អាជ្ញាធរជាតិទទួលបន្ទុកកិច្ចការព្រំដែន

រដ្ឋធម្មនុញ្ញប្រទេសកម្ពុជាតាមប្រវត្តិសាស្រ្តរួមមាន៖

1. រដ្ឋធម្មនុញ្ញឆ្នាំ ១៩៤៧ បន្ទាប់ពីជប៉ុន បារាំងផ្តល់ឯករាជ្យ
2. រដ្ឋធម្មនុញ្ញឆ្នាំ១៩៧០ ដល់ ១៩៧៥ សម័យសាធារណរដ្ឋខ្មែរ
3. រដ្ឋធម្មនុញ្ញឆ្នាំ១៩៧៩ ដល់ ១៩៧៩ សម័យ កម្ពុជាប្រជាធិប្បតេយ្យ ខ្មែរក្រហម
4. រដ្ឋធម្មនុញ្ញឆ្នាំ ១៩៧៩ ដល់ ១៩៨៩ សម័យសាធារណរដ្ឋប្រជាមានិតកម្ពុជា
5. រដ្ឋធម្មនុញ្ញឆ្នាំ ១៩៨៩ ដល់ ១៩៩៣ សម័យរដ្ឋកម្ពុជា
6. រដ្ឋធម្មនុញ្ញឆ្នាំ ១៩៩៣ ដល់ បច្ចុប្បន្ន សម័យព្រះរាជាណចក្រកម្ពុជា

យើងតាមឯកសារជារដ្ឋធម្មនុញ្ញនេះ ឃើញថា បក្សប្រឆាំងនីមួយៗប្រឹងការពាររដ្ឋធម្មនុញ្ញនៃរបបចាស់របស់គេរៀងៗខ្លួន។ អ្នកនយោបាយខ្លះរារាំងប្រឆាំងការកែប្រែរដ្ឋធម្មនុញ្ញ ដោយសារមាត្រាទី ២ តម្រូវឲ្យ ប្រើប្រាស់ផែនទី បោនខ្នាត ១/១០០ ០០០ ជាកំហិត។ អ្នកផ្សេងទាមទារកែរដ្ឋធម្មនុញ្ញដោយថានឹងចំណេញក្នុងការ ទាមទារដីបន្ថែមពីប្រទេសជិតខាងដូចជា វៀតណាម សៀម លាវ។ បញ្ហាចោទគឺថា បើសិនជា សៀម លាវ វៀតណាម គេកែប្រែរដ្ឋធម្មនុញ្ញគេដែរ គេសើររើវិញដែរ គេមានទ័ពខ្លាំងជាងកម្ពុជា បញ្ហានឹងទៅជាបែបណា? ជាករណីខុសគឺច្បាប់អន្តរជាតិ ព្រោះជាការសើររើប្រវត្តិសាស្រ្តផង ជាវិនាសកម្មដល់សន្តិសុខជាតិផង។ រឿងបន្តរគឺមានតែការ បំលែងផែនទី បោនខ្នាត ១/១០០ ០០០ ទៅជាផែនទី UTM ១/១០០ ០០០ ឬ ១/៥០ ០០០ ឬ ១/២៥ ០០០ ពីព្រោះគ្មានប្រទេសណាគេនៅប្រើផែនទី បោន ទៀតទេ ផែនទី បោនជាផែនគូសដៃ ដ៍បុរាណ។ កម្ពុជាប្រើផែនទៅ បោន ដោយសារជាផែនទីបារាំង ចំណែក វៀតណាម សៀម និង លាវ គេប្រើផែនទីអាមេរិកកាំង ដែល ភាគីទាំង ២ ធ្វើសង្រ្គាមជាសម្ងាត់នាសម័យ សង្រ្គាមត្រជាក់។

អំពីអាជ្ញាធរជាតិទទួលបន្ទុកកិច្ចការព្រំដែន

កម្រងវីដេអូ

កម្រងឯកសារ

១-អំពីអាជ្ញាធរជាតិទទួលបន្ទុកកិច្ចការព្រំដែន

• ព្រះរាជក្រឹត្យលេខ នស/រកត/០៤៩៦/២៥ ចុះថ្ងៃទី០៨ ខែមេសា ឆ្នាំ១៩៩៦ ស្តីពីការបង្កើតអាជ្ញាធរជាតិទទួលបន្ទុកកិច្ចការព្រំដែន (ចុះថ្ងៃទី០៨ ខែមេសា ឆ្នាំ១៩៩៦)
• អនុក្រឹត្យលេខ ១៨២ អនក្រ.បក ចុះថ្ងៃទី០២ ខែកញ្ញា ឆ្នាំ២០១៦ ស្តីពីការរៀបចំនិងការប្រព្រឹត្តទៅរបស់
• លេខាធិការដ្ឋានអចិន្រ្តៃយ៍ នៃអាជ្ញាធរជាតិទទួលបន្ទុកកិច្ចការព្រំដែន (ចុះថ្ងៃទី០២ ខែកញ្ញា ឆ្នាំ២០១៦)

ក-គោលដៅ យុទ្ធសាស្រ្តរបស់រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា សំដៅកសាងខ្សែព្រំដែនមួយច្បាស់លាស់ជាមួយប្រទេសជិតខាង ទាំងព្រំដែន​គោកនិងព្រំដែនសមុទ្រ ក្នុងគោលដៅរក្សាឱ្យបានផ្ទៃដី ១៨១ ០៣៥ គ.ម២ ដើម្បីទុកជាមរតកសម្រាប់កម្ពុជាជានិច្ចនិរន្តរ៍។

ខ-សមិទ្ធផលសម្រេចបាន

1. ១-ព្រំដែនជាមួយវៀតណាម មានប្រមាណជា ១ ២៧០ គម៖ ឯកភាពលើខ្សែព្រំដែនបានប្រមាណជា ៨៤%។ នៅសល់១៦% កំពុងបន្តដោះស្រាយ។ បោះបង្គោលព្រំដែនធំ នៅតំបន់ឯកភាពគ្នាបានចប់ ១០០%។បោះបង្គោលព្រំដែនបំពេញបន្ថែម និងបង្គោលតម្រុយព្រំដែន នៅតំបន់ឯកភាពគ្នាបាន ៩៩,៩៤%។
2. ២-ព្រំដែនជាមួយឡាវ មានប្រវែងប្រមាណជា ៥៤០ គម៖ឯកភាពលើខ្សែព្រំដែនបានប្រមាណជា ៨៦%។ នៅសល់ ១៤% កំពុងបន្តដោះស្រាយ។បោះបង្គោលព្រំដែនបានចំនួន១២១ បង្គោល ស្មើនឹង ៨៤% នៃបង្គោលព្រំដែនសរុបចំនួន១៤៥។
3. ៣-ព្រំដែនជាមួយថៃ មានប្រវែងប្រមាណជា ៨០៥ គម៖បញ្ចប់បានទាំងស្រុងការរុករកបង្គោលព្រំដែនចាស់ បោះដោយគណៈកម្មការចម្រុះកំណត់ព្រំដែនរវាងឥណ្ឌូចិន និងសៀម។រកឃើញបង្គោលព្រំដែនចាស់ទាំង ៧៣ ដែលបោះនៅដើមសតវត្សទី១៩ និងទី២០ នៅតាមបណ្តោយព្រំដែនកម្ពុជា-ថៃ។

ភារកិច្ច៖ការិយាល័យផ្នែក

1. ការងារសិក្សាស្រាវជ្រាវ
2. ការងារចរចារដោះស្រាយព្រំដែន
3. -ការងារបោះបង្គោល និងខណ្ឌសីមាព្រំដែន
4. ការងារដោះស្រាយបាតុភាពតាមព្រំដែន
5. ការងារអភិវឌ្ឈន៍តាមបណ្តោយព្រំដែន
6. ការងារផលិតផែនទីព្រំដែន #ផែនទីព្រំដែន កម្ពុជា-វៀតណាម សម័យទំនើប បានមកដល់កម្ពុជាហើយ+គណៈប្រតិភូកម្ពុជាដឹកនាំដោយឯកឧត្តម វ៉ា គឹមហុង ទេស រដ្ឋមន្រ្តីទទួលបន្ទុកកិច្ចការព្រំដែន និងជាប្រធានគណៈ កម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា និងគណៈប្រតិភូវៀតណាមដឹកនាំដោយ ឯកឧត្តម ឡេ ហួយទ្រុង អនុរដ្ឋមន្រ្តី នៃក្រសួងការបរទេស និងជា ប្រធានគណៈកម្មការចម្រុះខណ្ឌសីមា និងបោះ បង្គោលព្រំដែនគោកវៀតណាម បានជួបពិភាក្សាការងារ និងប្រគល់ ទទួលផែនទីឋានលេខាព្រំដែនគោក ខ្នាត ១/២៥ ០០០ រវាងព្រះរាជាណាចក្រកម្ពុជា និងសាធារណរដ្ឋសង្គម និយម វៀតណាម នៅច្រកទ្វារព្រំដែនអន្តរជាតិម៉ុកបាយ ខេត្តតៃនិញ វៀតណាម នាថ្ងៃទី១ ខែសីហាឆ្នាំ ២០២០។ខាងកម្ពុជា តំណាងដោយ (លោកជំទាវ កុយ ពិសី អនុប្រធានលេ ខាធិការដ្ឋានអចិន្រ្តៃយ៍នៃអាជ្ញាធរជាតិទទួលបន្ទុកកិច្ចការព្រំដែន) និងវៀតណាមតំណាងដោយលោក ហ៊្វូង ថេឡុង អនុប្រធានគណៈកម្មការព្រំដែនរដ្ឋនៃក្រសួងការបរទេស បានធ្វើការត្រួតពិនិត្យផ្ទៀងផ្ទាត់ និងឯកភាពទទួលយក សៀវភៅផែនទីឋានលេខាព្រំដែន ដែលបានចងក្រងរួច ចំនួន ៥០០ច្បាប់ដើម ក្នុងនោះភាសាខ្មែរ-វៀតណាមចំនួន២៥០ច្បាប់ និងភាសាវៀតណាម-ខ្មែរចំនួន ២៥០ច្បាប់ ដែលបានចងជាអាល់ប៊ុម (album) បានល្អ ត្រូវតាមបទ ដ្ឋានបច្ចេកទេស ដើម្បីទុកប្រើប្រាស់ក្នុងប្រទេសរៀងៗខ្លួនតទៅ។ផែនទីឋានលេខាព្រំដែនកម្ពុជា-វៀតណាម មាត្រដ្ឋាន ១/២៥ ០០០ នេះ បានបង្ហាញពេញលេញលទ្ធផល ខណ្ឌសីមា និងបោះបង្គោលព្រំដែន ប្រមាណជា៨៤% ដែល ប្រទេសទាំងពីសម្រេចបាន។ ផែនទីនេះ ជាផែនទីទំនើបសម័យឌីជីថល ៤.0 ដែលបង្ហាញយ៉ាងច្បាស់លាស់ខ្សែព្រំដែន បង្គោលព្រំដែន រួមនិងស្ថានភាពភូមមិសាស្រ្តនៅ លើដីជាក់ស្តែងបានយ៉ាងជាក់លាក់ ងាយស្រួលក្នុងការ ប្រើប្រាស់ មិនដូចផែនទីបោនខ្នាត ១/១០០ ០០០ នោះទេ៕៚#ប្រភព លោកជំទាវ កុយ ពិសី