គោលបំណងនៃការស្រាវជ្រាវ ចងក្រងឯកសារនេះ ដើម្បី ឆ្លើយសំណូរថា តើ តាំង សារ៉ាដា ជានណា? តាមរូបថត រូបភាព សំណេរខាងក្រោមនេះ បញ្ជាក់ថា តាំង សារ៉ាដា គឺជា មន្រ្តីជាន់ខ្ពស់ខាងពត៍មានរបស់ គណបក្ស សម រង្សី ដែលកំពុងរស់នៅ ប្រទេសបារាំង ចំណែក តាំង សារ៉ាដា កំពុងរស់នៅ សហរដ្ឋអាមេរិក ខណៈដែល ចំណងសម្ព័ន្ធមិត្តរវាង អាមេរិក អឺរ៉ុប ឈានដល់កម្រិតបែកបាក់ ដោយសារ សង្រ្គាមអ៊ុយក្រែនឆ្នាំ ២០២៣ នេះ។ ក្នុងន័យនេះ តាំង សារ៉ាដា មាន នយោបាយប្រឆាំង ជាមួយ បក្ស កឹម សុខា ប្រឆាំង គណបក្សប្រជាជនកម្ពុជា។ តាំង សារ៉ាដា បំរើការជាង ១០ ឆ្នាំ ឲ្យវិទ្យុ អាស៊ីសេរី ដែល ប្រធាន វិទ្យុអាស៊ីសេរី ឈ្មោះ ហាស់ សាន់ ជាជនជាតិ ខ្មែរ ឥស្លាម ឬ ជនជាតិ ចម្ប៉ា។ ដោយសារវិទ្យុនេះ មានបុគ្គលិកជា មន្រ្តីពត៍មានរបស់ ខ្មែរក្រហមផង ជាមន្រ្តីរបស់ រដ្ឋស្រម៉ោល ចម្ប៉ាផង នាំឲ្យ មានទំនាស់ វាង ជុន ចាន់បុត្រា ជាមួយ ហាស់ សាន ដែលជ័យជំនះ បានទៅលើ ជុន ចាន់់បុត្រ ចំណែក ហាស់ សាន ខ្ទាតចេញ។ តាំង សារ៉ាដា ក្លាយជា នាយក កាសែត The Cambodia Daily Khmer ជាសាខា របស់ កាសែត អាមេរិក មាននិន្នាការ ប្រឆាំង ឥស្លាមទូទាំង សកលលោក ។ ពេល តាំង សារ៉ាដា ទៅជួបសម្ភាសន៍ ជាមួយ មុំ អាស្សនី ឬ អ៊ីម៉ាន អាល់ហ្សានី ជាការពិត គឺជាការរៀបចំរបស់ ហាស់ សាន់ ដើម្បីសម្ភាសន៍វាយប្រហាររិះគន់ ប្រទេសកម្ពូជា និង មេដឹកនាំខ្មែរ ឧកញ៉ាខ្មែរ នាំឲ្យចេញ ឈ្មោះពិត អំពី ជនជាតិ ចាម ធ្វើសកម្មភាពនៅ កម្ពុជា ។ ដូច្នេះ រឿង ២ គឺរឿង នយោបាយប្រឆាំង ត្រូវបាន ឧកញ៉ា ឡេង ណាវ៉ាត់ត្រាប្តឹង០៦ ករណី រឿង ផ្សាយពត៍មានកុហក បួករឿង គាំទ្រ ឥស្លាម ប្រឆាំង កម្ពុជា វាក្លាយទៅជា ការបិទ កាសែត របស់ តាំង សារ៉ាដា ដោយការលុបចេញពី Facebook .
.jpg)
សូមដកស្រង់សមាសភាពថ្នាក់ដឹកនាំក្នុងរចនាសម័ន្ធថ្មី ពីឆ្នាំ ១៩៩៩ ដែលមានឈ្មោះបោះសម្លេងមកទល់សព្វថ្ងៃ គឺមានលោក សារ៉ូ ស៊ីវត្ថា ជាមេដឹកនាំដដែល, លោក ស៊ុត ឌីណា ជាអនុប្រធានទី១ (ប្រវត្តិ៖ លោក ស៊ុត ឌីណា បានធ្វើការងារជាមួយអ្នកណាខ្លះ?), លោក អ៊ុំ សំអាន ជាគ្គលេខាធិការរងទី១, លោកស្រី ស៊ុន សុគន្ធមាលា អគ្គលេខាធិការរងទី២ (ភ្ជាប់ជាមួយ៖ (លោក ស៊ុត ឌីណា បានធ្វើការងារជាមួយអ្នកណាខ្លះ?), លោក ទូច វិបុល ទទួលតូនាទីជាអនុប្រធាន (លោក ទូច វិបុល ជានរណា?) ក្រោយពេលលោក ស៊ុត ឌីណា ចាកចេញទៅដឹកនាំរណសិរ្សប្រជាធិបតេយ្យនិស្សិតបញ្ញវន្តខ្មែរ។ លោក ម៉ែន ណាត ប្រធានរដ្ឋបាល និងទំនាក់ទំនងនិស្សិតអន្តរមហាវិទ្យាល័យ។ ចំណែក លោក តាំង សារ៉ាដា និស្សិតច្បាប់ នៃមហាវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច នៅដើមឆ្នាំ ២០០០ ត្រូវបានជ្រើសរើសជា អគ្គលេខាធិការរង នៃចលនានិស្សិតនេះ (សព្វថ្ងៃរស់នៅសហរដ្ឋអាមេរិក និងជានាយកកម្មវិធី នៃសារព័ត៌មាន The Cambodia Daily ភាសាខ្មែរ)។
Vannak Pheng ភូតកុហក ញុះញង់ បំផ្លើសបំភ្លៃ លាបពណ៌ នៅវិទ្យុអាស៊ីសេរី អស់ចិត្ត ប្រជាពលរដ្ឋលែងស្ដាប់ លែងជឿ ឥលូវធ្វើជាលាលែង ទៅបង្កើត អង្គភាព ព័ត៌មានថ្មីមួយទៀត ចេញពី អាស៊ីសេរី ដូចដែល តាំង សារ៉ាដា ចេញពី អាស៊ីសេរី ទៅបង្កើត The Cambodia Daily Khmer នោះដែរ ។ មនុស្សដដែល យុទ្ធសាស្ត្រដដែល ដូរតែអង្គភាព គេស្គាល់ក្រយ៉ៅអស់ហេីយ
(ភ្នំពេញ)៖ ថ្មីៗនេះ កាសែត The Cambodia daily ដែលមានមូលដ្ឋាននៅអាមេរិកបំរើនិន្នាការនយោបាយប្រឆាំងនោះត្រូវបានក្រុមហ៊ុន Facebook ធ្វើការលុបផេកហ្វេសប៊ុក The Cambodia Daily khmer ចោលទាំងស្រុងហើយ បន្ទាប់ពីរងនូវពាក្យបណ្តឹងជាច្រើនករណីក្នុងការបង្កើតមាតិកាព័ត៌មានប្រឌិតបំភ្លៃការពិត ញុះញង់បង្ករចលាចដែលធ្វើឲ្យប៉ះពាល់ដល់សិទ្ធិបុគ្គល និងស្ថាប័ន។
ពាក់ព័ន្ធនឹងការរងនូវបណ្តឹងជាច្រើន ឥឡូវ កាសែតអនឡាញអត់ច្បាប់ទម្លាប់មួយនេះ បានសម្រេចទទួលស្គាល់កំហុសនូវបណ្តឹង ៦ករណីពីអ្នកឧកញ៉ា ឡេង ណាវ៉ាត្រា ដោយផេក The Cambodia daily khmer ធ្វើការលុបមាតិកាវីដេអូ ដែលបុគ្គល តាំង សារ៉ាដា ផ្សាយមិនពិតពីក្រុមហ៊ុន Galaxy Navatra Group ពិសេសពាក់ព័ន្ធនឹងអ្នកឧកញ៉ា ឡេង ណាវ៉ាត្រា តែម្តង។
នៅលើបណ្តាញសង្គមហ្វេសប៊ុកផ្ទាល់ខ្លួន អ្នកឧកញ៉ា ឡេង ណាវ៉ាត្រា ក៏បានបង្ហោះរូបភាពជាមួយនឹងសំណេរបញ្ជាក់ជូនសាធារណជនពីដំណឹងដែលកាសែត The Cambodia daily ទទួលស្គាល់កំហុសនូវបណ្តឹង ៦ករណីនេះ។ អ្នកឧកញ៉ាសរសេរក្នុងន័យដើមយ៉ាងដូច្នេះថា៖ «The cambodia daily khmer សម្រេចទទួលកំហុសនូវបណ្ដឹង 6ករណីរបស់ខ្ញុំ និងសម្រេចលុបចេញដើម្បីទទួលបានផេកមកវិញ។ បន្ទាប់ពីបាត់ពីពិភពលោកបួនថ្ងៃ (ចេះដឹងកំហុសដែរ ស្លន់ស្លោ) តែខួរក្បាលពិត មិនដឹង ចេះស្គាល់កំហុសអត់ណ៎។ The cambodia daily Khmer ខ្មាស់គេជាងស្រាតខោទៀត»។
គួររំលឹកដែរថា ជានិច្ចជាកាល សារព័ត៌មាន The Cambodia Daily មានមូលដ្ឋាននៅបរទេសមួយនេះ តែងតែធ្វើការបង្ហោះនូវព័ត៌មានមិនពិត បំភ្លៃនិងបំផ្លើស ក្នុងចេតនាបង្ខូចកេរ្តិ៍ឈ្មោះរបស់មន្ត្រីរាជរដ្ឋាភិបាល និងបុគ្គលផ្សេងៗដែលមានទំនាក់ទំនងជិតស្និទ្ធជាមួយនឹងរាជរដ្ឋាភិបាល។ ដូចនេះការលុបចោលនូវទំព័រហ្វេសប៊ុកផ្លូវការរបស់កាសែត The Cambodia daily គឺជារឿងដ៏គួរឱ្យសាទរសម្រាប់ប្រជាពលរដ្ឋកម្ពុជា ហើយវាក៏ជាមេរៀនមួយសម្រាប់សារព័ត៌មានដែលបម្រើបរទេសដទៃទៀត ដែលកំពុងតែធ្វើសកម្មភាពញុះញង់ បង្កើតនូវព័ត៌មានក្លែងក្លាយដូចជាសារព័ត៌មាន The Cambodia Daily នេះផងដែរ៕
លោក តាំង សារ៉ាដា បុគ្គលិកសំខាន់មួយរូបរបស់វិទ្យុអាស៊ីសេរី ប្រកាសលាឈប់ពីការងារនៅថ្ងៃនេះ ក្រោយពីបង្ហាញពាក្យឈឺចាប់ដ៏មានទំងន់មួយឃ្លា «សុខចិត្តក្រជាមួយម្ចាស់ឆ្លាត ជាជាងមានបានជាមួយម្ចាស់ល្ងង់»
(ភ្នំពេញ)៖ ពាក្យឈឺចាប់មួយឃ្លាដែលមានទំងន់ជាងគេរបស់លោក តាំង សារ៉ាដា គឺ «សុខចិត្តក្រជាមួយម្ចាស់ឆ្លាត ជាជាងមានបានជាមួយម្ចាស់ល្ងង់» ត្រូវបានបង្ហាញនៅលើបណ្តាញទំនាក់ទំនង Facebook របស់លោកក្នុងចំណោមពាក្យឈឺចាប់ជាច្រើនទៀត មុនពេលលោកសម្រេចប្រកាសលាឈប់ពីវិទ្យុអាស៊ីសេរី នៅថ្ងៃទី០៩ ខែតុលា ឆ្នាំ២០១៨នេះ។
លោ តាំង សារ៉ាដា បុគ្គលិកសំខាន់មួយរូបរបស់វិទ្យុអាស៊ីសេរី ថ្លែងប្រាប់បណ្តាញព័ត៌មាន Fresh News ពីទីក្រុងវ៉ាស៊ីនតោន សហរដ្ឋអាមេរិក នៅវេលាយប់ជ្រៅថ្ងៃទី០៩ ខែតុលា ឆ្នាំ២០១៨ (ម៉ោងនៅកម្ពុជា) ឲ្យដឹងថា លោកបានសម្រេចប្រកាសលាឈប់ចេញពីបុគ្គលិករបស់អាស៊ីសេរីហើយ នៅថ្ងៃទី០៩ ខែតុលានេះតែម្តង បន្ទាប់ពីបំពេញការងារនៅវិទ្យុនេះអស់ជាច្រើនឆ្នាំ។
លោក សារ៉ាដា បានថ្លែងថា មិនទាន់មានបំណងទៅធ្វើការនៅកន្លែងណានៅឡើយទេ ចង់សម្រាកខួរក្បាលបន្តិច។ នៅថ្ងៃទី០៩ ខែតុលា ឆ្នាំ២០១៨នេះ លោកបានបង្ហោះសារថា «ចាប់ពីពេលនេះតទៅខ្ញុំលែងជាបុគ្គលិករបស់វិទ្យុអាស៊ីសេរីតទៅទៀតហើយ»។
នៅក្នុងចន្លោះខែសីហា និងខែកញ្ញា ឆ្នាំ២០១៨កន្លងទៅ លោក តាំង សារ៉ាដា បានបង្ហោះពាក្យឈឺចាប់ជាច្រើនឃ្លាថា ក្នុងនោះមានពាក្យមួយឃ្លាដែលត្រូវបានលោកអះអាងថា មានទំងន់ជាងគេគឺ «សុខចិត្តក្រជាមួយម្ចាស់ឆ្លាត ជាជាងមានបានជាមួយម្ចាស់ល្ងង់»។ ក្រៅពីនោះនៅមានពាក្យជាច្រើនទៀត ដូចជាពាក្យ «ជំងឺរបស់មេដឹកនាំផ្តាច់ការ មានស្ថានស្រដៀងៗគ្នា» និងពាក្យ «ទ្រីស្តីនៃការតស៊ូទាំងឡាយភាគច្រើនកើតចេញពីការឈឺចាប់និងភាពរងគ្រោះ» ព្រមទាំងពាក្យ «ពេលដែលក្តាន់នៅក្នុងហ្វូងខ្លា សូម្បីគោព្រៃក៏មិនហ៊ានទៅជួយដែរ រីឯទន្សាយក៏បិទភ្នែកហើយ ខ្ទប់មាត់មិនហ៊ានក្អកថែមទៀត»។
តាមរយៈការបង្ហាញពាក្យឈឺចាប់ និងឈានដល់ប្រកាសដើរចេញពីវិទ្យុអាស៊ីសេរីបែបនេះ ត្រូវបានមហាជន និងអ្នកវិភាគយល់យ៉ាងច្បាស់ថា វិទ្យុអាស៊ីសេរី (RFA) ដែលជា កម្មសិទ្ធផ្តាច់មុខរបស់សហរដ្ឋអាមេរិកមួយនេះ មានមេដឹកនាំប្រតិបត្តិការងារបែបផ្តាច់ការ គៀបសង្កត់ មិនផ្តល់សេរីភាពនៃការសរសេរព័ត៌មាន មិនផ្តល់សេរីភាពនៃការបញ្ចេញមតិ។ល។
សូមជំរាបថា វិទ្យុអាស៊ីសេរីនៅពេលនេះកំពុងស្ថិតក្រោមការគ្រប់គ្រងរបស់លោក ហួត វុទ្ធី ហៅ ជុន ច័ន្ទបុត្រ ដែលធ្លាប់មានប្រវត្តិបន្លំខ្លួនចូលពន្ធនាគារព្រៃស កាលពីថ្ងៃទី១៩ ខែមេសា ឆ្នាំ២០១៧ ដោយបានបន្លំខ្លួនជាជំនួយការរបស់អតីតមន្រ្តីជាន់ខ្ពស់គណបក្សសង្រ្គោះជាតិ។ បន្ទាប់ពីក្លែងខ្លួនចូលពន្ធនាគារដោយខុសច្បាប់ លោក ជុន ច័ន្ទបុត្រ ត្រូវបានអយ្យការអមសាលាដំបូងរាជធានីភ្នំពេញ ចេញដីកាកោះហៅឲ្យចូលខ្លួនក្នុងនាមជនសង្ស័យ នៅថ្ងៃទី០២ ខែឧសភា ឆ្នាំ២០១៧ ប៉ុន្តែលោកបានរត់គេចចេញពី សំណាញ់ច្បាប់របស់ប្រទេសកម្ពុជា ទៅកាន់ទីក្រុងបាងកក ប្រទេសថៃ នឹងបន្តដំណើរទៅកាន់សហរដ្ឋអាមេរិក ទីដែលរូបលោកធ្វើការនៅទីនោះរហូតដល់បច្ចុប្បន្ននេះ៕
ប៉ាង សុខឿន - Khmer Sovannaphumi
លោក តាំងសារ៉ាដា៖ យុវជនភ្នំពេញ មានសមត្ថភាព ចរឹតក្លាហាន និងគំនិតជាតិនិយម លោក តាំង សារ៉ាដា មានស្រុកកំណ់ើតនៅទីក្រុងភ្នំពេញ។ លោកជាកូនមន្រ្តីរាការម្នាក់ មានជីវភាពមធ្យម។ លោកបានរៀនចប់បរិញ្ញាបត្រច្បាប់ពីសកលវិទ្យានីតិសាស្រ្ត និងសេដ្ឋកិច្ច នៅក្រុងភ្នំពេញ។ សព្វថ្ងៃលោក តាំង សារ៉ាដា ជាបុគ្គលិកបម្រើការនៅវិទ្យុសំលេងអាស៊ីសេរី។
លោក តាំង សារ៉ាដា បានចូលរួមសកម្មភាពចលនានិស្សិតដើម្បីលទ្ធិប្រជាធិបតេយ្យដែលជាចលនានិស្សិត និងយុវជនស្នេហាជាតិមួយនៅកម្ពុជា តាំងពិឆ្នាំ១៩៩៩មក។
លោក តាំង សារ៉ាដា ត្រូវបានគេស្គាល់ថាជាមនុស្សសកម្មនឹងកិច្ចការប្រទេសជាតិ មានសេចក្តីក្លាហាន មិនចេះសូញសាញ មានចរឹតមិនចំណុះអ្នកណាឡើយ មានចិត្តខ្លាំង ចូលចិត្តនិយាយត្រង់ៗមិនលាក់លាមក្នុងចិត្ត។ ចំពោះការងារវិញ លោក តាំង សារ៉ាដា តែងធ្វើការងារដោយមានមូលដ្ឋានច្បាស់លាស់ និងឯកសារយោងត្រឹមត្រូវ។ លោក ជាមនុស្សហ៊ានអារកាត់រាល់កិច្ចការភ្លាមៗ និងហ៊ានទទួលខុសត្រូវចំពោះការងាររបស់ខ្លួន។
លោក តាំង សារ៉ាដា ជាមនុស្សជាតិនិយម ស្រឡាញ់សិទ្ធិសេរីភាព យុត្តិធម៌ ចូលរួមកិច្ចការព្រំដែន និងបានតស៊ូក្នុងកិច្ចការប្រទេសជាតិជាយូរឆ្នាំមកដើម្បីលទ្ធិប្រជាធិបតេយ្យ ការពារជាតិ និងបម្រើពលរដ្ឋខ្មែរ។ ថ្វីត្បិតលោកមានសិទ្ធិរស់នៅសហរដ្ឋអាមេរិកជាមួយក្រុមគ្រួសារ តែលោកនៅតែបន្តកិច្ចការងារប្រទេសជាតិដោយមិនដកថយឡើយ។
ជាលក្ខណៈផ្ទាល់ខ្លួន លោក តាំង សារ៉ាដា និង ខ្មែរ សុវណ្ណភូមិ ជាមិត្តរួមការងារ និងជាបងប្អូនដែលត្រូវរួមគ្នាធ្វើការងារដើម្បីប្រទេសជាតិបន្តទៅមុខទៀតរហូតបានជោគជ័យ។
ថ្ងៃទី២២ ខែមករា ឆ្នាំ២០២៣ ម៉ោង ១១:០៤ ព្រឹក ឧកញ៉ា ឡេង ណាវ៉ាត្រា តបជាមួយ លោកតាំង សារ៉ាដា អ្នកកាសែត ខេមបូដា ដេលី ឧកញ៉ា ឡេង ណាវ៉ាត្រា បានសរសេរឆ្លើយតបជាមួយ លោកតាំង សារ៉ាដា អ្នកកាសែត ខេមបូដា ដេលី។
ឧកញ៉ា ឡេង ណាវ៉ាត្រា ឆ្លើយតបបែបនេះ ក្រោយផេក របស់កាសែត ខេមបូដា ដេលី បានសរសេរវាយប្រហារ លោក ឧកញ៉ា ឡេង ណាវ៉ាត្រា ជាអ្នករកស៊ីម្នាក់ហើយលាងលុយកខ្វក់។
តាមសំណេររបស់ឧកញ៉ា ឡេង ណាវ៉ាត្រា ដូចខាងក្រោមនេះ៖
🙏🏼🙏🏼ឱលោកពូតាំងសារ៉ាដា គ្រាន់តែខ្ញុំឈប់គាំទ្រមេលោកពូ លោកពូតាមចោទប្រកាន់រហូត🙏🏼🙏🏼
សម្រាប់មុខរបរខ្ញុំ ខ្ញុំមិនដែលមានអ្វីលាក់បាំងទាល់តែសោះ កុំដើម្បីផ្សារភ្ជាប់ដាក់កំហុស ចំណេញនយោបាយ និយាយអោយតែរួចពីមាត់ហើយអ្វីក៏ហ៊ានធ្វើ សុំមានគុណធម៌ខ្លះផង បើនៅមានឈាមជ័រជាខ្មែរ។
បើនិយាយពីមុខរបររកស៊ីរបស់ខ្ញុំដូចជាវាមិនលំបាកយល់សោះ ខ្ញុំសង់ផ្ទះលក់បានរាប់ម៉ឺនល្វែងហើយ គុណលុយមើល តើពូចេះគុណលេខអត់តម្លៃចន្លោះពី(18,000$ដល់12ម៉ឺនដុល្លា) ក្នុងមួយល្វែង ខ្ញុំវាយតំលៃមធ្យមភាគត្រឹម 3ម៉ឺនដុល្លាចុះហើយលក់រាប់ម៉ឺនល្វែង គុណមើលឃើញលុយប៉ុន្មាន…..?
និងដីឡូត៍លំនៅឋានរាប់ សែនឡូត៍គុណលុយទៅប៉ុន្មាន? តំលៃចន្លោះពី(1,800$ដល់12,000$)ខ្ញុំគិតមធ្យមភាគតែ3000$ទេ គិតទៅឃើញប៉ុន្មាន?
👉បងប្អូនណាចេះគុណ លុយ សាកគុណឱ្យខ្ញុំមើលប្រហែលៗខាងក្រោមមកដើម្បីអោយពូតាំងសារ៉ាដាបានយល់…?
😃ពូប្រាកដជាសល់សំនួរមួយទៀតមែនអត់ពូ ចឹងខ្ញុំឆ្លើយអោយហើយកុំអោយពូពិបាកសួរ
😂សំនួរ
👉បានដើមទុនពីណា?ខ្ញុំដឹងពូចង់សួរសំណួរនេះ😂
😂ចម្លើយ
👉អ្នករកស៊ីគឺប្រើទុននិងទំនុកចិត្តស្មោះត្រង់បន្ថែម 👉(គឺគេប្រើទំនុកចិត្តសំខាន់)ខ្ញុំប្រាប់បើពូមិនទាន់យល់ ។
ឧទាហរណ៍ពូតាំងសារ៉ាដា ឯងមានដីចង់លក់ 30ហិចតាស្មើរទឹកលុយ 30លានដុល្លា ហើយគឺជជែកគ្នាទិញលក់ក្នុងការសាងសង់ទូទាត់រយៈពេលវែង ហើយជជែកជាមួយក្រុមហ៊ុនសំណង់ ។
ការលក់ជូនប្រជាពលរដ្ឋតម្លៃទាប លក់ដាច់បានច្រើន ប្រជាជនមានផ្ទះនៅតម្លៃទាប ម្ចាស់ដីក៏លក់ដីដាច់គ្រឿងសំណង់ក៏លក់ដាច់ ខ្ញុំម្ចាស់គម្រោងក៏ទទួលបានផលចំណេញ យល់បានទេប៉ុណ្ណឹង ?បើពូមិនយល់មកពីពូធ្វើអ្នកកាសែតយូរពេក ហើយមិនដែលរកស៊ី ពូឈប់ធ្វើអ្នកកាសែតទៅ ខ្ញុំអោយក្រុមកាងារខ្ញុំបង្រៀនរកស៊ី😂។
តែដូចលោកពូបែបនេះមើលទៅខ្ញុំមិនរកស៊ីជាមួយទេគឺព្រោះគ្មានទំនុកចិត្ត😅
សព្វថ្ងៃនេះមានម្ចាស់ដីជាច្រើនបបួលខ្ញុំសហការសង់លក់ជាមួយ ដោយមិនចាំបាច់ចំណាយដើមទុនទិញក៏បាន (គឺដោយសារទំនុកចិត្តទំនុកចិត្តនេះហើយ) ខ្ញុំមិនទាន់ហ៊ានទទួលច្រើនផងព្រោះរើសអ្នកស្មោះសរនិងគ្នាមានអីយាយគ្នា ខ្លាចជួបដូចលោពូឯង😂។
បើសិនជាលោកពូចង់ដឹងមែនលោកពូអញ្ជើញមកខ្មែរ ខ្ញុំនឹងអោយក្រុមកាងារជូនលោកពូដើរមើលគម្រោងរបស់ខ្ញុំ ថាខ្ញុំសង់ផ្ទះបានប៉ុន្មានម៉ឺនល្វែងហើយ កុំបានសរសេរហើយគ្មានមូលដ្ឋានច្បាស់ ។
ការតាមសម្លាប់កិត្តិយសសូម្បីកូនក្មេងដែលតស៊ូម្នាក់ដូចជាខ្ញុំ ដើម្បីឲ្យមហាជនស្អប់ខ្ញុំនោះជាមនុស្សគ្មានគុណធម៍ឡើយ ដោយគ្រាន់តែខ្ញុំឈប់គាំទ្រមេលោកពូ
ខ្ញុំជាក្មេងម្នាក់ដែលតែងតែមានឆន្ទៈក្នុងការជួយសង្គមជាតិ ប្រយ័ត្នមហាជនដឹងគំនិតបងច្បាស់ គេនឹងស្អប់ដល់ឆ្មបនិងម្ដាយដែលបង្កើតពូមក។
ទៅជាចោទខ្ញុំតាផ្ដេសតាផ្ដាស ទៅជាខ្ញុំនិងលាងលុយអីណា?
យី!!!លោកពូ😂👉 ទៅយកសំដីអេឡិចទៅយកសំដីអ្នកមិនដែលស្គាល់មិនដែលបានរកស៊ីជាមួយខ្ញុំផងមកបំភ្លើសការពិត។ យី!!លោកពូ😂😂
👉😵[លោកពូបែកលេង ឬក៏លោកពូបែកង៉ាង]😂😂
ខ្ញុំក៏ដឹងដែរថា នៅពេលដែលខ្ញុំចេញមុខជួយសង្គម ប្រាកដជាក្រុមរបស់លោកពូ តាមសម្លាប់កិត្តិយសខ្ញុំហើយ ហើយក្រុមលោកពូត្រូវចាំថា ដរាបណាខ្ញុំនៅមានជីវិត មានលទ្ធភាព ខ្ញុំនៅតែរក្សាគោលជំហរប្ដូរផ្ដាច់ ជួយសង្គមជាតិដដែល។
ចំណែកការគាំទ្របក្សណាឬបក្សណា គឺអាស្រ័យទៅលើ ផ្នត់គំនិតរបស់ខ្ញុំ ខ្ញុំមានសិទ្ធិ ខ្ញុំយល់ថាអ្វីដែលត្រឹមត្រូវ គឺខ្ញុំគាំទ្រចឹងហើយ កុំប៉ិនព្យាយាមផ្សារភ្ជាប់ពេក😄។
ខ្ញុំត្រូវក្រុមលោកពូតាមវាយប្រហារឡើងស្ពឹកក្បាលហើយ ទោះវាយប៉ុណ្ណា ក៏លែងឈឺដែរ មានតែ ជូនតាមសំណើរពូវិញប៉ុណ្ណោះ 😂😂😂😂។
ខុទ្ទកាល័យលោក កែ គឹមយ៉ាន បដិសេធ ចំពោះខ្លឹមសារនៃបទសម្ភាសន៍រវាងជនអគតិ មុំ អស្សនី និងតាំង សារ៉ាដា បុគ្គលិក The Cambodia Daily Khmer
ភ្នំពេញ៖ ខុទ្ទកាល័យលោក កែ គឹមយ៉ាន ឧបនាយករដ្ឋមន្ត្រី បានចេញសេចក្តីថ្លែងការណ៍បដិសេធ និងថ្កោលទោសចំពោះខ្លឹមសារនៃបទសម្ភាសន៍រវាងជនអគតិ មុំ អស្សនី និងតាំង សារ៉ាដា បុគ្គលិក The Cambodia Daily Khmer ដែលមានគំនិតខ្មៅកខ្វក់ ភូតកុហក ញុះញង់ បំបែកបំបាក់ផ្ទៃក្នុងថ្នាក់ដឹកនាំរាជរដ្ឋាភិបាល គណបក្សប្រជាជនកម្ពុជា ចេតនាទុច្ចរិតបំផ្លាញសន្តិភាព។
យោងតាមសេចក្តីថ្លែងការណ៍ចុះថ្ងៃទី៧ ខែមិថុនា ឆ្នាំ២០២៣ បានឱ្យដឹងថា ខុទ្ទកាល័យ លោកឧបនាយករដ្ឋមន្ត្រី កែ គឹមយ៉ាន បានបដិសេធ និងថ្កោលទោសយ៉ាងដាច់អហង្ការចំពោះខ្លឹមសារនៃបទសម្ភាសន៍រវាងជនអគតិ មុំ អស្សនី និងតាំង សារ៉ាដា បុគ្គលិក The Cambodia Daily Khmer កាលពីយប់ថ្ងៃទី០២ ខែមិថុនា ឆ្នាំ២០២៣ វេលាម៉ោង ៨:០០យប់ ក្រោមប្រធានបទ សមុទ្រខ្មែរកំពុងរងនូវការបំពាន និងការប្រព្រឹត្តបទឧក្រិដ្ឋអ្វីខ្លះ?
សេចក្តីថ្លែងការណ៍នេះបញ្ជាក់ថា រាល់ខ្លឹមសារការបកស្រាយរបស់ ជនអគតិនេះតែងតែផ្សារភ្ជាប់លើកឡើងអំពីឈ្មោះរបស់ថ្នាក់ដឹកនាំរាជរដ្ឋាភិបាលកម្ពុជា និងគណបក្សប្រជាជនកម្ពុជា ដែលជាគំនិតខ្មៅកខ្វក់ ភូតកុហក ញុះញង់ បំបែកបំបាក់ផ្ទៃក្នុងថ្នាក់ដឹកនាំរាជរដ្ឋាភិបាល កម្ពុជា និងថ្នាក់ដឹកនាំគណបក្សប្រជាជនកម្ពុជា ជាពិសេសគឺចេតនាទុច្ចរិតប៉ុនប៉ងបំផ្លាញសុខសន្តិភាព របស់ប្រទេសជាតិ។
សេចក្តីថ្លែងការណ៍ នេះបន្តថា ជនអគតិ មុំ អស្សនី គ្រាន់តែធ្លាប់បានបម្រើការងាររយៈពេលខ្លីជាង០២ខែ ក្នុងឆ្នាំ ២០០៩ នៅក្នុងខុទ្ទកាល័យ លោកឧបនាយករដ្ឋមន្ដ្រី កែ គឹមយ៉ាន ហើយត្រូវបានបណ្ដេញចេញពីការងារដោយមូលហេតុជននេះគ្មានវិន័យ គ្មានសីលធម៌ ដើរនិយាយកុហកភូតភរ និងបោកប្រាស់សាធារណជន ព្រមទាំងបានប្រព្រឹត្តអំពើល្មើសច្បាប់ជាច្រើន។
បើតាម សេចក្តីថ្លែងការណ៍ដដែល ការលើកឡើងរបស់ជនអគតិ មុំ អស្សនី ដោយធ្វើការប្រៀបធៀបអំពីឋានន្តរសក្តិ និងចំនួនមេបញ្ជាការរង តាមអង្គភាពទ័ពពីពេលមុនប្រៀបធៀបនឹងបច្ចុប្បន្ន គឺជារឿងដែលមិនត្រឹមត្រូវ ព្រោះការរៀបចំកងទ័ពត្រូវដើរស្របតាមសភាពការណ៍វិវត្តន៍នៃប្រទេសជាតិ ស្របតាមយុទ្ធសាស្ត្រនិងសៀភៅ ស ការពារជាតិ ហើយក៏មិនអាចយកបញ្ហាសក្តិធំនិងចំនួនមេបញ្ជាការរងច្រើន មកវាយតម្លៃអវិជ្ជមានលើសមត្ថភាពដឹកនាំរបស់ លោកនាយឧត្តមសេនីយ៍ ហ៊ុន ម៉ាណែត ដែលបាននឹងកំពុងដឹកនាំការកែទម្រង់និងទំនើបកម្មវិស័យកងទ័ពឲ្យស្របតាមសភាពការណ៍តំបន់និងសកលលោកនាពេលបច្ចុប្បន្ន។
បើតាម សេចក្តីថ្លែងការណ៍នេះ លោក ឧបនាយករដ្ឋមន្ត្រី កែ គឹមយ៉ាន បានប្រកាន់ជំហរឥតងាករតាមមាគ៌ានយោបាយរបស់ គណបក្សប្រជាជនកម្ពុជា និងរាជរដ្ឋាភិបាលកម្ពុជា ដែលមានសម្ដេច ហ៊ុន សែន ជានាយករដ្ឋមន្តី្រនិងជាប្រធានគណបក្ស និងគាំទ្រជានិច្ចលោក ហ៊ុន ម៉ាណែត ជាបេក្ខភាពនាយករដ្ឋមន្ត្រី បន្តវេននៅពេលអនាគត។
ខុទ្ទកាល័យ លោក ឧបនាយករដ្ឋមន្ត្រី កែ គឹមយ៉ាន បានអំពាវនាវដល់សមត្ថកិច្ចពាក់ព័ន្ធ ចាត់វិធានការណ៍ផ្លូវច្បាប់ឲ្យបានតឹងរឹងបំផុតចំពោះជនអគតិរូបនេះនិងស្នើសុំសាធារណៈជនទាំងអស់កុំជឿ នូវពាក្យសំដីរបស់ជនអគតិវង្វេងជាតិ មុំ អស្សនី និងក្រុមក្បត់ជាតិទាំងនេះ ដែលតែងតែនិយាយបង្កាច់ បង្ខូចឥទ្ធិពលរបស់ថ្នាក់ដឹកនាំគណបក្សប្រជាជនកម្ពុជា ក្នុងគោលបំណងទុច្ចរិត ធ្វើប្រជាភិថុតនយោបាយ ញុះញង់ បំបែកបំបាក់ការឯកភាពជាតិ និងភាពសុខក្សេមក្សាន្តរបស់ប្រជាជនដែលឧបាយកលទាំងអស់នេះ តែងតែត្រូវបានលាតត្រដាង និងទទួលបរាជ័យតាំងពីដើមរហូតមក៕
អ្នកវិភាគចៅចាក់ស្មុក៖ តើអ្នកកាសែតវិទ្យុ ឌឹ ខេមបូឌា ដេលី នៅសហរដ្ឋអាមេរិកមិនយល់ភាសាអង់គ្លេស ឬមានចេតនាបំភ្លៃព័ត៌មានញុះញង់ ដើម្បីបម្រើនគោលដៅនយោបាយទុច្ចរិតរបស់ខ្លួន?
(ភ្នំពេញ)៖ វិទ្យុ ឌឹ ខេមបូឌា ដេលី ដែលមានមូលដ្ឋាននៅសហរដ្ឋអាម៉េរិក និងមានតែបុគ្គលិកពីរនាក់ រួមមានឈ្មោះ តាំង សារ៉ាដា និង ហាស់ សាន ដែលបុគ្គលពីរនាក់នេះគឺជា អតីតបុគ្គលិកត្រូវបានវិទ្យុអាស៊ីសេរី បណ្តេញចេញបានផ្សាយព័ត៌មានបំភ្លៃការពិតទាក់ទងនឹង លោក ហ៊ុន ម៉ាណែត ដោយចោទប្រកាន់ទាំងបំពានគ្មានភស្តុតាងថា ជា «មេបណ្តាញរកស៊ីឈើខុសច្បាប់» ក្នុងការផ្សាយរបស់ខ្លួនកាលពីថ្ងៃទី១៨ ខែមីនា ឆ្នាំ២០២៣។
ការចោទ ប្រកាន់ដែលសម្អាងលើអត្ថបទមួយរបស់ អង្គភាពសារព័ត៌មានឈ្មោះ ម៉ុងហ្គាបេ មានមូលដ្ឋាននៅសហរដ្ឋអាមេរិក និងសរសេរដោយអ្នកយកព័ត៌មានជនជាតិអង់គ្លេសឈ្មោះ Gerry Flynn។ អត្ថបទដើមមិនមានការ ចោទប្រកាន់ដូចអ្វីដែលវិទ្យុឌឹ ខេមបូឌា ដេលីផ្សាយឡើយ ហើយអ្នកកាសែតដែលសរសេរអត្ថបទនេះក៏បានបញ្ជាក់ក្នុងបទសម្ភាសជាមួយកាសែត ខ្មែរ ថែមស៍ ចុះផ្សាយនៅថ្ងៃទី២១ ខែមីនា ឆ្នាំ២០២៣ នេះថា «ខ្ញុំមិនបានសរសេរអ្វីដូចដែលបានផ្សាយនៅខេមបូឌាដេលីទេ»។
ប្រសិនបើអត្ថបទដើមជាភាសាអង់គ្លេស និងការចេញមកបញ្ជាក់របស់អ្នកកាសែតឈ្មោះ Gerry Flynn ថាមិនសរសេរដូចអ្វីដែលវិទ្យុឌឹ ខេមបូឌា ដេលី ផ្សព្វផ្សាយ តើវិទ្យុនេះបានព័ត៌មានមកពីណា? នៅក្នុងអត្ថបទដើមដែលផ្សាយក្នុងអង្គភាពព័ត៌មានម៉ុងហ្គាបេ គឺគ្រាន់តែបង្ហាញរូបថតប៉ុន្មានសន្លឹកដែលបុគ្គល ដែលត្រូវចោទថាមានការពាក់ព័ន្ធនឹងការកាប់ឈើខុសច្បាប់ បានថតរូបជាមួយលោក ហ៊ុន ម៉ាណែត នៅក្នុងកម្មវិធី សាធារណៈដែលទម្លាប់បៀបនេះ លោក ហ៊ុន ម៉ាណែត តែងតែធ្វើនៅពេលជួបជាមួយសាធារណជន និងប្រជាពលរដ្ឋគ្រប់មជ្ឈដ្ឋាន និងជាការគោរពស្រឡាញ់របស់ប្រជាពលរដ្ឋខ្មែរចំពោះលោក ហ៊ុន ម៉ាណែត។ ប៉ុន្តែបែរជាវិទ្យុ ឌឹ ខេមបូឌា ដេលី តាមរយៈបុគ្គលិកគ្មានវិជ្ជាជីវៈសារព័ត៌មាន ហាស់ សាន បែរជាសរសេរ និងផ្សព្វផ្សាយព័ត៌មានបំភ្លៃខុសពីការពិត មានចរិតវាយប្រហារ មិនមែនជាគោលការណ៍នៃសារព័ត៌មានតែជាឧបករណ៍នយោបាយប្រឆាំង សងសឹក និងផ្សព្វផ្សាយដើម្បីបង្ខូចកេរ្តិ៍ឈ្មោះ និងកិត្តិយសរបស់លោក ហ៊ុន ម៉ាណែត។
តើបុគ្គលិកវិទ្យុ ឌឹ ខេមបូឌា ដេលី មិនចេះភាសាអង់គ្លេស មើលអត្ថបទរបស់កាសែត ម៉ុងហ្គាបេ មិនយល់ ឬក៏មានចេតនានយោបាយទុច្ចរិត គំនុំសងសឹកដោយសារតែនិន្នាការផ្គាប់មុខរបស់វិទ្យុនេះ និងការភ្ជាប់ទំនាក់ទំនងរបស់វិទ្យុនេះនឹងក្រុមប្រឆាំងក្បត់ជាតិ? ថាបុគ្គលិកវិទ្យុ ឌឹ ខេមបូឌា ដេលីទាំង ២ រូបមិនចេះភាសាអង់គ្លេសពិតជាមិនត្រឹមត្រូវឡើយ ព្រោះបុគ្គលទាំងពីរនាក់នេះ មានសញ្ជាតិអាម៉េរិក និងកំពុងរស់នៅនិងបម្រើការងារឱ្យវិទ្យុ ឌឹ ខេមបូឌា ដេលី នៅលើទឹកដីនៃសហរដ្ឋអាម៉េរិកថែមទៀត។
ដូច្នេះពួកគេមានចំណេះដឹងភាសាអង់គ្លេសគ្រប់គ្រាន់ ដូចបុគ្គលនានាដែលបានអានអត្ថបទដើមជាភាសាអង់គ្លេស រកមិនឃើញពីការចោទប្រកាន់ឯកឧត្តម ហ៊ុន ម៉ាណែត ថាជាមេបណ្តាញរកស៊ីឈើខុសច្បាប់ដូចវិទ្យុឌឹ ខេមបូដេលី ផ្សាយដោយយោងលើអត្ថបទនេះទេ។ នេះសបញ្ជាក់ឱ្យឃើញថា វិទ្យុ ឌឹ ខេមបូឌា ដេលី ប្រព្រឹត្តកំហុសវិជ្ជាជីវៈសារព័ត៌មានធ្ងន់ធ្ងរ ដកស្រង់អត្ថបទសារព័ត៌មានដទៃទៅផ្សាយ ប្រើឈ្មោះគេ តែបំភ្លៃព័ត៌មានខុសពីការពិត។ បំភ្លៃព័ត៌មានដើម្បីបម្រើឱ្យល្បិចកលនយោបាយដ៏ថោកទាប របស់បក្ខពួកក្រុមប្រឆាំងរបស់ខ្លួន ក្នុងការយុទ្ធសាស្ត្រផ្សាយព័ត៌មានមិនពិត និងបំផ្លាញកម្ពុជាគ្រប់មធ្យោបាយ។
ការបំភ្លៃព័ត៌មានរបស់វិទ្យុ ឌឹ ខេមបូឌា ដេលី ត្រូវបានលោក ហ៊ុន ម៉ាណែត កាលពីថ្ងៃទី១៩ ខែមីនា បានប្រតិកម្មប្រឆាំងនឹងការចោទប្រកាន់ ដែលបង្កប់ទៅដោយចេតនាទុច្ចរិតមួយនេះដើម្បីការពារភាពត្រឹមត្រូវ កិត្តិយសនិងសេចក្តីថ្លៃថ្នូររបស់ខ្លួន។ លោកបានលើកឡើងថា៖ «បើសារព័ត៌មាន ឌឹ ខេមបូឌា ដេលី ពិតជាសារព័ត៌មាន វិជ្ជាជីវៈនិងគ្មានចេតនាទុច្ចរិតក្នុងការផ្សាយព័ត៌មានមិនពិតទេនោះ សូមបង្ហាញភស្តុតាងនមក។ បើគ្មានភស្តុតាងទេ សូមធ្វើការកែសម្រួលជាបន្ទាន់»។
លោកបានលើកឡើងថា៖ «វាមិនមែនជារឿងចម្លែកទេដែលសារពត៌មាន The Cambodia Daily Khmer តែងតែធ្វើការផ្សព្វផ្សាយពត៌មាន ឬធ្វើការវិភាគដែលមានលក្ខណៈលម្អៀង ក្នុងន័យរិះគន់វាយប្រហារមកលើរាជរដ្ឋាភិបាល ក៏ដូចជាគណបក្សប្រជាជន រួមទាំងរូបខ្ញុំ។ កន្លងទៅខ្ញុំមិនដែលចំណាយពេលវេលាធ្វើការឆ្លើយតបអ្វីទេចំពោះការផ្សព្វផ្សាយទាំងនោះ។ ប៉ុន្តែវាជាការដើរហួសព្រំដែនយ៉ាងខ្លាំង ហើយដែលខ្ញុំមិនអាចទទួលយកបានទេ ពេលដែលសារពត៌មាន The Cambodia Daily Khmer បានប្រឌិតរឿងមិនពិតមកធ្វើការចោទប្រកាន់ខ្ញុំដោយចំហរថា ខ្ញុំគឺជាមេបណ្តាញរកស៊ីឈើខុសច្បាប់ ដោយទាំងគ្មានភស្តុតាងច្បាស់លាស់នោះ។ ហេតុដូច្នេះ ចាំបាច់ខ្ញុំត្រូវប្រតិកម្មប្រឆាំងនឹងការចោទប្រកាន់ ដែលបង្កប់ទៅដោយចេតនាទុច្ចរិតមួយនេះ ដើម្បីការពារភាពត្រឹមត្រូវ កិត្តិយស និងសេចក្តីថ្លៃថ្នូររបស់ខ្ញុំ»។
រហូតមកដល់ពេលនេះ ទោះបីជាម្ចាស់អត្ថបទដើមបានលើកឡើងថាគាត់មិនបានសរសេរអ្វីដូចដែលបានផ្សាយនៅលើវិទ្យុឌឹខេមបូឌាដេលីក៏ដោយ ក៏វិទ្យុនេះគ្មានភាពខ្មាសអៀន និងមិនទាន់ធ្វើការកែតម្រូវឡើយ។ តើឯណាទៅដែលថាខ្លួនជាវិទ្យុវិជ្ជាជីវៈ? តាមពិតពួកគេមិនមែនជាវិទ្យុនិងជាអ្នកកាសែតវិជ្ជាជីវៈឡើយ តែជាឧបករណ៍បំពងសំឡេងញុះញង់ ផ្សាយព័ត៌មានមិនពិត ប្រឌិតសាច់រឿង និងផ្តល់វេទិកាឱ្យក្រុមអ្នកវិភាគពុល ទឹកមាត់ និងក្រុមសកម្មជនប្រឆាំងដើម្បីអនុវត្តផែនការទុច្ចរិត បម្រើឱ្យផែនការចៅហ្វាយនាយរបស់ខ្លួន។ ក្រុម អ្នកបម្រើការនៅវិទ្យុនេះគ្មានអ្វីក្រៅតែពីមួយថ្ងៃៗ ដេកគិតថាតើត្រូវធ្វើយ៉ាងណាផ្សាយព័ត៌មានដើម្បីញុះញង់ ប្រជាពលរដ្ឋ និងបង្កចលាចលសង្គមដើម្បីសម្រេចមហិច្ឆតាអំណាចរបស់ខ្លួនប៉ុណ្ណោះ។ ប៉ុន្តែប្រជាពលរដ្ឋទូទាំងនគរបានស្គាល់ថាហើយថា ឌឹ ខេមបូឌា ដេលី គឺគ្រាន់តែជារោងចក្រផលិតព័ត៌មានក្លែងក្លាយបម្រើឱ្យមហិច្ឆតាចៅហ្វាយនាយបរទេសពួកគេដើម្បីបំផ្លាញកម្ពុជាប៉ុណ្ណោះ មិនមែនជាវិទ្យុវិជ្ជាជីវៈផេះកណ្តាលចង្ក្រាន្តស្អីទេ!
ដោយ៖ ចៅចាក់ស្មុក រាជធានីភ្នំពេញ, ថ្ងៃទី២១ ខែមីនា ឆ្នាំ២០២៣
ខួប១៣ឆ្នាំនៃកម្មវិធីផ្សាយវិទ្យុអាស៊ីសេរីផ្នែកភាសាខ្មែរ អស់រយៈពេល ១៣មកហើយដែលវិទ្យុអាស៊ីសេរីផ្នែកខេមរៈភាសា បានចាប់បដិសន្ធិក្នុងរដ្ឋធានីវ៉ាស៊ីនតុន សហរដ្ឋអាមេរិក ដើម្បីធ្វើការផ្សព្វផ្សាយព័ត៌មានពិត និងព្រឹត្តិការណ៍ផ្សេងៗអំពីប្រទេសកម្ពុជា។ អនុប្រធានវិទ្យុអាស៊ីសេរីផ្នែកភាសាខ្មែរ លោក ពៅ ពន្លក ថ្លែងថា ក្នុងរយៈពេល ១៣ឆ្នាំមកនេះ ជំហររបស់វិទ្យុអាស៊ីសេរីគឺនៅតែឈរលើជំហរឯករាជ្យ និងមិនប្រកាន់និន្នាការនយោបាយនៃក្រុម ឬគណបក្សណាមួយឡើយ។ លោកថ្លែងថា លោកនឹងខិតខំប្រឹងប្រែងតទៅមុខទៀត ដើម្បីនាំមកនូវព័ត៌មានសំខាន់ៗ ឬបទវិភាគផ្សេងៗសម្រាប់អ្នកសា្តប់។
លោក ពៅ ពន្លក មានប្រសាសន៍ថា ៖ «យើងបានធ្វើអ្វីៗទាំងអស់ដើម្បីឲ្យបុគ្គលិករបស់យើងយល់ដឹងច្បាប់ពីគោលដៅរបស់វិទ្យុអាស៊ីសេរី ហើយគោលដៅរបស់យើងពិតប្រាកដនោះ គឺគ្មានអ្វីក្រៅពីឲ្យគ្នាយើងបំពេញវិជ្ជាជីវៈជាអ្នកកាសែតត្រឹមត្រូវ ព័ត៌មានដែលផ្សាយទៅត្រឹមត្រូវ ពិត មិនកុហក មិនមាននិន្នាការកាត់ជើងនរណា ហើយអ្វីដែលយើងផ្សាយគឺទាន់ពេលវេលា»។
វិទ្យុអាស៊ីសេរីផ្នែកភាសាខ្មែរបានបង្កើតឡើងនៅថ្ងៃទី២៩ ខែកញ្ញា ឆ្នាំ១៩៩៧ ក្នុងរដ្ឋធានីវ៉ាស៊ីនតុន (Washington) សហរដ្ឋអាមេរិក។ វិទ្យុនេះជាសាជីវកម្មឯកជនមិនរកប្រាក់កម្រៃ ដែលផ្សព្វផ្សាយដំណឹង និងព័ត៌មានពិតជាភាសាខ្មែរ ហើយវិទ្យុនេះទទួលបានការឧបត្ថម្ភពីរដ្ឋាភិបាលសហរដ្ឋអាមេរិក។
ស្ថាប័នវិទ្យុអាស៊ីសេរីទាំងមូលធ្វើការផ្សព្វផ្សាយភាសាដើមកំណើតអាស៊ីចំនួន ៩ភាសា ដល់អ្នកស្ដាប់ណាដែលមិនមានលទ្ធភាពទទួលបានការផ្សាយដំណឹងពេញលេញ និងដោយឥតគិតថ្លៃ។ ភាសាទាំង ៩នោះ មានភាសាខ្មែរ លាវ ភូមា វៀតណាម ចិនកុកងឺ ចិនកាតាំង កូរ៉េ វីហ្គឺ និងភាសាទីបេ។
គោលបំណងរបស់វិទ្យុអាស៊ីសេរី គឺដើម្បីផ្ដល់វេទិកាសម្រាប់សម្ដែងមតិ និងសំឡេងពីក្នុងប្រទេសអាស៊ីទាំងនេះ។
លោក ពៅ ពន្លក មានប្រសាសន៍ថា កម្មវិធីដែលវិទ្យុអាស៊ីសេរីផ្នែកខេមរៈភាសា ធ្វើការផ្សព្វផ្សាយរយៈពេលកន្លងមក គឺផ្ដោតលើបញ្ហាដែលប្រជាពលរដ្ឋខ្មែរគួរបានទទួល ព្រោះវាទាក់ទងទៅនឹងបញ្ហាសិទ្ធិសេរីភាព និងជីវភាពប្រចាំថ្ងៃរបស់ប្រជាពលរដ្ឋខ្មែរ។
លោក ពៅ ពន្លក មានប្រសាសន៍បន្ថែមដូច្នេះ ៖ «ទៅអនាគតយើងនឹងបន្តធ្វើអ្វីដែលយើងបានធ្វើកន្លងមក ហើយបើសិនជាមានរឿងអ្វីដែលផ្ដោតទាក់ទងជីវភាពប្រជាពលរដ្ឋខ្មែរ ទាក់ទងនឹងប្រទេសខ្មែរ យើងនឹងបន្តផ្សាយតទៅទៀត»។
នាយកនៃវិទ្យុអាស៊ីសេរីខាងផ្នែកភាសាពីតំបន់អាស៊ីអាគ្នេយ៍ លោកស្រី ស៊ូសាន ឡេវរីយ៍ (Susan Lavery) មានប្រសាសន៍ថា លោកស្រីអបអរសាទរចំពោះកិច្ចខិតខំប្រឹងប្រែងរបស់បុគ្គលិកវិទ្យុអាស៊ីសេរីផ្នែកភាសាខ្មែរ ទាំងអ្នកនៅរដ្ឋធានីវ៉ាស៊ីនតុន និងអ្នកនៅប្រទេសកម្ពុជា ដែលព្យាយាមរាយការណ៍អំពីបញ្ហាសំខាន់ៗសម្រាប់ពលរដ្ឋខ្មែរ។
លោកស្រី ស៊ូសាន ឡេវរីយ៍ បន្ថែមថា ៖ "ខ្ញុំគិតថា វិទ្យុអាស៊ីសេរីផ្នែកភាសាខ្មែរបានធ្វើកិច្ចការរបស់ខ្លួនបានយ៉ាងល្អប្រសើរ ក្នុងការផ្សព្វផ្សាយអំពីបញ្ហានានា ដែលមានអត្ថប្រយោជន៍សម្រាប់ពលរដ្ឋខ្មែរ និងបានជួយដល់ការរកដំណោះស្រាយជាច្រើនផងដែរ។ ខ្ញុំគិតថា នេះជាតួនាទីដ៏សំខាន់ដែលក្រុមអ្នកយកព័ត៌មានរបស់យើងព្យាយាមក្នុងការបង្កើននូវភាពជឿជាក់ពីអ្នកស្ដាប់ តាមរយៈកិច្ចការដែលពួកគេបានធ្វើកន្លងមក ហើយខ្ញុំពិតជាមានមោទនភាពណាស់សម្រាប់ពួកគេ"។
វិទ្យុអាស៊ីសេរីធ្វើការផ្សាយផ្ទាល់ចេញពីរដ្ឋធានីវ៉ាស៊ីនតុន សហរដ្ឋអាមេរិក ពីរលើកក្នុងមួយថ្ងៃ តាមរលកធាតុអាកាសខ្លី ឬ Shortwave គឺពេលព្រឹកចាប់ពីម៉ោង ៥កន្លះ ដល់ម៉ោង ៦កន្លះ និងពេលយប់ពីម៉ោង ៧កន្លះ ដល់ ៨កន្លះ ម៉ោងនៅកម្ពុជា។ វិទ្យុនេះក៏ធ្វើការផ្សាយបន្តតាមវិទ្យុសំបុកឃ្មុំ FM ១០៥ នៅពេលព្រឹកចាប់ពីម៉ោង ៦ ដល់ម៉ោង ៧ និងពេលយប់ចាប់ពីម៉ោង ៨ និង ៣០នាទី ដល់ម៉ោង ៩ និង ៣០នាទី។
វិទ្យុអាស៊ីសេរីផ្នែកភាសាខ្មែរនេះ ក៏មានផ្សាយបន្តតាមវិទ្យុមណ្ឌលព័ត៌មានស្ត្រីកម្ពុជា FM ១០២ នៅភ្នំពេញ FM ១០៤.២៥ នៅខេត្តកំពង់ធំ និង FM ៩២.២៥ នៅខេត្តស្វាយរៀង ដែលផ្សាយនៅពេលព្រឹកចាប់ពីម៉ោង ៧ ដល់ម៉ោង ៨ និងពេលយប់ចាប់ពីម៉ោង ១០ និង ៣០នាទី ដល់ម៉ោង ១១ និង ៣០នាទី។
និពន្ធនាយករបស់វិទ្យុអាស៊ីសេរីផ្នែកខេមរៈភាសាប្រចាំក្នុងរដ្ឋធានីវ៉ាស៊ីនតុន លោក ជុន ច័ន្ទបុត្រ បានបង្ហាញអំពីការវិវឌ្ឍន៍ជឿនលឿនរបស់វិទ្យុអាស៊ីសេរី ចាប់តាំងពីបានបង្កើតក្នុងឆ្នាំ១៩៩៧ ដោយលោកបានរំឭកឡើងវិញនូវអនុស្សាវរីយ៍មួយចំនួនយ៉ាងដូច្នេះ ៖ «យើងមានការវិវឌ្ឍន៍ច្រើនណាស់។ ការផ្សាយដំបូងមានរយៈពេលតែ ៣០នាទីទេ បុគ្គលិកក៏យើងមានតែបីបួនប្រាំនាក់ដែរ នៅរដ្ឋធានីវ៉ាស៊ីនតុននេះ នៅភ្នំពេញ ក៏មានបីបួននាក់ដែរ។ ការផ្សាយជារលកធាតុអាកាសខ្លីពេលហ្នុង មិនសូវមានអ្នកស្ដាប់ឮបានច្រើនទេ»។
បើទោះបីពិភពលោកកំពុងមានភាពជឿនលឿនខាងផ្នែកបច្ចេកវិទ្យាព័ត៌មាន តាមរយៈប្រព័ន្ធអ៊ិនថឹណិត (Internet) ឬទូរទស្សន៍ ដែលអាចប៉ះទង្គិចដល់វិទ្យុក៏ដោយ ក៏លោក ជុន ច័ន្ទបុត្រ នៅតែមានជំនឿថា សម្រាប់ប្រទេសកម្ពុជា វិទ្យុនៅតែជាមធ្យោបាយដ៏សំខាន់ដដែល សម្រាប់ពលរដ្ឋខ្មែរដែលរស់នៅតាមទីក្រុង ជនបទ និងស្រុកស្រែចម្ការ។
លោក ជុន ច័ន្ទបុត្រ មានប្រសាសន៍ថា ៖ «ទូរទស្សន៍ ឬអ៊ិនថឹណិត លុះត្រាតែអ្នកដែលមានភ្លើងអគ្គិសនី អ្នករស់នៅក្នុងក្រុង ដែលសេវារបស់ទូរទស្សន៍ ឬអ៊ិនថឹណិត ទៅដល់បានអាចមើលបានឃើញ។ ក្នុងករណីប្រទេសកម្ពុជា ដែលមានប្រជាពលរដ្ឋជាកសិករ អ្នកស្រែចម្ការនៅមានចំនួនច្រើននៅឡើយ ខ្ញុំជឿថា វិទ្យុអាស៊ីសេរីអាចជាមធ្យោបាយផ្សព្វផ្សាយមួយដ៏ល្អសម្រាប់អ្នកស្ដាប់ទាំងនោះដែលមិនទាន់មានលទ្ធភាពរត់ឲ្យទាន់ទៅនឹងការរីកចម្រើនខាងបច្ចេកវិទ្យា»។
ក្រុមហ៊ុនស្រាវជ្រាវផ្នែកព័ត៌មានឈ្មោះ អ៊ិនធ័រ មេឌា (Inter Media) បានរកឃើញថា យ៉ាងហោចណាស់មានចំនួនអ្នកស្ដាប់វិទ្យុប្រចាំសប្ដាហ៍ក្នុងប្រទេសកម្ពុជា ចំនួន ៥៩% ក្នុងឆ្នាំ២០០៨ ហើយចំនួននេះបានធ្លាក់មកត្រឹម ៥៤% ក្នុងឆ្នាំ២០០៩ ខណៈដែលអ្នកមើលទូរទស្សន៍ប្រចាំសប្ដាហ៍មានចំនួន ៥៦% និងអ្នកប្រើអ៊ិនថឹណិតប្រចាំសប្ដាហ៍មានចំនួន ២%។
បុគ្គលិកខាងផ្នែកផ្សាយព័ត៌មាន និងជាអ្នករាយការណ៍របស់វិទ្យុអាស៊ីសេរី លោក ហាស់ សាន បានធ្វើការជាមួយវិទ្យុចាប់តាំងពីឆ្នាំ១៩៩៨ មកនោះ បានសម្ដែងសុទិដ្ឋិនិយមថា លោកពេញចិត្តចំពោះកិច្ចការរបស់លោកដែលខិតខំស្វែងរកព័ត៌មានពិតជូនអ្នកស្ដាប់ ៖ «ខ្ញុំមានសេចក្ដីរីករាយ ពេញចិត្ត ដោយបានរួមចំណែកដល់ព័ត៌មានពិតជូនដល់ប្រជាពលរដ្ឋខ្មែរនៅគ្រប់ទិសទី ឲ្យបានយល់ដឹងអំពីអ្វីដែលមិនបានដឹង ហើយមិនអាចនឹងទទួលព័ត៌មានប្រភេទនោះបាន»។
ចំណែកអ្នកនាង កេសរណ្ណីយ្យា ដែលជាបុគ្គលិករបស់វិទ្យុអាស៊ីសេរី ផ្នែកខេមរៈភាសា ចាប់តាំងពីដើមទីនៃការបង្កើតវិទ្យុនេះមកម្ល៉េះ មានប្រសាសន៍ថា ការដែលធ្វើឲ្យអ្នកនាងមានកម្លាំងចិត្តក្នុងការបំពេញកិច្ចការដ៏យូរឆ្នាំមកនេះ ដោយសារលោកអ្នកស្ដាប់វិទ្យុនេះតែងផ្ដល់តម្លៃតាមរយៈការចង់ដឹង ចង់ឮពីការផ្សាយរបស់ខ្លួន។
អ្នកនាង កេសរណ្ណីយ្យា មានប្រសាសន៍ថា ៖ «ចម្លើយរបស់ខ្ញុំគឺផ្អែកទៅលើការឲ្យតម្លៃរបស់ប្រជាពលរដ្ឋខ្មែរ ដែលជាអ្នកចង់ដឹងអំពីព័ត៌មានពិត ជាពិសេសអ្នកដែលចង់ដឹងឮពីសំឡេងរបស់ប្រជាពលរដ្ឋខ្មែរ ពិសេសអ្នកនៅស្រុកស្រែចម្ការដែលមានបញ្ហា ដែលត្រូវការមធ្យោបាយដើម្បីស្ដាប់ និងមធ្យោបាយដើម្បីបញ្ចេញសំឡេង ទស្សនៈយោបល់របស់គាត់»។
លោកស្រី ស្ងួន អមរា ដែលជាបុគ្គលិកខាងផ្នែករដ្ឋបាលរបស់វិទ្យុអាស៊ីសេរីភាសាខ្មែរដែរនោះ មានប្រសាសន៍ថា ភាពប្រាស្រ័យទាក់ទងក្នុងកិច្ចការរវាងបុគ្គលិករបស់វិទ្យុអាស៊ីសេរី មានភាពល្អប្រសើរ ក៏ដូចគ្នាទៅនឹងលោកអ្នកស្ដាប់ផងដែរ ៖ «ពិសេសអ្នកស្ដាប់យើងសរសេរ email មក ថ្នាក់លើរបស់វិទ្យុអាស៊ីសេរីតែងតែឆ្លើយតបទៅនឹងសំណួរអ្វីដែលគេសួរ។ យើងតែងតែសង្ឃឹមថា យើងបានទទួលអ្នកស្ដាប់ច្រើនតទៅទៀត ហើយដែលសង្ឃឹមថា អ្នកស្ដាប់ទាំងអស់នឹងផ្ញើសេចក្ដីទុកចិត្ត ឬចូលចិត្តស្ដាប់វិទ្យុអាស៊ីសេរី»។
ចំណែកក្រុមអ្នកយកព័ត៌មាន និងអ្នកឆ្លើយឆ្លងព័ត៌មានវិទ្យុអាស៊ីសេរីពីប្រទេសកម្ពុជាឯណោះវិញ បានចែករំលែកនូវបទពិសោធន៍នានា ចាប់តាំងពីវិទ្យុនេះបង្កើតឡើង ខណៈពួកគេកំពុងខិតខំប្រឹងប្រែងទាំងយប់ទាំងថ្ងៃ ដើម្បីប្រមូលព័ត៌មាន ទាំងនៅតាមចុងកាត់មាត់ញក ស្រុកស្រែចម្ការ ឬនៅតាមទីក្រុងក្ដីនោះ។
អ្នកស្រី គឹម ពៅ ជាអ្នកយកព័ត៌មាន និងជានិពន្ធនាយករបស់វិទ្យុអាស៊ីសេរីភាសាខ្មែរប្រចាំប្រទេសកម្ពុជា តាំងពីឆ្នាំ១៩៩៧ មកនោះ បានថ្លែងតាមទូរស័ព្ទរំឭកដល់កាលពីពេលដែលវិទ្យុនេះចាប់ផ្ដើមបង្កើតឡើង។
អ្នកស្រីថ្លែងថា កាលពីពេលអ្នកស្រីចាប់ផ្ដើមធ្វើការលើកដំបូងក្នុងប្រទេសកម្ពុជា ពេលនោះវិទ្យុនេះមានគ្នាតែបីនាក់ប៉ុណ្ណោះ មានការិយាល័យដ៏តូចចង្អៀត ហើយមានការពិបាកបំផុតក្នុងការបញ្ជូនសំឡេងជារឿងក្ដី ឬជាបទសម្ភាសន៍ក្ដី តាមរយៈទូរស័ព្ទ។ អ្នកស្រីថ្លែងថា ឥឡូវវិទ្យុនេះមានការរីកចម្រើនធំធាត់ បំពាក់ដោយឧបករណ៍បច្ចេកវិទ្យាទំនើប មានបុគ្គលិកដ៏ច្រើន និងមានអ្នកស្ដាប់ រួមទាំងប្រជាពលរដ្ឋ ឬមន្ត្រីរាជការកាន់តែថែមទៀត។
អ្នកស្រី គឹម ពៅ មានប្រសាសន៍ថា អ្នកស្រីឲ្យវិសាលភាពនៃផ្សព្វផ្សាយរបស់វិទ្យុអាស៊ីសេរីកាន់តែមានទំហំធំធេងថែមទៀត ទាំងការផ្សព្វផ្សាយតាមរយៈគេហទំព័រ និងព័ត៌មានពីតាមទីជនបទដាច់ស្រយាល ៖ «តាំងពីខ្ញុំធ្វើការពីដើមដំបូងមកដល់បច្ចុប្បន្ននេះ ខ្ញុំខ្លួនឯងទទួលស្គាល់ថា មានការរីកចម្រើនច្រើន»។
No comments:
Post a Comment