ចលនាយុវជន មាតាធម្មជាតិ

ឯកសារសំខាន់ៗមានដូចជា៖

1. ភូមិវិទ្យា ជនជាតិនៅកម្ពុជា
2. ភូមិសាស្រ្ត នយោបាយ វៀតណាម
3. ជនជាតិ វៀតណាម នៅកម្ពុជា
4. មហា អាណាចក្រ ចម្ប៉ា / ចាម
5. ចាម ព្រះពុទ្ធសាសនា
6. ហ្គាហ្វារ ពាងម៉េត អគ្គរដ្ឋទូតខ្មែរប្រចាំ UN ឆ្នាំ ១៩៧០
7. ចលនា កុក ស Ksor Kok
8.  ចលនាយុវជន មាតាធម្មជាតិ  អាឡិច ហ្កោនសាឡេស ដាវីតសុន Alex (Alejandro) Gonzalez
9. ចលនា Degar ដេហ្គា និង ដ្រូន នៅ រតនគីរី មណ្ឌលគីរី ស្ទឹងត្រែង ក្រចេះ
10. ចាម គ្រឹស្តិសាសនា (ចលានាបះបោនៅ ដាឡាត់ Đắk Lắk )
11. ចាម ហិណ្ឌូ សាសនា

Rasmei Kampuchea Daily ក្រសួងមហាផ្ទៃ បានប្រកាសថាៈ ក្រុមយុវជនខ្មែរថាវរៈ និងក្រុមយុវជនចលនា មាតាធម្មជាតិ បានកំពុងធ្វើសកម្មភាព ដែលមានចរិកបំផុស ញុះញង់ ធ្វើឲ្យប៉ះពាល់ស្ថិរភាព សន្តិសុខ សណ្តាប់ធ្នាប់សាធារណៈ និងបង្កភាពចលាចលវឹកវរ ក្នុងសង្គម 

1. លោក អាឡិច ហ្កោនសាឡេស ដាវីតសុន Alex (Alejandro) Gonzalez Davidson សហស្ថាបនិក​នៃ​អង្គការ​ការពារ​បរិស្ថាន «មាតា​ធម្មជាតិ‍» ចូល​រួម​ជា​ភ្ញៀវ​ពិភាក្សា​អំពី​ប្រធានបទ​«ការ​តស៊ូ​មតិ​នៅ​ឆាក​អន្តរជាតិ​ដើម្បី​ការពារ​តំបន់​អារ៉ែង‍‍» ជាមួយ​លោក ម៉ែន គឹមសេង ក្នុង​កម្មវិធី Hello VOA ពិសេស​មួយ​កាល​ពី​ថ្ងៃ​ពុធ ទី​២២ ខែ​មេសា ឆ្នាំ​២០១៥។ (សឹង សុផា​ត/VOA)
2. ថ្ងៃនេះនៅវេលាម៉ោង ៩ព្រឹក សកម្មជនបរិស្ថាននៃបណ្តាញមាតាធម្មជាតិ ចំនួន ៣ រូបរួមមាន លោក សន ចាន់ដារ៉ា លោក ឌឹម គុណឌី និង លោក ចេក នេត្រា ត្រូវបានចាប់ខ្លួនខណៈដែលប៉ុនប៉ងធ្វើការតវ៉ាដោយសន្តិវិធីនៅខាងមុខរដ្ឋសភា ទីក្រុងភ្នំពេញ។ បុគ្គលិកនៃសមាគមសិទ្ធិមនុស្ស និងអភិវឌ្ឍន៍កម្ពុជា ( អាដហុក) លោក ឌិត សុធី ក៏ត្រូវបានចាប់ខ្លួនផងដែរខណៈកំពុងតាមមើលសា្ថនភាព។ យុវជនប្រមាណជា ២០ ទៅ ២៥ នាក់ មានបំណងចូលរួមក្នុងការតវ៉ានេះ ប៉ុន្តែមន្រ្តីនគរបាលបានអន្តរាគមន៍មុនពេលបាតុករប្រមូលផ្តុំគ្នា ដែលជាការរារាំងដល់ការធ្វើបាតុកម្ម។
3. June 23, 2021 ក្រសួងមហាផ្ទៃ ចេញសេចក្ដីប្រកាសព័ត៌មាន ស្ដីពីការអនុវត្តច្បាប់ទៅលើបណ្ដាញសកម្មជនខុសច្បាប់ជ្រកក្រោមផ្លាក នៃអង្គការមាតាធម្មជាតិ ក្រសួងមហាផ្ទៃ នាថ្ងៃទី២៣ ខែមិថុនា ឆ្នាំ២០២១នេះ បានចេញសេចក្ដីប្រកាសព័ត៌មាន ស្ដីពីការអនុវត្តច្បាប់ ទៅលើបណ្ដាញសកម្មជនខុសច្បាប់ជ្រកក្រោមផ្លាក នៃអង្គការមាតាធម្មជាតិ។ ការចេញសេចក្ដីប្រកាសព័ត៌មាននេះ គឺធ្វើឡើងដោយសារមានមជ្ឈដ្ឋានជាតិ-អន្តរជាតិមួយចំនួន ក្នុងរយៈពេលប៉ុន្មានថ្ងៃចុងក្រោយនេះ មានការចាប់អារម្មណ៍ទៅលើអ្វីដែលជាការណ៍នាំទៅដល់ការចាប់ខ្លួនយុវជន ០៣រូប ដែលជាបណ្ដាញសកម្មជនខុសច្បាប់នៃចលនា មាតាធម្មជាតិ។ ពាក់ព័ន្ធនឹងព្រឹត្តិការណ៍នេះ អ្នកនាំពាក្យក្រសួងមហាផ្ទៃ សូមបំភ្លឺជូនសាធារណជនជ្រាប ដូចតទៅ៖
   
4. ទី១-អង្គការមាតាធម្មជាតិ ត្រូវបានចុះបញ្ជីនៅក្រសួងមហាផ្ទៃ កាលពីថ្ងៃទី ០៥ ខែកញ្ញា ឆ្នាំ២០១២ ដោយមានព្រះតេជគុណព្រះនាម ព្រហ្ម ធម្មជាតិ ជាប្រធាន។ ក៏ប៉ុន្តែផ្អែកតាមសំណើចុះថ្ងៃទី ២៣ ខែសីហា ឆ្នាំ២០១៧ របស់ប្រធានអង្គការនេះ ក្រសួងមហាផ្ទៃ បានយល់ព្រមរំលាយអង្គការនេះ ចេញពីបញ្ជីអង្គការមិនមែនរដ្ឋាភិបាល កាលពីថ្ងៃទី ១៥ ខែកញ្ញា ឆ្នាំ២០១៧។ តាមមូលហេតុខាងលើ អង្គការមាតាធម្មជាតិ ពុំមានអត្ថិភាព និងលែងមាននីតិសម្បទាផ្លូវច្បាប់ ក្នុងការបំពេញការងាររបស់ខ្លួននៅព្រះរាជាណាចក្រកម្ពុជាទៀតទេ។
5. ទី២-ទោះបីជាយ៉ាងនេះក្តី ឈ្មោះ Alexandro Gonzalez Davidson សញ្ជាតិអេស្ប៉ាញ ដែលឈរពីក្រោយឈ្មោះអង្គការនេះហើយដែលត្រូវក្រសួងមហាផ្ទៃបណ្តេញចេញពីព្រះរាជាណាចក្រកម្ពុជា កាលថ្ងៃទី២៣ ខែកុម្ភៈ ឆ្នាំ២០១៥ នៅតែបន្តធ្វើសកម្មភាពពីក្រៅប្រទេសដើម្បី រក្សាកម្លាំងរបស់ខ្លួនឱ្យធ្វើសកម្មភាពខុសច្បាប់។ ជាក់ស្តែង កាលពីថ្ងៃទី១៤ ខែឧសភា ឆ្នាំ២០២១ ឈ្មោះនេះបានដឹកនាំកិច្ចប្រជុំជាមួយសកម្មជនរបស់ខ្លួន០៣រូប ដោយក្នុងកិច្ចប្រជុំ ពួកគេបានប្រើពាក្យពេចន៍ប្រមាថយ៉ាងធ្ងន់ធ្ងរមកលើអង្គព្រះមហាក្សត្រ និងប្រមុខរាជរដ្ឋាភិបាល។ ទង្វើទាំងនេះគឺជាផែនការញុះញង់បញ្ចើឱ្យមានការបែកបាក់ជាតិ និងរំលោភបំពានទៅលើរដ្ឋធម្មនុញ្ញនៃព្រះរាជាណាចក្រកម្ពុជា ក្នុងចេតនាបង្កអសន្តិសុខសង្គម និងប៉ះពាល់ដល់ស្ថិរភាពជាតិ ដែលអាជ្ញាធរមានសមត្ថកិច្ចចាំបាច់ត្រូវចាត់វិធានកាតាមច្បាប់ជាធរមាន។
6. និងទី៣-ផ្អែកតាមភស្តុតាងឃ្លីបវីដេអូ ដែលសមត្ថកិច្ចចាប់បានបង្ហាញយ៉ាងច្បាស់ថា ការធ្វើសកម្មភាពកន្លងមករបស់ក្រុមបណ្តាញខុសច្បាប់ជ្រកក្រោមផ្លាកនៃអង្គការធម្មជាតិ គឺមិនមែនក្នុងបុព្វហេតុស្មោះត្រង់ចំពោះការពារធនធានធម្មជាតិ និងបរិស្ថាននោះទេ។ ផ្ទុយទៅវិញ ការធ្វើសកម្មភាពទាំងនោះ គឺបង្កប់ទៅដោយឧបាយកលទុច្ចរឹតក្នុងបំណងញុះញង់ អុជអាល កៀរគរកម្លាំង ឱ្យងើបបះបោរបង្កើតឱ្យមានភាពចលាចលវឹកវរក្នុងប្រទេស។ ចម្លើយសារភាពរបស់ជនសង្ស័យទាំង០៣រូបក៏បានទទួលស្គាល់ថា ខ្លួនពិតជាបានធ្វើសកម្មភាព ក្រោមផ្លាកអង្គការមាតាធម្មជាតិប៉ុន្តែការពិតគឺចង់ឱ្យមានការងើបបះបោរ ប្រឆាំងហើយ ឈានទៅផ្ដួលរលំរាជរដ្ឋាភិបាល តាមវិធានការផ្ទុយនិងគោលការណ៍ នៃលទ្ធិប្រជាធិបតេយ្យ សេរីពហុបក្ស ដែលមានចែងនៅក្នុងរដ្ឋធម្មនុញ្ញ នៃព្រះរាជាណាចក្រកម្ពុជា៕
7. July 28, 2020 By ឌឹ ខេមបូឌា ដេលី ស្ថាបនិក​អង្គការ​ចលនា​មាតា​ធម្មជាតិ ជំរុញ​រដ្ឋាភិបាល​បង្ហាញ​របាយការណ៍​ស្តី​ពី​មាស​បម្រុងទុក​របស់​កម្ពុជា ​ស្ថាបនិក​អង្គការ​ចលនា​មាតា​ធម្មជាតិ បាន​ជំរុញ​ឱ្យ​រដ្ឋាភិបាល​បង្ហាញ​ទិន្នន័យ​ពិតប្រាកដ​ជុំវិញ​ទុនបម្រុង​ទុក​ដែល​ជា​មាស​របស់​កម្ពុជា ដើម្បី​បង្ហាញ​តម្លាភាព និង​ធានា​ថា​អ្វី​ដែល​រដ្ឋាភិបាល​ធ្លាប់​លើកឡើង​កន្លងមក​មិន​បោកប្រាស់​ពលរដ្ឋ។ ស្ថាបនិក​អង្គការ​ចលនា​មាតា​ធម្មជាតិ លោក អា​ឡិច ហ្គន់​សា​ឡេស ដេ​វិ​តសុន បាន​លើកឡើង​ថា លោក​មិនដែល​ឃើញ​អ្នកកាសែត អ្នកនយោបាយ ឬអង្គការ​សង្គម​ស៊ីវិល និយាយ​អំពី​បញ្ហា​មាស​ដែល​ជា​ទុនបម្រុង​ទុក​របស់​កម្ពុជា​សោះ​ឡើយ។ ដូច្នេះ​លោក​នឹង​សួរ​ដោយខ្លួនឯង​ចុះ បើ​ទោះបី​លោក​គ្រាន់តែ​ជាសកម្ម​ជន​ដ៏​សាមញ្ញ​ម្នាក់​ក៏ដោយ។លោក​លើកឡើង​ថា លោកនាយក​រដ្ឋមន្ត្រី ហ៊ុន សែន មានប្រសាសន៍​កាលពី​ខែតុលា ឆ្នាំ២០១៩ថា បច្ចុប្បន្ន​កម្ពុជា មាន​មាស​ចំនួន៣០ តោន។ ក្នុង​នោះ១២តោន តម្កល់​នៅ​ប្រទេស​ស្វីស ហើយ១៥តោន​តម្កល់​នៅ​ប្រទេស​អង់គ្លេស និង ៣តោន​ទៀត​តម្កល់​នៅ​ធនាគារជាតិនៃកម្ពុជា។
8. លោក អា​ឡិច ជឿ​ថា​ពលរដ្ឋ​កម្ពុជា​គ្រប់គ្នា​ពិតជា​សប្បាយចិត្ត​ពេល​ឮព័ត៌មាន​មួយ​នេះ ជាពិសេស​នៅពេល​ដែល​ជំងឺ​កូ​វី​ដដ៏​កាច​សាហាវ កំពុងតែ​ធ្វើឲ្យ​ប៉ះពាល់​មកដល់​សេដ្ឋកិច្ច​កម្ពុជា និង​ទូទាំង​ពិភពលោក​យ៉ាងធ្ងន់ធ្ងរ ហើយដែល​រដ្ឋ​អាច​នឹង​ខ្វះខាត​លុយ​ក្នុង​ពេល​ដ៏​ខ្លី​ខាងមុខ។ក៏ប៉ុន្តែ ការ​អះអាង​របស់​លោក​ហ៊ុន សែន នេះ នៅ​មាន​បញ្ហា​ឬចម្ងល់​ច្រើន ត្បិត​លោក​អា​ឡិច​ថា​កម្ពុជា​មិនបាន​រាយការណ៍​ទៅ​ស្ថាប័ន​អន្តរជាតិ រួម​ទាំង មូលនិធិ​រូបិយវត្ថុ​អន្តរជាតិ ឬហៅ​ថា IMF ថា ខ្លួន​មាន​មាស៣០តោន​នោះ​ទេ ប៉ុន្ដែ​ផ្ទុយទៅវិញ របាយការណ៍​បាន​បញ្ជាក់​ថា កម្ពុជា​មាន​មានត្រឹមតែ​ជាង ១២តោន​ប៉ុណ្ណោះ (១២.៤​) ពោល​គឺ​វា​ខុសគ្នា​រហូត​ទៅដល់​ជាង ១៧តោន (១៧.៥តោន​) ដែល​មានតម្លៃ​ប្រហាក់​ប្រហែល​មួយ​ពាន់​លាន​ដុល្លារ។
9. បញ្ហា​នេះ សកម្មជន​បរិស្ថាន​ជា​ជនជាតិ​អេស្ប៉ាញ​រូប​នេះ ចោទ​ជា​សំណួរ​ថា នៅពេល​លោក​ហ៊ុន សែន និយាយ​ថា កម្ពុជា មាន​មាស៣០តោន តើ​លោកនាយក​រដ្ឋមន្ត្រី​មាន​ឯកសារ​បញ្ជាក់​ដែរ​ឬទេ​? បើ​មាន​សូម​រដ្ឋាភិបាល​បញ្ជាក់​ផង ដើម្បីអោយ​សារ​ធា​ណៈ​ជន​ជឿជាក់​ថា កម្ពុជា​ពិតជា​មាន​មាស៣០តោន​ប្រាកដ​មែន ហើយ​ស្ថាប័ន​អន្តរជាតិ​ទាំងអស់​នោះ​ផ្ដល់​តួលេខ​ខុស។ពាក់ព័ន្ធ​បញ្ហា​នេះ នៅ​ថ្ងៃទី២៣ ខែកក្កដា ធនាគារជាតិនៃកម្ពុជា​បាន​ចេញ​លិខិតបញ្ជាក់​ពី​ទុនបម្រុង​ជា​មាស​របស់​កម្ពុជា ដែល​តម្កល់​នៅ​ធនាគារជាតិ និង​អន្តរជាតិ​មាន​ជាង៣៦តោន។
10. ធនាគារជាតិនៃកម្ពុជា​អះអាង​ថា គិត​ត្រឹម​ចុងខែ​មិថុនា ឆ្នាំ២០២០នេះ កម្ពុជា​មាន​ទុនបម្រុង​អន្តរជាតិ​ជា​មាស​សរុប​ចំនួន៣៦តោន​កន្លះ ដែល​មានតម្លៃ​ជិត២០ប៊ី​លាន​ដុល្លារ ហើយ​ត្រូវ​គ្រប់គ្រង​ដោយ​ប្រុងប្រយ័ត្ន។មាស​ទាំង​ជាង៣៦តោន គឺ​បាន​តម្កល់​ក្នុង​ប្រទេស​ស្វីស​មាន​ចំនួន​ជាង១២តោន។
11. ដោយឡែក មាស​ចំនួន​ជាង១៤តោន​កំពុង​វិនិយោគ​នៅ​ធនាគារ​កណ្តាល​ប្រទេស​អង់គ្លេស និង​ចំនួន១០តោន​ត្រូវ​បាន​រក្សា​ក្នុង​ធនាគារជាតិនៃកម្ពុជា។ជាមួយគ្នា​នេះ​លោកនាយក​រដ្ឋមន្ត្រី ហ៊ុន សែន បាន​លើកឡើង​នៅ​ថ្ងៃ​ព្រហស្បតិ៍​នេះ​ថា ដោយ​លើកឡើង​ពី​បញ្ហា​មាស​នេះ​ផង​ដែរ ដោយ​ថា​រដ្ឋាភិបាល​លោក​មិនមែន​កញ្ជើធ្លុះ​នោះ​ឡើយ។ទោះបី​យ៉ាងណាក៏ដោយ ទាំង​ធនាគារជាតិនៃកម្ពុជា និង​ទាំង​លោក​ហ៊ុន សែន ផ្ទាល់ មិនបាន​បង្ហាញ​របាយការណ៍​ឬឯកសារ​ជាក់លាក់​ណាមួយ ជុំវិញ​តួលេខ​មាស​នេះ​នៅឡើយ​ទេ​៕
12. ១៥ កញ្ញា ២០១៧ ដោយ វីអូឌី ក្រសួងមហាផ្ទៃរំលាយអង្គការមាតាធម្មជាតិ រដ្ឋាភិបាល តាមរយៈក្រសួងមហាផ្ទៃ បានលុបឈ្មោះអង្គការបរិស្ថានមួយ ចេញពីបញ្ជីរបស់ក្រសួងមហាផ្ទៃ ខណៈ ចំណាត់ការនេះ ហាក់ធ្វើឡើង បន្ទាប់ពីអង្គការមួយនេះ រកឃើញថា​ រដ្ឋាភិបាលកម្ពុជា បាន​ធ្វើ​​ឲ្យបាត់​ចំណូលជាតិ ​រាប់​សិប​លាន​ដុល្លា​រ​បន្ថែម​ទៀត ពីការលក់ខ្សាច់នៅក្រៅប្រទេស កាលពីពេលថ្មីនេះៗ។ ក្នុងសេចក្តីប្រកាសចុះថ្ងៃទី១៥ខែកញ្ញាឆ្នាំ២០១៧ ក្រសួងមហាផ្ទៃ សម្រេចលុបឈ្មោះអង្គការមាតាធម្មជាតិ ចេញពីបញ្ជីរបស់ក្រសួងមហាផ្ទៃ។ ប៉ុន្តែ ក្រសួង មិនបានបញ្ជាក់ពីមូលហេតុច្បាស់លាស់នៃការលុបនោះទេ។ អ្នកនាំពាក្យក្រសួងមហាផ្ទៃ លោក ខៀវ សុភ័ក ប្រាប់វីអូឌីបន្ថែម លើសេចក្តីប្រកាសនោះថា ករណីលុបឈ្មោះអង្គការមាតាធម្មជាតិ នេះ គឺធ្វើឡើងតាមការស្នើសុំរបស់ប្រធានអង្គការ។ លោកមានប្រសាសន៍ថា៖ «មាតាធម្មជាតិ គេសុំបិទខ្លួនគេ ព្រោះថា ទី១ គេអត់មានលុយទេ ម្ចាស់ជំនួយគេលែងឲ្យ ហើយគេក្លាច[អង្គការហ្នឹងធ្វើការ]កកូរកកាយនៅស្រុកខ្មែរ ម្ចាស់ជំនួយគេលែងឲ្យលុយ​ ទី២ មានគេយកឈ្មោះវា ទៅប្រើ ទី៣ អាប្រធានវា មិននៅ អាកូនចៅវាក្បត់»។
13. បើតាមលិខិតស្នើសុំរំលាយអង្គការមាតាធម្មជាតិ ចុះថ្ងៃទី២៣ ខែសីហា ឆ្នាំ២០១៧ ដែលវីអូឌីទើបទទួលបាននៅថ្ងៃនេះ ប្រធានអង្គការមាតាធម្មជាតិ ព្រះអង្គ ព្រហ្មធម្មជាតិ បានសុំក្រសួងមហាផ្ទៃ រំលាយអង្គការនេះចោល តាមការសម្រេចរបស់អង្គសន្និបាតខ្លួន ប៉ុន្តែព្រះអង្គ ក៏មិនបានបញ្ជាក់លម្អិត ពីមូលហេតុច្បាស់លាស់នៃការបិទអង្គការនេះទេ។ វិអូឌី មិនអាចសុំការអធិប្បាយបន្ថែមពី ព្រះអង្គ ព្រហ្មធម្មជាតិ បាននៅឡើយទេ ជុំវិញបញ្ហានេះ។ ខណៈ សមាជិកមួយចំនួនរបស់អង្គការនេះ ក៏សុំមិនធ្វើអធិប្បាយណាមួយដែរ។ អ្នក​សម្របសម្រួល​អង្គការ​លីការ​ដូ ​ប្រចាំខេត្ត​កោះ​កុង លោក អ៊ិន គង់​ជិត​ មិនហ៊ានសន្និដ្ឋានថា យ៉ាងណាទេ ចំពោះការបិទអង្គការមាតាធម្មជាតិនេះ ប៉ុន្តែលោក បានសម្តែងការសោកស្តាយ ដោយថា កន្លងមក សកម្មជនរបស់អង្គការនេះបាន​ធ្វើការសម្មភាពជាច្រើន ដើម្បីជួយការពារបរិស្ថាន និងធនធានធម្មជាតិក្នុងប្រទេសកម្ពុជា។
14. លោកបន្ថែមថា៖ «សកម្មភាពរបស់សមាជិកគាត់ហ្នឹង វាសកម្មភាពល្អ ចូលរួមក្នុងសង្គម ចូលរួមចំណែកក្នុងការការពារធនធានធម្មជាតិ បែរជាត្រូវសម្ថកិច្ចចាប់ខ្លួនតាមបណ្តឹងរបស់ក្រុមហ៊ុន ហើយយើងមាន ការសោកស្តាយបំផុត ចំពោះការបិទទ្វាអង្គការហ្នឹង មិនឲ្យធ្វើសកម្មភាពតទៅទៀត។ រដ្ឋាភិបាលគួរតែពិនិត្យ ឥរិយាបទឡើងវិញ ដើម្បីលើកទឹកចិត្តយុវជន សកម្មជនការពារធនធានធម្មជាតិហ្នឹង ឲ្យគាត់បានចូលរួមក្នុងកិច្ចការពារធនធានធម្មជាតិ ព្រោះដោយសារសកម្មភាពពួកគាត់ហ្នឹង ហើយធ្វើឲ្យថមថយការបំផ្លេចបំផ្លាញ ធនធានធម្មជាតិ»។
15. អង្គការមាតាធម្មជាតិ បង្កើតឡើងកាលពីឆ្នាំ ២០១២ ដោយបញ្ជាក់ថា ដើម្បីធ្វើចលនាពីមូលដ្ឋាន បញ្ឈប់ការបំផ្លាញបរិស្ថាន និងធនធានធម្មជាតិរបស់កម្ពុជា។ អង្គការនេះ កន្លងមក បានធ្វើសកម្មភាពយ៉ាងលេចធ្លោ ក្នុងការប្រឆាំងការសាងសង់ទំនប់វារីអគ្គិសនី អារ៉ែង និងការនាំខ្សាច់សមុទ្រចេញទៅលក់នៅក្រៅប្រទេស ដោយថា ធ្វើឡើងមិនគោរពច្បាប់ ប៉ះពាល់បរិស្ថាន និងបាត់បង់ថវិកាជាតិជាដើម។
16. បន្ទាប់ពីអង្គការនោះ សកម្មក្នុងការធ្វើសកម្មភាព ប្រឆាំងគម្រោងសាងសង់ទំនប់វារីអគ្គិសនី និងការនាំខ្សាច់ចេញ សម្មជនមួយចំនួនរបស់អង្គការនេះ ត្រូវរដ្ឋាភិបាលបញ្ចេញចេញពីប្រទេសកម្ពុជា និងខ្លះទៀតត្រូវ អាជ្ញាធរចាប់ឃុំខ្លួនជាបន្តបន្ទាប់។
17. ស្ថាបនិកអង្គការនេះ មួយរូប ជាជនជាតិអេស្ប៉ាញ លោក អាឡិចហ្សង់ដ្រូ ហ្គន់សាឡេស ដេវិតសិន (Alejandro Gonzalez Davidson) ត្រូវបានរដ្ឋាភិបាលបណ្តេញចេញពីកម្ពុជា កាលពីថ្ងៃទី២៣ ខែកុម្ភៈ ឆ្នាំ២០១៥ ហើយដាក់ឈ្មោះក្នុងបញ្ជីខ្មៅ មិនឲ្យចូលប្រទេសកម្ពុជាវិញទេ។ ហើយថ្មីៗ នេះ អង្គការមាតាធម្មជាតិរកឃើញថា ​រដ្ឋាភិបាល​កម្ពុជា បាន​ធ្វើ​ឲ្យ​បាត់​ចំណូល​រាប់​សិប​លាន​ដុល្លា​រ​បន្ថែមទៀត ពីការ​បូម​ខ្សាច់​លក់​ទៅ​កាន់​ប្រទេស​តៃ​វ៉ាន់ ខណៈដែល​លុយ​បាត់​ពី​ការ​នាំចេញ​ខ្សាច់​ទៅ​កាន់​ប្រទេស​សឹង្ហ​បុរី​ មិន​ទាន់​បាន​ស្ងប់​ស្ងាត់​នៅ​ឡើយ។
18. ក្រោយចេញរបាយការណ៍នេះ ប៉ុន្មានថ្ងៃ សកម្មជនបរិស្ថានពីរនាក់របស់អង្គការមាតាធម្មជាតិ ត្រូវបានសាលាដំបូងខេត្តកោះកុង បង្គាប់ឲ្យឃុំខ្លួនក្នុងពន្ធនាគារបណ្តោះអាសន្ន ដោយចោទ ប្រកាន់ចំនួនពីររករណី ពីបទញុះញង់ឲ្យប្រព្រឹត្តបទឧក្រិដ្ឋជាអាទ៍ និងធ្វើឲ្យប៉ះពាល់ ដល់សិទ្ធិខាងរូបភាពនៃបុគ្គល ខណៈសកម្មជនទាំងពីរនាក់ នោះចូលទៅថតសកម្មភាពនានា ដោយគ្មានការអនុញ្ញានៅក្រុមហ៊ុនមួយខេត្តកោះកុង ដែលគេថា ជារបស់លោក លី យ៉ុងផាត់។ ករណីអាជ្ញាធរចាប់ខ្លួនសកម្មជនបរិស្ថាបទាំងពីរនាក់នោះ មន្រ្តីសង្គមស៊ីវិលយល់ថា ​ជា​ការ​បំបាក់​ស្មារតី​ទៅ​ដល់​អ្នកដែល​ស្រលាញ់​បរិស្ថាន និង​ជា​ការ​​រំលោភ​ដល់​សិទ្ធិ​មនុស្ស​៕
19. លោក​អាឡិច ហ្គន់សាឡេស ដេវិតសុន (Alejandro Gonzalez Davidson) ស្ថាបនិក​នៃចលនា​មាតាធម្មជាតិ និង​ជា​អ្នក​ស្រឡាញ់​និង​ការពារ​សម្បត្តិធនធានធម្មជាតិនៅកម្ពុជា ត្រូវបាន​តុលាការកម្ពុជាកោះហៅឲ្យ​ចូល​មក​បង្ហាញ​ខ្លួនកាលពី​ពេល​ថ្មីៗនេះ ក៏ប៉ុន្តែ​លោក​មិន​អាច​ធ្វើ​ដំណើរ​ទៅ​កាន់​ប្រទេស​កម្ពុជា​បាន​ទេ ដោយសារ​លោក​ត្រូវបាន​រដ្ឋាភិបាល​កម្ពុជា​ដាក់​ចូល​ក្នុង​បញ្ជី​ឈ្មោះ​ជន​ដែល​មិន​អនុញ្ញាត​ឲ្យ​ចូល​ប្រទេស​កម្ពុជា។ ទោះ​យ៉ាង​ណា​ក្តី លោកអាឡិច សង្ឃឹម​ថា នឹង​មាន​ពន្លឺ​ណាមួយ​ដែល​អនុញ្ញាត​ឲ្យ​លោក​បាន​វិល​ត្រឡប់​ទៅ​កម្ពុជា។ ស្របពេលជាមួយ​គ្នា​នេះ សកម្មភាព​​នៃចលនា​មាតាធម្មជាតិ​របស់​លោក នៅ​តែ​បន្ត ដោយ​សកម្មជន​យុវជនកម្ពុជាដែល​ធ្វើការ​ស្ម័គ្រចិត្ត​ឲ្យ​អង្គការមួយនេះ ខិតខំ​បង្ហាញ​ពី​សកម្មភាព​បំផ្លិចបំផ្លាញធនធាន​ធម្មជាតិ​នៅ​ក្នុង​ប្រទេស​កម្ពុជា ដើម្បី​ជំរុញ​ឲ្យ​មាន​ការ​អន្តរាគមន៍​ពី​សមត្ថកិច្ច និង​រដ្ឋាភិបាលកម្ពុជា។ លោក មែ៉ន គឹមសេង បាន​សម្ភាសលោក​អាឡិច ហ្គន់សាឡេស ដេវិតសុន កាលពី​ថ្ងៃទី៩ ខែឧសភា នៅពេល​ដែល​លោក​អាឡិច បាន​ធ្វើ​ដំណើរ​ទស្សនកិច្ចនៅ​រដ្ឋធានីវ៉ាស៊ីនតោន សហរដ្ឋអាមេរិក៕
20. ថ្ងៃទី​២២ ខែមិថុនា ឆ្នាំ២០២១  ​សូម​ទម្លាក់​ចោល ​បទចោទ​ទាំងអស់​ចំពោះ​សកម្មជន​មាតា​ធម្មជាតិ ​និង​ដោះលែង​អ្នកការពារ​សិទ្ធិមនុស្ស​ដែល​កំពុង​ជាប់ឃុំ​ក្នុង​ពន្ធនាគារ​ កាលពី​ថ្ងៃអាទិត្យ ​សាលា​ដំបូង​រាជធានី​ភ្នំពេញ ​បាន​ចោទប្រកាន់​សមាជិក​ ៤នាក់​នៃ​ចលនា​បរិស្ថាន​មាតា​ធម្មជាតិ​ ពី​បទរួមគំនិត​ក្បត់​ប្រឆាំង​នឹងរដ្ឋ​ និង​បទប្រមាថ​ចំពោះ​អង្គ​ព្រះមហាក្សត្រ ​ដែល​ជាផ្នែក​នៃការផ្ដន្ទាទោស​ដោយ​ការដាក់​គោលដៅ ​និង​មិនអាច​ទទួល​យកបាន​ ពី​សំណាក់​អាជ្ញាធរ​ ទៅលើ​អ្នកការពារ​បរិស្ថាន​ និង​សកម្មជន​មូលដ្ឋាន​ជួរមុខ ។​ អាជ្ញាធរ​ គួរ​បញ្ឈប់​ការចាប់​យុវជន​ជាសកម្មជន​របស់​យើង​ដាក់​ពន្ធនាគារ​ និង​គួរ​ចាប់ផ្ដើម​ស្ដាប់​មតិយោបល់​របស់​ពួកគេ​ ដែល​ស្ថិតនៅ​ជួរមុខ​ក្នុងការ​ចងក្រង​ឯកសារ​ពី ហានិភ័យ​ដែល​ប្រទេស​កម្ពុជា​កំពុង​ប្រឈម​ ចំពោះ​ការជញ្ជក់​ផលប្រយោជន៍ពី​ធនធាន​ធម្មជាតិ​ និង​ការបំផ្លិច​បំផ្លាញ​បរិស្ថាន ។​ សកម្មជន​បរិស្ថាន​ទាំងនេះ​ បាន​ធ្វើការ​ដោយ​មិនខ្លាច​នឿយហត់​ និង​មិនគិត​ពី​ផលប្រយោជន៍​ផ្ទាល់ខ្លួន​ ដើម្បី​ការពារ​ផលប្រយោជន៍​រួម​របស់​ជាតិ ។​ ​ យើងខ្ញុំ​ ជា​សហគមន៍​ និង​សង្គមស៊ីវិល​ មាន​រាយនាម​ដូច​ខាងក្រោម ​សូម​ស្នើសុំ​ឱ្យ​ដោះលែង​ សកម្មជន​បរិស្ថាន​ដែល​ត្រូវបាន​ចាប់ខ្លួន​ឱ្យ​បាន​ឆាប់រហ័ស​ ទម្លាក់ចោល​បទចោទ​ទាំងអស់​ប្រឆាំង​ពួកគេ ​និង​បញ្ឈប់​ការរឹតត្បិត​ និង​ការផ្ដន្ទាទោស​ឥតឈប់ឈរ​ទៅលើ​ចលនា​បរិស្ថាន ។​
21. 2019-02-09 អង្គការ​មាតា​ធម្មជាតិ​ បង្កើត​យន្ត​ការ​ទទួល​ព័ត៌មាន​ពី​ពលរដ្ឋ​ និង​យុវជន ទាក់ទង​នឹង​បទល្មើស​នានា​ អង្គការ​មាតា​ធម្មជាតិ​ចេញ​ផ្សាយ​វីដេអូ​ខ្លី​មួយ នៅ​ថ្ងៃ​ទី៧ កុម្ភៈ ស្នើសុំ​ឱ្យ​​​ពលរដ្ឋ​ខ្មែរ​ ជាពិសេស​យុវជន​ ផ្ដល់​​ព័ត៌មាន​ឱ្យ​ខ្លួន ទាក់ទង​នឹង​​បទល្មើស​ធន​ធាន​ធម្មជាតិ និង​ការ​បំផ្លិច​បំផ្លាញ​ផល​ប្រយោជន៍​ជាតិខ្មែរ។ ស្ថាបនិក​​​អង្គការ​នេះ​អះអាង​ថា មាន​តែ​ការ​ចូល​រួម​ដោយ​ផ្ទាល់​ពី​ពលរដ្ឋ និង​យុវជន​នោះ​ទេ ទើប​អាច​ជួយ​ឱ្យ​ដោះស្រាយ​បញ្ហា​នេះ​បាន​។ សកម្មជន​បរិស្ថាន និង​អ្នកឃ្លាំមើល​សង្គម​ គាំទ្រ​ចំពោះ​គំនិត​ផ្ដួចផ្ដើម​ថ្មី​នេះ ដើម្បី​ជួយ​ឱ្យ​មាន​តម្លាភាព​ក្នុង​សង្គម។
22. ប្រធាន​អង្គការ​មាតា​ធម្មជាតិ​ លោក​ អាឡិច ហាន់ដ្រូហ្គាន់ហ្សាលេស ដេវីតសុន (Alejandro Gonzalez Davidson) ថ្លែង​ថា ការ​បង្កើត​យន្ត​ការ​រាយការណ៍​ព័ត៌មាន​ទាក់ទង​នឹង​ការ​បំផ្លិចបំផ្លាញ​ធន​ធាន​ធម្មជាតិ អំពើ​ពុករលួយ និង​បទ​ល្មើស​នានា​នេះ គឺ​ដើម្បី​ឱ្យ​មាន​ស្ថាប័ន​ឯករាជ្យ​​​​មិន​ពាក់ព័ន្ធ​នឹង​រដ្ឋាភិបាល​ ដែល​ពលរដ្ឋ​​​អាច​​ផ្ដល់​ព័ត៌មាន​ជូន​បាន​ក្នុង​លក្ខខណ្ឌ​អនាមិក ឬ​មិន​បង្ហាញ​អត្តសញ្ញាណ។ លោក​ថា យន្ត​ការ​នេះ​មាន​ធ្វើ​នៅ​ប្រទេស​ជា​ច្រើន​លើ​ពិភព​លោក​ ប៉ុន្តែ​នៅ​កម្ពុជា​​មិន​ទាន់​ឃើញ​មាន​នៅឡើយ៖ «ឧទាហរណ៍​នៅ​ក្នុង​ដៃ​របស់​អ្នក​មាន​វីដេអូ​សកម្មភាព​កាប់​ឈើ អាជីវកម្ម​រ៉ែ​មាស ឬ​ខ្សាច់ ការ​បំពុល​ទឹក ការ​បំផ្លាញ​ទន្លេ ឬ​សមុទ្រ ព័ត៌មាន​ពាក់ព័ន្ធ​នឹង​អំពើ​ពុករលួយ​ផ្សេងៗ ឬ​ក៏​ភស្តុតាង​ពាក់ព័ន្ធ​នឹង​ផល​ប្រយោជន៍​ជាតិ​ បង​ប្អូន​អាច​ទាក់ទង​ពួក​យើង​តាម​រយៈ​ទំព័រ​ហ្វេសប៊ុក​មាតា​ធម្មជាតិ ហើយ​យើង​សន្យា​ថា ​នឹង​​រក្សា​ភាព​អនាមិក​ជូន​បង​ប្អូន​ឱ្យ​បាន​ល្អ ជាពិសេស​សម្រាប់​មន្ត្រី​រាជការ ឬ​បុគ្គលិក​ក្រុមហ៊ុន​ដែល​ពាក់ព័ន្ធ។ សូម​ចូល​រួម​ជាមួយ​ពួក​យើង​ ដើម្បី​ការពារ​ធនធាន​ធម្មជាតិ​ដែល​នៅ​សេសសល់»។
23. 2020-09-06  ការចោទប្រកាន់ និងឃុំខ្លួន​យុវជន​មាតាធម្មជាតិ​៣នាក់​ ពីបទញុះញង់​ជាការបំភិតបំភ័យ​យុវជនផ្សេងទៀត​ ឲ្យលែងហ៊ាន​ធ្វើការងារ​សង្គម ចៅក្រមស៊ើបសួរ​សម្រេច​ឃុំខ្លួន​យុវជនទាំងបីរូប​នៅ​ពន្ធនាគារ។ យុវជន​ទាំងបីរូប ដែល​សកម្ម​ក្នុងរឿង​ការពារធនធាន​ធម្មជាតិ​មាន លោក ថុន រដ្ឋា ត្រូវឃុំខ្លួន​នៅ​មណ្ឌល​អប់រំកែប្រែ​ព្រៃសទី១​ឬម១ ចំណែក កញ្ញា ឡុង គន្ធា និង កញ្ញា ភួន កែវរស្មី ត្រូវឃុំ​នៅ​មណ្ឌល​អប់រំកែប្រែ​ព្រៃសទី២​ឬម២ បន្ទាប់​ព្រះរាជអាជ្ញា លោក គុជ គឹមឡុង បាន​ចោទ​ប្រកាន់​ពួកគេ​ទាំងបីនាក់​ពីបទ «ញុះញង់​បង្កឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម» តាម​មាត្រា៤៩៤ និង​មាត្រា៤៩៥​នៃ​ក្រម​ព្រហ្មទណ្ឌ នៅ​ថ្ងៃ​ទី០៦ ខែកញ្ញា។

ទី៨ ខែឧសភា ឆ្នាំ២០១៩​- ព្រះអង្គ ព្រហ្មធម្មជាតិ អ្នកវិភាគចៅចាក់ស្មុក៖ អង្គការមាតាធម្មជាតិជាបណ្តាញក្រុមចលនាវិទ្ធង្សនាប្រឆាំងនឹងកម្ពុជា បើទោះបីជាត្រូវបានបណ្តេញចេញ ចាប់បញ្ជូនទៅក្រៅប្រទេស ព្រមទាំងដាក់ឱ្យស្ថិតក្នុងបញ្ជីខ្មៅមិនអនុញ្ញាតឱ្យចូល​កម្ពុជាដោយសារតែប្រព្រឹត្តខុសច្បាប់​ក៏ដោយ ក៏អាឡិច ហ្គន់សាឡេស ដេវិតសុន ជាជនជាតិអេស្បាញដែលធ្លាប់សម្ងំស្វែងរកផលប្រយោជន៍ផ្ទាល់ខ្លួននៅប្រទេសកម្ពុជាចាប់តាំងពីឆ្នាំ២០០៦ ដល់ឆ្នាំ ២០១៥ ក្រោមស្លាក «អង្គការមាតាធម្មជាតិ» នៅតែបន្តសកម្មភាពសងសឹកប្រឆាំងនឹងកម្ពុជា តាមរយៈការញុះញង់បញ្ជាក្រុមយុវជនយុវនារីមួយចំនួន ដែលខ្លះជាសមាជិកមក​ពីចលនា​មាតាធម្មជាតិ ខ្លះមកពីក្រុមយុវជនអតីតសិស្សរបស់សពបណ្ឌិត កែម ឡី និងខ្លះទៀតជាយុវជនអតីតបក្សសង្គ្រោះជាតិ ធ្វើសកម្មភាពខុសច្បាប់ក្នុងចេតនាធ្វើវិទ្ធង្សនាប្រឆាំងនឹងកម្ពុជា។

ពួកគេផលិត និងផ្សព្វផ្សាយព័ត៌មានមិនពិត និងមានលក្ខណៈបំភ្លៃ បំផ្លើស បំភ័ន្តនិងបំប៉ោងទាក់ទងធនធានរ៉ៃ បរិស្ថាន ធនធានធម្មជាតិនៅក្នុងខេត្តកោះកុង ខេត្តព្រះសីហនុ និងខេត្តស្ទឹងត្រែងជាដើមបង្ហោះលើបណ្តាញទំនាក់ទំនងសង្គម និងចែកផ្សព្វផ្សាយដល់បណ្តាញព័ត៌មានដែលមាន​និន្នាការប្រឆាំងដែលមាន​វិទ្យុអាស៊ីសេរី និងវិទ្យុសំឡេងប្រជាធិបតេយ្យក្នុងន័យបំផ្លាញកិត្តិយសកម្ពុជាញុះញង់ឱ្យពលរដ្ឋស្អប់ និងប្រឆាំងនឹងអាជ្ញាធរមានសមត្ថកិច្ច ធ្វើសកម្មភាពប្រឆាំងនឹង​ការរីកចម្រើនរបស់ជាតិ ប្រឆាំងការវិនិយោគរបស់វិនិយោគិនជាតិ និងអន្តរជាតិនៅកម្ពុជា។ តើហេតុអ្វីបានជាជនជាតិអេស្បាញរូបនេះ បន្តការញុះញង់និងធ្វើសកម្មភាពប្រឆាំងនឹងកម្ពុជា?

ទី១៖ ដើម្បីការពារផលប្រយោជន៍ផ្ទាល់ខ្លួន៖ អាឡិច ហ្គន់សាឡេស ដេវិតសុនបានសហការជាមួយនឹង ភិក្ខុ ព្រហ្ម ធម្មជាតិ បង្កើតអង្គការឈ្មោះថា មាតាធម្មជាតិ និងស្នើសុំការចុះបញ្ជីនៅក្រសួងមហាផ្ទៃនៅខែកញ្ញា ឆ្នាំ ២០១៣ ឃ្លាំមើល ការពារធនធានធម្មជាតិ និងបរិស្ថានដោយធ្វើសកម្មភាពចាប់ផ្តើមពីតំបន់

ឱរ៉ាល់ និងតំបន់អារ៉ែង។ ទោះបីជា ភិក្ខុ ព្រហ្ម ធម្មជាតិ មានតួនាទីជាប្រធានអង្គការពិតមែន ប៉ុន្តែមិនអាចគ្រប់គ្រងអនុប្រធាន អាឡិច នេះបានឡើយទេ។ អាឡិច បានបោកប្រាស់យកភិក្ខុ ព្រហ្ម ធម្មជាតិ ឱ្យឈរឈ្មោះជាប្រធានអង្គការប៉ុន្តែរាល់សកម្មភាពផ្សេងៗគឺអាឡិច ជាអ្នកគ្រប់គ្រងនិងចាត់ចែង ហើយថែមទាំងបានដណ្តើមយកត្រារបស់អង្គការទៅប្រើប្រាស់ និងកាន់គណនីធនាគារសម្រាប់ទទួលជំនួយថែមទៀត។

អាឡិចក្នុងនាមជាអនុប្រធានអង្គការមាតាធម្មជាតិ បានធ្វើសកម្មភាពផ្ទុយនឹងលក្ខន្តិកៈរបស់អង្គការ និងបង្កការស្មុគស្មាញជាច្រើនដល់ថ្នាក់ដឹកនាំអង្គការ ព្រោះធ្វើ​សកម្មភាពបំពានច្បាប់ដូចជា ការរារាំងមន្ត្រីរាជរដ្ឋាភិបាលមិនឱ្យបំពេញការងារ នៅក្នុងដែនអធិបតេយ្យជាតិខ្មែរក្នុងតំបន់អារ៉ែងក្នុងខេត្តកោះកុង និងការ ញុះញង់ប្រជា​ពលរដ្ឋធ្វើសកម្មភាពប្រឆាំងនឹងអាជ្ញាធរសាធារណៈជាដើម។ ការធ្វើសកម្មភាពទាំងអស់នេះ ត្រូវបានគេជឿថា អាឡិចបានទទួលការគាំទ្រថវិកា​ពីប្រភពផ្សេងៗដើម្បី​បំពេញគោលដៅចម្បងរបស់គេ។ មានការសង្ស័យផងដែរថា អាឡិចបានកឹបកេងថវិកាម្ចាស់ជំនួយ និងធ្វើស្រែលើខ្នងក្រុមយុវជនមួយចំនួន ដែលផលិតវិដេអូឃ្លីប​តាមបញ្ជា និងការណែនាំរបស់ខ្លួនដោយវាយប្រហារមកលើអាជ្ញាធររាជរដ្ឋាភិបាលឱ្យកម្រៃតិចតួចបំផុត មិនអាចរស់បានឡើយ។

ក្រុមយុវជនទាំងនោះ ខ្លះបានត្អូញត្អែរពីការរកកម្រៃមិនបាន ច្រើនពីការបង់ថ្លៃពីការចេញវីដេអូឃ្លីបនេះ និងខ្លះថែមទាំងបានអំពាវនាវឱ្យមានការផ្តល់ជំនួយបន្ថែមដល់គេ។ ដូច្នេះទាំងអាឡិច និងក្រុមយុវជនដែលអះអាងខ្លួនថាជាសកម្មជនស្រឡាញ់ជាតិ ស្រឡាញ់បរិស្ថាន គឺគ្រាន់តែជាយកពាក្យទាំងនេះមកបិទបាំង​នឹងការស្វែងរកការ​គាំទ្រថវិកា សម្រាប់ខ្លួនតែប៉ុណ្ណោះ។ ប៉ុន្តែពួក គេហាក់ជាដូចធ្វើមែនទែនថាខ្លួនជាអ្នកយកចិត្តទុកដាក់លើបរិស្ថាន និងធនធានធម្មជាតិ និងអនាគតជាតិ ខ្លាំងសម្បើម​ណាស់។ តាមពិតគឺជាគីង្គក់លក់ថ្នាំស្រែងតែប៉ុណ្ណោះ! បើពួកគេគ្មានទទួលបានផលប្រយោជន៍ផ្ទាល់ខ្លួនទេ សូម្បីតែអាឡិច ក៏មិនខាំស្មៅដេកស៊ីកេរ​របស់អង្គការ​មាតាធម្មជាតិ ដែលត្រូវបានភិក្ខុ ព្រហ្ម ធម្មជាតិ ស្នើសុំរំលាយចោលនោះទេ។ ការប្រកាសរំលាយអង្គការមាតាធម្មជាតិពីថ្ងៃទី២៣ ខែសីហា ឆ្នាំ ២០១៧។ នេះជាចរិតពិតរបស់អាឡិច ដែលពលរដ្ឋមួយចំនួនឱ្យតម្លៃ ដោយខុសឆ្គងថាជាអ្នកការពារបរិស្ថានធនធានធម្មជាតិ ប៉ុន្តែគឺជាឈ្លើង​សង្គមដែលជញ្ជក់ផលប្រយោជន៍​ពីកម្ពុជាតែប៉ុណ្ណោះ។

ទី២៖ បន្តអនុវត្តផែនការបដិវត្តន៍ពណ៌នៅកម្ពុជា៖ ទោះបីជាគណបក្សសង្គ្រោះជាតិដែលជាអង្គការ ចាត់តាំងផ្នែនយោបាយនៃបដិវត្តន៍ពណ៌ត្រូវបានរំលាយក៏ដោយ ប៉ុន្តែផែនការចាស់របស់ពួកគេនៅតែបន្តអនុវត្ត ហើយពួកគេបានធ្វើសកម្មភាពដោយជ្រកនៅក្រោមស្លាកសមាគមនិងអង្គការក្រៅរដ្ឋាភិបាលមួយចំនួន។ ក្នុងក្រុមការងាររបស់អាឡិចបច្ចុប្បន្នត្រូវគេដឹងថាមានបណ្តុំដោយក្រុមយុវជនដែលមានការ ពាក់ព័ន្ធនឹងអតីតបក្សសង្គ្រោះជាតិ ដូចជា លឹម គីមស័រ ថុន រដ្ឋា ឡុង សុគន្ធា នឿន ដាវីន ផេង ស្រីសរ ហេង ពិសិដ្ឋ រាជព្រឹកអារ៉ែង ជាដើម។ ពួកគេបានប្រើប្រាស់រូបភាពជាអ្នកស្នេហាជាតិ ស្រឡាញ់បរិស្ថាន និងធនធានធម្មជាតិដើម្បីធ្វើសកម្មភាពដុតបញ្ឆេះ កំហឹងប្រជាពលរដ្ឋ ញុះញុង និងបង្កកំហឹង និងចលាចលរបស់ប្រជាពលរដ្ឋក្នុងសំណុំរឿងបរិស្ថាន និងធនធានធម្មជាតិ ក្រោមការបញ្ជាផ្ទាល់ពីជនដែលមិនត្រូវស្វាគមន៍ អាឡិច ហ្គន់សាឡេស ដេវិតសុន។

អាឡិចត្រូវបានគេដឹងថា មានទំនាក់ទំនងយ៉ាងជិតស្និទ្ធនឹងក្រុមប្រឆាំង ទាំងនៅក្នុងនិងក្រៅប្រទេសហើយបានធ្វើសកម្មភាពបំពេញទៅនឹងផែនការ ដែលក្រុមប្រឆាំងដាក់ចុះ គឺការឡើង គ្រប់គ្រងអំណាចមិនតាមបែបប្រជាធិបតេយ្យ។ ចំណុចមួយទៀត យុវនារីឈ្មោះ លីម គីមស័រ រួមនឹងយុវជនមួយចំនួនដែលកំពុងធ្វើសកម្មភាពក្រោមឆ័ត្រ អង្គការមាតាធម្មជាតិ ត្រូវបានគេស្គាល់ថាជាសកម្មជនរបស់អតីតគណបក្សសង្គ្រោះជាតិ ចូលរួមនៅក្នុងការឃោសនាបោះឆ្នោត និងសកម្មភាពផ្សេងៗ។ ដូច្នេះអ្វីដែលក្រុមយុវជន និងអាឡិច បានផលិតជាព័ត៌មានឬជាឃ្លីបវីដេអូឡើង ទោះបីពេលខ្លះជាការពិត ប៉ុន្តែពួកគេបានបង្កប់នូវទស្សនៈនយោបាយលម្អៀងមួយទៅរកក្រុមប្រឆាំង និងបម្រើមហិច្ឆតានយោបាយ របស់ក្រុមប្រឆាំង និងចៅហ្វាយនាយរបស់ពួកគេ។

ហេតុដូច្នេះហើយបានជាព័ត៌មាននិងវិដេអូឃ្លីបដែលពួកគេបានផ្សព្វផ្សាយ សុទ្ធតែបង្កប់ដោយការបំផ្លិចបំផ្លាញ រិះគន់មិនមែនដើម្បីស្ថាបនា ប៉ុន្តែជាការរិះគន់ ដើម្បីជាន់ពន្លិច និងបំផ្លាញទំនុកចិត្តប្រជាពលរដ្ឋមកលើអាជ្ញាធររាជរដ្ឋាភិបាល បន្ថែមពីផលប្រយោជន៍ ផ្សេងៗដែលពួកគេទទួលបានសម្រាប់ក្រុមនិងបក្ខពួកគេ។ ទោះបីជាអង្គការមាតាធម្មជាតិត្រូវបានស្នើសុំឱ្យរំលាយពីប្រធានរបស់ខ្លួនហើយក្តី ប៉ុន្តែអង្គការចាត់តាំងរបស់អង្គការនេះនៅតែដំណើរការដដែលក្រោមការបញ្ជាផ្ទាល់របស់អាឡិច និងមានអ្នកទទួលបញ្ជាដើម្បីអនុវត្តនៅកម្ពុជា។

ទី៣៖ ធ្វើសកម្មភាពវិទ្ធង្សនាប្រឆាំងនឹងកម្ពុជា៖ អាឡិចបានបញ្ចូលមនោគមវិទ្យាតួឯកនិយមដល់ក្រុមយុវជនរបស់ខ្លួនលើផ្នែកបរិស្ថាននិងធនធានធម្មជាតិ និងបានញុះញង់ឱ្យយុវជនទាំងនោះចេញមុខក្នុងការវាយប្រហាររិះគន់បែបជាន់ពន្លិចជាសាធារណៈ ខណៈខ្លួនបានដឹងច្បាស់ហើយថា សកម្មភាពដែល ក្រុមយុវជនបាននិងកំពុងធ្វើរាល់ថ្ងៃ គឺជាសកម្មភាពខុសច្បាប់ ព្រោះបានយកឈ្មោះអង្គការមាតាធម្មជាតិដែលគ្មានក្នុងបញ្ជីរបស់ក្រសួងមហាផ្ទៃ មកធ្វើសកម្មភាពបំភ័ន្តសាធារណៈមតិ។ ប៉ុន្តែវាជាចេតនារបស់អា ឡិចនិងក្រុមបក្សប្រឆាំងតែម្តង ដើម្បីទាញយកចំណេញនយោបាយ នៅក្នុងករណីអាជ្ញាធរចាត់វិធានការប្រឆាំងទង្វើល្មើសច្បាប់របស់ពួកគេដោយឃោសនាបែបវាយប្រហារលើប្រព័ន្ធផ្សាយរបស់ពួកគេថាជាការ រំលោភសិទ្ធិមនុស្ស និងបិទសិទ្ធិសេរីភាពជាដើម។ តាមពិតយុវជនយុវនារីទាំងអស់នេះគឺជាជនស្លូតត្រង់ ប៉ុន្តែត្រូវបានធ្វើអាជីវកម្មនយោបាយដោយក្រុមប្រឆាំងតាមរយៈ​អាឡិច ទៅលើយុវជនមួយចំនួនដែលបានស្រើបស្រាល និងពាក្យបញ្ជោរពាក្យសរសើរបង្កបដោយន័យនយោបាយរបស់អាឡិច និងក្រុមប្រឆាំងដែលមានគោលដៅច្បាស់លាស់គឺ ការផ្លាស់ប្តូររបបតាមបែបបដិវត្តន៍ពណ៌ដែលពួកគេបានបរាជ័យយ៉ាងអាម៉ាស់ ក្រោយបែកការណ៍តាមរយៈការទម្លាយរបស់ កឹម សុខា។

តាមពិតនៅក្នុងសង្គមមួយមិនអាចដំណើរការល្អឥតខ្ចោះនោះឡើយ តែងតែមានបញ្ហាកើតឡើង ហើយអាជ្ញាធររាជរដ្ឋាភិបាលកម្ពុជា បាននិងកំពុងដោះស្រាយបញ្ហា ប៉ុន្តែក្រុមប្រឆាំងនិងចៅហ្វាយនាយបរទេសរបស់ពួកគេមិនត្រូវកេងចំណេញនយោបាយ រហូតដល់យកបញ្ហាដែលកើតឡើងមក ដុតបញ្ឆេះកំហឹងពលរដ្ឋ បំភ័ន្តប្រជាពលរដ្ឋ ដើម្បីបម្រើគោលដៅនយោបាយខ្លួនឡើយ។ គ្មាននរណាស្រឡាញ់ខ្មែរជាងពលរដ្ឋ ខ្មែរខ្លួនឯងឡើយ ហើយអាឡិចដែលអះអាងថាស្រឡាញ់ខ្មែរក៏ដើម្បីតែផលប្រយោជន៍ផ្ទាល់ខ្លួនប៉ុណ្ណោះ។

កម្ពុជាឥឡូវនេះបានបោះជំហានមកជាប្រទេសដែលមានការអភិវឌ្ឍ មានកំណើនសេដ្ឋកិច្ច ប្រមាណ​៧,៥% ជារៀងរាល់ឆ្នាំ និងមានតួនាទីសំខាន់ទាំងនៅក្នុងតំបន់ និងនៅលើពិភពលោក ជាប្រទេស ស្មើសិទ្ធិ និងស្មើភាពជាមួយប្រទេសនានាលើសកលលោក សូមក្រុមប្រឆាំងរួមនឹងជនបរទេសមួយចំនួន គួរទុកឱ្យកម្ពុជាបានសុខ សន្តិភាព និងបន្តអភិវឌ្ឍជាតិ ពីព្រោះកម្ពុជាមានបទពិសោធឆ្អែតឆ្អន់រួចហើយនៃការជ្រៀតជ្រែករបស់បរទេសក្នុងកិច្ចការផ្ទៃក្នុង និងសូមពលរដ្ឋដែលមាននិន្នាការ ប្រឆាំងកុំងុបងុល និងកុំ ជឿបរទេសពេក ព្រោះជម្រើសតាមក្រុមជនបរទេសកាលពីអតីតកាល កម្ពុជាមិនដែលមានវាសនាល្អនោះទេ សន្តិភាពរបស់កម្ពុជាបាន ត្រឹមជាង ១០ឆ្នាំប៉ុណ្ណោះក៏វិលទៅរកសេចក្តីវិនាសហិនហោចដោយសារតែក្រុមប្រឆាំង និងបណ្តាញក្រុមវិទ្ធង្សនាដែលធ្វើ សកម្មភាពដូចសព្វថ្ងៃនេះ។ ដូច្នេះ កម្ពុជាមិនត្រូវការក្រុមជនបំផ្លាញជាតិ ធ្វើវិទ្ធង្សនាដូចក្រុមអាឡិច និងក្រុមប្រឆាំងក្បត់ជាតិរត់ចោលស្រុកឡើយ ហើយរាជរដ្ឋាភិបាលបានព្រមានរួចជាស្រេចហើយថា ទោះក្នុងតម្លៃណាក៏ដោយ នឹងមិនអនុញ្ញាតឱ្យក្រុមជនមួយក្តាប់តូច ធ្វើវិទ្ធង្សនាប្រឆាំងកម្ពុជា បំផ្លាញសន្តិភាព ការអភិវឌ្ឍដែលកម្ពុជារកបានដោយពិបាកនេះជាដាច់ខាត៕

ដោយ៖ ចៅចាក់ស្មុក  រាជធានីភ្នំពេញ ថ្ងៃទី៨ ខែឧសភា ឆ្នាំ២០១៩

BAYON Radio មេក្លោងដឹកនាំធ្វើបាតុកម្មខុសច្បាប់ម្នាក់ទៀតហើយត្រូវចាប់ខ្លួន ភ្នំពេញៈ សមត្ថកិច្ចបានចាប់ខ្លួនស្ត្រីដែលជាមេក្លោងដឹកនាំធ្វើបាតុកម្មខុសច្បាប់ និងបង្កភាពវឹកវរធ្ងន់ធ្ងរដល់សន្តិសុខសង្គម ដោយដើរហែរក្បួនស្រែកតវ៉ាទាមទារពីទីលានប្រជាធិបតេយ្យមកស្ថានទូតអាមេរិកប្រចាំកម្ពុជា កាលពីព្រឹកថ្ងៃទី៧ ខែកញ្ញា ឆ្នាំ២០២០។

ក្នុងអំឡុងពេល​ប៉ះទង្គិច​គ្នា​នោះ កញ្ញា ឈឿន ដារ៉ា​វី អាយុ២៩ឆ្នាំ បាន​អះអាង​ថា ក្រុម​សន្តិសុខ​ខណ្ឌ បាន​ទាញ​យក​កាបូប​របស់​គាត់​ទៅបាត់ ដោយ​ក្នុង​កា​បូ​បនោះ​មាន​លុយ​និង​សម្ភារ​មួយចំនួន ទើប​នៅ​រសៀល​នេះពួក​គេ​នៅ​បន្ត​រង់​ចាំ​នៅមុខ​សាលាដំបូង​រាជធានី​ភ្នំពេញ ដើម្បី​ទាមទារ​យក​កាបូប​នោះ​មកវិញ​៕

ក្រុមយុវជន ចលនាខ្មែរថាវរៈ ជាក្រុម ១​ ចំំណោមជាង ២០០ ក្រុម។

សេចក្តីថ្លែងការណ៍នេះគាំទ្រដោយ៖

១. សហគមន៍កៅពីរ (ភ្នំពេញ)

២. សហគមន៍ ១០៤ (ភ្នំពេញ)

៣. សហគមន៍១០៥ (ភ្នំពេញ)

៤. សហគមន៍ដីធ្លី ១៩៧ (កោះកុង)

៥. សហគមន៍ដីធ្លី២៩៧ (កោះកុង)

៦. សហគមន៍១៨៥K ទីតាចំបក់ធំ (កំពង់ឆ្នាំង)

៧. ក្រុមការងារដើម្បីដោះស្រាយទំនាស់ (ACT)

៨. សហគមន៍អន្លង់រុន (បាត់ដំបង)

៩. សហគមន៍អណ្តូងថ្ម (ព្រះសីហនុ)

១០. សហគមន៍អង្គស្វាយ (កំពត)

១១. សហគមន៍អភិវឌ្ឍន៍ថ្មី (ភ្នំពេញ)

១២. សហគមន៍ជនជាតិដើមភាគតិចអារ៉ែង (កោះកុង)

១៣. សមាគមអ្នកបម្រើការងារតាមផ្ទះ (AWD)

១៤. សមាគមគាំពារស្ពឺងាយរងគ្រោះ (ASVW)

១៥. សហគមន៍បាតខ្ទះ (ព្រះសីហនុ)

១៦. សហគមន៍បន្ទាយស្រី (ភ្នំពេញ)

១៧. អង្គការបន្ទាយស្រី

១៨. សហគមន៍ប្លកកាន់វ៉ាថ្មី (ភ្នំពេញ)

១៩. សហគមន៍បឹងឈូក (ភ្នំពេញ)

២០. សហគមន៍បឹងឈូក A (ភ្នំពេញ)

២១. សហគមន៍បឹងឈូកមានជ័យថ្មី១ (ភ្នំពេញ)

២២. សហគមន៍បឹងឈូកនិរោធ (ភ្នំពេញ)

២៣. សហគមន៍បឹងកក់ (កំពង់ឆ្នាំង)

២៤. សហគមន៍បឹងប្រាំ (បាត់ដំបង)

២៥. សហគមន៍បុស្សស្អំ (បាត់ដំបង)

២៦. សហគមន៍បុស្សស្មោះ (កំពង់ចាម)

២៧. សហគមន៍បុរីកីឡា (ភ្នំពេញ)

២៨. សហគមន៍បុរីសន្តិភាព (ភ្នំពេញ)

២៩. សហគមន៍ប្រស្រែ (ព្រៃវែង)

៣០. អង្គការព្រះពុទ្ធសាសនាសម្រាប់សន្តិភាព (BPO)

៣១. អង្គការអភិវឌ្ឍន៍សម្លេងសហគមន៍ (BCV)

៣២. សហព័ន្ធសហជីពកម្មករសំណង់ និងព្រៃឈើកម្ពុជា(BWTUC)

៣៣. សម្ព័ន្ធសហជីពកម្ពុជា (CATU)

៣៤. មជ្ឈមណ្ឌលសិទ្ធិមនុស្សកម្ពុជា (CCHR)

៣៥. អនាគតយុវជនកម្ពុជាអាស៊ាន (CamASEAN)

៣៦. បណ្តាញកម្មករធ្វើការតាមផ្ទះកម្ពុជា (CDWN)

៣៧. សហព័ន្ធសហជីពកម្មករចំណីអាហារ និងសេវាកម្មកម្ពុជា (CFSWF)

៣៨. សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា អាដហុក (ADHOC)

៣៩. សមាគមមន្ត្រីរាជការឯករាជ្យកម្ពុជា (CICA)

៤០. សមាគមកម្មករកម្ពុជាសេដ្ឋកិច្ចក្រៅប្រព័ន្ធ (CIWA)

៤១. សមាគមគ្រូបង្រៀនកម្ពុជាឯករាជ្យ (CITA)

៤២. សហភាពការងារកម្ពុជា (CLC)

៤៣. សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO)

៤៤. សហព័ន្ធសហជីពវិស័យទេសចរណ៍សេវកម្មកម្ពុជា (CFSWF)

៤៥. សហព័ន្ធសហជីពកម្មករនិយោជិតវិស័យទេសចរណ៍កម្ពុជា (CTWUF)

៤៦. បណ្ដាញព្រះសង្ឃយុវជនកម្ពុជា (CYMN)

៤៧. បណ្តាញយុវជនកម្ពុជា (CYN)

៤៨. មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (CENTRAL)

៤៩. សហគមន៍ដីធ្លីចក្រី (បន្ទាយមានជ័យ)

៥០. សហគមន៍ចម្រើន (ភ្នំពេញ)

៥១. សហគមន៍ចង្កម ១ (ត្បូងឃ្មុំ)

៥២. សហគមន៍ចង្កមកណ្តាល (ត្បូងឃ្មុំ)

៥៣. សហគមន៍ដីធ្លីសាមគ្គីចេកមាស (ស្វាយរៀង)

៥៤. សហគមន៍ឆេកូ (ភ្នំពេញ)

៥៥. សហគមន៍ជើងឯកក្រម ៣ (ភ្នំពេញ)

៥៦. សហគមន៍ជើងឯកក្រម ៤ (ភ្នំពេញ)

៥៧. សហគមន៍ជើងព្រៃ (កំពង់ចាម)

៥៨. សហគមន៍ដីធ្លីជីខក្រោម (កោះកុង)

៥៩. សហគមន៍ដីធ្លីជីខលើ (កោះកុង)

៦០. សហគមន៍ឈូកស (ភ្នំពេញ)

៦១. សហគមន៍ជាំក្ររៀន (កំពង់ចាម)

៦២. សហគមន៍ជនជាតិដើមភាគតិចច្រាយ (រតនៈគិរី)

៦៣. សហគមន៍ចុងអំពុល (ព្រៃវែង)

៦៤. សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (C.CAWDU)

៦៥. សហគមន៍ សេ អឹ ប្រាំ (ព្រះសីហនុ)

៦៦. សម្ព័ន្ធសហគមន៍កសិករកម្ពុជា (CCFC)

៦៧. គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា (COMFREL)

៦៨. សហគមន៍ទ្រទ្រង់ធនធានធម្មជាតិ (ពោធិ៍សាត់)

៦៩. សហគមន៍ដើមមភ្លៅ (ភ្នំពេញ)

៧០. សហគមន៍ដកព័រ (កំពង់ស្ពឺ)

៧១. សហគមន៍តំបែរ (ត្បូងឃ្មុំ)

៧២. អង្គការសមធម៌កម្ពុជា (EC)

៧៣. សហគមន៍នេសាទ (កោះកុង)

៧៤. សហគមន៍នេសាទអភិរក្សអភិវឌ្ឍន៍ធនធានជលផលកន្លែងភេ (កំពង់ឆ្នាំង)

៧៥. សហគមន៍អភិរក្សព្រៃឈើជីវៈចំរុះ (ស្វាយរៀង)

៧៦. សហគមន៍ព្រៃឈើ និង ធនធានធម្មជាតិ (ពោធិ៍សាត់)

៧៧. សហគមន៍អភិរក្សអភិវឌ្ឍន៍ធនធានព្រៃឈើ (កំពង់ឆ្នាំង)

៧៨. សហគមន៍ហោងសំណ៌ (កំពង់ស្ពឺ)

៧៩. ក្រុមយុវជនជនជាតិដើមភាគតិច (រតនៈគិរី)

៨០. សមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ (IDEA)

៨១. បណ្ដាញព្រះសង្ឃ ឯករាជ្យដើម្បីយុត្តិធម៌សង្គម (IMNSJ)

៨២. សហព័ន្ធសហជីពឯករាជ្យ (INTUFE)

៨៣. សហគមន៍កុំប្រើស (ត្បូងឃ្មុំ)

៨៤. សហគមន៍ក្បាលហុងទឹក (ព្រះសីហនុ)

៨៥. សហគមន៍ព្រៃឈើក្បាលទាហ៊ាន (ពោធិ៍សាត់)

៨៦. សហគមន៍ឃុំស្រករជ្រូកឬស្សី (កំពង់ធំ)

៨៧. ខ្មែរថាវរៈ KT

៨៨. សហគមន៍ឃុំដា (កំពង់ចាម)

៨៩. សហគមន៍ខ្វា (ភ្នំពេញ)

៩០. សហគមន៍ឃ្លាំងទឹក៧៨ (សៀមរាប)

៩១, សហគមន៍កុកតារៀ (តាកែវ)

៩២. សហគមន៍ដីធ្លីកោះស្ដេច (កោះកុង)

៩៣. សហគមន៍នេសាទកោះស្រឡៅ (កោះកុង)

៩៤. សហគមន៍ក្រីក្រ (ភ្នំពេញ)

៩៥. សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនកាស៊ីណូ ណាហ្គាវើល

៩៦. សហគមន៍ដីធ្លី (ប៉ៃលិន)

៩៧. សហគមន៍លំទូក (សៀមរាប)

៩៨. សហគមន៍ឡពាង (កំពង់ឆ្នាំង)

៩៩. សហគមន៍មានជ័យ (ស្វាយរៀង)

១០០. អង្គការការពារសិទ្ធិជនជាតិដើមភាគតិច (MIRO)

១០១. មាតាធម្មជាតិកម្ពុជា (MNC)

១០២. បណ្តាញអ្នកការពារព្រៃឡង់ ឃុំមានរិទ្ធិ ស្រុកសណ្តាន់ (កំពង់ធំ)

១០៣. គណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា (NICFEC)

906. Not 1 More (N1M)

១០៥. សហគមន៍អមលាំង (កំពង់ស្ពឺ)

១០៦. សហគមន៍ដីធ្លីអូរអំពិល (បន្ទាយមានជ័យ)

១០៧. សហគមន៍អូរឈើទាល (ព្រះសីហនុ)

១០៨. សហគមន៍អូរដំរី (ព្រះសីហនុ)

១០៩. សហគមន៍អូរកម្ពុជា (ព្រះសីហនុ)

១១០. សហគមន៍អូរខ្សាច់ (ព្រះសីហនុ)

១១១. សហគមន៍អូរត្រជាក់ចិត្ត (ព្រះសីហនុ)

១១២. សហគមន៍អូរវល្លិ៍ព្រេង (បាត់ដំបង)

១១៣. អង្គការស្ពានសន្តិភាព (PBO)

១១៤. សហគមន៍ពាមរស់ (កំពង់ស្ពឺ)

១១៥. មជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាព (PCDP)

១១៦. សហគមន៍ភ្នំបាត (ភ្នំពេញ)

១១៧. សហគមន៍ភ្នំក្រោម (សៀមរាប)

១១៨. សហគមន៍ភ្នំទទឹង (កំពត)

១១៩. សហគមន៍ភ្នំត្នោត (កំពត)

១២០. សហគមន៍ភ្នំស្លឹក (បាត់ដំបង)

១២១. សហគមន៍ដីធ្លីភូមិផ្សារកណ្តាល (បន្ទាយមានជ័យ)

១២២. សហគមន៍ភូមិ ៣ (ភ្នំពេញ)

១២៣. សហគមន៍ភូមិ ១៧ (ភ្នំពេញ)

១២៤. សហគមន៍ភូមិ ២១ (ភ្នំពេញ)

១២៥. សហគមន៍ភូមិអណ្តូង (ភ្នំពេញ)

១២៦. សហគមន៍ភូមិបាគូ (ភ្នំពេញ)

១២៧. សហគមន៍ភូមិបរឡយ (រតនៈគិរី)

១២៨. សហគមន៍ភូមិដីឆ្នាំង (កំពង់ស្ពឺ)

១២៩. សហគមន៍ភូមិកោះនរា (ភ្នំពេញ)

១៣០. សហគមន៍ភូមិព្រែកពន្លា (ភ្នំពេញ)

១៣១. សហគមន៍ភូមិសមុទ្រក្រោម (រតនៈគិរី)

១៣២. សហគមន៍ដីធ្លីភូមិសិលាខ្មែរ (បន្ទាយមានជ័យ)

១៣៣. សហគមន៍ដីធ្លីភូមិអូរស្វាយ (បន្ទាយមានជ័យ)

១៣៤. សហគមន៍ភូមិទឹកថ្លា (ភ្នំពេញ)

១៣៥. អង្គការពន្លកខ្មែរ (PKH)

១៣៦. សហគមន៍ដីធ្លីព្រែកខ្សាច់ (កោះកុង)

១៣៧. សហគមន៍ព្រែកតាគង់៣ (ភ្នំពេញ)

១៣៨. សហគមន៍ព្រែកតាគង់៦០ម៉ែត (ភ្នំពេញ)

១៣៩. សហគមន៍ព្រែកតាដូវ (ភ្នំពេញ)

១៤០. សហគមន៍ព្រែកតានូ (ភ្នំពេញ)

១៤១. សហគមន៍ព្រែកត្រៃ (ភ្នំពេញ)

១៤២. សហគមន៍ព្រៃឈើអូរដំដែក (កំពង់ធំ)

១៤៣. សហគមន៍ព្រៃឡង់ (កំពង់ធំ)

១៤៤. សហគមន៍នេសាទព្រៃពាយ (កំពត)

១៤៥. សហគមន៍ព្រៃឈើពេជ្រចង្វារល្អឆើត (កំពង់ឆ្នាំង)

១៤៦. សហគមន៍ពន្លឺខេមរា (ភ្នំពេញ)

១៤៧. សហគមន៍ទន្លង (កំពង់ចាម)

១៤៨. សហគមន៍ផ្លូវរថភ្លើង (ភ្នំពេញ)

១៤៩. សហគមន៍រស្មីសាមគ្គី (កំពង់ស្ពឺ)

១៥០. សហគមន៍ព្រៃឈើរតនៈរុក្ខា (ឧត្តរមានជ័យ)

១៥១. សហគមន៍រីកចម្រើន (ភ្នំពេញ)

១៥២. សហគមន៍រលួសជើងឯក (ភ្នំពេញ)

១៥៣. សហគមន៍រំដួលស្វាយរៀង (ស្វាយរៀង)

១៥៤. សហគមន៍រួមមិត្ត (ភ្នំពេញ)

១៥៥. សហគមន៍ដីធ្លីរំចេក (សៀមរាប)

១៥៦. អង្គការគាំទ្របច្ចេកវិទ្យានៅជនបទក្នុងប្រទេសកម្ពុជា (RCTSO)

១៥៧. សហគមន៍ឬស្សីស្រស់ (ភ្នំពេញ)

១៥៨. សមាគមធាងត្នោង (STT)

១៥៩. សហគមន៍សាមគ្គី៤ (ភ្នំពេញ)

១៦០. សហគមន៍សាមគ្គីរមាសហែក (ស្វាយរៀង)

១៦១. សហគមន៍សាមគ្គីរុងរឿង (ភ្នំពេញ)

១៦២. អង្គការសាមគ្គី

១៦៣. សហគមន៍សំរោងមានជ័យ (ភ្នំពេញ)

១៦៤. សហគមន៍សំរោងត្បូង (ភ្នំពេញ)

១៦៥. សហគមន៍នេសាទស្តីក្រោម (បាត់ដំបង)

១៦៦. សហគមន៍ស៊ាង ហ្វូង (ព្រៃវែង)

១៦៧. សហគមន៍ស្តីឃ្លាំងសាំង (ភ្នំពេញ)

១៦៨. សហគមន៍សែនរីករាយ (ភ្នំពេញ)

១៦៩. សហគមន៍ស្មរស្មាន (ភ្នំពេញ)

១៧០. សហគមន៍នេសាទសម្រស់កោះស្ដេច (កោះកុង)

១៧១. សហគមន៍ SOS ព្រលានយន្តហោះអន្តរជាតិភ្នំពេញ

១៧២. សហគមន៍ស្ពានឆេះ (ព្រះសីហនុ)

១៧៣. សហគមន៍ព្រៃឈើទេសចរណ៍ទឹកធ្លាក់ស្រែអំពិល (កំពង់ឆ្នាំង)

១៧៤. សហគមន៍ស្រែប្រាំង (ត្បូងឃ្មុំ)

១៧៥. សហគមន៍ភូមិស្ទឹងបត់ (បន្ទាយមានជ័យ)

១៧៦. សហគមន៍ធនធានព្រៃឈើស្ទឹងខ្សាច់ស (កំពង់ឆ្នាំង)

១៧៧. សហគមន៍ស្ទឹងមានជ័យ (ភ្នំពេញ)

១៧៨. សហគមន៍ដីធ្លីតានី (សៀមរាប)

១៧៩. សហគមន៍ដីធ្លីតានូន (កោះកុង)

១៨០. សហគមន៍តាពេន (សៀមរាប)

១៨១. គណៈកម្មាធិការនៃអង្គការមិនមែនរដ្ឋាភិបាលដើម្បីលុបបំបាត់រាល់ទម្រង់រើសអើងលើស្ត្រីភេទ

(NGO-CEDAW)

១៨២. សហគមន៍ថ្មដា (ពោធិ៍សាត់)

១៨៣. សហគមន៍ថ្មធំ (ព្រះសីហនុ)

១៨៤. សហគមន៍ថ្មគោល (ភ្នំពេញ)

១៨៥. សហគមន៍ដីធ្លីខ្ទង់ (កោះកុង)

១៨៦. សហគមន៍ទួលរ៉ាដា (ភ្នំពេញ)

១៨៧. សហគមន៍ទួលសំបូរអភិវឌ្ឍន៍ (ភ្នំពេញ)

១៨៨. សហគមន៍ទួលសង្កែ A (ភ្នំពេញ)

១៨៩. សហគមន៍ទួលសង្កែ B (ភ្នំពេញ)

១៩០. សហគមន៍ត្រពាំងអញ្ចាញ (ភ្នំពេញ)

១៩១. សហគមន៍ត្រពាំងជោរ (កំពង់ស្ពឺ)

១៩២. សហគមន៍ត្រពាំងក្រសាំង (សៀមរាប)

១៩៣. សហគមន៍ត្រពាំងសង្កែ (ភ្នំពេញ)

១៩៤. សហគមន៍ត្រពាំងរាំង (ភ្នំពេញ)

១៩៥. សហគមន៍ត្រពាំងរពៅ (កំពត)

១៩៦. សហជីពសេវាកម្មកម្មករនិយោជិតនៃមជ្ឈមណ្ឌលម៉ាស្សាអាឡាស្កា (USWAMC)

១៩៧. សហជីពកម្មករសេវាកម្មនៃក្រុមហ៊ុនឈហ្វរ្ម័ន(ខេមបូឌា) លីមីតធីតសៀមរាប (USWAMC)

១៩៨. សហជីពប្រជាធិបតេយ្យកម្មករនៃក្រុមហ៊ុនស្រាបៀរអង្គរ

១៩៩. សហជីពកម្មករចំណីអាហារ និងសេវាកម្មនៃក្រុមហ៊ុន ខេមបូឌា ដេវេរេដ ខេមប៉ានី លីមីតធីត

២០០. សមាគមឥន្ទ្រទេវី (IDA)

២០១. សកម្មភាពដើម្បីបរិស្ថាន និងសហគមន៍ (AEC)