សូមអានផងដែរ ប្រវត្តិ ចម្ប៉ា។
ចុះផ្សាយនៅថ្ងៃ: 26/10/2016 - 14:56កែប្រែថ្ងៃទី: 26/10/2016 - 14:56ក្នុងលិខិតកាលពីថ្ងៃទី ២៣ តុលា មនុស្សមួយក្រុម បានប្រកាសបង្កើតរដ្ឋាភិបាលនៅក្រៅប្រទេសមួយ ដែលមានមូលដ្ឋាននៅប្រទេសដាណឺម៉ាក។ ក្រុមទាំងនោះមកពី គណបក្សនយោបាយ រណសិរ្យរំដោះជាតិខ្មែរ ចលនានៃបក្សនយោបាយ សហគមន៍រងគ្រោះដីធ្លី សហគមន៍ខ្មែរកម្ពុជាក្រោម និងសហគមន៍ខ្មែរនៅជុំវិញពិភពលោកជាដើម។ ប៉ុន្តែរដ្ឋាភិបាលកម្ពុជានៅក្នុងស្រុក និងគណបក្សនយោបាយធំៗ បានប្រឆាំងចំពោះការប្រកាសបង្កើតនេះ។
មនុស្សមួយក្រុមមានគ្នាប្រមាណជាង ៥០នាក់ បានប្រកាសបង្កើតរដ្ឋាភិបាលខ្មែរនិរទេសនៅក្រៅប្រទេសមួយ ដែលមានសមាសភាពនាយករដ្ឋមន្ត្រី រដ្ឋមន្ត្រីក្រសួងការពារជាតិ និងប្រធានរដ្ឋសភាជាដើម។ នៅក្នុងលិខិត ដែលប្រព័ន្ធផ្សព្វផ្សាយទទួលបាន មនុស្សមួយក្រុមនេះ គឺសុទ្ធតែជាអ្នកនៅក្រៅប្រទេសហើយមនុស្សភាគច្រើន គ្មានអ្នកស្គាល់នោះទេ។ ដូចជានាយករដ្ឋមន្ត្រីឈ្មោះថាលោក សម សេរី ប្រធានសភាឈ្មោះក្រិច ស៊ីផន និងមានឈ្មោះនរោត្តម ច័ន្ទរង្ស៊ី ដែលត្រូវបានគេដឹងថាស្លាប់រួចទៅហើយជាដើម។
រដ្ឋាភិបាលកម្ពុជា បានអះអាងថា ការប្រកាសបង្កើតនេះ គឺជារឿងខុសច្បាប់ព្រោះថា ច្បាប់កម្ពុជាមិនអនុញ្ញាតឱ្យមានរដ្ឋាភិបាលពីរនោះទេ។ យ៉ាងណាក៏ដោយ លោក ទិត្យ សុធា អ្នកនាំពាក្យទីស្តីការគណៈរដ្ឋមន្ត្រីបានអះអាងថា រដ្ឋាភិបាលនឹងគ្មានប្រតិកម្មអ្វីលើការប្រកាសបង្កើតនេះទេ ព្រោះថាការប្រកាសតែលើក្រដាស ហើយគ្មានសកម្មភាព។ ប៉ុន្តែរដ្ឋាភិបាលរក្សាសិទ្ធិចាត់វិធានការលើក្រុមនេះ ប្រសិនបើមានសកម្មភាព ដូចជាបង្កើតកម្លាំង ឬធ្វើសកម្មភាពប៉ះពាល់ដល់អធិបតេយ្យភាពរបស់កម្ពុជា។
ដោយឡែកគណបក្សប្រជាជនកម្ពុជា ដែលជាបក្សដឹកនាំប្រទេសវិញ បានអះអាងថា ចេតនានៃការប្រកាសបង្កើតរដ្ឋាភិបាលនេះ គឺចង់បំផ្លាញសន្តិភាព និងស្ថេរភាពរបស់កម្ពុជា ដែលនៅក្នុងប្រទេស។ គណបក្សសង្គ្រោះជាតិវិញ ដែលជាបក្សធំទី២ បានស្នើឱ្យអ្នកដែលប្រកាសបង្កើតរដ្ឋាភិបាលនិរទេសនេះ គួរតែចូលក្នុងប្រទេសកម្ពុជា ដើម្បីប្រកួតប្រជែង ព្រោះថាកម្ពុជាមានច្បាប់ ហើយកម្ពុជាមិនត្រូវការរដ្ឋាភិបាលនិរទេសអ្វីនោះទេ។ នេះគឺជាការបញ្ជាក់ពីលោក យឹម សុវណ្ណ អ្នកនាំពាក្យរបស់គណបក្ស។
តាមសេចក្តីប្រកាសបង្កើតនេះ ក្រុមគណៈរដ្ឋមន្ត្រី ដែលមិនសូវលឺឈ្មោះនេះ បានស្នើឱ្យអន្តរជាតិ និងអង្គការសហប្រជាជាតិដាក់សម្ពាធដល់ប្រទេសវៀតណាម និងរដ្ឋាភិបាលកម្ពុជាឱ្យគោរពកិច្ចព្រមព្រៀងសន្តិភាពក្រុងប៉ារីស។ មិនត្រឹមតែប៉ុណ្ណោះក្រុមនេះ ក៏ចង់ឱ្យអង្គការសហប្រជាតិដកអសនៈរបស់រដ្ឋាភិបាលក្រុងភ្នំពេញចេញផងដែរ៕
អតីតរដ្ឋមន្ត្រីក្រសួងកសិកម្មនៃរដ្ឋាភិបាលនិរទេសសុំការសណ្តោសប្រណីពីនាយករដ្ឋមន្ត្រី
June 6, 2020, 2:45 PM
ដោយ:ឫទ្ធិស័ក្តិ/ភ្នំពេញៈអតីតរដ្ឋមន្ត្រីក្រសួងកសិកម្មនៃរដ្ឋាភិបាលនិរទេសនិងជាអតីតអ្នកនាំពាក្យរណសិរ្សរំដោះជាតិខ្មែរ លោកធុយ វី បានធ្វើលិខិតសុំការសណ្តោសប្រណីពីសម្តេចនាយករដ្ឋមន្ត្រី ហ៊ុន សែន។
នៅក្នុងលិខិតចុះថ្ងៃទី៥ ខែមិថុនា ឆ្នាំ២០២០ លោកធុយ វី បានជម្រាបជូនសម្តេចតេជោ ហ៊ុន សែន ថាខ្លួនជាជនរងគ្រោះនយោបាយក្នុងព្រឹត្តិការណ៍ថ្ងៃទី៩ខែវិច្ឆិកាឆ្នាំ២០១៩។កន្លងមកធ្លាប់ជាប់ពាក់ព័ន្ធជាមួយក្រុមរណសិរ្សរំដោះជាតិខ្មែរដឹកនាំដោយលោកសមសេរីនិងធ្លាប់ចូលរួមគាំទ្រគណបក្សសង្គ្រោះជាតិ។ធ្លាប់រងគ្រោះព្រោះបានចូលរួមធ្វើជាអ្នកនាំពាក្យក្រុមចលនារណសិរ្សរំដោះជាតិខ្មែរនិងជារដ្ឋមន្ត្រីក្រសួងកសិកម្មនៃរដ្ឋាភិបាលនិរទេសត្រូវតុលាការកាត់ទោសឱ្យជាប់ពន្ធនាគារ១៨ខែ។
សូមជម្រាបថា នាយករដ្ឋមន្ត្រី នៃ រដ្ឋាភិបាល និរទេស លោក សម សេរី រួមទាំង បក្ខពួក ត្រូវបាន តុលាការ ចោទប្រកាន់ ពីបទ រួមគំនិត ក្បត់គឺ បាន កៀងគរ និង បំផុសឱ្យមហាជន ចូលរួម ក្នុង ផែន ការធ្វើ រដ្ឋប្រហារ ផ្តួលរំលំ រាជរដ្ឋាភិបាល នៃព្រះរាជាណាចក្រ កម្ពុជា។ ក្រោម ឧបាយកល“ផែនការ នៃ ការវិល ត្រឡប់មក កម្ពុ ជា វិញរបស់ឧក្រិដ្ឋជនសមរង្សី”។
ដោយអនុវត្តតាមការអំពាវនាវ របស់ឧក្រិ ដ្ឋ ជន សម រង្ស៊ី និង គូកន ។ ការសម្រេច ចោទប្រកាន់ នេះ បានធ្វើ ឡើង កាលពី ថ្ងៃទី ៣១ ខែតុលា ឆ្នាំ ២០១៩ ។ ការចោទប្រកាន់ នេះ បាន ធ្វើឡើង បន្ទាប់ពីប៉េអឹមក្រុងភ្នំពេញចាប់ខ្លួនលោកធុយវីអនុរដ្ឋមន្ត្រីក្រសួងវប្បធម៌និងសាសនានៃរដ្ឋាភិបាលនិរទេសរបស់លោកសមសេរីកាលពី ថ្ងៃទី ២៩ ខែតុលា ឆ្នាំ ២០១៩ ។
ជនសង្ស័យ ដែល ចាប់ខ្លួន ឈ្មោះ ធុ យ វី ហៅ ធុ យ ឬ ទ្ធី ភេទប្រុសអាយុ៣០ឆ្នាំមានស្រុកកំណើត នៅ ភូមិ ព្រៃទទឹង ឃុំ ភ្នំ តូច ស្រុក មង្គលបុរី ខេត្តបន្ទាយមានជ័យ ។ ជនសង្ស័យ ត្រូវបានបញ្ជូនទៅ តុលាការ កាលពី រសៀល ថ្ងៃទី ៣០ ខែតុលា ឆ្នាំ ២០១៩ ។ កាលពី ថ្ងៃទី ៣០ ខែតុលា ឆ្នាំ ២០១៩ អយ្យការ អម សាលាដំបូង រាជធានី ភ្នំពេញ បានសម្រេច ធ្វើការ ចោទប្រកាន់ លើ ឈ្មោះ ធុ យ វី , ឈ្មោះ សម សេរី និង បក្ខពួក ពីបទ រួមគំនិត ក្បត់ តាម មាត្រា ៤៥៣ នៃ ក្រមព្រហ្មទណ្ឌ នៃ ព្រះរាជាណាចក្រ កម្ពុជា ។
ការចោទប្រកាន់ ខាងលើ គឺពាក់ព័ន្ធ នឹង សកម្ម ភាព របស់ ឈ្មោះ ធុ យ វី , ឈ្មោះ សម សេរី និង បក្ខពួក ដែល បាន កៀងគរ និង បំផុសឱ្យមហាជន ចូលរួម ក្នុង ផែនការ ផ្តួលរំលំ រាជរដ្ឋាភិបាល នៃ ព្រះរាជាណាចក្រ កម្ពុជា ក្រោម ឧបាយកល វ “ ផែនការ នៃ ការវិល ត្រឡប់មក កម្ពុ ជា វិញ របស់ ឧក្រិដ្ឋជន សម រង្សី ” ដោយ អនុវត្តតាម ការអំពាវនាវ របស់ ឩ ក្រិ ដ្ឋ ជន សមរង្ស៊ី និង គូកន ។
ក្នុង ឆ្នាំ ២០១៩ Page ចំនួន ពីរ របស់ ឈ្មោះ ធុ យ វី តែងតែ ចុះផ្សាយ ព័ត៌មាន ដែលមានគោលដៅ កៀងគរ ប្រមូលផ្ដុំ ញុះញង់ឱ្យប្រព្រឹត្ត បទល្មើស ជាអាទិ៍ ដើម្បីប្រឆាំងនឹងរាជរដ្ឋាភិបាលស្របច្បាប់ បច្ចុប្បន្ន ។ យ៉ាងណា ម៉ិ ញ Page ឈ្មោះ បណ្ឌិតសភា ចក្រភព ខ្មែរ អង្គរ បានចេញ លិខិត អំពាវនាវ មួយ ធ្វើ នៅ ក្រុង បាងកក ប្រទេស ថៃ ចុះ ថ្ងៃទី ២៩ ខែកញ្ញា ឆ្នាំ ២០១៥ មាន អត្ថន័យ ញុះញង់ ប្រមូលផ្ដុំ កៀងគរ និង ធ្វើ ឲ្យ មានការ រើសអើង ពូជសាសន៍ ថែម ទៀតផង ។
ឈ្មោះ ធុ យ វី បាន បន្ថែមទៀតថា “ យើងខ្ញុំ ទាំងអស់គ្នា នឹង បន្តធ្វើ ការងារ បន្ថែមទៀត ដើម្បី ប្រមូលមូលនិធិរួមគ្នាជួយក្នុងការធ្វើដំណើរមាតុភូមិនិវឌ្ឍន៍របស់លោកប្រធានសមរង្ស៊ីត្រឡប់ចូលមកប្រទេសកម្ពុជាវិញដើម្បីផ្តួលរំលំរាជរដ្ឋាភិបាលនៃព្រះរាជាណាចក្រ កម្ពុជា នៅ ថ្ងៃទី ០៩ ខែវិច្ឆិកា ឆ្នាំ ២០១៨ ខាងមុខ ។
គួរ បញ្ជាក់ថា ជនសង្ស័យ ឈ្មោះ ធុ យ វី បាន ចាក ចេញទៅ ប្រទេស ថៃ ដោយមាន ការ ផ្តូ ច ផ្តើម ពី ឈ្មោះ សម សេរី ជា មេ ចលនា រណសិរ្ស រំដោះជាតិ ខ្មែរ និង ជា នាយករដ្ឋមន្ត្រី នៃ រដ្ឋាភិបាល និរទេស ជាតិខ្មែរ ខុសច្បាប់ ។ឈ្មោះ ធុ យ វី ធ្លាប់ ត្រូវបានតែងតាំង ជា អ្នកនាំពាក្យ របស់ រណសិរ្ស រំដោះជាតិ ខ្មែរ និង ជា រដ្ឋមន្ត្រី ក្រសួងកសិកម្ម ក្នុង រដ្ឋាភិបាល និរទេស ខុសច្បាប់ របស់ សម សេរី ផងដែរ ។ នៅក្នុង ឆ្នាំ ២០១៩ ឈ្មោះ ធុ យ វី ត្រូវបាន សម សេរី តែងតាំង ទៅជា អនុរដ្ឋមន្ត្រី ក្រសួង វប្បធម៌ និង សាសនា វិញ ។
ឈ្មោះ ធុ យ វី បាន បញ្ជាក់ថា រូបគេ ពិតជា បាន ចូលរួម ក្នុង សកម្មភាព រួមគំនិត ក្បត់ ជាមួយ ក្រុម ឧទ្ទាម សម សេរី និង ក្រុម អតីត គណបក្ស សង្គ្រោះ ជាតិ ពិតប្រាកដ មែន ។ក្នុងនោះ រូបគេ បាន ចូលរួម ក្នុងការ ប្រជុំ ទទួល ផែនការ នានា , រៀបចំ ឯកសារ និង សៀវភៅ ដែលមាន ខ្លឹមសារ ញុះញង់ បង្កឱ្យមាន ចលាចល ក្នុងសង្គម ។បានធ្វើការ ផ្សព្វផ្សាយ ខ្លឹមសារ នយោបាយ និង ស្ថានភាព នៅក្នុង ស្រុក ខ្មែរ ដោយ ផ្តោតលើ ការរិះគន់ វាយប្រហារ ដល់ រដ្ឋាភិបាល កម្ពុជា បច្ចុប្បន្ន តាមរយៈ ប្រព័ន្ធ បណ្តាញ សង្គម ហ្វេ ស ប៊ុ ក ៕S/
លោក ចេង ហេង កើតនៅឆ្នាំ ១៩១៦ នៅខេត្តតាកែវ។ បន្ទាប់ពីបញ្ចប់ការសិក្សា មធ្យមសិក្សានៅ វិទ្យាល័យស៊ីសុវត្ថិ គាត់បានចូលទៅ សាលាភូមិន្ទរដ្ឋបាល (ERA)។ គាត់បានរៀបអាពាហ៍ពិពាហ៍ជាមួយ កូនស្រីម្នាក់ នៃកូនស្រីជាច្រើនរបស់ លោក អ៊ឹង ហ៊ី។ លោក អ៊ីង ហ៊ី ជាអ្នកប្រៀបប្រដៅរបស់លោក ប៉ែន សុវណ្ណ។ លោកមានកូនចំនួន ៧នាក់។
លោកបានចូលបម្រើការងាររដ្ឋបាលជាដំបូងនៅឆ្នាំ ១៩៤០ នៅខេត្តបាត់ដំបង ដែលនៅពេលនោះ ខេត្តនេះនៅក្រោមការត្រួតត្រារបស់ទ័ពសៀមនៅឡើយ និង បន្ទាប់មកនៅ ខេត្តកំពត ព្រៃវែង និង កណ្តាល នៅខែមិថុនា ១៩៥៤។ នៅខែសីហា ១៩៥៥ គាត់ជានាយកពន្ធនាគារកណ្តាលក្រុងភ្នំពេញ។ គាត់ជាអ្នកជំនាញខាងសកិកម្ម ដោយបានណែនាំធ្វើ អភិវឌ្ឍន៍កសិកម្ម ជាលក្ខណៈឧស្សាហកម្ម។
គាត់ជាម្ខាស់លើ កសិដ្ឋានដំណាំដូង នៅតំបន់រាម ក្នុងខេត្តកំពត។ ពីថ្ងៃ ១៩ មេសា ១៩៦០ ដល់ថ្ងៃ ១៧ វិច្ឆិកា ១៩៦១ គាត់ជារដ្ឋលេខាធិការ ក្រសួងកសិកម្ម។ នៅឆ្នាំ ១៩៦២ គាត់បានជាប់ឆ្នោតជាតំណាងរាស្រ្តនៅ មណ្ឌលតាខ្មៅ។ នៅឆ្នាំ ១៩៦៦ ជាប់ឆ្នោតជាប់តំណារាស្រ្ត មណ្ឌលភ្នំពេញ និងជាប់ឆ្នោត ជាប្រធាន សភាជាតិ នៅឆ្នាំ ១៩៦៩។
នៅថ្ងៃ ១៨ មីនា ១៩៧០ នៅពេលដែល សភាទាំងពីរ បោះឆ្នោតទម្លាក់ សម្តេច សីហនុ ពីតំណែងប្រមុខរដ្ឋ លោកមានឋានៈជាប្រមុខរដ្ឋស្តីទី។ នៅថ្ងៃ ១០ មីនា ១៩៧២ បន្ទាប់ពី បាតុកម្មនិស្សិតគគ្រឹកគគ្រេង គាត់បានប្រគល់តំណែងនេះទៅ លោកសេនាប្រមុខ លន់ នល់ ដែលពេលក្រោយមក ថ្ងៃទី ៤ មិថុនា ១៩៧២ លោកលន់ នល់ បានជាប់ឆ្នោតជាប្រធានធីបតី សាធារណរដ្ឋខ្មែរ។ នៅថ្ងៃ ៥ កុម្ភៈ ១៩៧៥ សម្តេច សីហនុ និង ខ្មែរ ក្រហម បានផ្យាយបញ្ជីខ្មៅ វរជនសាធារណរដ្ឋខ្មែរ ៧នាក់ រួមមាន៖ លន់ នល់, សិរិមតៈ, អ៊ិន តាំ, ចេង ហេង, សុស្តែន ហ្វែណង់ដេស្ត, លន់ ណុន, និង ឡុង បូរ៉េត។
នៅថ្ងៃ ១ មេសា ១៩៧៥ គាត់បានអមដំណើរលោក លន់ នល់ ភៀសខ្លួនមកប្រទេសអាមេរិក ហើយបានរស់នៅប្រទេសនេះ រហូតដល់ឆ្នាំ ១៩៩២។ នៅឆ្នាំ ១៩៩៣ គាត់បានវិលត្រឡប់ចូលកម្ពុជាវិញ បានបង្កើត គណបក្សសម្ព័ន្ធសាធារណរដ្ឋ ដើម្បីប្រកួតប្រជែងយកអាសនៈនៅ សភាធម្មនុញ្ញ។ គណបក្សនេះ ទទួលបរាជ័យ គ្មានបានមួយអាសនៈទេ។ លោក ចេង ហេងបានវិលត្រឡប់ទៅសហរដ្ឋអាមេរិកវិញ និង បានទទួលអនិច្ចកម្មនៅប្រទេសនេះ នៅឆ្នាំ ១៩៩៦។
No comments:
Post a Comment