ក្រុមប្រឆាំងបែប Moderate នៅកម្ពុជា

ជាធម្មតា គេចែកបក្សនយោបាយ បក្សយោធា ជាច្រើនដូចជា៖ បក្សកណ្តាលនិយម បក្សឆ្វេងនិយម បក្សស្តាំនិយម បក្សជ្រុលនិយម បក្សស្និតរដ្ឋាភិបាល បក្សស្និតក្រុមប្រឆាំង បក្សសម្ព័ន្ធរដ្ឋាភិបាល បក្សសម្ព័ន្ធប្រឆាំង...។ នៅកម្ពជា ក៍នៅមានការគោរពដើរតាមមនុស្ស ជាបុគ្គល ជាជាងដើរតាម បក្ស ដូចជា បក្សសីហនុនិយម បក្សសម្តេចហ៊ុន សែន និយម បក្ស សមរង្សីនិយម បក្ស កឹមសុខានិម បក្សរាជានិយម បក្ស រាណារិទ្ធិនិយម បក្សញឹកប៊ុនឆៃនិយម បក្ស មម សុណង់ដូរនិយម បក្ស តឹក ង៉ុយនិយម....។ ដូច្នេះពេលនិយាយរឿងបក្សនយោបាយ មនុស្សចាប់អារម្មណ៍ច្រើន និងយល់ថា ធ្វើកិច្ចការបក្សគេអាចមានលទ្ធភាព ក្នុងការដណ្តើមអំណាច តាមរយៈការបោះឆ្នោត តែពេលប្រតិបត្តិជាក់ស្តែង ទើបអ្នកនយោបាយយល់ថា គេចាំបាច់មានការ បង្កើតទ័ព/បក្សយោធា ដើម្បី ឲ្យបក្សនយោបាយរបស់ពួកគេ ទទួលជោគជ័យ។

ក្នុងន៏យខាងលើ បក្សរដ្ឋាភិបាលមាន្ ១ ទៅ ១០ ក្រុម បក្សប្រឆាំងមាន ពី ២០ ទៅ ៣០ ក្រុម ដែល ៣០ ក្រុមនេះ ប្រយុទ្ធ សម្លាប់គ្នាឯង ដើម្បីទំលាក់កំហុសឲ្យបក្សសម្ព័ន្ធរដ្ឋាភិបាល ក្នុងករណីខ្លះដែរ គឺ បក្សរដ្ឋាភិបាលក៍ធ្វើបានដូចគ្នាដែរ។ មានតែ ទ័ពរបស់អង្គការសហប្រជាជាតិទេ ដែលធ្វើកិច្ចការជាមួយ បក្សនយោបាយ យោធារបស់ រដ្ឋាភិបាលផល និង របស់ខាងប្រឆាំងរដ្ឋាភិបាលផង។ ដោយសារ មានអ្នកធ្លាប់សិក្សារ ឬ ធ្វើការជាមួយទ័ព UN ហ្នឹង បានជាគេចែក បក្សនយោបាយជា ៣ ធំៗ គឺ

1. បក្សស្និតរដ្ឋាភិបាល
2. បក្សប្រឆាំង ឬ បក្សសង្គមស៊ីវិល និង
3. បក្ស Moderate មូដើរ៉េត

អ្វីជាបក្ស មូដើរ៉េត? ដូចបានបញ្ចាក់ពីខាងលើ ជាបក្សសម្ព័ន្ធប្រឆាំងរដ្ឋាភិបាល ឧ. មានបក្សប្រឆាំងរដ្ឋាភិបាល ៣០ បក្ស ដែលកំពុងឈ្លោះគ្នាឯងក្នុងក្រុមប្រឆាំងដូចគ្នា ដូច្នេះ​ គេបង្កើតក្រុម មួយថ្មី ដែលមានកំលាំង ថវិការ នយោបាយ និង យោធា បង្រួមបង្រួមគ្នា គេហៅថាបក្ស Moderate ដូចជានៅ ស៊ីរី អ៊ីរាក់ គឺក្រុម ISIS/ISIL ដែលក្លាយជាក្រុមប្រឆាំង សាហាវព្រៃផ្សៃ សម្លាបយ៉ាងរង្គាល គឺសម្លាប់មនុស្សរបស់ រដ្ឋាភិបាលផង សម្លាប់មនុស្សរបស់ បក្សប្រឆាំង Opposition ផង។ មាន បទពិសោធន៍មួយទៀត គឺពួក ខ្មែរក្រហម ឆ្នាំ ១៩៧០ ដល់ ឆ្នាំ ១៩៧៥ តស៊ូ ធ្វើសង្រ្គាមប្រឆាំង របប លន់ លន់ តែដល់ពេល បានអំណាចឆ្នាំ ១៩៧៥ គឺពួកខ្មែរក្រហម សម្លាប់ ពួក លន់ នល់ សឺន សាន សីហនុ និង ប្រជាជនដែលគាំទ្រ បក្ស ប្រជាជនកម្ពុជា CPP ឬ ខ្លះហៅថា កំម្មុយនីស្ត។

គណបក្ស សង្រ្គោះជាតិ ដំបូងធ្វើកិច្ចការជាបក្សសង្រ្គោះជាតិ ក្រោយមក ដោយសារមានក្រុមបក្ស Moderate បក្សសង្រ្គោះជាតិក្លាយជា បក្សសាងគ្រោះជាតិ ! គឺ ក្រោយពីរលាយបក្សសង្រ្គោះជាតិ ដោយសារមានការចាប់ដៃផ្នែកយោធាជាមួយ យួនសេរី កាត់ដីខ្មែរ​៤ខេត្តឲ្យយួនសេរី និងផែនការផ្តល់សញ្ជាតិស្របច្បាប់ឲ្យ អន្តោប្រវេសវៀតណាមកើតនៅកម្ពុជារបស់បក្សសង្រ្គោះជាតិ។ ដូច្នេះ ក្រុម បក្ស Moderate កំទេចបក្សសង្រ្គោះជាតិចោល រួចបង្តើតជា ចលនាសង្រ្គោះជាតិ CRNP's Movement ជារណសិរ្សសង្រ្គោះជាតិ CNRP's Front។

មនុស្សមួយចំនួនដែលតែងតែប្រឆាំងជាមួយនឹង បក្សប្រឆាំងផង ប្រឆាំងជាមួយ រដ្ឋាភិបាលផង មានដូចជា៖

1. ទូច វិបុល ប្រធានអង្គការសម្ព័ន្ធមិត្តខ្មែរ-អាមេរិកកាំង
2. មែន ណាត ប្រធានក្រុមប្រឹក្សាឃ្លាំមើលកម្ពុជាប្រចាំប្រទេសន័រវេស
3. យ័ប គឹម ទីង ប្រធាន Cambodian Americans For Human Rights and Democracy
4. ហុង លឹម តំណាងរាស្រ្តប្រឆាំរដ្ឋ Victoria, Australia
5. វឿក ឆាយ ហឿន ប្រធានសមាគមសម្លេងខ្មែរដើម្បីប្រជាធិប្បតេយ្យ
6. ប៉ាង សុខឿន ប្រធានក្រុមប្រឹក្សាឃ្លាំមើលកម្ពុជាប្រចាំប្រទេសស៊ុយ អែត
7. ចលនាសង្រ្គោះជាតិ អាមេរិក CNRP America
8. ចលនាសង្រ្គោះជាតិថ្មី CNRPM (CNRP Democracy Movement)
9. ចលនាសង្រ្គោះជាតិ អាមេរិកខាងជើង CNRP-NA (North America)
10. ចលនាសង្រ្គោះជាតិ អាមេរិកខាងត្បូង CNRP SA( South America)
11. ចលនាសង្រ្គោះជាតិ អឺរ៉ុប CNRP Europe 
12. ចលនាសង្រ្គោះជាតិ អាស៊ី CNRP Asia
13. ចលនាសង្រ្គោះជាតិ អូស្រ្តាលី CNRP Australia 
14. ចលនាសង្រ្គោះជាតិ ក្រៅប្រទេស CNRP Oversea  
15. ចលនាសង្រ្គោះជាតិ នៅកម្ពុជា
16. ចលនាសង្រ្គោះជាតិ នៅកម្ពុជាក្រោម.........។

ជាទស្សនៈខ្ញុំ សុំបងប្អូន មេត្តា ព្រះមេត្តាឲ្យប្រជាជនកម្ពុជា រស់បានសុខ សប្បាយ ដើម្បីការពារ ពូជសាសន៍ខ្មែរ ទឹក ដី អាកាស របស់ខ្មែរ !!

សម្រង់ ១២ ឧសភា ឆ្នាំ ២០១៨

«អញ្ចឹង​ហើយ​បានជា​គ្រប់សាខា​ទាំងអស់​យល់ព្រម​ធ្វើការ​គាំទ្រ​ ហើយក៏​យើង​បង្កើត មហាសន្និបាត​ថ្ងៃទី​១២ នេះ‍»។

វ៉ាស៊ីនតោន — 

ក្រុមមន្ត្រី​គណបក្ស​សង្គ្រោះជាតិ​នៅឯ​នាយសមុទ្រ ​គ្រោងនឹង​ជួបប្រជុំគ្នា​ក្នុង​មហា សន្និបាត​១ថ្ងៃ​នៅថ្ងៃ​សៅរ៍នេះ ​ដើម្បី​ដាក់​បញ្ចូល​គ្នា​ជាផ្លូវការ​និងបង្កើត​ជារចនា​សម្ព័ន្ធ​មួយ ​មុនពេល​បោះឆ្នោត​ជាតិ​ខែកក្កដា​ខាងមុខ​ ទោះជា​គេមើល​ឃើញពី​ក្តីសង្ឃឹម​តិច តួច​ដែលថា​គណបក្ស​នេះ ​អាចរស់​ឡើងវិញ​និងអាច​ចូលរួម​ក្នុងការ​បោះឆ្នោត​ខាង​មុខ។

ក្រុម​តំណាង​មន្ត្រី​គណបក្ស​សង្គ្រោះ​ជាតិ​យ៉ាងតិច​៤០០នាក់​ មកពី​ប្រទេស​ជាច្រើន រួមទាំង​សហរដ្ឋអាមេរិក​ កាណាដា​ អូស្ត្រាលី​ បារាំង​ អាល្លឺម៉ង់ ​ជាដើម​គ្រោងនឹង​ជួប ប្រជុំគ្នា​ដើម្បី​ប្រារព្វ​ធ្វើសន្និបាត​នៅថ្ងៃសៅរ៍​នេះ​ក្នុងទីក្រុង​ឡុងប៊ិច ​រដ្ឋកាលី​ហ្វ័រញ៉ា ជាលើក​ដំបូង​ ដើម្បី​បញ្ចូលគ្នា​ឲ្យទៅ​ជាសាខា​តែមួយ​នៃ​គណបក្ស ​ទោះជា​គណបក្ស នេះ​ត្រូវអាជ្ញាធរ​គណបក្ស​គ្រប់គ្រង​ប្រទេស​ របស់​លោក​នាយក​រដ្ឋមន្ត្រី​ ហ៊ុន សែន បាន​រំលាយ​កាលពី​ឆ្នាំទៅ​ ដែលធ្វើ​ឲ្យមាន​ប្រតិកម្ម​ជាអន្តរជាតិ​ក្តី។

តំណាង​សាខា​និង​អ្នកគាំទ្រ​ មកពី​តាម​បណ្តា​រដ្ឋនានា​ក្នុងប្រទេស​អាមេរិក ​និង​ប្រទេស នានា​ដែលជា​មន្ត្រីមក​ពីគណបក្ស​សង្គ្រោះជាតិ​ទ្វីប​អាមេរិក​ខាងជើង​ CNRP NA ហើយនឹង​មន្ត្រី​គណបក្ស​សង្គ្រោះជាតិ​ប្រចាំប្រទេស​អាមេរិក ​CNRP USA ​ដែល​បាន បង្កើត​ជា​សាខា​គណបក្ស​សង្គ្រោះជាតិ​ទ្វីបអាមេរិក​តែមួយ​ហៅថា​ CNRPA​ តាម គោល​ការណ៍​នៃការ​ដាក់បញ្ចូល​គ្នា​រវាង​គណបក្ស​សម រង្ស៊ី ​និង ​គណបក្ស​សិទ្ធិមនុស្ស គ្រោងនឹង​ចូលរួម​ក្នុងមហា​សន្និបាត​ទី១ ​រយៈមួយ​ថ្ងៃ ​ហើយនឹង​ប្រកាស​ពីការ​រួបរួម គ្នានេះ​ជាផ្លូវការ។​ ក្រុម​មេដឹកនាំ ​មាន​អតីត​មេដឹកនាំ​គណបក្ស ​និងមន្ត្រី​ជាន់ខ្ពស់​គណបក្ស​សង្គ្រោះជាតិ​ជាច្រើន ​ក៏គ្រោងនឹង​ចូលរួម​ដែរ។

លោក​ វាសនា ចាន់​ ប្រធាន​សាខា​មួយ​នៃ​គណបក្ស​សង្គ្រោះជាតិ​ប្រចាំ​ក្រុង​ឡុងប៊ិច បានប្រាប់ ​VOA ​តាម​ទូរស័ព្ទ​កាលពី​ថ្ងៃព្រហស្បតិ៍​ថា​ នេះជា​ពេលវេលា​ត្រឹមត្រូវ ​ដើម្បី​ប្រារព្វ​ធ្វើ​មហាសន្និបាត​ដាក់បញ្ចូល​គ្នា​ដើម្បី​ធ្វើកិច្ចការ​ឲ្យមាន​ភាព​រលូន​ទៅតាម​អ្វី ដែល​ថ្នាក់ដឹកនាំ​គណបក្ស​បាន​សម្រេច​ជាគោល​ការណ៍​ដាក់បញ្ចូល​គ្នាតាំងពី​បង្កើត គណបក្ស​សង្គ្រោះជាតិ​ដំបូង។

«អញ្ចឹង​ហើយ​បានជា​គ្រប់សាខា​ទាំងអស់​យល់ព្រម​ធ្វើការ​គាំទ្រ​ ហើយក៏​យើង​បង្កើត មហាសន្និបាត​ថ្ងៃទី​១២ នេះ‍»។

លោកបាន​បន្ថែមថា​សន្និបាតនេះ​ក៏នឹង​បង្ហាញ​ពីកម្លាំង​សាមគ្គីគ្នា​ផងដែរ​ទោះបី​ជានៅ ក្នុងប្រទេស​មានការ​រំលាយ​គណបក្ស​សង្គ្រោះ​ជាតិ​ក្តី។

«គឺបង្ហាញ​ទៅ​មហាជន​ឬមួយ​ប្រជាជន​ដែលគាត់​ស្រឡាញ់​លទ្ធិប្រជាធិបតេយ្យ ​គាត់ គិតថា ​នេះគឺ​ជាភាពរឹងមាំ​មួយ​ដែល​គណបក្ស​សង្គ្រោះជាតិ​នៅតែ​រស់រវើក​ធ្វើឲ្យ​កូន ខ្មែរយល់ថា​គណបក្ស​សង្គ្រោះ​ជាតិ អ្នកដឹកនាំ​ក្តីគឺមិន​មែន​ព្រងើយក​ន្តើយទេគឺ ​ថាគិតគូពី​វាសនា​ប្រទេសជាតិ​យើងរហូត​ចង់ឲ្យ​មានការ​ផ្លាស់ប្តូរ‍»។

អ្នកស្រី ​ចាណេត សេង​ (Janet Seng) ​គឺប្រធាន​ចលនាស្ត្រី​នៃគណបក្ស​សង្គ្រោះ​ជាតិ ស.រ.អា ​មកពីក្រុង ​ហ្វីឡាឌែលហ៊្វីយ៉ា​ រដ្ឋ ​ភេនស៊ីលវីនៀ ​(PA) ​បានថ្លែង​ថា​មហា សន្និបាត​ នេះជា​រឿងសំខាន់​សម្រាប់​បង្ហាញ​ឲ្យពលរដ្ឋ​ និងអ្នក​គាំទ្រ​បានដឹង​ថា គណបក្ស​សង្គ្រោះជាតិ​មានការ​រួបរួមគ្នា​និង ​មានភាព​រឹងមាំ។

«អញ្ចឹង​មហាសន្និបាត​នេះវា​សំខាន់​ណាស់ ​ជារូបភាព​មួយបង្ហាញ​ជាកម្លាំង​ឲ្យពួក​គាត់​មានក្តី​សង្ឃឹម ​ឲ្យពួក​គាត់​ក្រោកឈរ​បើសិនជា​លោកប្រធាន​សម រង្ស៊ីក្តី ​លោក ​ប្រធាន​កឹម សុខា​ក្តីដូចថា​គាត់ផ្តល់​សញ្ញា​យ៉ាងម៉េច​ នេះជា​ផ្លូវមួយ​លើកទឹក​ចិត្តឲ្យ​គាត់ ធ្វើតាម‍»។

អ្នកស្រី​ ចាណេត​ បានលើក​ឧទាហរណ៍​មួយ​បញ្ជាក់​ទាក់ទង​នឹង ​ការបោះ​ឆ្នោត​នៅ ថ្ងៃទី២៩ ​ខែកក្កដា ​ឆ្នាំ​ ២០១៨ ​នេះ ​ពលរដ្ឋ​មិនត្រូវ​ទៅ​បោះឆ្នោត​ទេ ​អញ្ចឹង​ពលរដ្ឋ​ត្រូវ ធ្វើតាម​ ហើយដឹង​ថាមាន​មេដឹកនាំ។ ​

ទោះជា​យ៉ាងណា​ក៏មាន​ក្រុមមួយ​ ដែល​ប្រកាសថា​ជាអ្នកគាំទ្រ​គណបក្ស​សង្គ្រោះ ជាតិ​ប្រចាំ​សហរដ្ឋ​អាមេរិក​ ឬ ​CNRP USA ​បានប្រកាស​ជាសាធារណៈថា​ពួកគេ​មិន ដែលបាន​បញ្ចូលគ្នា​ជាមួយនឹង​ក្រុម​គណបក្ស​សង្គ្រោះជាតិ​ទ្វីបអាមេរិក​ទេ។

នៅក្នុង​សេចក្តី​ថ្លែងការណ៍​មួយចុះ​ថ្ងៃទី១០​ ខែឧសភា ​បាន​បញ្ជាក់​ថា៖

«ក្រុមគាំទ្រ​គណបក្ស​សង្គ្រោះជាតិ​ប្រចាំ​សហរដ្ឋអាមេរិក ​CNRP-USA ​មិនពាក់ព័ន្ធ​នឹង ក្រុម ​CNRP A ​និងកម្មវិធី​សមាជ​ទី១​របស់​ពួកគេ​នៅថ្ងៃទី១២​ខែឧសភា​ឆ្នាំ​២០១៨ ​នោះ​ឡើយ។​ CNRP A ​គ្រាន់តែ​បំប្លែង​ខ្លួនពី​ចលនា​ សង្គ្រោះជាតិ ​CNRM ​និង​សមាជទី​១ របស់​ពួកគេ​នេះ​ គឺជា​សកម្មភាព​អាណាធិបតេយ្យ​មួយទៀត​ដើម្បីបំភ័ន្ធ​សាធារណជន ឲ្យវង្វេង​និង​បំបែក​បំបាក់​អ្នកគាំទ្រ​គណបក្ស​សង្គ្រោះជាតិ​នៅក្រៅប្រទេស តែ​ប៉ុណ្ណោះ‍»។

ទោះជា​យ៉ាងណា ​លោក​ អ៊ុង រិទ្ធី​ ប្រធាន​សាខា​គណបក្ស​សង្គ្រោះជាតិ​ប្រចាំ​សហរដ្ឋ អាមេរិក​ CNRP-USA ​និង​បច្ចុប្បន្ន​ជាប្រធាន​សាខា​គណបក្ស​សង្គ្រោះជាតិ​ទ្វីប​អាមេរិក បានថ្លែង​បន្ទតាម​មន្ត្រី​របស់​គណបក្ស​ឯទៀតថា​មហា​សន្និបាត​នេះគឺ​ជាការ​បង្ហាញ​អំពី ការរួមរួម ​ដែល​លោក​ចាត់ទុក​ថា ​ជារឿង​ចាំបាច់​ ដើម្បី​ពង្រឹង​គោលជំហរ​គណបក្ស កុំឲ្យមាន​ការភ័យ​ខ្លាច​ កុំបែក​បាក់​ និងកុំឲ្យមាន​ការទោរ​ទន់​ទៅតាម​មនោគមន៍​វិជ្ជា របស់ដៃគូ​ប្រជែង​ ក្រៅពី​អំពាវនាវ​បន្ថែមឲ្យ​មានការ​រួបរួម​ក្នុងចំណោម​អ្នក​ប្រជាធិប តេយ្យ។

«បើសិន​ជាយើង​ដាក់ប្រទេសជាតិ​ជាធំ ​យើងមាន​ភក្តីភាព​ចំពោះជាតិ ​យើងគួរ​តែធ្វើការ រួបរួមគ្នា ​ហើយឈប់​វាយប្រហារ​គ្នា ​ឈប់​បង្អាប់​គ្នា​ជាពិសេស​អ្នកដែល​ សេ្នហា​ជាតិ​ដូច គ្នា ​ហើយ​ជាពិសេស​អ្នកដែល​ស្រឡាញ់​សង្គ្រោះជាតិ​ដូចគ្នា។​ ធ្វើការរួមគ្នា​គឺយើង​អាច នាំមកនូវ​ភាព​ជោគជ័យ​ចំពោះជាតិ​ចំពោះ​មាតុប្រទេស​របស់យើង​ ហើយធ្វើ​ការរួមគ្នា យើងអាច​រុញច្រាន​យន្តការ​នយោបាយ​នៃការផ្លាស់ប្តូរ​ទៅតាម​ការអភិវឌ្ឍន៍​វិជ្ជមាន របស់យើង ​តាមទិស​ដៅ​អហិង្សា​ មិនយក​ខ្មែរណា​ជាសត្រូវ‍»។

ក្រុមអ្នក​គាំទ្រ​នៅឯនាយ​សមុទ្រ​ដែលគិត​ពីប្រទេស​កំណើត​ ត្រូវគេដឹង​ថាជា​ប្រភព ហិរញ្ញ​វត្ថុ​ សំខាន់​សម្រាប់​គណបក្ស​ជំទាស់​ ដែល​លោក​ អ៊ុង រិទ្ធី ​អះអាងថា​មហា សន្និបាត​នៅថ្ងៃ​សៅរ៍នេះ​ បាន​ទទួលការ​ជូនដំណឹង​បន្តបន្ទាប់​ពីប្រធាន​សាខា​សឹង ទាំងអស់​ថានឹង​មកចូលរួម​ដើម្បីប្រកាស​ពីសាខា​គណបក្ស​សង្គ្រោះជាតិ​តែមួយ​នៅ ឯនាយ​សមុទ្រ​ដូចមាន​ការគ្រោង​ទុករបស់​គណបក្ស។

សហគមន៍​អន្តរជាតិ​ បានដាក់​ការកៀប​សង្កត់ខ្លាំង​ទៅលើ​គណបក្ស​គ្រប់គ្រង​ប្រទេស​ក្រោយពេល​មានការ​រំលាយ​គណបក្ស​សង្គ្រោះជាតិ​កាលពីថ្ងៃ​ទី១៦ ​ខែវិច្ឆិកា​ឆ្នាំ ២០១៧ ​និង ​ចាប់​ប្រធាន​គណបក្សនេះ​គឺលោក ​កឹម សុខា ​ដាក់គុក​ពីបទ​ចោទ​ប្រកាន់ ថាមាន​ការប៉ុនប៉ង​ផ្តួលរំលំ​រដ្ឋាភិបាល​គណបក្ស​គ្រប់គ្រង​ប្រទេស ​ហើយនឹង​ដកសិទ្ធិ នយោបាយ​ដល់​មន្ត្រី​ជាន់ខ្ពស់ ​និងចាប់​ឃុំខ្លួន​មន្ត្រី​គណបក្ស​ជំទាស់​ជាច្រើន​នោះ។ សហគមន៍​អន្តរជាតិ​ដូចជា​ស.រ.អា ​សហភាព​អឺរ៉ុប​ និង​ប្រទេស​លោកខាង​លិចមួយ ចំនួន​ទៀត​ បាន​ព្រមាន​ពី​ការ​ដាក់​ទណ្ឌកម្ម​ធ្ងន់ធ្ងរ​លើ​ការ​នាំចូល​ទំនិញ​ដោយ​រួច​ពន្ធ​ពី​កម្ពុជា​ ការ​កាត់​ជំនួយ​មួយ​ចំនួន ​ការ​ព្រមាន​ពី​ការ​បង្កក​ទ្រព្យសម្បត្តិ ​និង​ការ​មិន​ផ្តល់​ទិដ្ឋាការ​ដល់​បុគ្គល​មួយ​ចំនួន​ក្នុង​រដ្ឋាភិបាល​និង​គ្រួសារ ​ដែលគេ​រក​ឃើញ​ថា​ជាអ្នក​បំផ្លាញ​ប្រជាធិបតេយ្យ​ក្នុងប្រទេស​កម្ពុជា៕

1 January 2018: ចលនា​សង្គ្រោះជាតិ​ថ្មី​​ចាប់​ផ្ដើម​ដំណើរការ​នៅ​ទីក្រុង​ឡុងប៊ិច​​សហរដ្ឋ​អាមេរិក ចលនា​សង្គ្រោះ​ជាតិ​ថ្មី​របស់​លោក សម រង្ស៊ី នឹង​ប្រកាស​សម្ពោធ​ដំណើរការ​របស់​ខ្លួន នៅ​ក្នុង​ទីក្រុង​ឡុងប៊ិច (Long Beach) រដ្ឋ​កាលីហ្វ័រញ៉ា នៅ​ល្ងាច​ថ្ងៃអាទិត្យ​នេះ។ ចលនា​សង្គ្រោះជាតិ​ថ្មី​នេះ មាន​ការ​ចូលរួម​ពី​ក្រុម​តំណាងរាស្ត្រ និង​សកម្មជន​របស់​គណបក្ស​សង្គ្រោះ​ជាតិ មួយ​ចំនួន​ដែល​មាន​និន្នាការ​គាំទ្រ លោក សម រង្ស៊ី។ សមាសភាព​របស់​ចលនា​ថ្មី​នេះ រួមមាន​លោក សម រង្ស៊ី ភរិយា របស់​លោក សមរង្ស៊ី គឺ​អ្នកស្រី ជូឡុង ស៊ូមូរ៉ា អ្នកស្រី មូរ សុខហួរ លោក អេង ឆៃអ៊ាង លោក តុ វ៉ាន់ចាន់ លោក ជា គឹមលី និង​សកម្មជន​របស់​លោក សម រង្ស៊ី នៅ​ក្រៅ​ប្រទេស​មួយ​ចំនួន​ទៀត។

អតីត​ប្រធាន​គណបក្ស​សង្គ្រោះ​ជាតិ លោក សមរង្ស៊ី កាលពី​ថ្ងៃ​ទី​១២ ខែ​មករា កន្លង​ទៅ នេះ​ធ្លាប់​ប្រកាស​ថា ចលនា​សង្គ្រោះជាតិ​ថ្មី​នេះ នឹង​បន្ត​ការ​តស៊ូ​របស់​ខ្លួន​ដោយ​សន្តិវិធី​ក្នុង​ការ​ជំរុញ​ឲ្យ​មាន​ការ​បោះឆ្នោត​ដោយ​សេរី និង​យុត្តិធម៌​នៅ​កម្ពុជា ដោះលែង​ប្រធាន​គណបក្ស​សង្គ្រោះ​ជាតិ លោក កឹម សុខា ដោះលែង​អ្នកទោស​នយោបាយ​ទាំងអស់ និង​អនុញ្ញាត​ឲ្យ​គណបក្ស​សង្គ្រោះជាតិ ចូលរួម​ការ​បោះឆ្នោត នៅ​ខែ​កក្កដា​ខាងមុខ។

ទោះជា​យ៉ាងណាក៏ដោយ តំណាងរាស្ត្រ និង​សកម្មជន​របស់​គណបក្សសង្គ្រោះ​ជាតិ ដែល​គាំទ្រ លោក កឹម សុខា ភាគច្រើន​បាន​បដិសេធ​មិន​ចូលរួម​នៅ​ក្នុង​ចលនា​សង្គ្រោះជាតិ​របស់​លោក សម រង្ស៊ី នោះ​ទេ។

តំណាងរាស្ត្រ​របស់​គណបក្ស​សង្គ្រោះជាតិ​ម្នាក់ គឺ​លោក យ៉ែម ប៉ុញ្ញឫទ្ធិ បាន​ប្រកាស​ថា អះអាង​ថា​ចលនា​ថ្មី​របស់​លោក សម រង្ស៊ី មិន​ត្រូវ​ប្រើ​ពាក្យ​សង្គ្រោះជាតិ​នោះ​ទេ ហើយ​ថា ចលនា​ថ្មី​នេះ​មិនមែន ជា​កម្មសិទ្ធិ​របស់​គណបក្ស​សង្គ្រោះជាតិ​នោះ​ឡើយ។ ប៉ុន្តែ លោក សម រង្ស៊ី ធ្លាប់​អះអាង​ថា ការ​បង្កើត​ចលនា​ថ្មី​នេះ គឺ​ជា​ការ​បង្រួបបង្រួម​ក្រុម​អ្នក​ស្នេហា​ជាតិ និង​អ្នក​ដែល​ចង់​សង្គ្រោះ​ប្រទេស​ពី​ការដឹកនាំ​របស់​លោក ហ៊ុន សែន ប៉ុណ្ណោះ។

លោក សម រង្ស៊ី ធ្លាប់​អះអាង​ថា ចាប់​តាំង​ពី​គណបក្ស​សង្គ្រោះជាតិ ក្រោយ​ពី​លោក ហ៊ុន សែន រំលាយ​រួចមក គឺ​ពុំ​មាន​រចនាសម្ព័ន្ធ​ដឹកនាំ​ត្រឹមត្រូវ​នោះ​ទេ ដូច្នេះ​ហើយ​មានតែ​ចលនា​ថ្មី​នេះ​ប៉ុណ្ណោះ​ដែល​អាច បន្ត​ដំណើរ​ការស្វែងរក​ដំណោះស្រាយ​នយោបាយ​បាន។

ទោះជា​យ៉ាងណាក៏ដោយ​អ្នកវិភាគ​ឯករាជ្យ​លោក បណ្ឌិត ឡៅ ម៉ុងហៃ ធ្លាប់​បាន​ប្រាប់​សារព័ត៌មាន ដោយ​អះអាងថា គណបក្ស​សង្គ្រោះជាតិ​កន្លងមក បាន ​បង្កើត​គណៈកម្មការ​ចំពោះ​កិច្ច​របស់​ខ្លួន​នៅ​ក្រៅ​ប្រទេស ដែល​មាន​ក្បាលម៉ាស៊ីន​គ្រប់គ្រាន់​សម្រាប់​បន្ត​ដំណើរការ គណបក្ស​មួយ​នេះ​បាន។ ចំណែក​លោក កឹម សុខា ប្រធាន​គណបក្ស​សង្គ្រោះជាតិ ដែល​កំពុង​ជាប់ឃុំ​ឃាំង​នោះ បាន​ផ្ញើ​សារ​តាមរយៈ​មេធាវី​របស់​លោក ពី​ពន្ធនាគារ ដែរ​ថា លោក​មិន​គាំទ្រ និង​មិន​ចូលរួម​ចលនា​ថ្មី​របស់​លោក​សម រង្ស៊ី នោះ​ឡើយ៕