២៤ វិច្ឆិកា ឆ្នាំ ២០២០ ស្រី ចំរើន - Srey Chamroeun
2td2Sponshoidcrmed · «នយោបាយ »
គេថា ចំរេីនឯងលូកជ្រៅពេកហេីយ ចុងក្រោយវាច្ចឹង!!!
ស្ថាប័ន និងក្រុមហ៊ុន គេអត់ទទួលធ្វេីការទេ !
ក្រុមអតិតបក្សឆាំង សេីចចំអក អោយថា ចុងក្រោយលទ្ធផល
សូន្យ ផេះ (ពាក្យគេនិយាយចំអកអោយ)
ខ្ញុំនៅតែរក្សាជំហរ ភាពរឹងបុឹងដដែល ញញឹម និងគ្រោះ១នេះ!
កូនប្រុស ៥ឆ្នាំ ទៀតក៏មិនហួសពេលដែរ ខ្ញុំនៅតែជា ស្រី ចំរេីន !
ពេលនេះ ខ្ញុំមានជម្រេីសតែមួយគត់ គឺ
«ដឹកអីវ៉ាន់ អនឡាន អោយភ្ញៀវ »
លក់កាបូប ខោអាវ អនឡាញ និង
លក់ជ្រក់ជេីងមាន់ ជ្រក់ស្លឹកត្រចៀកជ្រូក
ពេលនេះ បានគេជួយផ្តល់ផ្ទះអោយស្នាក់នៅបណ្តោះអាសន្ន
ម៉ូតូជិះបណ្តោអាសន្នសិន ខំរកលុយ ចាប់ផ្តេីមឡេីងវិញ 
សូមបងប្អូនជួយគាំទ្រ ខ្ញុំបាទផងណា 
លេខទំនាក់ទំនងទិញ ៖ 010 848 824 / 078 354 485 /088 222 3741
December 26, 2016 By ង៉ែត ជិនបុត្រ ៖ ធី សុវណ្ណថា ត្រៀមប្តឹងស្រី ចំរើន និង ផែ សុវណ្ណារិទ្ធ
ភ្នំពេញ ៖ ប្រធានអង្គការយុវជនកិច្ចការ សង្គម និងជាអតីតយុវជនគាំទ្រគណបក្សសង្គ្រោះ- ជាតិ កញ្ញាធី សុវណ្ណថា បានប្រកាសតាមបណ្តាញ សង្គមហ្វេសប៊ុក ផ្តាច់ទំនាក់ទំនងជាមួយលោក ស្រី ចំរើន និងលោកផែ សុវណ្ណារិទ្ធ ដោយនាង ត្រៀមរៀបចំដាក់ពាក្យប្តឹងមនុស្សទាំងពីររូប នេះ ពីប្រមាថ និង ទម្លាយឯកសារឯកជន។
កញ្ញាធី សុវណ្ណថា បានសេរសេរនៅក្នុង ទំព័រហ្វេសប៊ុករបស់នាង នៅថ្ងៃទិ២៤ ខែធ្នូ ឆ្នាំ ២០១៦ ថា “ខ្ញុំធី សុវណ្ណថា សូមប្រកាសឈប់ ទាក់ទងជាមួយក្រុមស្រី ចំរើន និងក្រុមផែ សុវណ្ណារិទ្ធ។ ហើយខ្ញុំបាននិងកំពុងរៀបចំពាក្យ បណ្តឹង និងសហការជាមួយសមត្ថកិច្ច ដើម្បី ចាប់ខ្លួនបុគ្គលទាំងនោះ ពីបទប្រមាទនិងទម្លាយ ឯកសារឯកជន។ ខ្ញុំនឹងមិនទទួលខុសត្រូវចំពោះ អ្វីដែលពួកគេនិយាយនោះទេ ហើយខ្ញុំក៏មិន មានអ្វីដែលនឹងត្រូវពាក់ព័ន្ធជាមួយពួកក្រុមនោះ ដែរ។ សូមបងប្អូនជ្រាបជាព័ត៌មាន”។
ការប្រកាសអំពីការផ្តាច់ទំនាក់ទំនងនិងត្រៀម ប្តឹងរបស់កញ្ញាធី សុវណ្ណថា ខាងលើនេះ បាន ធ្វើឡើងបន្ទាប់ពីមានទំព័រហ្វេសប៊ុកមួយ ឈ្មោះ “Srey Chamroeun បានប្រកាសទម្លាយឯក- សារសន្ទនាជាង៤០០ទំព័រ រវាងកញ្ញា ធី សុវណ្ណថា និងសម្តេចនាយករដ្ឋមន្ត្រីហ៊ុន សែន ប្រមុខរាជរដ្ឋាភិបាល និងជាប្រធានគណបក្សប្រជាជន- កម្ពុជា។
ទំព័រហ្វេសប៊ុកនោះ បានសរសេរ កាលពី ថ្ងៃទី២២ ខែធ្នូ ឆ្នាំ២០១៦ ថា “ខ្ញុំស្រី ចំរើន ខ្ញុំសម្រេចចិត្តនឹងទម្លាយឯកសារមួយចំនួន ដែល ទាក់ទងទៅនឹង ធី សុវណ្ណថា ក្នុងអំឡុងពេល មួយរយៈនេះ។ ធី សុវណ្ណថា មានតាខ្លាំងម្នាក់ នៅពីក្រោយ ខ្ញុំនឹងបង្ហាញឯកសារភ័ស្តុតាងទាំង នោះបន្តិចម្តងៗ រហូតដល់ចប់។ ចង់ចាប់ខ្ញុំដាក់ គុក ក៏ខ្ញុំមិនខ្លាចដែរ។ ឱ្យខ្ញុំសុំទោសបងប្អូនខ្មែរ ទាំងអស់ចំពោះរឿងរ៉ាវមួយរយៈកន្លងមកនេះ”។
ជាមួយគ្នានោះដែរ ទំព័រហ្វេសប៊ុកដដែល បានសរសេរនៅថ្ងៃទី២៤ ខែធ្នូ ឆ្នាំ២០១៦ បន្ថែមថា “ធី សុវណ្ណថា មានកូនមួយ ហើយ តែបែជាប្រកែកថាអត់។ បើកូនប្រាប់ថា កូន ទៅនាង ឈប់កុហក់គេទៅ។ បើក្មេងនោះ ធំដឹងក្តី វាដឹងថា ម្តាយវាមិនព្រមទទួលស្គាល់ ថាវាជាកូន វាប្រាកដជាឈឺចាប់គ្មានថ្ងៃបំភ្លេច បានទេ។ ហ៊ានធ្វើ ត្រូវហ៊ានទទួល បានគេហៅ ថា មនុស្ស”។
គួរបញ្ជាក់ថា លោក ស្រី ចំរើន ដែលជា សកម្មជនដ៏សកម្មម្នាក់ធ្លាប់ចេញមុខដឹកនាំធ្វើ បាតុកម្មប្រឆាំងលោកកឹម សុខា ប្រធានស្តីទី គណបក្សសង្គ្រោះជាតិ និងតែងមានវត្តមាន នៅតាមវេទិកានានាដែលរៀបចំដោយកញ្ញា ធី សុវណ្ណថា មួយរយៈកាលចុងក្រោយនេះ ត្រូវ បានគេឃើញថាបានសរសសារឌឺដងផ្លែផ្កាដាក់ កញ្ញាធី សុវណ្ណថា ដែលបង្ហាញនូវភាពប្រេះឆា នៃទំនាក់ទំនងក្នុងក្រុមរបស់ពួកគេ។
ដោយឡែក លោកផែ សុវណ្ណារិទ្ធ ត្រូវ បានគេស្គាល់ថាជាអ្នកស្និទ្ធនឹងកញ្ញាធី សុវណ្ណថា ម្នាក់ដែរនោះ ត្រូវបានគេអះអាងថា ជាម្ចាស់ ទំព័រហ្វេសប៊ុកមួយដែលបានទម្លាយសារសន្ទនា ជាង៤០០ទំព័រ ដែលត្រូវបានសង្ស័យថា ជា សារសន្ទនាសម្ងាត់រវាងកញ្ញាធី សុវណ្ណថា នឹង សម្តេចហ៊ុន សែន កាលពីដើមខែធ្នូ ឆ្នាំ២០១៦។
ជាការកត់សម្គាល់មុនពេលកញ្ញាធី សុវណ្ណថា ប្រកាសត្រៀមប្តឹងនៅក្នុងហ្វេសប៊ុក “Srey Chamroeun” បានប្រកាសដឹកនាំបាតុកម្ម ទាមទារឱ្យលោកកឹម សុខា សុំទោសធី សុវណ្ណថា ដោយទំព័រហ្វេសប៊ុកនោះបានសរសេរកាលពីថ្ងៃ ទី១៨ ខែធ្នូ ឆ្នាំ២០១៦ ថា “យើងនឹងប្រមូល គ្នាឱ្យបានយ៉ាងតិច១ម៉ឺននាក់ ដើម្បីចូលរួមបាតុ- កម្មតវ៉ាទាមទារកឹម សុខា សុំទោស ធី សុវណ្ណថា ជាសាធារណៈ។ សូមបងប្អូនចូលរួម”។
ចំណែកកញ្ញាធី សុវណ្ណថា បានសរសេរ នៅក្នុងទំព័រហ្វេសប៊ុករបស់នាង នៅថ្ងៃទី១៩ ខែធ្នូ ឆ្នាំ២០១៦ ថា នាងជាម្ចាស់ទំព័រហ្វេសប៊ុក Thy Sovantha សូមបដិសេធចោលទាំងស្រុង នូវគណនីនិងទំព័រហ្វេសប៊ុកទាំងឡាយណា ដែលបាននិងកំពុងផ្សព្វផ្សាយអំពីនាង ឬអំពី ព័ត៌មានវាយប្រហាររាជរដ្ឋាភិបាល ឬព័ត៌មាន ក្នុងន័យវាយប្រហារបុគ្គលផ្សេងៗ ដែលកន្លង មកនាងបានធ្វើការតាមដានយ៉ាងយកចិត្តទុក- ដាក់បំផុត ហើយមកទល់ថ្ងៃនេះ នាងបាន សង្កេតឃើញនៅតែមានការបន្តផ្សព្វផ្សាយ- ព័ត៌មានមិនពិតទាំងនោះចេញពីគណនី និងទំព័រ ហ្វេសប៊ុកក្លែងក្លាយដែលគ្មានការទទួលខុសត្រូវ មួយចំនួន។
កញ្ញាធី សុវណ្ណថា បានបញ្ជាក់នៅក្នុង សំណេរនោះថា នាងប្រើប្រាស់ទំព័រហ្វេសប៊ុក ផ្លូវការដែលមានការទទួលស្គាល់ Verified ពី ក្រុមហ៊ុនហ្វេសប៊ុកតែមួយគត់ ដើម្បីចែករំលែក ព័ត៌មាន និងសម្រាប់ទំនាក់ទំនង។ ដូច្នេះនាង នឹងរាយការណ៍ជូន Facebook ដើម្បីបិទគណនី ហ្វេសប៊ុកក្លែងក្លាយ (Account Fake) ទាំង នោះចោល និងរាយការណ៍ជូនសមត្ថកិច្ច ដើម្បី ចាត់វិធានការជាបន្ទាន់។ ចំពោះព័ត៌មានទាំង- ឡាយណាដែលមិនបានផ្សព្វផ្សាយចេញពីគណនី ហ្វេសប៊ុកផ្លូវការរបស់នាងដែលប្រព្រឹត្តដោយ ជនខិលខូច គឺពួកគេនឹងត្រូវទទួលខុសត្រូវចំពោះ មុខច្បាប់។
យ៉ាងណាក៏ដោយ ពាក់ព័ន្ធនឹងបញ្ហាខាង លើនេះ មិនអាចទាក់ទងសុំការបញ្ជាក់ពីកញ្ញាធី សុវណ្ណថា និងលោក ស្រី ចំរើន បានទេ កាលពី ម្សិលមិញ៕
01, Apr 2016 , 4:26 pm ក្រុមនិស្សិត ស្រី ចំរើន បន្តលើកគ្នាទៅតវ៉ាមុខ CNRP ប៉ុន្តែទាមទាររឿងផ្សេង
ក្រុមយុវជនដែលអះអាងខ្លួនមកពីសាកលវិទ្យាល័យផ្សេងៗ ក្រោមការដឹកនាំរបស់យុវជន ឈ្មោះ ស្រី ចំរើន បានលើកគ្នាទៅតវ៉ាមុខទីស្នាក់ការគណបក្សសង្គ្រោះជាតិ នារសៀលថ្ងៃទី១ ខែមេសា នេះ។ ខុសពីលើកមុនៗដែលពួកគេទាមទារឲ្យឯកឧត្តម កឹម សុខា បកស្រាយសំឡេងខ្សែអាត់ នៅថ្ងៃនេះ ក្រុមយុវជនប្រមាណ៣០នាក់ បានទាមទារឲ្យប្រធានស្តីទីបក្ស ឬគណបក្សផ្ទាល់បកស្រាយទាក់ទងនឹងបណ្តឹងស្តីពីបទរំលោភកម្មសិទ្ធិបញ្ញា និងបញ្ហាផ្សេងៗ ។
គណបក្សសង្គ្រោះជាតិ(CNRP) បានចេញសេចក្តីថ្លែងការណ៍ថ្កោលទោសក្រុមនិស្សិត ស្រី ចំរើន ដែលបានយកទង់ អាវ និងមួកដែលមានសញ្ញាសម្គាល់របស់គណបក្សសង្គ្រោះជាតិទៅធ្វើសកម្មភាព អនាធិបតេយ្យនៅរាជធានីភ្នំពេញ កាលពីរសៀលថ្ងៃទី២៩ ខែមីនា ដោយគ្មានការអនុញ្ញាតពីគណបក្ស
CNRP បានលើកឡើងថានេះ ជាអំពើក្លែងបន្លំដោយចេតនាក្នុងបំណងបង្កាច់បង្ខូចកិត្តិយសគណបក្ស និងសមាជិកគណបក្សសង្គ្រោះជាតិ ហើយក៏ជាការរំលោភច្បាប់ស្តីពីកម្មសិទ្ធិបញ្ញា និងក្រមព្រហ្មទណ្ឌ។ បក្សប្រឆាំងបានស្នើទៅអាជ្ញាធរមានសមត្ថកិច្ចដកហូតជាបន្ទាន់នូវ របស់របរទាំងនោះ ហើយខ្លួននឹងរៀបចំសំណុំឯកសារប្តឹងទៅតុលាការ។
ទោះបីជាយ៉ាងណាក៏ដោយ ក្រុមយុវជនដែលដឹកនាំដោយលោកស្រី ចំរើន គ្មានការខ្លាចរអានោះឡើយ ដោយពួកគេមួយចំនួននៅតែបន្តពាក់អាវ មួក គណបក្សដដែលនាពេលតវ៉ានៅថ្ងៃនេះ។
ដោយសារតែមានការហាមឃាត់ពីអ្នកគាំទ្របក្សសង្គ្រោះជាតិ ក្រុមនិស្សិត ស្រី ចំរើន មិនអាចយកញត្តិរបស់ទៅដាក់បានឡើយ ទីបំផុតទើបសម្រេចចិត្តនាំគ្នាចាកចេញវិញ៕
លោកស្រី ចំរើន៖ ក្រុមយុវជននឹងតាមលោកកឹម សុខា គ្រប់ទីកន្លែង បើមិនព្រមបកស្រាយការពិតលោកអ្នកនាងកញ្ញាប្រហែលបានដឹងខ្លះៗហើយថា រយៈពេលចុងក្រោយនេះ យុវជនមួយក្រុមដែលបានអះអាងខ្លួនថា ជានិស្សិតនៅតាមសាកលវិទ្យាល័យខ្លះក្នុងរាជធានីភ្នំពេញនោះ បានតាមស្អិតលោកកឹម សុខា ប្រធានស្តីទីគណបក្សសង្រ្គោះជាតិ ដើម្បីទាមទារឲ្យបកស្រាយការពិតជុំវិញរឿងអាស្រូវស្នេហា។ ហើយនៅថ្ងៃនេះទៀត ពួកគេបានតាមលោកកឹម សុខា ដល់ខេត្តពោធិ៍សាត់ខណៈដែលប្រធានស្តីទីគណបក្សប្រឆាំងទៅជួបជាមួយអ្នកគាំទ្ររបស់ខ្លួននៅទីនោះ។ ឆ្លៀតឱកាសនេះ វណ្ណ សុគន្ធា បានជួបសម្ភាសន៍ដោយផ្ទាល់ជាមួយលោកស្រី ចំរើន ដែលជាអ្នកដឹកនាំក្រុមយុវជននេះ។ លោកស្រី ចំរើន បានបញ្ជាក់ថា ក្រុមយុវជននឹងតាមលោកកឹម សុខា គ្រប់ទីកន្លែង បើសិនមិនព្រមបកស្រាយការពិតនោះ។
24, Apr 2016 , 5:27 pm លោក ស្រី ចំរើន ដាក់ញត្តិទៅរដ្ឋសភា និងទូតអាមេរិកដើម្បីដាក់សម្ពាធលើឯកឧត្តម កឹម សុខានារសៀលថ្ងៃទី២៤ខែមេសានេះ ក្រុមលោក ស្រី ចំរើន ដែលមានយុវជនប្រមាណ ៣០ នាក់ ដាក់ញត្តិទៅរដ្ឋសភា ដើម្បីស្នើសុំប្រធានរដ្ឋសភា សម្តេច ហេង សំរិន ដាក់វិន័យលើឯកឧត្តម កឹម សុខា ចំពោះករណីរឿងអាស្រូវផ្លូវភេទ។ ក្នុងថ្ងៃនេះដែរ ក្រុមរបស់លោក ស្រី ចំរើន បន្តយកញត្តិដាក់ទៅស្ថានទូតសហរដ្ឋអាមេរិកប្រចាំនៅកម្ពុជា ដើម្បីសុំការអន្តរាគមន៍ពីស្ថានទូតឲ្យជំរុញឯកឧត្តម កឹម សុខា ឆ្លើយការពិតទាក់ទងនឹងខ្សែអាត់សំឡេង។
បើតាមលោក ស្រី ចំរើន ការស្នើសុំឲ្យមានការដាក់វិន័យនេះ គឺយោងទៅលើសេចក្តីថ្លែងការណ៍របស់អយ្យការអមសាលារាជធានីភ្នំពេញនៅថ្ងៃទី១៩ខែមេសា ដែលបញ្ជាក់ថា កញ្ញា ខុម ចាន់ដារ៉ាទី ហៅស្រី ម៉ុំ បានទទួលស្គាល់ការពិតលើខ្សែអាត់សំឡេងរវាងរូបនាង និងឯកឧត្តម កឹម សុខា។
លោក ស្រី ចំរើនអះអាងថា ទង្វើរបស់ឯកឧត្តម កឹម សុខា គឺជាអំពើអសីលធម៍ ពេស្យាចារ ដែលធ្វើឲ្យប៉ះពាល់ដល់កិត្តិយសរដ្ឋសភា។
តែទោះយ៉ាងណាញត្តិរបស់ក្រុម លោក ស្រី ចំរើន មិនមានអ្នកតំណាងរាស្ត្ររូបណា មកទទួលយកទេ ព្រោះជាថ្ងៃឈប់សំរាក។ ហើយញត្តិនោះ ត្រូវផ្ញើរទុកនៅកន្លែងទទួលពាក្យបណ្តឹងរបស់រដ្ឋសភា៕
លោក ស្រី ចំរើន ចេញវីដេអូច្រានចោលព័ត៌មានថា លោកមានការបែកបាក់គ្នា ជាមួយក្រុម ធី សុវណ្ណថា(ភ្នំពេញ)៖ លោក ស្រី ចំរើន ដែលគេស្គាល់ថាជាប្រធានក្រុមនិស្សិតប្រឆាំងនឹង លោក កឹម សុខា នៅពេលនេះ បានបញ្ចេញវិដេអូមួយ ដោយច្រាលចោលព័ត៌មាននានាដែលថា លោកមានការបែកបាក់ នៅក្នុងក្រុមជាមួយកញ្ញា ធី សុវណ្ណថា ប្រធានអង្គការយុវជន ដើម្បីសង្គម។
ការចេញមុខបដិសេធព័ត៌មាននេះ បានធ្វើឡើងបន្ទាប់ពីមានបណ្តាញសង្គម Facebook និងប្រព័ន្ធផ្សព្វផ្សាយមួយចំនួន បាននិយាយថា លោក និង លោក ផែ សុវណ្ណរិទ្ធ បានបែកបាក់នៅក្នុងក្រុមជាមួយកញ្ញា ធី សុវណ្ណថា ហើយវាយប្រហារ គ្នាទៅវិញទៅមក។ ខាងក្រោមនេះជាវីដេអូរបស់ លោក ស្រី ចំរើន ចេញមកបំភ្លឺ៖
August 1, 2016 ក្រសួងការងារព្រមាន ស្រី ចំរើន និង ធី សុវណ្ណថាភ្នំពេញ៖(ខ្មែរថាមស៍)មន្ត្រីក្រសួងការងារនិងបណ្ដុះបណ្ដាលវិជ្ជាជីវៈបានព្រមានទៅលើបុគ្គលពីររូបដែលបានធ្វើសកម្មភាពសហជីពដោយតាំងខ្លួនជាតំណាងសហជីពនិងកម្មករកាលពីសបា្តហ៍មុននេះដោយតម្រូវឲ្យពួកគេបញ្ឈប់នូវការប្រព្រឹត្តិរបស់ពួកគេដូចនេះទៀត បើមិនដូច្នេះទេ ក្រសួងនឹងចាត់វិធានការទៅតាមច្បាប់បន្តទៀត។លោក កុយ ទេពដារាវុធប្រធាននាយកដ្ឋានវិវាទការងារ នៃក្រសួងការងារនិងបណ្ដុះបណ្ដាលវិជ្ជាជីវៈ បានចេញសេចក្តីព្រមានមួយដាក់ទៅលោក ស្រី ចំរើន និងកញ្ញា ធី សុវណ្ណថា កាលពីថ្ងៃទី២៩ ខែកក្កដា ស្ដីពីការធ្វើសកម្មភាពសហជីពដោយមិនមានការអនុញ្ញាតតាមច្បាប់ស្តីពីសហជីព។
លោកបានលើកឡើងថា៖ «យើងសូមព្រមានលោក ស្រី ចំរើន និងកញ្ញា ធី សុវណ្ណថា ថា យោងតាមច្បាប់ស្តីពីសហជីព បុគ្គលដែលធ្វើសកម្មភាពសហជីព ឬសមាគមនិយោជកដោយមិនបានចុះបញ្ជី និងធ្វើសកម្មភាពក្រៅដែនអនុវត្តតាមទីតាំងភូមិសាស្ត្រ ឬតាមវិជ្ជាជីវៈ ឬតាមវិស័យដែលបានកំណត់ក្នុងលក្ខន្តិកៈរបស់ខ្លួន នឹងត្រូវរងវិធានការរដ្ឋបាល និងពិន័យអន្តរការណ៍»។
លោក កុយ ទេពដារាវុធ បានបញ្ជាក់បន្ថែមថា លោកព្រមានចំពោះលោក ស្រី ចំរើន និង កញ្ញា ធី សុវណ្ណថា ថា ត្រូវបញ្ឈប់រាល់សកម្មភាពសហជីពដោយមិនបានចុះបញ្ជីជាបន្ទាន់។
លោកថា៖ «ក្នុងករណីនៅតែបន្តសកម្មភាពទៀត យើងនឹងអាចចាត់វិធានការដំណាក់កាលទី២ អនុលោមតាមច្បាប់ស្ដីពីសហជីព»។
គួររំឮកថា នៅសបា្តហ៍មុននេះ សហជីពសេរីកម្មករនៃព្រះរាជាណាចក្រកម្ពុជា បានដាក់លិខិតមួយទៅក្រសួងការងារ ទាមទារឲ្យមានការពិនិត្យនិងចាត់វិធានការតាមផ្លូវច្បាប់ចំពោះទង្វើរបស់លោក ស្រី ចំរើន ដែលធ្លាប់បានប្រកាសថា ជាតំណាងនិស្សិត និងកញ្ញា ធី សុវណ្ណថា ដែលជាអតីតសកម្មជនគណបក្សសង្គ្រោះជាតិ ដែលពួកគេទាំងពីរបានប្រព្រឹត្តិខុសនឹងច្បាប់សហជីពដោយអះអាងថា ជាតំណាងសហជីព។
ទាក់ទងនឹងករណីនេះ លោក ម៉ាន់ សេងហាក់ អនុប្រធានសហជីពសេរីកម្មករ បានប្រាប់កាសែត ខ្មែរថាមស៍ នៅថ្ងៃអាទិត្យ ម្សិលមិញថា លោកមិនទាន់បានទទួលលិខិតជាផ្លូវការពីក្រសួងការងារ នៅឡើយទេ ប៉ុន្តែលោកបានឃើញលិខិតរបស់ក្រសួងតាមការបង្ហោះក្នុងបណ្ដាញសង្គមតែប៉ុណ្ណោះ។
លោក ម៉ាន់ សេងហាក់ បានថ្លែងថា៖ «ខ្ញុំយល់ថា ការព្រមាននេះជាសារមួយសម្រាប់សហជីព ក៏ដូចជាសមាគមផ្សេងៗដែលធ្លាប់ដើរអុកឡុកកន្លងមកឲ្យមានការប្រុងប្រយ័ត្ន។ បើនិយាយពីផ្លូវច្បាប់ ការព្រមាននេះ ជាការព្រមានលើកទី១ ប៉ុន្តែសម្រាប់ខ្ញុំផ្ទាល់ ខ្ញុំចង់ឲ្យក្រសួងមានវិធានការតឹងរ៉ឹងជាងនេះតទៅទៀត ដោយសារកាលណាមានវិធានការតឹងរ៉ឹង បានន័យថា យើងបានគោរពច្បាប់សហជីពដែលបានចូលជាធរមាន»។
បើទោះបីជាការឆ្លើយតបរបស់ក្រសួងការងារ មិនទាន់បានធ្វើឲ្យលោក ម៉ាន់ សេងហាក់ មានការពេញចិត្តគ្រប់គ្រាន់ក៏ដោយ ប៉ុន្តែលោកក៏អាចទទួលយកបានដែរ ដោយបានព្រមានលើសកម្មភាពពួកគេ។
លោក ស្រី ចំរើននិងកញ្ញា ធី សុវណ្ណថាមិនអាចទាក់ទងសុំការបំភ្លឺបន្ថែមបានទេកាលពីថ្ងៃអាទិត្យម្សិលមិញនេះ ប៉ុន្តែកញ្ញារូបនេះបានបង្ហោះនៅលើបណ្ដាញសង្គមរបស់ខ្លួនថានាងមិនទាន់ទទួលយកការព្រមានពីក្រសួងការងារ ទេ។
កញ្ញា ធី សុវណ្ណថា បានសរសេរនៅលើទំព័របណ្ដាញសង្គមថា៖ «ខ្ញុំ និងក្រុមអ្នកច្បាប់របស់ខ្ញុំកំពុងធ្វើកិច្ចការនេះ បើច្បាប់បញ្ជាក់ថា ខ្ញុំមិនខុស ខ្ញុំនឹងតវ៉ាចំពោះក្រសួងការងារ។ ខ្ញុំមិនកំសាកដូចលោក សម រង្ស៉ី និងលោក កឹម សុខា ទេ»។
គួរបញ្ជាក់ដែរថា ការផ្តើមឲ្យមានការទាមទារចាត់វិធានលើសកម្មភាពរបស់លោក ស្រី ចំរើន និងកញ្ញា ធី សុវណ្ណថា នេះ បន្ទាប់ពីអ្នកទាំងពីរបានតាំងខ្លួនជាតំណាងសហជីព កម្មករ-កម្មការិនី និងយុវជនចំនួន១៥០នាក់បានប្រមូលផ្តុំគ្នានៅខាងមុខរដ្ឋសភា កាលពីថ្ងៃអាទិត្យ ទី២៤ ខែកក្កដា កន្លងមកនេះដើម្បីដាក់ញត្តិស្នើសុំឲ្យប្រធានរដ្ឋសភា លោក ហេង សំរិន ជួយអន្តរាគមន៍ទៅកាន់សហភាពអឺរ៉ុប កុំបិទទីផ្សារនាំចូលពីប្រទេសកម្ពុជា និងចាត់វិធានការចំពោះលោក សម រង្ស៉ី ប្រសិនបើសហភាពអឺរ៉ុប បិទទីផ្សារនាំចូលពីប្រទេសកម្ពុជា តាមសំណើរបស់លោក សម រង្ស៉ី នេះ។
មន្ត្រីក្រសួងការងារ បានពន្យល់ថា វិធានការរដ្ឋបាលដែលមានក្នុងច្បាប់ស្ដីពីសហជីព គឺទី១ ធ្វើការក្រើនរំឭកទៅដល់បុគ្គលដែលធ្វើសកម្មភាពអ្វីមួយ និងទី២ ក្រសួង អាចឈានទៅដល់ការពិន័យអន្តរការណ៍ ក្នុងករណីដែលក្រើនរំឭកហើយ គាត់នៅតែធ្វើសកម្មភាពខុសច្បាប់ដដែល៕
17 August 2016 លោក ស្រី ចំរើន សុំសិទ្ធិជាមុនដើម្បីប្រឆាំងវត្តមានលោក ហុង លីម ភ្នំពេញៈ លោក ស្រី ចំរើន ដែលថាខ្លួនជាតំណាងយុវជន និងនិស្សិតមួយចំនួននោះកាលពីថ្ងៃពុធសប្តាហ៍មុនបានដាក់លិខិតមួយច្បាប់ទៅកាន់សាលារាជធានីភ្នំពេញជាការសុំការអនុញ្ញាតជាមុនដើម្បីជួបជុំគ្នាតវ៉ាប្រឆាំងនឹងវត្តមានអ្នកនយោបាយខ្មែរសញ្ជាតិអូស្ត្រាលីលោក ហុង លីម ដែលបានហៅរបបដឹកនាំកម្ពុជាបច្ចុប្បន្នថាជារបបតិរច្ឆានខណៈដែលលោកទទួលដំណឹងថាគាត់នឹងមកកម្ពុជា។
លោក ស្រី ចំរើន ប្រាប់ភ្នំពេញប៉ុស្តិ៍តាមទូរស័ព្ទកាលពីម្សិលមិញថាលោកបានឮដំណឹងថាលោក ហុង លីម មានបំណងមកកម្ពុជានៅពេលខាងមុខតែលោកថាមិនទាន់ដឹងពេលវេលាច្បាស់លាស់នៅឡើយទេ។
លោកបន្តថាគោលបំណងនៃការជួបជុំគឺដើម្បីតវ៉ាមិនឲ្យលោក ហុង លីម មានវត្តមាននៅលើទឹកដីកម្ពុជាដោយលោកថាពួកលោកជាយុវជនមិនអាចទទួលយកបានទេនូវសម្តីរបស់លោក ហុង លីម ដែលបានចោទថារបបសព្វថ្ងៃជារបប «តិរច្ឆាន»។
លោកបន្ថែមថា៖ «គាត់ (ហុង លីម) គ្រោងមកកាន់កម្ពុជាដូច្នេះទើបខ្ញុំជួបជុំបងប្អូននិស្សិតយុវជនមួយចំនួនដែលបានយល់អំពីបញ្ហាដែលគាត់បានចោទប្រកាន់មកលើរបបកម្ពុជាថាជារបបតិរច្ឆាន ពួកខ្ញុំអត់អាចទទួលយកបាននូវការលើកឡើងរបស់គាត់ហ្នឹងទេ»។
បើតាមលោក ស្រី ចំរើន ការជួបជុំនេះមានអ្នកចូលរួមចំនួន ១០០ នាក់ និងគ្រោងធ្វើឡើងនៅមុខអាកាសយានដ្ឋានអន្តរជាតិភ្នំពេញ។
ទោះយ៉ាងណា លោកមិនទាន់ដឹងថាការជួបជុំនេះអាចធ្វើឡើងនៅពេលណាឡើយដោយសារមិនដឹងថាលោក ហុង លីម មកដល់កម្ពុជានៅថ្ងៃណា។ លោកបន្តថាការដាក់លិខិតទៅសាលាក្រុងគឺជាការជូនដំណឹងទុកជាមុនតែលោកថាសាលាក្រុងក៏មិនទាន់ផ្តល់ដំណឹងថាយល់ព្រមឲ្យមានការជួបជុំឬយ៉ាងណាដែរ។
អ្នកនាំពាក្យសាលារាជធានីភ្នំពេញលោក មាន ចាន់យ៉ាដា បានថ្លែងថាសាលារាជធានីបានទទួលលិខិតរបស់លោក ស្រី ចំរើន ហើយតែលោកថាសាលារាជធានីនៅមិនទាន់សម្រេចយ៉ាងណានៅឡើយទេ។ លោកបន្ថែមថា៖ «យើងមិនទាន់ឆ្លើយយ៉ាងណានោះទេ...យើងនឹងហៅគាត់ពិភាក្សានៅពេលណាមួយដែលគាត់មានកាលបរិច្ឆេទច្បាស់លាស់»។
ប្រធានអង្គការវេទិកាអនាគតលោក អ៊ូ វីរៈ លើកឡើងថាការតវ៉ារបស់លោក ស្រី ចំរើន នេះគឺជាការប្រើប្រាស់សិទ្ធិរបស់ខ្លួនក្នុងការធ្វើបាតុកម្ម ឬតវ៉ាដែលលោកថាជារឿងត្រឹមត្រូវ។
ទោះយ៉ាងណាលោកថាការទាមទារណាមួយពីលោក ស្រី ចំរើន គួរតែធ្វើសម្រាប់មនុស្សគ្រប់គ្នាដោយមិនប្រកាន់និន្នាការ។
លោកបន្ថែមថា៖ «ខ្ញុំតាំងពីដើមមកអ្នកបាតុកម្មគាំទ្ររដ្ឋាភិបាលក៏ខ្ញុំស្វាគមន៍ដែរប៉ុន្តែកុំតែលម្អៀងទៅបានហើយឲ្យតែការពារសិទ្ធិគ្រប់ៗគ្នាទៅអ្នកណាចង់សម្តែងមតិអ្វីក៏សម្តែងទៅ...បើការអនុវត្តសិទ្ធិបែបហ្នឹងវាយូរទៅជារឿងមួយល្អ និងត្រឹមត្រូវ...ខ្ញុំមើលទៅយើងស៊ាំទៅនឹងដំណើរការលទ្ធិប្រជាធិបតេយ្យទៅវាជារឿងល្អ»។
គួររំឭកថាកាលពីថ្ងៃទី ៤ ខែសីហា ឆ្នាំ ២០១៦ លោក ហុង លីម សមាជិកសភារដ្ឋ វិកតូរីយ៉ា ប្រទេសអូស្រ្តាលីបានលើកឡើងថារបបដឹកនាំនៅកម្ពុជាជារបប «តិរច្ឆាន» ពេលលោកផ្តល់បទសម្ភាសន៍ជាមួយវិទ្យុអាស៊ីសេរី។ ក្រោយការលើកឡើងនេះមន្ត្រីរដ្ឋាភិបាល និងស្ថាប័នរដ្ឋមួយចំនួនទៀតបានថ្កោលទោសលោក ហុង លីម។
ដោយឡែកក្រសួងការបរទេសកម្ពុជាកាលពីថ្ងៃទី ១០ ខែសីហាបានចាត់ទុកលោក ហុង លីម ថាជា «ជនមិនត្រូវបានស្វាគមន៍» សម្រាប់ប្រទេសកម្ពុជា៕
ថ្ងៃទី ១៨ ខែ មីនា ឆ្នាំ ២០១៦
លោក ស្រី ចំរើន ទៅដល់ ACUហើយ ដើម្បីប្តឹងលោក កឹម សុខា រាជធានីភ្នំពេញ ៖ ដូចតាមការគ្រោងទុក លោកស្រី ចំរើន ដែលអះអាងថាជាតំណាងយុវជននិងនិស្សិតមួយចំនួនបានយកពាក្យបណ្តឹងទៅដាក់នៅអង្គភាពប្រឆាំងអំពើពុករលួយហើយនៅវេលាម៉ោង២និង៥៥នាទីរសៀលថ្ងៃទី១៨ មីនា ២០១៦ ដើម្បីប្តឹងលោក កឹម សុខា ថាបានប្រព្រឹត្តអំពើពុករលួយ ទិញផ្ទះ ទិញដី ជាច្រើនកន្លែងឲ្យស្រីស្នេហ៍៕
ក្រុមលោក ស្រី ចំរើន ប៉ះពាក្យសម្តីគ្នាជាមួយអ្នកគាំទ្របក្សសង្គ្រោះជាតិ
ក្រុមយុវជនដឹកនាំដោយលោក ស្រី ចំរើន និងប្រជាពលរដ្ឋគាំទ្រគណបក្ស សង្គ្រោះ ជាតិនៅរសៀលថ្ងៃសុក្រនេះ បានប៉ះទង្កិចពាក្យសម្តីគ្នានៅមុខស្នាក់ការគណបក្ស សង្គ្រោះ ជាតិនៅចាក់អង្រែលើ ខណៈដែលក្រុមលោក ស្រីចំ រើន ព្យាយាមដាក់ញត្តិឲ្យគណបក្សនេះបកស្រាយរឿងបណ្តឹងដែលគណបក្សគ្រោងប្តឹងក្រុមរបស់លោក។
គណបក្សសង្រ្គោះជាតិ កាលពីថ្ងៃទី២៩ ខែមីនា ឆ្នាំ២០១៦ បានប្រកាសថាខ្លួនកំពុងរៀបចំសំណុំឯកសារប្តឹងក្រុម យុវជនដែលដឹកនាំដោយលោក ស្រី ចំរឿន ទៅតុលាការ ទាក់ទងនឹងការយកមួក អាវនិងទង់ ដែលមានសញ្ញាសម្គាល់របស់គណបក្ស មកធ្វើការ ហែក្បួនដែលគណបក្សនេះថាជាទង្វើអនាធិបតេយ្យនិងរំលោភលើកម្មសិទ្ធបញ្ញា។
នៅរសៀលថ្ងៃសុក្រនេះ ក្រុមយុវជនដែលដឹកនាំដោយលោក ស្រី ចំរើន បាននាំគ្នាយកញត្តិរបស់ពួកគេទៅដាក់នៅស្នាក់ការគណបក្សសង្គ្រោះជាតិ ដោយថាដើម្បីឲ្យគណបក្សនេះបកស្រាយរឿងបណ្តឹងដែលគណបក្សសង្គ្រោះជាតិគ្រោងប្តឹងពួកគេនោះ។ បើតាមលោកស្រី ចំរើន ក្រុមរបស់លោកមានគ្នាប្រហែលជា៥០នាក់ ដោយថាបានស្ម័គ្រចិត្តចូលរួមដាក់ញ្ញត្តិនេះ។
ទោះយ៉ាងណា គ្មានតំណាងភាគីគណបក្សសង្គ្រោះជាតិណាម្នាក់ចេញមកទទួលញត្តិនេះនោះទេ ដោយសន្តិសុខដែលកំពុងរារាំងក្រុមយុវជនលោក ស្រី ចំរើន មិនឲ្យចូលបរិវេណស្នាក់ការគណបក្សនោះអះអាងថាគ្មានបុគ្គលិក ឬ មន្ត្រីជាន់ខ្ពស់នៅក្នុងស្នាក់ការបក្ស។ ទោះជាមិនមានអ្នកចេញមកទទួលញត្តិក៏ដោយ ក៏ពួកគេនៅតែបន្តស្រែកតាមឧបករណ៍បំពងសំឡេងឲ្យមន្ត្រីគណបក្សនេះចេញមកទទួលញត្តិ និងបានហៅមន្ត្រីគណបក្សសង្គ្រោះជាតិថាជាជន “កំសាក”។
មិនត្រឹមតែសន្តិសុខរបស់គណបក្សសង្គ្រោះជាតិប៉ុណ្ណោះទេដែលបានររាំងក្រុមយុវជននោះមិនឲ្យចូលបរិវេណគណបក្សសង្គ្រោះជាតិ ក៏មានដែរប្រជាពលរដ្ឋដែលគាំទ្រគណបក្សនេះបានចូលរួមរារាំងដូចគ្នា ព្រមទាំងបានប៉ះទង្កិចពាក្រសម្តីខ្លះជាមួយក្រុមយុវជនដែលដឹកនាំដោយលោកស្រី ចំរើន ផងដែរ។ក្រុមប្រជាពលរដ្ឋដែលគាំទ្រគណបក្សសង្គ្រោះជាតិ បានហៅយុវជនទាំងនោះថា ជានិស្សិត “ភ្លីភ្លឺ រៀនបំផ្លាញតែលុយឪពុកម្តាយ” និងធ្វើឲ្យខូចឈ្មោះដល់និស្សិតដទៃ។ ទោះយ៉ាងណា ក្រុមយុវជនដែលអះអាងថាខ្លួនជានិស្សិតនោះបានស្រែឲ្យប្រជាពលរដ្ឋទាំងនោះឲ្យនិយាយឲ្យបានសមរម្យ។
គួរបញ្ជាក់ថា ក្រុមយុវជនដឹកនាំដោយលោកស្រី ចំរើន នេះបានដាក់ញត្តិជាបន្តបន្ទាប់ទៅកាន់រដ្ឋសភា អង្គភាពប្រឆាំងអំពើពុករលួយ អង្គការសហប្រជាជាតិទទួលបន្ទុកសិទ្ធិមនុស្ស និងស្នាក់គណបក្សសង្គ្រោះជាតិជាដើមនោះ ដើម្បីឲ្យលោក កឹម សុខា បកស្រាយរឿងខ្សែអាត់សំឡេង ដែលក្រុមយុវជនទាំងនេះសង្ស័យថា ជាសំឡេងសាសងស្នេហារបស់លោក កឹម សុខា និងស្រីស្នេហ៍៕
No comments:
Post a Comment