such an despicable act.
Last, knowing that there are those who are immoral, no shame, no integrity, yet I strongly believe in the majority of our people, that despite difference of opinions, we are mature enough as a society to have to put our differences when it comes to matters of National Interests, future of our Nation and People.
១៣ ខែ មីនា ឆ្នាំ២០១៩៖ ធ្លាយរឿង លោក សោ ចាន់ដេត អតីតសមាជិតព្រឹទ្ធសភាកម្ពុជា មណ្ឌលបន្ទាយមានជ័យ បច្ចុប្បន្នធ្វើជាចុងភៅក្នុងហាងមួយកន្លែង នៃប្រទេសកាណាដា បានផ្តាំផ្ញើ និង បន្សល់ទុកទ្រព្យសម្បត្តិជាច្រើនសន្ធឹកសន្ធាប់នៅក្នុងដៃ នាង រ៉ូហ្សិត អតីតប្រពន្ធលួចលាក់របស់លោក សោ ចានដេត។ នាង រ៉ូហ្សិត ត្រូវបាន សោ ចាន់ដេត មិនសប្បាយចិត្ត ដោយសារមានរឿងអាស្រូវជាមួយអនិកជនខ្មែរនៅអាមេរិក ឈ្មោះ ថាច់ សីហា លោក ថាច់ សីហា មានប្រពន្ធកូន២នាក់ លោក ថាច់ សីហា លង់ស្នេហ៍ជាមួយ រ៉ូហ្សិត ផ្តើមប្រើិហិង្សាជាមួយប្រពន្ធដើម វាយតប់ ប៉ោងមុខ ប៉ោងមាត់ ប្រពន្ធទ្រាំលែងបានក៏ផ្តិតមេដៃលែងលះគ្នាទៅ។
លោក ថាច់ សីហា យកនាង រ៉ូហ្សិត មួយរយះត្រូវបាននាង រ៉ូហ្សិត ធាក់ក្បាលចោល ដោយនាងឡើងចាងបានធ្វើចៅសង្កាត់អូរចារ។
ក្រោយពីបក្សសង្គ្រោះជាតិរលាយហិនហោច នាង រ៉ូហ្សិត ក៏ប្រកបមុខរបរចាស់វិញ គឺរបរលក់នំបញ្ចុក។
មួយរយះចុងក្រោយនេះ លោក សោ ចាន់ដេត ហាក់ដូចជាវិលវល់ក្នុងចិត្តចង់ត្រឡប់មករកម្ហូបឆ្នាំងចាស់វិញ ម្យ៉ាងទៀតទ្រព្យសម្បត្តិរបស់លោកបានបន្សល់ទុកក្នុងដៃរបស់នាង រ៉ូហ្សិត យ៉ាងច្រើនសន្ធឹកសន្ធាប់។
សូមជ្រាបជាព័ត៌មាន!៚
១៨ ឧសភា ២០១៩៖ កញ្ញា ពៅ ចាន់រ៉ូហ្សេត ដែលសកម្មជនអតីតបក្សសង្គ្រោះជាតិចាត់ទុកជាវិរៈនារីនោះ ត្រូវបានអ្នកលេងហ្វេសប៊ុក ទម្លាយឯកសារជាច្រើន និងបន្តបន្ទាប់ពីរឿងអាស្រូវរវាងនាង និង លោក សោ ចាន់ដេត ហើយដែលល្បីជាងគេគឺរវាងនាង និងលោក ថាច់ សីហា អាណិកជខ្មែរនៅបរទេស ដោយលោក ថាច់ សីហា បានបង្ហោះសារផ្សាតាមបណ្តាញសង្គម នូវភាពស្និតស្នាល ហាក់ប្រកាសប្រាប់មនុស្សទាំងឡាយឲ្យបានដឹងកាន់តែច្បាស់ពីទំនាក់ទំនងពួកគេ ដោយប្រើពាក្យប្រពន្ធពេញៗមាត់។
កាន់តែច្បាស់ជាងនេះទៅទៀត នៅថ្ងៃទី១៧ ខែឧសភានេះ ហ្វេសប៊ុក ឈ្មោះ Sok so phea បានទម្លាយឯកសារទំនាក់ទំនងគ្នាតាម Messenger រវាង រ៉ូហ្សេត និងលោក អេង រតនា កូនលោក អេង ឆៃអ៊ាង។ សារនោះរៀបរាប់ពីការប្រច័ណ្ឌ ដោយ អេង រតនា ប្រច័ណ្ឌនាងនិង ថាច់ សីហា ផង និងលេចមុខបុរសម្នាក់ទៀត ឈ្មោះ សម ប៊ុណ្ណា អាណិកជនខ្មែរនៅស្រុកបារាំង។
ហ្វេសប៊ុក ឈ្មោះ Sok so phea ដដែលនោះ បានសរសេទាំងស្រុងយ៉ាងដូចច្នេះ ៖
ក្រដាស់មិនអាចខ្ចប់ភ្លើង ដំរីងាប់ មិនអាចយកចង្អេរមកបាំង
នៅទីបំផុត រវាង៤នាក់ តើនរណាជាប្តីពិតប្រាកដរបស់វីរៈនារី រ៉ូហ្សេត?
1. សោ ចាន់ដេត (អតីតតំណាងរាស្រ្ត) អាយុរាងច្រើន តែមានឥទ្ធិពលក្នុងបក្ស ហើយទ្រព្យ សោ ចាន់ដេត បានប្រគល់ឱ្យ រ៉ូហ្សេត មើលថែ មុនរត់ចោលស្រុក។
2. អេង រតនៈ (កូនអេង ឆៃអ៊ាង) មិនសូវមានទ្រព្យតែនៅក្មេងហើយសង្ហា។
3. ថាច់ សីហា (ជាអាណិកជនរូបស្រស់មានទ្រព្យច្រើន) តែមានប្រពន្ធ មានកូនរួចហើយ។
4. សម ប៉ុនណា (អាណិកជនបារាំងមានទ្រព្យច្រើន) តែមិនសង្ហា អាយុច្រើន គ្មានឥទ្ធិពលក្នុងបក្ស។
១០ ខែឧសភា ឆ្នាំ២០១៩៖ ពុទ្ធោ!!! អ្នកលេងហ្វ៊េសប៊ុកនាំគ្នាហែកកេរ្តិ៍ លោក សោ ចាន់ដេត ខ្ទេចខ្ទីអស់ អតីតមន្ត្រីជាន់ខ្ពស់ និងជាអតីតសមាជិកព្រឹទ្ធសភាមកពីអតីតគណបក្សប្រឆាំង ដែលត្រូវបានរំលាយដោយច្បាប់ពាក់ព័ន្ធនឹងបទល្មើសក្បត់ជាតិ លោក សោ ចាន់ដេត ត្រូវបានអ្នកលេងបណ្តាញសង្គមហ្វ៊េសប៊ុកនាំគ្នាហែកកេរ្តិ៍ ខ្ទេចខ្ទីអស់ជុំវិញរឿងសាហាយស្មន់ជាមួយសកម្មជនរបស់ខ្លួន។
វាជារឿងគួរឱ្យអាម៉ាស់បំផុត គឺនៅថ្ងៃទី៩ ខែឧសភា ឆ្នាំ២០១៩ គឺលោក សោ ចាន់ដេត ត្រូវបានគេទម្លាយរឿងអាស្រូវ ស្មោគគ្រោក និងហួសពីការស្មាន។ ពាក់ព័ន្ធនឹងករណីនេះ គឺត្រូវបានគេដឹងថា ដោយសារតែលោក សោ ចាន់ដេត ព្យាយាមការពារនារីដែលគេហៅថាជាសាហាយស្មន់របស់ខ្លួន គឺនាង ស៊ិន ចាន់ពៅរ៉ូហ្សេត ដែលត្រូវបានតុលាការខេត្តបាត់ដំបងកោះហៅឱ្យចូលខ្លួនបំភ្លឺពាក់ព័ន្ធនឹងរឿងប្រឆាំងសាលដីការបស់តុលាការកំពូល។
ប្រហែលជាខឹងនឹងការលើកឡើងដដែលៗនិងផុសជាប្រចាំរបស់លោក សោ ចាន់ដេត ជុំវិញរឿងតុលាការខេត្តបាត់ដំបងកោះហៅកញ្ញា ស៊ិន ចាន់ពៅរ៉ូហ្សេត ទើបធ្វើឱ្យអ្នកលេងបណ្តាញសង្គមហ្វ៊េសប៊ុកទប់អារម្មណ៍មិនបាន ក៏នាំគ្នាទម្លាយរឿងអាស្រូវផ្លូវភេទដ៏អាម៉ាស់របស់ជនទាំងពីរ។ ខាងក្រោមនេះជាសារ Comments និងបញ្ចេញមតិយោបល់ជុំវិញរឿងអាស្រូវផ្លូវភេទរបស់លោក សោ ចាន់ដេត និងនាង ស៊ិន ចាន់ពៅរ៉ូហ្សេត៖
គណនីហ្វ៊េសប៊ុកឈ្មោះ Yim Hy បានចូលទៅComments ក្នុងហ្វ៊េសប៊ុកផ្លូវការរបស់លោក សោ ចាន់ដេត ថា “ តាមពិតលោក សោ ចាន់ដេត ខំប្រឹងតវ៉ារឿងនំបញ្ចុកយ៉ាងក្តៅគគុកបែបនេះគឺដោយសារតែវាចង់ការពារសាហាយរបស់វា រ៉ូហ្ស៊េត ទេ បើកុំតែរឿងពាក់ព័ន្ធនឹងនាងនឹង កុំអីវាគ្មានមកលូកមាត់ចូលជាមួយទេ ”។ គណនីហ្វ៊េសប៊ុកឈ្មោះ Suon Vanleng បានបញ្ចេញយោបល់ថា “ខំឈឺឆ្អាលខ្លាំងណាស់ ឱ្យតែរឿងពាក់ព័ន្ធនឹងរូហ្សេត ហេហេ បើរឿងអ្នកផ្សេងគ្មានលូកអីម៉ាម៉ាត់ ” ។ ជាមួយគ្នានេះ គណនីហ្វ៊េសប៊ុកឈ្មោះ សុខ រតនា បានលើកឡើងថា “ សោ ចាន់ដេត ខំប្រឹងឈឺឆ្អាលរឿងនេះ ក៏ដោយសារតែតុលាការកោះហៅស្រីកំណាន់របស់ខ្លួន គឺរ៉ូហ្ស៊េត ដែលជាស្នេហាលួចលាក់ជាច្រើនឆ្នាំ រហូតដល់បក្សប្រឆាំងត្រូវបានរំលាយ ហើយ សោ ចាន់ដេត ក៏រត់ចោលស្រុក។ រឿងនេះគេដឹងពេញមួយស្រុកខ្មែរ រ៉ូហ្ស៊េត គឺជាស្រីរបស់ សោ ចាន់ដេត ” ។ មិនត្រឹមតែប៉ុណ្ណេះ គណនីហ្វ៊េសប៊ុកដដែល បានបន្តថា “ សោ ចាន់ដេត សរសេរបង្ហោះថា នំបញ្ចុកពិសេស ប្រហែលជានឹកគ្រាដែលធ្លាប់លួចលាក់សាងស្នេហ៍ជាមួយ រ៉ូហ្ស៊េត និងចង់ប្រាប់ថា នំបញ្ចុករបស់ រ៉ូហ្ស៊េត ចាន់ ដេត ឆីហើយ គឺភ្លេចមិនបាន ” ។
ជាមួយគ្នានឹងគណនីហ្វ៊េសប៊ុកខាងលើ ក៏មានគណនីមួយទៀតឈ្មោះ Sreyneang Leak បានComments ថា “ គេដឹងហើយថា កញ្ញា ហ្សិន រ៉ូហ្ស៊េត ជាមួយ សោ ចាន់ដេត មិនមែនត្រឹមជាមេនិងកូនចៅប៉ុណ្ណោះទេ គឺជាប្រពន្ធចុង និងប្រុសក្បត់ ” ។ គណនីដដែលបានបន្តទៀតថា “ ទង្វើថោកទាបរបស់ សោ ចាន់ដេត ដែលសាហាយស្មន់ជាមួយកូនចៅឯងកាលនោះ ទើបធ្វើអោយខ្លួនធ្លាក់ខ្លួនតែលតោលនៅក្រៅស្រុក ប្រឹងព្រុស ប្រឹងបំពុល ” ។ ដូចគ្នានេះដែរ មានគណនីមួយទៀតឈ្មោះ Sokkim Ly បានបញ្ចេញទស្សនៈថា “ ចង់សួរទៅអតីតតំណាងរាស្ដ្រ សោ ចាន់ដេត មួយឃ្លាថា ម៉េចហើយរឿងអាស្រូវរបស់លោក ជាមួយនិងអ្នកលក់នំបញ្ចុក រ៉ូហ្សេត។ ស្រីក្រៅមានច្រើនណាស់មិនទៅរកទេ វាឆ្ងាញ់ណាស់ទៅមែន អារឿងលួចលាក់ជាមួយកូនចៅឯងហ្នឹង ” ។ ក្រៅពីនេះក៏នៅមានគណនីហ្វ៊េសប៊ុកមួយចំនួនទៀតបានធ្វើការបកអាក្រាតនិងហែកកេរ្តិ៍រឿងអាស្រូវផ្លូវភេទដែលបានប្រព្រឹត្តឡើងដោយអតីតមន្ត្រីជាន់ខ្ពស់អតីតបក្សប្រឆាំង និងសកម្មជនឈានមុខរបស់បក្សមួយនេះ។
ការពិតទៅការបង្ហាញខ្លួនឈឺឆ្អាលរបស់លោក សោ ចាន់ដេត គឺជាការលូកដៃចង់ការពារជំនួស នាង រ៉ូហ្សេត ស្រីកំណាន់របស់ខ្លួន ដែលធ្លាប់មានទំនាក់ទំនងស្នេហាលួចលាក់ជាមួយគ្នាយ៉ាងសប្បាយកន្លងមក។ ប៉ុន្តែសូមចែកឱ្យដាច់រវាងទំនាក់ទំនងស្នេហាលួចលាក់ ហើយនឹងទិដ្ឋភាពផ្លូវច្បាប់ ដែលពាក់ព័ន្ធនឹងទង្វើសកម្មភាពនានារបស់នាង រ៉ូហ្សេត ដែលតុលាការកោះហៅនេះក្នុងបទល្មើសរំលោភនឹងសាលដីការតុលាការកំពូល។ បុគ្គលគ្រប់រូបគប្បីត្រូវគោរពច្បាប់ហើយមិនអាចប្រើប្រាស់ រឺធ្វើសកម្មភាពណាមួយដែលផ្សារភ្ជាប់ខ្លួន ទៅនឹងការគាំទ្រចលនាឧទ្ទាមក្រៅច្បាប់នៅឯក្រៅប្រទេស រឺក៏ការជួបជុំគ្នាប្រមូលផ្តុំដើម្បីប្រឆាំងហ្នឹងសាលដីការតុលាការនោះទេ។ សកម្មភាពដែលផ្ទុយនឹងច្បាប់ នឹងប្រឈមជុំវិញការកោះហៅរបស់តុលាការដែលជាស្ថាប័នឯករាជ្យមួយ ដែលមានឆន្ទានុសិទ្ធិត្រឹមត្រូវ ។ ដូច្នេះការលូកដៃរបស់ សោ ចាន់ដេត គឺគ្រាន់តែជារការបំភ័ន្តសាធារណៈមតិមួយ ក្នុងបំណងសម្តែងថាជាការឈឺឆ្អាលជុំវិញសកម្មជនរបស់ខ្លួនក្រោមលេស ទទួលការបំភិតបំភ័យ រារាំង ប៉ុន្តែធាតុពិត នេះគឺជាការកោះហៅពាក់ព័ន្ធនឹងសកម្មភាពជាក់ស្តែងរបស់ពួកគេដែលបានចូលជ្រៅទៅនឹងការពារ រឺការប៉ុនប៉ងក្នុងការប្រព្រឹត្តនូវបទល្មើសជាមួយក្រុមឧទ្ទាមក្រៅច្បាប់៕
១៨ ខែមិនា ឆ្នាំ២០១៩៖ មេធាវីសម្តេចតេជោ ហ៊ុន សែន ដាក់ពាក្យប្តឹង លោក សោ ចាន់ដេត ពីបទប្រមាថ និងញុះញង់លោក គី តិច មេធាវីតំណាងដោយអាណត្តិរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី១៨ ខែមីនា ឆ្នាំ២០១៩នេះ បានដាក់ពាក្យប្តឹង លោក សោ ចាន់ដេត អតីតសមាជិកព្រឹទ្ធសភា មកពីគណបក្ស សម រង្ស៉ី ដែលបានប្រមាថ និងញុះញង់លើសម្តេចតេជោ ហ៊ុន សែន។
តាមពាក្យប្តឹងដែលរៀបចំដោយ លោក គី តិច បានរៀបរាប់ថា លោក សោ ចាន់ដេត បានប្រើប្រាស់មធ្យោបាយទូរគមនាគមន៍សោតទស្សន៍ (បណ្តាញសង្គម Facebook) របស់ខ្លួន ធ្វើការផ្សព្វផ្សាយជាសាធារណៈ យ៉ាងទូលំទូលាយទៅដល់សាធារណជនទូទៅ ក្នុងគោលបំណងជេរប្រមាថជាសាធារណលើ សម្តេចតេជោ ហ៊ុន សែន និងចេតនាញុះញង់ឱ្យប្រព្រឹត្តិបទឧក្រិដ្ឋជាអាទិ៍ ដែលអំពើនេះ ស្តែងចេញជាជំហរ លើការរំលោភបំពានបញ្ញត្តិមាត្រា ៣០៧ និងមាត្រា ៤៩៥ នៃក្រមព្រហ្មទណ្ឌកម្ពុជា។
ក្នុងពាក្យបណ្តឹងនេះ មេធាវី គី តិច បានអះអាងថា លោកមានភស្តុតាង ចំនួន៣២ទំព័រ ដែលបានស្រង់ចេញពីគណនី Facebook ឈ្មោះ Sor Chandeth ដើម្បីដាក់ជូនតុលាការពិនិត្យ និងសម្រេចផងដែរ។
សូមបញ្ជាក់ថា ការដាក់ពាក្យប្តឹងនេះ បានធ្វើឡើងបន្ទាប់ពីសម្តេចតេជោ ហ៊ុន សែន បង្គាប់ឱ្យក្រុមមេធាវីរបស់សម្តេច សិក្សាដើម្បីប្តឹងទៅតុលាការ ចំពោះជនទាំងឡាយ ដែលបានប្រមាថដល់សម្តេច នៅលើបណ្តាញសង្គម Facebook។ សម្តេចតេជោ ហ៊ុន សែន ក៏បានប្រកាសដែរថា សម្តេចមានសារជេរប្រមាថរបស់ ជនទាំងនោះជាង៣០សារ ដែលជាភស្តុតាង ហើយសម្តេចនឹងទាមទារសំណងជំងឺចិត្តមិនតិចជាង២លានដុល្លារនោះទេ។
សូមបញ្ជាក់ថា ការដាក់ពាក្យប្តឹងរបស់មេធាវីរបស់ សម្តេចតេជោ ហ៊ុន សែន បានធ្វើឡើងបន្ទាប់ពី លោក សោ ចាន់ដេត បានបង្ហោះ Facebook ដោយប្រមាថអាយុជីវិតរបស់សម្តេចតេជោ ហ៊ុន សែន។ ជាមួយគ្នានេះ មនុស្សជំនិតរបស់លោក សម រង្ស៉ី រូបនេះ ក៏បានចូលរួមជាមួយ លោក សម រង្ស៉ី ដោយធ្វើការកែនកម្លាំងប្រឆាំងរដ្ឋាភិបាលឱ្យ លោក សម រង្ស៉ី ត្រឡប់មកកម្ពុជាផងដែរ៕
១៨ ខែមិនា ឆ្នាំ២០១៩៖ លោក សោ ចាន់ដេត មិនរកមេធាវីតតាំងក្ដី ជាមួយមេធាវីរបស់លោក ហ៊ុន សែន ឡើយ ករណីបទចោទជេរប្រមាថ និងញុះញង់ តាមហ្វេសប៊ុកពីប្រទេសកាណាដាសមាជិកព្រឹទ្ធសភាគណបក្សភ្លើងទៀន ដែលរបបឯកបក្ស បង្ខំឲ្យចុះចេញពីតំណែង លោក សោ ចាន់ដេត ប្រកាសជំហរថា លោកមិនរកមេធាវីទៅតតាំងក្ដីជាមួយមេធាវីតំណាងឲ្យរបបឯកបក្ស នៅក្នុងតុលាការកម្ពុជាឡើយ ព្រោះវាគ្មានន័យ។ អ្នកវិភាគថា បណ្ដឹងប្រឆាំងថ្នាក់ដឹកនាំគណបក្សប្រឆាំងពីក្រៅប្រទេស ជាយុទ្ធសាស្ត្រព្រមានពលរដ្ឋកុំឲ្យបញ្ចេញមតិរិះគន់រដ្ឋាភិបាល។
លោក សោ ចាន់ដេត ប្រាប់អាស៊ីសេរី ពីប្រទេសកាណាដាថា លោកមិនចាប់អារម្មណ៍នឹងការប្ដឹងរូបលោក រឿងជេរប្រមាថ និងញុះញង់ អ្វីឡើយ ព្រោះបណ្ដឹងនេះ គ្រាន់ជាចេតនារបស់របបក្រុងភ្នំពេញ ក្នុងការព្រមានអ្នកនយោបាយនៅក្រៅប្រទេស និងពលរដ្ឋក្នុងស្រុក ឲ្យបិទមាត់ ឈប់រិះគន់របបលោក ហ៊ុន សែន ដែលលោក ហៅថា ជារបបផ្ដាច់ការតែប៉ុណ្ណោះ។ លោក ជឿថា មេដឹកនាំរបបឯកបក្ស មិនអាចកាន់អំណាចយូរទៀតទេ ដូច្នេះ លោក ហ៊ុន សែន នឹងបញ្ចេញគ្រប់ល្បិចស្នៀត នៅមុនពេល លោក អស់អំណាច៖ «ខ្ញុំមិនទៅតបតទេ។ មិនទៅបញ្ជូន (មេធាវី) ទេ គ្មានបានប្រយោជន៍អ្វី»។
ការប្រតិកម្មនេះ ធ្វើឡើងភ្លាមៗ បន្ទាប់ពីមេធាវីតំណាងដោយអាណត្តិរបស់របបក្រុងភ្នំពេញ បានដាក់ពាក្យប្ដឹងទៅតុលាការ ចោទលោក សោ ចាន់ដេត ពីបទជេរប្រមាថលោក ហ៊ុន សែន ជាសាធារណៈ តាមបណ្ដាញសង្គមហ្វេសប៊ុក (facebook) និងមានចេតនាញុះញង់ឲ្យប្រព្រឹត្តិបទឧក្រិដ្ឋជាអាទិ៍ តាមមាត្រា ៣០៧ និងមាត្រា ៤៩៥ នៃក្រមព្រហ្មទណ្ឌ។
អាស៊ីសេរី មិនអាចសុំការបំភ្លឺ ពីមេធាវីដើមបណ្ដឹង គឺលោកមេធាវី គី តិច បានទេ ដោយសារអ្នកលើកទូរស័ព្ទជាជំនួយការប្រាប់ថា លោកមេធាវី គី តិច កំពុងជាប់រវល់។ ប៉ុន្តែ លោកមេធាវី គី តិច បានប្រាប់ប្រព័ន្ធផ្សព្វផ្សាយរបស់លោក ហ៊ុន សែន ឈ្មោះហ្វ្រេសញូវ (Fresh News) ថា ពាក្យប្ដឹង បានដាក់ជូនតុលាការ នៅព្រឹកថ្ងៃទី១៨ មីនា ដោយលោកបញ្ជាក់ថា លោកមានភស្តុតាងចំនួន ៣២ទំព័រ ដែលស្រង់ចេញពីគណនីហ្វ្រេសប៊ុក (Facebook) ឈ្មោះ Sor Chandeth ដើម្បីដាក់ជូនតុលាការពិនិត្យ និងសម្រេច។
បណ្ដឹងនេះ ធ្វើឡើងក្រោយលោក ហ៊ុន សែន ប្រកាសជាសាធារណៈ ៥ថ្ងៃ។ កាលពីថ្ងៃទី១៣ មីនា លោក ហ៊ុន សែន ប្រកាសពីខេត្តកោះកុងថា លោកបានបង្គាប់ឲ្យមេធាវីសិក្សាផ្លូវច្បាប់ ដើម្បីប្ដឹងរឹបអូសទ្រព្យសម្បត្តិ អ្នកជេរប្រមាថអាយុជីវិតលោក តាមបណ្ដាញសង្គមហ្វេសប៊ុក (facebook) ពីក្រៅប្រទេស ដើម្បីឲ្យតុលាការចេញដីការឹបអូសទ្រព្យសម្បត្តិ ដែលមាននៅក្នុងប្រទេស។ លោក ហ៊ុន សែន ថា លោកបានបង្គាប់ឲ្យមេធាវីប្ដឹងទារជំងឺចិត្ត មិនក្រោម ២លានដុល្លារសហរដ្ឋអាមេរិកទេ ដើម្បីយកទៅចែកកុមារកំព្រា។
លោក សោ ចាន់ដេត អះអាងថា លោកគ្មានទ្រព្យសម្បត្តិនៅប្រទេសកម្ពុជាទេ ហើយបើមានមែន ក៏លោកមិនខ្លាចឲ្យរបបលោក ហ៊ុន សែន រឹបអូសដែរ។ លោក សោ ចាន់ដេត ហៅបណ្ដឹងប្រឆាំងរូបលោកថា ក្រៅពីការគំរាមកំហែងសិទ្ធិបញ្ចេញមតិ ក៏ជាចេតនារបស់ លោក ហ៊ុន សែន ចង់គំរាមឲ្យថ្នាក់ដឹកនាំគណបក្សសង្គ្រោះជាតិ ទៅសុំសិទ្ធិធ្វើនយោបាយពីរបបលោកឡើងវិញ ដើម្បីរបបឯកបក្ស មានហេតុផលទៅបញ្ចុះបញ្ចូលសហគមន៍អន្តរជាតិ ឲ្យទទួលស្គាល់ការបោះឆ្នោតបង្គ្រប់កិច្ចកន្លងមក។
អ្នកច្បាប់ពន្យល់ថា ប្រសិនបើមានបទល្មើសពីក្រៅប្រទេសមែន ក៏អំណាចតុលាការកម្ពុជាមិនអាចគ្របដណ្ដប់បានដែរ ព្រោះយុត្តាធិការ (ដែនសមត្ថកិច្ច) តុលាការ គ្រប់ដណ្ដប់តែដែនរដ្ឋបាលរបស់ខ្លួនប៉ុណ្ណោះ។
អ្នកវិភាគនយោបាយ លោក ហង្ស វិទូ យល់ថានៅកម្ពុជា គណបក្សប្រជាជនកម្ពុជា ពិសេស លោក ហ៊ុន សែន មានអំណាចខ្លាំង ក្នុងការធ្វើព្យុះធ្វើភ្លៀងគ្រប់ពេល ហើយបណ្ដឹងនេះ ទោះតតាំងក្ដីដល់តុលាការណា ក៏មិនអាចឈ្នះមេធាវីរបស់លោក ហ៊ុន សែន ដែរ។ ទោះជាយ៉ាងណា លោក ហង្ស វិទូ ថា រដ្ឋាភិបាលមិនអាចធ្វើអ្វីលោក សោ ចាន់ដេត បានទេ គ្រាន់តែលោក សោ ចាន់ដេត មិនអាចវិលត្រលប់ចូលកម្ពុជាវិញបាន៖ «អ៊ីចឹង ការដែលគាត់ (លោក ហ៊ុន សែន) ធ្វើព្យុះធ្វើភ្លៀង ចង់ប្ដឹងយ៉ាងណា ខ្ញុំគិតថា វាជានិច្ចជាកាលទេ ព្រោះអំណាចនៅលើដៃគាត់ទាំងស្រុងអ៊ីចឹងណា។ អានេះ ខ្ញុំគិតថា វាជាយុទ្ធសាស្ត្រមួយរបស់គណបក្ស ប្រជាជនកម្ពុជា ក្នុងការធ្វើឲ្យអ្នកផ្សេងទៀត មានការភ័យខ្លាច មិនហ៊ានបញ្ចេញមតិ មិនហ៊ានបញ្ចេញសកម្មភាពប្រឆាំងណាមួយ ដែលអាចនឹងកើតមានឡើង អ៊ីចឹងណា»។
បើទោះយ៉ាងណា លោក សោ ចាន់ដេត អះអាងថា លោកនឹងត្រលប់ចូលកម្ពុជាវិញ នៅឆ្នាំ២០១៩ ដើម្បីអមដំណើរ លោក សម រង្ស៊ី ប្រធានស្ដីទីគណបក្សសង្គ្រោះជាតិ៕
១១ ខែ វិច្ឆិកា ឆ្នាំ២០១៧៖ លោកសោ ចាន់ដេត សមាជិកព្រឹទ្ធសភា គណបក្សសង្គ្រោះជាតិ បានដៀលកញ្ញារ៉ូហ្សិត ចៅសង្កាត់អូរចា ថាសំផឹងនយោបាយ?
២៣ ខែ ឧសភា ឆ្នាំ២០១៦៖ សោ ចាន់ដេត ប្រកាសឈប់ប្រើឡានស្លាកលេខព្រឹទ្ធសភា ភ្នំពេញៈ លោក សោ ចាន់ដេត សមាជិកព្រឹទ្ធសភាគណបក្សប្រឆាំងនឹងចេញសេចក្តីប្រកាសចំហមួយនៅថ្ងៃនេះថាលោកឈប់ប្រើរថយន្តស្លាកលេខព្រឹទ្ធសភាទៀតហើយបន្ទាប់ពីសមត្ថកិច្ចខេត្តឧត្តរមានជ័យបានឃាត់រថយន្តរបស់លោកជិត ២ ម៉ោងដោយពុំមានហេតុផលសមរម្យកាលពីថ្ងៃទី ១០ ខែឧសភា។
ការត្រួតពិនិត្យរថយន្តសមាជិកព្រឹទ្ធសភាគណបក្សប្រឆាំងដែលមានអភ័យឯកសិទ្ធិនេះត្រូវបានអ្នកវិភាគយល់ថាជាផ្នែកមួយនៃការរើសអើងគណបក្សនយោបាយ។
លោក សោ ចាន់ដេត បានប្រាប់ ភ្នំពេញ ប៉ុស្តិ៍ កាលពីម្សិលមិញដោយរៀបរាប់ហេតុការណ៍ថា កាលពីថ្ងៃទី ១០ ខែឧសភា ឆ្នាំ ២០១៦ វេលាម៉ោង ១០ ព្រឹក នៅពេលដែលលោកកំពុងធ្វើដំណើរទៅជួបក្រុមគ្រួសារពលរដ្ឋដែលរងគ្រោះដោយសារគ្រាប់មីនក្នុងសង្កាត់បុសស្បូវ ក្រុងសំរោង ស្រាប់តែមានក្រុមប្រដាប់អាវុធប្រមាណ ៣០ នាក់ដឹកនាំដោយលោក ធូ សុធា ប្រធានការិយាល័យចរាចរណ៍ខេត្តបានឃាត់រូបលោកក្រោមលេសត្រួតពិនិត្យ និងរឹតបន្តឹងច្បាប់ចរាចរណ៍។ «គេឃាត់ឡានខ្ញុំគេថាត្រួតពិនិត្យកាំភ្លើងអ៊ីចឹងខ្ញុំក៏បើកឡានឱ្យមើលពេលរកអត់ឃើញកាំភ្លើងគេក៏ទៅកកាយគូទឡានខ្ញុំហើយរកឃើញស្លាកលេខស៊ីវិលនៅក្នុងហ្នឹងខ្ញុំបានឆ្លើយថាព្រោះខ្ញុំទិញឡានស៊ីវិលតែគេថាខុសច្បាប់ក្លែងក្លាយហើយខ្ញុំបង្ហាញកាតអភ័យឯកសិទ្ធិគេក៏យកទៅថតចម្លងហើយតម្រូវឱ្យខ្ញុំដោះស្លាកលេខព្រឹទ្ធសភាចេញដាក់ស្លាកលេខស៊ីវិលវិញដោយសារប្រញាប់ផងខ្ញុំក៏ព្រមដោះស្លាកលេខព្រឹទ្ធសភាចេញទើបគេអនុញ្ញាតឱ្យខ្ញុំទៅ»។
លោកថា នៅថ្ងៃចន្ទនេះ លោកនឹងចេញលិខិតចំហមួយប្រកាសថាលោកឈប់ប្រើស្លាកលេខព្រឹទ្ធសភាទៀតហើយ «ពីព្រោះវាអត់មានន័យអីត្រូវប្រើស្លាកលេខនេះទៀតទេគឺត្រូវប្រើស្លាកលេខស៊ីវិលវិញល្គិកណាអភ័យឯកសិទ្ធិត្រូវបានគេរំលោភ ...»។
លោកពន្យល់ថាអ្នកបើកបរប្រើស្លាកលេខព្រឹទ្ធសភាគឺដើម្បីសម្គាល់ទៅសមាជិកព្រឹទ្ធសភាម្នាក់ៗដើម្បីឱ្យពួកគាត់មានពេលវេលាគ្រប់គ្រាន់ក្នុងការបំពេញកាតព្វកិច្ចនៅតាមមូលដ្ឋានឱ្យបានលឿន និងចៀសវាងពីការរំលោភ ការគំរាមកំហែង ឬក្នុងករណីរំខានណាមួយលើកលែងតែរថយន្តនោះប្រព្រឹត្តបទល្មើសជាក់ស្តែង។
លោក ចាន់ដេត ក៏បានបដិសេធព័ត៌មានក្នុងស្រុកមួយចំនួនដែលចុះផ្សាយថាលោកបានយកស្លាកលេខព្រឹទ្ធសភាទៅបំពាក់ឱ្យរថយន្តបីគ្រឿង។
បន្ទាប់ពីមានហេតុការណ៍នេះលោក សោ ចាន់ដេត បានសរសេរលិខិតមួយផ្ញើជូនប្រធានព្រឹទ្ធសភាលោក សាយ ឈុំ ដោយស្នើឱ្យចាត់វិធានការលើសមត្ថកិច្ចដែលបានឃាត់រថយន្តលោកទៅតាមច្បាប់។
ក្នុងលិខិតចុះថ្ងៃទី ១៩ ខែឧសភា សង្កត់ធ្ងន់ថា៖ «ទង្វើនេះគឺជាការរំលោភអភ័យឯកសិទ្ធិព្រឹទ្ធសភាយ៉ាងធ្ងន់ធ្ងរសូមសម្តេច វិបុលសេនាភក្តី ចាត់វិធានការដើម្បីចៀសវាងព្រឹត្តិការណ៍បែបនេះកើតមកលើរូបខ្ញុំជាថ្មីទៀត និងសមាជិក សមាជិកាព្រឹទ្ធសភាដទៃទៀត»។
លោក ធូ សុធា ប្រធានការិយាល័យចរាចរណ៍ខេត្តឧត្តរមានជ័យបានថ្លែងពីម្សិលមិញថាការធ្វើបែបនេះដោយសារលោកបានទទួលបញ្ជាពីថ្នាក់លើឱ្យរឹតបន្តឹងច្បាប់ចរាចរណ៍ជារៀងរាល់ថ្ងៃ។
អ្នកនាំពាក្យព្រឹទ្ធសភាលោក ម៉ម ប៊ុននាង ថ្លែងថានៅថ្ងៃកើតហេតុនោះលោកក៏បានអន្តរាគមន៍ទៅសមត្ថកិច្ចដែរដោយបញ្ជាក់ថាលោក ចាន់ដេត ពិតជាសមាជិកព្រឹទ្ធសភាពិតមែន។ តែលោកថា បើតាមការស្តាប់របាយការណ៍ពីប៉ូលិសដោយសារធ្លាប់ឃើញស្លាកលេខព្រឹទ្ធសភាម្តងនៅរថយន្តនេះម្តងនៅរថយន្តនោះទើបធ្វើឱ្យសមត្ថកិច្ចមានការពិបាកទើបសម្រេចចិត្តត្រួតពិនិត្យ។
លោកថា៖ «ហើយការឃាត់គឺមិនមែនឃាត់សមាជិកព្រឹទ្ធសភាទេគឺឃាត់ឡានដោយសារគាត់ដូរឡានអ៊ីចឹងសមត្ថកិច្ចគេឃាត់យោងតាមច្បាប់ចរាចរណ៍ប៉ុន្តែខ្ញុំបាននិយាយថាគាត់ជាសមាជិកព្រឹទ្ធសភាត្រឹមត្រូវខ្ញុំអ្នកនាំពាក្យអ្នកអះអាងបើមានការខុសឆ្គងនោះគេក៏សម្រួលឱ្យទៅ»។
អ្នកវិភាគឯករាជ្យលោក អ៊ូ វីរៈ យល់ថាបើសមត្ថកិច្ចអនុវត្តបែបនេះលើបុគ្គលគ្រប់រូបមិនប្រកាន់បក្ខពួកជារឿងល្អខណៈលោកសង្កេតឃើញថាវិធានការបែបនេះភាគច្រើនអនុវត្តតែទៅលើគណបក្សប្រឆាំងប៉ុណ្ណោះ។
លោកបន្តថា បើទោះជាសមាជិកព្រឹទ្ធសភាបានប្រើប្រាស់ស្លាកលេខរថយន្តប្តូរពីឡានមួយទៅឡានមួយក្តីប៉ូលិសគួរតែជូនដំណឹងទៅព្រឹទ្ធសភាដើម្បីឱ្យមានចំណាត់ការរដ្ឋបាលពោលគឺពុំគួរឃាត់សមាជិកព្រឹទ្ធសភាយូរបែបនេះទេ។
លោកបានបញ្ជាក់បន្តថា៖ «ខ្ញុំមើលទៅរឿងនេះបើអនុវត្តស្មើគ្នាក៏មិនសូវជាបញ្ហាដែរតែខ្ញុំមើលទៅការអនុវត្តហាក់ដូចជាគាបសង្កត់ទៅលើគណបក្សប្រឆាំងហើយជាការរើសអើងនយោបាយបើសិនជាសមាជិកព្រឹទ្ធសភាគណបក្សកាន់អំណាចប្រហែលជាមិនងាយជួបបញ្ហានេះទេ»៕
No comments:
Post a Comment