ឆ្នាំ១៩៩៩ លោកបានចូលរួមជាមួយគណបក្សហ៊្វុនស៊ិនប៉ិច ដែលដឹកនាំដោយសម្តេចក្រុមព្រះ នរោត្តម រណឫទ្ធិ។ ចាប់ពីឆ្នាំ២០០២ដល់ឆ្នាំ២០០៨ លោកបានក្លាយជាមន្ត្រីខុទ្ទកាល័យរបស់សម្តេចក្រុមព្រះ។
ឆ្នាំ២០០០ ក្រោយពីរៀនត្រៀមរយៈពេលពីរឆ្នាំនៅរាជធានីភ្នំពេញ ក្នុង ឆ្នាំ២០០០ លោកបានទទួលអាហារូបករណ៍សិក្សាបរិញ្ញាបត្រគណិតវិទ្យានៅសាកលវិទ្យាល័យភូមិន្ទភ្នំពេញ និងបានបញ្ចប់នៅឆ្នាំ២០០៤។ ទោះជាយ៉ាងណា ក្នុងអំឡុងពេលសិក្សានៅរាជធានីភ្នំពេញ លោកបានក្លាយជាមនុស្សដែលសកម្មនឹងបញ្ហាសង្គម ដែលក្នុងនោះមានតវ៉ារឿងព្រំដែន បញ្ហាអន្តោប្រវេសន៍ និងបញ្ហាអយុត្តិធម៌ក្នុងសង្គមផ្សេងៗទៀត។
- ឆ្នាំ២០០៨ លោក គឹម សុខ ធ្លាប់មានតួនាទីជាទីប្រឹក្សារបស់ក្រសួងព័ត៌មានចាប់ពី ឆ្នាំ២០០៨ ដល់ឆ្នាំ២០១៣ ជាតួនាទីមួយ ដែលលោកទទួលបានក្រោយពីសមាជិកគណបក្សហ៊្វុនស៊ិនប៉ិច បានចុះចូលជាមួយគណបក្សប្រជាជនកម្ពុជាខណៈលោកនាយករដ្ឋមន្ត្រី ហ៊ុន សែន បានសន្យាថានឹងរក្សាតំណែងរដ្ឋាភិបាលសម្រាប់ពួកគេ។ ចំណែកលោក គឹម សេង ប្អូនប្រុសរបស់លោក គឹម សុខ មានប្រសាសន៍ប្រាប់ VOAថា៖ខ្ញុំធ្លាប់ឃាត់គាត់បានម្តង នៅពេលគណបក្សហ្វ៊ុនស៊ិនប៉ិច ចេះតែធ្លាក់ទៅ ខ្ញុំសូមអង្វរគាត់ចាកចេញ ហើយរស់នៅធម្មតា អញ្ចឹងបានគាត់ចាកចេញ»។
- ឆ្នាំ២០០៨ ដោយមិនបានបញ្ជាក់ពីមូលហេតុ។ បន្ទាប់មក លោកបានផ្តោតទៅលើការងារសង្គម និងធ្វើការងារលើគម្រោងមួយចំនួនរបស់អង្គការក្រៅរដ្ឋាភិបាល។
- លោក គឹម សុខ បានរៀបអាពាហ៍ពិពាហ៍ក្នុងឆ្នាំ២០១១ជាមួយនារីម្នាក់រស់នៅក្នុងខេត្តតាកែវដូចគ្នា។ លោកមានកូនស្រីម្នាក់ដែលមានអាយុ៥ឆ្នាំ។ ទោះជាយ៉ាងណាក៏ដោយ លោកនិងភរិយារបស់លោកបានរស់នៅផ្សេងពីគ្នាមកដល់ពេលនេះ បើទោះជាមិនមានការលែងលះគ្នាក៏ដោយ។ ក្រុមគ្រួសារលោកបានអះអាងថា ពេលរស់នៅជាមួយភរិយា លោកនិងភរិយារបស់លោកបានប្រកបរបរលក់មាសខ្នាតតូចក្នុងផ្សារតាកែវ។
- ឆ្នាំ២០១២ លោក គឹម សុខ បានទទួលអាហារូបករណ៍ទៅសិក្សាថ្នាក់អនុបណ្ឌិតផ្នែកគ្រប់គ្រងហិរញ្ញវត្ថុនៅសាកលវិទ្យាល័យBeijing Jiaotong ក្នុងប្រទេសចិន។
- ឆ្នាំ ២០១៥ លោកបានប្រកបរបរលក់ថ្នាំលាបជញ្ជាំងលក្ខណៈតូចល្មម។ បន្ទាប់ពីការរស់នៅបែកគ្នាជាមួយភរិយា លោកបានចាប់ផ្តើមជីវិតជាអ្នកសកម្មក្នុងសង្គមឡើងវិញ។
- ឆ្នាំ ២០១៥ ការ បង្កើតក្រុម «កាហ្វេនយោបាយ» ដែលជាវេទិកាមួយដែលអនុញ្ញាតឲ្យយុវជន និងជនទូទៅ អង្គុយនៅតុកាហ្វេ ហើយពិភាក្សាគ្នាពីរឿងនយោបាយ ដោយវប្បធម៌អហិង្សា។ កាលពីឆ្នាំ ២០១១ លោក អ៊ូ រិទ្ធី ដែលបានបញ្ចប់ការសិក្សាពីប្រទេសឥណ្ឌា បានផ្តួចផ្តើមគំនិតបង្កើតក្រុម «កាហ្វេនយោបាយ» ដែលជាវេទិកាមួយដែលអនុញ្ញាតឲ្យយុវជន និងជនទូទៅ អង្គុយនៅតុកាហ្វេ ហើយពិភាក្សាគ្នាពីរឿងនយោបាយ ដោយវប្បធម៌អហិង្សា។ បើតាមលោក រិទ្ធី គោលបំណងនៃការបង្កើតកាហ្វេនយោបាយ គឺកុំឲ្យយុវជនចំណាយពេលឥតប្រយោជន៍ កាត់បន្ថយការបរិភោគគ្រឿងស្រវឹង ជាពិសេសគឺបង្កើតនូវវប្បធម៌ជជែកពិភាក្សាដេញដោល រវាងគ្នានឹងគ្នា។ មិនត្រឹមតែប៉ុណ្ណោះ យុវជន ក៏អាចមានឱកាស ក្នុងការចែករំលែកចំណេះដឹងជាមួយគ្នាទៅវិញទៅមក និងជាវេទិកាមួយដែលផ្សារភ្ជាប់យុវជនទៅនឹងបញ្ញវន្ត អ្នកជំនាញ ផងដែរ តាមរយៈការចែករំលែកបទពិសោធពីសំណាក់ពួកគេ។ ស្ថាបនិក កាហ្វេនយោបាយ រូបនេះ បានពោលថា៖ «មូលហេតុដែលធ្វើឲ្យខ្ញុំ ផ្តើមគំនិតមួយនេះ គឺពេលដែលខ្ញុំបានអានរបាយការណ៍មួយថា ដើម្បីធ្វើខ្លួនឲ្យចូលចុះនៅក្នុងសង្គម គឺបុរសចំនួន ៩០ ភាគរយ ទទួលទានសុរា ខណៈដែលស្ត្រីមានចំនួន ៧០ ភាគរយ។ ខ្ញុំគិតថា ហេតុអីបានជាមិនផ្លាស់ប្តូរពីការទទួលទានសុរា មកទទួលទានកាហ្វេ ហើយនាំគ្នាអង្គុយពិភាក្សាពីបញ្ហានយោបាយជាជាងនាំគ្នានិយាយអំពី រឿងភាគ និយាយដើមគេ?»។
- ឆ្នាំ ២០១៥ លោក គឹម សុខ បានចូលរួមជាមួយ ក្រុមយុវជន Politikoffee ដែលជាក្រុមតែងតែពិភាក្សាបញ្ហាសង្គមនិងនយោបាយ។ ដោយសារភាពសកម្មក្នុងការចែករំលែកគំនិត លោកត្រូវបានអ្នកកាសែតវិទ្យុអាស៊ីសេរីទាក់ទងផ្តល់បទសម្ភាសន៍អំពីព្រឹត្តិការណ៍រដ្ឋប្រហារថ្ងៃទី៥-៦ កក្កដា។ បន្ទាប់មកឈ្មោះរបស់លោកត្រូវបានសាធារណជននិងអ្នកសារព័ត៌មានស្គាល់និងទាក់ទងធ្វើបទសម្ភាសន៍ជាបន្តបន្ទាប់។
- ឆ្នាំ ២០១៥ លោក ហង្ស វិទូ សមាជិកមូលនិធិលោក កែម ឡី មានប្រសាសន៍ថា លោក គឹម សុខ បានចូលរួមក្នុងមូលនិធិនេះ តាមការណែនាំពីមិត្តភក្តិជិតស្និទ្ធរបស់លោក។ លោកបន្តថាមានមតិមួយចំនួនលើកឡើងថា លោក គឹម សុខ ជាចារកម្មនិងជាជនបង្កប់ ប៉ុន្តែលោកយល់ថា លោក គឹម សុខ មិនមែនជាជនបង្កប់នោះ ដោយសារការវិភាគរបស់លោកមានភាពឯករាជ្យនិងរិះគន់ចំៗលើរដ្ឋាភិបាល។
- ឆ្នាំ ២០១៦ ករណីឃាដកម្ម លើក កែម ឡី ។ នៅពេលលោកចាប់ផ្តើមនិយាយជាមួយប្រព័ន្ធផ្សព្វផ្សាយ លោកត្រូវបានណែនាំឲ្យចូលរួមក្នុងមូលនិធិអ្នកវិភាគខ្មែរ។ ប៉ុន្តែបន្ទាប់មកលោកបានចាកចេញពីមូលនិធិនោះ ក្រោយ លោក កែម ឡី ត្រូវបានគេបាញ់សម្លាប់។
- ឆ្នាំ ២០១៦ ដោយសារការរិះគន់ខ្លាំងៗទៅលើរដ្ឋាភិបាល គួបផ្សំនឹងប្រវត្តិនយោបាយរបស់លោក លោក គឹម សុខ ត្រូវបានសង្ស័យថា ជាចារកម្មបង្កប់។ សមាជិកម្នាក់ដែលបានចូលរួមបង្កើតមូលនិធិអ្នកវិភាគខ្មែរ លោក ហ៊ីង សុខសាន្ត មានប្រសាសន៍ប្រាប់ VOA ថា លោក គឹម សុខ បានចូលរួមក្នុងការពិភាក្សាបង្កើតមូលនិធិនេះបានចំនួនពីរដង ហើយបន្ទាប់មកលោកក៏បានឈប់ ដោយពុំមានមូលហេតុ ក្រោយពីលោក កែម ឡី ត្រូវបានបាញ់សម្លាប់។
- ២០១៦ កឹម សុស ចាកចេញពី ក្រុម កែម ឡឺ៖ «អញ្ចឹងមានន័យថា គាត់ចេញពីក្រុម ដោយអត់មានដំណឹងទាំងអស់ តាំងពីហ្នឹងមក។ អញ្ចឹងហើយយើងគិតថាគាត់លែងចូលរួមការបង្កើតមូលនិធិរបស់កែម ឡី ហ្នឹងហើយ! ប៉ុន្តែយើងនៅតែគិតថា អ្នកវិភាគទាំងអស់នៅស្រុកខ្មែរគឺជាបងប្អូនយើង ដើម្បីយើងជជែកគ្នាផ្តល់គំនិតក្នុងនាមយើងជាបញ្ញវន្ត»។លោកបន្តថា មូលនិធិបានព្យាយាមទាក់ទងលោក គឹម សុខ ដោយសារបារម្ភពីសុវត្ថិភាពរបស់លោក និងចង់ណែនាំឲ្យលោកមានការប្រុងប្រយ័ត្ននៅពេលវិភាគម្តងៗ។ ប៉ុន្តែមិនអាចទាក់ទងបាននោះទេ។
- ឆ្នាំ ២០១៦ បន្ទាប់ពីលោក កែម ឡី ត្រូវបានបាញ់សម្លាប់ មូលនិធិដែលធ្លាប់មានលោក កែម ឡី ជាសមាជិក ក៏ត្រូវបានដូរឈ្មោះជាមូលនិធិ កែមឡី។
- ឆ្នាំ ២០១៦ ចលនាខ្មែរឥស្លាមត្រៀមបាតុកម្ម បើមានការចាប់ខ្លួនលោកកឹមសុខា ភ្នំពេញ៖ ប្រធានចលនាខ្មែរឥស្លាមនៃគណបក្សសង្គ្រោះជាតិ បានចេញសេចក្តីអំពាវនាវឱ្យសមាជិករបស់ខ្លួននៅទូទាំងប្រទេស ត្រៀមដើម្បីប្រើប្រាស់សិទ្ធិស្របច្បាប់ធ្វើមហាបាតុកម្មអហិង្សា ប្រសិនបើមានការចាប់ខ្លួន លោក កឹម សុខា ប្រធានស្តីទីគណបក្សសង្គ្រោះជាតិ បញ្ចូនឲ្យតុលាការករណីកញ្ញា ខុម ចាន់តារាទី ហៅស្រី មុំ។ នេះបើយោងតាមសេចក្តីអំពាវនាវរបស់ប្រធានចលនាខ្មែរឥស្លាមចុះថ្ងៃទី ០១ ខែ មិថុនានេះ ។ តែទោះជាយ៉ាងណា ចលនាខ្មែរឥស្លាមសង្ឃឹមថា គណបក្សនយោបាយធំៗទាំងពីរនឹងបន្តវប្បធម៌សន្ទនាឡើងវិញ។
- ឆ្នាំ ២០១៦ ក្រុមចលនាខ្មែរឥស្លាមជួបសួរសុខទុក្ខលោក កឹម សុខា នៅទៅស្នាក់ការបក្ស ស្ថិតនៅសង្កាត់អង្រែលើ ខណ្ឌមានជ័យ កាលពីថ្ងៃទី ៣១ ឧសភា។ លោក អ៊ីសា ឧស្មាន ប្រធានចលនាខ្មែរឥស្លាមបានប្រាប់វិទ្យុស្ត្រីថា លោកនឹងដឹកនាំធ្វើមហាបាតុកម្មនេះ គឺមិនខ្លាចការចាប់ខ្លួន បើមានការចាប់ខ្លួនលោក កឹម សុខា មែននោះ។ លោក អ៊ីសា ឧស្មាន និយាយថា៖«ខ្ញុំមិនព្រួយបារម្ភទេ ខ្ញុំដាក់ចិត្តដាក់កាយហើយ យើងត្រូវតែប្ដេជ្ញាធ្វើបាតុកម្ម ព្រោះបាតុកម្មគឺជាសិទ្ធិមួយដែលបានចែកនៅក្នុងច្បាប់របស់ប្រទេសកម្ពុជាច្បាស់ណាស់។ ប្រជាពលរដ្ឋមានសិទ្ធិបាតុកម្មអហិង្សានៅពេលខ្លួនមិនពេញចិត្តអ្វីមួយ អញ្ចឹងអ្វីដែលយើងធ្វើគឺបាតុកម្មអហិង្សាមិនលើសច្បាប់បានកំណត់ទេ»។ លោក ឧស្មាន បន្តថាលោក កឹម សុខា បានផ្តាំផ្ញើលោកនៅពេលលោកចូលជួបសួរសុខទុក្ខកាលពីអង្គារទី ៣១ ឧសភា ដោយឲ្យលោកប្រកាន់ជំហររឹងមាំតស៊ូដើម្បីទាមទារការពារសិទ្ធិរបស់ខ្លួន។ លោកថា លោក កឹម សុខា មិនរត់គេចទៅណានោះទេ បើទោះបីជាមានការប៉ុនប៉ងចាប់ខ្លួនលោកបញ្ជូនទៅតុលាការចាត់ការក៏ដោយ។
- ឆ្នាំ ២០១៦ ប្រធានចលនាខ្មែរឥស្លាមនៅក្នុងគណបក្សសង្គ្រោះជាតិ លោក អ៊ីសា អូស្មាន បានច្រានចោលទាំងស្រុងចំពោះការចោទប្រកាន់នៅតាមបណ្ដាញសង្គមហ្វេសប៊ុកឈ្មោះ ផែង វណ្ណៈ ថាការវាយរបងដែលខាងសាលារាជធានីភ្នំពេញបានធ្វើកាលពីថ្ងៃទី១៩ ខែធ្នូ នោះ គឺមានគណបក្សសង្គ្រោះជាតិ ជាអ្នកញុះញង់នៅពីក្រោយខ្នង៖ «»។ចំណែកឯសាសនិកខ្មែរឥស្លាមម្នាក់ទៀតដែលគាំទ្រគណបក្សប្រជាជនកម្ពុជា ក៏បានលើកឡើងថា ពួកគេនៅតែរក្សាជំហរប្រឆាំងដាច់ខាតចំពោះគម្រោងធ្វើផ្លូវកាត់ដីវិហារបឹងកក់នោះ ហើយពួកគេទាមទារឲ្យសាលាក្រុងធ្វើផ្លូវវាងតាមរបងវិហារវិញ ដែលមិនសូវជិតវិហារ ហើយមិនរំខានដល់ការប្រតិបត្តិរបស់សាសនាឥស្លាម។ លោកបញ្ជាក់ថា សំណុំរឿងធ្វើផ្លូវនេះ មិនជាប់ពាក់ព័ន្ធនឹងរឿងនយោបាយ ឬមានបក្សប្រឆាំងនៅពីក្រោយឡើយ៖ «»។ការឆ្លើយតបនេះ បន្ទាប់ពីមានគណនីហ្វេសប៊ុកមួយឈ្មោះ ផែង វណ្ណៈ ដែលធ្លាប់គំរាមបាញ់សម្លាប់លោក កឹម សុខា ប្រធានស្តីទីគណបក្សសង្គ្រោះជាតិ កន្លងមក បានសរសេរថា សកម្មជនគណបក្សសង្គ្រោះជាតិ ជាជនជាតិចាម បានដឹកនាំធ្វើបាតុកម្មហិង្សាវាយបំផ្លិចបំផ្លាញទ្រព្យសម្បត្តិរដ្ឋ និងឯកជននៅបឹងកក់កាលពីថ្ងៃទី២៣ ធ្នូ។ សំណេរនោះបន្តថា ជាទូទៅ គណបក្សសង្គ្រោះជាតិ តែងតែញុះញង់ដឹកនាំធ្វើបាតុកម្មប្រឆាំងការអភិវឌ្ឍគ្រប់ពេលគ្រប់ទីកន្លែង។ ប៉ុន្តែសារដែលផ្សព្វផ្សាយនេះ ត្រូវបានហ្វេសប៊ុកឈ្មោះ ផែង វណ្ណៈ លុបចោលវិញ។
- ឆ្នាំ ២០១៧ ភ្នំពេញ ក្រោយការចាប់ខ្លួនមេដឹកនាំគណបក្សប្រឆាំងលោក កឹម សុខា លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានព្រមានតាមចាប់ខ្លួនជនបរទេសមួយចំនួន ដែលលោកថាអាចពាក់ព័ន្ធនឹង«ការរៀបចំគម្រោងផ្តួលរំលំរដ្ឋាភិបាល»។ថ្លែងក្នុងពិធីសម្ពោធព្រះវិហារឥស្លាមក្រុងកំពង់ចាម និងដោយមានការផ្សាយផ្ទាល់តាមទូរទស្សន៍និងទំព័រហ្វេសប៊ុកនានា នាយករដ្ឋមន្រ្តី ហ៊ុន សែន បានព្រមានខ្លាំងៗដល់អ្នកដែលចង់ជ្រៀតជ្រែក ដល់ករណីមេបក្សជំទាស់ លោក កឹម សុខា ដែលត្រូវបានឃាត់ខ្លួនពីថ្ងៃអាទិត្យ ពាក់ពាក់ព័ន្ធនឹងការប្រព្រឹត្ត«អំពើក្បត់ជាតិ»។ នាយករដ្ឋមន្ត្រីដ៏មានឥទ្ធិពលលោកក៏បានឱ្យដឹងផងដែរថា អាជ្ញាធរកំពុងស្រាវជ្រាវរកជនបរទេសមួយចំនួនផ្សេងទៀត ដែលឃុបឃិតនឹងប្រធានគណបក្សប្រឆាំងដ៏ធំនេះ។ នៅចំពោះមុខខ្មែរឥស្លាមរាប់រយនាក់ លោក ហ៊ុន សែន បានហៅលោក កឹម សុខា ថាជា «អាយ៉ងបរទេស»។
- ឆ្នាំ ២០១៧ តុលាការកំពូលបន្តច្រានចោលបណ្ដឹងសុំនៅក្រៅឃុំរបស់លោក គឹម សុខ អ្នកឃ្លាំមើលបញ្ហាសង្គម និងនយោបាយកម្ពុជា ជាលើកទី២ នៅថ្ងៃទី១០ ខែមករា។
- ឆ្នាំ ២០១៧ លោក គឹម សុខ ត្រូវសមត្ថកិច្ចឃុំខ្លួននៅពន្ធនាគារកាលពីថ្ងៃទី១៧ ខែកុម្ភៈ ឆ្នាំ២០១៧ កន្លងទៅ និងត្រូវបានតុលាការក្រុងភ្នំពេញ ផ្ដន្ទាទោសឲ្យជាប់ពន្ធនាគារ ១៨ខែ ព្រមទាំងសងជំងឺចិត្តលោកនាយករដ្ឋមន្ត្រី ហ៊ុន សែន ចំនួន ៨០០លានរៀល៕
- ឆ្នាំ ២០១៧ ព្រះតេជគុណ លួន សុវ៉ាត នាំយកថវិកា 300$ ជាសទ្ធាជ្រះថ្លាជនរួមជាតិខ្មែរអាមេរីកកាំង ដែលមាន Mr Phirak Teing, Mrs Vanny Myers, Mr Choeun Neou ព្រមទាំងញាតិមិត្តនៃសមាជិកអង្គការ សម័្ពន្ធខ្មែរអាមេរីកកាំង ប្រចាំរដ្ឋ CAA Oregon of Cambodia-American Alliiance,ផ្តល់ជាជំនួយជួយដល់ម្តាយលោក គឹម សុខ គឺអ្នកស្រី ជូ សាមិ អាយុ៥៥ឆ្នាំជាកសិកររស់នៅភូមិបេង ឃុំក្រពុំឈូក ស្រុកកោះអណ្តែត ខេត្តតាកែវ ដែលកំពុងក្រីក្ររងគ្រោះព្រោះបញ្ហាសង្គម ដោយកូនរបស់អ្នកស្រី គឺលោក គឹម សុខ កំពុងជាប់ពន្ធនាគារព្រៃស ដោយសារការវិភាគពត៌មាននយោបាយនិងសង្គមតាមវិទ្យុអាស៊ីសេរីស្តីអំពីឃាតកម្មលើលោក បណ្ឌិត កែម ឡី ថា អាចពាក់ព័ន្ធនិងគណបក្សកាន់អំណាច ។ បញ្ជាក់ សមាជិកក្រុមសម្ព័ន្ធខ្មែរអាមេរីកកាំង CAA Oregon និងផ្តល់ជំនួយជួយសង្គ្រោះម្តាយលោក គឹម សុខ ក្នុង១ខែៗចំនួន50$រហូតដល់លោក គឹម សុខ មានសិទ្ធិសេរីភាពនិងយុត្តិធម៌ចេញពីពន្ធនាគារ ។ ២៥មិនា២០១៧
- ឆ្នាំ ២០១៨ លោក គឹម សុខ និងកូនស្រី បានសិទ្ធិជ្រកកោននយោបាយនៅប្រទេសហ្វាំងឡង់
- ឆ្នាំ ២០២០ អ្នកវិភាគមិនសំចៃមាត់ លោក គឹម សុខ ត្រូវតុលាការកោះហៅចូលបំភ្លឺជុំវិញបទចោទប្រកាន់បរិហារកេរ្តិ៍និងញុះញង់ អ្នកវិភាគនយោបាយ លោក គឹម សុខ ដែលបានភៀសខ្លួនទៅក្រៅប្រទេសក្រោយរងការគំរាមកំហែងពីរដ្ឋាភិបាលជុំវិញការបញ្ចេញមតិនោះ ត្រូវបានតុលាការកោះហៅឱ្យបំភ្លឺនៅដើមខែក្រោយនេះ ពាក់ព័ន្ធនឹងបណ្ដឹងបរិហារកេរ្តិ៍ជាសាធារណៈនិងបទញុះញង់។ក្នុងដីកាចេញកាលពីថ្ងៃទី៣ ខែវិច្ឆិកា ព្រះរាជអាជ្ញារងសាលាដំបូងរាជធានីភ្នំពេញ លោក ស៊ិត វណ្ណៈ បានកោះហៅលោក គឹម សុខ ឱ្យចូលខ្លួនទៅតុលាការនៅថ្ងៃទី៣ ខែធ្នូខាងមុខនេះ ដើម្បីបំភ្លឺជុំវិញការចោទពីបទ «បរិហារកេរ្តិ៍ជាសាធារណៈ» និង «ញុះញង់បង្កឱ្យមានភាពវឹកវរសន្តិសុខសង្គម»។
- ឆ្នាំ ២០២១ (ភ្នំពេញ)៖ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ នៅថ្ងៃទី២១ ខែឧសភា ឆ្នាំ២០២១នេះ បានចេញសេចក្តីប្រកាសមួយដោយចាត់ទុកថា លោក គឹម សុខ ជាអ្នកវិភាគសរសៃប្រសាទ ដែលវិភាគតាមការយល់សប្តិ បែបមមើមមាយ និងឡប់សតិតែប៉ុណ្ណោះ។សេចក្តីប្រកាសបដិសេធរបស់អ្នកនាំពាក្យក្រសួងមហាផ្ទៃ បានធ្វើឡើងបន្ទាប់ពី លោក គឹម សុខ ដែលរត់គេចខ្លួនពីការអនុវត្តច្បាប់ បានផ្តល់បទសម្ភាសមួយដល់សារព័ត៌មានអនឡាញ The Cambodia Daily កាលពីថ្ងទី១៩ ខែឧសភា ឆ្នាំ២០២១ កន្លងទៅនេះ ដោយចោទប្រកាន់ថ្នាក់ដឹកនាំក្រសួងមហាផ្ទៃថា បានលក់ទីស្តីការក្រសួងមហាផ្ទៃ ។អ្នកនាំពាក្យក្រសួងមហាផ្ទៃ សូមធ្វើការបដិសេធយ៉ាងដាច់អហង្ការចំពោះការចោទប្រកាន់តាមអារម្មណ៍នេះ ដោយចាត់ទុកថា «ការលើកឡើងរបស់អ្នកវិភាគសរសៃប្រសាទរូបនេះ គឺជាការវិភាគតាម ការយល់សប្តិ បែបមមើមមាយ និងឡប់សតិតែប៉ុណ្ណោះ ព្រោះគ្មានការបញ្ជាក់ពីប្រភពព័ត៌មាន ឬយក មូលដ្ឋានអ្វីមកជាសំអាងក្នុងការនិយាយនោះឡើយ»។អ្នកនាំពាក្យក្រសួងមហាផ្ទៃ បានបន្តថា៖ «ការណ៍ដែលឈ្មោះ គឹម សុខ ចេះតែដើរនិយាយ បរិហារកេរ្តិ៍មួលបង្កាច់គេឯងផ្តេសផ្តាស គឺជាចេតនាដ៏លាមក ដើម្បីញុះញង់ឱ្យមានការបែកបាក់ផ្ទៃក្នុងជាតិ ក៏ប៉ុន្តែចំពោះប្រជាពលរដ្ឋដែលមានសតិសម្បជញ្ញៈ ចាត់ទុកសំដីរបស់ គឹម សុខ ជាសំដីបំភ្លេចបំផ្លូចផុត ខ្លឹមសារ និងជាអ្នកវិភាគដែលមានជំងឺសរសៃប្រសាទ»។«ម្យ៉ាងវិញទៀត សំដីស្អុយគគុករបស់ គឹម សុខ នេះ ក៏ជាអ្វីដែលសារព័ត៌មាន The Cambodia Daily ដែលអះអាងខ្លួនថាជាសារព័ត៌មានអព្យាក្រិតនោះ តែងនិយមយកមកផ្សព្វផ្សាយ ដែលបង្ហាញឱ្យ ឃើញនូវចរិតជាសារព័ត៌មានមួយដែលខ្វះវិចារណញ្ញាណក្នុងវិជ្ជាជីវៈ ហើយតែងផ្សព្វផ្សាយព័ត៌មានប្រឌិត ញុះញង់ បង្កអរិភាពដល់នយោបាយ និងសន្តិសុខសង្គម ព្រមទាំងរំលោភយ៉ាងងងើលលើគោលការណ៍ និងក្រមសីលធម៌វិជ្ជាជីវៈសារព័ត៌មាន ក្នុងសង្គមប្រជាធិបតេយ្យ»។ នេះបើតាមការបញ្ជាក់បន្ថែមរបស់ លោក ខៀវ សុភ័គ។អ្នកនាំពាក្យក្រសួងមហាផ្ទៃ ក៏បានប្រកាសជាឱឡារិកថា គ្មានការទិញ-លក់ទីស្តីការក្រសួងមហាផ្ទៃ ដូចសំដីដ៏ស្អុយគគ្រុករបស់ឈ្មោះ គឹម សុខ នោះទេ ។ ទីស្តីការក្រសួងមហាផ្ទៃនៅតែជាទ្រព្យសម្បត្តិ របស់រដ្ឋ ស្ថិតក្រោមការគ្រប់គ្រងរបស់រាជរដ្ឋាភិបាលកម្ពុជា ហើយក៏គ្មាន និងមិនអាចមានទាល់តែសោះ នូវការទិញ-លក់ ដូចការផ្សព្វផ្សាយបំផ្លើសនោះឡើយ៕
Vnna Hay - ហៃ វណ្ណា តើលោក គឹម សុខ ជានរណា?
អ្នកឃ្លាំមើលបញ្ហាសង្គម និងនយោបាយ លោក គឹម សុខ កើតនៅថ្ងៃទី១២ ខែតុលា ឆ្នាំ១៩៨០ ដែលមានស្រុកកំណើតនៅភូមិដើមបេង ឃុំក្រពុំឈូក ស្រុកកោះអណ្តែត ខេត្តតាកែវ។ បច្ចុប្បន្នរស់នៅម្នាក់ឯងបន្ទាប់ពីលែងលះប្រពន្ធ និងមានកូនស្រីម្នាក់អាយុ៥ឆ្នាំ។ លោកជាកូនច្បងក្នុងគ្រួសារ ដែលមានឪពុកម្តាយជាកសិករ និងមានប្អូនៗ៤នាក់ទៀត ប្រុស២នាក់ និងស្រី២នាក់។ មានសប្បុរសណ្តែកបាយ មាឌធំល្មម ថ្គាមខ្លា ចង្កាព្រែក ក្បាលទំពេកចំពីលើ លោកគឹម សុខ កំពុងក្លាយជនល្បីល្បាញផ្នែកនយោបាយ នៅកម្ពុជា នាពេលបច្ចុប្បន្ន បន្ទាប់ពីកែម ឡី។
លោក គឹម សុខ រៀបរាប់ប្រាប់សារព័ត៌មានតោះអានថា លោកបានបញ្ចប់ការសិក្សាថ្នាក់បរិញ្ញាប័ត្រផ្នែកគណិតវិទ្យា នៅសាកលវិទ្យាល័យភូមិន្ទភ្នំពេញ ក្នុងឆ្នាំ២០០៤។ បន្ទាប់មកនៅឆ្នាំ២០១១ លោកជាប់អាហារូបករណ៍សិក្សាថ្នាក់បរិញ្ញាប័ត្រជាន់ខ្ពស់ (អនុបណ្ឌិត) ផ្នែកគ្រប់គ្រងពាណិជ្ជកម្ម នៅសាកលវិទ្យាល័យសាធារណៈការជាតិប៉េកាំង (Beijing Chaothong Tasear) និងបញ្ចប់ក្នុងឆ្នាំ២០១៥។
សូមក្រឡេកអានពីអតីតកាលបន្តិច លោកធ្លាប់បានចំណាយពេលជាង ១០ឆ្នាំ ក្នុងឆាកជីវិតនយោបាយ គឺ ពី ឆ្នាំ១៩៩៨ ដល់ឆ្នាំ ២០០៨ ដោយដុះចិត្តគំនិត បម្រើការងារជាយុវជនគណបក្សហ្វ៊ុនស៊ីមប៉ិច រហូតប្តូរឈ្មោះគណបក្សនរត្តមរាណឫទ្ធិ។ លោកគឹម សុខ បានឈានជើងប្រឡូកទៅក្នុងនយោបាយ ដោយផ្តើមចេញ ពីអ្នកសរសេរគម្រោងឱ្យអង្កការក្រៅរដ្ឋាភិបាល ហើយទន្ទឹមនឹងប្រើជីវិត សកម្មជនបក្សនយោបាយ លោកគឹម សុខ ក៏បានឆ្លៀតពេលប្រឡូកប្រឡាក់ទៅក្នុងចលនាសង្គម ដូចជាការតវ៉ាបញ្ហាព្រំដែនជាមួយក្រុមនិស្សិត និងបញ្ហាអយុត្តិធម៌សង្គមផ្សេងៗទៀត។ បន្តិចម្តងៗ ជីវិតយុវជន គឹម សុខ កាន់តែខិតជិតទៅរណ្តៅល្បែងនយោបាយ យ៉ាងស៊ប់ជ្រៅ ស្ទើរដកខ្លួន ពួនអាត្មាមិនកើត។
មនុស្សគិត មិនដូចទេវតាគិតនោះទេ អ្វីៗគ្រប់យ៉ាងបានប្តូរផ្លាស់ មិនប្រាប់មុននោះឡើយ ក្រោយការបោះឆ្នោតឆ្នាំ២០០៨បានបញ្ចប់ទៅ ដោយគណៈបក្សប្រជាជនកម្ពុជា ទទួលបានសំឡេងគាំទ្រយ៉ាងភ្លូកទឹកភ្លូកដី ហើយគណបក្សនរោត្តមរាណឫទ្ធិ បានចាញ់ឆ្នោតដោយហៅមិនឮ។ ប្រហែលដោយសារការចាញ់ម្តងហើយម្តងទៀត របស់សម្តេចក្រុមព្រះហើយមើលទៅ បានជាលោកគឹម ខុសសម្រេចចិត្តដើរចេញពីសង្វៀននយោបាយនៅកម្ពុជា។ ចាប់តាំងពីឆ្នាំ ២០០៨មក លោកគឹម សុខ បានផ្តាច់ខ្លួនចេញពីគណបក្សនយោបាយ ប៉ុន្តែនៅបន្តសកម្មភាពចូលរួមការងារជាមួយអង្កការក្រៅរដ្ឋាភិបាលផ្សេងៗ ដោយប្រកបរបរជាអ្នកប្រឹក្សាគម្រោង និងចុះស្រាវជ្រាវបញ្ហាសង្គម និងនយោបាយ ជាថ្នូរជាមួយកម្រៃក្រៅផ្លូវការខ្លះៗ ដើម្បីទុកលុយដូរបាយហូប។
យ៉ាងណាក៏ដោយបន្ទាប់ពីស្ងាត់បាត់សំឡេងគឹម សុខ មូយរយៈនោះ គឺលោក គឹម សុខ រត់ទៅសង្ងំរៀន ផ្នែកពាណិជ្ជកម្ម នៅទីក្រុងប៉េកាំង ប្រទេសចិនទេតើ!។ ហើយចិត្តដែលស្រឡាញ់នយោបាយ មិនទាន់បានជ្រះស្រឡះចេញពីខួរក្បាលគឹម សុខ ឯណា។ មិនយូរប៉ុន្មាន លោកគឹម សុខ បានធ្លាក់ខ្លួន ចូលទៅក្នុងក្រឡានយោបាយម្តងទៀត ក្រោយ ពីមានឃាតកម្មអ្នកវិភាគបញ្ហាសង្គម និងនយោបាយដ៏ល្បីម្នាក់ គឺបណ្ឌិត កែម ឡី នៅកណ្តាលទីក្រុងភ្នំពេញ កាលពីថ្ងៃទី១០ ខែកក្កដា ឆ្នាំ២០១៦។
ការលេចក្បាលម៉ាស៊ីនវាយស្គរបន្ទរសំឡេង ឱ្យហ៊ានតវ៉ា និងទាមទារសិទ្ធិសេរីភាពនៅកម្ពុជា បានទាញដៃ និងបេះដូងលោកគឹម សុខ ឱ្យត្រឡប់ចូលអ្នកវិភាគបញ្ហានយោបាយវិញម្តងទៀត តែលោកបដិសេធមិនធ្វើជាសកម្មជនបក្សនយោបាយនោះទេ។ មួយជំហានរបស់គឹម សុខ លើកនេះ ប្រហែលល្បីខ្លាំងមុន ដោយសារលោក គឹម សុខ ហ៊ាននិយាយចំៗ ពីភាពអវិជ្ជាមានខ្លាំងៗ របស់គណៈបក្សប្រជាជនកម្ពុជា។ នៅស្របពេលដែល សកម្មជនការពារសិទ្ធិមនុស្ស និងសកម្មជននយោបាយមួយចំនួនត្រូវបានគេ គេចាប់ដាក់គុក និងបាញ់សម្លាប់។
អ្នកវិភាគវ័យ៣៣ឆ្នាំ លោក គឹម សុខ បានឈានជើងចូលក្នុងការស្វែងរកការគាំទ្រមតិ នយោបាយក្នុងស្ថាប័នសារព័ត៌មានជាតិ និងអន្តរជាតិផ្សេងៗ ដោយផ្តល់យោបល់ចំពោះថ្នាក់ដឹកនាំអ្នកនយោបាយឱ្យរួមគ្នា ដើម្បីផលប្រយោជន៍ជាតិ។
លោកអះអាងប្រាប់ “សារព័ត៌មានតោះអាន” ទៀតថា កន្លងមកលោកមិនបានតាំងខ្លួនជាអ្នកវិភាគបញ្ហាសង្គម និងនយោបាយ នោះទេ តែដោយសារលោកបានចុះមូលដ្ឋាន និងធ្វើការជាអ្នកនយោបាយក្នុងសហគមន៍ ទើបលោកពេញចិត្តក្នុងការបម្រើការងារជាអ្នកតស៊ូមតិនយោបាយ និងក្លាហានបកស្រាយពីចំណុចខ្សោយរបស់ថ្នាក់ដឹកនាំចំៗយ៉ាងដូច្នេះ។ លោក គឹម សុខ បានអះអាងថា ក្រោយពេលមានការប្តឹងផ្តល់ និងក្តីក្តាំងជាមួយគណបក្សប្រជាជនកម្ពុជាមក លោកត្រូវបានសាកលវិទ្យាល័យនានា មិនអនុញ្ញាតឱ្យបង្រៀនទៀតនោះទេ។
ឆ្លើយតបនឹងសំណួររបស់លោកសិរីមុនី នាយកគ្រប់គ្រងសារព័ត៌មានតោះអាន ក្នុងសម្ភាសន៍ស្តីពី “ការត្រៀមខ្លួនចូលគុក” ដែលសួរថា តើលោកនឹងលក់ក្បាល ឬសម្រេចចិត្តចូលធ្វើជាតំណាងរាស្រ្តគណបក្សនយោបាយ ណាមួយទេ នៅថ្ងៃអនាគត?
លោកគឹម សុខ៖ «ឆ្លើយដោយភាពច្បាស់លាស់ថា បើចង់ក្លាយជាមានលុយ ឡាន វីឡា លោកសុខចិត្តទទួលការងារផ្សេងៗ ដែលក្រុមហ៊ុនចិន មកដាក់ទុនវិនិយោគនៅកម្ពុជារាប់រយលានដុល្លារ ហើយក្រុមហ៊ុននោះ បានផ្តល់ជាភាគហ៊ុន ជូនលោក បើសិនលោកសម្រេចចិត្តបំពេញការងារឱ្យគេ»៕
ដោយ៖ រ័ត្ន សុភក្តិ នៃ Khmer TRNs
២៧ ឧសភា ២០២១ Kim Sok ហ៊ុន សែន ប្រាប់ផ្ទៃក្នុងថា «អញនិយាយរឿង ម៉ាណា មានលុយជាងពួកឧកញ៉ា អញនិយាយជាមួយមនុស្សតិចបំផុត ហេតុអីអាស្វាសុខដឹង? សូមសើរើឡើងវិញ ដើម្បីរកមុខអ្នកបញ្ចេញពត៌មាន។ តម្លៃណាក៏ដោយ អញប្រមាញ់យកអាស្វាសុខឲ្យបាន។»។
* តើសម្ដេចប្រុងប្រមាញ់ គឹម សុខ បែបណា?
- វិធីតែមួយគត់ ដែលសម្ដេចអាចប្រមាញ់ខ្ញុំបាន ដោយការប្រមាថជីវិតឬចាប់ដាក់គុក គឺបើកច្រកឲ្យខ្ញុំទៅប្រកួតនៅសមរភូមិនយោបាយកម្ពុជាវិញ។ បើសម្ដេចពិតជាហ៊ាន ខ្ញុំក៏មិនខ្លាចដែរ។ ក្បួនប្រកួតរបស់ខ្ញុំ នឹងអាចធ្វើឲ្យសម្ដេចតេជោ ស្គាល់ខ្ញុំកាន់តែច្បាស់ ថាខ្ញុំហ៊ានធ្វើពលីកម្អនុវត្តន៍ខ្នាតប្រជាធិបតេយ្យជ្រៅប៉ុនណា?
- បើសម្ដេចប្រុងប្រមាញ់ជីវិតខ្ញុំ ដោយបញ្ជូនមនុស្សឲ្យមកដល់ប្រទេសហ្វាំងឡង់ ខ្ញុំយល់ឃើញថា សម្ដេចប្រថុយបំផ្លាញខ្លួនឯងពេកហើយ។
- បើសម្ដេចប្រើលុយនិងបុណ្យស័ក្ដិទាក់ទាញខ្ញុំ នោះ១០០%ទៅមិនរួចទេ ព្រោះក្នុងបេះដូង និងព្រលឹងវិញ្ញាណរបស់ខ្ញុំ លុយនិងតំណែងគ្រាន់តែជាសំរាមសម្អុយប៉ុណ្ណោះ។ ប្រជាធិបតេយ្យ ទើបជាគោលដៅពិតរបស់ខ្ញុំ។
- 22 May, 2021 Kim Sok ឯកឧត្តម ឧ
ត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ អាចជេរប្រមាថខ្ញុំ ដោយប្រើប្រាស់ពាក្យ«សរសៃប្រសាទ» សមទំនងខ្លះ ប្រសិនបើ ឯកឧត្តម អាចទៅសុំអង្វរករសម្ដេច ហ៊ុន សែន និង លោកជំទាវ ហ៊ុន ម៉ាណា ឲ្យបញ្ឈប់ផែនការលក់ដូរទីស្ដីការក្រសួងមហាផ្ទៃបាន។ បើមិនដូច្នេះទេ ឯកឧត្តម មិនគួរយកចិត្តទុកដាក់និយាយត្រឹមតែពាក្យការពារកូនជើងម៉ាតូចក្រោមគូទរបស់ខ្លួននោះទេ ប៉ុន្តែគួរតែឆ្លៀតហាត់ប្រាណប្រឹងថែទាំសុខភាពផង ដើម្បីអាចសល់ពេលច្រើន រង់ចាំមើលការពិតទាំងអស់គ្នា។ ពេលនោះមកដល់ ខ្ញុំក៏នៅតែរក្សាជំហរ មិនវាយបកចំអកប្រមាថឯកឧត្តម ថាជា«ឧត្តមមន្ត្រីសរសៃប្រសាទ»ឡើយ គឺហៅឲ្យចំខ្លឹមសារថា «រដ្ឋាភិបាលសម្ដេច ហ៊ុន សែន គឺជាស្ថាប័នមិនខ្វះពួកមន្ត្រីសរសៃប្រសាទ លក់ស្អាតសម្បត្តិជាតិ»៕
2017-10-09 លោក គឹម សុខ ធ្វើកូដកម្មបង្អត់បាយនិងសាច់ក្នុងគុកទាមទារដោះលែង លោក កឹម សុខា លោក គឹម សុខ ជាអ្នកឃ្លាំមើលពីបញ្ហាសង្គម និងវិភាគនយោបាយឥតសំចៃមាត់ បានអំពាវនាវឲ្យរដ្ឋាភិបាលបញ្ឈប់ធ្វើនយោបាយបំបែកបំបាក់ជាតិឯងជាបន្ទាន់ ដោយងាកទៅរកតុចរចា ដើម្បីរៀបចំឲ្យមានការបោះឆ្នោតមួយនៅឆ្នាំ២០១៨ ប្រកបដោយសេរី ត្រឹមត្រូវ និងយុត្តិធម៌។ លោកបានសរសេរលិខិតពីរច្បាប់ចេញពីមន្ទីរឃុំឃាំងព្រៃសថា លោក ហ៊ុន សែន ចាប់ចងមេបក្សប្រឆាំង និងធ្វើទុក្ខបុកម្នេញអង្គការសង្គមស៊ីវិលជាតិ អន្តរជាតិ និងប្រព័ន្ធផ្សព្វផ្សាយកាលពីពេលថ្មីៗនេះ ដោយសារតែលោក ខ្លាចចាញ់ការបោះឆ្នោត។
លោក គឹម សុខ ដែលកំពុងជាប់ពន្ធនាគារដោយសារតែវិភាគនយោបាយឥតសំចៃមាត់នោះ បានសរសេរលិខិតពីរច្បាប់ដាច់ដោយឡែកពីគ្នា ចេញពីពន្ធនាគារដោយប្រកាសថា លោកធ្វើកូដកម្មមិន ហូបបាយ និងសាច់ ឬអាហារណាដែលមានជាតិសាច់ គឺហូបតែទឹកបបរស និងអំពិល និងហូបបន្លែស្រស់ទឹកក្ដៅ ចាប់ពីពេលនេះ រហូតដល់ថ្ងៃដោះលែងលោក កឹម សុខាវិញ។
លិខិតពីរច្បាប់របស់លោក គឹម សុខ ដោយសរសេរដោយដៃផ្ទាល់របស់លោកនេះ ទី១ លោកអំពាវនាវឲ្យរដ្ឋាភិបាលដោះលែងលោក កឹម សុខា និងអ្នកនយោបាយផ្សេងទៀត ទី២ អំពាវនាវឲ្យពលរដ្ឋ ទាំងអស់ទៅចុះឈ្មោះបោះឆ្នោតឲ្យបានគ្រប់គ្នា ដើម្បីបោះឆ្នោតផ្លាស់ប្ដូរមេដឹកនាំរដ្ឋាភិបាល។
លិខិតទាំងពីរច្បាប់នេះ មួយសរសេរកាលពីថ្ងៃទី៦ ខែតុលា និងមួយទៀតកាលពីថ្ងៃទី១៨ ខែកញ្ញា ឆ្នាំ២០១៧ ដែលត្រូវបានគេផ្សព្វផ្សាយកាលពីថ្ងៃទី៧ តុលា។
នៅក្នុងលិខិតទាមទារឲ្យដោះលែងលោក កឹម សុខា នោះ លោក គឹម សុខ អះអាងថា លោក កឹម សុខា មិនមែនជាជនក្បត់ជាតិទេ។ ការចោទប្រកាន់លោក កឹម សុខា ជាជនក្បត់ជាតិ ហើយចាប់ ដាក់គុកទាំងយប់ គឺជាការបង្ករឿងបំបែកបំបាក់ជាតិដ៏អាក្រក់បំផុតក្នុងស្ថានភាពនយោបាយដូច បច្ចុប្បន្ន ដែលតុលាការមិនឯករាជ្យយុត្តិធម៌ និងគ្រាន់តែជាសេនាធិការនយោបាយជួយប្លន់អំណាច ឲ្យអ្នកដឹកនាំ។
លោក គឹម សុខ នៅតែទទូចឲ្យដោះលែងលោក កឹម សុខា វិញ ដោយ លោកអះអាងថា តាមការស្រាវជ្រាវរបស់លោក រកមិនឃើញពីចំណុចណាមួយពីសកម្មភាពនយោបាយ និងទាំងពីសម្ដីថ្លែងរបស់គាត់អាចបញ្ជាក់ថា លោក កឹម សុខា ជាជនក្បត់ជាតិនោះទេ។ ប៉ុន្តែជាអ្នកនយោបាយ ដែលតែងតែរួមចំណែកក្នុងកិច្ចដឹកនាំពុះពារព្យាយាមនាំសេរីភាពប្រជាធិបតេយ្យមកបញ្ជ្រាប ក្នុងបេះដូងពលរដ្ឋខ្មែរទូទៅ។ លោក គឹម សុខ បន្ថែមថា បើតុលាការត្រូវការលោកទៅបំភ្លឺ ផ្អែកលើ ការសិក្សារបស់លោកជាមូលដ្ឋានដើម្បីបង្ហាញសក្ខីកម្ម នៃសកម្មភាពដឹកនាំរបស់លោក កឹម សុខា ដែលពិតជាផ្ទុយស្រឡះពីទង្វើនៃជនក្បត់ជាតិនោះ លោករីករាយសហការ ផ្ដល់ចម្លើយពន្យល់ យ៉ាងក្បោះក្បាយគ្រប់ពេល។
ប្អូនប្រុសលោក គឹម សុខ គឺ លោក គឹម សេង ឲ្យដឹងនៅថ្ងៃទី៨ តុលា ថា បងប្រុសរបស់លោកទោះបីជា នៅពន្ធនាគារព្រៃស ហើយសរសេរលិខិតបែបនេះ គឺលោក គឹម សុខ ឃើញភាពអយុត្តិធម៌ច្រើនពេក ហើយលោកចង់ជួយជាតិតាមរយៈការបញ្ចេញមតិនេះ ទោះបីជាលោកជាប់ឃុំឃាំងក្ដី។
ក៏ប៉ុន្តែនៅពេលសួរថា ហេតុអ្វីបានជាលោក គឹម សុខ មិនទាមទារឲ្យដោះលែងខ្លួនលោក និងមិនបារម្ភពីសុវត្ថិភាពខ្លួនឯងទេ ដែលលោកហ៊ានសរសេរលិខិតអំពាវនាវដូច្នេះ?
លោក គឹម សេង ឆ្លើយថា តាមការយល់របស់លោក ទោះបីជាលោក គឹម សុខ បានចេញពីមន្ទីរឃុំ ឃាំងនាពេលបច្ចុប្បន្ន ក៏មិនអាចមានលទ្ធភាពធ្វើអ្វីៗ ដើម្បីសង្គ្រោះជាតិបានដូចលោក កឹម សុខា ដែរ ព្រោះថា លោក កឹម សុខា សំខាន់ជាងអ្នកណាៗទាំងអស់ក្នុងកាលៈទេសៈនេះ ដើម្បីមកបន្ត ដឹកនាំបក្សប្រឆាំងដ៏ធំជាងគេក្នុងការប្រកួតប្រជែងបោះឆ្នោត។
លោក គឹម សុខ ត្រូវបានចៅក្រមសាលាដំបូងរាជធានីភ្នំពេញ ចាប់ឃុំខ្លួនកាលពីថ្ងៃទី១៧ ខែកុម្ភៈ តាមបណ្ដឹងរបស់លោក ហ៊ុន សែន ដែលប្ដឹងរូបលោក និងទារសំណងជំងឺចិត្តជាងកន្លះលានដុល្លារអាមេរិក។ កាលពីខែសីហា កន្លងទៅ សាលាដំបូងរាជធានី ភ្នំពេញសម្រេចផ្ដន្ទាទោស គឹម សុខ ដាក់ពន្ធនាគារចំនួន ១៨ខែ និងពិន័យជាប្រាក់ចូលរដ្ឋ ៨លានរៀល រួមនឹងប្រាក់សងជំងឺចិត្តដល់នាយករដ្ឋមន្ត្រី ហ៊ុន សែន ៨០០លានរៀល ទាក់ទងការអត្ថាធិប្បាយថា គណបក្សប្រជាជនកម្ពុជា នៅពីក្រោយឃាតកម្មបណ្ឌិត កែម ឡី។
លោក គឹម សេង បញ្ជាក់ថា ស្ថានភាពលោក គឹម សុខ នៅក្នុងពន្ធនាគារក្នុងបន្ទប់តូច ៤ម៉ែត្រ ៤ជ្រុង ដែលគ្នាជិត៣០នាក់ក្ដី ប៉ុន្តែលោក គឹម សុខ នៅតែមានស្មារតីរឹងមាំខ្លាំងដដែល។ ក៏ប៉ុន្តែលោកមានជម្ងឺក្រពះ និងអាសាឈឺក្បាល។
ក្នុងលិខិតរបស់លោក គឹម សុខ ដដែលសរសេរបន្តថា គេអាចយកឈ្នះលោក កឹម សុខា ជាបុគ្គល ដោយការប្រើកម្លាំងបាយចាប់គាត់ដាក់គុកយូរខែច្រើនឆ្នាំ។ តែលោកមានជំនឿថា ឧបាយកលបែប នេះនឹងធ្វើឲ្យគេចាញ់យ៉ាងអាម៉ាស់ នៅចំពោះកម្លាំងប្រជាធិបតេយ្យមិនបោះបង់សកម្មភាពខ្លាំងរួម ក្នុងឆន្ទៈច្បាស់ផ្លាស់ប្ដូរ ស្របខ្សែចិត្តគ្នារបស់ប្រជាពលរដ្ឋជាតិខ្មែរច្រើនលើសលប់ទាំងក្នុងនិងក្រៅ ប្រទេស។
លោក គឹម សុខ អះអាងថា ដើម្បីទម្លុះទម្លាយស្ថានការណ៍ជាតិដ៏កោលាហលបែបនេះ ជាជម្រើស ល្អបំផុត គឺការដោះលែងលោក កឹម សុខា និងអ្នកនយោបាយផ្សេងទៀត ហើយងាកទៅកាន់តុជជែកគ្នា បើកច្រកទៅរកការប្រកួតប្រជែងយុត្តិធម៌។ ជាក់ស្ដែងណាស់ គឺមានតែការប្រកួតបោះ ឆ្នោតដោយយុត្តិធម៌ប៉ុណ្ណោះ ទើបជាសេណារីយូ នាំផ្លូវខ្មែរអាចយោគយល់ផ្សះផ្សាគ្នាបាន នូវគ្រប់ ដំណោះស្រាយជម្លោះខ្វែងគំនិតនយោបាយផ្ទៃក្នុងខ្មែរ។
នៅក្នុងលិខិតមួយច្បាប់ទៀតរបស់លោក គឹម សុខ លោកអំពាវនាវឲ្យពលរដ្ឋខ្មែរគ្រប់រូបទៅចុះឈ្មោះ ត្រៀមទៅបោះឆ្នោតសង្គ្រោះខ្មែរ។ លោក គឹម សុខ បញ្ជាក់ថា រឿងកញ្ជ្រោលនយោបាយថ្មីៗ ចាំតាំងពីការរំខានសកម្មភាពសង្គមស៊ីវិលជាតិ អន្តរជាតិ ព្រមទាំងបណ្ដាញផ្សព្វផ្សាយនានាទាំង កាសែតវិទ្យុ និងការចាប់កម្ចាត់អ្នកនយោបាយខ្មែរជាតិឯង គឺជាស្ថានការស្ដែងបញ្ជាក់ថា លោក ហ៊ុន សែន ខ្លាចការបោះឆ្នោតត្រឹមត្រូវ។ បុគ្គលនេះដឹងច្បាស់ថា បើគាត់ហ៊ានប្រកួតប្រជែងដោយចំហ យុត្តិធម៌ក្នុងការបោះឆ្នោតនោះ គាត់ដឹងប្រាកដណាស់ថា អ្នកចាញ់គឺជាគាត់។ ហេតុនេះ ល្បិចកលរបស់លោក ហ៊ុន សែន គឺជាការរុញឲ្យមានកោលាហលនយោបាយ ដើម្បីកូរឲ្យច្របល់ យុទ្ធនាការចុះឈ្មោះបោះឆ្នោត ជាឧបាយកលរាវរកវិធីសង្គ្រោះអំណាចរបស់ខ្លួន។
លោក គឹម សុខ បញ្ជាក់ថា ល្បិចកលលោក ហ៊ុន សែន មានគោលដៅ ៥ចំណុចដូចជា បង្វែរចំណាប់អារម្មណ៍មជ្ឈដ្ឋានជាតិ និងអន្តរជាតិឲ្យផ្ដោតតែលើការដោះស្រាយនយោបាយថ្មីៗ ហើយរំសាយពី ការងារយុទ្ធនាការជំរុញការបោះឆ្នោត។ ខ្ទប់សកម្មភាពក្រុមណាដែលជាបង្អែកជំនឿចិត្តរបស់ពលរដ្ឋ ដូចជាសង្គមស៊ីវិលជាតិ អន្តរជាតិ និងស្ថាប័នព័ត៌មានឯករាជ្យនានា។ សម្លាប់ស្មារតីពលរដ្ឋខ្មែរ ដែលពុំទានចុះឈ្មោះបោះឆ្នោត។ សម្លាប់ស្មារតីពលរដ្ឋខ្មែរ ដែលពុំទាន់ប្រាកដគាំទ្របក្សណាមួយ។ វាយប្រហារស្មារតីអ្នកបោះឆ្នោតខ្មែរ ដែលប៉ុនប៉ងដូរមេដឹកនាំ។
ជាសរុបសេចក្ដីទៅ លោក គឹម សុខ អះអាងថា លោក ហ៊ុន សែន មិនសង្ឃឹមលើការឈ្នះការបោះ ឆ្នោត ម្ល៉ោះហើយ ក៏ព្យាយាមកូរឲ្យច្របល់យុទ្ធនាការបោះឆ្នោត។ ប៉ុន្តែ វាគ្មានប្រយោជន៍ដែលយើង ត្រូវនាំគ្នាទៅគិតលេងល្បិចល្បែងកខ្វក់នេះទេ។ រឿងដែលត្រូវស្រុះគ្នាលេងនៅក្នុងកាលៈទេសៈ នេះ គឺការបបួលគ្នាស្រូតទៅចុះឈ្មោះបោះឆ្នោតដើម្បីត្រៀមខ្លួនសង្គ្រោះខ្មែរនៅឆ្នាំ២០១៨ ដោយ ក្រោយចេញពីគុកលោក គឹម សុខ សន្យាថា នឹងសាងផ្នួសសូត្រធម៌មួយឆ្នាំ ទុកជាការដឹងគុណ ពលរដ្ឋរួមជាតិទាំងអស់៕
21 មិនា 2017 សៀវភៅអំពីទស្សនៈនយោបាយរបស់លោកគឹម សុខនឹងត្រូវបោះពុុម្ពឆាប់ៗខាងមុខ លោក គឹម សុខត្រូវបានសមត្ថកិច្ចចាប់ខ្លួន និងបញ្ជូនទៅតុលាការបន្ទាប់ពីលោក ហ៊ុន សែន ប្តឹងពីបទបរិហារកេរ្តិ៍ជាសាធារណៈ និងញុះញង់ឲ្យមានភាពវឹកវរចលាចលដល់សន្តិសុខសង្គម។ ភ្នំពេញ — លោក ហង្ស វិទូ ប្រធានក្រុមអ្នកវិភាគវ័យក្មេង កំពុងរៀបចំបោះពុម្ពផ្សាយសៀវភៅដែលមានចំណងជើងថា «ទស្សនៈសង្គម និងនយោបាយរបស់លោក គឹម សុខ» ចំនួន៥.០០០ក្បាល នាពេលខាងមុខ។ សៀវភៅនេះនឹងដាក់លក់នៅតាមបណ្ណាគារ តូបលក់សៀវភៅ និងអង្គការមួយចំនួន នៅពេលឆាប់ៗខាងមុខ។ លោក គឹម សុខ អ្នកវិភាគសង្គមកំពុងត្រូវបានឃុំខ្លួនក្រោមបទ«ញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហាកេរ្តិ៍ជាសាធារណៈ» កាលពីខែកុម្ភៈ តាមពាក្យបណ្ដឹងរបស់លោកនាយករដ្ឋមន្ត្រី ហ៊ុន សែន។ លោក គឹម សុខ ប្រឈមនឹងការជាប់ពន្ធនាគារពី៦ខែដល់២ឆ្នាំ។
10/3/2017 លោក គឹម សុខ ត្រូវបានសាកសួរបន្ថែម ទាក់ទងបទចោទញុះញង់ឲ្យប្រព្រឹត្តិបទឧក្រិដ្ឋ និងបរិហារកេរ្តិ៍ ភ្នំពេញ ៖ នៅព្រឹកថ្ងៃទី១០ ខែមីនា ឆ្នាំ២០១៧ លោក គឹម សុខ អ្នកវិភាគនយោបាយ ត្រូវបានចៅក្រមស៊ើបសួរសាលាដំបូងរាជធានីភ្នំពេញ លោក រស់ ពិសិដ្ឋ បង្គាប់ឲ្យអនុរក្សពន្ធនាគារ នាំខ្លួនមកសាកសួរបន្ថែម បន្ទាប់ពីព្រះរាជអាជ្ញារង សៀង សុខ បានសម្រេចចោទប្រកាន់ចំនួន២បទល្មើស គឺបទញុះញង់ឲ្យប្រព្រឹត្តិបទឧក្រិដ្ឋជាអាទិ៍ និងបរិហារកេរ្តិ៍ជាសាធារណៈ។ នៅក្នុងដំណាក់កាលសាកសួរបន្ថែមនេះ គេមិនអាចសុំការបញ្ជាក់ពីលទ្ធផលពីអ្នកនាំពាក្យតុលាការ ឬពីលោក គឹម សុខ ជាជនជាប់ចោទបានទេ ។
នៅក្នុងកំណត់ហេតុ ស្តីពីការឃាត់ខ្លួនរបស់ព្រះរាជអាជ្ញារង សៀង សុខ បានសម្រេចឃាត់ខ្លួនជនសង្ស័យឈ្មោះ គឹម សុខ ភេទប្រុស អាយុ៣៦ឆ្នាំ ជនជាតិខ្មែរ ទីលំនៅបច្ចុប្បន្ន ភូមិ១ សង្កាត់រកាក្នុង ក្រុងដូនកែវ ខេត្តតាកែវ នៅវេលាម៉ោង១៣និង៣០នាទី ថ្ងៃទី១៧ ខែកុម្ភៈ ឆ្នាំ២០១៧នេះ ដើម្បីបង្ហាញខ្លួនចំពោះមុខចៅក្រមស៊ើបសួរសាលាដំបូងរាជធានីភ្នំពេញ ។សូមរំលឹកថា លោក គឹម សុខ ត្រូវបានព្រះរាជអាជ្ញារង នៃតំណាងអយ្យការអមសាលាដំបូងរាជធានីភ្នំពេញ លោក សៀង សុខ កោះហៅឲ្យចូលឆ្លើយបំភ្លឺតាមការកំណត់ នៅវេលាម៉ោង៩ និង០០នាទីព្រឹក ថ្ងៃទី១៧ ខែកុម្ភៈ នេះ ពាក់ព័ន្ធនឹងករណីចោទប្រកាន់គណបក្សប្រជាជនកម្ពុជា ថា ជាអ្នកសម្លាប់លោកបណ្ឌិត កែម ឡី ដោយមិនមានមូលដ្ឋាន។ ចំពោះការចូលទៅបំភ្លឺថ្ងៃនេះ លោក គឹម សុខ បានដើរដង្ហែតាមផ្លូវ ដោយមានព្រះសង្ឃ សកម្មជនដីធ្លី និងយុវជនមួយចំនួន អមដំណើរចេញពីវត្តចាស់ ទៅកាន់សាលាដំបូងរាជធានីភ្នំពេញ ដែលធ្វើឲ្យលោកមានការយឺតយ៉ាវក្នុងការចូលបំភ្លឺរហូតដល់ជាង ២ម៉ោង។
សម្តេចតេជោ ហ៊ុន សែន តាមរយៈ លោក គី តិច មេធាវីតំណាងដោយអណត្តិរបស់សម្តេច បានដាក់ពាក្យប្តឹង លោក គឹម សុខ កាលពីថ្ងៃទី១៣ ខែកុម្ភៈ ឆ្នាំ២០១៧ កន្លងទៅ បន្ទាប់ពីលោក គឹម សុខ និយាយចោទប្រកាន់គណបក្សប្រជាជនកម្ពុជាថា ជាអ្នកសម្លាប់លោកបណ្ឌិត កែម ឡី ដោយមិនមានមូលដ្ឋាន។ ចំពោះករណីនេះ សម្តេចតេជោ ហ៊ុន សែន បានទាមទារសំណងជំងឺចិត្ត ៥០ម៉ឺនដុល្លារពីលោក គឹម សុខ។
ក្នុងនោះដែរ លោក គឹម សុខ ក៏ត្រូវបានប្តឹងមួយករណីទៀត ដោយមេធាវីការពារក្តីឲ្យសម្តេចតេជោ ហ៊ុន សែន ចំពោះករណីដែលលោកបានចោទរាជរដ្ឋាភិបាលកម្ពុជា រៀបចំប្រព័ន្ធមួយ ដើម្បីសម្លាប់មនុស្ស ហើយរកមុខឃាតកមិនឃើញ៕
Friday, February 17, 2017 លោកកឹម សុខមិនបានមកបង្ហាញខ្លួននៅតុលាការ តាមការកំណត់ពេលកោះ ហៅនៅព្រឹកនេះលោកកឹម សុខដែលវិទ្យុអាស៊ីសេរីដាក់ងារឲ្យជាអ្នកវិភាគនយោបាយនិងសង្គមនោះ នៅព្រឹកនេះ មិនបានមកបង្ហាញខ្លួននៅអយ្យការអមសាលាដំបូងរាជធានីភ្នំពេញតាមការកំណត់ពេលនៃការ កោះហៅរបស់តុលាការជាន់ទាបនេះទេ។ ការអាក់ខានមកមិនទាន់ពេលនេះដោយសារលោកកឹម សុខធ្វើដំណើរដោយថ្មើរជើងចេញពីវត្តពោធិយារាម ហៅវត្តចាស់សំដៅទៅកាន់តុលាការភ្នំពេញក្នុងចម្ងាយផ្លូវប្រមាណជា៤គីឡូមែត្រ។ ទោះជាយ៉ាងណា លោក កឹម សុខបានមកដល់សាលាដំបូងរាជធានីភ្នំពេញនៅម៉ោងជាង១១ថ្ងៃ ត្រង់បន្តិច។ នៅពេលមកដល់តុលាការ លោកកឹម សុខត្រូវបានឆ្មាំយាមតុលាការភ្នំពេញអនុញ្ញាត ឲ្យចូលខាងក្នុងបរិវេណនៃអគ្គារសាលាដំបូងរាជធានី ខណះមនុស្សរាប់រយនាក់កំពុងរងចាំលោក នៅខាងក្រៅតុលាការ។ ក្នុងពេលចេញដំណើរពីនៅព្រឹកថ្ងៃទី១៧ កុម្ភៈ គេសង្កេតឃើញអាជ្ញាធរ និងក្រុមសណ្ដាប់ធ្នាប់ខណ្ឌជ្រោយចង្វារ រារាំងមិនឲ្យព្រះសង្ឃប្រមាណ១០អង្គដែល អមដំណើរលោក គឹម សុខ មកកាន់សា លាដំបូងរាជធានីភ្នំពេញនោះទេ ។ ការរារាំងនេះ ធ្វើឡើងនៅត្រើយខាងកើតស្ពានជ្រោយចង្វារ នៅពេលដែលលោក គឹម សុខ និងព្រះសង្ឃ ធ្វើដំណើរចេញពីវត្តពោធិយារាម ហៅវត្តចាស់ សំដៅទៅតុលាការ តាមការកោះហៅ ចូលបំភ្លឺ ក្នុងបណ្ដឹងរបស់លោកនាយករដ្ឋមន្ត្រី ហ៊ុន សែន នៅព្រឹកនេះ។ ក៏ប៉ុន្តែនៅម៉ោងប្រមាណ៩ ព្រឹក លោក គឹម សុខ ត្រូវបានអនុញ្ញាតឲ្យបន្តដំណើរជាមួយព្រះសង្ឃ៣អង្គរូមទាំងព្រះសង្ឃ ប៊ុត ប៊ុនតិញផងដែរ ដើម្បីឆ្លងស្ពានជ្រោយចង្វារ ខណៈព្រះសង្ឃផ្សេងទៀត តម្រូវឲ្យជិះម៉ូតូរឺម៉កកង់បី មកមុន។ អ្វីដែលគួរឲ្យគត់សំគាល់ទៀតនោះ គឺមានអ្នកសារព័ត៌មាន អ្នកឃ្លាំមើលសិទ្ធិមនុស្ស និងព្រះសង្ឍ សរុបប្រមាណ១០០នាក់និងអង្គមកចូលរួមក្នុងដំណើរនេះផងដែរ៕
៣០ មិថុនា ២០១៨ តុលាការកំពូលសម្រេចបន្តឃុំខ្លួនលោក គឹម សុខ តុលាការកំពូលកាលពីថ្ងៃសុក្រម្សិលមិញ បានសម្រេចឲ្យបន្តឃុំខ្លួនលោក គឹម សុខ អ្នកស្រាវជ្រាវនិងវិភាគបញ្ហាសង្គម ពាក់ព័ន្ធលោកចោទថា គណបក្សកាន់អំណាចស្ថិតនៅពីក្រោយឃាតកម្មលើលោកកែម ឡី។
ក្រោយការបើកសវនាការកាលពីម្សិលមិញ ចៅក្រមសម្រេចតម្កល់សាដីកា កាត់ទោសលោក គឹម សុខ ហើយជាសេចក្តីសម្រេចចុងក្រោយបិទផ្លូវតវ៉ា។ លោក គឹម សុខ ត្រូវបានសាលាដំបូងរាជធានីសម្រេចឲ្យជាប់ពន្ធនាគាររយៈពេល១៨ខែ ហើយពេលនេះលោកស្ថិតនៅក្នុងពន្ធនាគារ១៦ខែហើយ។
លោកគឹម សុខ ធ្លាប់អត្ថាធិប្បាយចោទគណបក្សកាន់អំណាចថា នៅពីក្រោយករណីសម្លាប់លោក កែម ឡី ហើយក៏ថា បក្សកាន់អំណាចមានរៀបចំក្រុមដើម្បីសម្លាប់មនុស្សក្រៅប្រព័ន្ធច្បាប់។ តុលាការបានចោទប្រកាន់លោក គឹម សុខពីបទចោទញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហារកេរ្ត៍ជាសាធារណៈ៕
04 កញ្ញា 2018 លោក គឹម សុខ ភៀសខ្លួនចេញពីកម្ពុជា ក្រោយរងការព្រមាននិងកោះហៅបន្ថែមទៀតពីតុលាការភ្នំពេញ លោក គឹម សុខ អ្នកវិភាគដែលតែងរិះគន់រដ្ឋាភិបាលរបស់លោកនាយករដ្ឋមន្រ្តី ហ៊ុន សែន មិនសំចៃមាត់ត្រូវបានចៅក្រមសាលាដំបូងហៅទៅសួរចម្លើយម្តងទៀតពាក់ព័ន្ធនឹងបទល្មើសថ្មី បន្ទាប់ពីលោកត្រូវបានដោះលែង ក្រោយអនុវត្តទោសក្នុងពន្ធនាគារដោយសារការប្តឹងរបស់គណបក្សប្រជាជនកម្ពុជាកាលពីលើកមុន។
ភ្នំពេញ —
សាលាដំបូងរាជធានីភ្នំពេញបង្គាប់ឲ្យលោក គឹម សុខ អ្នកវិភាគនយោបាយ ដែលទើបត្រូវបានដោះលែងក្រោយអនុវត្តទោសក្នុងពន្ធនាគារគ្រប់អាជ្ញាយុកាល ចូលខ្លួនទៅតុលាការនៅថ្ងៃទី១៤ ខែកញ្ញា ឆ្នាំ២០១៨នេះ ដើម្បីសួរចម្លើយពីបទ «បរិហារកេរ្តិ៍ជាសាធារណៈនិងញុះញង់ឲ្យប្រព្រឹត្តបទឧក្រិដ្ឋជាអាទិ៍»។
ដីកាបង្គាប់របស់លោក លាង សំណាត់ ចៅក្រមស៊ើប ចេញនៅថ្ងៃទី២៨ ខែសីហា ឆ្នាំ២០១៨ ធ្វើឡើងតែប៉ុន្មានថ្ងៃប៉ុណ្ណោះ បន្ទាប់ពីលោកនាយករដ្ឋមន្រ្តីហ៊ុន សែន កាលពីថ្ងៃទី២៣ ខែសីហា បានព្រមានដោយមិនចំឈ្មោះ តែសំដៅលើលោក គឹម សុខថា នឹងចាប់អ្នកទើបចេញពីពន្ធនាគារដាក់ឃុំម្តងទៀត ប្រសិនបើបន្តនិយាយធ្វើឲ្យប៉ះពាល់ដល់អ្វីដែលលោកហ៊ុន សែន ហៅថា ជាការនិយាយប៉ះពាល់ដល់សិទ្ធិអ្នកដទៃ។
យោងតាមដីកាបង្គាប់ឲ្យចូលខ្លួននោះ លោក លាង សំណាត់បានហៅលោក គឹម សុខឲ្យចូលតុលាការដើម្បីសួរចម្លើយពាក់ព័ន្ធនឹងបទបរិហារកេរ្តិ៍ ប៉ុន្តែមិនបានបញ្ជាក់ថា ពាក់ព័ន្ធនឹងបទបរិហារកេរ្តិ៍នរណានោះទេ។
លោក លាង សំណាត់បញ្ជាក់ក្នុងដីកាតាមន័យដើមយ៉ាងដូច្នេះ៖
«បង្គាប់មកឈ្មោះគឹម សុខ[…]ឲ្យចូលខ្លួនមកកាន់សាលាដំបូងរាជធានីភ្នំពេញ បន្ទប់«ឈ»ជាន់ទី៤ថ្ងៃទី១៤ខែកញ្ញាឆ្នាំ២០១៨ មកសាកសួរយកចម្លើយពីដំណើររឿង៖ បរិហាកេរ្ដិ៍ជាសាធារណៈ ញុះញង់ឲ្យប្រព្រឹត្តបទឧក្រិដ្ឋជាអាទិ៍។ សាម៉ីខ្លួនត្រូវយកលិខិតផ្សេងៗដែលទាក់ទងនឹងរឿងនេះមកជាមួយផង ប្រសិនបើមាន។ ក្នុងករណីមិនចូលខ្លួនតាមការកំណត់ខាងលើនេះទេ យើងនឹងចេញដីកាបញ្ជាឲ្យនាំខ្លួន»។
លោក គឹម សុខ អ្នកវិភាគ ដែលតែងរិះគន់រដ្ឋាភិបាលមិនសំចៃមាត់ និងកំពុងរងការព្រមានជាបន្តបន្ទាប់ពីលោកនាយករដ្ឋមន្រ្តីកម្ពុជាដ៏មានឥទ្ធិពល បានប្រាប់ VOA នារសៀលថ្ងៃច័ន្ទនេះថា លោកនាយករដ្ឋមន្រ្តីហ៊ុន សែនបាននិងកំពុងអនុវត្តផ្ទុយទៅនឹងកិច្ចព្រមព្រៀងទីក្រុងប៉ារីស តាមរយៈការព្យាយាមកម្ចាត់លោកដោយប្រើប្រព័ន្ធតុលាការ ខណៈលោកប្រើប្រាស់សិទ្ធិបញ្ចេញមតិដូចពលរដ្ឋជាទូទៅ។
លោកបញ្ជាក់ថា៖
«ខ្ញុំតែងតែសួរថា សេរីភាពនៅកម្ពុជាយើង ជាពិសេសខ្ញុំហ្នឹង មុននឹងនិយាយ ឬក៏និយាយហើយ ត្រូវបង់លុយសិនទេ ទើបអាចនិយាយបន្តទៀតបាន? មួយទៀត ខ្ញុំមើលឃើញថា មើលទៅជាក់ស្តែងលោកហ៊ុន សែនដូចជាខ្លាំងតែពីរចំណុច ចំណុចទី១ ដើម្បីឈ្នះគាត់ប្រើគ្រប់ឧបាយកល ទោះបីអ្នកណាវិនាសក៏ដោយ។ ចំណុចទី២ ដើម្បីគ្រាន់តែឈ្នះបានអំណាចរបស់ខ្លួនហ្នឹង គឺថា ឧបាយកលបែបណាក៏ដោយ គាត់ប្រើដោយមិនចេះអៀនខ្មាស»។
លោក គឹម សុខបន្ថែមថា លោក និងកូនស្រីទើបតែចាកចេញពីប្រទេសកម្ពុជា ក្រោយរងការព្រមានដល់សុវត្ថិភាពជាបន្តបន្ទាប់។ លោកបញ្ជាក់ថា ការចាកចេញរបស់លោកគឺដោយសារបារម្ភពីសុវត្ថិភាពរបស់កូនស្រី មិនមែនដោយសារការខ្លាចចាប់ដាក់ពន្ធនាគារម្តងទៀតនោះទេ។
VOA មិនអាចទាក់ទងសុំការអត្ថាធិប្បាយពីលោកសុខ ឥសាន អ្នកនាំពាក្យគណបក្សកាន់អំណាចបានទេ រហូតដល់ល្ងាចថ្ងៃច័ន្ទនេះ។
កាលពីថ្ងៃទី១០ ខែសីហា ឆ្នាំ២០១៧ លោកគឹម សុខត្រូវបានចៅក្រមជំនុំជម្រះសាលាដំបូងរាជធានីភ្នំពេញសម្រេចផ្ដន្ទាទោសដាក់ពន្ធនាគារចំនួន១៨ខែ និងពិន័យជាប្រាក់ចំនួន៨លានរៀល រួមនឹងប្រាក់សងជំងឺចិត្តដល់គណបក្សប្រជាជនកម្ពុជាដែលជាដើមបណ្តឹងចំនួន៨០០លានរៀល ពីបទបរិហារកេរ្តិ៍ និងញុះញង់ឲ្យប្រព្រឹត្តិបទឧក្រិដ្ឋជាអាទិ៍ ពាក់ព័ន្ធនឹងការថ្លែងថា គណបក្សប្រជាជនកម្ពុជាស្ថិតនៅពីក្រោយការស្លាប់របស់លោកបណ្ឌិតកែម ឡី។
ក្រោយការអនុវត្តទោសចប់ លោកគឹម សុខត្រូវបានតុលាការដោះលែងឲ្យមានសេរីភាព កាលពីថ្ងៃទី១៧ខែសីហាឆ្នាំ២០១៨។ ក្រោយចេញពីពន្ធនាគារ អ្នកវិភាគរូបនេះនៅបន្តរិះគន់ការដឹកនាំរបស់រដ្ឋាភិបាលលោកហ៊ុន សែន ជាបន្តបន្ទាប់។ តួយ៉ាងលោកបានផ្តល់បទសម្ភាសន៍ជាមួយអ្នកសារព័ត៌មានអំពីស្ថានការណ៍នយោបាយបច្ចុប្បន្ន ព្រមទាំងបានបង្ហោះសារផ្សេងៗមួយចំនួនលើបណ្តាញសង្គមហ្វេសប៊ុក ពាក់ព័ន្ធនឹង «ឧត្ដមក្រុមប្រឹក្សាពិគ្រោះ និងផ្ដល់យោបល់»ដែលផ្តើមបង្កើតដោយលោកហ៊ុន សែនរវាងរដ្ឋាភិបាល និងគណបក្សមិនទទួលបានអាសនៈសភាចំនួន១៥ ព្រមទាំងបានរិះគន់ថា រដ្ឋាភិបាលកម្ពុជាប្រើប្រាស់«នីតិមាត់»ក្នុងការអនុវត្តច្បាប់នៅកម្ពុជា។
ក្រៅពីការព្រមានចាប់ដាក់ពន្ធនាគារលើករណីនោះ លោកហ៊ុន សែនកាលពីថ្ងៃទី២៩ខែសីហាឆ្នាំ២០១៨នេះ ក៏បានព្រមានខ្លាំងៗម្តងទៀតថា នឹងប្តឹងលោកគឹម សុខដាក់ពន្ធនាគារវិញ ប្រសិនបើលោកគឹម សុខមិនសងប្រាក់សំណង ៨០០លានរៀល ស្មើនឹងប្រមាណជា២០ម៉ឺនដុល្លារ ឲ្យគណបក្សប្រជាជនកម្ពុជាលើបណ្តឹងកន្លងទៅទេនោះ៕
2018-10-12 លោក គឹម សុខ ទៅដល់ប្រទេសហ្វាំងឡង់ក្រោយទទួលបានសិទ្ធិជ្រកកោននយោបាយ អ្នកវិភាគនយោបាយ និងសង្គម លោក គឹម សុខ និងកូនស្រីតូចអាយុ ៦ឆ្នាំ បានទៅដល់ប្រទេសហ្វាំងឡង់ដោយសុវត្ថិភាពហើយ នៅថ្ងៃសុក្រ ទី១២ ខែតុលានេះ ក្រោយពីរដ្ឋាភិបាលប្រទេសនេះ ផ្ដល់សិទ្ធិជ្រកកោនផ្នែកនយោបាយ។ ថ្លែងប្រាប់អាស៊ីសេរី តាមទូរស័ព្ទពីទីក្រុង ហែលស៊ិនគី (Helsinki) នៅមុនការផ្សាយនេះបន្តិច លោក គឹម សុខ ថា លោកត្រូវបន្តដំណើរទៅរស់នៅទីក្រុងមួយផ្សេងទៀត ឈ្មោះ តំប៉េរ៉េ (Tampere) ដែលស្ថិតនៅភាគនីរតីនៃប្រទេសហ្វាំងឡង់៖ «ខ្ញុំបានចុះចតនៅទីក្រុងហែលស៊ិនគី (Helsinki) នៅម៉ោងប្រមាណជាង ១២ ជិត ១ ហើយមកដល់ទីនេះ ប្រើពេលប្រហែលមួយម៉ោងដើម្បីបំពេញសំណុំបែបបទមួយចំនួនជាមួយមន្ត្រីអន្តោប្រវេសន៍ នៃប្រទេសហ្វាំងឡង់ មុននឹងធ្វើដំណើរតាមរថយន្តក្រុងទីក្រុងតំប៉េរ៉េ (Tampere) ជាទីក្រុងទំនើបមួយនៃប្រទេសហ្វាំងឡង់ ដែលខ្ញុំត្រូវទៅរស់នៅ។ ទីក្រុងនេះ មានចម្ងាយប្រមាណ ១៧០គីឡូម៉ែត្រពីទីក្រុងហែលស៊ិនគី»។
សំណុំរឿងសុំសិទ្ធិជ្រកកោនផ្នែកនយោបាយរបស់លោក គឹម សុខ បានប្រព្រឹត្តទៅយ៉ាងឆាប់រហ័ស ដោយមានកិច្ចអន្តរាគមន៍ ពីក្រុមមន្ត្រីអង្គការសហប្រជាជាតិ និងមន្ត្រីអន្តោប្រវេសន៍ថៃ។ លោក គឹម សុខ ថាករណីរបស់លោក ត្រូវបានមន្ត្រីទាំងនោះយកចិត្តទុកដាក់ខ្លាំង ហើយលោកមិនភ្លេចគុណ អ្នកដែលខំជួយលោក និងកូនស្រីឲ្យបានរួចផុតពីការធ្វើទុក្ខបុកម្នេញនេះ៖ «ខ្ញុំសូមថ្លែងអំណរគុណយ៉ាងជ្រាលជ្រៅ ដល់អង្គការ UNHCR និង អង្គការអន្តោប្រវេសន៍អន្តរជាតិ IOM ដែលបានជួយជំរុញ ធ្វើកិច្ចការបញ្ជូនខ្ញុំមកកាន់ប្រទេសទីបី គឺប្រទេសហ្វាំងឡង់នេះ យ៉ាងលឿនបំផុត តែក្នុងរយៈពេលបួនសប្ដាហ៍ប៉ុណ្ណោះ»។
មុនបានមកដល់ប្រទេសហ្វាំងឡង់ លោក គឹម សុខ ត្រូវបង្ខំចិត្តនិទ្ទេសខ្លួន ជាមួយកូនស្រីរបស់លោក ចេញពីប្រទេសកម្ពុជា ទៅកាន់ប្រទេសថៃ កាលពីថ្ងៃទី៣០ ខែសីហាកន្លងទៅនេះ មួយថ្ងៃក្រោយលោក ហ៊ុន សែន គំរាមខ្លាំងៗ ថា នឹងប្ដឹងលោកដាក់ពន្ធនាគារវិញ ប្រសិនបើមិនសងប្រាក់សំណង ៨០០លានរៀល ស្មើនឹងប្រមាណ ២០ម៉ឺនដុល្លារ មកឲ្យគណបក្សប្រជាជនកម្ពុជាទេនោះ។
លោក គឹម សុខ ត្រូវបានតុលាការដោះលែងឲ្យមានសេរីភាពកាលពីថ្ងៃទី១៧ ខែសីហា ក្រោយជាប់ពន្ធនាគារ ១៨ខែ គ្រប់តាមកាលកំណត់។ លោកជាប់ពន្ធនាគារ ដោយសារតែលោក ហ៊ុន សែន ប្ដឹងចោទលោក គឹម សុខ ថា បាននិយាយចោទគណបក្សប្រជាជនកម្ពុជាថា ជាអ្នកនៅពីក្រោយនៃឃាតកម្មបាញ់សម្លាប់បណ្ឌិត កែម ឡី។ ទោះបីជាសំណុំរឿងទី១ នេះ ត្រូវបានបញ្ចប់ក្តី ប៉ុន្តែលោក គឹម សុខ នៅជាប់សំណុំរឿងមួយទៀតដែលគេនៅមិនទាន់ច្បាស់ថា តើតុលាការនឹងបន្តចាត់ការឬទេ។
សំណុំរឿងនោះគឺ មេធាវីលោក ហ៊ុន សែន បានប្ដឹងចោទលោក គឹម សុខ ថា បានចោទរបបលោក ហ៊ុន សែន ជាអ្នកបង្កើតប្រព័ន្ធសម្លាប់មនុស្ស តែរកឃាតកមិនឃើញ។ អ្នកច្បាប់ថា តុលាការមិនអាចបំបែកសំណុំបែបនេះជាពីរទេ ព្រោះវាជាករណីតែមួយ ឬស្រដៀងគ្នា ហើយលោក គឹម សុខ បានបញ្ចេញមតិរិះគន់រដ្ឋាភិបាលនិងបក្សកាន់អំណាចនោះ គឺស្រដៀងគ្នា ធ្វើឡើងក្នុងពេលតែមួយ ហើយតុលាការបានកាត់ទោសគាត់រួចទៅហើយ។ យោងតាមច្បាប់ព្រហ្មទណ្ឌកម្ពុជា បើបទល្មើសដូចគ្នាឬស្រដៀងគ្នា តុលាការអាចស្រូបទោស ដោយកាត់សេចក្ដីតែមួយដង។ តាមច្បាប់គេមិនអាចកាត់ទោសមនុស្សពីរដងទៅលើបទល្មើសដូចគ្នានោះទេ៕
14, Feb 2017 គឹម សុខ៖«ខ្ញុំមានលុយ៥០ម៉ឺនដុល្លារពីណាមកសងសម្ដេច បើខ្ញុំស្នាក់នៅក្នុងបន្ទប់ជួល?»ភ្នំពេញ៖ អ្នកឃ្លាំមើលបញ្ហាសង្គម និងនយោបាយ លោក គឹម សុខ ត្រូវបានមេធាវីការពារក្តីសម្ដេច ហ៊ុន សែន ដាក់ពាក្យប្ដឹងទាមទារសំណង៥០ម៉ឹនដុល្លារ ក្រោមហេតុផលថា មួលបង្កាច់និង ទម្លាក់ កំហុសទៅលើគណបក្សប្រជាជនកម្ពុជាថា ជាអ្នកសម្លាប់លោក កែម ឡី។ លោក គឹម សុខ បដិសេធថា លោកមិនបានចោទគណបក្សប្រជាជនឡើយ។ លោកថា បណ្ដឹងរបស់សម្ដេច ហ៊ុន សែន គឺគ្រាន់តែចង់កៀបសង្កត់លោកមិនឲ្យតស៊ូមតិក្នុងសង្គមប៉ុណ្ណោះ។
ខាងក្រោមនេះជាកិច្ចសម្ភាសតាមទូរសព្ទរវាងលោក រំដួល ចិត្រា ការីនិពន្ធនៃសារព័ត៌មានអេឡិចត្រូនិចថ្មីៗ និងលោក គឹម សុខ ៖
លោក រំដួល ចិត្រា៖ នៅពេលនេះមេធាវីសម្ដេច ហ៊ុន សែន បានប្ដឹងលោក ដែលបានបកស្រាយនៅក្នុងវិទ្យុអាស៊ីសេរី ទាក់ទងនឹងករណីស្លាប់របស់លោក កែម ឡី។ តើលោកមានការឆ្លើយតបបែបណាចំពោះបណ្ដឹងនេះ?
លោក គឹម សុខ៖ មែនទែនទៅ ខ្ញុំអត់បានចោទគណបក្សប្រជាជនដូចពាក្យបណ្ដឹងនេះទេ។ នៅក្នុងកិច្ចសម្ភាសជាមួយវិទ្យុអាស៊ីសេរី ខ្ញុំបានប្រើពាក្យថា«គេ»។ ហើយបើយើងពិនិត្យមើលលើអត្ថន័យរបស់ខ្មែរសព្វនាម «គេ» នេះគឺមិនសំដៅលើនរណាម្នាក់ ឫក្រុមណាមួយឡើយ ដូចនេះបានន័យថាខ្ញុំប្រើពាក្យ«គេ»នេះ គឺអត់បានចោទទៅលើគណបក្សប្រជាជនទេ។ ម្យ៉ាងទៀតខ្ញុំបានប្រើពាក្យពីខាងដើមក្នុងកិច្ចសម្ភាសថា គណបក្សប្រជាជនមិនបានត្រៀមខ្លួនទៅការបោះឆ្នោតទេ តែមានគម្រោងការប្លន់យកអំណាច…។ ខ្ញុំទទួលស្គាល់ថាខ្ញុំបាននិយាយពាក្យនេះ ប៉ុន្តែគាត់មិនបានប្ដឹងត្រង់ចំណុចនេះទេ គាត់បែរជាកាត់តពាក្យខ្ញុំពីខាងដើមដែលមានប្រើពាក្យគណបក្សប្រជាជននេះ មកភ្ជាប់ត្រង់ចំណុចបាញ់សម្លាប់លោក កែម ឡី ហើយថាខ្ញុំចោទគណបក្សប្រជាជន ជាអ្នកសម្លាប់លោក កែម ឡី ទៅវិញ។ ហើយបើពិនិត្យមើលលើប្រយោគ ដែលខ្ញុំនិយាយទាក់ទងនឹងការបាញ់សម្លាប់លោក កែម ឡី នោះ គឺខ្ញុំនិយាយដោយគ្មានប្រើប្រធាន(ឈ្មោះ)ទៀត សូម្បីតែពាក្យថា«គេ»ក៏ខ្ញុំមិនប្រើដែរ។ ដូច្នេះខ្ញុំមានតែរង់ចាំមើលថាតើអ្នកច្បាប់ក្នុងតុលាការគេបកស្រាយយ៉ាងដូចម្ដេចលើខ្លឹមសារនៃពាក្យបណ្ដឹង និងការបកស្រាយរបស់ខ្ញុំក្នុងវិទ្យុអាស៊ីសេរីនេះ។
លោក រំដួល ចិត្រា៖ ក្នុងបណ្ដឹងនោះមេធាវីសម្ដេច ហ៊ុន សែន ទាមទារសំណងជំងឺចិត្តពីលោក រហូតដល់៥០ម៉ឺនដុល្លារ។ តើការទាមទារសំណងបែបនេះលោក អាចទទួលយកបានទេ?
លោក គឹម សុខ៖ ចំពោះសំណងជំងឺចិត្ត៥០ម៉ឺនដុល្លារនេះ ខ្ញុំគ្មានអ្វីសងគាត់ទេ។ ខ្ញុំមានលុយមកពីណាសងគាត់ បើខ្ញុំជួលបន្ទប់គេស្នាក់នៅ១ខែតម្លៃ៨០ដុល្លារ? ខ្ញុំចាយវាយរិះថាំមួយខែមិនឲ្យលើសពី១៥០ដុល្លារផង។ ចំណែកគម្រោងការងារសង្គមតាមសាលារៀនក៏គេឈប់ជួលខ្ញុំឲ្យបង្រៀនទៀត។ ក្នុងខ្លួន ខ្ញុំមានតែ IPad មួយគ្រឿង Iphoneពីរគ្រឿង ដែលជាអំណោយដែលគេប្រគល់ឲ្យខ្ញុំទៀត។ តែបើគាត់ចង់បានយកចុះ! ប៉ុន្តែខ្ញុំយល់ថា រឿងប្ដឹងនេះវាគ្រាន់តែជាគំនាបនយោបាយដើម្បីសង្កត់ផ្លូវចិត្ត និងផ្លូវអារម្មណ៍ខ្ញុំមិនឲ្យខ្ញុំតស៊ូមតិក្នុងកិច្ចការសង្គម និងនយោបាយប៉ុណ្ណោះ ហើយវាមិនមែនជាមូលហេតុដែលគាត់ឈឺចិត្ត ហើយប្ដឹងទាមទារប្រាក់ដើម្បីបំពេញចិត្តគាត់នោះឡើយ។
លោក រំដួល ចិត្រា៖ សម្ដេច ហ៊ុន សែន បានផ្ដាំលោកកុំឲ្យរត់ចាកចេញពីប្រទេស ហើយបានបញ្ជាសមត្ថកិច្ចឲ្យតាមឃ្លាំមើលរូបលោកទៀត។ តើលោកមានបំណងចង់គេចពីការប្រឈមមុខនឹងបណ្ដឹងនេះមែនទេ ទើបបានជាសម្ដេច ហ៊ុន សែន ព្រលយពាក្យបែបនេះ?
លោក គឹម សុខ៖ ខ្ញុំមិនរត់ទៅណាទេ ខ្ញុំច្បាស់ហើយថាខ្ញុំមិនរត់ឡើយ។ ហើយខ្ញុំក៏មិនអង្វរអ្នកណាម្នាក់ដែរ។ ខ្ញុំនៅតតាំងរឿងក្តីនេះតាមច្បាប់ ព្រោះខ្ញុំជឿច្បាស់ណាស់លើទង្វើរបស់ខ្ញុំពិត និងសំឡេងពិតចេញពីមាត់ខ្ញុំ។ ប៉ុន្តែខ្ញុំសំណូមពរទៅសម្ដេចនាយករដ្ឋមន្ត្រីវិញថា កុំដាក់កងកម្លាំងឯកសណ្ឋានស៊ីវិលទាំងហ្វូងតាមរំខានការងារខ្ញុំច្រើនពេក ព្រោះវាបង្កការភ័យខ្លាចដល់ប្រជាពលរដ្ឋដែលនៅជិតខ្ញុំ និងប៉ះពាល់ដល់ការងាររបស់ខ្ញុំ។ សម្ដេចគ្រាន់តែដាក់ប៉ូលិសមានឯកសណ្ដានត្រឹមត្រូវពីរនាក់តាមដានដំណើរខ្ញុំទៅបានហើយ ហើយខ្ញុំសន្យាសហការឲ្យបានល្អជាមួយគាត់។ សូមលេងល្បែងផ្លូវច្បាប់មែនទែន ដោយកុំប្រើវិធីបន្លាចរហូតដល់មានការប្រើកងកម្លាំងទៅធ្វើសកម្មភាពដល់ស្រុកកំណើតខ្ញុំទាំងមិនសមជាក្រុមមនុស្សចេះច្បាប់បែបនេះ។
លោក រំដួល ចិត្រា៖ ទាក់ទងនឹងសំណេរលើហ្វេសប៊ុកលោកវិញ លោកបានសរសេរថា ទោះជាមានរឿងអ្វីក៏ដោយ វាគ្រាន់តែបាត់បង់រូបលោកមួយរយៈពេល ឬបាត់បង់លោកម្នាក់ប៉ុណ្ណោះ។ ឃ្លានេះបានន័យដូចម្ដេច?
លោក គឹម សុខ៖ ឃ្លាថាបើបាត់បង់រូបខ្ញុំមួយរយៈពេលនេះ មានន័យថាបើខ្ញុំចាញ់ក្តី គេនឹងចាប់ខ្ញុំដាក់គុក ព្រោះនេះជាការប៉ុនប៉ងរបស់គេ។ ហើយបើខ្ញុំគ្មានលុយបង់ឲ្យគេទៀត គេនឹងចាប់ដាក់គុក ដូច្នេះវាមានន័យថាគេចមិនរួចពីគុកទេ។ តែបើមានអ្វីធ្ងន់ធ្ងរទៀតដល់បាត់បង់ជីវិតនោះ មានន័យថាវាអាចបាត់បង់ខ្ញុំតែម្នាក់ទេ ហើយបើសិនមានការបាត់បង់ខ្ញុំមែនវាក៏គ្មានអ្វីដែលត្រូវស្ដាយឡើយ។ ខ្មែរគ្រប់រូបមិនចាំបាច់តវ៉ាអ្វីដើម្បីខ្ញុំដែរ។ ប៉ុន្តែខ្មែរទាំងអស់ត្រូវរួមគ្នា ជាកម្លាំងប្រជាធិបតេយ្យឲ្យធំ ហ៊ានតស៊ូមតិប្រឆាំងភាពអយុត្តិធម៌ក្នុងសង្គម។ ហើយមានតែការផ្លាស់ប្ដូរទៅកាន់ប្រជាធិបតេយ្យពិតប្រាកដទើបពលរដ្ឋរស់នៅដោយភាពថ្លៃថ្នូរ ពលរដ្ឋលែងជួបរឿងយំសោក។
លោក រំដួល ចិត្រា៖ ដូច្នេះបានន័យថា លោក គឹម សុខ ដឹងខ្លួនថានឹងចាញ់ក្តីនេះ ?
លោក គឹម សុខ៖ ខ្ញុំមិនគិតថា ប្រព័ន្ធច្បាប់នៅកម្ពុជាសព្វថ្ងៃ អាចផ្ដល់យុត្តិធម៌ដល់ខ្ញុំទេ ពីព្រោះយើងគិតទៅមើលអ្វីៗដែលជាដំណើរការកន្លងមក គឺវាវិវត្តទៅតាមតែអ្វីដែលថ្នាក់ដឹកនាំចង់បានទៅវិញទេ។ ប៉ុន្តែការបង្ហាញជំហរមិនរត់ចោលការទទួលខុសត្រូវរបស់ខ្ញុំ ការបង្ហាញជំហរមិនរត់ចោលការតវ៉ា និងរកខុសត្រូវក្នុងកាលៈទេសៈនេះរបស់ខ្ញុំ គឺដើម្បីប្រាប់ពលរដ្ឋថា សង្គមមួយបើយើងចង់បាននីតិរដ្ឋពិតប្រាកដ ត្រូវក្លាហាននៅតទល់ នៅតវ៉ាប្រឆាំងសម្ពាធដែលធ្លាក់មកលើយើង។
លោក រំដួល ចិត្រា៖ ក្រោយរងបណ្ដឹងនេះ តើលោកនៅតែបន្តវិភាគទៀតដែរទេ?
លោក គឹម សុខ៖ អ្វីដែលជាសម្ពាធរបស់គេ គឺគេមិនចង់ឲ្យខ្ញុំនិយាយ មិនចង់ឲ្យខ្ញុំជួបពលរដ្ឋ មិនចង់ឲ្យខ្ញុំស្រាវជ្រាវនៅក្នុងសង្គមកម្ពុជានេះទៀត។ ប៉ុន្តែខ្ញុំមើលឃើញដូច្នេះ កាលណាយើងបាក់ស្មារតីរបៀបហ្នឹង មានន័យថាយើងកំពុងបំពេញបំណងនៃការចង់បានតាមផ្នែកនយោបាយរបស់គេហើយ។ បើយើងបំពេញបំណងផ្នែកនយោបាយរបស់គេ គឺយើងមិនអាចនាំសង្គមយើងឲ្យក្លាយជាសង្គមនីតិរដ្ឋពិតប្រាកដទេ។ ពលរដ្ឋ គឺជាបេះដូងប្រជាធិបតេយ្យ ហើយខ្ញុំចង់បង្ហាញពលរដ្ឋថា ខ្ញុំនៅបន្តចូលរួមទោះបីក្នុងកាលៈទេសៈគ្រោះថ្នាក់យ៉ាងណាក៏ដោយ៕
12 តុលា 2018 លោក គឹម សុខ និងកូនស្រី បានសិទ្ធិជ្រកកោននយោបាយនៅប្រទេសហ្វាំងឡង់ អ្នកវិភាគនយោបាយ និងសង្គម លោក គឹម សុខ និងកូនស្រីអាយុ ៦ឆ្នាំ បានធ្វើដំណើរតាមយន្តហោះពីប្រទេសថៃ ឆ្ពោះទៅប្រទេសហ្វាំងឡង់ ដែលជាទីលោក និងកូនស្រីលោក ទទួលបានសិទ្ធិជ្រកកោនផ្នែកនយោបាយ។ នេះបើតាមការចុះផ្សាយរបស់វិទ្យុអាស៊ីសេរី កាលពីយប់ថ្ងៃទី១១ ខែតុលាម្សិលមិញនេះ។
លោក គឹម សុខ បានប្រាប់វិទ្យុអាស៊ីសេរីថា លោក និងកូនស្រី បានទទួលកិច្ចអន្តរាគមន៍ ពីក្រុមមន្រ្តីអង្គការសហប្រជាជាតិ និងមន្រ្តីអន្តោប្រវេសន៍ថៃ ដែលជូនដំណើរលោកដល់ព្រលានយន្តហោះសុវណ្ណភូមិ។ លោក គឹម សុខ និងកូនស្រី បានចាកចេញទៅប្រទេសថៃ កាលពីថ្ងៃទី៣០ ខែសីហា ឆ្នាំ២០១៨ ពោលគឺមួយថ្ងៃបន្ទាប់ពីសម្តេចនាយករដ្ឋមន្ត្រី ហ៊ុន សែន បានបញ្ជាឲ្យមេធាវីគណបក្សប្រជាជនកម្ពុជា តាមទារលុយសំណងជំងឺចិត្ត ៨០០លានរៀល (ប្រមាណ ២០ម៉ឺនដុល្លារ)។
សូមរំលឹកថា លោក គឹម សុខ ត្រូវបានតុលាការដោះលែងឲ្យមានសេរីភាពកាលពីថ្ងៃទី១៧ ខែសីហា ឆ្នាំ២០១៨ ក្រោយជាប់ពន្ធនាគារគ្រប់ ១៨ខែ ពីបទ "បរិហាកេរ្ត៍ជាសាធារណៈ ញុះញង់ឱ្យប្រព្រឹត្តបទឧក្រិដ្ឋជាអាទ៍" ដោយសារតែលោកបានចោទគណបក្សប្រជាជនកម្ពុជា ថាជាអ្នកនៅពីក្រោយនៃឃាតកម្មបាញ់សម្លាប់លោក កែម ឡី៕
ពីកន្លែងសុវត្ថិភាព ដែលលោកភៀសខ្លួន លោក គឹម សុខ បានអះអាងថា លោក ហ៊ុន សែន មិនមានអ្វីខ្លាំង ក្រៅតែពីរចំណុច ដែលបុរសខ្លាំងកម្ពុជា បាននិងកំពុងអនុវត្ត ក្នុងពេលសព្វថ្ងៃនេះទេ។ ពីរចំណុច ដែលគ្រប់គ្រាន់ ជាមូលហេតុធ្វើលោក គឹម សុខ ក្លាយខ្លួនជាពលរដ្ឋម្នាក់ទៀត ដែលត្រូវភៀសខ្លួន ចេញពីប្រទេសកម្ពុជា។លាក់ខ្លួន មិនមានន័យថា លោក គឹម សុខ លាក់សម្លេងនោះឡើយ។ អ្នកវិភាគនយោបាយ និងសង្គម បានបន្តបរិហារនាយករដ្ឋមន្ត្រីចាំផ្ទះកម្ពុជា លោក ហ៊ុន សែន ដោយវាយតម្លៃបុរសខ្លាំងរូបនេះ ថា«មិនមានចំណុចអ្វី ដែលខ្លាំង» នោះទេ។
ស្រង់សំដី ដោយលោក ជុន ច័ន្ទបុត្រ នាយករង និងជាអ្នកសារព័ត៌មាន របស់វិទ្យុអាស៊ីសេរី លោក គឹម សុខ បានលើកឡើង ពីកន្លែងសុវត្ថិភាព ដែលលោកលាក់ខ្លួនថា៖ «លោក ហ៊ុន សែន មានចំណុចខ្លាំងតែពីរប៉ុណ្ណោះ គឺទីមួយ លោកហ៊ានប្រើល្បិចកល អាក្រក់គ្រប់សព្វបែបយ៉ាង ឲ្យតែបានអំណាច និងទីពីរ បានអំណាចហើយ នៅបន្តគំរាមកំហែង ពលរដ្ឋស្លូតត្រង់ទៀត»។
ការថ្លែងរបស់លោក គឹម សុខ ធ្វើឡើង បន្ទាប់ពីតុលាការរាជធានីភ្នំពេញ តាមរយៈចៅក្រុមស៊ើបសួរ លោក លាង សំណាត់ បានចេញដីកា នៅថ្ងៃចន្ទទី ៣ ខែកញ្ញា នេះ កោះហៅអ្នកវិភាគមិនសំចៃមាត់ ឲ្យចូលខ្លួន មកឲ្យតុលាការសាកសួរ យកចម្លើយ ពីបទបរិហាកេរ្តិ៍ជាសាធារណៈ និងញុងញង់ ឲ្យប្រព្រឹត្តបទឧក្រិដ្ឋជាអាទិ៍ ទាំងគ្មានអ្នកប្ដឹង។
ដីកាកោះ ដែលធ្លាក់មកដល់ដៃអ្នកសារព័ត៌មាន នៅថ្ងៃចន្ទដដែល បានបង្គាប់ឲ្យលោក គឹម សុខ ឲ្យចូលខ្លួន មកកាន់សាលាដំបូងរាជធានី នៅព្រឹក ថ្ងៃទី១៤ ខែកញ្ញា ឆ្នាំ២០១៨ ខាងមុខ។ បើមិនចូលខ្លួន តាមដីកាកោះនេះទេ ចៅក្រមស៊ើបសួរខាងលើ នឹងចេញដីកាមួយទៀត ឲ្យនាំខ្លួនលោក។
នៅដើមខែកញ្ញានេះ មានសេចក្ដីរាយការណ៍ជាច្រើន បានអះអាងថា លោក គឹម សុខ បានភៀសខ្លួន ចេញពីប្រទេសកម្ពុជា ទៅកាន់ទីកន្លែងមួយ ដែលត្រូវបានអះអាងថា មានសុខសុវត្ថិភាព។ ប្រភពពីនគរបាល ដែលត្រូវបានស្រង់សំដី ដោយសារព័ត៌មានក្នុងស្រុក បានអះអាងថា លោក គឹម សុខ បានចាកចេញ ទៅកាន់ប្រទេសថៃ។
គេមិនដឹងថា ចៅក្រមស៊ើបសួរ នៃសាលាដំបូងរាជធានី លោក លាង សំណាត់ បានកោះហៅលោក គឹម សុខ ក្រោមមូលហេតុអ្វី ឬដោយសារលោក គឹម សុខ បានប្រព្រឹត្តិកំហុសអ្វីនោះទេ ខណៈអ្នកវិភាគរូបនេះ បានចេញពីពន្ធនាគារ កាលពីថ្ងៃទី ១៧ ខែសីហាកន្លងមក បន្ទាប់ពីលោកអនុវត្តិទោស ១៨ ខែ នៅក្នុងពន្ធនាគារ ចប់សព្វគ្រប់។
យ៉ាងណា ដីកាកោះក្រមសាលាដំបូង ធ្វើឡើងតែប៉ុន្មានថ្ងៃ ក្រោយការថ្លែងជាសាធារណៈ របស់លោក ហ៊ុន សែន ដែលគម្រាមចាប់លោក គឹម សុខ ដាក់ពន្ធនាគារឡើងវិញ បើលោក គឹម សុខ មិនសងប្រាក់ជំងឺចិត្ត ចំនួន៨០០លានរៀល ដែលតុលាការបានសម្រេច ក្នុងខែសីហា ឆ្នាំ២០១៧ ឲ្យលោក ហ៊ុន សែន និងគណបក្សប្រជាជនកម្ពុជា ឈ្នះក្ដីលើលោក គឹម សុខ ក្នុងបណ្ដឹងតែមួយនោះ។
ក្នុងជំនួបជាមួយកម្មករ - កម្មការិនី ក្នុងព្រឹកថ្ងៃពុធ ទី២៩ ខែសីហា ឆ្នាំ២០១៨ លោក ហ៊ុន សែន បានថ្លែងឡើង ដោយមិនចេញឈ្មោះថា៖ «គណបក្សប្រជាជនកម្ពុជា ត្រូវគេជំពាក់៨០០លានរៀល។ អញ្ចឹងត្រូវរកលុយសង។ បើមិនសងលុយទេ ប្រហែលជាចូលគុកវិញ ព្រោះអ្នកឯងមិនសងលុយ។ អ្នកឯងជាប់ទោស រួចតែទោសទេ តែលុយត្រូវសង បើករណីលើកលែងទោស ត្រូវរួចទាំងអស់។»។
បុរសខ្លាំងកម្ពុជា បានបន្តថា៖ «អញ្ចឹង ត្រូវបែងចែកគ្នាឲ្យច្បាស់ ស្អីនីតិមាត់ ឥឡូវខ្ញុំនិយាយនីតិមាត់ នីតិមាត់ហ្នឹង វាចេញពីនីតិរដ្ឋ។ អ្នកឯងចង់និយាយថា ខ្ញុំនីតិមាត់ ឥឡូវខ្ញុំនិយាយ ចង្អុលនីតិមាត់ ខ្ញុំនិយាយអ្វីដែលយោង ទៅលើទិដ្ឋភាពច្បាប់ អ្នកឯងមិនទាន់បានសងលុយ ដែលជាភាគីរងគ្រោះ ដែលតុលាការបានកាត់ ឲ្យអ្នកឯងសង៨០០លាន អ្នកឯងបានសងឬនៅ? ចឹងមេធាវី របស់គណបក្សប្រជាជន ត្រូវបន្តតាមទារលុយ កុំអាលព្រហើន គុកវានៅរងចាំ គុកវានៅចំហរ។»៕
· 19 February 2017 ·
ក្នុងស្ថានភាពសង្គមនិងនយោបាយ កម្ពុជា បច្ចុប្បន្ន ស្របពេលការបោះឆ្នោតជិតចូលមកដល់ មានសំនួរ ជាច្រើនបានលើកឡើង៖
សំរាប់អ្នកវិគាគ :
- តើគណបក្សកាន់អំណាចកំពុងធ្វើអ្វី?
- តើនឹងមានការផ្ទេរអំណាចដោយសន្តិវិធីដែរឬទេ?
- តើគណប្សប្រឆាំង គួររៀបចំយុទ្ធសាស្ត្របែបណា ដើម្បីរក្សាទំនុកចិត្តជូនអ្នកគាំទ្រ?
-តើនឹងអាចមានសង្គ្រាមកើតឡើងដែរឬទេនៅពេលបក្សកាន់អំណាចចាញ់ឆ្នោត?
- តើការលៈបង់គ្រប់បែបយ៉ាង រួមទាំងអាយុជីវិត របស់វិរជនស្នេហាជាតិ មួយចំនួន មានតំលៃប៉ុណ្នា? ចុះករណីលោក គឹម សុខ?
អ្នកដែលធ្លាប់តែគាំទ្រគណបក្សកាន់អំណាច :
- តើលោកហ៊ុនសែន នឹងនៅតែបន្តរកាន់អំណាចទៀតឬយ៉ាងណា?
- តើអ្វីដែលបក្សកាន់អំណាចកំពុងធ្វើ វារំលោភច្បាប់
អមនុស្សធម៍ អគុណធម៍មែនឬទេ?
សំរាប់សកម្មជនបក្សប្រឆាំង :
- តើពួកគេត្រូវធ្វើយ៉ាងណា បើបក្សកាន់អំណាចធ្វើទុក្ខបុកម្និញដល់ពួគេឥតស្រាកស្រាន្ត?
សំរាប់ប្រជាពលរដ្ឋ :
- តើគួរទៅបោះឆ្នោតដែរទេ?
- តើទៅបោះឆ្នោតដើម្បីអ្វី បើសិនជាបក្សកាន់អំណាចចាញ់ហើយមិនព្រមចុះចេញពីអំណាច?
- តើខ្មែររស់បានស្រួលទេ ក្រោមរបបដឹកនាំរបៀបសព្វថ្ងៃនេះ?
យើងខ្ញុំនឹងព្យាយាម ធ្វើការ វិភាគ បកស្រាយ ទៅនឹងសំនួរខាងលើ ម្តងមួយៗ ។
សូមស្វាគមន៍ ចំពោះមតិយោបលរបស់ ជនរួមជាតិពីគ្រប់មជ្ឍដ្ឋាន។
Kim Sok - គឹម សុខ 13 February 2017 ·
គណបក្សប្រជាជនកម្ពុជាបានប្ដឹងខ្ញុំជាផ្លូវការហើយ ហើយខ្ញុំក៏បានបញ្ជាក់ជំហរនៅតតាំងរឿងក្តីនេះតាមច្បាប់ គឺមិនរត់ទៅក្រៅដែរ។ ខ្ញុំមិននិយាយលេងទេ ច្បាស់ណាស់ទង្វើរបស់ខ្ញុំពិតស្របសម្លេងចេញពីមាត់ខ្ញុំ។ ហេតុនេះ ខ្ញុំសូមសំណូមពរសម្តេចនាយករដ្ឋមន្ត្រី មេត្តាកុំដាក់កម្លាំងច្រើនពេកក្នុងឯកសណ្ឋានជាស៊ីវិលតាមអុកឡុករំខានការងាររបស់ខ្ញុំ។ ជាការងាយបំផុត សម្តេចគ្រាន់តែដាក់ប៉ូលីសឯកសណ្ឋានពីរនាក់តាមដានដំណើរចេញចូលរបស់ខ្ញុំទៅ នោះគ្រប់គ្រាន់ហើយ ហើយខ្ញុំសន្យាសហការយ៉ាងត្រឹមត្រូវជាមួយពួកគាត់។ សូមលេងល្បែងផ្លូវច្បាប់មែនទែន ដោយកុំប្រើវិធីបន្លាចរហូតមានការប្រើកម្លាំងឲ្យទៅធ្វើសកម្មភាពដល់ស្រុកកំណើតខ្ញុំទាំងមិនសមជាក្រុមមនុស្សចេះច្បាប់ បង្កការភ័យខ្លាចដល់បងប្អូនអ្នកស្រុកខ្ញុំនោះ។ សុំប៉ុនហ្នឹងបានទេ!
Ma Chettra
· 16 February 2017 · Breaking News: តុលាការមិនអនុញ្ញាតិពន្យាពេលតាមការស្នើសុំរបស់លោក គឹម សុខនោះទេ នេះបើតាមសារព័ត៌មានក្នុងស្រុកបានចេញផ្សាយមុននេះបន្តិច។
កាលពីព្រឹកមិញនេះ លោក គឹម សុខ បានទៅដាក់ពាក្យស្នើសុំពន្យាពេលឡើងតុលាការនៅថ្ងៃស្អែក ដោយសាររូបលោករកមេធាវីមិនទាន់បាន។
RFA Khmer 13 February 2017 ·
លោក គឹម សុខ អ្នកឃ្លាំមើលសង្គម និងនយោបាយ ប្តេជ្ញាថា លោកមិនរត់គេចទេ បើទោះបីជាលោកនាយករដ្ឋមន្ត្រី ហ៊ុន សែន ប្តឹងលោកទៅតុលាការ និងបានបញ្ជាឲ្យសមត្ថកិច្ចតាមឃ្លាំមើលលោកគ្រប់ជំហានក៏ដោយ។ សូមលោកអ្នកនាងទស្សនាបទសម្ភាសន៍របស់លោក ទីន ហ្សាការីយ៉ា ជាមួយលោក គឹម សុខ ដូចតទៅ។
Kim Sok - គឹម សុខ
13 February 2017 ·
គណបក្សប្រជាជនកម្ពុជាបានប្ដឹងខ្ញុំជាផ្លូវការហើយ ហើយខ្ញុំក៏បានបញ្ជាក់ជំហរនៅតតាំងរឿងក្តីនេះតាមច្បាប់ គឺមិនរត់ទៅក្រៅដែរ។ ខ្ញុំមិននិយាយលេងទេ ច្បាស់ណាស់ទង្វើរបស់ខ្ញុំពិតស្របសម្លេងចេញពីមាត់ខ្ញុំ។ ហេតុនេះ ខ្ញុំសូមសំណូមពរសម្តេចនាយករដ្ឋមន្ត្រី មេត្តាកុំដាក់កម្លាំងច្រើនពេកក្នុងឯកសណ្ឋានជាស៊ីវិលតាមអុកឡុករំខានការងាររបស់ខ្ញុំ។ ជាការងាយបំផុត សម្តេចគ្រាន់តែដាក់ប៉ូលីសឯកសណ្ឋានពីរនាក់តាមដានដំណើរចេញចូលរបស់ខ្ញុំទៅ នោះគ្រប់គ្រាន់ហើយ ហើយខ្ញុំសន្យាសហការយ៉ាងត្រឹមត្រូវជាមួយពួកគាត់។ សូមលេងល្បែងផ្លូវច្បាប់មែនទែន ដោយកុំប្រើវិធីបន្លាចរហូតមានការប្រើកម្លាំងឲ្យទៅធ្វើសកម្មភាពដល់ស្រុកកំណើតខ្ញុំទាំងមិនសមជាក្រុមមនុស្សចេះច្បាប់ បង្កការភ័យខ្លាចដល់បងប្អូនអ្នកស្រុកខ្ញុំនោះ។ សុំប៉ុនហ្នឹងបានទេ!
Kim Sok - គឹម សុខ
13 February 2017 ·
អ្នកណាមិនគោរពពាក្យសន្យា?
លោក ហ៊ុន សែន ធ្លាប់បាននិយាយច្រើនរឿង ហើយមិនគោរពពាក្យសន្យាសោះ ដូចជាការធ្វើមិនសម្រេចផលករណីការពារព្រៃឈើ ការដោះស្រាយមិនបាននូវទំនាស់ដីធ្លីស្ទើរគ្រប់ស្រុកខេត្ត ការប្រឆាំងនឹងជនពុករលួយដែលកាន់តែធ្វើឲ្យអំពើពុករលួយកាន់តែចាក់ឫសជ្រៅរាលដាលធំ និងសម្លេងខ្យល់នៃរឿងការពារទឹកដីជាតិមិនឲ្យបាត់មួយមីលីម៉ែត្រជាដើម។ បញ្ហាអស់នេះ ប្រជារាស្ត្រខ្មែរនៅគ្រប់ទិសទីទូទាំងពិភពលោក បានស្តាប់ឮគ្រប់គ្នានូវការអះអាងយ៉ាងម៉ឺងម៉ាត់របស់លោកនាយករដ្ឋមន្ត្រី។
មើលព្រឹត្តិការណ៍ចុងក្រោយនេះវិញ! គេចាំមើលថាតើលោក ហ៊ុន សែន ហ៊ានគោរពពាក្យសន្យាសំខាន់របស់គាត់បានម្តងក្នុងជីវិតដឹកនាំរបស់គាត់ទេ? នោះគឺ គេធ្លាប់ដឹងថា ប្រមុខរដ្ឋាភិបាលបាននិយាយនៅទីសាធារណៈជាញឹកញាប់នៅមុខប្រជារាស្ត្រទាំងយកទៅផ្សាយតាមទូទស្សន៍ ក្នុងសម្តីថា បើចង់ឲ្យគាត់ចុះចេញពីតំណែងតួនាទីនាយករដ្ខមន្ត្រី លុះត្រាតែលោក សម រង្ស៊ី ឈប់ធ្វើប្រធានបក្សប្រឆាំងដែរ។ ឥឡូវ លោក សម រង្ស៊ី លាលែងហើយ!!!
«មេដឹកនាំគម្រូ ត្រូវផ្តើមចេញពីការចេះគោរពពាក្យសន្យារបស់ខ្លួន ដែលយ៉ាងហោចណាស់ធ្វើឲ្យបានតាមសម្តីនិយាយនៅចំពោះមុខរាស្ត្រ បើមិនដូច្នេះទេ គឺក្បត់រាស្ត្រ»៕
Kim Sok - គឹម សុខ
ទោះខ្ញុំមានរឿងអ្វីក៏ដោយ វាគ្រាន់តែជាការបាត់វត្តមានរបស់ខ្ញុំមួយរយៈឬបាត់បង់រូបខ្ញុំម្នាក់ប៉ុណ្ណោះ។ តែបើបងប្អូនឈាមខ្មែរទាំងឡាយ ទាំងប្រជារាស្ត្រធម្មតា ទាំងអ្នកនយោបាយជាតិប្រជាធិបតេយ្យ យល់អំពីតម្លៃនៃការរួមកម្លាំងការងារតស៊ូមតិរឹងមាំជាមួយគ្នាដោយស្មារតីមិនបោះបង់ឆ្ពោះទៅកាន់ការផ្លាស់ប្តូរ នោះជីវិតជាតិយើងនៅតែរស់ ហើយប្រសិនបើមានការបាត់បង់ខ្ញុំមែន វាគ្មានអ្វីគួរឲ្យសោកស្ដាយឡើយ៕
គឹម សុខ ពីកូនកសិករ សកម្មជននយោបាយ និងក្លាយជាអ្នកវិភាគរងបណ្តឹង លោក គឹម សុខ អ្នកឃ្លាំមើលសង្គមវ័យក្មេងម្នាក់ ត្រូវប្រធានគណបក្សកាន់អំណាចប្តឹង ក្នុងករណីញុះញង់ និងបរិហារកេរ្តិ៍គណបក្សប្រជាជនកម្ពុជា។ តុលាការសម្រេចឃុំខ្លួនអ្នកវិភាគវ័យក្មេងរូបនេះ កាលពីថ្ងៃទី១៧កុម្ភៈ។ នៅមុនពេលចាប់ខ្លួន លោក គឹម សុខ បានប្រាប់ពីប្រវត្តិខ្លួនដល់វិទ្យុបារំាងអន្តរជាតិ ថា លោកជាកូនកសិករក្រីក្រនៅខេត្តតាកែវ។ ជីវិតរបស់លោកបានឆ្លងកាត់រសជាតិជាច្រើន ទម្រាំបានមកដល់ចំណុចបច្ចុប្បន្ននេះ។ តើលោក កឹម សុខ មានដំណើរជិវីតបែបណា? សូមស្តាប់បទយកការណ៍របស់វិទ្យុយើងដូចតទៅ។
No comments:
Post a Comment