ជនជាតិ វៀតណាម នៅកម្ពុជា

ឯកសារសំខាន់ៗមានដូចជា៖

1. ភូមិវិទ្យា ជនជាតិនៅកម្ពុជា
2. ភូមិសាស្រ្ត នយោបាយ វៀតណាម
3. ជនជាតិ វៀតណាម នៅកម្ពុជា
4. មហា អាណាចក្រ ចម្ប៉ា / ចាម
5. ចាម ព្រះពុទ្ធសាសនា
6. ហ្គាហ្វារ ពាងម៉េត អគ្គរដ្ឋទូតខ្មែរប្រចាំ UN ឆ្នាំ ១៩៧០
7. ចលនា កុក ស Ksor Kok
8.  ចលនាយុវជន មាតាធម្មជាតិ  អាឡិច ហ្កោនសាឡេស ដាវីតសុន Alex (Alejandro) Gonzalez
9. ចលនា Degar ដេហ្គា និង ដ្រូន នៅ រតនគីរី មណ្ឌលគីរី ស្ទឹងត្រែង ក្រចេះ
10. ចាម គ្រឹស្តិសាសនា (ចលានាបះបោនៅ ដាឡាត់ Đắk Lắk )
11. ចាម ហិណ្ឌូ សាសនា

ជនជាតិ វៀតណាម នៅកម្ពុជា Oversea Vietnamese in Cambodia. ជាធម្មតាមុនការវិភាគ ខ្ញុំតែងតែធ្វើតាមបែបវិទ្យាសាស្រ្ត  គឺអានទស្សនៈ ស្នាដៃរបសគេមុនៗឲ្យបានច្រើនតាមអាចធ្វើទៅបាន បន្ទាប់បានខ្ញុំប្រើចំនេះដឹងផ្នែក វិភាគពត៍មានស៊ីវិល ពត៍មានចារកម្ម Cross Check information and or intelligence analysis ដើម្បីច្បាស់ថា ខ្លួនឯងវិភាគមាន logic ដែរឬអត់?។ ជាដំបូងសូមអានទស្សន យោបល់ ការរិះគន់ និងការគាំទ្រ។ ខ្មែរថា មានវៀតណាម ៤,៥ លាននាក់ ចំណែកវៀតណាមថា ជនជាតិគេមានជាង ៦០ ម៉ឺននាក់ ខាងរដ្ឋាភិបាលថា មានជាង  ១០ ម៉ឺន ព្រោះក្នុងនោះមាន ខ្មែរក្រោមដែរ មិនមែនសុទ្ធតែវៀតណាមសុទ្ធទេ !! នេះជាភាពខុសគ្នារវាង រាជការ និង បក្សប្រឆាំង រវាងអ្នកស្រលាញ់ជាតិ និង ក្បត់ជាតិ...

ទស្សនៈ លទ្ធផលសិក្សាស្រាវជ្រាវ

1. គេប៉ាន់ស្មានថា មានជនជាតិវៀតណាមសុទ្ធ ចន្លោះ ៤០០,០០០ ទៅ ៧០០,០០០នាក់ ដែល ៩០ % គ្មានលិខិតបញ្ជាក់កំណើត។ There are an estimated 400,000-700,000 ethnic Vietnamese in Cambodia. Around 90 per cent of ethnic Vietnamese do not have birth certificates and/or identity cards.
2. ជនជាតិ ខ្មែរ កាត់ វៀតណាម មានចន្លោះ ១៤,០០០នាក់ ទៅ ១៦,០០០ នាក់​។
3. ប្រជាជនខ្មែរក្រោម កំពុងរស់នៅ ក្នុងប្រទេសកម្ពុជា ១,២០០,០០០នាក់ (ឆ្នាំ ១៩៩៩)
4. ប្រជាជនខ្មែរក្រោម កំពុងរស់នៅ ក្នុង ប្រទេស វៀតណាម ១០,០០០,០០០នាក់ (ឆ្នាំ ១៩៩៩)
5. ប្រជាជនខ្មែរក្រោម កំពុងរស់នៅប្រទេស វៀតណាម មានតែ ១,៤០០,០០០នាក់ (ឆ្នាំ ២០០៩)។
6. 
   ប្រជាជនខ្មែរក្រោម កំពុងរស់​នៅ ក្នុងប្រទេសអាមេរិកាំង ៣០,០០០នាក់ (ឆ្នាំ ១៩៩៩)
7. ពត៍មាននយោបាយតាម facebook លែងមានហើយ ដោយគេ " អ្នកដឹកនាំរឿង" គេកំណត់​ថា ត្រូវនិយាយរឿងដី ៤០ ហិចតា រឿងព្រំដែន រឿង EBA ដើម្បីឲ្យអ្នកគាំទ្រ អ្នកទស្សនា ផ្ចង់អារម្មណ៍ ចំណែករឿង ជំលោះ​ផ្ទៃក្នុងបក្ស គេជេរគ្នា ដៀល​គ្នា នៅ គេធ្វើនៅ Youtube វិញ ៕
8. ហាត់វិភាគរឿងសង្រ្គាមនយោបាយ៖ ភូមារ មិនចេញអត្តសញ្ញាណបណ្ណឲ្យពួក ចាម រូហិនយ៉ាទេ បើមិនព្រម ចូលសញ្ជាតិ ភូមារ។ រូហិន យ៉ា គេថា ដែនដី របស់ដូនតា គេ គេចង់បានឯករាជ្យ។ យោធា ភូមារ បណ្តេញ រួហិនយ៉ា ចេញទៅ បង់ក្លាដែស រួចហើយ រឹបអូសយកដី !! រូហិនយ៉ា ដឹងខុស ស្តាយដី ក័សុំគេចូលស្រុកវិញផង បង្កើតទ័ពច្បាំងគ្នាផង !! ភូមារ ថា ចូលបាន លុះណា ព្រមដូរ សញ្ជាតិ !!!! ឃើញខ្មែរយើងខ្លះ និយាយរឿង ស្តាយ ដី ៤០ ហិចតា របៀបថា អ្នកដឹកនាំខ្មែរលោកមិនចេះស្តាយដី ??
   
9. រឿងផុស ជា series ដែលវិភាគទេថា វៀតណាម គេឲ្យខ្មែរក្រោម មកនៅ កម្ពុជាវិញ តើខ្មែរខាតឬចំណេញ? តាម៉ុក អាពត អៀងសារី ធ្លាប់គៀងខ្មែរក្រោមមួយចំនួន មកនៅ តាមព្រំដែន សួរថា ខ្មែរខាតឬចំណេញ?..
10. ដែលវិភាគទេថា វៀតណាម គេឲ្យខ្មែរក្រោម មកនៅ កម្ពុជាវិញ តើខ្មែរខាតឬចំណេញ? តាម៉ុក អាពត អៀងសារី ធ្លាប់គៀងខ្មែរក្រោមមួយចំនួន មកនៅ តាមព្រំដែន សួរថា ខ្មែរខាតឬចំណេញ?..
11. លោក អ៉ិត សារម្យ ប្រាប់ថារឿងកាត់ដី ៤០ ហិចតាអោយជនជាតិយួន មានតែកម្លាំងសាមគ្គីរបស់កូនខ្មែរទេ ទើបដោះស្រាយបាន ប៉ុន្មានថ្ងៃកន្លងទៅនេះ លឺព័ត៌មានថារដ្ឋបាលខេត្តកំពង់ឆ្នាំង នឹងកាត់ដី ៤០ ហិចតា អោយជនអន្តោប្រវេសន៍យួន ដែលរស់នៅលើទឹក ក្នុងប្រទេសកម្ពុជា ទាំងយូរ ទាំងមិនយូររស់នៅ ។ នាព្រឹកថ្ងៃទី២៨ ខែវិច្ឆិកា លើគណនីហ្វេសប៊ុកផ្ទាល់ខ្លួន លោក អ៉ិត សារម្យ បានប្រតិកម្មចំពោះរឿងនេះថា ៖
12. "យួនមិនដែលភ្លេចគោលដៅ​... ទៅផ្តាំមកប្រាប់​ ដំណេីរទស្សនកិច្ចរបស់មេដឹកប្រទេសវៀតណាម​គ្រប់រូបមកកម្ពុជាមិនដែលភ្លេចឡេីយ​ សូមជួយមេីលប្រជាជនរបស់ខ្ញុំនៅកម្ពុជាផង​ ។ បេីមិនអោយប្រជាជនខ្ញុំ​រស់នៅលេីទឹក​ ត្រូវរកដីអោយ​ផង​ ៤០ ហិចតា កំពង់ឆ្នាំង​ ចុះចុងឃ្នៀសសៀមរាប​ .... ។ កូនខ្មែរស្រឡញ់ទឹកដី​ គួរពិចារណាឡេីងវិញ​នូវ​ឥរិយាបទប្រតិកម្មតាមរបៀបបញ្ចេញកំហឹង​ ខឹង​ស្អប់បង្កេីតជំលោះជាតិខ្លួនឯងព្រោះវាមិនដែល​បានលទ្ធផលទេ​ ។ ដដំណោះស្រាយចំបងគឺស្មារតីសាមគ្គីជាតិ!" ភ្នំពេញ, ២៨ វិច្ឆិកា ២០១៩ PO រាយការណ៍ ពលរដ្ឋែររស់ដោយវេទនា បែទៅចែកដីអោយយួន ៤០ ហិចតាពលរដ្ឋ​ពី​ខេត្ត​កោះកុង​ជាង ៣០០គ្រួសារ នាំ​គ្នា​តវ៉ា​នៅ​​ខាងមុខក្រសួងមហាផ្ទៃ រាជធានី​ភ្នំពេញ អំពី​បញ្ហា​ដីធ្លីដែលបានអូសបន្លាយជាង ១១​ ឆ្នាំ ប្រភព៖Khmer Times។
13. ខំរើអីវ៉ាន់ទៅនៅភូមិថ្មីដី ៤០ ហិចតា ទៅដល់គេប្រាប់ថាអោយតែជនជាតិ យួននៅទេ ខ្មែរហាមចូលប្រយ័ត្នខុសច្បាប់ ។
14. #មន្រ្តីនិយាយមិនពិតរឿងចំនួនតួលេខយួន!៖ លោក ស៊ុន សុវណ្ណារិទ្ធិ​ «​ប្រជា​ជន​រស់​នៅ​​លើ​ផ្ទះ​ទឹក ដែល​ត្រូវ​ទៅ​តាំង​ទីលំ​នៅ​ថ្មី​ លើ​ដី​ទំហំ ​៤០ ​ហិចតា គឺ​ធ្វើ​ឡើង​តាម​រយៈការ​ជួល​ដី​»​
15. ចាំស្ដាប់ RFI ផ្សាយពីរឿងដី ៤០ ហិចតា ឡើងស្ងួតជើងធ្មេញ អត់ឃើញផ្សាយ។ ចំណែកលោក តាន់ជាប់វិភាគតែរឿងស្រុកគេ ចង់ឲ្យលោក តាន់ វិភាគរឿងស្រុកយើង ពិសេសវិភាគរឿងយួនកំពុងរស់នៅដីខ្មែរ តើការវិត្តន៍របស់យួនអាណាមទៅថ្ងៃ មុខលើដីខ្មែរនិងទៅជាយ៉ាងណា? សូមលោក ពូ ជួយបក ស្រាយឲ្យខ្មែរបានជាគតិគិតពិចារណាផង។ តែបើរឿងអាមេបោក ៩ វិច្ឆការ និយាយពីថាផ្សាយអើយផ្សាយ សឹងតែថាអាប៉ិហ្នុងចូលជុះអាចម៍ក៏ផ្សាយឲ្យដែរ ។
16. មិនធ្វើ​ក៏ខុស​ ធ្វើ​ក៏ខុស​ សារជាតិ​មនុស្ស​ខ្លះកែមិនឡេីង នរណាក៏ស្រលាញជាតិដែរ តែយេីងត្រូវយល់ហេតុផល​ កុំចេះតែលោតតាមគេចាក់ តាមគេបកស្រាយខុសការពិត​ ។ រាជរដ្ឋាភិបាលកម្ពុជា ត្រូវការរៀបចំសណ្ដាប់ធ្នាប់និងធ្វើការអភិរក្សនៅលេីផ្ទៃបឹងទន្លេសាបឱ្យមានរបៀប​រាបរយទាំងអនាម័យនិងសោភ័ណភាព​ ។ ដូច្នេះហើយរាជរដ្ឋាភិបាលខិតខំរិះរកវិធីផ្លាស់ប្ដូរទីតាំងដើម្បីកុំឱ្យមានបាតុភាពឬក៏មានការអាក់អន់ចិត្តពីប្រជាជនដែលបានមករស់នៅតំបន់នោះតាំងពីយូរណាស់មកហើយ។ យេីងគួរដឹងថា​ ការគ្រប់គ្រងមនុស្សនៅលេីគោក​ វាមានប្រសិទ្ធភាពជាងការគ្រប់គ្រងមនុស្សនៅលេីផ្ទៃទឹក​ ។ គម្រោងអភិវឌ្ឍន៍ភូមិថ្មីនៅខេត្តកំពង់ឆ្នាំង​ របស់​រដ្ឋាភិបាល​ នេះជាការយល់ឃេីញរបស់ខ្ញុំ​តែប៉ុណ្ណុះ​ :

• ទី១-ជួយគ្រប់គ្រងបរិស្ថាន
• ទី២-គ្រប់គ្រងជនអន្តោប្រវេសន៍បានល្អ
• ទី៣-កសាងហេដ្ឋារចនាសម្ព័ន្ធស្របតាមប្រទេសជឿនលឿន
• ទី៤-បង្ហាញពីការយកចិត្តទុកដាក់របស់រដ្ឋាភិបាលលើជនអន្តោប្រវេសន៍នានា
• ទី៥-ពង្រីកទីប្រជុំជន អភិវឌ្ឍន៍ ងាយស្រួលគ្រប់គ្រងសន្តិសុខ និងគ្រប់គ្រងសភាពការណ៍

ដីសម្បទានសង្គមកិច្ច៤០ហិចតានេះ មិនមានប្លង់រឹងទេ រដ្ឋដកហូតបានគ្រប់តម្រូវការ គេរៀបចំដីសង្គមកិច្ចនេះឡើង ដើម្បីប្រមូលជនជាតិយួន-ខ្មែរ និងខ្មែរ-ឥស្លាម​ ជាង៤ពាន់គ្រួសារដែលរស់នៅគ្មានរបៀបរាបរយបែបអាណាធិបតេយ្យគ្មានអនាម័យប៉ះពាល់បរិស្ថានក្នុងបឹងទន្លេសាបឱ្យនៅម្តុំស្រួលរៀបចំ និងគ្រប់គ្រង ។

១២ ធ្នូ ឆ្នាំ ២០១៩ អភិបាលរងខេត្តកំពង់ឆ្នាំង៖ ជនអន្តោប្រវេសន៍វៀតណាមមួយចំនួន ស្ម័គ្រចិត្តត្រឡប់ទៅស្រុកវិញ ក្រោយអាជ្ញាធរផ្លាស់មកនៅលើគោក (ភ្នំពេញ)៖ ជនអន្តោប្រវេសន៍វៀតណាមជាង ២ពាន់គ្រួសារ ដែលរៀបចំឱ្យផ្លាស់ទីពីលើផ្ទៃទឹកតាមដងទន្លេសាប ក្នុងខេត្តកំពង់ឆ្នាំង មករស់នៅលើគោកវិញនោះ គ្មានការផ្តល់សញ្ជាតិ ហើយក៏គ្មានការអន្តរាគមន៍ណាមួយលើការអនុវត្តន៍របស់អាជ្ញាធរកម្ពុជាពីសំណាក់អាជ្ញាធរ ឬរដ្ឋាភិបាលវៀតណាមនោះឡើយ។ ខណៈជនអន្តោប្រវេសន៍វៀតណាមមួយចំនួន បានស្ម័គ្រចិត្តត្រឡប់ទៅប្រទេសកំណើតរបស់ខ្លួនវិញ ក្រោយពេលអាជ្ញាធររៀបចំឱ្យផ្លាស់ទីមកនៅលើគោកវិញនេះ។

ព័ត៌មានទាំងនេះត្រូវបានបញ្ជាក់ដោយអភិបាលរងខេត្តកំពង់ឆ្នាំងលោក ស៊ុន សុវណ្ណារិទ្ធ នៅក្នុងសន្និសីទព័ត៌មានដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាលកម្ពុជានៅព្រឹកថ្ងៃទី១២ ខែធ្នូ ឆ្នាំ២០១៩នេះ។

លោក ស៊ុន សុវណ្ណារិទ្ធ គឺជាបុគ្គលមួយរូបដែលបានចាត់ចែង និងធ្វើការងារបន្លាស់ទីជនអន្តោប្រវេសន៍វៀតណាម ក៏ដូចជាប្រជាពលរដ្ឋខ្មែរ និងប្រជាពលរដ្ឋខ្មែរ-ឥស្លាម ឱ្យចេញពីលំនៅឋាននៅលើជ្រាំង និងនៅលើទឹកតាមដងទន្លេសាបក្នុងក្រុងកំពង់ឆ្នាំង។ លោក ស៊ុន សុវណ្ណារិទ្ធ បានអះអាងថា ផែនការរៀបចំបន្លាស់ទីជនអន្តោប្រវេសន៍វៀតណាម ក៏ដូចជាប្រជាពលរដ្ឋខ្មែរ និងខ្មែរ-ឥស្លាមនេះ បានធ្វើឡើងតាំងពីឆ្នាំ២០១៥មកម្ល៉េះ។ ការបន្លាស់ទីនេះមានគោលបំណងសំខាន់ថែរក្សាទន្លេសាប ថែរក្សាបរិស្ថានទឹក ថែរក្សាជីវៈចម្រុះ និងធនធានធម្មជាតិ។

អភិបាលរងខេត្តរូបនេះ បានឱ្យដឹងផងដែរថា អ្នកដែលត្រូវបានរៀបចំឱ្យបន្លាស់ទីនេះមានចំនួនប្រមាណ ៤,៥៦៣គ្រួសារ។ ក្នុងនោះជនអន្តោប្រវេសន៍វៀតណាម មានចំនួន ២,៣៧៩គ្រួសារ ស្មើនឹង ១០,០៨៧នាក់ ក្រៅពីនោះជាប្រជាពលរដ្ឋខ្មែរ និងខ្មែរ-ឥស្លាម។ លោក សុវណ្ណារិទ្ធ ក៏បានគូសបញ្ជាក់ឱ្យដឹងដែរថា ការងារបន្លាស់ទីនេះ មិនមានការអន្តរាគមន៍ណាមួយពីអាជ្ញាធរ ឬរដ្ឋាភិបាលវៀតណាមនោះឡើយ ពោលកម្ពុជាបានរៀបចំចាត់ចែងទៅតាមផែនការ និងការងាររបស់ខ្លួន។

ជនអន្តោប្រវេសន៍វៀតណាម ក៏ដូចជាប្រជាពលរដ្ឋខ្មែរ និងខ្មែរ-ឥស្លាម ដែលបានមករស់នៅលើជ្រាំង និងដងទន្លេសាបនេះ ត្រូវបានអះអាងថា មករស់នៅទីនេះនៅក្នុងក្រោយឆ្នាំ១៩៧៩ បន្ទាប់ពីប្រទេសកម្ពុជាត្រូវបានរំដោះចេញពីរបបប្រល័យពូជសាសន៍ ប៉ុល ពត។ ពាក់ព័ន្ធនឹងជនអន្តោប្រវេសន៍វៀតណាម មានប្រជាពលរដ្ឋខ្មែរមួយចំនួនបានចោទសួរផងដែរ តើមានមូលហេតុអ្វីទើបអាជ្ញាធរខ្មែរមិនបញ្ជូនជនអន្តោប្រវេសន៍ទាំងនេះឱ្យទៅកាន់ប្រទេសកំណើតរបស់ពួកគេវិញ?

លោក ស៊ុន សុវណ្ណារិទ្ធ បានពន្យល់ថា បើទោះបីជនអន្តោប្រវេសន៍វៀតណាមទាំងនោះ មិនមែនជាជនជាតិខ្មែរ តែពួកគេក៏ត្រូវបានការពារដោយច្បាប់អន្តរជាតិស្តីអំពីសិទ្ធិមនុស្ស ហើយប្រទេសកម្ពុជាជាប្រទេសសមាជិករបស់អង្គការសហប្រជាតិ ក៏ត្រូវតែចូលរួមអនុវត្តន៍នូវច្បាប់នានាស្តីពីបញ្ហាសិទ្ធិមនុស្សដែលមានចែងក្នុងច្បាប់អន្តរជាតិផងដែរ។ ពោលកម្ពុជា មិនអាចចាប់បង្ខំឱ្យជាតិសាសន៍ណាមួយនៅកម្ពុជាឱ្យត្រឡប់ទៅកាន់ប្រទេសរបស់ពួកគេវិញទាំងបំពានច្បាប់អន្តរជាតិនោះឡើយ។

លោក ស៊ុន សុវណ្ណារិទ្ធ បានគូសបញ្ជាក់យ៉ាងដូច្នេះថា «សួរថាយើងបណ្តេញចេញកើតអត់? សូមជម្រាបថា ប្រទេសយើងជានីតិរដ្ឋមួយ យើងមិនអាចធ្វើអំពើឃោរឃៅដូចសម័យ ប៉ុល ពត សម័យ លន់ នល់ ទេ។ សម័យ លន់ នល់ សម័យ ប៉ុល ពត គឺសម្លាប់បាញ់ទម្លាក់ទឹកជាអំពើឃោរឃៅ។ អ៊ីចឹងរដ្ឋាភិបាលយើង ឬអាជ្ញាធរខេត្តមិនធ្វើអំពើឃោរឃៅដូចសម័យ ប៉ុល ពត នល់ នល់ បាញ់សម្លាប់អ៊ីចឹងទេ។ វាឃោរឃៅយង់ខ្នងណាស់ ហើយវារំលោភសិទ្ធិមនុស្សយ៉ាងធ្ងន់ធ្ងរ។ យើងមិនអាចធ្វើកើតទីមួយច្បាប់ជាតិ ទីពីរលិខិតតូបករណ៍អន្តរជាតិ អាហ្នឹងហើយដែលយើងត្រូវអនុវត្តន៍តាម យើងជានីតិរដ្ឋយើងត្រូវតែគោរពសិទ្ធិមនុស្ស ព្រោះយើងបានចុះអនុសញ្ញាជាមួយអង្គការអន្តរជាតិ»។

ដំណើរការនៃការបន្លាស់ទីជនអន្តោប្រវេសន៍វៀតណាម ក៏ដូចជាប្រជាពលរដ្ឋខ្មែរ និងខ្មែរ-ឥស្លាមនេះ ក៏ត្រូវបានចូលរួមតាមដាន និងអង្កេតពីលោកស្រី រ៉ូណា ស្មីត អ្នករាយការណ៍ពិសេសទទួលបន្ទុកសិទ្ធិមនុស្សនៃអង្គការសហប្រជាជាតិប្រចាំនៅកម្ពុជា និងក្រុមការងាររបស់លោកស្រីផងដែរ។ លោកស្រី រ៉ូណាស្មីត បានសង្កត់ធ្ងន់ឱ្យរដ្ឋបាលខេត្តយកចិត្តទុកដាក់រៀបចំការងារនេះឱ្យបានល្អប្រសើរ ដូចជារៀបចំហេដ្ឋារចនាសម្ព័ន្ធ, ទឹកស្អាត, ភ្លើងអគ្គិសនី, សាលារៀន, សុខាភិបាល, សន្តិសុខ និងការគោរពទំនៀមទម្លាប់ប្រពៃណីជាដើម។

បើទោះបីកម្ពុជាមិនបានបណ្តេញជនអន្តោប្រវេសន៍វៀតណាម ដែលរស់នៅលើទន្លេសាបនេះក៏ដោយ ប៉ុន្តែមានជនអន្តោប្រវេសន៍វៀតណាមមួយចំនួនដោយបារម្ភខ្លាចជួបផលលំបាកពេលផ្លាស់ទៅរស់នៅលើគោកនោះ ពួកគេបានស្ម័គ្រចិត្តត្រឡប់ទៅប្រទេសកំណើតរបស់ពួកគេវិញផងដែរ។ នេះបើតាមការបញ្ជាក់របស់លោក ស៊ុន សុវណ្ណារិទ្ធ។

ពាក់ព័ន្ធនឹងការបន្លាស់ទីដដែលនេះ ក៏មានការព្រួយបារម្ភផងដែរ ខ្លាចមានការផ្តល់សញ្ជាតិដល់ជនអន្តោប្រវេសន៍វៀតណាមទាំងនេះ ដើម្បីជាថ្នូរឱ្យពួកគេប្តូរមករស់នៅលើគោកជំនួសវិញ។ ឆ្លើយតបចម្ងល់នេះ លោកអភិបាលរងខេត្តកំពង់ឆ្នាំង បានបញ្ជាក់ថា រស់នៅលើទឹក ឬនៅលើគោកសុទ្ធតែជាទឹកដីខ្មែរ ហើយជនអន្តោប្រវេសន៍ គឺនៅតែជាជនអន្តោប្រវេសន៍គ្មានការផ្តល់សញ្ជាតិនោះឡើយ។

«សួរគាត់ទៅនៅលើគោកឱ្យសញ្ជាតិឬយ៉ាងម៉េច? អត់ទេ! នៅក្នុងទឹកក៏ដីខ្មែរ នៅលើគោកក៏ដីខ្មែរ។ អ៊ីចឹងគាត់នៅក្នុងទឹកក៏ជាអន្តោប្រវេសន៍ នៅលើគោកក៏ជាអន្តោប្រវេសន៍»។ នេះជាការបញ្ជាក់របស់លោក ស៊ុន សុវណ្ណារិទ្ធ។

លោក ស៊ុន សុវណ្ណារិទ្ធ បានបញ្ជាក់ឱ្យដឹងដែរថា បច្ចុប្បន្ន ក្នុងចំណោមផ្ទះ និងអាជីវកម្មផ្សេងៗសរុបប្រមាណ ៣,៨៥១ខ្នងផ្ទះទាំងនៅលើជ្រាំង និងលើផ្ទៃទឹកទន្លេសាបនេះ សម្រាប់ដែលផ្ទះអត់មានបែរត្រីត្រូវបានរើសទៅនៅលើគោក ១០០ភាគរយហើយ តែមិនទាន់បានទៅដល់ទីតាំងដី ៤០ហិកតាដែលអាជ្ញាធររៀបចំនៅឡើយនោះទេ។ ដោយឡែកបែរត្រីប្រមាណ ៧៥០បែរត្រី ក្នុង៦គោលដៅ មិនត្រូវបានបន្លាស់ទីនោះទេ តែអាជ្ញាធរតម្រូវឱ្យរុះជញ្ជាំង និងបន្ទប់ទឹកចេញ។

សម្រាប់ទីតាំងដី ៤០ហិកតា អាជ្ញាធរកំពុងពន្លឿនការចាក់ដី និងរៀបចំហេដ្ឋារចនាសម្ព័ន្ធនានា ដើម្បីអនុញ្ញាតឱ្យអ្នកបន្លាស់ទីចូលទៅសង់លំនៅឋានរស់នៅ។ បច្ចុប្បន្នទើបមានប្រជាពលរដ្ឋប្រមាណ ១០០ផ្ទះប៉ុណ្ណោះទៅរស់នៅលើដីនោះ៕

ជាដំបូងខ្ញុំវិភាគជូនលោកអ្នកដឹងថា ជនជាតិវៀតណាមនៅកម្ពុជា ខ្លះថាមាន ១០ ម៉ឺននាក់ ខ្លះថាមាន ៤,៥ លាននាក់ ខ្លះថាមាន ជាង ២ លាននាក់. បក្សមួយណានិយាយរិះគន់? បក្សណាគាំទ្រ? ឬ មួយប្រជាពលរដ្ខធម្មតាគ្មានបក្ស? ហេតុអ្វី បក្សប្រជាជនបណ្តេញជនជាតិវៀតណាមខុសច្បាប់ជាង ១០ ម៉ឺននាក់ចេញ? ហេុទីបក្ស សង្រ្គោះជាតិគាំទ្រ ជនជាតិវៀតណាមនៅកម្ពុជា? តើជនជាតិវៀតណាមទាំងនោះ នៅខាងសេរី ឬ កុម្មុយនីស្ត? ម៉េចបានជា ជនជាតិវៀតណាមទាំងនោះបះឆ្នោតជុន បក្សសង្រ្គោះជាតិឆ្នាំ ២០១៣? ..ហេតុអីមានតួរលេខខុសគ្នា? នេះដោយសារពួកគេមិនវិភាគតាមបែបប្រជាសាស្រ្ត demography. ខ្ញុំធ្លាប់និយាយរឿងនេះជាមួយខ្មែរ និងបរទេសជាច្រើន ពួកគេគិតថាខ្ញុំនិយាយអំពី Democracy !!!។ ក្នុងវិទ្យាសាស្រ្តប្រជាសាស្រ្ត ខ្ញុំសូមចែកជនជាតិ វៀតណាម ចូលមកកម្ពុជាជា ០៩ ក្រុមធំៗគឺ៖

1. ជនជាតិខ្មែរ-ខ្មែរ ( រៀបការ ជាមួយជនជាតិខ្មែរ)(ខ្មែរក្រោម គឺខ្មែរសុទ្ធ ១០០% លោក សឺង ង៉ុកថាញ់ ជាអតីតនាយករដ្ឋមន្រ្តីខ្មែរឆ្នាំ ១៩៤៥ ជាមេចលនាខ្មែរសេរី ជាមេដឹកនាំការដាក់គ្រាបបែកសម្លាប់ សម្តេចនរោត្តមសីហនុ គាត់មានឪពុកឈ្មោះ សឺង ណែវ អភិបាលខេត្តព្រះត្រពាំង ម្តាយឈ្មោះ ថាច់ ធីតុប។ តើគាត់អាចជាខ្មែរសុទ្ធទេ? មិនអាចទេ !!)
2. ជនជាតិខ្មែរ រៀបការ ជាមួយជនជាតិវៀតណាម (ករណី សម សារី ឪពុក សម រង្សី គឺ សម សារី មានសញ្ញាតិយួន ម្តាយ សម រង្សី មានសញ្ជាតិ យួនដែរ ឈ្មោះ អ៊ិន​ អ៊ែម) 
3. ខ្មែររៀបការ ជាមួយចិន (ករណី សម្តេច ហ៊ុន សែន, )
4. ជនជាតិវៀតណាម រៀបការ ជាមួយជនជាតិវៀតណាម
5. ជនជាតិវៀតណាម រៀបការ ជាមួយជនជាតិ ចិន
6. ចិន រៀបការជាមួយ ចិន​( ករណី កាំង ហ្គិចអៀវ ហៅ ឌុច)
7. ជនជាតិវៀតណាម រៀបការ ជាមួយជនជាតិ បារាំង
8. ជនជាតិវៀតណាម រៀបការ ជាមួយជនជាតិ អាមេរិកកាំង
9. ជនជាតិវៀតណាម រៀបការ ជាមួយជនជាតិ ចាម/ចារាយ/ស្ទៀង/ស្ទយ

ក្រុមជនទាំង ០៧ នេះចូលមកដីកម្ពុជា អាចចាប់រាប់ពីជំនាន់បារាំង ១៩០០ ឆ្នាំ ១៩៥៣ ,ឆ្នាំ ១៩៧០, ឆ្នាំ ១៩៧៥, ឆ្នាំ ១៩៧៩ កាលមានសង្រ្គាមស៊ីវិល, ឆ្នាំ ១៩៨៥ កាលមានការបោះបង្គោលព្រំដែនកម្ពុជា វៀតណាម, ឆ្នាំ ១៩៩ា៣ កាលមានវត្តមាន UNTAC , ឆ្នាំ ២០០៣ កាលមានការបោះឆ្នោត ជាមួយបក្សប្រឆាំង FUNCINPEC , កាលបោះឆ្នោតឆ្នាំ ២០១៣ ជាឆ្នាំមានការតានតឹងផ្នែកនយោបាយដែល បក្សសង្រ្គោះជាតិ សហការណ៍ជាមួយ យួនសេរី ឬ រដ្ឋាភិបាលវៀតណាម (ការភ័ន្តច្រឡំផ្នែកនយោបាយ) ដែលមានការនាំចួលវៀតណាមខ្លាំងបំផុតអាចក្នុងរង្វង់ ៦០ ម៉ឺននាក់ ដើម្បីដូរជាមួយ ការកាត់ដី ៤ខេត្តឲ្យយួន និងការដែល សម រង្សីប្រកាសផ្តល់សញ្ជាតិ យួន ដល់អ្នកដែលមានដើមកំណើតខ្មែរ។ ដូច្នេះ តាមតួរលេខខាងលើ លេខរៀងទី ១ គឺក្រុមខ្មែរក្រោម ឬខ្មែរសុទ្ធ តែពីលេខ ២ ដល់ លេខ ៩ គឺជា ចិនសុទ្ធ ចិនកាត់ខ្មែរ ចិនកាត់យួន យួនសុទ្ធ ឬ ជាយួនកាត់ !! នេះជាគ្រោះថ្នាក់ ដែល សម រង្សី និង បក្ស សង្រ្គោះជាតិ បានសាង (ជាបក្ស សាងគ្រោះជាតិ !!)។ នៅកម្ពុជាមានច្បាប់សញ្ជតិដែលចែកជា ០៣ ប្រការដើម្បីបាន សញ្ជាតិខ្មែរ​គឺ៖

1. មានសញ្ជាតិខ្មែរជាស្វ័យប្រវត្តិ កាលណាកើតនៅលើទឹកដីខ្មែរ ដែលឪពុកម្តាយគេមានភាពស្របច្បាប់
2. មានសញ្ជាតិខ្មែរ តាមការយៈបានរៀបការជាមួយ ប្តី ឬ ប្រពន្ធខ្មែរ
3. និង បានសញ្ជាតិខ្មែរ កាលណាគេសុំចូលសញ្ជាតិខ្មែរ

សូមអានខ្លឹមសារខាងក្រោម រួចវិភាគបន្ថែម ហេតុអ្វី បក្សប្រឆាំង ប្រឆាំងយួន? បន្ទាប់ហេតុអ្វី បក្សប្រឆាំង គំាទ្រផ្តល់សញ្ជាតិខ្មែរឲ្យយួន/វៀតណម? ហេតុអ្វីមានការយល់ខុសគ្នារវាងកម្ពុជា និងវៀតណាម រឿង "ខ្មែរក្រោម"?

ជនជាតិកាត់ ខ្មែរ កាត់ចិន Notable Sino Khmers

1. Kang Kek Iew - Mathematics professor and chief of Tuol Sleng Prison.
2. Nuon Chea - Khmer Rouge ideologist.
3. Pol Pot - Cambodian politician and revolutionary who served as the Prime Minister of Democratic Kampuchea from 1976 to 1979.
4. Khieu Samphan - Cambodia's head of state and was one of the most powerful officials in the Khmer Rouge movement.
5. Ta Mok - senior Khmer Rouge figure and former leader of the national army of Democratic Kampuchea.
6. Lon Nol - President of the Khmer Republic (Chinese-Khmer extract).
7. Sam Rainsy - President of Cambodian National Rescue Party
8. Sok An - Deputy Prime Minister
9. Chea Sim - Politician
10. Bun Rany - The Head of Cambodian Red Cross, First lady, and the wife of the Cambodian prime minister, Hun Sen.
11. Sinn Sisamouth - The "King of Khmer Music". He was of mixed race descent (native Cambodian, Cambodian Chinese and Laotian).
12. Cham Prasidh - The Cambodian Minister of Industry, Mines & Energy (Chinese descent). His original Chinese name is pronounced as Aik Tik Yu.
13. Tea Banh - Cambodian People's Party politician and Minister of National Defence (Thai-Chinese).
14. Hun Sen - The 34th and current Prime Minister of Cambodia, President of the Cambodian People's Party (CPP), and Member of Parliament (MP) for Kandal.
15. Eh Phuthong - Chinese Cambodian professional kickboxer and former reality TV host.

Vietnamese diaspora-Người Việt hải ngoại ជនជាតិ វៀតណាម រស់នៅក្រៅប្រទេស

Total population 4,500,000 (estimates) Regions with significant populations

1.  United States >2,200,000 (2017)
2.  Cambodia 600,000 (Khmer 97.6%, Cham 1.2%, Chinese 0.1%, Vietnamese 0.1%, other 0.9% (2013 est.)
3.  Japan 371,755 (June 2019)
4.  France >350,000 (2014)
5.  Australia >300,000 (2018)
6.  Canada >250,000 (2016)
7.  Taiwan >200,000
8.  Germany ~170,000 (2019)
9.  South Korea ~170,000 (2019)
10.  Czech Republic 83,000 (2011)

ចំនួនជនជាតិភាគតិច វៀតណាមកំពុងរស់នៅកម្ពូជា តាមតួរលេខខាង វៀតណាម

Population history ប្រវត្តិប្រជាជនវៀតណាម កាត់ខ្មែរ ( កុំច្រឡំជាមួយ វៀតណាមកាត់ខ្មែរ​និង វៀតណាមសុទ្ធ)

Year Number តាមបណ្តាឆ្នាំ

• 1874=4,452
• 1911=79,050
• 1921 =140,225
• 1931 =176,000
• 1936 =191,000
• 1962 =218,000
• 1981 =8,197
• 1984 =56,000
• 1995 =95,597
• 1998 =96,597
• 2008 =72,775
• 2013 =14,678

2008-12-27 វៀតណាម​ប្រគល់​ភាពយន្ត​ឯកសារ​ដល់​មជ្ឈមណ្ឌល​ឯកសារ​កម្ពុជា ប្រទេស​វៀតណាម​បាន​សម្រេច​ប្រគល់​ភាពយន្ត​ឯកសារ​ចំនួន ​១៦​ចំណងជើង​ ដែល​ភាគ​ច្រើន​ទាក់ទិន​ប្រវត្តិសាស្ត្រ​កម្ពុជា​នា​អំឡុង​របប​ខ្មែរ​ក្រហម​មក​ឲ្យ​មជ្ឈមណ្ឌល​ឯកសារ​កម្ពុជា។នេះ​បើ​តាម​ការថ្លែង​ឲ្យ​ដឹង​របស់​លោក ឆាំង យុ ជា​នាយក​មជ្ឈមណ្ឌល​ឯកសារ​កម្ពុជា​នៅ​ថ្ងៃ​សុក្រ ទី​២៦ ធ្នូ​នេះ ៖ «តាម​ពិត​វៀតណាម​ធ្លាប់​ឲ្យ​យើង​ច្រើន​ដង​ហើយ ហើយ​យើង​ក៏​ធ្វើការ​ជាមួយ​វៀតណាម​នេះ​ ៧​-​៨ ​ឆ្នាំ​ដែរ នៅ​ក្នុង​កម្រិត​៣ នៅ​ក្នុង​កម្រិត​រដ្ឋ ស្ថាប័ន ហើយ​និង​ជា​បុគ្គល ហើយ​មក​ទល់​ថ្ងៃ​នេះ​គឺ​ថា​វៀតណាម​បាន​ឲ្យ​ជា​ហ្វីលកុន​បន្ថែម​ទៀត»។ ឯកសារ​ភាពយន្ត​ដែល​វៀតណាម​ឲ្យ​កម្ពុជា​ទាំង​១៦​ចំណងជើង​នោះ​គឺ​ភាគ​ច្រើន​ទាក់ទិន​នឹង​ឧក្រិដ្ឋកម្ម​របស់​ខ្មែរ​ក្រហម​ដែល​រួម​មាន​សកម្មភាព​ខ្មែរ​ក្រហម​សម្លាប់​ប្រជាជន​វៀតណាម​នៅ ​ខេត្ត​តៃនិញ​នៅ​ថ្ងៃ​ទី​២៤ កញ្ញា ១៩៧៧, ភស្តុតាង​ឧក្រិដ្ឋកម្ម​របស់ ប៉ុល ពត នៅ​ខេត្ត​ព្រៃវែង និង​ស្ថានភាព​កុមារ​កម្ពុជា​នៅ​ក្នុង​របប​ខ្មែរ​ក្រហម​ជាដើម។ យោង​តាម​ឯកសារ​ប្រវត្តិសាស្ត្រ ប្រទេស​វៀតណាម​ធ្លាប់​បាន​ជាប់​ពាក់ព័ន្ធ​យ៉ាង​ជ្រាលជ្រៅ​ទៅ​នឹង​ការកកើត​នៃ​ចលនា​តស៊ូ​ខ្មែរ​ក្រហម​និង​ការដួល​រលំ​ទៅ​វិញ​នៃ​របប​វាល​ពិឃាត​ខ្មែរ​ក្រហម​ផងដែរ។

ជាមួយ​គ្នា​នេះ​គុក​ដ៏​ធំ​មួយ​របស់​ខ្មែរ​ក្រហម​គឺ​គុក​ទួលស្លែង ឬ​ហៅ​ថា មន្ទីរ​ស-២១ និង​ឯកសារ​ជា​ច្រើន​នៅ​ទី​នោះ គឺ​អ្នក​ជំនាញការ​វៀតណាម​បាន​ដើរ​តួនាទី​ដំបូង​បំផុត​ក្នុង​ការគ្រប់គ្រង​និង​រៀបចំ​ឡើង​វិញ​នៅ​ទី​នោះ។ គេ​នៅ​មិន​ទាន់​ដឹង​ច្បាស់​ថា តើ​មាន​ឯកសារ​ច្រើន​កម្រិត​ណា​ត្រូវ​បាន​វៀតណាម​ប្រមូល​យក​ចេញ​ពី​កម្ពុជា​នា​អំឡុងពេល​ដែល​វៀតណាម​ត្រួតត្រា​កម្ពុជា​រវាង​ឆ្នាំ ​១៩៧៩ ដល់​ឆ្នាំ​១៩៨៩​នោះ​នៅ​ឡើយ​ទេ។ ក៏​ប៉ុន្តែ លោក ឆាំង យុ បាន​ថ្លែង​ឲ្យ​ថា​ប៉ុន្មាន​ឆ្នាំ​ចុង​ក្រោយ​នេះ​គឺ​វៀតណាម​បាន​ប្រគល់​ឯកសារ​ឲ្យ​ជា​បន្តបន្ទាប់​មក​កម្ពុជា។ លោក ឆាំង យុ បាន​មាន​ប្រសាសន៍​ថា ៖ «ខ្ញុំ​គិត​ថា ដោយសារ​ថា​មាន​ការអំពាវនាវ​ពី​យើង​ដើម្បី​រក​ឯកសារ​ឲ្យ​កាន់តែ​ច្រើន ឲ្យ​កាន់តែ​ឥត​ខ្ចោះ ឲ្យ​កាន់តែ​មិន​អាច​មាន​ការមន្ទិល​សង្ស័យ​ហ្នឹង ខាង​វៀតណាម​ក៏​បាន​ឆ្លើយតប​ពី​ការស្នើសុំ​របស់​យើង​ចំពោះ​ភាពយន្ត​ឯកសារ។ វៀតណាម​បាន​ឲ្យ​យើង​ជា​ឯកសារ​ក្រដាស ហើយ​យើង​ធ្លាប់​បាន​ជា​រូបថត ហើយ​មាន​ជា​សម្ភាសន៍​អ្នក​ដែល​ធ្លាប់​បាន​ឆ្លង​កាត់​ឬ​ប្រឡូក​នៅ​ក្នុង​សមរភូមិ​ជាមួយ​វៀតណាម យើង​មាន​ទាំងអស់​ហ្នឹង»។ លោក ឆាំង យុ ថ្លែង​បន្ថែម​ថា ៖ «យើង​និយាយ​ពី​ប្រទេស​នៅ​ក្នុង​តំបន់​អាស៊ាន វៀតណាម​គឺ​ជា​ប្រទេស​មួយ​ក្នុង​ចំណោម​ប្រទេស​ពីរ​ដែល​ផ្ដល់​ឯកសារ ហើយ​ប្រទេស​ទី​ពីរ​ហ្នឹង​គឺ​ប្រទេស​លាវ។ ក្រៅ​ពី​ហ្នឹង​អត់​មាន​ប្រទេស​ណា​មួយ​នៅ​អាស៊ាន​នេះ​ដែល​ផ្ដល់​ឯកសារ​ឲ្យ​យើង​ទេ សូម្បី​តែ​ថៃ​ដែល នួន ជា ដែល​ធ្លាប់​បាន​សិក្សា​នៅ​ធម្មសាស​នោះ ក៏​មិន​បើក​ចំហ​ឯកសារ​ចំពោះ​យើង​ដែរ។ បើ​យើង​និយាយ​នៅ​ក្នុង​តំបន់​គឺ​មាន​តែ​វៀតណាម​ហើយ​និង​លាវ​ទេ»។ យោង​តាម​ប្រសាសន៍​របស់​លោក ឆាំង យុ ក្រៅ​ពី​ប្រទេស​វៀតណាម​និង​ប្រទេស​លាវ គឺ​មជ្ឈមណ្ឌល​ឯកសារ​កម្ពុជា​បាន​ទទួល​ឯកសារ​ស្តីអំពី​កម្ពុជា​មួយចំនួន​ទៀត​ពី​ប្រទេស​បារាំង សហរដ្ឋ​អាមេរិក កាណាដា ហុល្លង់ ស៊ុយអែត ន័រវេស ដេនម៉ាក អាហ្វ្រិក និង​ប្រទេស​អាឡឺម៉ង់​ផងដែរ៕

2013-06-19 លោក ហ៊ុន សែន៖ វៀតណាម​នៅ​កម្ពុជា​មាន​មិន​ដល់​៤,៥​លាន​នាក់ លោក​នាយករដ្ឋមន្ត្រី ហ៊ុន សែន អះ​អាង​ថា ចំនួន​ជនជាតិ​វៀតណាម រស់​នៅ​ក្នុង​ប្រទេស​កម្ពុជា មាន​ចំនួន​មិន​ដល់ ៤,៥​លាន​នាក់​ដូច​មន្ត្រី​គណបក្ស​ប្រឆាំង​ដែល​ធ្លាប់​បាន​និយាយ​នោះ​ទេ។បញ្ហា​ជន​អន្តោប្រវេសន៍​វៀណាម គឺ​ជា​ប្រធានបទ​ក្ដៅ​មួយ​ដែល​អ្នក​​នយោបាយ​ខ្មែរ​​តែង​លើក​ឡើង​​​​រាល់​​ពេល​បោះ​ឆ្នោត​ម្ដងៗ។ ចំណែក​បក្ស​ប្រឆាំង​តែង​តែ​ប្រកាស​គោលនយោបាយ​ថា ខ្លួន​នឹង​អនុវត្ត​ច្បាប់​អន្តោប្រវេសន៍​ឲ្យ​បាន​តឹងរ៉ឹង​នៅ​​ពេល​​ឈ្នះ​ឆ្នោត។

ចំនួន​ស្ថិតិ​ជនជាតិ​វៀតណាម ដែល​កំពុង​រស់​នៅ​ក្នុង​ប្រទេស​កម្ពុជា នៅ​តែ​ជា​ប្រធានបទ​ដ៏​ក្តៅ​មួយ​ដែល​អ្នក​នយោបាយ​បក្ស​ប្រឆាំង​យក​មក​ប្រើ​ដើម្បី​រិះគន់​គណបក្ស​ប្រជាជន​កម្ពុជា និង​បង្ហាញ​ពី​ទឹក​ចិត្ត​ជាតិ​និយម។ ដើម្បី​វាយ​បក​បក្ស​ប្រឆាំង​វិញ លោក​នាយករដ្ឋមន្ត្រី​នា​ថ្ងៃ​ទី​១៩ ខែ​មិថុនា ក្នុង​ពិធីសម្ពោធ​សមិទ្ធផល​មួយ​ក្នុង​ស្រុក​អង្គស្នួល ខេត្ត​កណ្ដាល បញ្ជាក់​ថា ចំនួន​ជនជាតិ​វៀតណាម រស់​នៅ​ក្នុង​ប្រទេស​កម្ពុជា មាន​ចំនួន​ប្រមាណ ១០​ម៉ឺន​នាក់​ប៉ុណ្ណោះ។

លោក ហ៊ុន សែន មាន​ប្រសាសន៍​ថា អ្នក​នយោបាយ​គណបក្ស​ប្រឆាំង និង​សង្គម​ស៊ីវិល​មួយ​ចំនួន​បាន​រិះគន់​ថា ប្រទេស​កម្ពុជា សំបូរ​ទៅ​ដោយ​ជនជាតិ​វៀតណាម រហូត​ដល់​និយាយ​ថា កម្ពុជា​មាន​ជនជាតិ​វៀតណាម ៤,៥​លាន​នាក់​កំពុង​តែ​រស់​នៅ​និង​ប្រកប​របរ​រក​ស៊ី។ លោក​ចាត់​ទុក​ថា អ្នក​ដែល​និយាយ​ថា វៀតណាម​មាន​ចំនួន​ជាង ៤​លាន​នាក់​នៅ​ក្នុង​ប្រទេស​កម្ពុជា ជា​អ្នក​ដែល​ប្រកាន់​ពូជ​សាសន៍ ហើយ​លោក​ក៏​បាន​បញ្ជា​ឲ្យ​មន្ត្រី​ក្រោម​បង្គាប់ ចម្លង​ខ្សែ​អាត់​សំឡេង​យក​ទៅ​ចែក​ជូន​គ្រប់​ស្ថានទូត​បរទេស​ទាំង​អស់​ទៀត​ផង។

លោក ហ៊ុន សែន៖ «លោក​ឯង​ស្វែង​រក​ណាស់​ចំណុច​ខ្សោយ​របស់​គណបក្ស​កាន់​អំណាច ដែល​មាន​រឿង​មិន​ពិត​ប្រឌិត​ទៅ​ជា​រឿង​ពិត ដូចជា​អាណិកជន​វៀតណាម មាន​មិន​ដល់ ១០​ម៉ឺន​នាក់​ផង គេ​ថា វៀតណាម​មាន​រហូត​ដល់​ជាង ៤​លាន​កន្លះ។ បើ​អ៊ីចឹង​មាន​ប្រហែល​ជា​នៅ​អង្គស្នួល​ហ្នឹង​មាន​មិន​តិច​ទេ បើ​ដូច្នោះ​លោក​យាយ​ជា​វៀតណាម។ គេ​ថា គ្រប់​ភូមិ​ទាំង​អស់​មាន ឃុំ​ទាំង​អស់​មាន អ៊ីចឹង​កូនៗ​សិស្ស​ទាំង​អស់ និង​លោកគ្រូ​អ្នកគ្រូ សុទ្ធតែ​យួន​ទាំង​អស់។ ខូច​ម្ល៉េះ! ៤​លាន​កន្លះ​ច្រើន​ណាស់ ស្មើ​នឹង​ប្រជាជន​ក្រោយ​រំដោះ​ឆ្នាំ​១៩៧៩»។

ឆ្លើយ​តប​នឹង​ការ​លើក​ឡើង​បែប​នេះ បេក្ខជន​តំណាងរាស្ត្រ​គណបក្ស​សង្គ្រោះ​ជាតិ លោក សុន ឆ័យ មាន​ប្រសាសន៍​ថា លោក​មិន​ទាន់​ដឹង​ថា មាន​មន្ត្រី​ណា​ម្នាក់​ក្នុង​គណបក្ស​សង្គ្រោះ​ជាតិ ដែល​និយាយ​ថា វៀតណាម​នៅ​ស្រុក​ខ្មែរ​មាន​ចំនួន​ជាង ៤​លាន់​នាក់​នោះ​ទេ ប៉ុន្តែ​លោក ហ៊ុន សែន តែង​លាប​ពណ៌​គណបក្ស​សង្គ្រោះ​ជាតិ​ជា​ហូរហែ ដូច​ជា​ការ​ដែល​ថា គណបក្ស​សង្គ្រោះ​ជាតិ ចង់​ដឹកនាំ​ប្រទេស​តាម​របៀប ប៉ុល ពត ជាដើម។

លោក​បន្ត​ថា លំហូរ​នៃ​ជនអន្តោប្រវេសន៍​វៀតណាម បាន​បង្ក​បញ្ហា​ជា​ច្រើន ដូចជា​អំពើ​អសន្តិសុខ​សង្គម បញ្ហា​រំលោភ​បំពាន​ព្រំដែន និង​ការ​ដណ្ដើម​មុខ​របរ​រក​ស៊ី​របស់​ខ្មែរ​ជាដើម។ លោក​បញ្ជាក់​ថា  គណបក្ស​ប្រជាជន​កម្ពុជា មាន​កិច្ចសន្យា​ពិសេស​ជាមួយ​ភាគី​វៀតណាម តាំង​ពី​ឆ្នាំ​១៩៧៩ ក្នុង​កិច្ច​ការពារ​ភាព​សុខសាន្ត​របស់​ប្រជាពលរដ្ឋ​វៀតណាម ដែល​មក​រស់​នៅ​ប្រទេស​កម្ពុជា។

លោក សុន ឆ័យ៖ «ដើម្បី​ធានា​នូវ​អធិបតេយ្យភាព​របស់​ខ្មែរ គណបក្ស​សង្គ្រោះ​ជាតិ ដាក់​នូវ​គោលនយោបាយ​របស់​ខ្លួន​ថា ត្រូវ​តែ​អនុវត្ត​ច្បាប់​អន្តោប្រវេសន៍​ឲ្យ​បាន​ត្រឹមត្រូវ​ទៅ​លើ​ជនអន្តោប្រវេសន៍​ខុស​ច្បាប់ មិន​ថា ជនជាតិ​វៀតណាម ជនជាតិ​ចិន ជនជាតិ​ណា​នោះ​ទេ។ ដូច្នេះ​ចង់​បញ្ជាក់​ទៅ​នាយករដ្ឋមន្ត្រី ហ៊ុន សែន វិញ​ថា ឲ្យ​លោក​អាន​នូវ​គោលនយោបាយ​គណបក្ស​សង្គ្រោះ​ជាតិ ទើប​ជា​ផ្លូវ​ការ ដែល​អាច​ឲ្យ​នាយករដ្ឋមន្ត្រី​ជ្រាប​ឲ្យ​បាន​ច្បាស់លាស់​អំពី​អ្វី​ដែល​គណបក្ស​សង្គ្រោះ​ជាតិ​ហ្នឹង និង​អនុវត្ត​នៅ​ពេល​កាន់កាប់​រាជរដ្ឋាភិបាល ហើយ​យើង​នឹង​ធ្វើ​ការ​ដោយ​គោរព​គ្នា​ទៅ​វិញ​ទៅ​មក ដើម្បី​ធានា​នូវ​សុខ​សន្តិភាព និង​ការ​រួមរស់​នៅ​ប្រកប​ដោយ​សន្តិភាព​ជាមួយ​ប្រទេស​វៀតណាម ផង​ដែរ»។

លោក​បន្ត​ថា គណបក្ស​ប្រឆាំង​មិន​មាន​គោលនយោបាយ​ប្រឆាំង​នឹង​វៀតណាម ឬ​ប្រកាន់​ពូជសាសន៍​ឡើយ។ ទោះ​យ៉ាង​ណា​ក្តី សង្គម​ស៊ីវិល​ ឲ្យ​ដឹង​ថា កាល​ពី​ឆ្នាំ​២០០៨ របាយការណ៍​ក្រសួង​មហាផ្ទៃ​បង្ហាញ​ថា ជនជាតិ​វៀតណាម មាន​ចំនួន ៩​ម៉ឺន​ នាក់។ របាយការណ៍​ឆ្នាំ​ ២០០៩ ចំនួន​ជនជាតិ​វៀតណាម រស់​លើ​ទឹក​ដី​ខ្មែរ​មាន​ចំនួន​ជាង ១០​ម៉ឺន​នាក់ និង​របាយការណ៍​ឆ្នាំ​២០១០ បញ្ជាក់​ថា ជន​ជាតិ​វៀតណាម មាន​ចំនួន​ជាង ៨​ម៉ឺន ​នាក់។ ប៉ុន្តែ​មន្ត្រី​សង្គម​ស៊ីវិល និង​មន្ត្រី​គណបក្ស​ប្រឆាំង​មិន​ទាន់​ជឿ​ស្ថិតិ​នោះ​នៅ​ឡើយ។

អ្នក​ស្រាវជ្រាវ​ឯករាជ្យ លោក កែម ឡី មាន​ប្រសាសន៍​ថា គេ​មិន​អាច​ជឿ​បាន​ថា ជនជាតិ​វៀតណាម រស់​នៅ​ទឹក​ដី​កម្ពុជា មាន​ចំនួន ១០​ម៉ឺន​នាក់ ឬ​ក៏​មាន​ចំនួន ៤,៥​លាន​នាក់​នោះ​ទេ ហើយ​ក៏​មិន​អាច​មាន​នរណា​ម្នាក់​ប៉ាន់​ស្មាន​ព្រាវៗ​ថា មាន​ជនជាតិ​វៀតណាម ចំនួន​ប៉ុន្មាន​ដែល​កំពុង​រស់​នៅ និង​រក​ស៊ី​ក្នុង​ដី​ខ្មែរ​ឡើយ។

លោក​បន្ត​ថា តួលេខ​ដែល​អាច​ឲ្យ​គេ​ជឿ​បាន ពោល​គឺ​រាជរដ្ឋាភិបាល​កម្ពុជា ចាំបាច់​ត្រូវ​តែ​រៀបចំ​ឲ្យ​មាន​ការ​សិក្សា​ស្រាវជ្រាវ​ថ្នាក់​ជាតិ​មួយ​ជា​មុន​សិន ទើប​ដោះស្រាយ​បញ្ហា​នេះ​បាន។ លោក​បញ្ជាក់​ថា ជនជាតិ​វៀតណាម ច្រើន​រស់​នៅ​តំបន់​សេដ្ឋកិច្ច ហើយ​ពួកគេ​មាន​ចំណេះ​ដឹង​បច្ចេកទេស​ច្រើន​ជាង​ជនជាតិ​ខ្មែរ និង​នាំ​ឲ្យ​ជន​ជាតិ​ខ្មែរ​ធ្វើ​ចំណាក​ស្រុក​បន្ត​ទៅ​ក្រៅ​ប្រទេស​ទៀត​ផង។

អ្នក​ជំនាញ​បញ្ហា​សង្គម​បញ្ជាក់​ថា លំហូរ​ជនជាតិ​វៀតណាម ចូល​ក្នុង​ប្រទេស​កម្ពុជា នាំ​មក​នូវ​បញ្ហា​មួយ​ចំនួន ដូចជា​កង្វះ​ការងារ​ក្នុង​ប្រទេស បញ្ហា​អសន្តិសុខ​សង្គម​ប៉ះពាល់​ដល់​វប្បធម៌ និង​ជា​ពិសេស​ប៉ះពាល់​ដល់​បញ្ហា​នយោបាយ​ទៀត​ផង។ អ្នក​ជំនាញ​រំលឹក​ថា ឧបមា​ថា​ជនជាតិ​វៀតណាម បាន​កាន់​តំណែង​ធំ​ក្នុង​ស្រុក​ខ្មែរ ឬ​អាច​បោះ​ឆ្នោត​បាន នោះ​ពួក​គេ​នឹង​មាន​លទ្ធភាព​សម្រេច​ជោគវាសនា​ប្រទេស​ខ្មែរ​ជំនួស​ជនជាតិ​ខ្មែរ​លើ​បញ្ហា​សំខាន់ៗ​មួយ​ចំនួន ​ដូចជា​បញ្ហា​ការទូត និង​បញ្ហា​ព្រំដែន។

ជនជាតិ​វៀតណាម ចាប់​ផ្ដើម​មក​រស់​នៅ​លើ​ទឹក​ដី​ខ្មែរ​តាំង​ពី​សម័យ​បុរាណ។ ស្ត្រី​វៀតណាម​ខ្លះ​ថែម​ទាំង​បាន​ចង​សម្ពន្ធមេត្រី​ជាមួយ​មេដឹកនាំ​ធំៗ​នៃ​ប្រទេស​កម្ពុជា ដែល​បាន​ធ្វើ​អោយ​មាន​ការ​បាត់បង់​ទឹក​ដី​ខ្មែរ​ផង។

ព្រឹត្តិការណ៍​លេចធ្លោ​ជាង​គេ​មួយ​ក្នុង​ប្រវត្តិសាស្ត្រ​ខ្មែរ​ទាក់ទង​នឹង​រឿង​ឲ្យ​ដី​ទៅ​សាច់​ញាតិ​ជា​ជនជាតិ​វៀតណាម​នេះ កើត​ឡើង​នៅ​ដើម​សតវត្ស​ទី​១៧ ក្នុង​រាជ​របស់​ព្រះបាទ ព្រះ​ជ័យ​ជេស្ដា​ទី​២។ ដោយ​យោគយល់​ដល់​ព្រះបិតា​ក្មេក និង​អគ្គមហេសី​អង្គ​ចូវ ព្រះអង្គ​ទ្រង់​អនុញ្ញាត​ឲ្យ​ព្រះបិតា​ក្មេក «ខ្ចី​ដី» ខេត្ត​កំពង់ក្របី ព្រៃនគរ ដើម្បី​បង្ហាត់​សេនា​ទាហាន​វៀតណាម។ ការ​ខ្ចី​ដី​ធ្វើ​ជា​មូលដ្ឋាន​បង្ហាត់​ទ័ព​នេះ មាន​រយៈពេល ៥​ឆ្នាំ គ្រប់ ៥​ឆ្នាំ​ថា​នឹង​សង​ថ្វាយ​វិញ។ ចាប់​តាំង​ពី​ពេល​នោះ​មក ជនជាតិ​វៀតណាម បាន​ដឹក​កូន​ជញ្ជូន​ចៅ​បបួល​គ្នា​មក​នៅ​ក្នុង​ទឹក​ដី​ខ្មែរ​កាន់​តែ​ច្រើន​ឡើងៗ រហូត​ដល់​សម័យ​សាធារណរដ្ឋ​ខ្មែរ លោក លន់ នល់ បាន​បោស​សំអាត​ជនជាតិ​វៀតណាម ម្ដង​ដែរ។

លុះ​ដល់​របប ប៉ុល ពត ដែល​ចាត់​ទុក​វៀតណាម ជា​សត្រូវ​របស់​ខ្មែរ បាន​ដាក់​ចេញ​យុទ្ធសាស្ត្រ​កម្ទេច​ជនជាតិ​វៀតណាម ស្ទើរ​អស់​គ្មាន​សល់។ លុះ​ដល់​ថ្ងៃ​៧ ខែ​មករា ឆ្នាំ​១៩៧៩ ជា​ពេល​ដែល​វៀតណាម គាំទ្រ​កងទ័ព​គណបក្ស​ចូល​រំដោះ​ទឹក​ដី​ខ្មែរ​ពី​កណ្ដាប់​ដៃ ប៉ុល ពត វៀតណាម​ក៏​បាន​ដាក់​ប្រជាជន​មក​រស់​នៅ​ក្នុង​ទឹក​ដី​ខ្មែរ​ជា​ថ្មី​ម្ដង​ទៀត។ មិន​តែ​ប៉ុណ្ណោះ វៀតណាម​ក៏​បាន​ដាក់​ពង្រាយ​ជំនាញការ​ឲ្យ​ធ្វើ​ការ​ទូទាំង​ប្រទេស​ទៀត​ផង៕

January 15, 2018 ជនអន្តោប្រវេសន៍វៀតណាម{ខុសច្បាប់} នៅកម្ពុជា កើនឡើង ៤,២ លាននាក់ មកទល់​ឆ្នាំ​ ២០០៥ ឯកសារលោក K.L. Bindra ជាអតីតមន្រ្តីជាន់ខ្ពស់ ស្ថានបេសកកម្មអង់គ្លេសប្រចាំកម្ពុជា បានសរសេរឯកសារ មានចំណងជើងថា «វៀតណាមជាតិតូបនីយកម្ម នៅកម្ពុជា» ទៅកាន់កាសែត ឌីខេមបូឌា​ដេលី (The Cambodia Daily) ថ្ងៃទី១២ កញ្ញា ២០០៥ កន្លងទៅ។  អត្ថបទមាន ៣ ទំព័រជាភាសា​អង់គ្លេស បានអធិប្បាយ​លំអិត ទៅលើការហូរចូល ជនអន្តោប្រវេសន៍​វៀតណាម {ខុសច្បាប់} មកកម្ពុជា តាំងពីអំឡុងឆ្នាំ ១៩៧០ មកដល់ឆ្នាំ ២០០៥។ (សូមអានអត្ថបទាំងស្រុង)។

ខាងក្រោមនេះ​ យើងសូមដកស្រង់សង្ខេបខ្លឹមសារខ្លីសំខាន់ៗដូចតទៅ៖

• ០% (សូន្យភាគរយ) នៃជនជាតិវៀតណាម នៅកម្ពុជា ពីដើមឆ្នាំ ១៩៧៩ ក្នុងពេលកងទ័ព​វៀតណាម ចូលឈ្លានពានកាន់កាប់កម្ពុជាដំបូង ជាមួយក្រុមអតីតខ្មែរក្រហមលោក ប៉ែន សុវណ្ណ, លោក ហេង សំរិន, លោក ជា ស៊ីម និងលោក ហ៊ុន សែន ហើយក្រោយបន្ទាប់មក វៀតណាម បានលើកបន្តុបពួកគេ ឡើងកាន់អំណាច។
• កំណើន ១៧,៥% នៃជនជាតិវៀតណាម{ខុសច្បាប់} នៅកម្ពុជា មកដល់ចុងឆ្នាំ ១៩៨៧ ដែលស្មើនឹង ១,៤ លាននាក់ (១ លាន ៤ សែននាក់)។
• កំណើន ២៣% នៃជនជាតិវៀតណាម{ខុសច្បាប់} នៅកម្ពុជា មកដល់ឆ្នាំ ១៩៩៥ ស្មើនឹងប្រមាណ ២,៤ លាននាក់ (២ លាន ៤ សែននាក់)។
• កំណើន ៣៣% នៃជនជាតិវៀតណាម{ខុសច្បាប់} នៅកម្ពុជា មកដល់ឆ្នាំ ២០០៥ ស្មើនឹងជាង ៤,២ លាននាក់ (៤ លាន ២ សែននាក់) ក្នុងចំណោបពលរដ្ឋខ្មែរទាំងអស់ជាង ១៣,៥ លាននាក់។

ដោយឡែកតួលេខជនជាតិវៀតណាម នៅកម្ពុជា ក្នុងអំឡុងឆ្នាំ ១៩៧០ មានប្រមាណ ២ សែន ទៅ ៣ សែននាក់ ក្នុងចំណោមពលរដ្ឋខ្មែរ ៦,៥ លាននាក់។ 

អត្ថបទដោយ ម៉ែន ណាត

នៃក្រុមប្រឹក្សាឃ្លាំមើលកម្ពុជា / ប្រទេសន័រវេស៍ ថ្ងៃទី ១៥ មករា ២០១៨

17, Jul 2019 ជាតិសង្គមជាតិមហាផ្ទៃ រកឃើញ​ជនអន្តោប្រវេសន៍​ជាង​ ១០​ម៉ឺន​នាក់ ស្នាក់នៅ​កម្ពុជា​ដោយ​គ្មាន​ឯកសារ​ត្រឹមត្រូវ​ នំពេញ​៖ អគ្គនាយក​នៃ​អគ្គនាយកដ្ឋាន​អន្តោប្រវេសន៍ បាន​រកឃើញថា មាន​ជនអន្តោប្រវេសន៍​ជាង​១០ ម៉ឺន​នាក់ ដែល​រស់នៅក្នុង​ប្រទេស​កម្ពុជា ដោយ​គ្មាន​ឯកសារ​ត្រឹមត្រូវ​ តួលេខ​នេះ ត្រូវបាន​បង្ហាញ​ដោយ លោក គៀត ច័ន្ទ​ថា​រិ​ទ្ធ អគ្គនាយក​នៃ​អគ្គនាយកដ្ឋាន​អន្តោប្រវេសន៍ នៅក្នុង​កិច្ចប្រជុំ ផ្សព្វផ្សាយ​លទ្ធផល​ការងារ​ដកហូត​ឯកសារ​រដ្ឋបាល​កម្ពុជា​មិន​ប្រក្រតី ដែល​ជនបរទេស​កាន់កាប់​ប្រើប្រាស់ និង​ការទទួល​ពាក្យសុំ​ប្រកាស​ទទួលស្គាល់​ជា​ជនបរទេស​អន្តោប្រវេសន៍ និង​បណ្ណ​ស្នាក់នៅ​អចិន្ត្រៃយ៍ នា​ថ្ងៃទី​១៧ ខែកក្កដា​នេះ​។​ របាយការណ៍ ពី​គណៈកម្មការ​គ្រប់​គ្រងជ​ន​បរទេស​អន្តោប្រវេសន៍ នៃ​ក្រសួងមហាផ្ទៃ បាន​ឲ្យ​ដឹងថា ស្ថិតិ​អ្នក​សា្ន​ក់នៅ​យូរ​គ្មាន​ឯកសារ មាន​ចំនួន ២៩,៣៨៥​គ្រួសារ ដែលមាន​មនុស្ស​សរុប ១០៩,២៧៦ នាក់ ក្នុងនោះ​ស្រី​៤៦,៦០០​នាក់​។  

​ក្នុង​រយៈពេល​៥​ខែ នៅ​ឆ្នាំ​២០១៩ នេះ អាជ្ញាធរ​បាន​ដកហូត​ឯកសារ​រដ្ឋបាល​កម្ពុជា​មិន​ប្រក្រតី មាន​ចំនួន ២០,២១៨ គ្រួសារ ចំនួន​មនុស្ស ៧៣,៣៩៧ នាក់ នៅក្នុង​នោះ មាន​ស្រី​៣៩,៨៨៨​នាក់​។ 

​ចំពោះ​ឯកសារ​ខុស​ប្រក្រតី ដែល​អាជ្ញាធរ​ដកហូត​រួមមាន ៣៩,៤១៨​ច្បាប់  ដោយ​ក្នុងនោះ​ជា​សៀវភៅ​ស្នាក់នៅ ចំនួន ១៩,៥៨០ ច្បាប់ សៀវភៅ​គ្រួសារ ចំនួន ២,១៧៧​ច្បាប់ សំបុត្រ​បញ្ជាក់​កំណើត​ខ្មែរ ឬ​សេចក្តីចម្លង​សំបុត្រកំណើត​ខ្មែរ ចំនូ​ន​១១,៣៣៦​ច្បាប់ សំបុត្រអាពាហ៍ពិពាហ៍ ចំនួន​២៤១​ច្បាប់ អត្តសញ្ញាណប័ណ្ណ​សញ្ជាតិ​ខ្មែរ ចំនួន​៦,៧២២​ច្បាប់ និង​លិខិតឆ្លងដែន​ខ្មែរ ចំនួន​៣៦២​ច្បាប់​។ 

​របាយការណ៍​ដដែល​បាន​បង្ហាញថា ជនអន្តោប្រវេសន៍ ដែល​បានដាក់​ពាក្យសុំ​ប្រកាស​ទទួលស្គាល់ ជា​ជនបរទេស​អន្តោប្រវេសន៍​មាន​ចំនួន ៣២,៧៣៥ គ្រួសារ ដែលមាន​មនុស្ស​សរុប ១០៣,៣៦៦ នាក់ ក្នុងនោះ​ស្រី​៥០,០៨៤​នាក់​។ ជនបរទេស​ទាំងនេះ មាន​១១​សញ្ជាតិ ដោយ​ក្នុងនោះ​មាន​ជនជាតិ​វៀតណាម ច្រើនជាងគេ​។ ចំណែក​ជនបរទេស ដែល​បានដាក់​ពាក្យសុំ​ស្នាក់នៅ​អចិន្ត្រៃយ៍ មាន​ចំនួន ៦២,៥៣១​នាក់ ក្នុងនោះ​ស្រី ៣០,១៣៩ នាក់​៕ 

10/06/2010 NGO សុំឲ្យ​ក្រសួង​មហាផ្ទៃ​បង្ហាញ​ពី​ចំនួន​ជន​អន្តោប្រវេសន៍​នៅ​កម្ពុជា នៅ​ថ្ងៃ​​ព្រហស្បតិ៍​នេះ អង្គការ​ក្រុម​ប្រឹក្សា​ឃ្លាំ​មើល​កម្ពុជា​បាន​ស្នើ​ទៅ​កាន់​លោក​ឧបនាយក​ រដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ សុំ​បង្ហាញ​ជា​សាធារណៈ​នូវ​ចំនួន​ជនអន្តោប្រវេសន៍ ដែល​កំពុង​រស់នៅ​ក្នុង​ប្រទេស​កម្ពុជា។ ក៏ប៉ុន្តែ​មន្ត្រីជាន់ខ្ពស់​រដ្ឋាភិបាល​កម្ពុជាបាន​បដិសេធ ពុំ​ព្រម​ឆ្លើយបំភ្លឺ​តាម​សំណើ​នេះ​ទេ​។​ ក្នុង​លិខិត នៅ​ថ្ងៃ​ទី​១០​មិថុនា ដែល​ចុះហត្ថលេខា​ដោយ​លោក រ៉ុង ឈុន តំណាង​ក្រុមប្រឹក្សា​ឃ្លាំ​មើល​កម្ពុជា និង​ជា​ប្រធាន​សមាគម​គ្រូបង្រៀន​ឯករាជ្យ បាន​កត់​សម្គាល់ ​អំពី​ជនអន្តោប្រវេសន៍​​​នៅ​កម្ពុជា​ថា ពីមួយថ្ងៃ ទៅមួយថ្ងៃ កាន់តែ​មាន​ចំនួន​ច្រើនឡើង​គួរឲ្យ​ព្រួយបារម្ភ។ អង្គការ​ក្រុម​ប្រឹក្សា​ឃ្លាំ​មើល​កម្ពុជា​បាន​សុំឲ្យ​រដ្ឋមន្ត្រីក្រសួង​មហាផ្ទៃ​បង្ហាញ​ពី​ចំនួន​ជន​អន្តោប្រវេសន៍​​ទាំង​ស្រប​ច្បាប់ និង​មិន​ស្របច្បាប់ តើ​មាន​ប៉ុន្មាន ដែល​កំពុង​រស់នៅ​ក្នុង​ប្រទេស​កម្ពុជា? ​លោកគ្រូ រ៉ុង ឈុន បាន​បញ្ជាក់បន្ថែម​ថា នៅ​ប្រទេស​​កម្ពុជា ការហូរចូល​នៃ​ជនអន្តោប្រវេសន៍​​មាន​​កាន់តែច្រើន​ខុស​ប្រក្រតី ហើយ​បើ​បណ្តោយ​​ឲ្យ​ជនអន្តោប្រវេស​ន៍​ចូល​ប្រទេស​កម្ពុជា​ដោយ​ខុសច្បាប់ ដូច​សព្វថ្ងៃនេះ ​ពលរដ្ឋ​ខ្មែរ នឹង​បាត់បង់​ការងារ​ធ្វើ​កាន់តែច្រើន។ ម្យ៉ាងទៀត វា​អាច​ធ្វើឲ្យប៉ះពាល់​ដល់​បូរណភាព​ទឹក​ដី​​កម្ពុជា បើសិនជា​ជនអន្តោប្រវេសន៍ ដូចជា​វៀតណាម ដែល​ជា​ប្រទេស​នៅ​ជិត​ខាង​កម្ពុជា កាន់​តែ​​ច្រើនឡើងៗ ចូលមក​រស់នៅ​ក្នុង​ប្រទេស​កម្ពុជា​។​ ចំពោះ​សំណើ​លិខិត​ខាងលើ​នេះ មិនទាន់​មាន​អត្ថាធិប្បាយ​បែបណា ចេញ​ពី​លោក​ឧបនា​យក​រដ្ឋមន្ត្រី ស ខេង រដ្ឋមន្ត្រីក្រសួង​មហាផ្ទៃ នៅឡើយ​ទេ នៅថ្ងៃនេះ​។​ ក៏​ប៉ុន្តែ​លោក​ឧត្តមសេនីយ៍​ឯក ខៀវ សុភ័គ អ្នកនាំពាក្យ​ក្រសួង​មហាផ្ទៃ ដែល​បាន​ទទួល​នូវ​លិខិត​របស់​លោក រ៉ុង ឈុន បានធ្វើការ​រិះគន់​លើ​ការប្រើ​ពាក្យពេចន៍​មួយចំនួន ក្នុង​លិខិត​នោះ​។ ​លោក​ឧត្តមសេនីយ៍​បាន​អះអាង​ថា មាន​ពាក្យ​ខ្លះ​មិន​សមរម្យ និង​គ្រោតគ្រាត ដែល​មិន​សក្តិសម​​ជា​បញ្ញវន្ត​ទេ​។ ម្យ៉ាងទៀត ​លិខិត​នោះ​មិនមែន​ជា​សំណើ​ទេ តែ​ជា​បញ្ជា​ទៅវិញ ដូច​ជា​ការ ប្រើ​ពាក្យ​​ថា ឲ្យ​បង្ហាញ​ចំនួន​ជនអន្តោប្រវេសន៍​ជា​សាធារណៈ ជាដើម​។​ លោក​ឧត្តមសេនីយ៍ឯក ខៀវ សុភ័គ បានបញ្ជាក់​ថា កន្លងមក ក្រសួងមហាផ្ទៃ​បាន​បំពេញ​តួនាទី​ភារកិច្ច នៅក្រោម​រដ្ឋាភិបាល ក្នុង​ការគ្រប់គ្រង​សណ្តាប់ធ្នាប់​សាធារណៈ និង​គ្រប់គ្រង​អាជ្ញាធរ​ដែនដី នៅ​ទូទាំង​ប្រទេស​។ ក្រសួងមហាផ្ទៃ​ក៏​បាន​អនុវត្ត​ច្បាប់​អន្តោប្រវេសន៍ ដោយ​មាន​ការបណ្តេញចេញ​នូវ​ជន​បរទេស​ណា ដែល​ធ្វើ​អន្តោប្រវេសន៍ ដោយ​ខុសច្បាប់​នៅ​កម្ពុជា ព្រមទាំង​បញ្ជូន​ជនបរទេស​នោះ ទៅកាន់​ប្រទេស​ដើម​វិញ ជា​បន្តបន្ទាប់​។ ក្រសួងមហាផ្ទៃ​ធ្វើ​ការងារ​ជំរឿន​ស្ថិតិ​ជនបរទេស ជា​រៀងរាល់ឆ្នាំ​។​ ចំនួន​ជនបរទេស ដែល​ជា​ជន​អន្តោ​ប្រវេសន៍​ស្របច្បាប់ និង​មិន​ស្របច្បាប់ នៅ​កម្ពុជា សព្វថ្ងៃ មិន​មាន​​តួលេខ​ច្បាស់លាស់​ទេ​។ ក៏​ប៉ុន្តែ​ លោក​ឧត្តមសេនីយ៍ឯក ខៀវ សុភ័គ គ្រាន់តែ​បានឲ្យ​ដឹង​ត្រួសៗ​ថា នៅក្នុង​ជំរឿន​ស្ថិតិ​ជនបរទេស នៅ​ឆ្នាំ​២០០២ មាន​ជនអន្តោប្រវេសន៍​ស្រប​ច្បាប់​នៅ​កម្ពុជា ចំនួន​ជិត ២​ម៉ឺន​គ្រួសារ ដែល​គិត​ជា​ចំនួន​មនុស្ស មាន​ជាង ៧ម៉ឺន​​នាក់​។ ជាមួយ​គ្នា​នោះ ក្រោយពី​មាន​ច្បាប់​អន្តោប្រវេសន៍ ក៏​មាន​ជនបរទេស​មក​ដាក់​ពាក្យ​សុំ​ចុះ​ឈ្មោះ​ជា​ជនអន្តោប្រវេសន៍​ស្របច្បាប់ ជិត ៥ម៉ឺន​នាក់​ផ្សេងទៀត​។​

​សូម​រំឭកបន្តិច​ថា កាលពី​ប៉ុន្មាន​ខែ​មុន​នេះ អ្នកតំណាងរាស្ត្រ​គណបក្ស​សិទ្ធិមនុស្ស របស់​លោក កឹម សុខា ក៏​បាន​ដាក់​លិខិត​ជា​លាយលក្ខណ៍អក្សរ​មួយច្បាប់ ទៅកាន់​លោក​រដ្ឋមន្ត្រី​ក្រសួង​​មហាផ្ទៃ ស ខេង ដើម្បី​សុំឲ្យ​មាន​ការបង្ហាញ​ពី​ចំនួន​ជនអន្តោប្រវេសន៍ ដែល​កំពុង​រស់​នៅ​​ក្នុង​ប្រទេស​កម្ពុជា​ដែរ​។ ក៏​ប៉ុន្តែ ​មក​ដល់​ថ្ងៃនេះ មិនទាន់​មាន​ចម្លើយ​តប​បែប​ណា លើ​សំណុំ​រឿង​​​ជនអន្តោប្រវេសន៍ ដែល​តែងតែ​ក្លាយជា​ប្រធានបទ​ឃោសនា​ដ៏​ក្តៅគគុក​មួយ របស់​គណបក្ស​ប្រឆាំង នៅ​រដូវ​បោះឆ្នោត​នោះទេ​។​ យ៉ាងណាក៏ដោយ បើ​ផ្អែក​តាម​គេហទំព័រ​អ៊ីនធ័រណែត បច្ចុប្បន្ន ប្រទេស​កម្ពុជា​មាន​ប្រជាជន​ប្រមាណ ១៤​លាន​នាក់​។ ក្នុងនោះ មាន​ពលរដ្ឋ​ខ្មែរ ៩០%, ពលរដ្ឋ​វៀតណាម ៥%, ចិន ១% និង​ជនបរទេស​ផ្សេងទៀត​សរុប ៤%​។ វែបសាយ​ដដែល​បានបង្ហាញ​ថា ពលរដ្ឋ​វៀតណាម ដែល​កំពុង​រស់នៅ​ក្នុង​ប្រទេស​កម្ពុជា មាន​ចំនួន ៦សែន​នាក់​៕ 

​២២/១២/២០១៦ នាយករដ្ឋមន្ត្រី​វៀតណាម លោក​ង្វៀន សួន​ហ្វ៊ុក បាន​ថ្លែងអំណរគុណ​ដល់​កម្ពុជា​ដែល​បាន​ជួយ​ឧបត្ថម្ភ​ដល់​អនិកជន​វៀតណាម​នា​ពេលកន្លងមក ហើយ​លោក​បាន​ស្នើ​ដល់​ភាគី​កម្ពុជា​ពន្លឿន​ក្នុង​ការផ្តល់​ឯកសារ​ស្រប​ច្បាប់​ឱ្យ​ពលរដ្ឋ​វៀតណាម ដែល​កំពុង​រស់នៅ​ក្នុង​ប្រទេស​កម្ពុជា ដើម្បី​ធានា​ថា អ្នក​ទាំងនោះ​អាច​រស់នៅ និង​រកស៊ី​នៅ​កម្ពុជា​ដោយ​សុវត្ថិភាព​។​

​ការលើកឡើង​របស់​នា​យក​រដ្ឋមន្ត្រី​វៀតណាម ធ្វើឡើង​នៅក្នុង​ជំនួប​ជាមួយ​លោក​ហ៊ុន សែន នាយករដ្ឋមន្ត្រី​នៃ​កម្ពុជា ខណៈ​ដែល​ប្រមុខ​ដឹកនាំ​កំពូល​កម្ពុជា​បាន​ទៅ​បំពេញ​ទស្សនកិច្ច​នៅ​វៀតណាម រយៈពេល​ពីរ​ថ្ងៃ គឺ​ថ្ងៃ​ទី​២០-២១​ធ្នូ​។​ យោង​តាម​សេចក្តីថ្លែងការណ៍​រួម​ចេញ​ដោយ​ក្រសួងការបរទេស​កម្ពុ​ជា បញ្ជាក់ថា​៖ ក្នុង​ស្មារតី​ភាព​ជា​អ្នក​ជិតខាង​ដ៏​ល្អ​រវាង​ប្រទេស​ទាំង​ពីរ ថ្នាក់ដឹកនាំ​វៀតណាម​សង្ឃឹមថា កម្ពុជា​នឹង​បន្ត​ចាត់​វិធានការ​សមស្រប​នានា ក្នុង​ការធានា​សិទ្ធិ​ស្របច្បាប់ និង​លិខិត​បទដ្ឋាន​របស់​ប្រទេស​កម្ពុជា ដែល​នឹង​រួមចំណែក​ដល់​ការពង្រឹង និង​ពង្រីក​ប្រពៃណី​រវាង​ប្រទេស​ទាំង​ពីរ​។​

​នេះ​មិនមែន​ជា​លើក​ទី​មួយ​ទេ ដែល​ថ្នាក់ដឹកនាំ​វៀតណាម​សុំឲ្យ​មាន​យក​ចិត្តទុក​ដាក់​លើ​ពលរដ្ឋ​ខ្លួន​។ កាលពី​ខែ​មិថុនា​កន្លង​ទៅនេះ រដ្ឋាភិបាល​ក្រុង​ហាណូយ​ក៏​បាន​ចេញ​សេចក្តីថ្លែងការណ៍​រួម ដោយ​បាន​ទទូច​ឲ្យ​រដ្ឋាភិបាល​ក្រុង​ភ្នំពេញ​ជួយ​យកចិត្តទុកដាក់ ចំពោះ​ការរស់នៅ​របស់​សហគម​ន៍​ជនជាតិ​វៀតណាម ដែល​កំពុង​ស្នាក់នៅ​កម្ពុជា​។ ក្នុង​នោះ​ប្រធាន​រដ្ឋ​ថ្មី​វៀតណាម បាន​ស្នើឲ្យ​អាជ្ញាធរ​កម្ពុជា​ផ្តល់​ឯកសារ​ស្រប​ច្បាប់​ឲ្យ​ជនអន្តោប្រវេស​ន៍​វៀតណាម​នៅ​កម្ពុជា​ផង​ដែរ​។​

​គួរ​បញ្ជ​ក់ថា កន្លងមក អគ្គនាយក​នៃ​អគ្គនាយកដ្ឋាន​អន្តោប្រវេសន៍​លោក​សុខ ផល ធ្លាប់បាន​បង្ហាញ​របាយ​ការណ៍​កាលពី​ខែ​ កក្កដា ឆ្នាំ​២០១៥ ឆ្នាំ​២០១៦ ឱ្យដឹងថា ជនអន្តោប្រវេសន៍​ខុស​ច្បាប់​វៀតណាម បាន​កើនឡើង​ពី ​៧​ម៉ឺន​ នាក់​ក្នុង​ ឆ្នាំ​២០០២ មកដល់ ​១៦​ម៉ឺន ​នាក់ ក្នុង​ឆ្នាំ​២០១៤ ហើយ​ចំនួនេះ​មិន​ទាន់​សរុប​ជា​ចុង​ក្រោយ​នៅ​ឡើយ​ទេ​។

​ដោយឡែក ក្នុង​រយៈពេល​៣​ឆ្នាំ គិត​ត្រឹម​ខែ​សីហា ឆ្នាំ​២០១៦ កម្ពុជា​បាន​បណ្ដេញ​ជនបរទេស​ចេញពី ប្រទេស​សរុប​ចំនួន ១០,៧៨៧​នាក់ មាន​៦៨​សញ្ជាតិ ក្នុងនោះ​មាន​ជនជាតិ​វៀតណាម ចំនួន​ ៩,២១៧​នាក់​៕

ថ្ងៃពុធ ទី30 កក្កដា 2014 ​ក្រសួងមហាផ្ទៃ ត្រៀម​សហការ​ជាមួយ​បក្ស​ជំទាស់​ដើម្បី​ត្រួតពិនិត្យ​អន្តោប្រវេសន៍​វៀតណាម​ខុសច្បាប់​ ក្រសួង​មហាផ្ទៃ​បញ្ជាក់​ជំហរ​សហការ​ជាមួយ​តំណាងរាស្ត្រ​គណបក្ស​ជំទាស់ ដើម្បី​ត្រួតពិនិត្យ​ច្បាប់​អន្តោប្រវេសន៍ លើ​ជនជាតិ​វៀតណាម​ដែល​រស់នៅ​កម្ពុជា ខណៈ​មាន​ការរិះគន់​ថា ជនជាតិ​របស់​ប្រទេស​នេះ   មក​រស់នៅ​លើ​ទឹកដី​កម្ពុជា​ខុសច្បាប់​ជាច្រើន​សែន​នាក់​។​

​អ្នកនាំពាក្យ​ក្រសួង​មហាផ្ទៃ លោក ខៀវ សុភ័គ ប្រាប់​VOD​នៅ​ថ្ងៃ​ពុធ​នេះ​ថា ស្ថាប័ន​នេះ និង​សហការ​ផ្តល់​ឯកសារ ជនអន្តោប្រវេសន៍​វៀតណាម ទៅឲ្យ​អនុប្រធាន​គណបក្ស​សង្គ្រោះ​ជាតិ លោក កឹម សុខា បើ​គណបក្ស​នេះ​ចូលប្រជុំ​សភា​ខាង​មុខ​នោះ។

អនុប្រធាន​គណបក្ស​សង្គ្រោះ​ជា​តិលោក កឹម សុខា ថ្លែង​នៅក្នុង​ហ្វេ​សប៊ុក​របស់​លោកថា «​នៅពេល​គណបក្ស​សង្គ្រោះ​ជាតិ​ចូលប្រជុំ​សភា​ខាងមុខ លោក​នឹង​សុំ​ឲ្យ​រដ្ឋមន្ត្រី ឬ​ក្រសួង​មហាផ្ទៃ​ធ្វើ​ស្ថិតិ​ឲ្យបាន​ច្បាស់លាស់​អំពី​ជនអន្តោប្រវេស​ន៍​នៅ​ស្រុក​ខ្មែរ និង​ទី​២ យើង​ទាមទារ​ឲ្យ​រដ្ឋាភិបាល​អនុវត្ត​ច្បាប់​អន្តោ  ប្រវេសន៍​ក្នុងប្រទេស​កម្ពុជា​»​។​

​លោក ខៀវ សុភ័គ ឲ្យដឹងទៀតថា តាម​ការស្រាវជ្រាវ​របស់​ក្រសួង​មហាផ្ទៃ ជនជាតិ​វៀតណាម​ដែល​មក​រស់នៅ​លើ​ទឹកដី​កម្ពុជា​មាន​ចំនួន​ជាង​ ១០​ម៉ឺន​ នាក់ ក្នុងនោះ​មាន​តែ​ជិត​៧០០០ (​ប្រាំពីរ​ពាន់​)​នាក់​ទេ ដែល​ទទួលបាន​ប័ណ្ណ​ស្របច្បាប់​រស់​នៅលើ​ទឹកដី​កម្ពុជា​។ លោក​បញ្ជាក់ថា ជនអន្តោប្រវេសន៍​ដែល​មក​រស់​លើ​ទឹកដី​ស្របច្បាប់​នៅ​កម្ពុជា ក្នុង​១​នាក់ ត្រូវ​បង់ប្រាក់​ជូន​រដ្ឋ​ចំនួន ​២៥.០០០០ (២៥​ម៉ឺន​)​រៀល​ក្នុង​១​ឆ្នាំ តែ​ក្នុង​ចំណោម​ជនជាតិ​វៀតណាម ដែល​រស់នៅ​ស្របច្បាប់ ជិត​៧០០០​នាក់​នោះ ពួកគេ​ដែល​មក​បង់​ប្រាក់​ប្រចាំឆ្នាំ​មាន​ត្រឹមតែ​ជាង​៥០​ភាគរយ​។ ចំណែក​ជិត​៥០​ភាគរយ​ទៀត មិន​បាន​ទៅ​បង់​ប្រាក់​ចូល​រដ្ឋ​នោះទេ​។​

​អ្នកស្រាវជ្រាវ​ឯករាជ្យ​ពី​ការអភិវឌ្ឍ​សង្គម លោក កែម ឡី សង្កេតឃើញថា របាយការណ៍​របស់​ក្រសួងមហាផ្ទៃ អំពី​ចំនួន​ជនជាតិ​អន្តោប្រវេសន៍​វៀតណាម​ដែល​មក​រស់នៅ​កម្ពុជា​មិនមែន​ជា​ស្ថិតិ​ជាក់លាក់​នោះទេ​។ លោក​ថា ដើម្បី​សិក្សា​ស្រាវជ្រាវ​ស្ថិតិ​អន្តោប្រវេសន៍​ឲ្យមាន​ប្រសិទ្ធិភាព  រដ្ឋសភា​ត្រូវ​ចាត់តាំង​ក្រុមការងារ​ពិសេស ដោយ​ធ្វើ​ការស្រាវជ្រាវ​ជា​លក្ខណៈ​ជាតិ​មួយ។

​ការប្រកាស​ចាត់វិធានកា​រ​ត្រួតពិនិត្យ​លើ​ជនអន្តោប្រវេសន៍​ខុស​ច្បាប់ ពិសេស​ជនជាតិ​វៀតណាម​នេះ ធ្វើឡើង​បន្ទាប់​ពី​គណបក្ស​សង្គ្រោះ​ជាតិ​ព្រម​ចូល​សភា និង​មាន​ការរិះគន់​ថា មាន​ជនជាតិ​វៀតណាម ខ្ទង់​លាន​នាក់ កំពុង​រស់​នៅ​កម្ពុជា ហើយ​ពួកគេ បាន​ដណ្តើមយក​ទីផ្សារ​ការងារ​ពី​ពលរដ្ឋ​ខ្មែរ​។ អ្នកវិភាគ និយាយថា បញ្ហា​អន្តោប្រវេសន៍​ខុសច្បាប់​នេះ ក៏​ជា​ផ្នែក​មួយ​ដែល​ជំរុញ​ឲ្យ​ពលរដ្ឋ​ខ្មែរ សម្រុក​ទៅ​ធ្វើការ​នៅ​ប្រទេស​ថៃ ប៉ុន្តែ​ត្រូវ​បាន​រដ្ឋាភិបាល​យោ​ថៃ ចាប់បញ្ជូន​មក​វិញ​រាប់សែន​នាក់​៕

ថ្ងៃសុក្រ ទី១៧ ខែមិថុនា ឆ្នាំ២០១៦ អ្នកវិភាគមួយចំនួនពិនិត្យឃើញថា កម្ពុជានៅតែស្ថិតក្រោមឥទ្ធិពលរបស់វៀតណាមដដែល ភ្នំពេញ៖ អ្នកវិភាគនយោបាយ និងសង្គមមួយចំនួនដែលវិទ្យុស្រ្តីបានសុំសម្ភាសន៍នៅថ្ងៃទី ១៧ មិថុនានេះ បាន ពិនិត្យឃើញ ថា ប្រទេសវៀតណាមនៅតែបង្ហាញឥទ្ធិពលរបស់ខ្លួនមកលើកម្ពុជាដដែល ។ ការយល់ឃើញរបស់ អ្នកវិភាគទាំងនោះ គឺជា ការឆ្លុះបញ្ចំាងចំពោះសំណើរបស់មេដឹកនាំថ្មីប្រទេសសង្គមនិយមមួយនេះដែលបានស្នើឱ្យ រដ្ឋាភិបាលកម្ពុជាធានាសិទ្ធិស្រប ច្បាប់ដល់ជនជាតិវៀតណាម ដែលកំពុងរស់នៅកម្ពុជានិងជួយធ្វើឱ្យ មានស្ថិរ ភាពតាមព្រំដែននៃប្រទេសទាំង ២។ សំណើនេះ ធ្វើឡើងបន្ទាប់ពីលោក ត្រាន់ ដាយក្វាង ប្រមុខរដ្ឋវៀតណាមបាន បញ្ចប់ដំណើរទស្សនកិច្ចជារដ្ឋនៅកម្ពុជា។ យ៉ាងណាមន្រ្តីនៃ គណបក្សប្រជាជនកម្ពុជាច្រានចោលនូវ ការវិភាគ ខាងនេះ ដោយអះអាងថា កម្ពុជានិងវៀតណាមគឺជារដ្ឋអធិបតេយ្យដូចគ្នា។ លោកប្រធានាធិបតេយ្យថ្មីវៀតណាម ត្រាន់ ដាយក្វាង នៅខាងស្តាំ និងលោក ហ៊ុន សែន នាយករដ្ឋមន្រ្តីកម្ពុជា នៅខាងឆ្វេង។ បន្ទាប់ពីបញ្ចប់ដំណើរទស្សនកិច្ចរបស់ខ្លួន រយៈពីរថ្ងៃនៅកម្ពុជា លោកប្រមុខរដ្ឋថ្មីនៃសាធារណរដ្ឋសង្គមនិយមវៀតណាម ត្រាន់ ដាយក្វាង បានស្នើដល់សមភាគីកម្ពុជាឱ្យបន្តយន្តការធានាសិទ្ធិស្របច្បាប់ដល់អនិជនវៀតណាមដែលកំពុងតែរស់ នៅកម្ពុជាសព្វថ្ងៃ។

នេះបើយោងតាមចំណុចទី ៨ នៃសេចក្តីថ្លែងការណ៍រួមរវាងកម្ពុជា និងវៀតណាមដែលបានចេញផ្សាយកាលពីថ្ងៃទី ១៦ មិថុនា។ ការស្នើរបស់ប្រធានាធិបតេយ្យថ្មីវៀតណាមនេះ ត្រូវបានអ្នកវិភាគមួយចំនួនដែលវិទ្យុស្រ្តីសុំសម្ភាសន៍បានលើកឡើងថា វៀតណាមនៅតែមានឥទ្ធិពល និងបានបង្ហាញឥទ្ធិពលដដែលជាដដែលមកលើកម្ពុជា ពោលគឺតាមរយៈការស្នើឱ្យកម្ពុជា ធានានូវសិទ្ធិស្របច្បាប់ដល់អនិជនវៀតណាម និងបញ្ហាកំណត់ព្រំប្រទល់ដែនកម្ពុជាវៀតណាម។

លោកបណ្ឌិល ចាន់ វិបុល អ្នកជំនាញអភិបាលកិច្ច និងប្រជាធិបតេយ្យលើកឡើងថា សំណើរបស់មេដឹក នាំវៀតណាមដែល ស្នើឱ្យកម្ពុជាទទួលស្គាល់សិទ្ធិស្របច្បាប់ជនអន្តោប្រវេសវៀតណាមនៅកម្ពុជាបែបនេះ គឺជាសញ្ញាណមួយអាក្រក់ ហើយជា សញ្ញាមួយបង្ហាញថា កម្ពុជានៅតែរងឥទ្ធិពលរបស់វៀតណាម។ យ៉ាងណាលោក ចាន់ វិបុល ថាដើម្បីឱ្យប្រជាពលរដ្ឋអស់ការសង្ស័យពីឥទ្ធិពលរបស់វៀតណាមមកលើកម្ពុជា នោះរដ្ឋាភិបាល ត្រូវហ៊ានបង្ហាញពីការកំណត់ព្រំដែន និងបញ្ហាជនអន្តោប្រវេសន៍វៀតណាម ឱ្យពលរដ្ឋខ្មែរបានដឹងជាសាធារណដោយមិនត្រូវ លាក់លៀមពលរដ្ឋខ្មែរខ្លួនឯងនោះទេ។ លោកបណ្ឌិល ចាន់ វិបុល៖«ឧទារណ៍! ប្រសិនបើយើងឱ្យស្របច្បាប់អញ្ចឹង បើមេដឹក នាំវៀតណាមលោកស្នើសុំអញ្ចឹង ចុះបើ៥ឆ្នាំក្រោយទៀតគាត់បញ្ចូនមក ៣ សែនទៀតគាត់សុំមួយសារទៀត ឬក៏មាននាយក រដ្ឋមន្រ្តីថ្មី៥ឆ្នាំ ក្រោយសុំឱ្យមួយលាន ទៀត ហើយអាជ្ញាធរយើងយល់ថាគាត់រស់នៅល្អហើយ ហើយថ្ងៃក្រោយគាត់សុំ ២លាន ទៀត នោះដីខ្មែរចប់បាត់ហើយ»។

មិនមានតួលេខណាមួយបញ្ជាក់ ថាជនជាតិវៀតណាមរស់នៅកម្ពុជាមានចំនួនប៉ុន្មាននាក់នោះទេ ខណៈក្រុមប្រឆាំងថាមាន ជាង ១ លាននាក់ ប៉ុន្តែរដ្ឋាភិបាលមានជាង ១០ ម៉ឺននាក់។

ចំណែកលោក កែម ឡី អ្នកសិក្សាពីការអភិវឌ្ឍសង្គមលើកឡើងថា ដើម្បីធានាបាននូវភាពត្រឹមត្រូវចំពោះប្រជាជនកម្ពុជា រដ្ឋាភិបាលគប្បីតែយកគំរូតាមប្រទេសថៃកាលពីឆ្នាំ ២០១៤ ដែលកាលណោះប្រទេសនេះ បានបើកយុទ្ធការប្រមូល ជនបរទេស និងពលករខុសច្បាប់ចេញពីប្រទេស ដោយឱ្យពួកគេធ្វើលិខិតឆ្លងដែនត្រឹមត្រូវទើបអនុញ្ញាតឱ្យមកប្រទេសថៃវិញ។ លោក កែម ឡី៖«បើគាត់ចង់ដោះស្រាយអាហ្នឹង! យើងរៀនតាមថៃទៅកាល ២០១៤ គឺធ្វើយុទ្ធនាការបញ្ជូនតែម្តង តាមរយៈ ប្រធានភូមិ។ ប្រធានភូមិមួយៗហ្នឹងគាត់ដឹងថាមានប្រមាណគ្រួសារដែលយួន ប្រមាណគ្រួសារដែលជាខ្មែរគាត់ គាត់ត្រូវ រាយការណ៍យើងរៀបចំជាយុទ្ធនាការបញ្ជូនហើយឱ្យមានការគោរពសិទ្ធិមនុស្ស ឱ្យមានការសហការជាមួយអង្គការធ្វើការ រឿងសិទ្ធិមនុស្សជាពិសេសគឺអង្គការិទ្ធិមនុស្សទទួលបន្ទុកជានភៀសខ្លួនហ្នឹង ជាពិសេសប្រទេសសមី អាហ្នឹងបានអស់»។

យ៉ាងណាក្តីលោក សុខ ឥសាន្ត អ្នកនាំពាក្យគណបក្សប្រជាជនកម្ពុជា បានច្រានចោលនូវអ្វីដែលអ្នកវិភាគខាងបានលើក ឡើង ដោយលោកអះអាងថា អ្នកវិភាគទាំងនោះទំនងជាមាននិន្នាការនយោបាយលំអៀងទៅកាន់គណបក្សណាមួយទើប ធ្វើការបកស្រាយបែបនេះ។ ជាងនេះទៅទៀតលោក សុខ ឥសាន្តថា កម្ពុជាគឺជារដ្ឋឯករាជ្យ មានអធិបតេយ្យភាពរបស់ពេញ លេញ មិនមានបរទេសណាមានឥទ្ធិពលមកកម្ពុជានោះទេ។ លោក សុខ ឥសាន្ត៖ «គ្មានឥទ្ធិពលទេ កម្ពុជាជាប្រទេសឯក រាជ្យមានអធិបតេយ្យ។ហើយវាជាលទ្ធផលនៃស្មារតីនៃកិច្ចព្រមព្រៀងសន្តិភាពទីក្រុងប៉ារីសដែលយើងធ្វើការបោះឆ្នោត ៥ អាណត្តិ។ អញ្ចឹងទេវាគ្មានការសង្ស័យឡើយ ដែលប្រទេសជិតខាងមកធ្វើការរំលោភបំពានមកលើឯករាជ្យ អធិបតេយ្យភាព របស់កម្ពុជា។ប្រទេសគេក៏មានឯករាជ្យអធិតេយ្យ យើងក៏មានឯករាជ្យនិងអធិតេយ្យគឺថា ស្មើភាពស្មើសិទ្ធិ»។

គួរកត់សម្គាល់ថា ក្នុងដំណើរទស្សនកិច្ចរយៈពេល ២ ថ្ងៃនៅកម្ពុជារបស់ប្រធានក្រុមប្រឹក្សារដ្ឋថ្មីនៃសាធារណរដ្ឋសង្គមវៀត ណាមនេះ មានប្រតិកម្មជាច្រើនពីពលរដ្ឋខ្មែរតាមបណ្តាញសង្គមហ្វេសប៊ុក ដោយអ្នកទាំងនោះយល់ថា កម្ពុជាហាក់ចាញ់ ប្រៀបវៀតណាម ព្រោះរូបថតរបស់ប្រមុខរដ្ឋនិងភរិយា វៀតណាម បានដាក់អបជាមួយព្រះឆាយាល័ក្ខណ៍ព្រះមហាកម្ពុជា ចំណែកអក្សរនៅពីក្រោមក៏បានដាក់អក្សរវៀតណាមពីលើអក្សរជាតិខ្មែរដែរ។

តែយ៉ាងណាមន្រ្តីរដ្ឋាភិបាលបកស្រាយថា ការរៀបចំបែបនេះគឺជាបែរបទពិធីការ ដែលប្រទេសទូទៅក៏អនុវត្តបែបដូចគ្នានេះ ដែរ ហើយការធ្វើបែបនេះ គឺដើម្បីពង្រឹងមិត្តភាព សាមគ្គីភាព និងលើកកិត្តិយសដល់ប្រទេសជាមិត្តដែល បានមកលេង កម្ពុជា។ វៀតណាមបានជួយរំដោះប្រទេសកម្ពុជាពីរបប ប៉ុល ពត នៅថ្ងៃ ៧ មករា ១៩៧៩ ។ ប៉ុន្តែក្រុមប្រឆាំងមិនទទួល ស្គាល់ថ្ងៃជ័យជម្នះនេះទេ៕ 

04 កក្កដា 2019 កម្ពុជា​សម្រេច​ឈប់​ផ្តល់ប័ណ្ណ​ស្នាក់​នៅ​អចិន្ត្រៃយ៍​ដល់​ជន​បរទេស នៅ​ក្នុង​សេចក្តី​ប្រកាស​កាល​ពី​ថ្ងៃទី​១​ ខែ​កក្កដា ដែល VOA ទទួល​បាន​នៅ​ថ្ងៃព្រហស្បតិ៍​នេះ លោក​ស ខេង រដ្ឋ​មន្ត្រី​​ក្រសួង​មហាផ្ទៃ​បាន​បញ្ជាក់​ថា​ «ត្រូវ​បញ្ចប់​ការ​ទទួល​ពាក្យ​ស្នើ​សុំ​ជា​ជន​បរទេស​អន្តោប្រវេសន្ត និង​ប័ណ្ណ​ស្នាក់​នៅអចិន្ត្រៃយ៍​ចាប់​ពី​ថ្ងៃ​ទី​១ ​ខែ​កក្កដា​ ឆ្នាំ​២០១៩​នេះ​ត​ទៅ»។

ភ្នំពេញ — ចាប់ពី​ថ្ងៃទី​១​ ខែ​កក្កដា​នេះ​ ជន​បរទេស​ដែល​កំពុ​ង​ស្នាក់​នៅ​ប្រទេស​កម្ពុជា​ មិន​អាច​ស្នើ​សុំ​ប័ណ្ណ​ស្នាក់​នៅ​អចិន្ត្រៃយ៍​បាន​ទេ។ ហើយ​ជន​បរទេសកំពុង​ស្នាក់​នៅ​ប្រទេស​កម្ពុជា​ដែល​ពុំ​មាន​ប័ណ្ណ​ស្នាក់​នៅ​ចេញ​ដោយ​ក្រសួង​មហាផ្ទៃ​ នឹង​ក្លាយ​ជា​ជន​ខុសច្បាប់​ ដែល​អាច​នឹង​ប្រឈម​នឹង​វិធាន​ការ​តាម​ផ្លូវ​ច្បាប់។ នេះ​បើ​យោង​តាម​ការ​បញ្ជាក់​របស់​មន្ត្រី​កម្ពុជា។

នៅ​ក្នុង​សេចក្តី​ប្រកាស​កាល​ពី​ថ្ងៃទី​១​ ខែ​កក្កដា ដែល VOA ទទួល​បាន​នៅ​ថ្ងៃព្រហស្បតិ៍​នេះ លោក​ស ខេង រដ្ឋ​មន្ត្រីក្រសួង​មហាផ្ទៃ​បាន​បញ្ជាក់​ថា​«ត្រូវ​បញ្ចប់​ការ​ទទួល​ពាក្យ​ស្នើ​សុំ​ជា​ជន​បរទេស​អន្តោប្រវេសន្ត និង​ប័ណ្ណ​ស្នាក់​នៅអចិន្ត្រៃយ៍​ចាប់​ពី​ថ្ងៃ​ទី​១ ​ខែ​កក្កដា​ឆ្នាំ​២០១៩​នេះ​ត​ទៅ»។​

លោក​ឧត្តមសេនីយ៍ កែវ វណ្ណថន អគ្គនាយករង ​អគ្គនាយកដ្ឋាន​អន្តោប្រវេសន៍​ បាន​ប្រាប់ VOA ​ថា ការ​ប្រកាស​ឈប់​ទទួល​ពាក្យ​ស្នើសុំ​ជា​ជនបរទេស​អន្តោប្រវេសន្ត​នេះ​ធ្វើឡើង ​បន្ទាប់​ពី​រដ្ឋាភិបាល​កម្ពុជា​បាន​កំណត់​ឱសានវាទដើម្បី​ឲ្យ​ពួកគេ​ធ្វើ​ការ​ស្នើ​ពាក្យ​ជា​ជន​អន្តោប្រវេសន្ត​និង​ទទួល​បាន​ប័ណ្ណ​ស្នាក់​នៅ​ជា​អចិន្ត្រៃយ៍​កាល​ពី​ខែមករា ​ឆ្នាំ​ ២០១៩​នេះ។

«ជា​ជន​អន្តោប្រវេសន៍​ដែល​មាន​ឈ្មោះ​ក្នុង​បញ្ជី​យើង​ឲ្យ​មក​ចុះ ដាក់​ពាក្យ​សុំ​ទទួល​ស្គាល់​ជា​ជនបរទេស​អន្តោប្រវេសន្ត និង​សុំ​ប័ណ្ណ​ស្នាក់​នៅ​អចិន្ត្រៃយ៍។ យើង​បាន​ដាក់​ឱសានវាទ​តាំង​ពី​ដើម​ខែ​មួយ​ឆ្នាំ​ហ្នឹង​ថា ខែ​មិថុនា​យើង​ហ្នឹង​បញ្ចប់​ឱសានវាទ។ បើ​អ្នកណា​មិន​មក​ដាក់​ទេ មិនមាន​ប័ណ្ណ​ស្នាក់​នៅ​អចិន្ត្រៃយ៍​ទេ យើង​នឹង​អនុវត្ត​តាម​ច្បាប់»។ លោក​ វណ្ណថន​ បាន​បន្តថា​ ចំពោះ​ជនបរទេស​ណា​ដែលមិន​មាន​ប័ណ្ណ​ស្នាក់នៅ​អចិន្ត្រៃយ៍​គឺ​ ខុសច្បាប់។ ​ហើយ​ពួកគេ​នឹង​ត្រូវ​បណ្តេញ​ចេញ​ពី​ប្រទេស​កម្ពុជា។

«ចាប់​ពី​ខែ​កក្កដា​ទៅ កម្លាំង​សមត្ថកិច្ច​យើង​រក​ឃើញ។ កាល​ណា​រក​ឃើញ ជនបរទេស​ដែល​ស្នាក់​នៅ​ខុស​ច្បាប់ អាហ្នឹង​យើង​ចាប់​បណ្តេញ​ចេញ​ហើយ»។

លោក ​សន ជ័យ ប្រធាន​អង្គការសម្ព័ន្ធ​គណនេយ្យភាព​សង្គម​កម្ពុជា យល់​ឃើញ​ថា ​ចំណាត់​ការ​របស់​រដ្ឋា​ភិបាល​នៅ​ពេល​នេះអាច​ជាប់ទាក់​ទិន​នឹង​លំហូរ​ជន​អន្តោប្រវេសន៍​ខុស​ច្បាប់​ពី​ប្រទេស​វៀតណាម​និង​ពី​ប្រទេស​ចិន។ លោក​យល់​ថា ​ចំណាត់​ការ​នេះ​ទំនង​ជា​មាន​ប្រសិទ្ធភាព​តិចតួច​ប៉ុណ្ណោះ។

«សម្រាប់​ខ្ញុំ​ ខ្ញុំ​នៅ​តែ​យល់​ថា ដរាប​ណា​រដ្ឋ​បាល​មូលដ្ឋាន​ដូច​ជា ការ​ពិនិត្យ​ការ​រស់នៅ​របស់​ជនបរទេស​ដោយ​អាជ្ញាធរ​មូលដ្ឋាន​នៅ​តែ​មាន​ចំណុច​ខ្វះ​ខាត​ យើង​មិន​ទាន់​មានជំនឿ​ថា ការ​ហូរ​ចូល​ជនបរទេស​ រួម​មាន​ចិន​ និង​វៀតណាម​ហ្នឹង​ នឹង​ត្រូវ​បាន​ទប់​ស្កាត់​ឲ្យ​មាន​ប្រសិទ្ធភាព​ទេ»។

យោង​តាម​លោក​ឧត្តមសេនីយ៍ កែវ វណ្ណថន មាន​ជន​បរទេស​ដែល​មាន​ប័ណ្ណ​ស្នាក់​នៅ​អចិន្ត្រៃយ៍​នៅ​ប្រទេស​កម្ពុជា​សរុប​ចំនួន ៩ម៉ឺន​នាក់ ដែល​ក្នុង​នោះ​ជាង ៩០​ភាគរយ ជា​ជនជាតិ​វៀតណាម៕

July 02, 2015 ចុង​ឆ្នាំ​២០១៤ អន្តោប្រវេសន៍​វៀតណាម​ខុស​ច្បាប់ មាន​១៦ម៉ឺន​នាក់ បើ​តាម​ក្រសួង​មហាផ្ទៃ បញ្ហាលំហូរចូល នៃជនជាតិវៀតណាមខុសច្បាប់ មានប្រមាណ៩៥ ភាគរយ ចាប់ពីឆ្នាំ២០០២ រហូតដល់បច្ចុប្បន្ន (២០១៥) ដែល​មានការកើនឡើងបួនដង បើធៀបនឹងឆ្នាំ២០០២។ នេះបើតាមលោក សុខ ផល អគ្គស្នងការ​រង​នគរបាល​ជាតិ និង​ជា​អគ្គនាយក នៃ​អគ្គនាយក​អន្តោប្រវេសន៍​កម្ពុជា។ ក្នុងឆ្នាំ២០០២ មានជនអន្តោប្រវេសន៍វៀតណាម ចូលមកកម្ពុជា ដោយខុសច្បាប់ ចំនួន៧ម៉ឺននាក់។ លុះ​មក​ដល់ឆ្នាំ២០១៤ ជនអន្តោប្រវេសវៀតណាមនេះ បានកើនឡើង ដល់ជាង ១០ម៉ឺន នាក់ និងចុងឆ្នាំ២០១៤ បាន​កើនឡើង រហូតដល់ជាង១៦ម៉ឺននាក់។ នេះជាការថ្លែងអះអាង របស់លោក សុខ ផល អគ្គស្នងការរង​នគរបាល​ជាតិ និងជាអគ្គនាយក នៃអគ្គនាយកអន្តោប្រវេសន៍កម្ពុជា។

ថ្លែងក្នុងកិច្ចប្រជុំផ្សព្វផ្សាយ ផែនការនៃការគ្រប់គ្រង ជនបរទេសអន្តោប្រវេសន៍ រៀបចំដោយក្រសួងមហាផ្ទៃ កាលពីថ្ងៃទី១ ខែកក្កដា ឆ្នាំ២០១៥នេះ លោក សុខ ផល បានទទួលស្គាល់ថា ការហូរចូលនៃជនជាតិវៀតណាម ក្នុងរយៈកាលប៉ុន្មានឆ្នាំចុងក្រោយនេះ មានការកើនឡើង ស្មើមួយគុណនឹងបួន បើធៀបទៅឆ្នាំ២០០០។ តាម​របាយការណ៍ប្រាំបីខែចុងឆ្នាំ២០១៤នេះ លោក បានបញ្ជាក់ទៀតថា ការហូរចូល និងការស្នាក់នៅរបស់​ជន​បរទេស បែបអន្តោប្រវេសន៍ ឬគ្មានឯកសារស្នាក់នៅកម្ពុជា ឬជនបរទេស ដែលគ្មានលិខិតស្នាមត្រឹមត្រូវ មាន​ប្រមាណ​ជាង ១៨០០នាក់ ក្នុងនោះមានជនជាតិវៀតណាម ជាង១៥០០នាក់ ដែលបានបណ្តេញចេញ​ពីកម្ពុជា​រួច។

លោកបានបន្តថា ក្នុងដើមឆ្នាំ២០១៥នេះ ក្រុមការងារលោក បានរកឃើញជនអន្តោប្រវេសន៍ខុសច្បាប់ ប្រមាណ​ជាង១២០០នាក់ទៀត ដែលក្នុងនោះមាន៩៥ ទៅ៩៨ភាគរយ ជាជនជាតិវៀតណាម។ យ៉ាងណា​ក៏​ដោយ អគ្គនាយកនៃអគ្គនាយកអន្តោប្រវេសន៍កម្ពុជា បានទទួលស្គាល់ថា ការធ្វើជំរឿន ដើម្បីស្វែងរក​ជន​អន្តោប្រវេសន៍ វៀតណាមខុសច្បាប់ នៅកម្ពុជានេះ ព្រោះតែមានការសហការ ជាមួយនឹងក្រសួងនគរបាល នៃប្រទេសវៀតណាម។ លោកហៅការសហការនេះថា គោរពអធិបតេយ្យភាព និងឯករាជភាពរបស់​ភាគី​កម្ពុជា ដោយប្រទេសវៀតណាម។

ដោយមានការសហការ ជាមួយនឹងក្រសួងនគរបាលវៀតណាមនេះ កម្ពុជាបានធ្វើការពិនិត្យ និងជំរឿន លើ​ជនជាតិវៀតណាម ដែលកំពុងស្នាក់នៅកម្ពុជា ជាមួយនឹងការបញ្ជូនចេញ ឬផ្លាស់ប្តូរទីកន្លែង ដោយពុំចាំ​បាច់​មានការសម្រេច ជាមួយក្រសួងនគរបាលវៀតណាម ជាមុនឡើយ។ ក្នុងកិច្ចការពិនិត្យ និងធ្វើជំរឿននោះ លោក​ស្នើឲ្យមន្រ្តីអន្តោប្រវេសន៍ ទាំង២៥ខេត្ត-ក្រុងរបស់កម្ពុជា ពង្រឹង និងសហការគ្នា ដើម្បីទប់ស្កាត់ ការ​ហូរចូលជនបរទេសដោយខុសច្បាប់ ដោយគំហុកមកកម្ពុជាយ៉ាងដូច្នេះ។

អំពើពុករលួយ...

កន្លងមកមានការរិះគន់ ថាលំហូរចូលមករស់នៅ របស់ជនអន្តោប្រវេសន៍ខុសច្បាប់ នៅក្នុងប្រទេសកម្ពុជា ដោយសារការប្រព្រឹត្តិអំពើពុករលួយ នៃមន្ត្រីអាជ្ញាធរ ដែលបានបើកព្រំដែន ឲ្យជនជាតិបរទេសទាំងនោះ អាចចូលមកក្នុងប្រទេសកម្ពុជា ទាំងគ្មានសំបុត្រស្នាមច្បាស់លាស់។ ការរិះគន់ខ្លះទៀត បានលើកឡើងថា ជនអន្តោប្រវេសន៍ដ ខុសច្បាប់ជាច្រើន អាចរស់នៅយ៉ាងស្រួល រហូតអាចធ្វើការបោះឆ្នោត នៅ​កម្ពុជា​បាន ដោយសារតែមន្ត្រីអាជ្ញាធរថ្នាក់មូលដ្ឋាន បានឃុបឃិត ប្រព្រឹត្តិអំពើពុករលួយ លួចធ្វើ​អត្តសញ្ញាណ​ប័ណ្ណ និងប័ណ្ណគ្រួសារជាដើម ឲ្យទៅជនអន្តោប្រវេសន៍ទាំងនោះ។

ឆ្លើយតបនឹងការចោទប្រកាន់ខាងលើ លោក ខាត់ សារ៉េត មន្រ្តីអន្តោប្រវេសន៍ប្រចាំច្រកបាវិត ខេត្ត​ស្វាយរៀង​បានលើកឡើងថា ក្រុមការងាររបស់លោក មានការរិតត្បិតការហូរចូល នៃជនអន្តោប្រវេសន៍វៀតណាម​ខ្លាំង​ណាស់។ តែលោកនៅតែបង្ហាញការសោកស្តាយ ដោយជនអន្តោប្រវេសន៍ទាំងនោះ បានលបលួច​ចូល​តាម​ច្រក​របៀង ដែលមាននៅតាមបណ្តាខេត្តទាំង៩ ស្ថិតនៅជាប់ព្រំប្រទល់វៀតណាម។

លោក ខាត់ សារ៉េត បានលើកឡើងទៀតថា ច្រកបាវិតនេះ មានទំហំធំធេងណាស់។ លោកបន្តថា ចំណុច​ដែលផុតពីការគ្រប់គ្រងរបស់លោក ខាងខេត្តជាអ្នកតាមដាន និងគ្រប់គ្រង។ លោកបានបញ្ជាក់ថា៖ «វាតាម​បណ្តោយ​ព្រំដែន វាមានឆ្ងាយណាស់ វាមានច្រករបៀង(ខេត្តគ្រប់គ្រង) មានវាលស្រែ ព្រៃ...។ ខ្ញុំត្រួតពិនិត្យ តែមួយ​ច្រក​ព្រំដែនទេ។ (...) ភូមិសាស្រ្តរបស់ខ្ញុំ គឺមានកម្រិតដែលត្រួតត្រាបាន។»

ចំពោះករណីឃុបឃិត លួចធ្វើលិខិតស្នាមស្របច្បាប់ ដោយមន្ត្រីអាជ្ញាធរមូលដ្ឋានោះ ត្រូវបានលោក សុខ ផល បញ្ជាក់ទៅមន្រ្តីអន្តោប្រវេសន៍ទាំងអស់ នៅថ្នាក់មូលដ្ឋាន ថាត្រូវតែបញ្ឈប់ការធ្វើសំបុត្រកំណើត សៀវភៅ​គ្រួសារ និងអត្តសញ្ញាណប័ណ្ណ «ខុសច្បាប់» ឲ្យជនបរទេស ដែលបានចូលមកកម្ពុជាចាប់ពី​ពេល​នេះ​តទៅ៕

2018-11-14 ក្រុម​ការងារ ១០០​រាត្រី​ ចង់​ឃើញ​វិធានការ​ច្បាប់​ម៉ឺងម៉ាត់​ ចំពោះ​​អ្នក​​​រស់​នៅ​​លើ​​បឹង​​ទន្លេ​សាប​​ខុស​ច្បាប់ សង្គម​ស៊ីវិល និង​ក្រុម​យុវជន​ដែល​សកម្ម​នឹង​កិច្ចការ​សង្គម​រក​ឃើញ​ថា យុទ្ធនាការ​បំឡាស់​ទី​ជនជាតិ​វៀតណាម​ពី​ផ្ទៃ​បឹង​ទន្លេសាប​នៅ​ខេត្ត​កំពង់ឆ្នាំង ឲ្យ​មក​រស់​លើគោក​វិញ​របស់​អាជ្ញាធរ​ខេត្ត​នេះ គឺជា​រឿង​មិន​ស្របតាម​ច្បាប់​នោះ​ទេ ប្រសិនបើ​ជន​អន្តោប្រវេសន៍​ទាំងនោះ​មិនបាន​បំពេញ​លក្ខខណ្ឌ​ត្រឹម​ត្រូវជា​ជនអន្តោប្រវេសន៍​ស្របច្បាប់ ហើយ​អាជ្ញាធរ​កម្ពុជា​ចាំបាច់​ត្រូវ​បញ្ជូន​ពួកគេ​ទៅ​ប្រទេស​របស់​គេ​វិញ។

មន្ត្រី​សង្គម​ស៊ីវិល និង​ពលរដ្ឋ​រស់នៅ​តំបន់​បឹង​ទន្លេសាប​មិនទាន់​ស្ងប់​អារម្មណ៍​នៅឡើយ​ពី​គម្រោង​របស់​អាជ្ញាធរ​ខេត្ត​កំពង់ឆ្នាំង​ដើម្បី​ជម្លៀស​ជន​ជាតិ​វៀតណាម​ពី​ផ្ទៃ​បឹង​ទន្លេសាប ឲ្យ​មក​រស់នៅ​លើគោក​វិញ ដោយសារតែ​ពួកគេ​សង្ស័យ​ថា ជនជាតិ​វៀតណាម​ទាំងនោះ ជា​ជនអន្តោប្រវេសន៍​ខុសច្បាប់។ ពួកគេ​អះអាង​ថា ផ្ទះ​បណ្ដែត​ទឹក​រាប់ពាន់​ខ្នង​លើ​ផ្ទៃ​បឹង​ទន្លេសាប បែប​អនាធិបតេយ្យ​របស់​ជន​អន្តោប្រវេសន៍​ទាំងនោះ បង្ក​ផល​ប៉ះពាល់​ធំធេង​ដល់​បរិស្ថាន​ទន្លេសាប ជីវចម្រុះ ដែល​ជា​ជម្រក​ត្រី និង​ជាទី​កន្លែង​ចិញ្ចឹមជីវិត​របស់​ពលរដ្ឋ​ខ្មែរ​រស់នៅ​តំបន់​បឹង​ទន្លេសាប​ទាំងមូល។

សមាជិក​ក្រុម​ស្រាវជ្រាវ " ១០០​រាត្រី ដែល​សកម្ម​ចុះ​ឃ្លាំមើល​បញ្ហា​នេះ លោក មួង សូនី ព្រួយបារម្ភ​ខ្លាំង​ពី​ហានិភ័យ​ជាតិ​កម្ពុជា​ដោយសារតែ​ជនជាតិ​វៀតណាម​ខុសច្បាប់​នៅតែ​កើន​ឡើងជា​រៀងរាល់​ឆ្នាំ ដែល​បាន​មក​តាំងទី​លំនៅ លើ​ផ្ទៃ​បឹង​ទន្លេ​សាប។ លោក​ថា ការ​ព្រងើយ​កន្តើយ​ឲ្យ​ជនជាតិ​វៀតណាម​អាច​រស់​នៅ​លើ​ផ្ទៃ​បឹង​ទន្លេសាប​ខុសច្បាប់​បាន មិន​ត្រឹមតែ​ប៉ះពាល់​បរិស្ថាន​ធ្ងន់ធ្ងរ​ទេ វា​បង្ក​គ្រោះថ្នាក់​ធំ​សម្បើម​ដល់​ជាតិ​ទាំងមូល បើ​កម្ពុជា​មិន​ប្រញាប់​អនុវត្ត​ច្បាប់​ឲ្យ​ម៉ឺងម៉ាត់​នោះ​ទេ៖ «ជនជាតិ​វៀតណាម​ដែល​គាត់​រស់នៅ​ហ្នឹង គឺ​គាត់​បន្ទោបង់​លើ​ហ្នឹង គាត់​ចោល​សំរាម​លើ​ហ្នឹង​ធ្វើ​ឲ្យ​ទឹកខ្មៅ​កង្វក់ ហើយ​ខ្ញុំ​គិត​ថា ពុំ​មែន​ជា​ដំណោះស្រាយ​មួយ​ល្អ សម្រាប់​បរិស្ថាន​ជុំវិញ​បឹង​ទន្លេសាប​ទេ រដ្ឋាភិបាល​គួរតែ​ចាត់វិធានការ​មួយ​គឺ​ចាត់​វិធានការ​​បញ្ជូន​គាត់​ទៅវិញ ដើម្បី​ការពារ​ទន្លេ​បាន និង​ការពារ​ច្បាប់ បរិស្ថាន និង​ធន​ធម្មជាតិ។ បើ​យើង​មិន​ចាប់​បញ្ជូន​គាត់​ទៅវិញ អ៊ីចឹង​ថ្ងៃក្រោយ​គាត់​មក​ទៀត»។

លោក មួង សូ​នី រក​ឃើញ​ថា ជនអន្តោប្រវេសន៍​វៀតណាម​ដែល​រស់​នៅ​លើ​ផ្ទៃ​បឹង​ទន្លេសាប​គឺ ស្ទើរ​ទាំងអស់​ពុំ​មាន​ឯកសារ​ផ្លូវច្បាប់​ត្រឹមត្រូវ​ទេ ហើយ​ពួកគេ​តែង​នេសាទ​ប្រើ​ឧបករណ៍​ខុសច្បាប់​ចិញ្ចឹមជីវិត​ជា​លក្ខណៈ​សហគមន៍ ធ្វើ​ឲ្យ​ធនធាន​ត្រី​នៅ​បឹង​ទន្លេសាប​កាន់តែ​ថយ ចុះ និង​ប៉ះពាល់​មុខរបរ​ចិញ្ចឹម​ពលរដ្ឋ​ខ្មែរ​ដែល​មាន​ទម្លាប់​នេសាទ​លក្ខណៈ​គ្រួសារ៖ «ប្រជាជន​វៀតណាម ១​រយ​ភាគរយ មាន​៩០​ភាគរយ ដែល​គាត់​ប្រើ​ឧបករណ៍​នេសាទ​ខុសច្បាប់​លក្ខណៈ​សហគមន៍ ហើយ​ឥឡូវ​គេ​ប្រើ​ឧបករណ៍​ដែល​នេសាទ​សមុទ្រ​ដែល​គេ​ប្រើ​ភ្លើង​ឲ្យ​ត្រី​មក​ផ្ដុំ​គ្នា។ ខ្ញុំ​មើល​ឃើញ​ថា បទល្មើស​នេសាទ​នៅ​បឹង​ទន្លេសាប​មាន​លក្ខណៈ​ធ្ងន់ធ្ងរ​ណាស់»។

អភិបាលខេត្ត​កំពង់ឆ្នាំង លោក ឈួរ ច័ន្ទឌឿន ប្រាប់​កាសែត​ក្នុងស្រុក​កាលពីដើម​ខែ​តុលា​ថា អាជ្ញាធរ និង​សមត្ថកិច្ច​ពាក់ព័ន្ធ នឹង​ផ្ដើម​ផ្លាស់​ទី​ជនជាតិ​វៀតណាម ចំនួន ២.៣៩៧​គ្រួសារ ដែល​រស់នៅ​លើ​ផ្ទះ​បណ្ដែត​ទឹក នៅ​តាម​ដង​ទន្លេសាប​ទូទាំង​ខេត្ត​កំពង់ឆ្នាំង ឲ្យ​មក​នៅ លើគោក​វិញ។ លោក​ថា អាជ្ញាធរ​បាន​ដោះស្រាយ ចំពោះ​ការ តវ៉ា​ពី​ក្រុម​ជនជាតិ​វៀតណាម និង​ចាត់វិធានការ​រដ្ឋបាល​យ៉ាង​តឹងរ៉ឹង​ដើម្បី​អនុវត្ត​ការងារ​នេះ ឲ្យ​មាន​ប្រសិទ្ធភាព។ លើស​ពី​នេះ សម្រាប់​ទីតាំង​លើ​ដី​គោក ដែល​នឹង​ផ្លាស់​ឲ្យ​ជនជាតិ​វៀតណាម​ទៅ​រស់នៅ​ឆ្ងាយ​ពី​កន្លែង​ចាស់​ប្រមាណ ១​គីឡូម៉ែត្រ ហើយ​ខ្លះ​ទៀត ត្រូវ​កំណត់​ឲ្យ​ទៅ​រស់នៅ​ឃុំ​ស្វាយជ្រំ ស្រុក​រលាប្អៀរ ដោយមាន​ទំហំ​ដី ៤០ ហិកតារ ដែល​ផ្ដល់​ដោយ​សមាគម​វៀតណាម សហការ​ពី​ដៃគូ​ឯកជន ជួល​ឲ្យ​ពួកគេ​រស់នៅ។

កាលពី​ថ្ងៃទី១៨ កុម្ភៈ កាសែត​ក្នុងស្រុក​ចុះផ្សាយ​ថា សមាគម​វៀតណាម នៅ​កម្ពុជា បាន​ទិញ​ដី​ព្រៃ​លិច​ទឹក ឬ​ដែន​នេសាទ​ជលផល​ក្នុង​បឹង​ទន្លេសាប​ជាង ៧០ហិកតា ( ៧២ ) ក្នុង​ឃុំ​ស្វាយជ្រំ ស្រុក​រលាប្អៀរ ខែត្រ​កំពង់ឆ្នាំង បំណង​រៀបចំ​ឲ្យ​ជន​ជាតិ​​វៀតណាម ដែល​កំពុង​រស់នៅ​លើទឹក​មានលទ្ធភាព​តាំង​ទីលំនៅ​កន្លែង​នោះ​បាន ដោយមាន​ការ ឯកភាព​ពី​អាជ្ញាធរ​ខែត្រ​កំពង់ឆ្នាំង​ផង។ បញ្ហា​នេះ រង​ការរិះគន់​ពី​សង្គម​ស៊ីវិល និង​ក្រុមយុវជន ដែល​ពួកគេ​ចាត់ទុកថា នឹង​បង្ក​គ្រោះថ្នាក់​ដល់​បរិស្ថាន​​ទន្លេសាប និង​ប្រយោជន៍​ពលរដ្ឋ ខណៈ​ដី​ដែល​សមាគម​វៀតណាម​ទិញ​ចំនួន ៧២ ហិកតារ​នោះ គឺជា​តំបន់​ព្រៃ​លិច​ទឹក និង​ជា​កន្លែង​ត្រី​ពង​កូន​ដែល​ជា​ប្រភព​ចំណូល​សេដ្ឋកិច្ច​របស់​ពលរដ្ឋ​ខ្មែរ។

របាយការណ៍​អាជ្ញាធរ​ខែត្រ​កំពង់ឆ្នាំង​បង្ហាញ​ថា មាន​ជនអន្តោប្រវេសន៍​វៀតណាម រស់នៅ​លើទឹក​ប្រមាណ ២.៣៩៧​គ្រួសារ ក្នុង​នោះ​មាន​ផ្ទះ​បណ្ដែត​ទឹក​ជាង ១​ពាន់​ខ្នង។ លើស​ពី​នេះ កន្លែង​ដែល​ជនជាតិ​វៀតណាម​រស់នៅ​ច្រើន​ជាងគេ គឺ​នៅ​ផ្សារ​ក្រោម សង្កាត់​កំពង់ឆ្នាំង តំបន់​ឆ្នុកទ្រូ ស្ថិត​ក្នុង​ឃុំ​ឆ្នុកទ្រូ ស្រុក​បរិបូណ៌ ហើយ​ក្រៅពីនោះ​នៅ​ស្រុក​កំពង់ត្រឡាច និង​តំបន់​ផ្សេងៗ ទៀត។

ប្រធាន​អង្គការ​សម្ព័ន្ធ​គណនេយ្យ​ភាព​សង្គម​កម្ពុជា លោក សន ជ័យ យល់ថា តុល្យភាព​ការអនុវត្ត​ច្បាប់​គ្រប់គ្រង​ជនអន្តោប្រវេសន៍ របស់​អាជ្ញាធរ​កម្ពុជា កំពុង​ឋិត​ក្នុង​ភាព​មិន​ច្បាស់​លាស់​នៅឡើយ​ទេ ខណៈ​ដែល​មេដឹកនាំ​វៀតណាម នៅតែ​ចិញ្ចឹម​ចិត្ត​ស្នើសុំ ឲ្យ​កម្ពុជា​មើល​ថែរក្សា​ជនជាតិ​របស់​គេ​ដែល​កំពុង​រស់នៅ​កម្ពុជា។ លោក​អះអាង​ថា អាជ្ញាធរ​កម្ពុជា ត្រូវ​ញែក​ឲ្យ​ដាក់​រវាង​ជនជាតិ​វៀតណាម​រស់នៅ​ខុសច្បាប់ និង​ស្របច្បាប់ តែ​បើ​ពលរដ្ឋ​វៀតណាម​រស់នៅ​ខុសច្បាប់​កម្ពុជា​ត្រូវ​មាន​វិធានការ​ច្បាប់​ដែរ៖ «បើ​គាត់​រស់នៅ​ខុសច្បាប់​ត្រូវ​ចាប់​បញ្ជូន​ទៅវិញ។ ត្រូវ​ញែក​ឲ្យ​ដាក់​រវាង​ជនជាតិ​វៀតណាម​រស់នៅ​ខុសច្បាប់ និង​ស្របច្បាប់ តែ​បើ​ពលរដ្ឋ​វៀតណាម​រស់នៅ​ស្របច្បាប់​ការ​ផ្ដាំផ្ញើ​គឺ​ចៀស​មិន​រួច​ទេ តើ​បើ​រស់នៅ​ខុសច្បាប់​ត្រូវ​មាន​បញ្ហា​ផ្លូវ​ច្បាប់​​ដែរ»។

លោក មួង សូនី លើកឡើង​ថា ដំណោះស្រាយ​ល្អ​បំផុត​របស់​អាជ្ញាធរ​ខេត្ត​កំពង់ឆ្នាំង និង​ស្ថាប័ន​ពាក់ព័ន្ធ​គឺ​ការអនុវត្ត​ច្បាប់​រឹងមាំ ដោយ​ត្រូវ​ចាប់​បញ្ជូន​វៀតណាម​ខុសច្បាប់​ទាំងអស់​ឲ្យ​ត្រឡប់​ទៅ​ប្រទេស​គេ​វិញ និង​ត្រូវ​និរាករណ៍​រាល់​ឯកសារ​ទាំង​ឡាយ ណា​ដែល​រក​ឃើញ​ថា ពួកគេ​ឃុបឃិត​គ្នា​ជាមួយ​អាជ្ញាធរ​ខ្មែរ​ធ្វើ​អត្តសញ្ញាណប័ណ្ណ​សញ្ជាតិ​ខ្មែរ​ខុសច្បាប់​ជាដើម៖ «ការ​ដែល​រីក​ប្រជាជន​វៀតណាម​ច្រើន គឺជា​កត្តា​គ្រោះថ្នាក់​មួយ បើ​កម្ពុជា​នៅតែ​មិន​អាច​ទប់ស្កាត់​ជនអន្តោប្រវេសន៍​បានទេ​យើង​នឹង​ក្លាយ​ជា​ជនជាតិភាគតិច​នៅ​ថ្ងៃ​អនាគត ស្រប​ពេល​ប្រទេស​គេ​មានការ​រីកចម្រើន​សេដ្ឋកិច្ច។ គាត់​មក​វាយ​លិខិតឆ្លងដែន​មួយ​អាទិត្យ តែ​២​ឆ្នាំ​គាត់​ទៅវិញ ហើយ​ហ្នឹង​ព្រំដែន​យើង​ធូររលុង ទំនិញ​ដឹក​ចូល​និង​ដឹក​ចេញ​ខ្វះ​ការ​ត្រូត​ពិនិត្យ និង​សូកប៉ាន់»។

អគ្គនាយកដ្ឋាន​អន្តោប្រវេសន៍ នៃ​ក្រសួងមហាផ្ទៃ លោក អ៊ុក ហៃសិលា បាន​បដិសេធ​មិន​ផ្ដល់​បទសម្ភាសន៍​ដល់​អាស៊ីសេរី​នៅ​ថ្ងៃ​ទី១៣ វិច្ឆិកា។

អ្នកនាំពាក្យ​ទីស្ដីការគណៈរដ្ឋមន្ត្រី លោក ផៃ ស៊ីផាន មានប្រសាសន៍ថា ការសម្រេចចិត្ត​របស់​របប​លោក ហ៊ុន សែន បាន​អនុញ្ញាត​តែ​ជនអន្តោប្រវេសន៍​ណា​ស្របច្បាប់​នោះ​ទេ ដែល​អាច​មក​រស់នៅ​លើគោក​បាន​នៅ​ខេត្ត​កំពង់ឆ្នាំង រីឯ​ជន​អន្តោប្រវេសន៍​​ណា​ខុសច្បាប់ អាជ្ញាធរ​នឹង​មាន​វិធានការ​ច្បាប់​ដោយ​បញ្ជូន​ពួកគេ​ទៅ​ប្រទេស​គេ​វិញ។ លោក​បន្ថែម​ថា ការ​បំឡាស់​ទី​ជនជាតិ​វៀតណាម ពី​ផ្ទៃ​បឹង​ទន្លេសាប​មិន​ត្រឹមតែ​ធ្វើឡើង​តែ ខេត្ត​កំពង់ឆ្នាំង​នោះ​ទេ នឹង​បន្ត​អនុវត្ត​កិច្ចការ​នេះ​នៅ​ជុំវិញ​​បឹង​​ទន្លេសាប ដើម្បី​រក្សា​បរិស្ថាន និង គោរព​គោលការណ៍​សិទ្ធិមនុស្ស។ លោក​ថា អាជ្ញាធរ​នឹង​មាន​វិធានការ​សើរើ​សាជាថ្មី ពី​ការ​ផ្ដល់​អត្តសញ្ញាណប័ណ្ណ​ខ្មែរ​ដល់​ជនបរទេស​ណា​មិន​ត្រឹមត្រូវ ហើយ​បច្ចុប្បន្ន​ក្រសួងមហាផ្ទៃ​កំពុង​ចាត់វិធានការ​រឿង​​នេះ៖ «ជនអន្តោប្រវេសន៍​ឋិត​ក្នុង​ការ​គ្រប់គ្រង​តាមច្បាប់ អ្វី​ការសម្រេចចិត្ត​រដ្ឋាភិបាល ការ​ផ្ដល់​ទឹកដី​តែ​ជនអន្តោប្រវេសន៍​ស្របច្បាប់។ ហ្នឹង​សំខាន់​ណាស់ ថា​កម្ពុជា​មិន​បង្ហាញ​ពិភពលោក​ថា យើង​ជា​ប្រជាជន​មួយ​រើសអើង​ជាតិ​សាសន៍ អ្វីៗ​ឋិត​នៅ​​ក្រោម​ច្បាប់​នេះ​ទី​១ ហើយ​ទី ២ យើង​ចង់​រក្សា​បរិស្ថាន​ត្រឹមត្រូវ និង​ទី ៣ ក្នុង​កិច្ចការ​គោរព​សិទ្ធិមនុស្ស​។ រឿង​ជន​អន្តោ​ប្រវេ​ស​ខុសច្បាប់ យើង​នឹង​ចាត់វិធានការ​បណ្ដេញ​ចេញ»។

ច្បាប់​ស្ដីពី​សញ្ជាតិ​ដែល​អនុម័ត​កាលពី​ខែ​តុលា ឆ្នាំ​១៩៩៦ មាត្រា ៨ ចែងថា ជនបរទេស​ដែល​អាច​ស្នើសុំ​សញ្ជាតូបនីយកម្ម​បាន​ត្រូវ​បំពេញ​លក្ខខណ្ឌ ៦ យ៉ាង ក្នុង​នោះ​រួម​ត្រូវ​មាន​លិខិត​ថ្កោលទោស​ដែល​បញ្ជាក់​ថា ពុំ​មាន​បទល្មើស​ព្រហ្មទណ្ឌ​ជា​ដើម។ ក្រៅ​ពី​នេះ ជនបរទេស​ណា​ដែល​ធ្វើ​អំណោយ​ជា​ប្រាក់​ដល់​ថវិកាជាតិ​ចាប់ពី ១ ពាន់​លាន​រៀល​ទៅ អាច​ស្នើសុំ​សញ្ជាតូបនីយកម្ម​បាន។

កាលពី​ខែ​សីហា ឆ្នាំ​២០១៦ អគ្គនាយកដ្ឋាន​អន្តោប្រវេសន៍​នៃ​ក្រសួងមហាផ្ទៃ បាន​ចេញ​ផ្សាយ​របាយការណ៍​ជំរឿន​របស់​ខ្លួន​បង្ហាញ​ថា ជនអន្តោប្រវេសន៍​ដែល​កំពុង​រស់នៅ​ក្នុង​ប្រទេស​កម្ពុជា ចំនួន ២៥​សញ្ជាតិ ក្នុង​នោះ​ជាង ៩៩​ភាគរយ ដែល​ស្មើ​ប្រមាណ ១៦​ម៉ឺន​នាក់ គឺជា​ជនជាតិ​វៀតណាម៕

2014-04-23 មន្ត្រី​​វៀតណាម៖ លោក សម រង្ស៊ី ហាក់​ប្ដូរ​យុទ្ធសាស្ត្រ​ថ្មី​លើ​ជនជាតិ​វៀតណាម ជនជាតិ​វៀតណាម​នៅ​កម្ពុជា ត្រូវ​បាន​គេ​ដឹង​ជា​ទូទៅ​ថា​មាន​ចំនួន​ភាគ​ច្រើន​ជាង​ជនជាតិ​ភាគ​តិច​ដទៃ​ទៀត ដែល​មក​តាំង​ទីលំនៅ​ក្នុង​ប្រទេស​កម្ពុជា ក្នុង​នោះ​ខ្លះ​រស់​នៅ​ស្របច្បាប់ និង​ភាគច្រើន​ទៀត​រស់​នៅ​ជា​ជនអន្តោប្រវេសន៍​ខុស​ច្បាប់។

មន្ត្រី​ជាន់​ខ្ពស់​គណបក្ស​សង្គ្រោះ​ជាតិ បាន​លើក​ឡើង​ថា បើសិនជា​គណបក្ស​សង្គ្រោះ​ជាតិ កាន់​អំណាច​គណបក្ស​សង្គ្រោះ​ជាតិ នឹង​ធ្វើ​ឲ្យ​ជនជាតិ​វៀតណាម មាន​ដើម​កំណើត​កម្ពុជា មាន​សញ្ជាតិ​ស្រប​ច្បាប់។ តែ​ការ​លើក​ឡើង​របស់​លោក សម រង្ស៊ី នេះ បែរ​ជា​មន្ត្រី​នាំ​ពាក្យ​ស្ថានទូត​វៀតណាម មិន​ចាប់​អារម្មណ៍​ទៅ​វិញ។

មន្ត្រី​នាំ​ពាក្យ​នៃ​ស្ថានទូត​វៀតណាម ប្រចាំ​នៅ​កម្ពុជា លើក​ឡើង​ថា លោក សម រង្ស៊ី ហាក់​បី​ដូច​ជា​ផ្លាស់ប្ដូរ​យុទ្ធសាស្ត្រ​នយោបាយ​ថ្មី​លើ​ជនជាតិ​វៀតណាម រស់​នៅ​លើ​ទឹក​ដី​កម្ពុជា។មន្ត្រី​នាំ​ពាក្យ​ស្ថានទូត​វៀតណាម លោក ត្រឹង វ៉ាន់ថុង មាន​ប្រសាសន៍​ថា លោក​មិន​ចាប់​អារម្មណ៍​ប្រសាសន៍​របស់​លោក សម រង្ស៊ី នៅ​ពេល​នេះ​ទេ។ លោក​បញ្ជាក់​ថា លោក សម រង្ស៊ី កន្លង​មក​បាន​យល់​ច្រឡំ​ជាច្រើន​អំពី​ទំនាក់ទំនង​រវាង​រដ្ឋាភិបាល​វៀតណាម និង​កម្ពុជា ហើយ​បញ្ហា​ការ​ផ្ដល់​សញ្ជាតិ​ឲ្យ​វៀតណាម ឬ​យ៉ាង​ណា​នោះ វា​អាស្រ័យ​លើ​រដ្ឋាភិបាល​កម្ពុជា អនុវត្ត​ច្បាប់​របស់​ខ្លួន និង​ច្បាប់​អន្តរជាតិ ទោះ​បី​ជា​អ្នក​ណា​ដឹកនាំ​ប្រទេស​ក៏ដោយ៖ «ដូច្នេះ​បើ​ការ​លើក​ពី​ការ​ទទួល​ស្គាល់​សញ្ជាតិ​កម្ពុជា ជា​រឿង​មួយ ខ្ញុំ​គិត​ថា អ្នក​ណា​ជា​អ្នក​ដោះស្រាយ​ជា​អ្នក​ដឹក​នាំ គឺ​ត្រូវ​ដោះស្រាយ​យោង​ទៅ​លើ​ច្បាប់​កម្ពុជា និង​ច្បាប់​អន្តរជាតិ»។

​ការ​លើក​ឡើង​របស់​មន្ត្រី​ជាន់ខ្ពស់​ស្ថានទូត​វៀតណាម ប្រចាំ​នៅ​កម្ពុជា​នេះ នៅ​បន្ទាប់ពី​លោក សម រង្ស៊ី បាន​ផ្ដល់​បទសម្ភាសន៍​ដល់​កាសែត​បរទេស​មួយ​ថា បើ​លោក​ដឹកនាំ​ប្រទេស លោក​នឹង​ផ្ដល់​សញ្ជាតិ​ឲ្យ​វៀតណាម ដើម​កំណើត​កម្ពុជា។ លោក សម រង្ស៊ី មាន​ប្រសាសន៍​ថា ប្រជាជន​វៀតណាម ប្រមាណ ៥​សែន​នាក់ ក្នុង​នោះ​មាន​ប្រមាណ​ជា​ពាក់​កណ្ដាល​អាច​បំពេញ​បាន​លក្ខខណ្ឌ​ច្បាប់ ដើម្បី​ក្លាយ​ជា​ពលរដ្ឋ​កម្ពុជា។

ទាក់ទង​នឹង​បញ្ហា​នេះ អ្នក​ជំនាញ​ខាង​វិទ្យាសាស្ត្រ​នយោបាយ និង​ជា​អ្នក​វិភាគ​ឯករាជ្យ លោក​បណ្ឌិត សុខ ទូច មាន​ប្រសាសន៍​ថា ការ​ប្រកាស​របស់​លោក សម រង្ស៊ី នេះ ចង់​បង្ហាញ​ថា លោក​មិន​ចាត់​ទុក​វៀតណាម ជា​សត្រូវ​ទេ និង​ចង់​ឲ្យ​វៀតណាម ស្ងប់​ចិត្ត ដើម្បី​ធានា​ថា នៅ​ពេល​រដ្ឋាភិបាល​ថ្មី​កាន់​អំណាច​មិន​មាន​ការ​រើសអើង​លើ​ជនជាតិ​វៀតណាម នោះ​ទេ៖ «មិន​មែន​តែ CPP ទេ​ដែល​ជួយ​វៀតណាម បក្ស​លោក (សម រង្ស៊ី) ក៏​ជួយ​ដែរ ពេល​ណា​លោក​ឈ្នះ​អំណាច ដើម្បី​អី ដើម្បី​ឲ្យ​វៀតណាម នៅ​កម្ពុជា ស្ងប់​អារម្មណ៍ កុំ​មាន​បញ្ហា​អី​ច្រឡោត​មិន​ទុក​ចិត្ត​លើ​បក្ស​ថ្មី ដែល​កាន់​អំណាច​ធ្វើ​ឲ្យ​ខ្លួន (វៀតណាម) គ្មាន​ជម្រក ឬ​ក៏​មាន​ការ​បណ្ដេញ​ចេញ»។

អ្នកវិភាគ​ពន្យល់​ថា នៅ​ក្នុង​បរិបទ​នយោបាយ​សម័យ​បច្ចុប្បន្ន​គឺ​ខុស​ពី​កាលពី​ទសវត្ស​ឆ្នាំ​១៩៧០ និង​ឆ្នាំ​១៩៧៥ ដែល លន់ នល់ បាន​សម្លាប់​ជនជាតិ​វៀតណាម។ វៀតណាម​រត់​ចាក​ចេញពី​កម្ពុជា នៅ​ពេល​ផ្លាស់ប្ដូរ​របប​គ្រប់គ្រង​ប្រទេស ក៏ប៉ុន្តែ​នៅ​ក្នុង​សតវត្ស​ទី​២១​នេះ​វិញ មិន​មែន​ជា​ការ​ផ្លាស់ប្ដូរ​របប​ទេ គឺ​ជា​ការ​ផ្លាស់ប្ដូរ​ថ្នាក់​ដឹកនាំ​នៅ​ក្រោយ​ពេល​បោះ​ឆ្នោត​តាម​បែប​ប្រជាធិបតេយ្យ។ បញ្ហា​នេះ​មិន​អាច​ថា អ្នក​ដឹកនាំ​ប្រទេស ប្រើ​សិទ្ធិ​របស់​ខ្លួន​ដើម្បី​គាបសង្កត់ ឬ​ធ្វើ​បាប​ទៅ​លើ​ជាតិ​សាសន៍​ណាមួយ​បាន​ដូច​សម័យ ប៉ុល ពត នោះ​បាន​ឡើយ។

អ្នក​ជំនាញ​ផ្នែក​វិទ្យាសាស្ត្រ​នយោបាយ លោក​បណ្ឌិត សុខ ទូច បាន​លើក​ឡើង​ថា ការ​សំដែង​មិន​ចាប់​អារម្មណ៍​របស់​មន្ត្រី​នាំ​ពាក្យ​ស្ថានទូត​វៀតណាម​នេះ ដោយសារ​តែ​លោក​គិត​ថា គណបក្ស​កុម្មុយនិស្ត​វៀតណាម បាន​ចង​សម្ព័ន្ធ​មិត្ត​យ៉ាង​រឹង​មាំ​ជាមួយ​គណបក្ស​ប្រជាជន​កម្ពុជា៖ «គណបក្ស​មួយ​ទៀត​គេ​យល់​ថា គេ​នៅ​តែ​មាន​ការ​ព្រួយ​បារម្ភ ហើយ​ជឿ​ទៅ​ថា គេ​នៅ​តែ​មាន​ភក្ដី​ភាព​ជាមួយ​គណបក្ស​ប្រជាជន ដែល​ជា​គណបក្ស​មួយ​មាន​ឫសគល់ យើង​ដឹង​ហើយ​ថា គណបក្ស​កុម្មុយនីស្ត​កើត​ចេញ​ពី​វៀតណាម នៅ​ឆ្នាំ​១៩៣០ ហើយ​បាន​បំបែក​ខ្លួន​នៅ​ឆ្នាំ​១៩៥១ ហើយ​ក៏​នៅ​តែ​ជា​សម្ព័ន្ធ​មិត្ត​របស់​បក្ស​ឥណ្ឌូចិន​ដដែល»។

​អនុ​ប្រធាន​គណបក្ស​សង្គ្រោះ​ជាតិ លោក កឹម សុខា មាន​ប្រសាសន៍​ពី​សហរដ្ឋអាមេរិក​មក​ថា ការ​ផ្ដល់​សញ្ជាតិ​ឲ្យ​ជនបរទេស​ណា​មួយ​​នៅ​ពេល​គណបក្ស​សង្គ្រោះ​ជាតិ ដឹកនាំ​ប្រទេស​នោះ គឺ​អនុវត្ត​ទៅ​តាម​ច្បាប់​សញ្ជាតិ​ដែល​មាន​ជា​ធរមាន​របស់​កម្ពុជា និង​ច្បាប់​អន្តោប្រវេសន៍។ ការ​អនុវត្ត​នេះ​មិន​សំដៅ​ទៅ​លើ​ជនជាតិ​ណា​មួយ​នោះ​ឡើយ៖ «សម្រាប់​ខ្ញុំ គឺ​យើង​អត់​និយាយ​ថា វៀតណាម ឬ​មិន​វៀតណាម ទេ យើង​គោរព​តាម​ច្បាប់​អន្តោប្រវេសន៍​របស់​យើង កាល​ណា​អ្នក​ណា​ចូល​មក​តាម​ច្បាប់ យើង​ត្រូវ​គោរព​តាម​ច្បាប់ អ្នក​ណា​មក​អន្តោប្រវេសន៍ មិន​ថា​ជនជាតិ​ណា​ទេ គឺ​យើង​មាន​ច្បាប់​របស់​យើង​តើ?»។

​មន្ត្រី​អង្គការ​សង្គម​ស៊ីវិល​បាន​បញ្ជាក់​ថា លំហូរ​នៃ​ជនអន្តោប្រវេសន៍​វៀតណាម​មក​កម្ពុជា បាន​បង្ក​បញ្ហា​ជា​ច្រើន ដូចជា​អំពើ​អសន្តិសុខ​សង្គម បញ្ហា​រំលោភ​បំពាន​ព្រំដែន និង​ការ​ដណ្ដើម​មុខ​របរ​រក​ស៊ី​របស់​ខ្មែរ​ជាដើម។

​ច្បាប់​សញ្ជាតិ​មាត្រា ៨ ចែង​ថា ជន​បរទេស​ដែល​អាច​សុំ​សញ្ជាតូបនីយកម្ម​បាន​ត្រូវ​បំពេញ​លក្ខខណ្ឌ​មួយ​ចំនួន ដូចជា​ត្រូវ​មាន​លិខិត​បញ្ជាក់​ថា មាន​គំនិត​មាយាទ និង​សីលធម៌​ល្អ ដែល​ចេញ​ដោយ​មេ​ឃុំ ឬ​ចៅសង្កាត់​នៃ​លំនៅឋាន​របស់​ខ្លួន។ មាន​លិខិត​ថ្កោលទោស​បញ្ជាក់​ថា ពុំ​ដែល​មាន​ទោស​ពី​បទ​ព្រហ្មទណ្ឌ​ណា​មួយ មាន​លិខិត​បញ្ជាក់​ថា ជន​នោះ​មាន​លំនៅ​ក្នុង​ព្រះរាជាណាចក្រ​កម្ពុជា ហើយ​ស្នាក់​នៅ​ជាប់ ៧​ឆ្នាំ ដែល​គិត​ពី​ថ្ងៃ​ដែល​បាន​ទទួល​ប័ណ្ណ​ស្នាក់​នៅ​ចេញ​ឲ្យ​ក្នុង​ក្របខ័ណ្ឌ​នៃ​ច្បាប់​ស្ដីពី​អន្តោប្រវេសន៍។ មាន​ទីលំនៅ​ក្នុង​ព្រះរាជាណាចក្រ​កម្ពុជា នៅ​ពេល​ដាក់​ពាក្យ​ស្នើសុំ​សញ្ជាតូបនីយកម្ម។ ចេះ​និយាយ​ភាសា​ខ្មែរ ចេះ​អក្សរ​ខ្មែរ និង​យល់ដឹង​ប្រវត្តិសាស្ត្រ​ខ្មែរ​ខ្លះៗ ហើយ​បង្ហាញ​ភស្តុតាង​ច្បាស់​ថា ខ្លួន​អាច​រស់នៅ​ក្នុង​សង្គម​ខ្មែរ​ដោយ​សុខដុម ព្រមទាំង​ទទួល​បាន​នូវ​ទំនៀម​ទម្លាប់ និង​ប្រពៃណី​ល្អ​របស់​ខ្មែរ។ មាន​បញ្ញា និង​កាយសម្បទា​ដែល​មិន​នាំ​ឲ្យ​មាន​គ្រោះថ្នាក់ ឬ​នាំ​ឲ្យ​មាន​បន្ទុក​ដល់​ជាតិ។

ប្រធាន​ក្រុមប្រឹក្សាភិបាល​នៃ​មជ្ឈមណ្ឌល​សិទ្ធិមនុស្ស​កម្ពុជា លោក អ៊ូ វីរៈ ពន្យល់​ថា ជនបរទេស​គឺ​ជា​បញ្ហា​មួយ​ដែល​ត្រូវ​យក​ចិត្ត​ទុក​ដាក់ មិន​ថា​ជនជាតិ​អ្វី​ទេ​ដែល​នៅ​កម្ពុជា។ លោក​បន្ថែម​ថា ការ​អនុវត្ត​ច្បាប់​សញ្ជាតិ និង​ច្បាប់​អន្តោប្រវេសន៍​ជា​រឿង​ចាំបាច់​សម្រាប់​រដ្ឋាភិបាល​កម្ពុជា ទោះ​បី​ជា​អ្នក​ណា​ដឹក​នាំ​ប្រទេស​ក៏ដោយ ក៏ប៉ុន្តែ​លោក​សង្កេត​ឃើញ​ថា កម្ពុជា​មិន​ទាន់​បាន​អនុវត្ត​ច្បាប់​នេះ​ឲ្យ​បាន​ពេញលេញ​នៅ​ឡើយ៖ «ចិន ក៏​អ៊ីចឹង​ដែរ ចិន ចូល​មក​យើង​ច្រើន​ណាស់ អ្នក​ខ្លះ​ចូល​សញ្ជាតិ​ខ្មែរ​យើង បរទេស​ចូល​សញ្ជាតិ​ខ្មែរ ដើម្បី​ទិញ​ដី​ទិញ​អី អា​ហ្នឹង​ដោយសារ​អំពើ​ពុក​រលួយ ខ្ញុំ​មើល​ទៅ​ជា​បញ្ហា​មែន​ទែន អា​ហ្នឹង​ទាល់​តែ​យើង​អនុវត្ត​ច្បាប់​អន្តោប្រវេសន៍​ឲ្យ​បាន​ច្បាស់​លាស់»។

​ជនអន្តោប្រវេសន៍​វៀតណាម រស់​នៅ​កម្ពុជា គឺ​ជា​ប្រធានបទ​ក្ដៅ​មួយ​ដែល​គណបក្ស​ប្រឆាំង​ចោទ​ប្រកាន់​កន្លង​មក​ថា រដ្ឋាភិបាល​មិន​បាន​អនុវត្ត​ទៅ​តាម​ផ្លូវ​ច្បាប់​ចំពោះ​វៀតណាម រស់​នៅ​ខុសច្បាប់​នោះ។ អង្គការ​ការពារ​ជនជាតិ​ភាគ​តិច​បាន​រក​ឃើញ​ថា ជនជាតិ​វៀតណាម ចូល​មក​កម្ពុជា មាន​បី​សណ្ឋាន ទី​១ វៀតណាម​មាន​និន្នាការ​សេរី រត់​គេច​ពី​ការ​តាម​ចាប់​ខ្លួន​ពី​រដ្ឋាភិបាល​កុម្មុយនិស្ត​វៀតណាម ចូល​មក​រស់​នៅ​កម្ពុជា ឬ​អាច​បន្ត​ទៅ​ប្រទេស​ទី​បី។ ទី​២ ចូល​មក​សួរ​សុខទុក្ខ​បងប្អូន ឬ​ចូល​មក​ក្នុង​នាម​ជា​ភ្ញៀវ​ទេសចរ និង​ទី​៣ ជនជាតិ​វៀតណាម​ចូល​កម្ពុជា ដើម្បី​ប្រកប​មុខ​របរ​រក​ស៊ី និង​ប្រកប​អាជីវកម្ម​ផ្សេងៗ ក្នុង​នោះ​ក៏​មាន​អ្នក​រក​ស៊ី​ខុស​ច្បាប់​ដែរ៕

14, Mar 2018 លោក សម រង្ស៊ី អាច​ប្រឈមមុខ​នឹង​ទោស​មួយទៀត ពាក់ព័ន្ធ​ករណី​សន្យា​កាត់​ខេត្ត​៤ ឲ្យ​វៀតណាមភ្នំពេញ​៖ អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី អាច​ប្រឈមមុខ​នឹង​ទោស​មួយទៀត ពាក់ព័ន្ធ​នឹង​ករណី​សន្យា​កាត់​ដី​ចំនួន​៤​ខេត្ត ឲ្យ​វៀតណាម​។ សម្ដេចនាយក​រដ្ឋមន្ត្រី ហ៊ុន សែន បាន​និយាយថា ទង្វើ​របស់លោក សម រង្ស៊ី បាន​ចុះហត្ថលេខា​ជាមួយ​លោក កុក ស មេដឹកនាំ​ជនជាតិភាគតិច​របស់វៀតណាម​នេះ គឺជា​រឿង​ក្បត់ជាតិ ដែល​មិនអាច​លើកលែង​ឲ្យ​បានឡើយ​។ថ្លែង​ក្នុង​ពិធី​សម្ពោធ​ស្ពាន​ឆ្លងកាត់​ទន្លេ​ពី​ក្រុង​កំពង់ចាម​ទៅកាន់​កោះ​ប៉ែន នៅ​ព្រឹក​ថ្ងៃទី​១៤ មីនា​នេះ សម្ដេច ហ៊ុន សែន បាន​បញ្ជា​ឲ្យ​រដ្ឋមន្ត្រី​ក្រសួងមហាផ្ទៃ និង​រដ្ឋមន្ត្រី​ក្រសួងយុត្តិធម៌ បើក​ការស៊ើបអង្កេត​លើ​ករណី​លោក សម រង្ស៊ី និង​មេដឹកនាំ​ជនជាតិភាគតិច​វៀតណាម ដើម្បី​ប្រមូល​ភស្តុតាង ចាត់វិធានការ​តាមផ្លូវ​ច្បាប់​។​

​ជាមួយគ្នានេះ​ប្រមុខ​រដ្ឋាភិបាល គ្រោង​ទៅ​ប្រទេស​វៀតណាម ដើម្បី​សួរនាំ​ព័ត៌មាន​ទាក់ទង​នឹង​ការចុះហត្ថលេខា​រវាង​លោក សម រង្ស៊ី និង​លោក កុក ស នេះ​ផងដែរ​។ ការ​ប្រតិកម្ម​របស់​សម្ដេច ហ៊ុន សែន បែបនេះ ធ្វើឡើង​បន្ទាប់ពី​មាន​វីដេអូ​ឃ្លី​ប​បង្ហោះ​នៅក្នុង​បណ្ដាញ​ហ្វេ​ស​ប៊ុ​ក ដែល​បង្ហាញ​ពី​សកម្មភាព​របស់លោក សម រង្ស៊ី និង​លោក កុក ស មេដឹកនាំ​ជនជាតិភាគតិច​វៀ​ណា​ម បាន​ចុះហត្ថលេខា​រួមគ្នា​មួយ នៅលើ​ទឹកដី​សហរដ្ឋអាមេរិក កាលពី​អំឡុង​ឆ្នាំ​២០១៣ ដែល​ត្រូវបាន​ចែករំលែក​ត​គ្នា​ឡើងវិញ​ពេល​ថ្មីៗ​នេះ​។

​តាមរយៈ​វីដេអូ​ជាង​១​នាទី ដែល​បាន​បង្ហោះ​ឡើង​នេះ​លោក សម រង្ស៊ី បាន​និយាយថា នៅពេល​គណបក្ស​សង្គ្រោះ​ជាតិ​ដឹកនាំ​រដ្ឋាភិបាល លោក​នឹង​កាត់​ខេត្តរតនគិរី មណ្ឌលគិរី ស្ទឹងត្រែង និង​ក្រចេះ​ឲ្យ​ក្រុម​ជនជាតិភាគតិច​វៀតណាម Degar (​ម៉ុង​តា​ញ៉ា​) ដើម្បី​គ្រប់គ្រង​ផ្តល់​ស្វ័យភាព និង​មាន​សិទ្ធិ​ពេញលេញ អាច​រស់នៅ​និង​មាន​សិទ្ធិ​ដូច​ប្រជាជន​កម្ពុជា​ដែរ​។​

​តែ​យ៉ាងណា​ព័ត៌មាន​នេះ ត្រូវបាន​លោក សម រង្ស៊ី អតីត​ប្រធាន​គណបក្ស​សង្គ្រោះ​ជាតិ ធ្លាប់បាន​បញ្ជាក់ប្រាប់​វិទ្យុ​បារាំង​ថា លោក​មិនបាន​ចុះហត្ថលេខា​សន្យា​កាត់​ដី​ឲ្យ​ជនជាតិ​វៀតណាម​ទេ​។ លោក​ថា ឯកសារ​ដែល​លោក ចុះហត្ថលេខា​ជាមួយ​លោក កុក ស មេដឹកនាំ​ជនជាតិភាគតិច​ម៉ុង​តា​ញ៉ា កាលពី​ឆ្នាំ​២០១៣​នោះ គឺមាន​ខ្លឹមសារ ចង់​ឲ្យ​មានការ​ទទួលស្គាល់​សិទ្ធិ​ស្របច្បាប់​របស់​ជនជាតិ​ម៉ុង​តា​ញ៉ា ដែល​រស់នៅក្នុង​ប្រទេស​កម្ពុជា ក្នុង​ខេត្ត​ទាំង​៤​ខាងលើនេះ​ប៉ុណ្ណោះ​៕

ក្នុងសន្និសីទការសែតនៅរសៀលថ្ងៃទី០១ ខែឧសភា ឆ្នាំ២០១៤ នៅទីស្នាក់ការគណបក្សសង្រ្គោះជាតិ លោកសម រង្ស៊ី ប្រធានគណបក្សសង្គ្រោះជាតិ បានថ្លែងបញ្ជាក់ថា នឹងផ្តល់សញ្ជាតិឱ្យជនជាតិវៀតណាម ដែលរស់នៅលើទឹកដី​កម្ពុជា ដើម្បីជាការគោរច្បាប់សញ្ជាតិរបស់ប្រទេសកម្ពុជា។ លោកបញ្ជាក់ថា ច្បាប់ត្រូវតែអនុវត្តចំពោះបុគ្គលគ្រប់រូប អត់មានរើសអើងប្រកាន់ពូជសាសន៍ ឬដើមកំណើតអ្វីទេ។ក្នុងសន្និសីទការសែតនៅរសៀលថ្ងៃទី០១ ខែឧសភា ឆ្នាំ២០១៤ នៅទីស្នាក់ការគណបក្សសង្រ្គោះជាតិ លោកសម រង្ស៊ី ប្រធានគណបក្សសង្គ្រោះជាតិ បានថ្លែងបញ្ជាក់ថា នឹងផ្តល់សញ្ជាតិឱ្យជនជាតិវៀតណាម ដែលរស់នៅលើទឹកដី​កម្ពុជា ដើម្បីជាការគោរច្បាប់សញ្ជាតិរបស់ប្រទេសកម្ពុជា។ លោកបញ្ជាក់ថា ច្បាប់ត្រូវតែអនុវត្តចំពោះបុគ្គលគ្រប់រូប អត់មានរើសអើងប្រកាន់ពូជសាសន៍ ឬដើមកំណើតអ្វីទេ។សិទ្ធិ -  ប្រធានគណបក្សប្រឆាំង លោក សម រង្ស៊ី បានថ្លែងពន្យល់ជុំវិញការផ្ដល់សញ្ជាតិ ទៅឲ្យជនជាតិវៀតណាម នៅកម្ពុជាថា គណបក្សរបស់លោកគ្រាន់តែអនុវត្តន៍ ទៅតាមច្បាប់ប៉ុណ្ណោះ។

ការថ្លែងរបស់លោក សម រង្ស៊ី ប្រធានគណបក្សសង្គ្រោះជាតិ នៅក្នុងសន្និសីទការសែតកាលពីថ្ងៃទី១ ខែឧសភានេះ បន្ទាប់ពីសង្គ្រាមពាក្យសម្ដីមួយ បានផ្ទុះឡើងកាលពីសប្ដាហ៍មុន ជុំវិញពាក្យសម្ដីរបស់មេដឹកនាំក្រុមប្រឆាំងរូបនេះ ក្នុងកិច្ចសម្ភាសន៍ជាមួយកាសែតបរទេសមួយ ថាបើលោក ឬគណបក្សរបស់លោកដឹកនាំប្រទេសកម្ពុជា លោក​នឹង​ផ្ដល់សញ្ជាតិស្របច្បាប់​ឲ្យជនជាតិ​វៀតណាម ដើមកំណើតនៅកម្ពុជា។

ការថ្លែងរបស់លោក បានបង្កការភ្ញាក់ផ្អើលយ៉ាងខ្លាំង ដោយសារតែក្នុងពេលកន្លងមក មេដឹកនាំប្រឆាំងរូបនេះ​តែងតែ​រិះគន់រដ្ឋាភិបាល គ្រប់គ្រងដោយគណបក្សប្រជាជនកម្ពុជា ថាមិនបានអនុវត្តឲ្យបានត្រឹមត្រូវតាមផ្លូវច្បាប់ ចំពោះ​លំហូរចូលជនជាតិវៀតណាមមកកម្ពុជា និងបានចោទរដ្ឋាភិបាលមួយនេះ ថាជាអ្នកទទួលខុសត្រូវ ទាក់ទង​នឹង​អន្តោប្រវេសន៍ខុសច្បាប់ យ៉ាងហួសហេតុនោះ។

ឆ្លើយតបនឹងសំនួររបស់អ្នកសារព័ត៌មាន ក្នុងថ្ងៃទី១ ខែឧសភានេះ លោក សម រង្ស៊ី ក៏ទទួលស្គាល់ដែរថា ការផ្ដល់​សញ្ជាតិនោះ វានឹងអាចធ្វើឱ្យប្រជាពលរដ្ឋខ្មែរមួយចំនួនមិនសប្បាយចិត្ត ប៉ុន្តែលោកនៅតែប្រកាន់ជំហរទៀតថា៖ «ច្បាប់ត្រូវតែគោរព ព្រោះច្បាប់ចែងបែបហ្នឹង បើថ្ងៃក្រោយ យើងមិនសប្បាយចិត្តយើងកែទៅ»។

លោកពន្យល់យ៉ាងដូច្នេះថា៖ «យើងត្រូវយល់ថា គេកើតនៅលើទឹកដីខ្មែរ គេមានសញ្ញាតិជាខ្មែរ ។(...) មកទល់​នឹង​ថ្ងៃនេះ ច្បាប់ឱ្យសញ្ជាតិខ្មែរទៅអ្នកណា ដែលកើតលើទឹកដីប្រទេសកម្ពុជា»។ លោកសម រង្ស៊ី បានលើកឡើងថា មាត្រាដែលច្បាប់បានចែងថា ជនណាដែលកើតនៅលើទឹកដីគឺមានសញ្ញាតិខ្មែរ បើទោះជាជននោះ​មានដើមកំនើត​ជាតិសាសន៍អ្វីក៏ដោយ តែកើតនៅលើទឹកដីកម្ពុជាគឺច្បាប់អនុញ្ញាត តម្រូវឲ្យសញ្ជាតិ«ខ្មែរ»ទៅអ្នកនោះ។

ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ លោក ស ខេង ថ្មីៗនេះធ្លាប់រិះគន់លោក សម រង្ស៊ី ប្រធានគណបក្ស​សង្រ្គោះជាតិ ថាមានគោលជំហរមិនច្បាស់លាស់ ចំពោះជនអន្តោប្រវេសន៍វៀតណាម នៅកម្ពុជា។ តែលោក ស ខេង បានទទួលស្គាល់ថា ជនអន្តោប្រវេសន៍វៀតណាម នៅកម្ពុជា ពិតជាបានបង្កផលលំបាកយ៉ាងច្រើនស្អេកស្កះ ដល់​សុខមាលភាពសង្គមកម្ពុជា។ ហើយលោក ស ខេង បានសន្យាថា នឹងស្រង់ស្ថិតិជនជាតិវៀតណាមនៅកម្ពុជា ឲ្យពិត​ប្រាកដឡើងវិញ ដើម្បីងាយស្រួលគ្រប់គ្រង៕

17 June 2014 at 12:33 សម រង្ស៊ី ថា​ឱ្យ​សញ្ជាតិ​ទៅ​«យួន» ជា​ការ​«គោរព​ច្បាប់»

ទស្សនៈមិត្តអ្នកអានVOD៖ តើវៀតណាមណាខ្លះអាចទទួលបានសញ្ជាតិខ្មែរស្របច្បាប់?

រាស្ត្រខ្មែរស្ទើរគ្រប់គ្នាមិនដែលភ្លេចទេអំពីការខ្លាចបាត់បង់ទឹកដី និងនិគមន៍ជនជាតិវៀតណាមចូលមកប្រទេសកម្ពុជាតាំងពីដើមមកដល់បច្ចុប្បន្ន ជាពិសេសក្នុងពេលយុទ្ធនាការឃោសនាបោះ​ឆ្នោត​កន្លងទៅនេះបានដុតកម្តៅចិត្តរាស្ត្រថែមមួយកម្រិតទៀតរហូតដល់ថ្នាក់មាការបែងចែកបក្ខពួកគ្នាថាពួកនេះវៀតណាម បក្សនេះប្រឆាំង។ ពួកអ្នកដែលត្រូវបានគេចោទថាជាវៀតណាម មានអ្នកខ្លះមិនគិតបែបនេះឡើយ ខ្លះមិនដឹងតបគេយ៉ាងម៉េច ព្រោះក្នុងចិត្តក៏ស្នេហាជាតិដែរ ប៉ុន្តែខ្លះរង់ចាំឱកាសវាយបក។

ថ្មីៗនេះគ្រាន់តែប្រធានគណបក្សសង្គ្រោះជាតិ លោក សម រង្ស៊ី បានប្រកាសអំពីការទទួលស្គាល់ជនជាតិវៀតណាមដែលរស់នៅស្រុកខ្មែរស្របច្បាប់ អាចសុំសញ្ជាតិខ្មែរនៅពេលបក្សសង្គ្រោះជាតិឡើងកាន់អំណាច ស្រាប់តែមានពួក ពណ៌វៀតណាមក្រុមណាមួយនោះ តាំងខ្លួនជាអ្នកសង្គ្រោះជាតិ ហើយ​ហៅលោក សម សង្ស៊ី ថាអាយ៉ងវៀតណាមវិញម្តង។ ពិតជាអស់សំណើចណាស់!

ខ្មែរគ្រប់គ្នាច្បាស់ជាឃើញថាមានជនជាតិវៀតណាមមករស់នៅស្រុកខ្មែររើសអេតចាយ ដេរស្បែក​ជើង ជួសជុលកង់ ម៉ូតូ លក់កាហ្វេ ទឹកស៊ីរ៉ូ ធ្វើសំណង់ហើយចូលតាមគ្នាដូចគេទម្លាក់ចកទៅក្នុងទឹកអីចឹង។ បើទម្លាក់នៅកន្លែងណាហើយគឺកើតកូនពូនចៅនៅទីនោះភ្លាម ឬយកបងប្អូន គូរកនមកជាមួយមិនខាន ហើយពួកគេមិនចេះខ្មែរមួយម៉ាត់ផង គ្រាន់តែចេះមើលលេខលុយដើម្បីលក់ឥវ៉ាន់កំប៉ិកកំប៉ុកប៉ុណ្ណឹង។ រឿងវៀតណាមនេះ អ្នកណាក៏ដឹងច្បាស់ដែរ ទាំងអ្នកចោទ ទាំងអ្នកស្តាប់ ឲ្យតែយកច្បាប់មកអនុវត្តនោះ គឺនឹងបានឃើញច្បាស់ថាតើលោក សម រង្ស៊ី និយាយត្រូវ ឬអ្នកចោទប្រធានគណបក្សនេះខុស ស្រួលមិនស្រួលអ្នកចោទគេហ្នឹងដឹងច្បាស់ថាអ្នកណាអាយ៉ងវៀតណាមផងនៅពេលនេះក៏មិនដឹង។ សំណួរសួរថា តើជនជាតិវៀតណាមណាខ្លះអាចទទួលបានសញ្ជាតិខ្មែរ?

តាមច្បាប់ស្តីអំពីសញ្ជាតិឆ្នាំ ១៩៩៦ យើងអាចបែងចែកជា ៣ករណី ដែលអាចទទួលបានសញ្ជាតិខ្មែរគឺ ការទទួលបានសញ្ជាតិខ្មែរពីកំណើត ទទួលបានសញ្ជាតិខ្មែរដោយអាពាហ៍ពិពាហ៍ និងដោយសញ្ជាតិតូបនីយកម្ម។ ខ្ញុំសូមយកចំណុចដែលជាគន្លឹះតែប៉ុណ្ណោះសម្រាប់បង្ហាញ។

ទី១អ្នកកើតក្នុងស្រុកខ្មែរ។ ចំណុចទី២-ក នៃមាត្រា៤ បានចែងថា អាចទទួលបានសញ្ជាតិខ្មែរបានលុះត្រាតែកូនដែលកើតពីឪពុក និងម្តាយបរទេស ដែលកើត និងរស់នៅស្របច្បាប់ក្នុងព្រះរាជាណាចក្រ កម្ពុជា។ បានន័យថា ទោះបីជាកូនវៀតណាមបានកើតក្នុងព្រះរាជាណាចក្រកម្ពុជាក៏ដោយ ប្រសិនបើឪពុក និងម្តាយរបស់កូននោះកើត និងចូលមករស់នៅកម្ពុជាខុសច្បាប់ កូននោះក៏រស់នៅខុសច្បាប់ដែរ។ ដូចនេះ កូនវៀតណាមនោះមិនអាចរស់នៅ និងសុំចូលសញ្ជាតិខ្មែរបានឡើយ។ តើមានកូនវៀតណាមប៉ុន្មាននាក់ដែលកើតពីឪពុកម្តាយរស់នៅក្នុងស្រុកខ្មែរស្របច្បាប់នោះ?

ចំណុចទី២-ខ មាត្រា៤ សរសេរថាកូនដែលកើតពីឪពុកម្តាយមិនស្គាល់ និងកូនទើបនឹងកើតដែលគេរើសបាននៅក្នុងព្រះរាជាណាចក្រកម្ពុជា ត្រូវបានចាត់ទុកថាកើតនៅក្នុងព្រះរាជាណាចក្រកម្ពុជា(ទទួលបានសញ្ជាតិខ្មែរ)។ សំណួរសួរថា តើមានវៀតណាមប៉ុន្មាននាក់ដែលសុខចិត្តបង្កើតកូនហើយយកមកប្រស់ចោលក្នុងទឹកដីខ្មែរដើម្បីចង់បានសញ្ជាតិនោះ ប្រសិនបើគេអាចចូលមកយ៉ាងស្រួលបែបនេះ? ទី២ មាត្រា៥ សរសេរថា ស្ត្រី ឬបុរសបរទេស ដែលយកប្តី ឬប្រពន្ធខ្មែរ ដោយបានរៀបអាពាហ៍ពិពាហ៍ អាចទាមទារសញ្ជាតិខ្មែរបាន លុះណាតែស្ត្រី ឬបុរសនោះរស់នៅជាមួយគ្នារយៈពេលបីឆ្នាំ ក្រោយពេលចុះសំបុត្រអាពាហ៍ពិពាហ៍។ ចំណុចនេះ ងាយយល់ប៉ុន្តែសំណួរសួរថាតើស្ត្រី ឬបុរសខ្មែរប៉ុន្មាននាក់ដែលយកប្តី ឬប្រពន្ធវៀតណាមនោះ? ទី៣ ការធ្វើសញ្ជាតិតូបនីយកម្ម គឺត្រូវយោងតាមលក្ខខណ្ឌនៃមាត្រា៨ដែលតម្រូវឲ្យជាតិវៀតណាមមានសីលធម៌ល្អ មានលិខិតថ្កោលទោសពីក្រសួងយុត្តិធម៌ថាមិនមានប្រព្រឹត្តបទឧក្រិដ្ឋណាមួយ ស្នាក់នៅស្រុកខ្មែរចំនួន៧ឆ្នាំស្របតាមច្បាប់អន្តោប្រវេសន៍ ចេះនិយាយភាសាខ្មែរ ចេះសរសេរអក្សរខ្មែរ និងយល់ដឹងពីប្រវត្តិសាស្ត្រខ្មែរខ្លះៗ ទទួលនូវទំនៀមទម្លាប់ និងប្រពៃណីល្អរបស់ខ្មែរជាដើម។

មាត្រា១០ មាត្រា១១ និងមាត្រា១៣ ក៏បានសរសេរថា ជនបរទេសណាដែលបានវិនិយោគចំនួន១២៥០លានរៀល(ជាង៣១លានដុល្លារ) ដោយឆ្លងកាត់ឬមិនឆ្លងកាត់ក្រុមប្រឹក្សាអភិវឌ្ឍន៍កម្ពុជា ឬបានបង្ហាញថាខ្លួនបានផ្តល់គុណសម្បត្តិពិសេសឬថ្វីដៃពិសេសអ្វីមួយជាប្រយោជន៍ដល់កម្ពុជារយៈពេល៧ឆ្នាំនៃការស្នាក់នៅស្របច្បាប់ ត្រូវបានលើកលែង មានន័យថាអាចសុំចូលសញ្ជាតិខ្មែរបានដោយបំពេញលក្ខខណ្ឌផ្សេងទៀត។ មាត្រា១២ បង្ហាញថា ជនបរទេសណាដែលបានផ្តល់អំណោយជាប្រាក់ដល់ថវិកាជាតិខ្មែរចាប់ពី១០០០លានរៀលឡើងទៅ(២៥លានដុល្លារ) អាចសុំចូលសញ្ជាតិខ្មែរបានដោយមិនចាំបាច់ស្នាក់នៅ និងមានទីលំនៅក្នុងស្រុកខ្មែរចំនួន៧ឆ្នាំឡើយ។ សំណួរសួរទៀតថា តើមានវៀតណាមប៉ុន្មាននាក់ស្នាក់នៅក្នុងស្រុកខ្មែរស្របតាមច្បាប់ស្តីពីអន្តោប្រវេសន៍? ចេះនិយាយ និងចេះសរសេរខ្មែរ? មានសីលធម៌ល្អបញ្ជាក់ពីមេឃុំ ឬចៅសង្កាត់? មានវៀតណាមប៉ុន្មាននាក់ដែលមកវិនិយោគចាប់ពី១២៥០លានរៀល ឬផ្តល់អំណោយដល់ថវិកាជាតិខ្មែរចាប់ពី១០០០លានរៀលឡើងទៅ? មានថ្វីដៃ ឬគុណសម្បត្តិពិសេសសម្រាប់កម្ពុជា?

ចំណុចសំខាន់មួយមួយទៀតគឺ ជនដែលអនុញ្ញាតឲ្យទទួលបានសញ្ជាតិត្រូវធ្វើសម្បថនៅចំពោះមុខតុលាការកំពូល ហើយសម្រេចដោយព្រះរាជក្រឹត្យ។ សួរថាតើជនជាតិវៀតណាមដែលមានអត្តសញ្ញាណប័ណ្ណសញ្ជាតិខ្មែរបានបោះឆ្នោតសម្រេចជោគវាសនាប្រទេសខ្មែរជាមួយបងប្អូនខ្មែរនោះ តើពួកគេទទួលបានសម្រេចលក្ខខណ្ឌខាងលើហើយ ឬនៅ?

ចុះវៀតណាមដែលចូលមកចន្លោះឆ្នាំ១៩៧៩ដល់មុនឆ្នាំ១៩៩៦ ដែលច្បាប់នេះចេញ? យើងអាច

កាលមុនមានច្បាប់ព្រហ្មទណ្ឌថ្មីប្រើគេប្រើច្បាប់ព្រហ្មទណ្ឌចាស់ ទោះបីមានការផ្លាស់ប្តូររបបក៏ដោយ។ ដូចនេះ គេអាចយកច្បាប់សញ្ជាតិ និងច្បាប់អន្តោប្រវេសន៍របបមុន មកអនុវត្តបានដូចគ្នាមុនពេលច្បាប់អន្តោប្រវេសន៍(១៩៩៤) និងច្បាប់សញ្ជាតិថ្មី(១៩៩៦)ចេញ។ ម្យ៉ាងទៀតទោះបីស្រុកខ្មែរមិនទាន់មានច្បាប់អន្តោប្រវេសន៍ និងច្បាប់សញ្ជាតិពីមុនមក ឬត្រូវនិរាករណ៍ក៏ដោយ វៀតណាមដែលចូលមកស្រុកខ្មែរកាន់តែខុសច្បាប់ទៅទៀត គឺឈ្លានពានទឹកដីខ្មែរ។

សរុបមក វៀតណាមដែលចូលមករស់នៅក្នុងស្រុកខ្មែរ គឺត្រូវតែស្របច្បាប់ទើបអាចសុំសញ្ជាតិខ្មែរបាន។មកដល់ត្រឹមនេះខ្ញុំគិតថា យើងអាចវិនិច្ឆ័យបានថាវៀតណាមដែលមានចំនួនដ៏ច្រើន ហើយក្រសួងមហាផ្ទៃ និងលោកនាយករដ្ឋមន្ត្រី ហ៊ុន សែន បានអះអាងថាមានតែជាង១០ម៉ឺននាក់នោះរស់នៅដោយស្របច្បាប់ ឬខុសច្បាប់បានហើយ។ប្រសិនបើទោះជាមានតែជាង១០ម៉ឺននាក់នោះ ក៏សៀវភៅរាជកិច្ចត្រូវមានទម្ងន់រាប់តោនសម្រាប់ព្រះរាជ ក្រឹត្យសម្រេចផ្តល់សញ្ជាតិវៀតណាម៕

ស អបអរសាទរខួបទី៦៩ នៃទិវាសិទ្ធិមនុស្ស៖ ក្រុមបស្ទិបប្រទេស កំពុងលើកតម្កើងក្រុមអ្នកនយោបាយពូកែញុះញង់រើសអើងប្រកាន់ពូជសាសន៍

(ភ្នំពេញ)៖ អ្នកនយោបាយអង្ករកំប៉ុង សម រង្ស៊ី និងកូនស្រីជនក្បត់ជាតិ កឹម សុខា ទោះបីជាត្រូវនាំជាតិចូលក្នុងសង្គ្រាមស៊ីវិល ឬជម្លោះ ការស្អប់ខ្ពើមនិងប្រកាន់ពូជសាសន៍ ក៏អ្នកទាំងនេះអាចលើកដៃធ្វើទៅកើតដែរដើម្បីមហិច្ឆតាអំណាចនិងការសងសឹកក្នុងគំនុំគ្រួសារ។ សម រង្ស៊ី មានគំនុំឈាមឪពុកខ្លួនដែលត្រូវសងសឹក។ ឪពុក សម រង្ស៊ី ឈ្មោះ សម សារី ត្រូវបានស្លាប់តៃហោងដោយសារតែទោសក្បត់ជាតិ ដែលលួចធ្វើការជាមួយទីភ្នាក់ងារសម្ងាត់របស់អាមេរិក ដើម្បីផ្តួលរំលំរបបដឹកនាំរបស់សម្តេចឪ នរោត្តម សីហនុ។ ចំណែក កឹម មនោវិទ្យា ត្រូវធ្វើសកម្មភាពប្រឆាំងនឹង ប្រយោជន៍ ជាតិ និងប្រជាជន សព្វបែបយ៉ាងដើម្បីរំដោះឪពុកជាជនក្បត់ជាតិចេញពីគុក។

សែស្រឡាយក្បត់ជាតិនេះបានបន្តពីឪដល់កូនហើយឥឡូវនេះទាំង សម រង្ស៊ី និង កឹម មនោវិទ្យា កំពុងតែខិតខំប្រឹងប្រែងបន្តផែនការ ផ្តួលរំលំរាជរដ្ឋាភិបាលស្របច្បាប់តាមទម្រង់បដិវត្តន៍ពណ៌ ញុះញង់បំបែកបំបាក់ជាតិ ញុះញង់មិនឱ្យកងទ័ពស្តាបបង្គាប់បញ្ជា និងធ្វើសកម្មទាំងឡាយប្រឆាំងសន្តិភាព និងការអភិវឌ្ឍ សេចក្តីសុខដែល ជាតិ និងប្រជាជនកម្ពុជាកំពុងតែមាននៅក្នុងដៃ។ សម រង្ស៊ី និងកឹម មនោវិទ្យា បានប្រើសារញុះញង់ បង្កចលាចលក្នុងសង្គម និងវោហារសាស្ត្រស្អប់ខ្ពើមជាតិសាសន៍ឯង និងប្រឆាំងនឹងជាតិសាសន៍វៀតណាមដើម្បីបង្កើនប្រជាប្រិយភាពនិងសំឡេងឆ្នោត ក៏ដូចជាការទាក់ទាញការគាំទ្ររបស់ពល រដ្ឋមួយចំនួនចេញពីការបញ្ឆេះកំហឹងជាតិសាសន៍ដោយមិនបានគិតពីការគោរពសិទ្ធិមនុស្សជាសកលឡើយ។

ចាប់តាំងពីខ្លួនឈានជើងចូលក្នុងឆាកនយោបាយខ្មែរ សម រង្ស៊ី បានប្រើប្រាស់នូវសារនយោបាយបែបស្អប់ខ្ពើមនិងរើសអើងប្រឆាំងជាតិសាសន៍ ដែលផ្ទុយពីសេចក្តី ថ្លែងការណ៍ជាសកលស្តីពីសិទ្ធិមនុស្ស។ នៅអំឡុងពេលបោះឆ្នោតជាតិឆ្នាំ១៩៩៣ រៀបចំឡើងដោយអាជ្ញាធរបណ្តោះអាសន្ន របស់អង្គការសហប្រជាជាតិប្រចាំនៅកម្ពុជា (អ៊ុនតាក់) សម រង្ស៊ី គឺជាបេក្ខជនតែម្នាក់គត់ដែលអង្គការសហប្រជាជាតិ ស្តីបន្ទោសចំពោះសេចក្តីថ្លែងការណ៍រើសអើងជាតិសាសន៍ប្រឆាំងនឹងជនជាតិវៀតណាម។ សម រង្ស៊ី ត្រូវគេដឹងថា មានកេរ្តិ៍ឈ្មោះអាសោចខាងប្រើសេចក្តីថ្លែងការណ៍ និងវោហារសាស្ត្រជាដែលពោរពេញទៅដោយការញុះ ញង់និងការស្អប់ខ្ពើមជាតិសាសន៍។ ជាថ្មីម្តងទៀតសម រង្ស៊ី ត្រូវបានគេចោទរឿងបញ្ឆេះកំហឹង រើសអើងជាតិសាសន៍នៅក្នុងយុទ្ធនាការបោះឆ្នោតឆ្នាំ ១៩៩៨ ដោយប្រើប្រាស់វោហាសាសន៍ ប្រឆាំងនឹង វៀតណាមយ៉ាងខ្លាំងក្លា ហើយក្រុមបាតុករ ដែលបានបោះតង់តវ៉ានៅមុខរដ្ឋសភា ក្បែរព្រះបរមរាជវាំង ដែលពោរពេញដោយកំហឹង និងការស្អប់ខ្ពើមជាតិសាសន៍ តាមការញុះញង់របស់ សម រង្ស៊ី បានវាយប្រហារ និងដុតស្តូបមិត្តភាពកម្ពុជា-វៀតណាម។ មួយសបា្តហ៍ ក្រោយព្រឹត្តិការណ៍នេះការវាយប្រហារដោយហ្វូងមនុស្ស ដែលពោរពេញ ដោយកំហឹងបានសម្លាប់ជនជាតិវៀតណាមយ៉ាងតិច ៤ នាក់ ដែលជាការសម្លាប់ដោយសារតែការរើសអើងពូជសាសន៍។

ដើម្បីប្រជាប្រិយភាពបុគ្គល សម រង្ស៊ី មិនខ្លាចនឹងប្រឡែងលេងជាមួយនឹងបញ្ហា វៀតណាមឡើយ។ សម រង្ស៊ី ធ្លាប់បានឱ្យប្រជាជនសាមញ្ញដកបង្គោលតម្រុយព្រំដែនអន្តរជាតិដែលនេះគឺជាទង្វើមួយមិនអាចអត់ឱនឱ្យបានឡើយ ហើយរដ្ឋាភិបាលបស្ទិម ប្រទេសណាក៏ដោយ ក៏ប្រាកដជាថ្កោលទោសទង្វើបែបនេះដូចគ្នា។ មនុស្សគ្រប់គ្នានៅ កម្ពុជាសុទ្ធតែដឹងច្បាស់ថា បញ្ហាព្រំដែនជាមួយវៀតណាមគឺជាបញ្ហាដ៏រសើបណាស់ដែលជានិច្ចកាលនាំទៅរកភាពតានតឹង និងអសណ្តាប់ធ្នាប់សាធារណៈ។ តាមរយៈការញុះញង់ឱ្យមានការស្អប់ខ្ពើមរើសអើងប្រឆាំងពូជសាសន៍ដែលសម រង្ស៊ី បានធ្វើជាយូរមក ហើយជាមួយសកម្មជនរបស់ខ្លួន ធ្វើឱ្យសកម្មជនមួយចំនួននៃអតីតបក្សសង្គ្រោះជាតិ ក្លាយជាមនុស្សកោងកាច និងស្អប់ជាតិសាសន៍វៀតណាម។ ពួកគេទាំងនោះលាបពណ៌ ប្រជាជនកម្ពុជាមួយចំនួនថាជាជនជាតិវៀតណាម និងបានហាមឃាត់ពួកគាត់មិនឱ្យចូលក្នុងការិយាល័យបោះឆ្នោតថែមទៀត។ សកម្មជនអតីតបក្សសង្គ្រោះជាតិ ដែលជោគជាំដោយសារប្រកាន់ពូជសាសន៍បានចាត់ទុកអ្នកដែលមិនគាំទ្របក្សសង្គ្រោះ ជាតិដូចខ្លួនថាជា«អាយ៉ងវៀតណាម ក្បាលយួន ឬលក់ខ្លួនឱ្យយួនជាដើម»។

ការញុះញង់របស់ក្រុមមេដឹកនាំបក្សប្រឆាំងឱ្យធ្វើការតវ៉ាប្រឆាំង នឹងវត្តមានរបស់ជនជាតិវៀតណាមនៅលើទឹកដីកម្ពុជាដោយពួកគេមិនបានបែងចែកឱ្យច្បាស់នៃអ្នក ដែលរស់នៅ ស្របច្បាប់ឡើយ។ បក្សប្រឆាំងក៏បានអំពាវនាវឱ្យពលរដ្ឋខ្មែររើសអើងប្រកាន់​ពូជសាស ន៍ប្រឆាំងនឹងជនជាតិវៀតណាមតាមរយៈការធ្វើពហិការមិនទិញទំនិញ ឬប្រើប្រាស់ទំ និញមកពីប្រទេសវៀតណាមជាដើម។ ពេលខ្លះអតីតបក្សប្រឆាំងប្រឌិតព័ត៌មានមិនពិត ថាមានប្រមាត់ប្រមង់ចាប់កូនក្មេងទៅវៀតណាម ឬជនជាតិនៅ កម្ពុជាបានចាប់កូនក្មេងវះយកក្រលៀនជាដើម។ នេះពិតជាគ្រោះថ្នាក់សម្រាប់ជាតិ ហើយក៏ជាការរំលោភ យ៉ាងធ្ងន់ធ្ងរលើគោលការណ៍សិទ្ធិមនុស្សដែរ។

កាលដែលសម រង្ស៊ី ប្រឡែងលេងជាមួយនឹងបញ្ហាវៀតណាមដើម្បីចំណេញសំឡេងឆ្នោតគឺជាការកង្វះការទទួលខុសត្រូវដ៏សែនគ្រោះថ្នាក់ ហើយទង្វើបែបនេះមិនត្រូវអត់ ឱន ឱ្យបានឡើយ។ កឹម សុខា ក៏ដូចគ្នាដែរបានប្រើប្រាស់វោហារសាស្ត្រស្អប់ខ្ពើម ជាតិសាសន៍វៀតណាមដើម្បីស្វែងរកសំឡេងឆ្នោតនិងបង្កើនប្រជាប្រិយភាពរបស់ខ្លួន។ ទាំង សម រង្ស៊ី និង កឹម សុខា បានប្រើប្រាស់សុន្ទរកថា ស្អប់ខ្ពើមប្រកាន់ពូជសាសន៍ដើម្បីទាញសំឡេងឆ្នោតដោយបានចោទថា ប្រាសាទអង្គរវត្ត ត្រូវបានលក់ឱ្យជនជាតិ​វៀតណាម ជនជាតិវៀតណាមលួចការងារខ្មែរ និងលួចធនធានធម្មជាតិព្រៃឈើខ្មែរ និងវៀតណាម រំកិលព្រំប្រទល់ដែនចូលទឹកដីកម្ពុជា រៀងរាល់ថ្ងៃជាដើម។ ការញុះញង់របស់មេដឹកនាំបក្សប្រឆាំងទាំងនេះពិតជាបានផល និងបានទាញសមាន ចិត្តពីប្រជាពលរដ្ឋមួយចំនួនដែលមិនបានពិចារណាឱ្យបានជ្រៅជ្រះ។ សម រង្ស៊ី កឹម សុខា រួមនឹងគូកននយោ បាយផ្សេងទៀតដឹងដែរថាកម្ពុជាពិតជាមានចំណុចរសើបលើ បញ្ហាព្រំដែនជាមួយបរ ទេស ជិតខាង និងតែងតែបង្កនូវផលប៉ះពាល់ជាច្រើន ចុះហេតុអ្វី បានជាសម រង្ស៊ី កឹម សុខា និងមន្ត្រីនៃបក្សប្រឆាំងព្យាយាមប្រើប្រាស់សារទាំងនេះ? នេះពិតជាបានបង្ហាញចេតនាមួយថាអ្នកនយោបាយបក្សប្រឆាំង​យកសារ ការស្អប់ខ្ពើមជាតិសាសន៍គឺជា ចំណុចឃោសនាមួយរបស់ពួកគេ ដោយមានភាពងាយស្រួលប្រមូលការគាំទ្រ។ នៅក្នុង សម័យសង្គ្រាម ខ្មែរក្រហមក៏បានប្រើប្រាស់វោហារសាស្ត្រស្អប់ខ្ពើមជាតិសាសន៍វៀតណាមដើម្បីប្រមូលកម្លាំងដើម្បីធ្វើសង្គ្រាមផងដែរ។

សម រង្ស៊ី ហាក់ដូចជាបានប្រែក្រឡាស់សម្តីរបស់ខ្លួនវិញក្រោយពីទណ្ឌិតរូបនេះ បានចុះហត្ថលេខាសម្ងាត់សហការជាមួយក្រុមវៀតណាមសេរីដែលមានមូលដ្ឋាននៅ សហរដ្ឋអាមេរិក ដោយបានសន្យាសម្ងាត់មួយចំនួនលើអនាគតនៃប្រទេសកម្ពុជា ដោយមិនបានសួរយោបល់ពលរដ្ឋកម្ពុជាបន្តិចឡើយ។ សម រង្ស៊ី ស្ទើរតែឆ្លើយមិនកើត នឹងសំណួររបស់អ្នកកាសែតបារាំងនៅក្នុងកិច្ចសម្ភាសកាលពីថ្ងៃទី៣ ខែធ្នូ ដែលសួរថាប្រើប្រាស់សាររើសអើងប្រកាន់ពូជសាសន៍ប្រឆាំងនឹងជនជាតិវៀតណាម គឺអាចនាំឱ្យមានអំពើហិង្សា និងនាំឱ្យមានការប្រកាន់ពូជសាសន៍? សម រង្ស៊ី បានព្យាយាមក្នុងការលាងនូវកំហុសឆ្គងដ៏ឆ្ងន់ធ្ងររបស់ខ្លួនអំពីការកេងចំណេញនយោបាយ តាមបែបសុន្ទរកថាប្រកាន់ពូជសាសន៍ដោយបានលើកឡើងថា ក្នុងរយៈពេល២០ឆ្នាំមកនេះមិនមាន អំពើហិង្សាកើតឡើងទេ ហើយប្រជាជនកម្ពុជាគឺជា អ្នកសន្តិភាពនិយម។ នេះពិតជាការកុហកដោយមិនអៀនខ្មាស! សម រង្ស៊ី បាននិយាយកុហកអ្នកកាសែតបារាំង និងមួលបង្កាច់ស្ថានការណ៍ពិតនៅកម្ពុជាថា បច្ចុប្បន្ននេះមានអ្នកជំនាញការយោធាវៀតណាមនៅពាសពេញប្រទេសកម្ពុជា។

សម រង្ស៊ី បានកុហកទៀតថាមានកម្លាំងទ័ពសំខាន់របស់វៀតណាមនៅតាមព្រំដែន និងនៅតាមតំបន់មួយចំនួននៅក្នុងប្រទេសកម្ពុជា។ តើ សម រង្ស៊ី ពិតជាកំពុងយល់សប្តិ ឬលាបជំងឺចាស់នៃការញុះញង់ការរើសអើងប្រកាន់ ពូជសាសន៍? សម រង្ស៊ី នៅក្រៅប្រទេសច្រើនពេក និងវក់នឹងការភូតកុហកសហគមន៍អន្តរជាតិ និងបានភូតកុហក ប្រជាជនកម្ពុជា បានជាមិនបានយល់ដឹងឱ្យច្បាស់ពីកម្ពុជាពិត។ នេះគឺជាចរិតហ្ស៊ីនរបស់ទណ្ឌិតសម រង្ស៊ី អ្នកលើកតម្កើងសិទ្ធិមនុស្ស និងលទ្ធិប្រជាធិបតេយ្យ ដ៏អស្ចារ្យរបស់ក្រុមបស្ទិបប្រទេស។

បស្ទិមប្រទេសក៏នៅតែធ្វើមិនឮអំពីការប្រើវោហារសាស្ត្ររបស់ទណ្ឌិត សម រង្ស៊ី រើសអើងប្រឆាំងនឹងជនជាតិចិន និងប្រទេសចិន។ ទំនងដោយសារតែនេះគឺជាអ្វីដែល បស្ទិមប្រទេសទាំងនោះចង់បានទេដឹង តាមរយៈការប្រើកូនជឹងរបស់ខ្លួនវាយប្រហារ ប្រទេសចិន? សម រង្ស៊ី បានថ្លែងថា បច្ចុប្បន្ននេះប្រទេសវៀតណាម និងសហរដ្ឋអាមេរិកបានចងសម្ព័ន្ធភាពជាមួយគ្នាប្រឆាំងនឹងចិន។ កាលណាភូមិសាស្ត្រនយោបាយប្រែប្រួលនោះគោលជំហរបក្ស និងសារនយោបាយ ក៏ប្រែប្រួលទៅតាមនោះដែរ។ ដោយអនុវត្តតាមចៅហ្វាយនាយបរទេសរបស់ខ្លួន សម រង្ស៊ី ចាប់ផ្តើមវាយប្រហារប្រទេសចិនវិញម្តង និងបានកំពុងតែប្រើវោហារសាស្ត្រ ស្អប់ខ្ពើមជនជាតិចិន និងប្រទេសចិន។ តើនេះបង្ហាញថា សម រង្ស៊ី ជាអ្នកនយោបាយគោរពសិទ្ធិមនុស្ស មិនស្អប់ខ្ពើមជាតិសាសន៍ដូចដែលខ្លួន តែងតែអួតប្រាប់បរទេសមួយចំនួនដែលមិន ស្គាល់ខ្លួនច្បាស់? តាមពិត សូម្បីក្នុងក្រុមគ្រួសារ សម រង្ស៊ី ក៏មិនបានផ្តល់ការគោរពចំពោះ បាវបម្រើរបស់ខ្លួនផង។ អ្នកបម្រើនៅក្នុងផ្ទះ សុទ្ធតែដើរជើងទា គោរពឱនលំទោនស្ទើរក្បាល ដល់ដី។ នេះហើយជានិមិត្តរូបនៃសិទ្ធិមនុស្សរបស់ក្រុមបស្ទិម ប្រទេសមួយចំនួនដែល កំពុងតែព្យាយាមលើកតម្កើង និងព្យាយាមជួយប្រស់ឱ្យបក្សក្បត់ជាតិរស់ឡើងវិញ។ ប៉ុន្តែសម្រាប់ប្រជាជនកម្ពុជា សម រង្ស៊ី គ្រាន់តែជាអ្នកនយោបាយមាន់សម្លរ អង្ករកំប៉ុង និងជានិមិត្តរូបនៃនយោបាយប្រជាភិថុតបោកប្រាស់ប្រជារាស្ត្រខ្មែរតែប៉ុណ្ណោះ។

ក្រុមបស្ទិមប្រទេសដែលកំពុងជឿការញុះញង់របស់ក្រុមអ្នកនយោបាយប្រឆាំង ជាពិសេសទណ្ឌិតសម រង្ស៊ី និងកឹម មនោវិទ្យា កូនជនក្បត់ជាតិ កឹម សុខា គួរយកគោល ការណ៍សិទ្ធិមនុស្សមកដាក់មុខវាយតម្លៃថាតើការវោហារសាស្ត្ររើសអើងពូជសាសន៍ របស់អ្នកនយោបាយបំផ្លាញជាតិទាំងអស់នេះ ជួយលើកតម្កើងសិទ្ធិមនុស្ស និងលទ្ធិប្រ ជាធិបតេយ្យទេ? កាលដែលអ្នកនយោបាយប្រើប្រាស់សុន្ទរកថាស្អប់ខ្ពើមជាតិសាសន៍ ដើម្បីទាក់ទាញអ្នកគាំទ្រជាតិនិយមចង្អៀតចង្អល់គួរត្រូវថ្កោលទោស និងផ្តន្ទាទោសទេ? ប្រសិនបើបស្ទិមប្រទេសទាំងនោះមិនអគតិទេ នោះទង្វើទណ្ឌិត សម រង្ស៊ី កឹម មនោវិទ្យា និងអ្នកនយោបាយប្រឆាំងផ្សេងទៀត ដែលកំពុងប្រើប្រាស់សាររើសអើងប្រឆាំងនឹង ជនជាតិវៀតណាម និងចិន នឹងត្រូវថ្កោលទោសជាមិនខាន ព្រោះនេះជាការរំលោភ បំពានយ៉ាងធ្ងន់ធ្ងរ លើគោលការណ៍សិទ្ធិមនុស្សជាសកលដែលពិភពលោកទាំងមូលកំពុងអបអរសាទរនៅថ្ងៃទី១០ ធ្នូ ខួបទី៦៩នេះ៕

ដោយ៖ ចៅ ចាក់ស្មុក

ក្នងជំនួបជាសម្ងាត់មួយ រវាងរដ្ឋមន្រ្តីការបរទេសវៀតណាម និងប្រមុខការទូតអាមេរិកប្រចាំហាណូយ កាលពីឆ្នាំ២០០៥ ,២០០៦ និងត្រូវបានទម្លាយដោយសារព័ត៌មានអេឡិចត្រូនិក វីគីលីគ  បានឱ្យដឹងថា រដ្ឋមន្រ្តីក្រសួងការបរទេសវៀតណាម បានបង្ហាញពីការព្រួយបារម្ភ ចំពោះកម្ពុជា ខ្លាចក្រែងកម្ពុជា ក្លាយជាភូមាទី២ ព្រោះកម្ពុជា ហាក់ងាកទៅរកប្រទេសចិនប្រជាមានិត។ នេះបើតាមការចេញផ្សាយ របស់កាសែតឌឺឃែមបូឌាដេលី កាលពីថ្ងៃទី០៣ ខែកញ្ញា ឆ្នាំ២០១១។
p>ប្រភពដដែលបានឲ្យដឹងថា រដ្ឋមន្រ្តីការបរទេសវៀតណាម បានជួបជាមន្រ្តីកាទូតអាមេរិក និងបាននិយាយពីផែនការសម្ងាត់ប្រាប់អាមេរិកថា វៀតណាមព្រួយបារម្ភចំពោះប្រទេសកម្ពុជាណាស់ និងសូមឲ្យអាមេរិកជួយធ្វើយ៉ាងណាឲ្យកម្ពុជាអភិវឌ្ឍប្រទេសប្រកបដោយសុខសន្តិភាព និងវិបុលភាព ហើយថា ហ៊ុន សែន(សម្តេចហ៊ុន សែន)លែងស្តាប់វៀតណាមទៀតហើយ។ កម្ពុជាមិនស្តាប់បង្គាប់វៀតណាមទៀតទេ។</p>
<p>គួររម្លឹកថា ការលើកឡើង និងត្អូញត្អែររបស់មន្រ្តីជាន់ខ្ពស់វៀតណាម បានធ្វើឲ្យអាមេរិចព្រួយបារម្ភដែរ ព្រោះអាមេរិកគិតថា បើចិនដណ្តើមកម្ពុជាបានពីវៀតណាម ឬអាមេរិចកនោះ នោះអាមេរិកពិបាកនឹងជ្រៀតចូលប្រទេសកម្ពុជា ដើម្បីធ្វើឲ្យប្រទេសនេះ ក្លាយទៅជាប្រទេសសេរី។ នៅទីបំផុត អាមេរិក និងវៀតណាមបានព្រមព្រៀងគ្នា ធ្វើយ៉ាងណាឲ្យកម្ពុជាងាកចេញពីចិន។ ប៉ុន្តែការលើកឡើងរបស់វៀតណាម បានធ្វើឲ្យអ្នកនយោបាយកម្ពុជាមួយចំនួនគិតថា វាគ្រាន់ តែជាលេសរបស់វៀតណាម ដែលចង់បង្ហាញថា វៀតណាមលែងមានឥទ្ធិពលមកលើកម្ពុជាដោយ ចំហរតែប៉ុណ្ណោះ ឯពីក្រោយខ្នង គឺវៀតណាមអាចនៅតែជាម្ចាស់ នៅតែជាអ្នកបង្គាប់បញ្ជា និងគូសវាសវាសនាឲ្យកម្ពុជាដដែល។ ការព្រួបារម្ភរបស់វៀតណាម និងអាមេរិក គឺគ្រាន់តែខ្លាចបាត់បង់ផលប្រយោជន៍ ដែលពួកគេបានជញ្ជក់ និង អង្គៀមយកតែប៉ុណ្ណោះ។ បើកម្ពុជា គ្មានប្រយោជន៍សម្រាប់ពួកគេទេ ពួកគេនឹងមិនខ្វល់ឡើយ។</p>
<p>សូមរម្លឹកថា កាលពីថ្ងៃទី០២ ខែសីហា ឆ្នាំ២០១៦ គឺរយៈពេល៣ឆ្នាំមុន ឆ្លើយតបនឹង ជនជាតិវៀតណាមម្នាក់ឈ្មោះ Phạm Đức Hiển ដែលបានសរសេររិះគន់ថា សម្តេច ហ៊ុន សែន បំភ្លេចគុណ ឬក្បត់វៀតណាម សម្តេចហ៊ុន សែន បានប្រតិកម្មធ្ងន់ៗទៅវិញថា វៀតណាម មិនមែនជាចៅហ្វាយរបស់សម្តេច(កម្ពុជា)ទេ«វៀតណាមមិនមែនជាចៅហ្វាយរបស់ខ្ញុំ ដែលខ្ញុំត្រូវស្មោះត្រង់នោះទេ» ។<br>
សម្តេចតេជោបញ្ចាក់ទៀតថា  ហេតុអ្វីបានជាលោកនិយាយថា ខ្ញុំក្បត់វៀតណាម? តើវៀតណាមជាឪពុកខ្ញុំ ឬជាមហាក្សត្រខ្ញុំឬ? លោកត្រូវដឹងថា អ្នកដែលខ្ញុំត្រូវស្មោះត្រង់គឺជាតិខ្មែររបស់ខ្ញុំ ព្រះមហាក្សត្រកម្ពុជាជាទីសក្ការៈរបស់ខ្ញុំ និងភរិយាជាទីស្រឡាញ់របស់ខ្ញុំ ។ វៀតណាមមិនមែនជាចៅហ្វាយរបស់ខ្ញុំដែលខ្ញុំត្រូវស្មោះត្រង់នោះទេ។ បើលោកជាជនជាតិវៀតណាមរស់នៅកម្ពុជាស្របច្បាប់ ត្រូវគោរពច្បាប់កម្ពុជា បើរស់នៅមិនស្របច្បាប់ត្រូវចាកចេញពីកម្ពុជា និងបើរស់នៅវៀតណាមសុំស្រឡាញ់មេដឹកនាំវៀតណាមទៅ ។<br>
សម្តេចតេជោបញ្ជាក់ច្បាស់ៗថា «ខ្ញុំជាមេដឹកនាំកម្ពុជា ដែលមានឯករាជ្យភាព អធិបតេយ្យភាព គឺត្រូវមានទំនាក់ទំនងជាមួយមេដឹកនាំវៀតណាមដោយស្មើភាព និងស្មើសិទ្ធិ។ សុំលោកបញ្ជូនសារនេះ ជូនមេដឹកនាំវៀតណាមផង បើលោកជាជនជាតិវៀតណាមត្រឹមត្រូវមែន ព្រោះខ្ញុំស្គាល់ច្បាស់ចរិតមេដឹកនាំវៀតណាម តែងតែគោរពនូវឯករាជ្យ អធិបតេយ្យភាពរបស់កម្ពុជា ខុសពីអាម៉ីអាថោងដូចលោកនេះឯង»៕

19 សីហា 2016 រដ្ឋាភិបាល៖ បណ្ដេញ​​វៀតណាម​ជិត​១ម៉ឺននាក់​ និង​បន្ត​ស្វែង​រក​បន្ថែម ជន​អន្តោ​ប្រវេសន៍​នៅ​កម្ពុជា​មាន​បី​ប្រភេទ​គឺ​ជន​អន្តោ​ប្រវេសន៍​ស្រប​ច្បាប់​ដែល​បាន​ចុះ​បញ្ជី​ជំរឿន​ឆ្នាំ​២០០២ ​ជន​បរទេស​កាន់កាប់​ឯកសារ​រដ្ឋបាល​កម្ពុជា​មិន​ប្រក្រតី​ និង​ជនបរទេស​ស្នាក់នៅ​យូរ​គ្មាន​ឯកសារ។

ភ្នំពេញ — អគ្គនាយកដ្ឋាន​អន្តោ​ប្រវេសន៍​បាន​ឃាត់​ខ្លួន​និង​បណ្ដេញជនជាតិ​វៀតណាម​ខុស​ច្បាប់​ជិត​១ម៉ឺន​នាក់​ចេញ​ពី​កម្ពុជា​ក្នុង​រយៈ​ពេល​២​ឆ្នាំ​កន្លងមក​នេះ​ហើយ​បញ្ជាក់​ថា​ជនអន្តោប្រវេសន៍​ជាតិ​វៀតណាម​សរុប​មាន​ចំនួន​ជាង​១៦​ម៉ឺន​នាក់។

នៅ​ព្រឹក​ថ្ងៃ​សុក្រ​ទី​១៩​ ខែ​សីហា ​នេះ​អគ្គនាយកដ្ឋាន​អន្តោ​ប្រវេសន៍​នៃ​ក្រសួង​មហាផ្ទៃ​បាន​ប្រជុំ​ផ្សព្វផ្សាយ​របាយការណ៍​បូក​សរុប​ជំហាន​ដំបូង​ស្តី​ពី​ការ​អនុវត្ត​បន្ត​ការ​ងារ​គ្រប់គ្រង​ជន​បរទេស​អន្តោ​ប្រវេសន៍​ក្នុង​រាជធានី-ខេត្ត។

នាយ​ឧត្តមសេនីយ៍​ សុខ ផល​ អគ្គនាយក​នៃ​អគ្គ​នាយកដ្ឋាន​អន្តោ​ប្រវេសន៍​នៃក្រសួង​មហាផ្ទៃ​មាន​ប្រសាសន៍​ថា​ជន​អន្តោប្រវេសន៍​មក​រស់​នៅកម្ពុជា​ចាប់ពី​ឆ្នាំ​២០០២​ដល់​២០១៦ ​មានការ​កើន​ឡើង​ជា​លំដាប់​ចាប់ពី​៧ម៉ឺន​ដល់​១០ម៉ឺន​នាក់​ក្នុង​ឆ្នាំ​២០១០ ហើយ​កើន​ដល់​ជាង​១៦​ម៉ឺននាក់​ក្នុង​ឆ្នាំ​២០១៦។ លោក​បន្ថែម​ថា​ជន​អន្តោ​ប្រវេសន៍​ភាគ​ច្រើន​រស់​នៅ​រាជធានី​ភ្នំពេញ ​ខេត្ត​កណ្តាល ​កំពង់​ឆ្នាំ​ង ​និង​ខេត្ត​ព្រៃវែង​ហើយ​លោក​ថា​ការ​កើន​ឡើងនេះដោយសារ​កិច្ចសហការ​ជាមួយ​ក្រសួង​ពាក់ព័ន្ធ​នៅ​មាន​កម្រិត។ ជន​អន្តោ​ប្រវេសន៍​នៅ​កម្ពុជា​មាន​បី​ប្រភេទ​គឺ​ជន​អន្តោ​ប្រវេសន៍​ស្រប​ច្បាប់​ដែល​បាន​ចុះ​បញ្ជី​ជំរឿន​ឆ្នាំ​២០០២ ​ជន​បរទេស​កាន់កាប់​ឯកសារ​រដ្ឋបាល​កម្ពុជា​មិន​ប្រក្រតី​ និង​ជនបរទេស​ស្នាក់នៅ​យូរ​គ្មាន​ឯកសារ។

លោក​ សុខ ផល ​បន្ថែម​ថា ​អគ្គ​នាយកដ្ឋានបាន​ស្រាវជ្រាវ​រក​ឃើញ​ជន​អន្តោ​ប្រវេសន៍​នៅ​កម្ពុជាមានជាង​ ១៦ម៉ឺននាក់ ​ក្នុង​នោះ​ជនជាតិ​វៀតណាម​មាន​ជាង​៩៩%។ លោក​ថា ជន​អន្តោ​ប្រវេសន៍​ដែលរស់​នៅ​ខុស​ច្បាប់​ភាគ​ច្រើន​ប្រកប​មុខ​របរ​ខុស​ច្បាប់​ដែល​ធ្វើ​ឲ្យ​ប៉ះពាល់​ដល់​ប្រជាពលរដ្ឋ​ខ្មែរ​ដូច្នេះអគ្គ​នាយក​ដ្ឋាន​បាន​បណ្តេញ​ជន​អន្តោប្រវេសន៍​មាន​ចំនួន​៦៨​សញ្ជាតិ ​ជាង​១ម៉ឺន​នាក់​ក្នុង​នោះ​ជន​ជាតិវៀតណាម​មាន​ជិត១​ម៉ឺន​នាក់​ចេញ​ពី​កម្ពុជា។ ​

លោក​មាន​ប្រសាសន៍​ថា៖

«ជន​បរទេស​ដែល​ខុស​ច្បាប់​វា​មាន​ផល​ពិបាក​ធំ​ជាង​គេ​ទី១​គឺ​ខុស​ច្បាប់​ហ្នឹង​ហ្មង​ យើង​អត់​ត្រូវការ​រឿង​ខុស​ច្បាប់​ ទី២​គឺថា​មនុស្ស​កាលណា​រស់នៅ​កន្លែង​ណា​គាត់​ត្រូវ​ការ​រស់នៅ​ប្រកប​មុខ​របរ​ហើយ​បើ​ជួន​កាល​ការ​ប្រកប​មុខរបរ​របស់​គាត់​វា​អត់​ត្រូវ​ច្បាប់​ដែរ​ ឧទាហរណ៍​ថា ​ជលផល​គេ​ហាម​នេសាទ​ត្រី​ពង គាត់​ម៉េច​ដឹង គាត់​ជា​ជន​អន្តោ​ប្រវេសន៍ ​គាត់​ម៉េច​យល់​ គាត់​នេសាទ​អាហ្នឹង​ធ្វើ​ឲ្យ​ប៉ះពារ​គ្នា ​អញ្ចឹង​ផល​វិបាក​គឺ​មាន​ច្រើន​យ៉ាង ​ក្នុង​អង្គប្រជុំ​អម្បាញ់​មិញ​នេះ​ គឺ​បាន​ដាក់​ទិសដៅ​ដើម្បី​បន្ត​ធ្វើ​អ្នក​សេស​សល់​ តទៅ​ទៀត​ហើយ​ អីចឹង​ខ្ញុំ​ជឿ​ថា​ការ​បន្ត​ធ្វើ​នេះ​អាច​នឹង​បំពេញ​ឲ្យ​បាន​១០០%»។តំណាងរាស្រ្ត​គណបក្ស​សង្គ្រោះ​ជាតិ លោក សុន ឆ័យ ​មាន​ប្រសាសន៍​ថា ​លោក​គាំទ្រ​ចំណាត់​ការ​របស់​ក្រសួង​មហា​ផ្ទៃ​លើ​ការ​បញ្ជូន​ជន​អន្តោប្រវេសន៍​ខុស​ច្បាប់​ចេញពី​កម្ពុជា។ ប៉ុន្តែ​លោក​ថា ​ចំនួន​ជន​អន្តោប្រវេសន៍​ក្នុង​របាយការណ៍​របស់​ក្រសួង​ហាក់​មាន​ចំនួន​តិច​តួច​ពេក។ ​

លោក​បន្ថែម​ថា៖

«ចំនួន​ថា​អន្តោប្រវេសន៍​ខុសច្បាប់​មាន​ប៉ុន្មាន ​ហើយ​អន្តោប្រវេសន៍​សរុប​មាន​ប៉ុន្មាន​ចាំ​បាច់​ត្រូវការ​សិក្សា​ឡើង​វិញ​ព្រោះ​ចំនួន​កាលណា​តិច​ពេល​ប្រជាពលរដ្ឋ​ខ្មែរ​អត់ជឿ​អត់​មាន​ជំនឿ​ទេ​ព្រោះ​ធម្មតា​ការ​ធ្វើ​ស្ថិតិ​ពី​ជនបរទេស​នេះ​ត្រូវ​មាន​ការ​ស្រាវជ្រាវ​ច្បាស់លាស់​មួយ​ដើម្បី​បញ្ជាក់​ពី​ចំនួន​ពិត​ប្រាកដ»។

លោក​ អ៊ូ វីរៈ ​ប្រធាន​វេទិកា​អនាគត​ និង​ជា​អ្នក​វិភាគ​នយោបាយ​ ប្រាប់​ថា លោក​មិន​ជឿ​លើ​របាយការណ៍​ដែល​ចេញ​ដោយ​ក្រសួង​មហាផ្ទៃ​ដែល​រក​ឃើញ​ជន​អន្តោប្រវេសន៍​មាន​តែ​ជាង​១៦​ម៉ឺន​នាក់​នោះ​ទេ។

លោក​បញ្ជាក់​ថា៖

«យើង​មើល​តាម​របាយការណ៍​នានា​ដូចជា​របាយការណ៍​ CIA​ អាមេរិក​ដាក់​ជន​អន្តោ​ប្រវេសន៍​វៀតណាមប្រហែល​ជា​៧%។ បើ​៧%​ វា​មើល​ទៅ​ប្រហែល​ជា​៧០​ម៉ឺន​នាក់​ខ្ញុំ​មើល​ទៅ​ទិន្នន័យ​ហ្នឹង​គឺ​អាច​លើស​ហ្នឹង​មាន​អ្នក​មក​មុន​មាន​អ្នក​មក​ក្រោយ​ចឹង​មើល​វិភាគ​មែនទែន​ទៅ​ខ្ញុំ​ថា​ប្រហែល​១លាន​ព្រោះ​អ្វី​ទិន្នន័យ​ហ្នឹង​ក៏​សុទ្ធ​អ្នក​ចាស់​និង​អ្នក​មក​ក្រោយ​ក៏​ច្រើន​ណាស់​ដែរ​ ហើយ​ពួក​គាត់​កើត​កូន​បន្តទៅ​ទៀត​អីចឹង​ខ្ញុំ​មើល​ទៅ​ការ​កើន​ឡើង​នៃ​ចំនួន​អន្តោ​ប្រវេសន៍​ហ្នឹងគឺ​មិន​ខុស​ទេ»។

លោក​បន្ថែម​ថា ​រដ្ឋាភិបាល​គួរ​ត្រួត​ពិនិត្យ​និង​រៀប​ចំជន​អន្តោ​ប្រវេសន៍​ឲ្យ​បាន​ច្បាស់​លាស់​ជៀស​វាង​ការ​គ្រប់​គ្រង​មិន​បាន​ត្រឹមត្រូវ​ធ្វើឲ្យ​ជនអន្តោ​ប្រវេសន៍​ទាំង​នោះ​សម្រេច​ជោគ​វាសនា​កម្ពុជា​។

ស្រដៀង​គ្នា​នេះ​ដែរ​ លោក មឿន តុលា ​នាយកប្រតិបត្តិ​នៃ​មជ្ឈមណ្ឌលសម្ព័ន្ធការងារ និងសិទ្ធិ​មនុស្សថា ​ចំនួន​ជន​អន្តោប្រវេសន៍​ដែល​មាន​ចំនួនកើន​ឡើង​ជា​រៀង​រាល់​ថ្ងៃ​គឺដោយសារ​ការ​គ្រប់គ្រង​របស់​រដ្ឋាភិបាល​មាន​ភាព​ធូរ​រលុង​ហើយ​លោក​អះអាង​ថា​ការ​កើន​ឡើង​នេះនឹង​ធ្វើ​ឲ្យមាន​គ្រោះ​ថ្នាក់​ដល់​កម្ពុជា​ប្រសិន​មិន​មាន​ការ​គ្រប់គ្រង​ត្រឹមត្រូវ។

លោក មឿន តុលា ​បន្ថែម​ថា៖

«ការ​គ្រប់គ្រង​រដ្ឋបាល​សាធារណៈ​របស់​យើង​មាន​ការធូររលុង​មានន័យ​ថា​ការ​គ្រប់គ្រង​អន្តោ​ប្រវេសន៍​ហ្នឹង​មានការ​ធូរ​រលុង ​ចេះ​តែ​ចេញ​អត្តសញ្ញាណ​បណ្ណ​ទៅ​ឲ្យ​ជនជាតិ​ដទៃ ទៅគាត់​អាច​មាន​សិទ្ធិ​ចុះ​ឈ្មោះ​បោះឆ្នោត ​មាន​សិទ្ធិ​បោះ​ឆ្នោត​ ​រើស​តំណាង​របស់​ប្រទេស​យើង ​វា​ធ្វើ​ឲ្យ​មេដឹកនាំ​ដែល​ជាប់​ឆ្នោត​ហ្នឹង​វាមិនមែន​ចេញ​ពី​ឆន្ទៈ​របស់​ប្រជាពលរដ្ឋ​ខ្មែរ​ វា​ទៅ​ជា​ជនជាតិ​ដទៃជា​អ្នក​មក​សម្រេច​ជោគ​វាសនា​ប្រទេស​យើង​ទៅ​វិញ។ ​អាហ្នឹង​ជា​ចំណុច​ដែល​គ្រោះ​ថ្នាក់​សម្រាប់​ប្រទេស​ជាតិ​របស់​យើង​»។

នៅ​ព្រឹក​ថ្ងៃសុក្រ​នេះ​ដែរ​ គណបក្ស​សង្រ្គោះ​ជាតិ​បាន​ចេញ​វិធានការ​ផ្លូវការ​មួយ​ចំនួន​ទាក់ទង​នឹង​ជន​បរទេស​ដែល​ទទួល​អត្តសញ្ញាណ​បណ្ណ​ខុស​ច្បាប់ ​ដោយ​ព្រមាន​ប្តឹង​ជន​បរទេស​ទាំងនោះ​ទៅ​តុលាការ​ប្រសិន​បើ​ក្រុម​ការងារ​របស់​គណបក្ស​រកឃើញ​មាន​ភាព​មិន​ប្រក្រតី​នៃ​ការ​ផ្តល់​អត្ត​សញ្ញាណបណ្ណ​ទាំង​នោះ។

ក្នុង​សេចក្តី​ប្រកាស​ព័ត៌មាន​មួយ​ចុះ​ថ្ងៃទី​១៩ ​ខែ​សីហា ​គណបក្ស​ប្រឆាំង​បាន​បញ្ជាក់​ថា​ក្រុម​សមាជិក​សភា​គណបក្ស​សង្រ្គោះ​ជាតិ​នឹង​ស្នើ​ទៅ​ក្រសួង​យុត្តិធម៌​សុំ​ផ្តល់​នូវ​បញ្ជី​ឈ្មោះ​ជន​បរទេស​ដែល​ទទួល​បាន​សញ្ជាតិ​ខ្មែរ​តាម​រយៈ​សញ្ជាតូបនីយកម្ម​ត្រឹមត្រូវ​តាម​ច្បាប់។ គណបក្ស​នឹង​ស្នើ​ទៅ​ក្រសួង​មហាផ្ទៃ​ដើម្បី​ស្រាវជ្រាវ​និង​ចាត់​វិធានការ​ចំពោះ​ការ​ផ្តល់​អត្តសញ្ញាណ​បណ្ណ​សញ្ជាតិ​ខ្មែរ​ដោយ​ខុស​នីតិវិធី​និង​រួម​សហការ​ជាមួយ​ក្រសួង​មហាផ្ទៃ​ក្នុងការ​ផ្តល់​ឈ្មោះ​ជន​បរទេស​ដែល​ទទួល​បាន​អត្ត​សញ្ញាណ​បណ្ណ​សញ្ជាតិ​ខ្មែរ​ដោយ​ខុស​ច្បាប់​។

បើ​តាម​សេចក្តី​ប្រកាស​ព័ត៌មាន​ គណបក្ស​ប្រឆាំង​នឹង​ពឹង​មេធាវី​ដើម្បី​រៀបចំ​ពាក្យ​បណ្តឹង​ប្តឹង​ជន​បរទេស​ដែល​ប្រើ​ប្រាស់​អត្ត​សញ្ញាណ​បណ្ណ​សញ្ជាតិ​ខ្មែរ​ដោយ​ខុស​ច្បាប់​ យក​ទៅ​ចុះ​ឈ្មោះ​បោះ​ឆ្នោត​ទៅ​គណៈកម្មាធិការ​ជាតិ​រៀបចំ​ការ​បោះឆ្នោត​និង​ទៅ​តុលាការ៕

១០ធ្នូ ២០១៧
សមត្ថកិច្ចរកឃើញជនជាតិវៀតណាម ជាង៧ម៉ឺននាក់រស់នៅកម្ពុជា គ្មានឯកសារត្រឹមត្រូវ  លោក នាយឧត្តមសេនីយ៍ សុខ ផល បានថ្លែងបែប នេះបានធ្វើឡើង នៅក្នុងកិច្ចប្រជុំផ្សព្វផ្សាយអនុក្រឹត្យលេងឮខ១២៩ប្រ.កបចុះថ្ងៃទី១៥ខែសីហា ឆ្នាំ២០១៧ស្តីពីការលុបចោលនិងដកហូតឯកសាររដ្ឋបាលកម្ពុជាមិនប្រក្រតីដែលជនបរទេសកំពុងកាន់កាប់ប្រើប្រាស់»កាលពីថ្ងៃទី៤ ខែតុលា ឆ្នាំ២០១៧ អធិបតីភាពសម្តេចក្រឡាហោម ស ខេងឧបនាយករដ្ឋមន្រ្តីនិងជារដ្ឋមន្រ្តីក្រសួងមហាផ្ទៃ។ លោក នាយឧត្តមសេនីយ៍ សុខ ផលបានលើកឡើងថា បច្ចុប្បន្ននេះខាងអគ្គនាយកដ្ឋានអន្តោប្រវេសន៍ បានធ្វើការបដិសេធនិងដកហូតនៅឯកសារមិនត្រឹមត្រូវចំពោះជនបរទេសជាងប្រាំពីរម៉ឺន តែយ៉ាងណាក្តីខាងអាជ្ញាធរមិនអាចចាប់បង្ខំគេដោយអំពើណាមួយដើម្បីឲ្យពួកគេចេញពីប្រទេសកម្ពុជាដោយខុសពីគោលការមនុស្សធម៌នោះឡើយ។ប៉ុន្តែទោះជាយ៉ាងណាក៏ដោយជនបរទេសទាំងប្រាំពីរម៉ឺននាក់ ដែលអាជ្ញាររកឃើញរស់នៅប្រ ទេសកម្ពុជាដោយគ្នានឯកសារត្រឹមត្រូវនោះមានប្រមាណជិតពីរម៉ឺននាក់ហើយដែលត្រូវបានទៅប្រទេសរបស់ពួកគេវិញដោយស្ម័គ្រចិត្តស្រប់តាមច្បាប់អន្តោប្រវេសន៍។