Chan Born 15 January · រុស្សីចាប់ខ្លួនទាហានស៊ីឈ្នួល វែកន័រម្នាក់ ទៅពី កម្ពុជា នៅព្រំដែន ទួរគី រុស្សី។ ទួរគី ជាប្រទេសដែល ប្រឆាំងរុស្សី ។ ទួរគីជាប្រទេសដែល ជួយអាវុធ គ្រាប់រំសេវ ដ្រូន និង ហិរញ្ញវត្ថុដើម្បី វាយប្រហាររុស្សី។ វត្តមានជនជាតិខ្មែរ នៅ ទួរគី គឺជា អំពើរក្បត់ចំពោះ រដ្ឋាភិបាលរុស្សី។ វែកន័រ គឺជាក្រុមហ៊ុនទាហានស៊ីឈ្នួលដ៍ធំនៅ ពេញពិភពលោក ទាហាន វើកវ័រ ក៍ត្រូវបានគេរាយការណ៍ថាមានវត្តមាននៅ បណ្តាប្រទេសក្នុងតំបន់អាស៊ាន ដូចជា ម៉ាឡេ ឥណ្ឌូនេស៊ី។ ក្រុមហ៊ុន សន្តិសុខវែកន័រ ក្រោយពីមានជ័យជំនះធំនៅសង្រ្គាមអ៊ុយក្រែនបាន ប្រកាសឈឈ្មោះជា ប្រធានាធិបតី អ៊ុយក្រែន រួច លើកទ័ពចូលទៅ ក្រុងមូស្គូ ដើម្បីផ្តួលរំលំ រដ្ឋាភិបាល លោក ពូទីន។ ពេលនោះប្រតិបត្តិការសឹកមួយត្រូវបានបើកឡើង ដើម្បីកំទេច ពួកមេដឹកនាំ វែកន័រ.....
CNC TV BREAKING NEWS៖ អតីតឧកញ៉ា ហេង សិទ្ធិ ត្រូវបានបញ្ជូនពីរុស្ស៉ី មកកម្ពុជា ក្រោមការធ្វើបត្យាប័នរវាងរដ្ឋាភិបាលប្រទេសទាំងពីរ ដែលជាការអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ដោយបុគ្គល ហេង សិទ្ធិ ត្រូវបានចោទប្រកាន់ពីបទ «គំរាមកំហែងហែកកេរ្តិ៍មានស្ថានទម្ងន់ទោស» ប្រព្រឹត្តនៅប្រទេសកម្ពុជា ក្នុងខែ វិច្ឆិកា ឆ្នាំ២០២៤ បទល្មើសព្រហ្មទណ្ឌដែលមានចែងឱ្យផ្តន្ទាទោសតាមបញ្ញត្តិមាត្រា៣៧២ និងមាត្រា ៣៧៤ នៃក្រមព្រហ្មទណ្ឌ។
រូបថតសកម្មភាពរបស់ប៉ូលីសអន្តរជាតិរ៉ុស្សី បញ្ជូនអតីតអ្នក ឧកញ៉ា ហេង សុទ្ធី ពីរ៉ុស្សី មកកម្ពុជា និង រូបថត ពេលមកដល់ នាយកដ្ឋានព្រហ្មទណ្ឌក្រសួងមហាផ្ទៃ ។ ព្រឹកថ្ងៃទី ២៥ ខែឧសភា ឆ្នាំ ២០២៥ នេះ សមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ បានបញ្ជូន ហេង សុទ្ធី ទៅ សាលាដំបូងរាជធានីភ្នំពេញដើម្បីចាត់ការបន្តតាមនិតិវិធីច្បាប់ ។ អតីតអ្នកឧកញ៉ា ហេង សុទ្ធី បានប្រព្រឹត្តបទល្មើសឆបោក និង គំរាមកំហែងជំរឹតទារប្រាក់ពីអ្នកវិនិយោគបរទេសរាប់រយលានដុល្លារ និងមានបណ្តឹងជាច្រើនទៀតដែលជនរងគ្រោះបានប្ដឹង ។
The Cambodia Daily Khmer Breaking news៖ អតីតអ្នកឧកញ៉ា ហេង សិទ្ធី ត្រូវបានបញ្ជូនមកដល់កម្ពុជាហើយ នៅយប់ថ្ងៃទី២៤ ខែឧសភា ឆ្នាំ២០២៥
អតីតអ្នកឧកញ៉ា ហេង សិទ្ធី ដែលត្រូវបានចាប់ខ្លួន នៅប្រទេសរុស្ស៉ី កន្លងមក ត្រូវបានបញ្ជូនមកដល់កម្ពុជាហើយ នៅយប់ថ្ងៃទី២៤ ខែឧសភា ឆ្នាំ២០២៥ ក្រោមការធ្វើបត្យាប័នរវាងរដ្ឋាភិបាលប្រទេសទាំងពីរ ដែលជាការអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ពីបទ «គំរាមកំហែងហែកកេរ្តិ៍មានស្ថានទម្ងន់ទោស»។ អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ លោក ឆាយ គឹមខឿន បានប្រាប់អ្នកសារព័ត៌មានឱ្យដឹងថា អតីតឧកញ៉ា ហេង សិទ្ធី ត្រូវបានបញ្ជូនមកកម្ពុជា គឺអនុវត្តតាមដីកាបង្គាប់ឱ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ដែលបានចោទប្រកាន់ពីបទ «គំរាមកំហែងហែកកេរ្តិ៍មានស្ថានទម្ងន់ទោស» ប្រព្រឹត្តនៅប្រទេសកម្ពុជា ក្នុងខែ វិច្ឆិកា ឆ្នាំ២០២៤ បទល្មើសព្រហ្មទណ្ឌដែលមានចែងឱ្យផ្តន្ទាទោសតាមបញ្ញត្តិមាត្រា៣៧២ និងមាត្រា ៣៧៤ នៃក្រមព្រហ្មទណ្ឌ។
អតីតឧកញ៉ា ហេង សិទ្ធី ត្រូវបានកម្លាំងសមត្ថកិច្ចកម្ពុជានាំខ្លួនមកដល់រាជធានីភ្នំពេញ កាលពីយប់ថ្ងៃទី២៤ ខែឧសភា ឆ្នាំ២០២៥ វេលាម៉ោង១១៖៣០នាទី ដើម្បីកាត់ទោសតាមច្បាប់។ នេះបើតាមការបញ្ជាក់របស់នាយឧត្តមសេនីយ៍ ស ថេត អគ្គស្នងការនគរបាលជាតិ។ លោកត្រូវចាប់ខ្លួននៅប្រទេសរុស្ស៊ី ក្រោមកិច្ចសហការរវាងសមត្ថកិច្ចកម្ពុជា និងកម្លាំងសមត្ថកិច្ចអន្តរជាតិ។ នៅព្រឹកថ្ងៃទី២៥ ខែឧសភានេះ លោក ហេង សិទ្ធី ត្រូវនាំខ្លួនឡើងតុលាការ ដើម្បីសួរចម្លើយ និងផ្តន្ទាទោសតាមនីតិវិធី។
Chham Vichetr អតីតឧកញ៉ាហេង សិទ្ធីបានអំពាវនាវឱ្យប្រជាពលរដ្ឋចូលរួម ចលនា១៨លាន នាក់របស់លោក ដើម្បីរំដោះប្រទេសទាំងអស់គ្នាឱ្យចាកផុតពីវិបត្តិនាៗ ដែលដឹកនាំដោយការប្រមូលផ្តុំក្រុមគ្រួសារហ៊ុននិងបក្ខពួក ។
The Cambodia Daily Khmer
លោក ហេង សិទ្ធី អំពាវនាវឱ្យពលរដ្ឋខ្មែរចូលរួមរំដោះប្រទេសចេញពីអំណាចប្រមូលផ្ដុំគ្រួសារតែមួយច្បាស់លាស់
⏰ ផ្សាយថ្ងៃទី២០ ខែ០៥ ឆ្នាំ២០២៥
អតីតអ្នកឧកញ៉ា ហេង សិទ្ធី បានសរសេរលិខិតដោយផ្ទាល់ដៃចេញពីពន្ធនាគារប្រទេសរុស្ស៊ី ថា គណបក្សប្រជាជនកម្ពុជាជាគណបក្សតែមួយគត់របស់កម្ពុជា ដែលកំពុងតែដើរខុសផ្លូវ ហើយធ្វើឲ្យអន់ថយផ្នែកសេដ្ឋកិច្ច និងនយោបាយ ទាំងក្នុង និងក្រៅប្រទេស។ ជាងនេះទៅទៀត លោកអំពាវនាវឲ្យពលរដ្ឋខ្មែរចូលរួមចលនា ១៨លាននាក់ ដើម្បីរំដោះប្រទេសឲ្យចេញផុតពីវិបត្តិនៃភាពក្រីក្របច្ចុប្បន្ន។
អតីតអ្នកឧកញ៉ា ហេង សិទ្ធី កាលពីពេលថ្មីៗនេះ បានអំពាវនាវចេញពីពន្ធនាគារក្នុងប្រទេសរុស្ស៊ី ឲ្យពលរដ្ឋខ្មែរចូលរួមចលនា ១៨លាននាក់របស់លោក ដើម្បីរំដោះប្រទេសទាំងអស់គ្នាឲ្យចេញផុតពីវិបត្តិនានាដែលដឹកនាំដោយការប្រមូលផ្ដុំអំណាចគ្រួសារតែមួយ។
លោក ហេង សិទ្ធី បានសរសេរលិខិតដោយផ្ទាល់ដៃចេញពីពន្ធនាគារក្នុងប្រទេសរុស្ស៊ី ថា គណបក្សប្រជាជនកម្ពុជាជាគណបក្សដែលមានការដឹកនាំតាមបែបប្រទេសកុម្មុយនីស្ត ហើយថាគណបក្សនេះកំពុងតែដើរខុសផ្លូវ ផ្ទុយពីគោលនយោបាយពិតប្រាកដរបស់បក្ស។
លោកថា អំណាចត្រូវបានគេប្រមូលផ្ដុំសម្រាប់គ្រួសារមួយដូចរបៀបនៃការដឹកនាំតាមបែបស្ដេចត្រាញ់ ដែលនៅលើពិភពលោកសូម្បីតែប្រទេសចិន និងរុស្ស៊ី ក៏គ្មានការក្តោបក្តាប់អំណាចរបៀបនេះទេ លើកលែងតែប្រទេសកូរ៉េខាងជើង ប៉ុណ្ណោះ។
អតីតអ្នកឧកញ៉ារូបនេះអះអាងថា មូលហេតុដែលបង្កឲ្យគ្មានភាពប្រាកដនិយមក្នុងការដឹកនាំប្រទេស ដោយសារតែមានការដឹកនាំតាមការនឹកឃើញនៃបុគ្គលតែម្នាក់ ហើយនេះជាកាតាលីករបង្កឲ្យមានភាពធាក់ថយខាងផ្នែកសេដ្ឋកិច្ច និងនយោបាយ ទាំងក្នុង និងក្រៅប្រទេស។
លោក ហេង សិទ្ធី អះអាងថា ចិនជាមហាមិត្តនឹងកម្ពុជា ប៉ុន្តែបែរជាផ្ដល់ការជួយជ្រោមជ្រែងមិនពេញលេញសម្រាប់ការអភិវឌ្ឍដល់កម្ពុជាទៅវិញ។ លោកបន្តថា ចិនបានហាមឃាត់វិនិយោគិនធំៗពិតប្រាកដមិនឲ្យបណ្ដាក់ទុននៅកម្ពុជានោះទេ។
លោកបន្តថា សូម្បីតែភ្ញៀវទេសចរចិន ក៏ត្រូវបានរដ្ឋាភិបាលចិន ហាមមិនឲ្យមកលេងកម្ពុជាដែរ ដោយសារចិនមើលឃើញកម្ពុជាបច្ចុប្បន្ន កំពុងដើរខុសផ្លូវ ខុសពីចក្ខុវិស័យរបស់ប្រទេសមហាអំណាចទាំង៣ អាមេរិក ចិន និងរុស្សី។ លោកបន្តថា ពួកគេមិនគាំទ្រឲ្យមានការគ្រប់គ្រងអំណាចតែមួយគ្រួសារនោះទេ ពីព្រោះចិន និងរុស្ស៊ី ក៏គេចង់ឃើញវប្បធម៌នៃការចែករំលែកអំណាច ដើម្បីបម្រើជាតិ និងប្រជាជន ជាជាងការប្រមូលផ្ដុំអំណាចតែមួយគ្រួសារ។
លោក ហេង សិទ្ធី បានសរសេររៀបរាប់ថា បច្ចុប្បន្ន ប្រទេសក្នុងតំបន់អាស៊ី អឺរ៉ុប និងអាមេរិក បានចាត់ទុកកម្ពុជាជាផ្ទះរបស់ឧក្រិដ្ឋជន ហើយរដ្ឋាភិបាលដែលដឹកនាំដោយបក្សកាន់អំណាចសព្វថ្ងៃនេះ កំពុងបិទភ្នែកធ្វើមិនឃើញ។ លោកថា ឧក្រិដ្ឋជនប្រើអំណាចទឹកលុយទិញឧត្ដមគតិមន្ត្រីរាជការឲ្យមកធ្វើបាបអ្នកវិនិយោគក្នុងស្រុក និងពលរដ្ឋទូទៅ។
លោកអំពាវនាវឲ្យបងប្អូនពលរដ្ឋខ្មែរចូលរួមចលនា «១៨លាននាក់» របស់លោក និងធ្វើបាតុកម្មនៅតាមបណ្តាទូតរុស្ស៊ី នៅប្រទេសដែលមានពលករខ្មែរកំពុងរស់នៅ ដើម្បីស្នើសុំឲ្យរុស្ស៊ី ដោះលែងលោកឲ្យមានសេរីភាពឡើងវិញ។ លោកសច្ចាថា ពេលណាលោកមានសេរីភាពវិញ លោកនឹងយកជីវិតតស៊ូដើម្បីអនាគតរបស់ប្រទេសកម្ពុជា ដែលជាប្រទេសរបស់ខ្មែរ និងពុំមែនជាប្រទេសផ្ដាច់មុខរបស់អ្នកដឹកនាំរូបណានោះទេ។
លោកអះអាងថា ពុំមានប្រទេសមហាអំណាចណាមួយគាំទ្ររបបនយោបាយរបស់កម្ពុជាបច្ចុប្បន្ននោះទេ វាគ្រាន់តែជាប៉ាហ៊ីឆ្ពិនភ្នែកប្រជាជនគ្រប់រូបប៉ុណ្ណោះ។ លោកថា ជាឧទាហរណ៍ ហេតុអ្វីបានជាប្រទេសតួកគី ពុំព្រមចាប់ខ្លួនលោក ទោះបីជាគេរកឃើញថាលោកត្រូវបានដាក់បញ្ចូលទៅក្នុងនិវេទក្រហមក៏ដោយនោះ ហើយអាជ្ញាធរប្រទេសតួកគី បែរជានាំគ្នាអង្គុយសើចទៅវិញ។ ចំណែកឯរុស្ស៊ី វិញ ការចាប់ខ្លួនលោក ធ្វើឡើងរហូតដល់ទៅជិតមួយខែឯណោះ ក្រោយពេលលោកទៅដល់រុស្ស៊ី។
លោក ហេង សិទ្ធី អះអាងថា នៅពេលនេះ រុស្ស៊ីកំពុងតែធ្វើការស្រាវជ្រាវ និងស៊ើបអង្កេតលើមន្ត្រីទូតរុស្ស៊ី នៅកម្ពុជា និងមន្ត្រីពាក់ព័ន្ធមួយចំនួនដែលធ្វើការចាប់ខ្លួនលោក។
ការចាប់ខ្លួនអតីតអ្នកឧកញ៉ា ហេង សិទ្ធី ធ្វើឡើងក្រោយក្រសួងការបរទេសកម្ពុជា បានផ្ញើលិខិតទៅកាន់ស្ថានទូតកម្ពុជាទាំងអស់នៅក្រៅប្រទេស ប្រាប់អំពីការធ្វើមោឃភាពលិខិតឆ្លងដែនរបស់អតីតអ្នកឧកញ៉ារូបនេះ ខណៈសមត្ថកិច្ចរបស់កម្ពុជា បានសហការជាមួយប៉ូលិស Interpol ដាក់ឈ្មោះអតីតឧកញ៉ា ហេង សិទ្ធី ទៅក្នុងនិវេទក្រហម ដើម្បីតាមចាប់ខ្លួនផងដែរ។
ក្រសួងការបរទេសកម្ពុជា បញ្ជាក់ថា លោក ហេង សិទ្ធី ត្រូវបានតុលាការកម្ពុជាចេញដីកាមួយចុះថ្ងៃទី៣ ខែធ្នូ ឆ្នាំ២០២៤ បង្គាប់ឲ្យចាប់ខ្លួន ពីបទគំរាមកំហែង ហែកកេរ្តិ៍ មានស្ថានទម្ងន់ទោស ប្រព្រឹត្តទៅនៅប្រទេសកម្ពុជា ក្នុងខែវិច្ឆិកា ឆ្នាំ២០២៤។
លោក ហេង សិទ្ធី កាលពីថ្ងៃទី១៣ ខែមករា ឆ្នាំ២០២៥ បានបង្ហោះសារនៅលើទំព័រហ្វេសប៊ុករបស់លោកជាសារសំឡេងទៅកាន់នាយករដ្ឋមន្ត្រីកម្ពុជា លោក ហ៊ុន ម៉ាណែត ថា លោកបានធ្វើតាមច្បាប់កម្ពុជាអស់ហើយនៅក្នុងការបកអាក្រាតរឿងពុករលួយរបស់មន្ត្រីមួយចំនួន ជាពិសេសលោកថានៅក្នុងក្រសួងមហាផ្ទៃ ពាក់ព័ន្ធនឹងករណីឆបោកតាមប្រព័ន្ធអនឡាញ។
លោក ហេង សិទ្ធី ដែលជាអ្នកជំនួញផ្នែកអចលនទ្រព្យដែលមានងារជាអ្នកឧកញ៉ា ត្រូវបានព្រះមហាក្សត្រដកហូតគោរមងារកាលពីចុងខែធ្នូ ឆ្នាំ២០២៤។
អតីតអ្នកឧកញ៉ារូបនេះក៏បានចោទប្រកាន់មន្ត្រីជាន់ខ្ពស់មួយចំនួនទៀតផងដែរពីបទ ពុករលួយ និងជាប់ពាក់ព័ន្ធក្នុងឧក្រិដ្ឋកម្មតាមអ៊ីនធឺណិត។ លោកបានចោទថា លោក គួច ចំរើន ដែលបច្ចុប្បន្នជាអភិបាលខេត្តកណ្តាល មានលុយរាប់រយលានដុល្លារជារូបិយប័ណ្ណគ្រីបតូ ក្នុងពេលកាន់តំណែងជាអភិបាលខេត្តព្រះសីហនុ (២០១៩-២០២៤)។ លោក សិទ្ធី បានចោទលោក ស សុខា រដ្ឋមន្ត្រីក្រសួងមហាផ្ទៃ និងលោក ជួន ណារិន្ទ ស្នងការនគរបាលរាជធានីភ្នំពេញ ពាក់ព័ន្ធអំពើពុករលួយ។ លើសពីនេះ លោកបានចោទប្រកាន់អ្នកឧកញ៉ា ហ៊ុន តូ ដែលជាក្មួយប្រុសរបស់លោក ហ៊ុន សែន ថាបានលួចលុយចំនួន ៩លានដុល្លារពីអ្នកវិនិយោគចិន ដើម្បីសុំការអនុម័តគម្រោងជីករ៉ែ។
ជាការឆ្លើយតប លោក ហ៊ុន តូ បានបញ្ជាក់នៅក្នុងលិខិតមួយចុះថ្ងៃទី៨ ខែមករា ឆ្នាំ២០២៥ ដោយច្រានចោលការលើកឡើងរបស់លោក ហេង សិទ្ធី។ លោក ហ៊ុន តូ ថាលោក ហេង សិទ្ធី ប្រឌិតអង្គហេតុ ហើយធ្វើការចោទប្រកាន់រូបលោកដោយគ្មានភស្តុតាង។
មេធាវីរបស់អតីតអ្នកឧកញ៉ា ហេង សិទ្ធី អ្នកស្រី Daria Rudenko បានអះអាងប្រាប់សារព័ត៌មាន ឌឹ ខេមបូឌា ដេលី ថា គណបក្សកាន់អំណាចស្នើសុំឲ្យរុស្ស៊ី ចាប់កូនក្ដីរបស់អ្នកស្រី ដោយសារតែបានដឹងពីផែនការបង្កើតបក្សនយោបាយមួយក្នុងឆ្នាំ២០២៥ ដោយបង្កើតគោលនយោបាយយកគំរូតាមប្រទេសមហាអំណាចធំៗមួយចំនួន ដើម្បីប្រឆាំងនឹងរដ្ឋាភិបាលគ្រួសារផ្ដាច់ការត្រកូលហ៊ុន។
ទាក់ទិននឹងបញ្ហានេះ ក្រុមអ្នកឃ្លាំមើលសង្គមអះអាងថា គ្រួសារត្រកូលហ៊ុនរបស់លោក ហ៊ុន សែន ជាចង្កោមគ្រួសារនៅពីក្រោយក្រុមឧក្រិដ្ឋជនដែលកំពុងយកប្រទេសកម្ពុជាជាកន្លែងប្រព្រឹត្តឧក្រិដ្ឋកម្មផ្សេងៗ ដូចជា អំពើជួញដូរមនុស្ស លាងលុយកខ្វក់ ការបោកប្រាស់តាមអនឡាញ និងការញាំញីទៅដោយអំពើពុករលួយជាប្រព័ន្ធ។
អ្នកសង្កេតការណ៍ខ្លះជំរុញឲ្យរដ្ឋាភិបាល ឬស្ថាប័នពាក់ព័ន្ធ គប្បីយកចិត្តទុកដាក់នូវព័ត៌មានទាំងអស់ដែលទទួលបាន ដើម្បីបើកការស៊ើបអង្កេតវែកមុខអ្នកដែលពាក់ព័ន្ធទៅនឹងបទឧក្រិដ្ឋទាំងអស់ យកមកផ្ដន្ទាទោស មិនមែនមកចាប់ខ្លួនអ្នករាយការណ៍ពីបទល្មើសនោះទេ។
នេះក៏ជាលើកទីមួយដែរក្នុងប្រវត្តិសាស្ត្រនៃរជ្ជកាលដឹកនាំរបស់លោក ហ៊ុន សែន និងត្រកូលហ៊ុនទាំងមូល ដែលមានបុរសម្នាក់តាំងខ្លួនជាអ្នកក្លាហានដូចជាលោក ហេង សិទ្ធី ហ៊ានចេញមុខ និងបកអាក្រាតក្មួយប្រុសរបស់លោក ហ៊ុន សែន គឺអ្នកឧកញ៉ា ហ៊ុន តូ ដែលជាបងធំលំដាប់កំពូលនៅកម្ពុជា ជាប់ពាក់ព័ន្ធជាមួយនឹងឧក្រិដ្ឋកម្មលាងលុយកខ្វក់ និងរូបិយប័ណ្ណគ្រីបតូ។
លោក ហេង សិទ្ធី គ្រប់គ្រងក្រុមហ៊ុនមួយចំនួននៅក្រោម Maritime Group ហើយលោកក៏មានធនាគារ Maritime ក្នុងប្រទេសកម្ពុជា ប៉ុន្តែធនាគារត្រូវបានបិទ ហើយទ្រព្យសម្បត្តិរបស់លោកជាច្រើនក្នុងប្រទេសកម្ពុជា ត្រូវបានបង្កក។ កន្លងមក លោក ហេង សិទ្ធី ក៏ធ្លាប់បរិច្ចាគលុយជាច្រើនដល់រដ្ឋាភិបាលលោក ហ៊ុន សែន និងកាកបាទក្រហមកម្ពុជារបស់អ្នកស្រី ប៊ុន រ៉ានី ដែរ។
លោក ហេង សិទ្ធី ធ្លាប់អះអាងថា លោកមានដីស្របច្បាប់ជាច្រើនហិកតានៅតំបន់រាម និងដីលើកោះស្រមោច ក្នុងខេត្តព្រះសីហនុ ប៉ុន្តែដីរបស់លោកដែលមានតម្លៃរាប់រយលានដុល្លារទាំងនោះ ត្រូវបានលោក ហ៊ុន តូ ប្លន់យកទាំងអស់។
ទោះជាយ៉ាងណាក៏ដោយ សារព័ត៌មាន The Cambodia Daily នៅមិនទាន់អាចសុំការបំភ្លឺពីលោក ហ៊ុន តូ បាននៅឡើយទេ៕
Meas Saborn 4 January ·
អតីតឧកញ៉ាបោកប្រាស់ ហេង សិទ្ធី បានប្រេីប្រាស់ឈ្មោះថ្នាក់ដឹកនាំឆបោកប្រាក់ ជនជាតិសិង្ហបុរីចំនួន ១០លានដុល្លារ ។ ក្រោយបែកធ្លាយអំពើឆបោកនេះ ជនឆបោក ហេង សិទ្ធី បានយកលុយចំនួន ១០លានដុល្លារ មកសងជនរងគ្រោះវិញ ដោយបានចេញមូលប្បទានប័ត្រឱ្យទៅជនរងគ្រោះ ។ បន្ទាប់ពីសងលុយទៅជនរងគ្រោះហេីយ ជនឆបោក ហេង សិទ្ធី បានបង្ហោះសារមួលបង្កាច់លាបពណ៌ ញុះញង់ បំផ្លើសបំភ្លៃចោទប្រកាន់ជនរងគ្រោះថាជាអ្នករកស៊ីខុសច្បាប់ទៅវិញ ថែមទាំងបានគំរាមទារលុយពីជនរងគ្រោះចំនួន ២លានដុល្លារវិញ ។
ជនឆបោករូបនេះដោយភ័យខ្លាចពីការប្តឹងផ្តល់របស់ជនជាតិសិង្ហបុរីក៏បានរត់គេចចេញពីប្រទេសកម្ពុជារត់ទៅសុំប្រទេសដទៃជ្រកកោនរួចក៏ឆ្លៀតឱកាសពីការរស់នៅពីទីនោះក៏បានសរសេរសំណេរផ្សេងៗដែលមិនពិតនៅលេីហ្វេសប៊ុកផ្ទាល់ខ្លួនវៃប្រហារមកលេីថ្នាក់ដឹកនាំទាំងគ្មានភស្តុតាងអ្វីបន្តិច។ សូមស្ដាប់ប្អូនប្រុសម្នាក់នេះបកស្រាយដូចខាងក្រោមនេះ ។
No comments:
Post a Comment